← All works

Sahidic Jonah

Coptic literature (Coptic SCRIPTORIUM) · 48 sections

1. Jonah_01:1

   ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲓⲱⲛⲁⲥ ⲡϣⲏⲣⲉ ⲛⲁⲙⲁⲑⲉⲓ ⲉϥϫⲱ ⲙⲙⲟⲥ ϫⲉ :

   Now the word of the Lord came to Jonas the son of Amathi, saying,

2. Jonah_03:1

   ⲁⲩⲱ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲓⲱⲛⲁⲥ ⲙⲡⲙⲉϩⲥⲉⲡ ⲥⲛⲁⲩ ⲉϥϫⲱ ⲙⲙⲟⲥ ⲛⲁϥ :

   And the word of the Lord came to Jonas the second time, saying,

3. Jonah_02:1

   ⲁⲩⲱ ⲡϫⲟⲉⲓⲥ ⲁϥⲟⲩⲉϩⲥⲁϩⲛⲉ ⲛⲟⲩⲛⲟϭ ⲛⲕⲏⲧⲟⲥ ⲁϥⲱⲙⲕ ⲛⲓⲱⲛⲁⲥ : ⲁⲩⲱ ⲛⲉⲣⲉⲓⲱⲛⲁ ⲛϩⲏⲧϥ ⲛⲡⲕⲏⲧⲟⲥ ⲛϣⲟⲙⲛⲧ ⲛϩⲟⲟⲩ ⲙⲛϣⲟⲙⲧⲉ ⲛⲟⲩϣⲏ :

   Now the Lord had commanded a great whale to swallow up Jonas: and Jonas was in the belly of the whale three days and three nights.

4. Jonah_04:1

   ⲁⲩⲱ ⲁϥⲗⲩⲡⲉⲓ ⲛϭⲓⲓⲱⲛⲁⲥ ϩⲛⲟⲩⲛⲟϭ ⲛⲗⲩⲡⲉⲓ ⲁⲩⲱ ⲁϥⲙⲕⲁϩ ⲛϩⲏⲧ :

   But Jonas was very deeply grieved, and he was confounded.

5. Jonah_03:2

   ϫⲉⲧⲱⲟⲩⲛ ⲛⲅⲃⲱⲕ ⲉϩⲣⲁⲓ ⲉⲛⲓⲛⲉⲩⲏ ⲧⲛⲟϭ ⲙⲡⲟⲗⲓⲥ ⲛⲅⲕⲏⲣⲩⲥⲥⲉ ⲛⲁⲥ ⲕⲁⲧⲁⲡⲕⲏⲣⲩⲅⲙⲁ ⲛϣⲟⲣⲡ ⲡⲁⲓ ⲉⲛⲧⲁⲓϫⲟⲟϥ ⲉⲣⲟⲕ :

   Rise, go to Nineve, the great city, and preach in it according to the former preaching which I spoke to thee of.

6. Jonah_04:2

   ⲁϥϣⲗⲏⲗ ⲉϩⲣⲁⲓ ⲉⲡϫⲟⲉⲓⲥ ⲉϥϫⲱ ⲙⲙⲟⲥ ϫⲉⲱ ⲡϫⲟⲉⲓⲥ ⲙⲏ ⲛⲛⲁⲓ ⲁⲛ ⲛⲉ ⲛϣⲁϫⲉ ⲉⲧⲓ ⲉⲓϣⲟⲟⲡ ϩⲙⲡⲕⲁϩ : ⲉⲧⲃⲉⲡⲁⲓ ⲁⲓⲣϣⲟⲣⲡ ⲉⲡⲱⲧ ⲉϩⲣⲁⲓ ⲉⲑⲁⲣⲥⲉⲓⲥ : ⲉⲃⲟⲗ ϫⲉⲁⲓⲉⲓⲙⲉ ϫⲉⲛⲧⲕⲟⲩⲛⲁⲏⲧ ⲛⲧⲟⲕ ⲁⲩⲱ ⲛⲧⲕⲟⲩϣⲁⲛϩⲧⲏϥ : ⲛⲧⲕⲟⲩϩⲁⲣϣϩⲏⲧ ⲉⲛⲁϣⲉⲡⲉⲕⲛⲁ : ⲉⲕⲉⲓⲣⲉ ⲛϩⲧⲏⲕ ⲉϫⲛⲛⲕⲁⲕⲓⲁ :

   And he prayed to the Lord, and said, O Lord, were not these my words when I was yet in my land? therefore I made haste to flee to Tharsis; because I knew that thou are merciful and compassionate, long-suffering, and abundant in kindness, and repentest of evil.

7. Jonah_02:2

   ⲁⲩⲱ ⲁϥϣⲗⲏⲗ ⲛϭⲓⲓⲱⲛⲁ ⲉⲡϫⲟⲉⲓⲥ ⲡⲉϥⲛⲟⲩⲧⲉ ⲉϥⲛϩⲏⲧϥ ⲙⲡⲕⲏⲧⲟⲥ :

   And Jonas prayed to the Lord his God out of the belly of the whale,

8. Jonah_01:2

   ⲧⲱⲟⲩⲛ ⲛⲅⲃⲱⲕ ⲉϩⲣⲁⲓ ⲉⲧⲛⲓⲛⲉⲩⲏ ⲧⲛⲟϭ ⲙⲡⲟⲗⲓⲥ ⲛⲅⲕⲏⲣⲩⲥⲥⲉ ϩⲣⲁⲓ ⲛϩⲏⲧⲥ ϫⲉⲁⲡⲉⲟⲩⲟⲉⲓϣ ⲛⲧⲉⲥⲕⲁⲕⲓⲁ ⲉⲓ ⲉϩⲣⲁⲓ ⲙⲡⲁⲙⲧⲟ ⲉⲃⲟⲗ :

   Rise, and go to Nineve, the great city, and preach in it; for the cry of its wickedness is come up to me.

9. Jonah_04:3

   ⲧⲉⲛⲟⲩ ϭⲉ ⲡϫⲟⲉⲓⲥ ϫⲓⲧⲁⲯⲩⲭⲏ ⲛⲧⲟⲟⲧ ⲉⲃⲟⲗ ϫⲉⲛⲁⲛⲟⲩⲥ ⲛⲁⲓ ⲉⲙⲟⲩ ⲉϩⲟⲩⲉⲱⲛϩ :

   And now, Lord God, take my life from me; for it is better for me to die than to live.

10. Jonah_02:3

    ⲉϥϫⲱ ⲙⲙⲟⲥ ϫⲉⲁⲓϫⲓϣⲕⲁⲕ ⲉⲃⲟⲗ ϩⲛⲧⲁⲑⲗⲓⲯⲓⲥ ⲉϩⲣⲁⲓ ⲉⲡϫⲟⲉⲓⲥ ⲡⲁⲛⲟⲩⲧⲉ : ⲁϥⲥⲱⲧⲙ ⲉⲣⲟⲓ : ⲁⲓⲱϣ ⲉⲃⲟⲗ ⲉⲓⲛϩⲏⲧϥ ⲛⲁⲙⲛⲧⲉ : ⲁⲩⲱ ⲁⲕⲥⲱⲧⲙ ⲉⲡⲁϩⲣⲟⲟⲩ :

    and said, I cried in my affliction to the Lord my God, and he hearkened to me, even to my cry out of the belly of hell: thou heardest my voice.

11. Jonah_03:3

    ⲁⲩⲱ ⲁϥⲧⲱⲟⲩⲛϥ ⲛϭⲓⲓⲱⲛⲁⲥ ⲁϥⲙⲟⲟϣⲉ ⲉϩⲣⲁⲓ ⲉⲛⲓⲛⲉⲩⲏ : ⲕⲁⲧⲁⲧϩⲉ ⲉⲛⲧⲁⲡϫⲟⲉⲓⲥ ϣⲁϫⲉ ⲛⲉⲙⲁϥ : ⲛⲓⲛⲉⲩⲏ ⲇⲉ ⲛⲉⲩⲛⲟϭ ⲙ ⲡⲟⲗⲓⲥ ⲧⲉ ⲙⲡϫⲟⲉⲓⲥ ⲉⲥⲛⲁⲣⲟⲩϩⲓⲏ ⲛϣⲟⲙⲛⲧ ⲛϩⲟⲟⲩ ⲙⲙⲟⲟϣⲉ :

    And Jonas arose, and went to Nineve, as the Lord had spoken. Now Nineve was an exceeding great city, of about three days' journey.

12. Jonah_01:3

    ⲁⲩⲱ ⲁϥⲧⲱⲟⲩⲛ ⲛϭⲓⲓⲱⲛⲁⲥ ⲉⲡⲱⲧ ⲉⲑⲁⲣⲥⲉⲓⲥ ⲛⲛⲁϩⲣⲛⲡϩⲟ ⲙⲡϫⲟⲉⲓⲥ : ⲁⲩⲱ ⲁϥⲃⲱⲕ ⲉϩⲣⲁⲓ ⲉⲓⲟⲡⲏ : ⲁϥϭⲛⲟⲩϫⲟⲉⲓ ⲉϥⲛⲁⲥϭⲏⲣ ⲉⲑⲁⲣⲥⲉⲓⲥ ⲁϥϯⲧⲉϥϩⲏⲙⲉ ⲁϥⲧⲁⲗⲉ ⲉⲣⲟϥ : ⲉⲥϭⲏⲣ ⲛⲙⲙⲁϥ ⲉⲑⲁⲣⲥⲉⲓⲥ ⲛⲛⲁϩⲣⲛⲡϩⲟ ⲙⲡϫⲟⲉⲓⲥ :

    But Jonas rose up to flee to Tharsis from the presence of the Lord. And he went down to Joppa, and found a ship going to Tharsis: and he paid his fare, and went up into it, to sail with them to Tharsis from the presence of the Lord.

13. Jonah_03:4

    ⲁⲩⲱ ⲁϥϫⲱⲛⲧ ⲛϭⲓⲓⲱⲛⲁⲥ ⲉⲃⲱⲕ ⲉϩⲟⲩⲛ ⲉⲧⲡⲟⲗⲓⲥ ⲛϩⲟⲟⲩ ⲟⲩⲁ ⲙⲙⲟⲟϣⲉ ⲁⲩⲱ ⲁϥⲕⲏⲣⲩⲥⲥⲉ ⲉϥϫⲱ ⲙⲙⲟⲥ ϫⲉⲉⲧⲓ ϣⲟⲙⲛⲧ ⲛϩⲟⲟⲩ ⲁⲩⲱ ⲛⲓⲛⲉⲩⲏ ⲥⲉⲛⲁⲧⲁⲕⲟⲥ :

    And Jonas began to enter into the city about a day's journey, and he proclaimed, and said, Yet three days, and Nineve shall be overthrown.

14. Jonah_02:4

    ⲁⲕⲛⲟϫⲧ ⲉϩⲣⲁⲓ ⲉⲛϣⲓⲕ ⲙⲡϩⲏⲧ ⲛⲧϩⲁⲗⲁⲥⲥⲁ : ⲁⲩⲱ ϩⲉⲛⲓⲉⲣⲱⲟⲩ ⲁⲩⲕⲱⲧⲉ ⲉⲣⲟⲓ ⲛⲉⲕϩⲟⲧⲉ ⲧⲏⲣⲟⲩ ⲙⲛⲛⲉⲕϩⲟⲉⲓⲙ ⲁⲩⲉⲓ ⲉϩⲣⲁⲓ ⲉϫⲱⲓ :

    Thou didst cast me into the depths of the heart of the sea, and the floods compassed me: all thy billows and thy waves have passed upon me.

15. Jonah_01:4

    ⲁⲩⲱ ⲡϫⲟⲉⲓⲥ ⲁϥⲧⲟⲩⲛⲟⲥ ⲟⲩⲛⲟϭ ⲛⲧⲏⲟⲩ ⲉϩⲣⲁⲓ ⲉⲧⲉⲑⲁⲗⲁⲥⲥⲁ : ⲁⲩⲛⲟϭ ⲛϩⲟⲉⲓⲙ ϣⲱⲡⲉ ⲉϩⲣⲁⲓ ⲛϩⲏⲧⲥ ⲁⲩⲱ ⲡϫⲟⲉⲓ ⲁϥⲕⲓⲛⲇⲩⲛⲉⲩⲉ ⲉⲧⲁⲕⲟ :

    And the Lord raised up a wind on the sea; and there was a great storm on the sea, and the ship was in danger of being broken.

16. Jonah_04:4

    ⲁⲩⲱ ⲡⲉϫⲉⲡϫⲟⲉⲓⲥ ⲛⲓⲱⲛⲁ ϫⲉⲉⲛⲉⲁⲕⲙⲕⲁϩ ⲛϩⲏⲧ ⲛⲧⲟⲕ ⲉⲙⲁⲧⲉ :

    And the Lord said to Jonas, Art thou very much grieved?

17. Jonah_04:5

    ⲁⲩⲱ ⲓⲱⲛⲁⲥ ⲁϥⲣⲡⲃⲟⲗ ⲛⲧⲡⲟⲗⲓⲥ ⲁϥϩⲙⲟⲟⲥ ⲙⲡⲉⲙⲧⲟ ⲉⲃⲟⲗ ⲛⲧⲡⲟⲗⲓⲥ ⲁⲩⲱ ⲁϥⲧⲁⲙⲓⲟ ⲛⲁϥ ⲙⲡⲙⲁ ⲉⲧⲙⲙⲁⲩ ⲛⲟⲩⲥⲕⲏⲛⲏ : ⲁϥϩⲙⲟⲟⲥ ϩⲁⲣⲟⲥ ⲉϥϫⲓϩⲁⲓⲃⲉⲥ ϩⲁⲣⲟⲥ ϣⲁⲛⲧϥⲛⲁⲩ ϫⲉⲟⲩ ⲡⲉⲧⲛⲁϣⲱⲡⲉ ϩⲛⲧⲡⲟⲗⲓⲥ :

    And Jonas went out from the city, and sat over against the city; and he made for himself there a booth, and he sat under it, until he should perceive what would become of the city.

18. Jonah_03:5

    ⲁⲩⲱ ⲛⲣⲱⲙⲉ ⲛⲛⲓⲛⲉⲩⲏ ⲁⲩⲡⲓⲥⲧⲉⲩⲉ ⲉⲡⲛⲟⲩⲧⲉ ⲁⲩⲕⲏⲣⲩⲥⲥⲉ ⲛⲟⲩⲛⲏⲥⲧⲉⲓⲁ ⲁⲩⲱ ⲁⲩϯ ϩⲓⲱⲱⲟⲩ ⲛϩⲉⲛϭⲟⲟⲩⲛⲉ ϫⲓⲛⲡⲉⲩⲛⲟϭ ϣⲁⲡⲉⲩⲕⲟⲩⲓ :

    And the men of Nineve believed God, and proclaimed a fast, and put on sackcloths, from the greatest of them to the least of them.

19. Jonah_02:5

    ⲁⲛⲟⲕ ϩⲱ ⲁⲓϫⲱ ⲙⲙⲟⲥ ϫⲉⲁⲩⲛⲟϫⲧ ⲉⲃⲟⲗ ⲛⲛⲁϩⲣⲛⲡⲉⲕϩⲟ ⲁⲣⲁ ϯⲛⲁⲟⲩⲱϩ ⲉⲧⲟⲟⲧ ⲉϭⲱϣⲧ ⲉⲡⲉⲕⲣⲡⲉ ⲉⲧⲟⲩⲁⲁⲃ :

    And I said, I am cast out of thy presence: shall I indeed look again toward thy holy temple?

20. Jonah_01:5

    ⲁⲛⲛⲉⲉϥ ⲣϩⲟⲧⲉ ϩⲛⲟⲩⲛⲟϭ ⲛϩⲟⲧⲉ ⲁⲩⲱ ⲁⲩⲱϣ ⲉⲃⲟⲗ ⲛϭⲓⲡⲟⲩⲁ ⲡⲟⲩⲁ ⲉϩⲣⲁⲓ ⲉⲡⲉϥⲛⲟⲩⲧⲉ : ⲁⲩⲱ ⲁⲩⲛⲟⲩϫⲉ ⲉⲃⲟⲗ ϩⲛⲛⲉⲥⲕⲉⲩⲏ ⲉⲧϩⲛⲡϫⲟⲉⲓ ⲉⲧⲉⲑⲁⲗⲁⲥⲥⲁ : ⲉⲧⲣⲉⲡϫⲟⲉⲓ ⲁⲥⲁⲓ ⲉⲣⲟⲟⲩ : ⲓⲱⲛⲁⲥ ⲇⲉ ⲁϥⲃⲱⲕ ⲉϩⲣⲁⲓ ⲉⲡⲟⲩⲛⲧ ⲙⲡϫⲟⲉⲓ ⲁϥⲛⲕⲟⲧⲕ ⲁϥϩⲣϩⲣ :

    And the sailors were alarmed, and cried every one to his god, and cast out the wares that were in the ship into the sea, that it might be lightened of them. But Jonas was gone down into the hold of the ship, and was asleep, and snored.

21. Jonah_04:6

    ⲁⲩⲱ ⲡϫⲟⲉⲓⲥ ⲁϥⲟⲩⲉϩⲥⲁϩⲛⲉ ⲛⲟⲩⲃⲛⲧⲛⲉϭⲗⲟϭ ⲁⲩⲱ ⲁϥϯⲟⲩⲱ ⲉϫⲛⲓⲱⲛⲁ : ⲉⲧⲣⲉϥⲣϩⲁⲉⲓⲃⲉⲥ ⲉϫⲱϥ ⲉⲃⲟⲗ ϩⲛⲛⲉϥϩⲓⲥⲉ : ⲁⲩⲱ ⲁϥⲣⲁϣⲉ ⲛϭⲓⲓⲱⲛⲁⲥ ϩⲛⲟⲩⲛⲟϭ ⲛⲣⲁϣⲉ ⲉϫⲛⲡⲃⲛⲧⲛⲉϭⲗⲟϭ :

    And the Lord God commanded a gourd, and it came up over the head of Jonas, to be a shadow over his head, to shade him from his calamities: and Jonas rejoiced with great joy for the gourd.

22. Jonah_01:6

    ⲁⲩⲱ ⲁϥϯⲡⲉϥⲟⲩⲟⲉⲓ ⲉⲣⲟϥ ⲛϭⲓⲡⲛⲉⲉϥ ⲉⲧϩⲓϩⲏ ⲉϥϫⲱ ⲙⲙⲟⲥ ⲛⲁϥ ϫⲉⲉⲧⲃⲉⲟⲩ ⲛⲧⲟⲕ ⲕϩⲣϩⲣ : ⲧⲱⲟⲩⲛ ⲛⲅⲉⲡⲓⲕⲁⲗⲉⲓ ⲙⲡⲉⲕⲛⲟⲩⲧⲉ ⲙⲉϣⲁⲕ ⲉϥⲉⲛⲁϩⲙⲛ ⲛϭⲓⲡⲉⲕⲛⲟⲩⲧⲉ ⲛⲧⲛⲧⲙⲙⲟⲩ :

    And the shipmaster came to him, and said to him, Why snorest thou? arise, and call upon thy God, that God may save us, and we perish not.

23. Jonah_03:6

    ⲁⲩⲱ ⲡϣⲁϫⲉ ⲁϥⲡⲱϩ ϣⲁⲡⲣⲣⲟ ⲛⲛⲓⲛⲉⲩⲏ ⲁⲩⲱ ⲁϥⲧⲱⲟⲩⲛ ⲉⲃⲟⲗ ϩⲓϫⲛⲡⲉϥⲑⲣⲟⲛⲟⲥ : ⲁϥⲕⲁⲁϥ ⲕⲁϩⲏⲟⲩ ⲛⲧⲉϥϩⲃⲥⲱ ⲁϥϭⲟⲟⲗⲉϥ ⲛⲟⲩϭⲟⲟⲩⲛⲉ ⲁϥϩⲙⲟⲟⲥ ϩⲓϫⲛⲟⲩⲕⲣⲙⲉⲥ :

    And the word reached the king of Nineve, and he arose from off his throne, and took off his raiment from him, and put on sackcloth, and sat on ashes.

24. Jonah_02:6

    ⲁϩⲉⲛⲙⲟⲟⲩ ⲉⲓ ⲉϩⲟⲩⲛ ⲛⲁⲓ ϣⲁⲧⲁⲯⲩⲭⲏ : ⲁⲡⲛⲟⲩⲛ ⲛϩⲁⲉ ⲕⲱⲧⲉ ⲉⲣⲟⲓ : ⲟⲩϩⲩⲗⲟⲥ ⲁϥⲕⲱⲧⲉ ⲉⲧⲁⲁⲡⲉ :

    Water was poured around me to the soul: the lowest deep compassed me, my head went down

25. Jonah_01:7

    ⲡⲉϫⲉⲡⲟⲩⲁ ⲡⲟⲩⲁ ⲙⲡⲉⲧϩⲓⲧⲟⲩⲱϥ ϫⲉⲁⲙⲏⲉⲓⲧⲛ ⲛⲧⲛⲛⲉϫⲕⲗⲏⲣⲟⲥ ⲧⲁⲣⲛⲉⲓⲙⲉ ϫⲉⲉⲧⲃⲉⲟⲩ ⲛϩⲱⲃ ⲧⲉⲓⲕⲁⲕⲓⲁ ϩⲓϫⲱⲛ : ⲁⲩⲛⲉϫⲕⲗⲏⲣⲟⲥ ⲁⲩⲱ ⲁⲡⲉⲕⲗⲏⲣⲟⲥ ⲉⲓ ⲉϫⲛⲓⲱⲛⲁⲥ :

    And each man said to his neighbour, Come, let us cast lots, and find out for whose sake this mischief is upon us. So they cast lots, and the lot fell upon Jonas.

26. Jonah_02:7

    ⲁⲓⲃⲱⲕ ⲉⲡⲉⲥⲏⲧ ⲉⲛⲟⲩⲱϣ ⲛ ⲛⲧⲟⲩⲉⲓⲏ : ⲉⲡⲉⲥⲏⲧ ⲉⲩⲕⲁϩ ⲉⲣⲉⲛⲉϥⲙⲟⲭⲗⲟⲥ ⲁⲙⲁϩⲧⲉ ϣⲁⲉⲛⲉϩ ⲁⲩⲱ ⲕⲛⲁⲉⲓⲛⲉ ⲙⲙⲁ ⲛⲱⲛϩ ⲉϩⲣⲁⲓ ϩⲛⲡⲧⲁⲕⲟ ⲉϩⲣⲁⲓ ϣⲁⲣⲟⲕ ⲡϫⲟⲉⲓⲥ ⲡⲁⲛⲟⲩⲧⲉ :

    to the clefts of the mountains; I went down into the earth, whose bars are the everlasting barriers: yet, O Lord my God, let my ruined life be restored.

27. Jonah_03:7

    ⲁⲩⲱ ⲁⲩⲕⲏⲣⲩⲥⲥⲉ ϩⲛⲛⲓⲛⲉⲩⲏ : ⲉⲃⲟⲗ ϩⲓⲧⲟⲟⲧϥ ⲙⲡⲣⲣⲟ ⲙⲛⲛⲉϥⲙⲉⲅⲓⲥⲧⲁⲛⲟⲥ ⲛⲟⲩϣⲁϫⲉ ⲉϥϫⲱ ⲙⲙⲟⲥ ϫⲉⲛⲣⲱⲙⲉ ⲙⲛⲛⲧⲃⲛⲟⲟⲩⲉ ⲁⲩⲱ ⲛⲉϩⲟⲟⲩ ⲛⲙⲛⲉⲥⲟⲟⲩ ⲙⲛⲛⲉϩⲟⲟⲩ ⲙⲡⲣⲧⲣⲉⲩⲟⲩⲱⲙ ⲗⲁⲁⲩ ⲟⲩⲇⲉ ⲙⲡⲣⲧⲣⲉⲩⲙⲟⲟⲛⲉ ⲙⲙⲟⲟⲩ ⲁⲩⲱ ⲙⲡⲣⲧⲣⲉⲩⲥⲉⲙⲟⲟⲩ :

    And proclamation was made, and it was commanded in Nineve by the king an by his great men, saying, Let not men, or cattle, or oxen, or sheep, taste any thing, nor feed, nor drink water.

28. Jonah_04:7

    ⲁⲩⲱ ⲡⲛⲟⲩⲧⲉ ⲁϥⲟⲩⲉϩⲥⲁϩⲛⲉ ⲛⲟⲩϥⲛⲧ ⲙⲡⲛⲁⲩ ⲛϩⲧⲟⲟⲩⲉ ⲙⲡⲉϥⲣⲁⲥⲧⲉ ⲁϥⲣⲱϩⲧ ⲙⲡⲃⲛⲧⲛⲉϭⲗⲟϭ ⲁϥϣⲟⲟⲩⲉ :

    And God commanded a worm the next morning, and it smote the gourd, and it withered away.

29. Jonah_04:8

    ⲁⲩⲱ ⲁⲥϣⲱⲡⲉ ⲉⲣⲉⲡⲣⲏ ⲛⲁϣⲁ ⲡⲛⲟⲩⲧⲉ ⲁϥⲟⲩⲉϩⲥⲁϩⲛⲉ ⲛⲟⲩⲧⲏⲩ ⲉϥⲣⲟⲕϩ ⲁⲩⲱ ⲛ..ⲣⲟⲟⲃ ⲁⲩⲱ ⲁⲡⲣⲏ ϩⲓⲟⲩⲉ ⲉⲧⲁⲡⲉ ⲛⲓⲱⲛⲁ ⲁϥϣⲱⲥⲙ ⲛϩⲏⲧ ⲁⲩⲱ ⲁϥⲕⲁⲧⲟⲟⲧϥ ⲉⲃⲟⲗ ⲡⲉϫⲁϥ ϫⲉⲛⲁⲛⲟⲩⲥ ⲛⲁⲓ ⲉⲙⲟⲩ ⲉϩⲟⲩⲉⲱⲛϩ :

    And it came to pass at the rising of the sun, that God commanded a burning east wind; and the sun smote on the head of Jonas, and he fainted, and despaired of his life, and said, It is better for me to die than to live.

30. Jonah_02:8

    ϩⲙⲡⲧⲣⲉⲧⲁⲯⲩⲭⲏ ϣⲱⲛⲉ ⲛⲧⲟⲟⲧ ⲁⲓⲣⲡⲙⲉⲉⲩⲉ ⲙⲡϫⲟⲉⲓⲥ : ⲁⲩⲱ ⲙⲁⲣⲉⲡⲁϣⲗⲏⲗ ⲉⲓ ⲉϩⲣⲁⲓ ϣⲁⲣⲟⲕ ⲛⲛⲁϩⲣⲛⲡⲉⲕⲣⲡⲉ ⲉⲧⲟⲩⲁⲁⲃ :

    When my soul was failing me, I remembered the Lord; and may my prayer come to thee into thy holy temple.

31. Jonah_03:8

    ⲁⲩⲱ ⲁⲩϭⲟⲟⲗⲟⲩ ⲛϩⲉⲛϭⲟⲟⲩⲛⲉ ⲛϭⲓⲛⲣⲱⲙⲉ ⲙⲛⲛⲧⲃⲛⲟⲟⲩⲉ ⲁⲩⲱ ⲁⲩⲛⲏⲥⲧⲉⲩⲉ ⲁⲩⲱϣ ⲉⲃⲟⲗ ⲉⲙⲁⲧⲉ ⲉϩⲣⲁⲓ ⲉⲡϫⲟⲉⲓⲥ : ⲁⲩⲱ ⲁϥⲕⲧⲟϥ ⲛϭⲓⲡⲟⲩⲁ ⲡⲟⲩⲁ ⲉⲃⲟⲗ ϩⲛⲧⲉϥϩⲓⲏ ⲉⲧϩⲟⲟⲩ ⲛⲙⲡϫⲓ ⲛϭⲟⲛⲥ ⲉⲧϩⲛⲛⲉⲩϭⲓϫ :

    So men and cattle were clothed with sackcloths, and cried earnestly to God; and they turned every one from their evil way, and from the iniquity that was in their hands, saying,

32. Jonah_01:8

    ⲡⲉϫⲁⲩ ⲛⲁϥ ϫⲉⲧⲁⲙⲟⲛ ϫⲉⲉⲧⲃⲉⲟⲩ ⲛϩⲱⲃ ⲧⲉⲓⲕⲁⲕⲓⲁ ϩⲓϫⲱⲛ : ⲟⲩ ⲧⲉ ⲧⲉⲕⲉⲓⲟⲡⲉ ⲁⲩⲱ ⲛⲧⲁⲕⲉⲓ ⲧⲱⲛ : ⲁⲩⲱ ⲉⲕⲛⲁⲃⲱⲕ ⲉⲧⲱⲛ : ⲛⲧⲕⲟⲩ ⲉⲃⲟⲗ ⲛⲧⲟⲕ : ⲛⲁϣ ⲛⲭⲱⲣⲁ : ⲁⲩⲱ ⲉⲃⲟⲗ ϩⲛⲛⲁϣ ⲛⲗⲁⲟⲥ :

    And they said to him, Tell us what is thine occupation, and whence comest thou, and of what country and what people art thou?

33. Jonah_03:9

    ⲁⲩⲱ ⲡⲉϫⲁⲩ ϫⲉⲛⲓⲙ ⲡⲉⲧⲥⲟⲟⲩⲛ ϫⲉϥⲛⲁⲣϩⲧⲏϥ ⲛϭⲓⲡⲛⲟⲩⲧⲉ ⲛϥⲕⲧⲟϥ ⲉⲃⲟⲗ ⲛⲧⲟⲣⲅⲏ ⲙⲡⲉϥϭⲱⲛⲧ ⲛⲧⲛⲧⲙⲙⲟⲩ :

    Who knows if God will repent, and turn from his fierce anger, and so we shall not perish?

34. Jonah_01:9

    ⲁⲩⲱ ⲡⲉϫⲁϥ ⲛⲁⲩ ϫⲉⲁⲛⲅⲡϩⲙϩⲁⲗ ⲁⲛⲟⲕ ⲙⲡϫⲟⲉⲓⲥ ⲁⲩⲱ ⲡϫⲟⲉⲓⲥ ⲡⲛⲟⲩⲧⲉ ⲛⲧⲡⲉ : ⲉⲓϣⲙϣⲉ ⲛⲁϥ ⲁⲛⲟⲕ ⲡⲁⲓ ⲉⲛⲧⲁϥⲧⲁⲙⲓⲟⲧϩⲁⲗⲁⲥⲥⲁ : ⲛⲙⲡⲉⲧϣⲟⲩⲱⲟⲩ :

    And he said to them, I am a servant of the Lord; and I worship the Lord God of heaven, who made the sea, and the dry land.

35. Jonah_04:9

    ⲁⲩⲱ ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ⲛⲓⲱⲛⲁ ϫⲉⲉⲛⲉⲁⲕⲙⲕⲁϩ ⲛϩⲏⲧ ⲛⲧⲟⲕ ⲉⲙⲁⲧⲉ ⲉϫⲛⲡⲃⲛⲧⲛⲉϭⲗⲟϭ : ⲁⲩⲱ ⲡⲉϫⲁϥ ϫⲉⲁⲓⲙⲕⲁϩ ⲛϩⲏⲧ ⲉⲙⲁⲧⲉ ⲁⲛⲟⲕ ϣⲁϩⲣⲁⲓ ⲉⲡⲙⲟⲩ :

    And God said to Jonas, Art thou very much grieved for the gourd? And he said, I am very much grieved, even to death.

36. Jonah_02:9

    ⲛⲉⲧϩⲁⲣⲉϩ ⲉⲙⲡⲉⲧϣⲟⲩⲉⲓⲧ ⲙⲛⲛϭⲟⲗ ⲁⲩⲕⲱ ⲛⲥⲱⲟⲩ ⲙⲡⲉⲩⲛⲁ :

    They that observe vanities and lies have forsaken their own mercy.

37. Jonah_02:10

    ⲁⲛⲟⲕ ⲇⲉ ϩⲛⲟⲩϩⲣⲟⲟⲩ ⲛⲧⲱⲃϩ ϩⲓⲉⲝⲟⲙⲟⲗⲟⲅⲏⲥⲓⲥ ϯⲛⲁϣⲱⲱⲧ ⲛⲁⲕ ⲛⲟⲩⲑⲩⲥⲓⲁ ⲛⲟⲩϫⲁⲓ ⲛⲉⲛⲧⲁⲓⲉⲣⲏⲧ ⲙⲙⲟⲟⲩ ϯⲛⲁⲧⲁⲁⲩ ⲛⲁⲕ ⲉⲡⲁⲟⲩϫⲁⲓ ⲡϫⲟⲉⲓⲥ :

    But I will sacrifice to thee with the voice of praise and thanksgiving: all that I have vowed I will pay to thee, the Lord of my salvation.

38. Jonah_04:10

    ⲡⲉϫⲉⲡϫⲟⲉⲓⲥ ⲛⲁϥ ϫⲉⲛⲧⲟⲕ ⲁⲕϣⲛϩⲧⲏⲕ ⲉϫⲛⲡⲃⲛⲧⲛⲉϭⲗⲟϭ ⲉⲙⲡⲕϣⲡϩⲓⲥⲉ ⲉϫⲱϥ ⲟⲩⲇⲉ ⲙⲡⲕⲥⲁⲛⲟⲩϣϥ : ⲛⲧⲁϥϯⲟⲩⲱ ϩⲛⲟⲩⲟⲩϣⲏ : ⲁϥⲙⲟⲩ ⲟⲛ ϩⲛⲟⲩϣⲏ :

    And the Lord said, Thou hadst pity on the gourd, for which thou has not suffered, neither didst thou rear it; which came up before night, and perished before another night:

39. Jonah_03:10

    ⲁⲩⲱ ⲡⲛⲟⲩⲧⲉ ⲁⲩⲛⲁⲩ ⲉⲛⲉⲩϩⲃⲏⲩⲉ ϫⲉⲁⲩⲕⲧⲟⲟⲩ ⲉⲃⲟⲗ ϩⲓⲛⲉⲩϩⲓⲟⲟⲩⲉ ⲉⲧϩⲟⲟⲩ ⲁⲩⲱ ⲁϥⲣϩⲧⲏϥ ⲛϭⲓⲡⲛⲟⲩⲧⲉ ⲉϫⲛⲙⲡⲉⲧϩⲟⲟⲩ ⲉⲛⲧⲁϥϣⲁϫⲉ ⲉⲁⲁⲩ ⲛⲁⲩ : ⲁⲩⲱ ⲙⲡϥⲁⲁⲩ :

    And God saw their works, that they turned from their evil ways; and God repented of the evil which he had said he would do to them; and he did it not.

40. Jonah_01:10

    ⲁⲩⲱ ⲁⲩⲣϩⲟⲧⲉ ⲛϭⲓⲛⲣⲱⲙⲉ ϩⲛⲟⲩⲛⲟϭ ⲛϩⲟⲧⲉ : ⲡⲉϫⲁⲩ ⲛⲁϥ ϫⲉⲉⲧⲃⲉⲟⲩ ⲁⲕⲣⲡⲁⲓ ⲉⲡⲉⲓ ⲁⲩⲉⲓⲙⲉ ⲛϭⲓⲛⲣⲱⲙⲉ ϫⲉⲛⲧⲁϥⲡⲱⲧ ⲛⲛⲁϩⲣⲛⲡϩⲟ ⲙⲡϫⲟⲉⲓⲥ ⲉⲃⲟⲗ ϫⲉⲁϥⲧⲁⲙⲟⲟⲩ :

    Then the men feared exceedingly, and said to him, What is this that thou hast done? for the men knew that he was fleeing from the face of the Lord, because he had told them.

41. Jonah_02:11

    ⲁⲩⲱ ⲁϥⲟⲩⲉϩⲥⲁϩⲛⲉ ⲙⲡⲕⲏⲧⲟⲥ ⲁϥⲛⲟⲩϫⲉ ⲛⲓⲱⲛⲁⲥ ⲉϫⲛⲡⲉⲧϣⲟⲩⲱⲟⲩ :

    And the whale was commanded by the Lord, and it cast up Jonas on the dry land.

42. Jonah_04:11

    ⲁⲛⲟⲕ ϭⲉ ⲛⲛⲁϯⲥⲟ ⲉⲧⲛⲓⲛⲉⲩⲏ ⲧⲛⲟϭ ⲙⲡⲟⲗⲓⲥ ⲉⲩⲛϩⲏⲧⲥ ⲛϭⲓⲁϩⲟⲩⲟ ⲉⲙⲛⲧⲥⲛⲟⲟⲩⲥ ⲛⲧⲃⲁ ⲛⲣⲱⲙⲉ : ⲛⲁⲓ ⲉⲧⲉⲙⲡⲟⲩⲥⲟⲩⲛⲧⲉⲩⲟⲩⲛⲁⲙ : ⲙⲛⲧⲉⲩϩⲃⲟⲩⲣ ⲙⲛϩⲉⲛⲧⲃⲛⲟⲟⲩⲉ ⲉⲛⲁϣⲱⲟⲩ :

    and shall not I spare Nineve, the great city, in which dwell more than twelve myriads of human beings, who do not know their right hand or their left hand; and also much cattle?

43. Jonah_01:11

    ⲡⲉϫⲁⲩ ⲛⲁϥ ϫⲉⲟⲩ ⲡⲉ ⲉⲧⲛⲛⲁⲁⲁϥ ⲛⲁⲕ ϫⲉⲉⲣⲉⲧϩⲁⲗⲁⲥⲥⲁ ⲗⲟ ⲉⲥⲟ ⲛϩⲟⲉⲓⲙ ⲉⲣⲟⲛ : ⲉⲃⲟⲗ ϫⲉⲧⲉⲑⲁⲗⲗⲁⲥⲥⲁ ⲛⲉⲥⲧⲱⲟⲩⲛ ⲛϩⲟⲩⲟ ⲉⲥⲛⲉϩⲥⲉ ⲛⲟⲩⲛⲟϭ ⲛϩⲟⲉⲓⲙ :

    And they said to him, What shall we do to thee, that the sea may be calm to us? for the sea rose, and lifted its wave exceedingly.

44. Jonah_01:12

    ⲡⲉϫⲉⲓⲱⲛⲁⲥ ⲛⲁⲩ ϫⲉϥⲓⲧ ⲛⲧⲉⲧⲛⲛⲟϫⲧ ⲉⲧϩⲁⲗⲁⲥⲥⲁ : ⲁⲩⲱ ⲥⲛⲁⲗⲟ ⲉⲥⲟ ⲛϩⲟⲉⲓⲙ ⲉⲣⲱⲧⲛ : ⲉⲃⲟⲗ ϫⲉⲁⲓⲉⲓⲙⲉ ⲁⲛⲟⲕ ϫⲉⲉⲧⲃⲏⲏⲧ ⲉⲣⲉⲡⲉⲓⲛⲟϭ ⲛϩⲟⲉⲓⲙ ϩⲓϫⲱⲧⲛ :

    And Jonas said to them, Take me up, and cast me into the sea, and the sea shall be calm to you: for I know that for my sake this great tempest is upon you.

45. Jonah_01:13

    ⲁⲩⲱ ⲛⲉⲩⲉⲓⲣⲉ ⲛⲁⲡⲁⲧⲟⲟⲧⲟⲩ ⲛϭⲓⲛⲣⲱⲙⲉ ⲉⲕⲧⲟⲟⲩ ⲉⲡⲉⲕⲣⲟ : ⲁⲩⲱ ⲙⲡⲟⲩϣⲕⲧⲟⲟⲩ ⲉⲃⲟⲗ ϫⲉⲧⲉⲑⲁⲗⲁⲥⲥⲁ ⲛⲉⲥⲣϩⲟⲉⲓⲙ ⲉⲙⲁⲧⲉ ⲉϫⲱⲟⲩ :

    And the men tried hard to return to the land, and were not able: for the sea rose and grew more and more tempestuous against them.

46. Jonah_01:14

    ⲁⲩⲱ ⲁⲩⲱϣ ⲉⲃⲟⲗ ⲉϩⲣⲁⲓ ⲉⲡϫⲟⲉⲓⲥ ⲉⲩϫⲱ ⲙⲙⲟⲥ ϫⲉⲙⲡⲣϭⲱⲛⲧ ⲉⲣⲟⲛ ⲡϫⲟⲉⲓⲥ : ⲙⲡⲣⲧⲣⲉⲛⲙⲟⲩ ⲉⲧⲃⲉⲧⲉⲯⲩⲭⲏ ⲙⲡⲉⲓⲣⲱⲙⲉ : ⲙⲡⲣⲉⲓⲛⲉ ϩⲣⲁⲓ ⲉϫⲱⲛ ⲛⲟⲩⲥⲛⲟϥ ⲛⲇⲓⲕⲁⲓⲟⲛ : ⲉⲃⲟⲗ ϫⲉⲛⲧϩⲉ ⲛⲧⲟⲕ ⲡϫⲟⲉⲓⲥ ⲉⲛⲧⲁⲕⲟⲩⲁϣⲥ ⲁⲕⲁⲁⲥ :

    And they cried to the Lord, and said, Forbid it, Lord: let us not perish for the sake of this man's life, and bring not righteous blood upon us: for thou, Lord, hast done as thou wouldest.

47. Jonah_01:15

    ⲁⲩⲱ ⲁⲩϥⲓ ⲛⲓⲱⲛⲁⲥ ⲁⲩⲛⲟϫϥ ⲉϩⲣⲁⲓ ⲉⲧϩⲁⲗⲁⲥⲥⲁ : ⲁⲧⲉⲑⲁⲗⲗⲁⲥⲥⲁ ⲗⲟ ⲉⲥⲟ ⲛϩⲟⲉⲓⲙ :

    So they took Jonas, and cast him out into the sea: and the sea ceased from its raging.

48. Jonah_01:16

    ⲁⲩⲱ ⲛⲣⲱⲙⲉ ⲁⲩⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϩⲛⲟⲩⲛⲟϭ ⲛϩⲟⲧⲉ ⲁⲩⲱ ⲁⲩϣⲱⲱⲧ ⲛⲟⲩⲑⲩⲥⲓⲁ ⲙⲡϫⲟⲉⲓⲥ ⲁⲩⲉⲣⲏⲧ ⲛϩⲉ ⲛⲉⲣⲏⲧ

    And the men feared the Lord very greatly, and offered a sacrifice to the Lord, and vowed vows.

Coptic SCRIPTORIUM, corpus sahidic.jonah (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY-SA 4.0. Source.