Pseudo Celestinus

Coptic literature (Coptic SCRIPTORIUM) · 916 sections

pscelestinus.encomium.01:101
ⲕⲁⲓ ⲅⲁⲣ ⲁⲡⲉⲛⲥⲱⲧⲏⲣ ϫⲟⲟⲥ ϫⲉⲡⲉⲧⲡⲓⲥⲧⲉⲩⲉ ⲉⲣⲟ · ⲛⲉϩⲃⲏⲩⲉ ϯⲉⲓⲣⲉ ⲙⲙⲟⲟⲩ ϩⲙⲡⲣⲁⲛ ⲙⲡⲁⲉⲓⲱⲧ ·
Now the Saviour said, 'Whosoever believeth on Me shall himself see the works which I do in the Name of My Father,
pscelestinus.encomium.02:101
ⲁⲩⲱϣ ⲉⲃⲟⲗ · ϫⲉⲛⲛⲟϭ ⲛⲉ ⲛϭⲟⲙ ⲙⲡⲛⲟⲩⲧⲉ · ⲙⲛⲡϩⲁⲅⲓⲟⲥ ⲃⲓⲕⲧⲱⲣ ·
and they cried out, saying, 'Great are the mighty deeds of God and Saint Victor.
pscelestinus.encomium.03:101
ⲉⲓⲥ ⲛϩⲏⲕⲉ ⲛⲧⲁⲕϫⲓⲧⲟⲩ ⲛϭⲟⲛⲥ ·
Behold the poor whom thou hast wronged!
pscelestinus.encomium.01:102
ⲡⲁⲓ ϩⲱⲱϥ ⲟⲛ ϥⲛⲁⲁⲁⲩ · ⲁⲩⲱ ϥⲛⲁⲣⲛⲉⲧⲛⲁⲁⲁⲩ ⲉⲣⲟⲟⲩ ·
and he shall do things which are even greater than they.'
pscelestinus.encomium.03:102
ⲉⲓⲥ ⲛⲉⲃⲓⲏⲛ ⲙⲛⲛϣⲙⲙⲟ ⲛⲧⲁⲕϩⲓⲗⲁ ⲉⲣⲟⲟⲩ ·
Behold those who were in misery, and the strangers, whom thou didst defraud
pscelestinus.encomium.02:102
ⲟⲩⲛⲟϭ ⲡⲉϩⲙⲟⲧ ⲛⲧⲁⲡⲛⲟⲩⲧⲉ ⲁⲁϥ ⲛⲙⲙⲁⲛ ·
Great is the favour which God hath worked for us,
pscelestinus.encomium.01:103
ⲛⲉⲩⲛⲟⲩⲣⲱⲙⲉ ⲇⲉ ϩⲛⲧⲉⲓⲡⲟⲗⲓⲥ ⲉⲡⲉϥⲣⲁⲛ ⲡⲉ ⲁⲗⲉⲝⲁⲛⲇⲣⲟⲥ ·
There was in this city a certain man whose name was Alexander,
pscelestinus.encomium.02:103
ⲁⲛⲙⲡϣⲁ ⲙⲡⲉⲕⲙⲁⲣⲧⲏⲣⲓⲟⲛ ϩⲛⲧⲉⲛⲡⲟⲗⲓⲥ · ⲉⲓⲧⲁ ⲛⲧⲉⲣⲟⲩⲧⲁⲙⲟⲟⲩ ⲉⲡⲉⲛⲧⲁϥϣⲱⲡⲉ ⲙⲙⲟⲟⲩ ·
in holding us to be worthy to have thy martyrium in our city.' Then when they had been told what had happened to them (i.e. the sick men),
pscelestinus.encomium.03:103
ⲁⲕⲟⲩⲱⲙ ⲙⲡⲉⲧϣⲟⲟⲡ ⲛⲁⲩ ·
and eat up what goods they had
pscelestinus.encomium.02:104
ⲁⲡⲉⲧⲥⲟⲃϩ ⲁⲡⲟⲕⲁⲗⲉⲓ ⲉⲣⲟⲟⲩ ⲛϩⲱⲃ ⲛⲓⲙ · ⲛⲧϩⲉ ⲛⲧⲁⲡϩⲁⲅⲓⲟⲥ ⲃⲓⲕⲧⲱⲣ ϣⲁϫⲉ ⲛⲙⲙⲁϥ ϩⲙⲡϩⲟⲣⲟⲙⲁ ·
the man who had had the skin disease declared to them everything, and told them how Saint Victor had spoken to him in a dream.
pscelestinus.encomium.01:104
ⲟⲩⲣⲙⲙⲁⲟ ⲡⲉ ⲉⲙⲁⲧⲉ ϩⲙⲡⲛⲟⲩⲃ ⲙⲛⲡϩⲁⲧ ·
and he had great possessions in gold and silver;
pscelestinus.encomium.03:104
ⲉⲓⲥ ⲛⲁⲛⲁϣ ⲛⲛⲟⲩϫ ·
Behold the false oaths!
pscelestinus.encomium.01:105
ⲡⲁⲓ ⲇⲉ ⲛⲉⲟⲩⲛⲛⲧⲁϥ ⲙⲙⲁⲩ ⲛⲟⲩⲥϩⲓⲙⲉ ⲛⲁϭⲣⲏⲛ ·
this man had a wife who was barren,
pscelestinus.encomium.02:105
ⲁⲩⲱ ⲁⲡⲥⲟⲉⲓⲧ ⲛⲧⲉⲓϣⲡⲏⲣⲉ ⲙⲉϩⲙⲁ ⲛⲓⲙ · ⲁⲩⲱ ⲁⲓⲑⲉⲱⲣⲉⲓ ⲙⲙⲟⲥ ϩⲛⲛⲁⲃⲁⲗ
And the report of this miracle filled every place, and I myself saw it with my own eyes,
pscelestinus.encomium.03:105
ⲉⲓⲥⲛⲕⲁⲧⲁⲗⲁⲗⲓⲁ ·
Behold the slanderings!
pscelestinus.encomium.02:106
ⲁⲛⲟⲕ ⲡⲉⲓⲉⲗⲁⲭⲓⲥⲧⲟⲥ ⲉⲧϣⲁϫⲉ ⲛⲙⲙⲏⲧⲛ ϩⲙⲡⲉⲓⲉⲛⲕⲱⲙⲓⲟⲛ ·
I, the insignificant one, who am now addressing to you this encomium.
pscelestinus.encomium.01:106
ⲙⲡⲉⲥϫⲡⲉϣⲏⲣⲉ ⲉⲛⲉϩ · ⲁⲩⲱ ⲛⲉⲩⲛⲟⲩⲛⲟϭ ⲛⲗⲩⲡⲉⲓ ϩⲙⲡⲉⲩϩⲏⲧ ⲉⲧⲃⲉⲡⲉⲓϩⲱⲃ : ϫⲉⲙⲛⲧⲁⲩ ⲙⲙⲁⲩ ⲛⲟⲩⲇⲓⲁⲧⲟⲭⲟⲥ ⲉⲧⲉⲩⲟⲩⲥⲓⲁ ·
and who had never given birth to a child, and there was great sorrow in their hearts because of this thing, for they had no heir to inherit their substance.
pscelestinus.encomium.03:106
ⲉⲓⲥ ⲡⲙⲟⲥⲧⲉ ·
Behold the hatred!
pscelestinus.encomium.01:107
ⲁⲩⲥⲱⲧⲙ ⲇⲉ ⲉⲧⲃⲉⲛϭⲟⲙ ⲙⲛⲛⲉϣⲡⲏⲣⲉ ⲉⲧϣⲟⲟⲡ ⲉⲃⲟⲗ ϩⲙⲡⲙⲁⲣⲧⲏⲣⲓⲟⲛ ⲙⲡϩⲁⲅⲓⲟⲥ ⲁⲡⲁ ⲃⲓⲕⲧⲱⲣ ·
And they heard of the mighty deeds and miracles that took place in the martyrium of Saint Apa Victor,
pscelestinus.encomium.02:107
ⲡⲉⲧⲥⲟⲃϩ ⲇⲉ ⲙⲛⲡⲃⲗⲗⲉ ⲛⲧⲁⲡⲧⲁⲗϭⲟ ϣⲱⲡⲉ ⲛⲁⲩ ⲉⲃⲟⲗ ϩⲓⲧⲟⲟⲧϥ ⲙⲡϩⲁⲅⲓⲟⲥ ⲃⲓⲕⲧⲱⲣ · ⲁⲩϭⲱ ⲉⲩⲇⲓⲁⲕⲟⲛⲉⲓ ⲉⲡⲉϥⲙⲁⲣⲧⲏⲣⲓⲟⲛ ϣⲁⲡⲉϩⲟⲟⲩ ⲙⲡⲉϥⲙⲟⲩ · ⲁⲩⲱ ⲛⲉⲩϫⲓ ⲛϩⲣⲁⲩ ⲉⲡⲟⲩϫⲁⲓ ⲛⲧⲉⲩⲯⲩⲭⲏ ·
And the man who had had the skin disease, and the blind man, both of whom had been healed by Saint Victor, remained in his martyrium and ministered there until the day of their death, and they gave diligent attention to the welfare of their souls.
pscelestinus.encomium.03:107
ⲉⲓⲥ ⲛⲕⲱϩ ·
Behold the envy!
pscelestinus.encomium.01:108
ⲁⲩⲧⲱⲟⲩⲛ ϩⲓⲟⲩⲥⲟⲡ ⲁⲩⲃⲱⲕ ⲉⲡⲧⲟⲡⲟⲥ ⲉⲧⲟⲩⲁⲁⲃ ·
and they rose up and went together to the holy shrine,
pscelestinus.encomium.03:108
ⲉⲓⲥ ⲛϯⲧⲱⲛ ·
Behold the contentions!
pscelestinus.encomium.02:108
ⲁⲩⲱ ⲡⲗⲁⲕⲕⲟⲥ ⲛⲧⲁⲩϫⲱⲕⲙ ⲛϩⲏⲧϥ · ⲁⲩⲛⲟϭ ⲛϭⲟⲙ ⲛⲧⲉⲡⲛⲟⲩⲧⲉ ϣⲱⲡⲉ ⲛϩⲏⲧϥ ϣⲁϩⲟⲩⲛ ⲉⲡϩⲟⲟⲩ ⲛϩⲟⲟⲩ · ϩⲱⲥⲧⲉ ⲣⲱⲙⲉ ⲛⲓⲙ ⲉϥϣⲱⲛⲉ ⲕⲁⲛ ⲉϥⲥⲏϭ · ⲏ ⲉϥⲟ ⲛⲇⲁⲓⲙⲟⲛⲓⲟⲛ · ϩⲁⲡⲗⲱⲥ ⲉϥϣⲟⲟⲡ ϩⲛϣⲱⲛⲉ ⲛⲓⲙ ·
And as for the lake wherein they had washed, very many mighty works of God continued to take place therein, and they do so to this very day. So great a means of healing is it that any man who is sick, whether he be sick of the palsy, or whether he be possessed of a devil, in short, if he be suffering from any kind of sickness,
pscelestinus.encomium.01:109
ⲁⲩϯ ⲛⲛⲉⲩⲇⲱⲣⲟⲛ ⲉϩⲟⲩⲛ ⲉⲡⲙⲁⲣⲧⲏⲣⲓⲟⲛ ⲙⲡⲉϩⲟⲟⲩ ⲛⲧⲕⲩⲣⲓⲁⲕⲏ ·
and they made an offering in the martyrium on the Lord's Day.
pscelestinus.encomium.02:109
ϫⲓⲛⲧⲉⲩⲛⲟⲩ ⲉⲧⲟⲩⲛⲁϫⲱⲕⲙ ϩⲙⲡⲗⲁⲕⲕⲟⲥ ⲉⲧⲙⲙⲁⲩ · ϣⲁⲩⲙⲁⲁⲧⲉ ⲙⲡⲧⲁⲗϭⲟ ⲛⲥⲉⲃⲱⲕ ⲉⲛⲉⲩⲏⲓ ⲉⲩϯⲉⲟⲟⲩ ⲙⲡⲛⲟⲩⲧⲉ · ⲙⲡϩⲁⲅⲓⲟⲥ ⲃⲓⲕⲧⲱⲣ :—
immediately that he has bathed in that lake, he findeth healing; and these folk go to their houses glorifying the God of Saint Victor,
pscelestinus.encomium.03:109
ⲉⲓⲥ ⲛϫⲱϩⲙ ·
Behold the impurities!
pscelestinus.encomium.01:110
ⲙⲛⲛⲥⲱⲥ ⲁⲩⲉⲣⲏⲧ ⲉⲩϫⲱ ⲙⲙⲟⲥ · ϫⲉⲥⲱⲧⲙ ⲉⲣⲟⲛ ⲙⲡϩⲟⲟⲩ ⲉⲛⲥⲟⲡⲥ ⲙⲙⲟⲕ ·
And afterwards they made a vow, saying, 'Hear thou this day wherein we make supplication unto thee.
pscelestinus.encomium.03:110
ⲉⲓⲥ ⲛⲥⲟⲟϥ ·
Behold the pollutions!
pscelestinus.encomium.02:110
ⲉⲓⲛⲁϫⲉⲟⲩ ⲛⲧⲁⲕⲁⲟⲩ ϩⲛⲛⲉⲕⲕⲁⲧⲱⲣⲑⲱⲙⲁ ·
What shall I say about the things which thou hast performed by thy righteous actions?
pscelestinus.encomium.01:111
ⲉϣⲱⲡⲉ ⲉⲣϣⲁⲛⲡⲉⲕⲛⲁ ⲧⲁϩⲟⲛ ⲛⲅϯ ⲛⲁⲛ ⲛⲟⲩⲥⲡⲉⲣⲙⲁ ⲛⲣⲱⲙⲉ · ⲧⲛⲛⲁⲧⲁⲁϥ ⲉϩⲟⲩⲛ ⲉⲡⲉⲕⲙⲁⲣⲧⲏⲣⲓⲟⲛ ϣⲁⲡⲉϩⲟⲟⲩ ⲙⲡⲉϥⲙⲟⲩ ·
If thou wilt come unto us, and wilt give us the seed of man, we will dedicate him to thy martyrium to the day of his death.
pscelestinus.encomium.02:111
ⲛⲓⲙ ϩⲛⲛⲫⲓⲗⲟⲥⲟⲫⲟⲥ ⲧⲏⲣⲟⲩ ⲙⲡⲕⲟⲥⲙⲟⲥ · ⲡⲉⲧⲛⲁϣⲉⲅⲕⲱⲙⲓⲁⲍⲉ ⲙⲙⲟⲕ ⲕⲁⲧⲁⲡⲉⲕⲙⲡϣⲁ · ⲱ ⲡⲉⲛⲧⲁϥⲡⲁⲣϩⲓⲥⲧⲁ ⲙⲡⲉϥⲥⲱⲙⲁ · ⲛⲟⲩⲑⲩⲥⲓⲁ · ⲉⲥⲟⲛϩ · ⲉⲥⲟⲩⲁⲁⲃ ⲉⲥϣⲏⲡ · ⲉⲥⲣⲁⲛⲁϥ ⲙⲡⲛⲟⲩⲧⲉ ·
Who is there among all the philosophers of the world who is able to pronounce on thee an encomium which shall adequately praise thy merits, O thou who didst make of thy body a sacrifice, which was living, and was holy, and was acceptable, and was pleasing unto God?
pscelestinus.encomium.03:111
ⲉⲓⲥ ⲙⲡⲟⲣⲛⲉⲓⲁ ·
Behold the fornications!
pscelestinus.encomium.03:112
ⲉⲓⲥ ⲛϩⲱⲧⲃ · ⲙⲛⲡⲕⲉⲥⲉⲉⲡⲉ ⲛϩⲱⲃ ⲙⲡⲟⲛⲏⲣⲓⲟⲛ · ⲛⲧⲁⲕϫⲟⲕⲟⲩ ⲉⲃⲟⲗ ·
Behold the murders, and all the rest of the evil deeds which thovi hast committed!
pscelestinus.encomium.02:112
ⲁⲕϣⲉⲡϩⲉⲛⲛⲟϭ ⲛϩⲓⲥⲉ ⲉϫⲙⲡⲣⲁⲛ ⲙⲡⲉⲭⲣⲓⲥⲧⲟⲥ · ⲱ ⲡⲅⲉⲛⲛⲁⲓⲟⲥ ⲁⲡⲁ ⲃⲓⲕⲧⲱⲣ ·
Thou didst suffer greatly for the name of the Christ, O thou noble man, Apa Victor!
pscelestinus.encomium.01:112
ⲙⲟⲛⲟⲛ ⲇⲉ ϥⲓ ⲙⲙⲁⲩ ⲙⲡⲉⲛⲛⲟϭⲛⲉϭ · ⲛⲅϯ ⲛⲁⲛ ⲙⲡⲉⲛⲁⲓⲧⲏⲙⲁ ·
Only take away the cause of the reproaches which we endure, and grant unto us our petition.'
pscelestinus.encomium.02:113
ⲟⲩⲛⲟϭ ⲡⲉ ⲡⲉⲟⲟⲩ ⲛⲧⲁⲡⲛⲟⲩⲧⲉ ⲧⲁⲁϥ ⲛⲁⲕ ϩⲛⲧⲡⲉ ⲁⲩⲱ ϩⲓϫⲙⲡⲕⲁϩ ·
Great is the glory which God gave unto thee in heaven and upon the earth.
pscelestinus.encomium.03:113
ⲧⲟⲧⲉ ⲙⲡⲛⲁⲩ ⲉⲧⲙⲙⲁⲩ · ϣⲁⲣⲉⲡⲉⲕⲣⲓⲧⲏⲥ ⲱϣ ⲉⲃⲟⲗ · ϫⲉⲛⲟⲩϫⲉ ⲙⲙⲟϥ ⲉⲡⲕⲁⲕⲉ ⲉⲧϩⲓⲃⲟⲗ · ϥⲛⲁϣⲱⲡⲉ ⲙⲙⲁⲩ ⲛϭⲓⲡⲣⲓⲙⲉ ⲁⲩⲱ ⲡϭⲁϩϭⲉϩ ⲛⲛⲟⲃϩⲉ ·
Then, at that moment, the Judge shall cry out, 'Cast him into the outer darkness, where there is weeping and gnashing of teeth.'
pscelestinus.encomium.01:113
ⲛⲧⲉⲣⲟⲩϫⲉⲛⲁⲓ ⲇⲉ ⲁⲩⲃⲱⲕ ⲉⲡⲉⲩⲏⲓ ϩⲛⲟⲩⲟⲩⲣⲟⲧ ·
And when they had said these things they departed to their house in gladness.
pscelestinus.encomium.03:114
ⲧⲁⲓ ⲧⲉ ⲧϩⲁⲏ ⲛⲣⲱⲙⲉ ⲛⲓⲙ ⲛⲣⲉϥⲣⲛⲟⲃⲉ · ⲉⲧⲉⲙⲡⲟⲩⲙⲉⲧⲁⲛⲟⲉⲓ ⲉϫⲛⲛⲉⲩⲛⲟⲃⲉ ⲙⲡⲁⲧⲟⲩⲙⲟⲩ ·
This is the end of all the men who are sinners, and who have not repented of their sins before their deaths.
pscelestinus.encomium.02:114
ⲛⲁⲙⲉ ⲁϥϫⲱⲕ ⲉⲃⲟⲗ ⲛϭⲓⲡϣⲁϫⲉ ⲉⲧⲥⲏϩ · ϫⲉⲉⲛϩⲓⲥⲉ ⲙⲡⲉⲟⲩⲟⲉⲓϣ · ⲙⲡϣⲁ ⲁⲛ ⲙⲡⲉⲟⲟⲩ ⲉⲧⲛⲁϭⲱⲗⲡ ⲉⲣⲟⲛ ·
Verily the word which is written is fulfilled, 'The sufferings of a time are not worthy the glory which shall be revealed unto us.
pscelestinus.encomium.01:114
ⲟⲩϩⲟⲟⲩ ⲇⲉ ⲉⲃⲟⲗ ϩⲛⲟⲩϩⲟⲟⲩ · ⲁⲡϩⲁⲅⲓⲟⲥ ⲃⲓⲕⲧⲱⲣ ⲡⲁⲣⲁⲕⲁⲗⲉⲓ ⲙⲡⲉⲭⲣⲓⲥⲧⲟⲥ ⲉϫⲱⲟⲩ ·
And it came to pass on a certain day that Saint Victor made supplication to the Christ on their behalf,
pscelestinus.encomium.02:115
ⲟⲩⲛⲟϭ ⲡⲉ ⲡⲧⲁⲉⲓⲟ ⲛⲧⲁⲡⲛⲟⲩⲧⲉ ⲧⲁⲁϥ ⲛⲁⲕ ⲱ ⲡⲉⲥⲧⲣⲁⲧⲏⲗⲁⲧⲏⲥ ⲉⲧⲟⲩⲁⲁⲃ · ϩⲱⲥⲧⲉ ⲣⲱⲙⲉ ⲛⲓⲙ ⲉⲧⲛⲁⲉⲡⲓⲕⲁⲗⲉⲓ ⲙⲡⲛⲟⲩⲧⲉ ϩⲙⲡⲉⲕⲣⲁⲛ :—
Great is the glory which God hath given unto thee, O holy general! So great is it that to every man who calleth upon God in thy name
pscelestinus.encomium.03:115
ⲉⲓⲥϩⲏⲏⲧⲉ ⲁⲓⲟⲩⲉⲛϩⲡϩⲱⲃ ⲛⲏⲧⲛ ⲉⲃⲟⲗ · ϫⲉⲙⲛⲗⲁⲁⲩ ⲛϩⲏⲩ ϩⲙⲡⲃⲓⲟⲥ ⲙⲡⲣⲱⲙⲉ · ϫⲉⲁⲩϫⲡⲟϥ ⲉⲡⲉⲓⲕⲟⲥⲙⲟⲥ ·
Behold, I have made the matter quite clear to you, and have shewn yoii that there is no profit in the life of man who is born into this world.
pscelestinus.encomium.01:115
ⲁⲧⲉⲥϩⲓⲙⲉ ϫⲡⲟ ⲛⲟⲩϣⲉⲣϩⲟⲟⲩⲧ ⲉⲛⲉⲥⲱϥ ⲉⲙⲁⲧⲉ ⲉⲛⲁⲩ ⲉⲣⲟϥ · ⲉⲣⲉⲧⲉⲭⲁⲣⲓⲥ ⲙⲡⲛⲟⲩⲧⲉ ⲕⲱⲧⲉ ⲉⲣⲟϥ ·
and the wife of Alexander gave birth to a male child, who was exceedingly beautiful to look upon, and the grace of God enveloped him,
pscelestinus.encomium.02:116
ⲕⲁⲛ ⲉⲩϣⲟⲟⲡ ϩⲛⲁⲛⲁⲅⲕⲏ ⲛⲓⲙ · ϣⲁⲣⲉⲧⲃⲟⲏⲑⲉⲓⲁ ⲙⲡⲛⲟⲩⲧⲉ ⲧⲁϩⲟⲟⲩ ϩⲛⲟⲩϭⲉⲡⲏ · ⲁⲩⲱ ⲟⲛ ϣⲁϩⲟⲩⲛ ⲉⲧⲉⲛⲟⲩ ·
when he be in trouble of any kind, there cometh speedily the help of God. And this continueth to be so even to this day,
pscelestinus.encomium.03:116
ⲉϣⲱⲡⲉ ⲕⲟⲩⲱϣ ⲉⲟⲩϫⲁⲓ ⲛⲅⲕⲗⲏⲣⲟⲛⲟⲙⲉⲓ ⲙⲡⲱⲛϩ · ϭⲉⲡⲏ ⲙⲙⲟⲕ ⲛⲅⲥⲱⲧⲉ ⲛⲛⲉⲕⲛⲟⲃⲉ ϩⲛϩⲉⲛⲙⲛⲧⲛⲁ · ⲙⲛϩⲉⲛⲙⲛⲧϣⲁⲛϩⲧⲏϥ ⲉϩⲟⲩⲛ ⲉⲛϩⲏⲕⲉ · ϫⲉⲕⲁⲥ ⲉⲕⲛⲁⲁⲡⲟⲗⲁⲩⲉ ⲙⲙⲟⲕ ϩⲙⲡⲙⲁ ⲉⲧⲉⲣⲉⲡⲣⲁϣⲉ ⲛϩⲏⲧϥ ⲙⲛⲡⲧⲉⲗⲏⲗ ·
If thou wishest for salvation, and wouldst inherit life, haste thee and redeem thy sins by means of acts of charity and by works of compassion to the poor, so that thou mayest enjoy thyself in the world wherein there are joy and gladness.
pscelestinus.encomium.01:116
ⲁⲩⲙⲟⲩⲧⲉ ⲉⲡⲉϥⲣⲁⲛ ϫⲉⲃⲓⲕⲧⲱⲣ ⲕⲁⲧⲁⲡⲣⲁⲛ ⲙⲡϩⲁⲅⲓⲟⲥ ⲃⲓⲕⲧⲱⲣ ·
and they called his name 'Victor', naming him after Saint Victor,
pscelestinus.encomium.03:117
ⲁⲩⲱ ⲕⲁⲛ ⲉⲁⲕⲣⲛⲟⲃⲉ ⲛⲓⲙ · ⲕⲟⲧⲕ ⲛⲅⲙⲉⲧⲁⲛⲟⲉⲓ · ⲡⲛⲟⲩⲧⲉ ⲛⲁⲕⲱ ⲛⲁⲕ ⲉⲃⲟⲗ ·
And even if thou hast committed every kind of sin, turn thou back and repent, and God shall forgive thee,
pscelestinus.encomium.02:117
ⲣⲱⲙⲉ ⲛⲓⲙ ⲉⲧⲛⲁⲥⲡⲥⲱⲡϥ ϩⲙⲡⲉⲩϩⲏⲧ ⲧⲏⲣϥ · ϣⲁϥⲛⲁϩⲙⲟⲩ ϩⲛⲕⲩⲛⲇⲩⲛⲟⲥ ⲛⲓⲙ · ⲉϣϫⲉ ⲙⲙⲟⲛ ⲥⲱⲧⲙ ⲛⲧⲁⲧⲁⲙⲱⲧⲛ :—
for He delivereth every man who maketh supplication unto Him with his whole heart from dangers of every kind. If ye do not (believe this), hearken and I will shew you that it is indeed so.
pscelestinus.encomium.01:117
ⲁⲩⲛⲟϭ ⲛⲣⲁϣⲉ ϣⲱⲡⲉ ϩⲙⲡⲉⲩⲏⲓ · ⲁⲩⲥⲱⲣ ⲛϩⲉⲛⲁϣⲏ ⲙⲙⲛⲧⲛⲁ ⲛⲛϩⲏⲕⲉ ·
And there was great joy in the house of Alexander and his wife, and they distributed much alms among the poor.
pscelestinus.encomium.02:118
ⲁⲥϣⲱⲡⲉ ⲇⲉ ⲛⲧⲉⲣⲉⲛⲃⲁⲣⲃⲁⲣⲟⲥ ⲉⲧⲟⲩⲙⲟⲩⲧⲉ ⲉⲣⲟⲟⲩ ϫⲉⲥⲁⲃⲁⲛ · ⲧⲱⲟⲩⲛ ⲉϫⲛⲧⲉⲭⲱⲣⲁ ⲛⲧⲉϩⲣⲱⲙⲁⲛⲓⲁ · ⲉⲩⲟϣ ⲛⲧϩⲉ ⲙⲡϣⲟ ⲛⲧⲑⲁⲗⲁⲥⲥⲁ · ϩⲱⲥⲧⲉ ⲛⲥⲉϫⲓ ⲛⲧϣⲟⲣⲡ ⲛϩⲣⲱⲙⲁⲛⲓⲁ · ⲛⲥⲉⲥⲟⲃⲧⲉ ⲛϩⲉⲛⲉϫⲏⲩ ⲉⲛⲁϣⲱⲟⲩ · ⲉⲧⲣⲉⲩϫⲓⲟⲣ ⲛⲥⲉⲉⲓ ⲛⲁⲛ ⲉⲃⲟⲗ ⲉⲧⲉϩⲣⲱⲙⲁⲛⲓⲁ ·
And it came to pass that when the barbarians, who are called Saban, rose up against the country of 'Romania', now they were as many as the sands of the sea, they captured the first part (frontier?) of 'Romania', and then they made ready a large fleet of ships to transport them from 'Romania' to our country.
pscelestinus.encomium.01:118
ⲛⲧⲉⲣⲉⲡϣⲏⲣⲉ ⲇⲉ ϣⲏⲙ ⲣⲁϯⲉ ⲛⲣⲟⲙⲡⲉ · ⲙⲡⲉⲡϩⲏⲧ ⲛⲛⲉϥⲉⲓⲟⲧⲉ ⲕⲁⲁⲩ ⲉϯ ⲙⲡϣⲏⲣⲉ ϣⲏⲙ ⲉϩⲟⲩⲛ ⲉⲡⲧⲟⲡⲟⲥ ⲙⲡϩⲁⲅⲓⲟⲥ ⲁⲡⲁ ⲃⲓⲕⲧⲱⲣ · ⲕⲁⲧⲁⲡⲉⲛⲧⲁϥⲉⲓ ⲉⲃⲟⲗ ϩⲛⲣⲣⲱⲟⲩ · ⲁⲗⲗⲁ ⲁⲩⲕⲟⲧⲟⲩ ⲉⲡⲁϩⲟⲩ ϩⲙⲡⲉⲩⲉⲣⲏⲧ
And when the child was five years of age the hearts of his parents would not permit them to send the child away to the shrine of Saint Apa Victor, according to the promise which had come forth from their mouths, but they went back on their vow.
pscelestinus.encomium.03:118
ⲁⲩⲛⲁⲏⲧ ⲅⲁⲣ ⲡⲉ · ⲁⲩⲱ ⲟⲩⲙⲁⲓⲣⲱⲙⲉ ⲡⲉ ϣⲁϥⲣϩⲧⲏϥ ⲉϫⲛⲛⲕⲁⲕⲓⲁ ⲛⲛⲉⲧⲛⲁⲕⲧⲟⲟⲩ ⲉⲣⲟϥ
for He is compassionate, and He loveth mankind, and sheweth pity for the wickednesses of those who return unto Him.
pscelestinus.encomium.03:119
ϥϫⲱ ⲙⲙⲟⲥ ϫⲉⲛϯⲟⲩⲉϣ ⲡⲙⲟⲩ ⲁⲛ ⲙⲡⲣⲉϥⲣⲛⲟⲃⲉ · ⲛⲧϩⲉ ⲉⲧⲣⲉϥⲕⲧⲟϥ ⲉⲃⲟⲗ ϩⲛⲧⲉϥϩⲓⲏ ⲉⲧϩⲟⲟⲩ · ⲛϥⲙⲉⲧⲁⲛⲟⲉⲓ ⲛϥⲱⲛϩ ·
For He saith, 'I do not desire the death of the sinner, hut rather that he should turn back from his evil way, and repent and live.'
pscelestinus.encomium.02:119
ⲡⲗⲁⲟⲥ ⲇⲉ ⲧⲏⲣϥ ⲙⲛⲧⲥⲩⲛⲕⲗⲏⲧⲟⲥ · ⲙⲛⲡⲇⲩⲙⲟⲥ ⲧⲏⲣϥ ⲛϩⲣⲱⲙⲏ · ⲙⲛⲙⲡⲉⲣⲓⲭⲱⲣⲟⲥ ⲧⲏⲣⲟⲩ ⲉⲧϩⲏⲛ ⲉϩⲟⲩⲛ · ⲛⲉⲩⲥⲟⲃϩ ⲉⲩⲉⲓⲣⲉ ⲛⲧⲕⲁⲑⲟⲗⲓⲕⲏⲥ ⲥⲩⲛⲁⲝⲓⲥ ϩⲙⲡⲧⲟⲡⲟⲥ ⲙⲡϩⲁⲅⲓⲟⲥ ⲃⲓⲕⲧⲱⲣ · ⲡⲁⲓ ⲉⲧⲛⲥⲟⲟⲩϩ ⲉⲣⲟϥ ⲧⲉⲛⲟⲩ ·
And all the people, and all those men who were of senatorial rank, and all the common folk of Rome, and all those who were in the immediate districts, gathered themselves together, and they celebrated the 'Catholic Synaxis' in the shrine of Saint Victor, wherein we are at this very moment assembled.
pscelestinus.encomium.01:119
ⲙⲡⲟⲩⲣⲡⲙⲉⲉⲩⲉ ⲙⲡⲉⲧⲥⲏϩ · ϫⲉϯϩⲧⲏⲕ ⲉⲉⲓⲣⲉ ⲛⲛⲉⲧⲛⲏⲩ ⲉⲃⲟⲗ ϩⲛⲣⲱⲕ · ϫⲉϩⲛⲟⲩϩⲟⲧϩⲉⲧ ⲡϫⲟⲉⲓⲥ ⲛⲁϩⲟⲧϩⲉⲧ ⲛⲛⲉⲕϩⲓⲟⲟⲩⲉ ⲛϥϫⲓⲕⲃⲁ ⲙⲙⲟⲕ ·
And they remembered not that which is written, 'Take good heed to thyself to perform the words which come forth from thy mouth, for the Lord will assuredly keep strict watch on thy ways, and will take vengeance upon thee.'
pscelestinus.encomium.02:120
ⲉⲣⲉⲡⲣⲣⲟ ⲙⲙⲁⲓⲛⲟⲩⲧⲉ ⲙⲙⲁⲩ ⲙⲛⲡⲉⲥⲧⲣⲁⲧⲉⲩⲙⲁ ⲙⲙⲁⲧⲟⲓ · ϫⲉⲛⲉⲡⲉϣⲁ ⲡⲉ ⲙⲡϩⲁⲅⲓⲟⲥ ⲃⲓⲕⲧⲱⲣ · ⲁⲩⲱ ⲛⲉⲣⲉⲡⲁⲉⲓⲱⲧ ⲉⲛⲛⲟⲕⲉⲛⲧⲓⲟⲥ ⲙⲙⲁⲩ ⲙⲛⲡⲉⲕⲗⲏⲣⲟⲥ ⲧⲏⲣϥ ·
And the God-loving Emperor was there with the soldiers of his army. Now it was the festival of Saint Victor, and my Father Innocent also was there with his clergy.
pscelestinus.encomium.01:120
ⲗⲟⲓⲡⲟⲛ ⲁⲩϣⲁϫⲉ ⲙⲛⲛⲉⲩⲉⲣⲏⲩ · ⲛϭⲓⲡⲉⲓⲱⲧ ⲙⲡϣⲏⲣⲉ ϣⲏⲙ ⲙⲛⲧⲉϥⲙⲁⲩ ⲉⲩϫⲱ ⲙⲙⲟⲥ · ϫⲉⲉⲓⲥϩⲏⲏⲧⲉ ⲙⲡⲉⲡⲉⲛϩⲏⲧ ⲕⲁⲁⲛ · ⲉϯ ⲙⲡϣⲏⲣⲉ ϣⲏⲙ ⲉϩⲟⲩⲛ ⲉⲡⲧⲟⲡⲟⲥ ⲕⲁⲧⲁⲡⲉⲛⲧⲁⲛⲉⲣⲏⲧ ⲙⲙⲟϥ ·
Finally, the father of the child and his mother spake together, saying, 'Behold, our hearts will not let us send the child into the shrine according to what we vowed.
pscelestinus.encomium.03:120
ⲁⲩⲱ ⲟⲛ ϫⲉⲉⲣϣⲁⲛⲛⲁⲛⲟⲙⲟⲥ ⲕⲧⲟϥ ⲉⲃⲟⲗ ϩⲛⲛⲉϥⲕⲁⲕⲓⲁ · ⲛϥⲉⲓⲣⲉ ⲛⲟⲩⲇⲓⲕⲁⲓⲟⲥⲩⲛⲏ · ⲛϯⲛⲁⲣⲡⲙⲉⲉⲩⲉ ⲁⲛ ⲛⲛⲉϥⲁⲛⲟⲙⲓⲁ ⲛⲧⲁϥⲁⲁⲩ · ⲁⲗⲗⲁ ⲧⲇⲓⲕⲁⲓⲟⲥⲩⲛⲏ ⲛⲧⲁϥⲁⲁϥ ⲛⲁⲱⲛϩ ⲛϩⲏⲧⲥ ·
And again (He saith), 'If the transgressor hath turned back from his wickedness, and doeth righteousness, I will no longer remember the wickednesses which he hath committed, but he shall live through the righteousness which he hath done.'
pscelestinus.encomium.03:121
ϥϫⲱ ⲙⲙⲟⲥ ϫⲉⲕⲧⲉⲧⲏⲩⲧⲛ ϣⲁⲣⲟⲓ ⲛϣⲏⲣⲉ ⲛⲧⲁⲩⲟⲩⲉ ⲉⲃⲟⲗ ⲁⲩⲱ ⲁⲛⲟⲕ ϯⲛⲁⲧⲁⲗϭⲉⲛⲉⲧⲛⲟⲩⲱϣϥ ·
(And He saith), 'Turn ye back to Me, O ye children who have gone afar off, and I will heal you of your wounds.'
pscelestinus.encomium.02:121
ⲛⲧⲉⲣⲟⲩⲁⲣⲭⲉⲓ ⲇⲉ ⲉⲧⲥⲩⲛⲁⲝⲓⲥ ϩⲛⲟⲩⲛⲟϭ ⲙⲫⲟⲃⲉⲣⲟⲛ · ⲉⲓⲥ ⲛⲉⲥϩⲁⲓ ⲁⲩⲧⲛⲛⲟⲟⲩⲥⲟⲩ ⲙⲡⲣⲣⲟ · ⲉⲃⲟⲗ ϩⲓⲧⲟⲟⲧϥ ⲛⲟⲩⲃⲉⲗⲉⲧⲁⲣⲓⲟⲥ ⲉⲡⲉϥⲣⲁⲛ ⲡⲉ ϩⲣⲟⲩⲙⲉⲛⲧⲓⲟⲥ · ⲛⲁⲓ ⲛⲧⲁⲛⲉⲡⲁⲣⲭⲟⲥ ⲛⲧϣⲟⲣⲡ ⲛϩⲣⲱⲙⲁⲛⲓⲁ ⲧⲛⲛⲟⲟⲩⲥⲟⲩ ⲛⲁϥ ·
And when they had begun (to recite) the Communion Service with great solemnity and reverence, behold, certain letters which had been sent by the hand of the captain of the lightly armed skirmishing troops, who was called Roumentros, who had been sent by the eparch of the frontier of 'Romania', were delivered to the Emperor, and they contained the following message:
pscelestinus.encomium.01:121
ⲙⲁⲣⲛⲙⲟⲩⲧⲉ ⲉⲩⲣⲱⲙⲉ ϩⲛⲧⲡⲟⲗⲓⲥ ⲉϥϣⲡϩⲙϩⲁⲗ · ⲛϥⲣⲡϣⲏⲣⲉ ϣⲏⲙ ⲛϯⲙⲉ ⲛⲧⲛϯ ⲛⲧⲉϥⲁⲥⲟⲩ ⲉϩⲟⲩⲛ ⲉⲡⲧⲟⲡⲟⲥ · ϫⲉⲛⲛⲉⲡⲙⲁⲣⲧⲩⲣⲟⲥ ϭⲱⲛⲧ ⲉⲣⲟⲛ ·
Let us call some man in the city who buyeth slaves, (and let him put a value on the child,) and we will give the value to the shrine, so that the martyr may not be angry with us.'
pscelestinus.encomium.02:122
ϫⲉⲧⲁⲭⲏ ⲥⲃⲧⲉⲡⲉⲥⲧⲣⲁⲧⲉⲩⲙⲁ ⲛⲅⲧⲁϩⲟⲛ ϩⲛⲟⲩϭⲉⲡⲏ · ⲛⲅⲃⲟⲏⲑⲉⲓ ⲉⲣⲟⲛ · ϫⲉⲉⲓⲥ ⲛⲃⲁⲣⲃⲁⲣⲟⲥ ⲁⲩϫⲓ ⲛⲧϣⲟⲣⲡ ⲛϩⲁⲣⲙⲉⲛⲓⲁ ·
Haste thee, make ready the army, and come to us quickly, and help us, for behold the barbarians have captured the frontier of Armenia
pscelestinus.encomium.01:122
ⲁⲩⲧⲱⲟⲩⲛ ⲇⲉ ⲁⲩⲙⲟⲩⲧⲉ ⲉⲡⲣⲁⲅⲙⲁⲧⲉⲩⲧⲏⲥ ϩⲛⲧⲡⲟⲗⲓⲥ ⲉϥϣⲡϩⲙϩⲁⲗ · ⲁⲩⲱ ⲉϥϯ ⲉⲃⲟⲗ ⲙⲡⲉϥⲁϩⲉ ⲧⲏⲣϥ ·
And they rose up and called a merchant in the city who bought slaves, and Alexander set before him all the slave children which he had on his estate,
pscelestinus.encomium.03:122
ϥϫⲱ ⲙⲙⲟⲥ ϩⲛⲧⲉϥⲧⲁⲡⲣⲟ ⲉⲧⲙⲉϩ ⲛⲱⲛϩ ϫⲉⲛⲧⲁⲓⲉⲓ ⲁⲛ ⲉⲧⲉϩⲙⲛⲇⲓⲕⲁⲓⲟⲥ ⲁⲗⲗⲁ ⲛⲣⲉϥⲣⲛⲟⲃⲉ ⲉⲩⲙⲉⲧⲁⲛⲟⲓⲁ ·
(And) He saith by His mouth which is full of life, 'I have not come to invite the righteous, but the sinners to repentance.'
pscelestinus.encomium.03:123
ⲁⲩⲱ ⲟⲛ ϫⲉⲁⲙⲏⲓⲧⲛ ϣⲁⲣⲟⲓ ⲟⲩⲟⲛ ⲛⲓⲙ ⲉⲧϩⲟⲥⲉ ⲁⲩⲱ ⲉⲧⲟⲧⲡ ⲁⲩⲱ ⲁⲛⲟⲕ ϯⲛⲁϯⲙⲧⲟⲛ ⲛⲏⲧⲛ ·
And again, 'Come unto Me every one who is suffering, and is laden, and I will give rest to you.'
pscelestinus.encomium.02:123
ⲡⲣⲣⲟ ⲇⲉ ⲁϥϣⲧⲟⲣⲧⲣ ϩⲱⲥ ⲧⲉⲩⲛⲟⲩ ϩⲱⲥ ⲣⲱⲙⲉ · ⲁⲗⲗⲁ ⲛⲉⲣⲉⲧⲉϥϩⲉⲗⲡⲓⲍ ⲧⲏⲣⲥ ⲛⲏϫ ⲉⲡϫⲟⲉⲓⲥ ·
And the Emperor was much disturbed but his hope was fixed upon God,
pscelestinus.encomium.01:123
ⲁϥⲣⲡϣⲏⲣⲉ ϣⲏⲙ ⲛϯⲙⲉ ⲉϩⲙⲉ ⲛϩⲟⲗⲟⲕⲟⲧϯⲛⲟⲥ · ⲁⲩⲱ ⲁⲩϫⲓ ⲛⲛⲛⲟⲩⲃ
and the merchant valued the child at forty holokottinoi. And Alexander and his wife took the gold,
pscelestinus.encomium.02:124
ⲛⲧⲉⲣⲉϥⲱϣ ⲇⲉ ⲛⲧⲉⲡⲓⲥⲧⲟⲗⲏ · ⲛⲧⲉⲩⲛⲟⲩ ⲁϥⲥϩⲁⲓ ⲛⲛⲉⲡⲁⲣⲭⲟⲥ ϫⲉⲙⲡⲣⲣϩⲟⲧⲉ ϯⲛⲏⲩ ⲉϩⲧⲟⲟⲩⲉ ⲛⲣⲁⲥⲧⲉ ⲙⲛⲡⲇⲏⲙⲟⲥ ⲧⲏⲣϥ ⲛⲛⲉϩⲣⲱⲙⲁⲓⲟⲥ ·
And when he had read the dispatch, straightaway he wrote to the eparch, saying, 'Fear thou not, I will come in f the morning of the morrow, and all the Roman folk with me.'
pscelestinus.encomium.03:124
ⲁⲕⲛⲁⲩ ⲉⲧⲙⲛⲧⲙⲁⲓⲣⲱⲙⲉ ⲙⲡⲛⲟⲩⲧⲉ ⲉϩⲟⲩⲛ ⲉⲣⲟⲛ ⲱ ⲡⲣⲱⲙⲉ
Thus thou mayest see, O man, the love for man which God (sheweth) towards us.
pscelestinus.encomium.01:124
ⲁⲩⲧⲁⲁⲩ ⲉϩⲟⲩⲛ ⲉⲡⲧⲟⲡⲟⲥ ⲙⲡⲙⲁⲣⲧⲩⲣⲟⲥ ·
and gave it to the shrine of the martyr,
pscelestinus.encomium.03:125
ⲗⲟⲓⲡⲟⲛ ⲟⲛ ⲙⲡⲣϯϩⲟⲟⲩ ⲛⲥⲁϩⲟⲟⲩ · ⲉⲃⲟⲧ ⲛⲥⲁⲉⲃⲟⲧ · ⲣⲟⲙⲡⲉ ⲛⲥⲁⲣⲟⲙⲡⲉ · ⲛⲧⲉⲧⲉⲡⲣⲟⲑⲉⲥⲙⲓⲁ ⲙⲡⲉⲕⲁϩⲉ ϫⲱⲕ ⲉⲃⲟⲗ · ⲛⲅⲃⲱⲕ ⲉⲕⲟⲧⲡ ϩⲛⲧⲉⲧⲡⲱ ⲛⲛⲉⲕⲛⲟⲃⲉ · ⲛⲅⲥϩⲟⲩⲉⲣⲡⲉϩⲟⲟⲩ ⲛⲧⲁⲩϫⲡⲟⲕ ⲛϩⲏⲧϥ
Finally, waste not day after day, month after month, and year after year, for the span of life which hath been allotted to thee is coming to an end, and thou must depart, laden with the load of thy sins, and thou wilt curse the day wherein thou wast born.
pscelestinus.encomium.02:125
ⲛⲧⲉⲣⲉⲡⲃⲉⲗⲉⲧⲁⲣⲓⲟⲥ ϫⲓ ⲛⲧⲉⲡⲓⲥⲧⲟⲗⲏ ⲛϥⲁⲛⲁⲭⲱⲣⲉⲓ ·
And when the captain (vektarius) received the dispatch, he departed.
pscelestinus.encomium.01:125
ⲙⲡⲟⲩⲣⲡⲙⲉⲉⲩⲉ ⲙⲡⲉⲧⲥⲏϩ · ϫⲉⲉⲕϣⲁⲛⲉⲣⲏⲧ ⲛⲟⲩⲉⲣⲏⲧ ⲙⲡϫⲟⲉⲓⲥ ⲡⲉⲕⲛⲟⲩⲧⲉ ⲉⲕⲉⲧⲁⲁϥ ·
and they did not remember that it was written, 'If thon shalt vow a vow unto the Lord thy God thou shalt pay it.'
pscelestinus.encomium.01:126
ⲡϩⲁⲅⲓⲟⲥ ⲇⲉ ⲃⲓⲕⲧⲱⲣ ⲛⲧⲉⲣⲉϥⲛⲁⲩ ϫⲉⲙⲡⲉⲛⲉⲓⲟⲧⲉ ⲙⲡϣⲏⲣⲉ ϣⲏⲙ ϯ ⲙⲡⲉⲩⲣⲏⲧ ϩⲛⲟⲩⲥⲟⲟⲩⲧⲛ ·
And when Saint Victor saw that the parents of the child were not paying their vow in a right manner,
pscelestinus.encomium.02:126
ⲁⲡⲣⲣⲟ ⲙⲛⲡⲗⲁⲟⲥ ⲧⲏⲣϥ ⲥⲱⲟⲩϩ ⲉϩⲟⲩⲛ ⲉⲡⲧⲟⲡⲟⲥ ⲙⲡϩⲁⲅⲓⲟⲥ ⲃⲓⲕⲧⲱⲣ · ⲙⲛⲡⲁⲣⲭⲓⲉⲡⲓⲥⲕⲟⲡⲟⲥ ⲙⲛⲡⲉⲕⲗⲏⲣⲟⲥ ⲧⲏⲣϥ ·
And the Emperor and all the people were gathered together into the shrine of Saint Victor, together with the Archbishop and all the clergy,
pscelestinus.encomium.03:126
ⲛⲧⲁⲓⲧⲁⲩⲉⲛⲁⲓ ⲧⲏⲣⲟⲩ · ⲉⲧⲉⲧⲛⲁⲅⲁⲡⲏ · ⲉⲧⲃⲉⲡⲉϩⲣⲏⲧⲟⲛ ⲉⲧⲥⲏϩ · ϫⲉⲉⲩϫⲡⲟ ⲙⲡⲣⲱⲙⲉ ⲉⲡϩⲓⲥⲉ
I have declared all these things out of love for you, and because of the verse which is written, 'Man is born unto trouble.'
pscelestinus.encomium.03:127
ⲉⲡⲉⲓⲇⲏ ⲛⲧⲁⲡⲉⲡⲣⲟⲫⲏⲧⲏⲥ ⲙⲉⲉⲩⲉ ⲉⲃⲟⲗ ϫⲉⲙⲛⲗⲁⲁⲩ ⲛϩⲏⲩ ϩⲙⲡⲃⲓⲟⲥ ⲙⲡⲣⲱⲙⲉ ⲛⲥⲁϩⲓⲥⲉ ϩⲓⲧⲁⲗⲁⲓⲡⲱⲣⲓⲁ · ⲉⲧⲃⲉⲡⲁⲓ ⲁϥϫⲟⲟⲥ ϫⲉⲉⲩϫⲡⲟ ⲙⲡⲣⲱⲙⲉ ⲉⲡϩⲓⲥⲉ · ⲁⲩⲱ ⲉⲣⲉⲛⲉϥϩⲟⲟⲩ ⲟⲩⲉⲓⲛⲉ ϩⲛⲟⲩϭⲉⲡⲏ ·
Now it was because the prophet thought that there was no profit in a man's life, but only suffering and misery, that he said, 'Man is born unto trouble, and his days pass quickly.'
pscelestinus.encomium.01:127
ⲁⲗⲗⲁ ⲁⲩⲙⲉⲉⲩⲉ ϫⲉⲧⲇⲱⲣⲉⲁ ⲙⲡⲛⲟⲩⲧⲉ ⲉϣⲁⲩϫⲡⲟⲥ ϩⲓⲧⲛϩⲉⲛⲭⲣⲏⲙⲁ ·
and that they were thinking that the gift of God was like the other things which they were wont to obtain by money,
pscelestinus.encomium.02:127
ⲁⲩⲡⲁϩⲧⲟⲩ ⲉϫⲙⲡⲉⲑⲩⲥⲓⲁⲥⲧⲏⲣⲓⲟⲛ ⲉⲩϫⲱ ⲙⲙⲟⲥ · ϫⲉⲡϩⲁⲅⲓⲟⲥ ⲃⲓⲕⲧⲱⲣ ⲡⲉⲥⲧⲣⲁⲧⲏⲗⲁⲧⲏⲥ · ⲡⲁⲣⲁⲕⲁⲗⲉ ⲙⲡⲛⲟⲩⲧⲉ ⲉϫⲱⲛ · ⲛϥⲣⲥⲟⲃⲧⲉ ⲉⲧⲉⲛⲭⲱⲣⲁ · ϫⲉⲛⲛⲉⲛⲃⲁⲣⲃⲁⲣⲟⲥ ⲛⲁⲧⲛⲟⲩⲧⲉ ϭⲙϭⲟⲙ ⲉⲣⲟⲥ ·
and they cast themselves down before the altar of sacrifice, saying, 'O Saint Victor the general, make supplication to God on our behalf, so that He may protect our country, and so that the godless barbarians may not have dominion over it.'
pscelestinus.encomium.01:128
ⲁϥⲧⲣⲉⲟⲩϩⲱⲃ ⲛⲧⲉⲓⲙⲓⲛⲉ ϣⲱⲡⲉ ⲉⲩϫⲓⲕⲃⲁ ⲛⲧⲉⲩⲙⲛⲧⲁⲧϩⲏⲧ ·
he made the matter to work out in the way which I will describe, and they were punished for their senseless behaviour.
pscelestinus.encomium.02:128
ⲁⲩⲱ ⲛⲧⲉⲓϩⲉ ⲁⲩⲉⲓⲣⲉ ⲛⲟⲩⲛⲟϭ ⲛⲕⲁⲑⲟⲗⲓⲕⲏ ⲥⲩⲛⲁⲝⲓⲥ ϩⲛⲟⲩϫⲱⲗⲕ ⲉⲃⲟⲗ · ϣⲁⲡⲛⲁⲩ ⲛϫⲡⲙⲏⲧⲉ ⲙⲡⲉϩⲟⲟⲩ ·
And then they celebrated the great 'Catholic Synaxis' with great fervour (?) until the tenth hour of the day.
pscelestinus.encomium.03:128
ⲛⲇⲓⲕⲁⲓⲟⲥ ⲇⲉ ⲛⲧⲟⲟⲩ · ⲟⲩⲣⲁϣⲉ ⲙⲛⲟⲩⲟⲩⲛⲟϥ ⲡⲉ ⲡⲉⲩⲃⲓⲟⲥ ⲧⲏⲣϥ · ⲉⲡⲉⲓⲇⲏ ⲛⲧⲁⲩϫⲡⲟⲟⲩ ⲉⲡⲉⲥⲙⲟⲩ · ⲉⲩⲛⲁⲃⲱⲕ ⲟⲛ ⲉⲡⲉⲥⲙⲟⲩ ⲉⲧϫⲏⲕ ⲉⲃⲟⲗ ·
Now as concerning the righteous, their whole life is joy and gladness, and since they have been born unto blessedness, they shall also depart to the blessedness which is perfect.
pscelestinus.encomium.03:129
ⲁⲗⲏⲑⲱⲥ ⲛⲁⲓⲁⲧϥ ⲁⲩⲱ ϥⲥⲙⲁⲙⲁⲁⲧ ⲛϭⲓⲡⲇⲓⲕⲁⲓⲟⲥ ϫⲉⲁⲩϫⲡⲟϥ ⲉⲡⲕⲟⲥⲙⲟⲥ ·
Verily, happy and blessed is the righteous man who is born into the world!
pscelestinus.encomium.01:129
ⲁⲥϣⲱⲡⲉ ⲇⲉ ⲛⲟⲩϩⲟⲟⲩ ⲉⲣⲉⲡϣⲏⲣⲉ ϣⲏⲙ ϩⲙⲡϩⲓⲣ ⲉϥϫⲓ ⲛϩⲣⲁϥ ⲙⲛⲛⲁⲧⲉϥϭⲟⲧ ϩⲁϩⲧⲛⲡⲏⲓ ⲛⲛⲉϥⲉⲓⲟⲧⲉ ·
And it came to pass on a day that the child was in the courtyard round about his father's house playing with a number of other children of the same rank and age as himself.
pscelestinus.encomium.02:129
ⲧⲉϣⲡⲏⲣⲉ ⲇⲉ ⲛⲧⲁⲥϣⲱⲡⲉ ⲙⲡⲛⲁⲩ ⲉⲧⲙⲙⲁⲩ ⲛⲟⲩϣⲟⲩ ⲥⲁⲁⲧⲥ ⲁⲛ ⲧⲉ ·
And the miracle that took place at that moment is one the mention of which must not be omitted.
pscelestinus.encomium.01:130
ϩⲛⲟⲩⲥϣⲛⲉ ⲁⲩⲛⲟϭ ⲛⲱⲛⲉ ϩⲙⲡⲕⲱϩ ϩⲙⲡⲏⲓ ϩⲉ ⲉϫⲙⲡϣⲏⲣⲉ ϣⲏⲙ ·
And suddenly a large stone which was in the corner of the house dropped upon the child,
pscelestinus.encomium.02:130
ⲛⲧⲉⲣⲟⲩⲧⲉⲗⲓⲟⲩ ⲇⲉ ⲛⲧⲉⲡⲁⲣⲭⲓⲉⲡⲓⲥⲕⲟⲡⲟⲥ ϯ ⲛⲧⲉⲓⲣⲏⲛⲏ ⲙⲡⲗⲁⲟⲥ · ⲛⲥⲉⲁⲛⲁⲭⲱⲣⲉⲓ ⲉⲛⲉⲩⲏⲓ :—
And when the service was ended, and the Archbishop had pronounced the benediction of peace over the people, and they were about to depart to their homes,
pscelestinus.encomium.03:130
ⲡⲁⲓ ⲛⲁⲙⲉ ⲡⲉ ⲡⲣⲱⲙⲉ ⲛⲧⲁⲡⲉϥⲕⲟⲧ ⲛⲧⲁϥⲁⲁϥ ⲉⲡⲕⲟⲥⲙⲟⲥ ϣⲱⲡⲉ ⲛⲁϥ ⲉⲩϩⲏⲩ ·
In very truth this is the man unto whom the building which he hath made in (this) world shall be for profit.
pscelestinus.encomium.03:131
ϥⲥⲙⲁⲙⲁⲁⲧ ⲛϭⲓⲡⲣⲱⲙⲉ ⲛⲇⲓⲕⲁⲓⲟⲥ · ⲁⲩⲱ ⲛⲛⲁⲏⲧ ϫⲉϥⲛⲁⲟⲩⲱⲙ ⲛⲛⲁⲅⲁⲑⲟⲛ ⲙⲡⲕⲁϩ ⲁⲩⲱ ϥⲛⲁⲙⲧⲟⲛ ⲙⲙⲟϥ ϩⲛⲧⲙⲛⲧⲣⲣⲟ ⲛⲙⲡⲏⲩⲉ ϩⲁϩⲧⲛⲙⲡⲁⲧⲣⲓⲁⲣⲭⲏⲥ · ⲁⲃⲣⲁϩⲁⲙ ⲙⲛⲓⲥⲁⲁⲕ · ⲙⲛⲓⲁⲕⲱⲃ · ⲙⲛⲓⲱⲃ ⲛⲉⲓⲣⲱⲙⲉ ⲙⲡⲓⲥⲧⲟⲥ ·
Blessed is the man who is righteous and merciful, for he shall eat of the good things of the earth, and he shall enjoy refreshing in the kingdom that is in the heavens with the Patriarchs Abraham, and Isaac, and Jacob, and Job, and the other believing men.
pscelestinus.encomium.01:131
ⲁϥϩⲉ ⲁϥⲙⲟⲩ ⲛⲧⲉⲩⲛⲟⲩ ·
who fell upon the ground and died immediately.
pscelestinus.encomium.02:131
ⲉⲓⲥ ⲕⲉⲛⲟϭ ⲛⲃⲉⲗⲉⲧⲁⲣⲓⲟⲥ ⲁⲛⲉⲡⲁⲣⲭⲟⲥ ⲧⲛⲛⲟⲟⲩϥ ⲙⲡⲣⲣⲟ ⲙⲛⲕⲉⲉⲡⲓⲥⲧⲟⲗⲏ ϩⲛⲟⲩⲛⲟϭ ⲛⲣⲁϣⲉ · ⲉⲥⲥⲏϩ ⲙⲡⲉⲓⲧⲩⲡⲟⲥ · ϫⲉⲧⲉⲓⲣⲏⲛⲏ ⲛⲁⲕ ⲡⲣⲣⲟ ⲙⲙⲁⲓⲛⲟⲩⲧⲉ ·
behold, there arrived another great captain (velatarius) who had been sent to the Emperor with another dispatch. Now it contained glad tidings, and there was written therein thus:
pscelestinus.encomium.01:132
ⲛⲧⲉⲣⲉⲛⲉϥⲉⲓⲟⲧⲉ ⲥⲱⲧⲙ ⲁⲩⲡⲉϩⲛⲉⲩϩⲟⲉⲓⲧⲉ · ⲁⲩϫⲓϣⲕⲁⲕ ⲉⲃⲟⲗ ϩⲛⲟⲩⲛⲟϭ ⲛⲥⲙⲏ ·
When his parents heard of this they rent their garments, and they cried out with a loud voice,
pscelestinus.encomium.02:132
ϫⲣⲟ ⲁⲩⲱ ⲛⲅϭⲙϭⲟⲙ · ϫⲉⲡⲛⲟⲩⲧⲉ ⲙⲓϣⲉ ⲉϩⲣⲁⲓ ⲉϫⲱⲕ ·
Peace be unto thee, O God-loving Emperor! Be strong, and of good courage, for God hath fought for thee.
pscelestinus.encomium.03:132
ⲁⲩⲱ ⲛⲁⲓⲁⲧϥ ⲛⲟⲩϩⲏⲕⲉ ⲛⲣⲉϥϣⲡϩⲙⲟⲧ · ⲛⲣⲙⲣⲁϣ ⲛⲃⲁⲗϩⲏⲧ ϫⲉϥⲛⲁⲉⲓ ⲉⲃⲟⲗ ϩⲛⲧⲙⲛⲧϩⲏⲕⲉ ⲙⲡⲉⲓⲕⲟⲥⲙⲟⲥ · ⲛⲥⲉϫⲓⲧϥ ⲉⲩⲙⲛⲧⲣⲙⲙⲁⲟ ⲛⲁⲧⲟⲩⲱ ·
And blessed is the poor man who giveth thanks, and who is meek and gentle, for he shall go forth from the poverty of this world, and shall receive riches which are neverending.
pscelestinus.encomium.01:133
ⲁⲩⲉⲓ ⲉⲃⲟⲗ ⲙⲛⲛϩⲙϩⲁⲗ ·
and they came rushing out with the servants,
pscelestinus.encomium.02:133
ⲉⲓⲥ ⲛⲃⲁⲣⲃⲁⲣⲟⲥ ⲛⲁⲧⲛⲟⲩⲧⲉ ⲛⲧⲁⲩⲧⲱⲟⲩⲛ ⲉϫⲛⲧⲉⲕⲙⲛⲧⲣⲣⲟ ·
Behold, the godless barbarians who revolted against thy sovereignty
pscelestinus.encomium.03:133
ⲡⲁⲓ ⲛⲁⲙⲉ ⲡⲉ ⲡⲣⲱⲙⲉ ⲛⲧⲁⲛⲉϥϩⲓⲥⲉ ⲟⲩⲱ · ⲁⲩⲱ ⲁϥⲕⲗⲏⲣⲟⲛⲟⲙⲉⲓ ⲙⲡⲙⲧⲟⲛ ⲉⲧⲉⲙⲉϥⲟⲩⲱ ϣⲁⲉⲛⲉϩ · ⲕⲁⲧⲁⲧϩⲉ ⲉⲧⲥⲏϩ ϫⲉⲛⲁⲓⲁⲧⲟⲩ ⲛⲛϩⲏⲕⲉ ϩⲙⲡⲉⲡⲛⲉⲩⲙⲁ · ϫⲉⲧⲱⲟⲩ ⲧⲉ ⲧⲙⲛⲧⲣⲣⲟ ⲛⲙⲡⲏⲩⲉ ·
In very truth this is the man whose sorrows shall come to an end, and who shall inherit the rest that shall never end, even as it is written, 'Blessed are the poor in spirit, for to them belongeth the kingdom which is in the heavens.'
pscelestinus.encomium.01:134
ⲁⲩϩⲉ ⲉⲡϣⲏⲣⲉ ϣⲏⲙ ⲉϥⲙⲟⲟⲩⲧ ·
and they fell upon the child, who was dead.

Coptic SCRIPTORIUM, corpus pseudo.celestinus (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.