Aulularia

Perseus Latin · Perseus Latin · 1,014 sections

4.1.604
eam ero nunc renuntiatum est nuptum huic Megadoro dari.
4.1.605
is speculatum huc misit me, ut quae fierent fieret particeps.
4.1.606
nunc sine omní suspicione in ara hic adsidam sacra;
4.1.607
hinc ego et huc et illuc potero quid agant arbitrarier.
4.2.608
Tu modo cave quoiquam indicassis aurum meum esse istic, Fides:
4.2.609
non metuo ne quisquam inveniat, ita probe in latebris situmst.
4.2.610
edepol ne illic pulchram praedam agát, si quis illam invenerit
4.2.611
aulam onustam auri; verum id te quaeso ut prohibessis, Fides.
4.2.612
nunc lavabo, ut rem divinam faciam, ne affinem morer
4.2.613
quin ubi accersát meam extemplo filiam ducat domum.
4.2.614
vide, Fides, etiam atque etiam nunc, salvam ut aulam abs te auferam:
4.2.615
tuae fide concredidi aurum, in tuo luco et fano est situm.—
4.2.616
Di immortales, quod ego hunc hominem facinus audivi loqui:
4.2.617
se aulam onustam auri abstrusisse hic intus in fano Fide.
4.2.618
cave tu illi fidelis, quaeso, potius fueris, quam mihi.
4.2.619
atque hic pater est, ut ego opinor, huius, erus quám amat, virginis.
4.2.620
ibo hinc intro, perscrutabor fanum, si inveniam uspiam
4.2.621
aurum, dúm hic est occupatus. sed si repperero, o Fides,
4.2.622
mulsi congialem plenam faciam tibi fideliam.
4.2.623
id adeo tibi faciam; verum ego mihi bibam, ubi id fecero.—
4.3.624
Non temere est quod corvos cantat mihi nunc ab laeva manu;
4.3.625
semul radebat pedibus terram et voce croccibat sua:
4.3.626
continuo meum cor coepit artem facere ludicram
4.3.627
atque in pectus emicare. sed ego cesso currere?
4.4.628
I foras, lumbrice, qui sub terra erepsisti modo,
4.4.629
qui modo nusquam comparebas, nunc, cum compares, peris.
4.4.630
ego pol te, praestrigiator, miseris iam accipiam modis.
4.4.631
Quae te mala crux agitat? quid tibi mecum est commerci, senex?
4.4.632
quid me adflictas? quid me raptas? qua me causa verberas?
4.4.633
Verberabilissime, etiam rogitas, non fur, sed trifur?
4.4.634
Quid tibi súrrupui?
4.4.634b
Redde huc sis.
4.4.634c
Quid tibi vis reddam?
4.4.634d
Rogas?
4.4.635
Nil equidem tibi abstuli.
4.4.635b
At illud quod tibi abstuleras cedo.
4.4.636
ecquid agis?
4.4.636b
Quid agám?
4.4.636c
Auferre non potes.
4.4.636d
Quid vis tibi?
4.4.637
Pone.
4.4.637b
Id quidem pol te datare credo consuetum, senex.
4.4.638
Pone hoc sis, aufer cavillam, non ego nunc nugas ago.
4.4.639
Quid ego ponam? quin tu eloquere quidquid est suo nomine.
4.4.640
non hercle equidem quicquam sumpsi nec tetigi.
4.4.640b
Ostende huc manus.
4.4.641
Em tibi, ostendi, eccas.
4.4.641b
Video. age ostende etiam tertiam.
4.4.642
Laruae hunc atque intemperiae insaniaeque agitant senem.
4.4.643
facisne iniuriam mihi?
4.4.643b
Fateor, quia non pendes, maximam.
4.4.644
atque id quoque iam fiet, nisi fatere.
4.4.644b
Quid fatear tibi?
4.4.645
Quid abstulisti hinc?
4.4.645b
Di me perdant. si ego tui quicquam abstuli
4.4.646
nive adeo abstulisse vellem.
4.4.646b
Agedum, excutedum pallium.
4.4.647
Tuo arbitratu.
4.4.647b
Ne inter tunicas habeas.
4.4.647c
Tempta qua lubet.
4.4.648
Vah, scelestus quam benigne: ut ne abstulisse intellegam.
4.4.649
novi sycophantias. age rusum óstende huc manum
4.4.650
dexteram.
4.4.650b
Em.
4.4.650c
Nunc laevam ostende.
4.4.650d
Quin equidem ambas profero.
4.4.651
Iam scrutari mitto. redde huc.
4.4.651b
Quid reddam?
4.4.651c
A, nugas agis,
4.4.652
certe habes.
4.4.652b
Habeo ego? quid habeo?
4.4.652c
Non dico, audire expetis.
4.4.653
id meum, quidquid habes, redde.
4.4.653b
Insanis: perscrutatus es
4.4.654
tuo arbitratu, neque tui me quicquam invenisti penes.
4.4.655
Máne, mane. quís illic est? quis hic íntus alter érat tecum simul?
4.4.656
perii hercle: ille nunc íntus turbat, hunc si amitto hic abierit.
4.4.657
postremo hunc iam perscrutavi, hic nihil habet. abi quo lubet.
4.4.658
Iuppiter te dique perdant.
4.4.658b
Haud male egit gratias.
4.4.659
ibo intro atque illi socienno tuo iam interstringam gulam.
4.4.660
fugin hinc ab oculis? abin an non?
4.4.660b
Abeo.
4.4.660c
Cave sis † te videam.—
4.5.661
Emortuom ego me mavelim leto malo
4.5.662
quam non ego illi dém hodie insidias seni.
4.5.663
nam híc iam non audebit aurum abstrudere:
4.5.664
credo ecferet iam secum et mutabit locum.
4.5.665
attat, foris crépuit. senex eccum aurum ecfert foras.
4.5.666
tantisper huc ego ad iánuam concessero.
4.6.667
Fide censebam maxumam multo fidem
4.6.668
esse, ea sublevit os mihi paenissume:
4.6.669
ni subvenisset corvos, periissem miser.
4.6.670
nimis hercle ego illum corvom ad me veniat velim,
4.6.671
qui indicium fecit, ut ego ílli aliquid boni
4.6.672
dicam; nam quod edit tam duim quam perduim.
4.6.673
nunc hoc ubi abstrúdam cogito solum locum.
4.6.674
Silvani lucus extra murum est avius,
4.6.675
crebro salicto oppletus. ibi sumam locum.
4.6.676
certumst, Silvano potius credam quam Fide.—

Perseus Latin. CTS URN phi0119.phi003.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.