Aulularia

Perseus Latin · Perseus Latin · 1,014 sections

prologue.pr.1
Ne quis miretur qui sim, paucis eloquar.
prologue.pr.2
ego Lar sum familiaris ex hac familia
prologue.pr.3
unde exeuntem me aspexistis. hanc domum
prologue.pr.4
iam multos annos est cum possideo et colo
prologue.pr.5
patri avoque iam huius qui nunc hic habet.
prologue.pr.6
sed mí avos huius obsecrans concredidit
prologue.pr.7
thensaurum aúri clam omnis: in medio foco
prologue.pr.8
defodit, venerans mé ut id servarem sibi.
prologue.pr.9
is quoniam moritur (ita avido ingenio fuit),
prologue.pr.10
numquam indicare id filio voluit suo,
prologue.pr.11
inopemque optavit potius eum relinquere,
prologue.pr.12
quam eum thensaurum commonstraret filio;
prologue.pr.13
agri reliquit ei non magnum modum,
prologue.pr.14
quo cum labore magno et misere viveret.
prologue.pr.15
ubi is óbiit mortem qui mihi id aurum credidit,
prologue.pr.16
coepi observare, ecqui maiorem filius
prologue.pr.17
mihi honorem haberet quam eius habuisset pater.
prologue.pr.18
atque ille vero minus minusque impendio
prologue.pr.19
curare mínusque me impertire honoribus.
prologue.pr.20
item a me contra factum est, nam item obiit diem.
prologue.pr.21
is ex se húnc reliquit qui hic nunc habitat filium
prologue.pr.22
pariter moratum ut pater avosque huius fuit.
prologue.pr.23
huic filia una est. ea mihi cottidie
prologue.pr.24
aut ture aut vino aut aliqui semper supplicat,
prologue.pr.25
dat mihi coronas. eius honoris gratia
prologue.pr.26
feci, thensaurum ut hic reperiret Euclio,
prologue.pr.27
quo illam facilius nuptum, si vellet, daret.
prologue.pr.28
nam eam compressit de summo adulescens loco.
prologue.pr.29
is scit adulescens quae sit quam compresserit,
prologue.pr.30
illa illum nescit, neque compressam autem pater.
prologue.pr.31
eam ego hódie faciam ut hic senex de proxumo
prologue.pr.32
sibi uxórem poscat. id ea faciam gratia,
prologue.pr.33
quo ille eam facilius ducat qui compresserat.
prologue.pr.34
et hic qui poscet eam sibi uxorem senex,
prologue.pr.35
is adulescentis illius est avonculus,
prologue.pr.36
qui illam stupravit noctu, Cereris vigiliis.
prologue.pr.37
sed hic senex iam clamat intus ut solet.
prologue.pr.38
anum foras extrudit, ne sit conscia.
prologue.pr.39
credo aurum inspicere volt, ne subreptum siet.
1.1.40
Exi, ínquam. age exi. exeúndum herclé tibi hinc est foras,
1.1.41
circumspectatrix cum oculis emissiciis.
1.1.42
Nam cur me miseram verberas?
1.1.42b
Vt misera sis
1.1.43
atque ut te dignam mala malam aetatem exigas.
1.1.44
Nam qua me nunc causa extrusisti ex aedibus?
1.1.45
Tibi egó rationem reddam, stimulorum seges?
1.1.46
illuc regredere ab ostio. illuc sis vide,
1.1.47
ut incédit. at scin quo modo tibi res se habet?
1.1.48
si hercle hodie fustem cepero aut stimulum in manum,
1.1.49
testudineum istum tibi ego grandibo gradum.
1.1.50
Vtinam me divi adaxint ad suspendium
1.1.51
potius quidem quam hoc pacto apud te serviam.
1.1.52
At ut scelesta sola secum murmurat.
1.1.53
oculos hercle égo istos, improba, ecfodiam tibi,
1.1.54
ne me observare possis quid rerum geram.
1.1.55
abscede etiam nunc—etiam nunc—etiam—ohe,
1.1.56
istic astato. si hercle tu ex istoc loco
1.1.57
digitum transvorsum aut unguem latum excesseris
1.1.58
aut si respexis, donicum ego te iussero,
1.1.59
continuo hercle ego te dedam discipulam cruci.
1.1.60
scelestiorem me hac anu certo scio
1.1.61
vidisse numquam, nimisque ego hanc metuo male,
1.1.62
ne mi ex insidiis verba imprudenti duit
1.1.63
neu persentiscat aurum ubi est absconditum,
1.1.64
quae in occipitio quoque habet oculos pessima.
1.1.65
nunc ibo ut visam sitne ita aurum ut condidi,
1.1.66
quod me sollicitat plurimis miserum modis.—
1.1.67
Noenum mecastor quid ego ero dicam meo
1.1.68
malae rei evenisse quamve insaniam,
1.1.69
queo comminisci; íta me miseram ad hunc modum
1.1.70
decies die uno saepe extrudit aedibus.
1.1.71
nescio pol quae illunc hominem intemperiae tenent:
1.1.72
pervigilat noctes totas, tum autem interdius
1.1.73
quasi claudus sutor domi sedet totos dies.
1.1.74
neque iam quo pacto celem erilis filiae
1.1.75
probrum, propinqua partitudo cui appetit,
1.1.76
queo comminisci; neque quicquam meliust mihi,
1.1.77
ut opinor, quam ex me ut unam faciam litteram
1.1.78
longam, meum laqueo collum quando obstrinxero.
1.2.79
Nunc defaecato demum animo egredior domo,
1.2.80
postquam perspexi salva esse intus omnia.
1.2.81
redi núnciam intro atque intus serva.
1.2.81b
Quippini?
1.2.82
ego intus servem? an ne quis aedes auferat?
1.2.83
nam hic apud nos nihil est aliud quaesti furibus,
1.2.84
ita inaniis sunt oppletae atque araneis.
1.2.85
Mirum quin tua me causa faciat Iuppiter
1.2.86
Philippum regem aut Dareum, trivenefica.
1.2.87
araneas mihi ego illas servari volo.
1.2.88
pauper sum; fateor, patior; quod di dant fero.
1.2.89
abi intro, occlude ianuam. iam ego hic ero.
1.2.90
cave quémquam alienum in aedis intro miseris.
1.2.91
quod quispiam ignem quaerat, extingui volo,
1.2.92
ne causae quid sit quod te quisquam quaeritet.
1.2.93
nam si ignis vivet, tu extinguere extempulo.
1.2.94
tum aquam aufugisse dicito, si quis petet.
1.2.95
cultrum, securim, pistillum, mortarium,
1.2.96
quae utenda vasa semper vicini rogant,
1.2.97
fures venisse atque abstulisse dicito.
1.2.98
profecto in aedis meas me absente neminem

Perseus Latin. CTS URN phi0119.phi003.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.