← Library

Andecavis

Latin Library (medieval and later) · The Latin Library · 13 sections

1. 1

   Andecavis Abbas

2. 2

   ANDECAVIS ABBAS

3. 3

   Andecavis abas esse dicitur ille nomen primi tenet hominum; hunc fatentur vinum vellet bibere super omnes Andechavis homines.

4. 4

   Eia eia eia laudes Eia laudes dicamus Libero.

5. 5

   Iste malet vinum omne tempore quem nec dies nox nec ulla preterit quod non vino saturatus titubet, velut arbor agitata flatibus

6. 6

   Eia eia eia laudes Eia laudes dicamus Libero.

7. 7

   Iste gerit corpus imputribile vinum totum conditum ut alove et ut mire corium conficitur cutis eius nunc cum vino tingitur.

8. 8

   Eia eia eia laudes Eia laudes dicamus Libero.

9. 9

   Iste cupa non curat de calicem vinum bonum bibere suaviter, sed patellis atque magnis cacabis et in eis ultra modum grandibus.

10. 10

    Eia eia eia laudes Eia laudes dicamus Libero.

11. 11

    Hunc perperdit Andechavis civitas, nullum talem ultra sibi sociat, qui sic semper vinum possit sorbere; cuius facta, cives, vobis pingite!

12. 12

    Eia eia eia laudes Eia laudes dicamus Libero.

13. 13

    Medieval Latin The Latin Library The Classics Homepage

The Latin Library (thelatinlibrary.com), via CLTK's latin_text_latin_library mirror. Public Domain Mark 1.0: no copyright. Licence: Public Domain Mark 1.0. Source.