← Library

Casina

Perseus Latin · Perseus Latin · 1,277 sections

1. prologue.pr.1

   Salvere iubeo spectatores optumos,

2. prologue.pr.2

   fidem qui facitis maxumi, et vos Fides.

3. prologue.pr.3

   si verum dixi, signum clarum date mihi,

4. prologue.pr.4

   ut vos mi esse aequos iam inde a principio sciam.

5. prologue.pr.5

   qui utuntur vino vetere sapientis puto

6. prologue.pr.6

   et qui libenter veteres spectant fabulas;

7. prologue.pr.7

   atque antiqua opera et verba cum vobis placent,

8. prologue.pr.8

   aequom est placere ante alias veteres fabulas:

9. prologue.pr.9

   nam nunc novae quae prodeunt comoediae

10. prologue.pr.10

    multo sunt nequiores quam nummi novi.

11. prologue.pr.11

    nos postquam populi rumore intelleximus

12. prologue.pr.12

    studiose expetere vos Plautinas fabulas,

13. prologue.pr.13

    antiquam éius edimus comoediam,

14. prologue.pr.14

    quam vos probastis qui estis in senioribus;

15. prologue.pr.15

    nam iuniorum qui sunt non norunt, scio;

16. prologue.pr.16

    verum ut cognoscant dabimus operam sedulo.

17. prologue.pr.17

    haec cum primum acta est, vicit omnis fabulas.

18. prologue.pr.18

    ea tempestate flos poetarum fuit,

19. prologue.pr.19

    qui nunc abierunt hinc in communem locum.

20. prologue.pr.20

    sed tamen absentes prosunt pro praesentibus.

21. prologue.pr.21

    vos omnes opere magno esse oratos volo,

22. prologue.pr.22

    benigne ut operam detis ad nostrum gregem.

23. prologue.pr.23

    eicite ex animo curam atque alienum aes

24. prologue.pr.24

    ne quis formidet flagitatorem suom:

25. prologue.pr.25

    ludi sunt, ludus datus est argentariis;

26. prologue.pr.26

    tranquillum est, Alcedonia sunt circum forum:

27. prologue.pr.27

    ratione utuntur, ludis poscunt neminem,

28. prologue.pr.28

    secundum ludos reddunt autem nemini.

29. prologue.pr.29

    aures vocivae si sunt, animum advortite:

30. prologue.pr.30

    comoediai nomen dare vobis volo.

31. prologue.pr.31

    Clerumenoe vocatur haec comoedia

32. prologue.pr.32

    graece, latine Sortientes. Deiphilus

33. prologue.pr.33

    hanc graece scripsit, post id rursum denuo

34. prologue.pr.34

    latine Plautus cum latranti nomine.

35. prologue.pr.35

    senex híc maritus habitat; éi est filius,

36. prologue.pr.36

    is una cum patre in illisce habitat aedibus.

37. prologue.pr.37

    est éi quidam servos, qui in morbo cubat,

38. prologue.pr.38

    immo hercle vero in lecto, ne quid mentiar;

39. prologue.pr.39

    is servos, sed abhinc annos factum est sedecim,

40. prologue.pr.40

    quom conspicatust primulo crepusculo

41. prologue.pr.41

    puellam exponi. adít extemplo ad mulierem

42. prologue.pr.42

    quae illam exponebat, orat ut eam det sibi:

43. prologue.pr.43

    exorat, aufert; detulit recta domum,

44. prologue.pr.44

    dat erae suae, orat ut eam curet, educet.

45. prologue.pr.45

    era fecit, educavit magna industria,

46. prologue.pr.46

    quasi si esset ex se nata, non multo secus.

47. prologue.pr.47

    postquam ea adolevit ad eam aetatem, ut viris

48. prologue.pr.48

    placere posset, eam puellam hic senex

49. prologue.pr.49

    amat efflictim, et item contra filius.

50. prologue.pr.50

    nunc sibi utérque contra legiones parat,

51. prologue.pr.51

    paterque filiusque, clam alter alterum:

52. prologue.pr.52

    pater adlegavit vilicum, qui posceret

53. prologue.pr.53

    sibi istánc uxorem: is sperat, si ei sit data,

54. prologue.pr.54

    sibi fore paratas clam uxorem excubias foris;

55. prologue.pr.55

    filius is autem armigerum adlegavit suom,

56. prologue.pr.56

    qui sibi eam uxorem poscat: scit, si id impetret,

57. prologue.pr.57

    futurum quod amat intra praesepis suas.

58. prologue.pr.58

    senis uxor sensit virum amóri operam dare,

59. prologue.pr.59

    propterea úna consentit cum filio.

60. prologue.pr.60

    ille autem postquam filium sensit suom

61. prologue.pr.61

    eandem illam amare et esse ímpedimento sibi,

62. prologue.pr.62

    hinc adulescentem peregre ablegavit pater;

63. prologue.pr.63

    sciens ei mater dat operam absenti tamen.

64. prologue.pr.64

    is, ne exspectetis, hodie in hac comoedia

65. prologue.pr.65

    in urbem non redibit: Plautus noluit,

66. prologue.pr.66

    pontem interrupit, quí erat ei in itinere.

67. prologue.pr.67

    sunt hic, inter se quos nunc credo dicere:

68. prologue.pr.68

    “quaeso hercle, quíd istuc est? serviles nuptiae?

69. prologue.pr.69

    servin uxorem ducent aut poscent sibi?

70. prologue.pr.70

    novom attulerunt, quod fit nusquam gentium.”

71. prologue.pr.71

    at ego aio id fieri in Graecia et Carthagini,

72. prologue.pr.72

    et hic in nostra terra † in Apulia;

73. prologue.pr.73

    maioreque opere ibi serviles nuptiae

74. prologue.pr.74

    quam liberales etiam curari solent;

75. prologue.pr.75

    id ni fit, mecum pignus si quis volt dato

76. prologue.pr.76

    in urnam mulsi, Poenus dum iudex siet

77. prologue.pr.77

    vel Graecus adeo, vel mea causa Apulus.

78. prologue.pr.78

    quid nunc? nihil agitis? sentio, nemo sitit.

79. prologue.pr.79

    revortar ád illam puellam éxpositiciam:

80. prologue.pr.80

    quam servi summa vi sibi uxorem expetunt,

81. prologue.pr.81

    ea invenietur et pudica et libera,

82. prologue.pr.82

    ingenua Atheniensis, neque quicquam stupri

83. prologue.pr.83

    faciet profecto in hac quidem comoedia.

84. prologue.pr.84

    mox hercle vero, post transactam fabulam,

85. prologue.pr.85

    argentum si quis dederit, ut ego suspicor,

86. prologue.pr.86

    ultro ibit nuptum, non manebit auspices.

87. prologue.pr.87

    tantum est. valete, bene rem gerite et vincite

88. prologue.pr.88

    virtute vera, quod fecistis antidhac.

89. 1.1.89

    Non mihi licere meam rem me solum, ut volo,

90. 1.1.90

    loqui atque cogitare, sine ted arbitro?

91. 1.1.91

    quid tu, malum, me sequere?

92. 1.1.91b

    Quia certum est mihi,

93. 1.1.92

    quasi umbra, quoquo tu ibis, te semper sequi;

94. 1.1.93

    quin edepol etiam si in crucem vis pergere,

95. 1.1.94

    sequi decretumst. dehinc conicito ceterum,

96. 1.1.95

    possisne necne clam me sutelis tuis

97. 1.1.96

    praeripere Casinam uxorem, proinde ut postulas.

98. 1.1.97

    Quid tibi negotist mecum?

99. 1.1.97b

    Quid ais, impudens?

100. 1.1.98

     quid in urbe reptas, vilice haud magni preti?

Next → — showing 1–100 of 1,277

Perseus Latin. CTS URN phi0119.phi006.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.