Proclus Homilies

Coptic literature (Coptic SCRIPTORIUM) · 241 sections

proclus.13.easter:1
ϩⲟⲙⲟⲓⲱⲥ ⲟⲩϩⲟⲙⲟⲗⲓⲁ ⲉⲁϥⲧⲁⲩⲟⲥ ϩⲛⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥ ϩⲛⲧⲉⲕⲕⲗⲏⲥⲓⲁ ⲛⲁⲛⲑⲉⲙⲓⲟⲥ ⲛϭⲓⲡⲣⲟⲕⲗⲟⲥ ⲡⲉⲡⲓⲥⲕⲟⲡⲟⲥ ⲛⲕⲩⲍⲓⲕⲟⲥ ϩⲛⲧⲕⲩⲣⲓⲁⲕⲏ ⲙⲡⲃⲱⲗ ⲉⲃⲟⲗ · ϩⲙⲡⲧⲣⲉⲩⲑⲙⲥⲟϥ ⲉϫⲛⲧⲕⲁⲑⲉⲇⲣⲁ ⲛⲧⲙⲛⲧⲁⲣⲭⲏⲉⲡⲓⲥⲕⲟⲡⲟⲥ ⲉϥⲙⲙⲁⲩ ⲛϭⲓⲛⲉⲥⲧⲟⲣⲓⲟⲥ ⲡϩⲁⲓⲣⲉⲧⲓⲕⲟⲥ · ◈ — ◈ — ◈ :
LIKEWISE A HOMILY PRONOUNCED BY PROKLOS, BISHOP OF CYZICUS, IN THE CHURCH OF ANTHEMIUS IN CONSTANTINOPLE, ON THE SUNDAY BEFORE EASTER, WHEN HE WAS INSTALLED IN THE ARCHIEPISCOPAL SEAT, AND NESTORIUS THE HERETIC WAS PRESENT.
proclus.23.nativity:1
ⲟⲩϩⲟⲙⲓⲗⲓⲁ ⲉⲁϥⲧⲁⲩⲟϥ ⲛϭⲓⲡⲣⲟⲕⲗⲟⲥ ⲡⲉⲡⲓⲥⲕⲟⲡⲟⲥ ⲛⲕⲩⲍⲓⲕⲟⲥ ϩⲛⲧⲛⲟϭ ⲛⲉⲕⲕⲗⲏⲥⲓⲁ ⲛⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥ ⲉϥⲙⲙⲁⲩ ⲛϭⲓⲛⲉⲥⲧⲟⲣⲓⲟⲥ · ⲡϩⲁⲓⲣⲉⲧⲓⲕⲟⲥ ⲉⲧⲃⲉⲡⲉϥⲇⲟⲅⲙⲁ ⲉⲧⲥⲏϣ ⲉⲛⲁⲙⲟⲩⲣ ⲉϩⲟⲩⲛ ⲉⲡⲉϩⲙⲉ ⲛϩⲟⲟⲩ ⲉⲧⲟⲩⲁⲁⲃ · ◈ — ◈ — ◈ — ◈
THE HOMILY WHICH PROKLOS, BISHOP OF CYZICUS, PRONOUNCED IN THE GREAT CHURCH OF CONSTANTINOPLE, WHEN NESTORIUS THE HERETIC WAS PRESENT, CONCERNING HIS CONTEMPTIBLE DOGMA, ON THE SUNDAY WHICH PRECEDED THE HOLY FORTY DAYS.
proclus.13.easter:2
ⲙⲁⲣⲉⲧⲉϣⲡⲏⲣⲉ ⲙⲡϣⲁ ⲙⲡⲉⲛⲥⲱⲧⲏⲣ ϫⲣⲟ ⲉⲛⲉⲛϣⲁϫⲉ ·
May the precious miracle of our Saviour overcome our(halting) speech
proclus.23.nativity:2
ϩⲉⲛⲣⲙⲙⲁⲟ ⲉⲙⲁⲧⲉ ⲛⲉ ⲛⲙⲁ ⲛϩⲁⲧⲉ ⲛⲧⲥⲟⲫⲓⲁ ⲛⲧⲉⲭⲁⲣⲓⲥ ⲙⲡⲛⲟⲩⲧⲉ ·
Very great are the riches of the nourishment of the wisdom of the grace of God.
proclus.23.nativity:3
ⲟⲩⲁ ϫⲓⲏⲡⲉ ⲇⲉ ⲙⲙⲟϥ ⲡⲉ ⲡϩⲏⲩ ⲙⲡⲓⲥⲱⲟⲩϩ ⲉϩⲟⲩⲛ ⲙⲡⲛⲉⲩⲙⲁⲧⲓⲕⲟⲛ ·
Numberless are the benefits of the gathering together of spiritual beings.
proclus.13.easter:3
ⲙⲁⲣⲉⲥϭⲱϫⲃ ⲛϭⲓⲧⲙⲛⲧⲣⲉϥϫⲉ ⲛⲟϭ ⲛϣⲁϫⲉ ⲙⲡⲉⲛⲗⲁⲥ ⲛⲛⲁϩⲣⲛⲧⲉⲓϣⲡⲏⲣⲉ ⲙⲡϩⲟⲟⲩ · ⲉⲃⲟⲗ ϫⲉⲥⲛⲁϣⲡⲱϩ ⲁⲛ ⲉⲡϣⲓ ⲛⲛⲧⲁϣⲉⲟⲉⲓϣ ⲛⲧⲙⲛⲧⲣⲉϥⲣⲡⲉⲧⲛⲁⲛⲟⲩϥ ⲙⲡⲉⲛⲧⲁⲩⲥⲧⲁⲩⲣⲟⲩ ⲙⲙⲟϥ ϩⲁⲣⲟⲛ · ⲕⲁⲧⲁⲡⲉⲥⲙⲡϣⲁ ·
and may the utterance of words of great weight vanquish our tongue this day in respect of this miracle, for otherwise we shall not attain to the capacity for preaching, according to its true value, the goodness of Him Whom they crucified for our sakes.
proclus.13.easter:4
ⲁϣ ⲅⲁⲣ ⲡⲉ ⲡϩⲱⲃ ⲉⲛⲧⲁϥϣⲱⲡⲉ ⲛⲧⲉⲓϩⲉ ϫⲓⲛⲛⲉⲛⲉϩ · ⲛⲧϩⲉ ⲙⲡⲉⲧⲛⲛⲁⲩ ⲉⲣⲟϥ · ⲧⲉⲛⲟⲩ ϩⲛⲟⲩⲡⲓⲥⲧⲓⲥ ·
For what is there which hath ever happened that is like unto that which we now see by faith?
proclus.23.nativity:4
ⲥⲧⲁⲓⲏⲩ ⲛϭⲓⲧⲙⲛⲧⲉϣⲱⲧ ⲛⲧⲁⲅⲟⲣⲁ ⲛⲧⲉⲕⲕⲗⲏⲥⲓⲁ ·
Honourable is the merchandise of the market of the Church.
proclus.13.easter:5
ⲛⲧⲁⲁϣ ⲛⲛⲟⲩⲥ ⲙⲉⲉⲩⲉ ⲟⲛ ⲛⲧⲉⲓϩⲉ ⲉⲛⲉϩ ·
Moreover, what mind hath ever existed which hath been able to think it out as it really is?
proclus.23.nativity:5
ϥⲣⲟⲟⲩⲧ ⲛϭⲓⲡϣⲁ ⲙⲡⲉⲑⲩⲥⲓⲁⲥⲧⲏⲣⲓⲟⲛ ·
Joyful is the festival before the altar.
proclus.23.nativity:6
ⲟⲩⲗⲁⲙⲡⲣⲟⲥ ⲉⲙⲁⲧⲉ ⲧⲉ ⲧϭⲓⲛϫⲓϯ ⲙⲡⲥⲱⲧⲏⲣ ·
Exceedingly splendid is the profit of the traffic with the Saviour.
proclus.13.easter:6
ⲏ ⲛⲧⲁⲁϣ ⲛⲗⲟⲅⲓⲥⲙⲟⲥ ⲙⲟⲕⲙⲉⲕ ⲉⲣⲟϥ ⲉⲛⲉϩ ·
Or what understanding hath ever been able to reason it out?
proclus.13.easter:7
ⲏ ⲁϣ ⲡⲉ ⲡϩⲏⲧ ⲉⲛⲧⲁϥⲡⲗⲁⲥⲥⲉ ⲙⲙⲟϥ ·
Or what heart hath ever been able to depict it to itself?
proclus.23.nativity:7
ⲟⲩⲁⲧϣⲁϫⲉ ⲉⲣⲟⲥ ⲧⲉ ⲧⲙⲛⲧⲣⲙⲙⲁⲟ ⲛⲛⲉⲓϥⲧ ⲙⲡⲥⲱⲧⲏⲣ ·
Indescribable are the ungrudged riches of the nails of the Saviour.
proclus.13.easter:8
ⲏ ⲁϣ ⲡⲉ ⲡϣⲁϫⲉ ⲉⲛⲧⲁϥϫⲟⲟϥ ·
Or what power of speech hath ever described it?
proclus.23.nativity:8
ⲟⲩⲁⲧⲫⲑⲟⲛⲉⲓ ⲉⲣⲟϥ · ⲁⲩⲱ ⲟⲩⲛⲟϭ ⲡⲉ ⲡⲉⲑⲏⲥⲁⲩⲣⲟⲥ ⲛⲛⲇⲱⲣⲉⲁ ⲉⲧⲏⲡ ⲉⲧⲡⲉ ·
Great is the pleasure of the gifts which appertain to the beings of heaven.
proclus.23.nativity:9
ⲧⲉⲓⲭⲁⲣⲓⲥ ⲥⲟⲟⲩⲛ ⲁⲛ ⲙⲙⲛⲧϩⲏⲕⲉ · ⲡⲉⲭⲣⲓⲥⲧⲟⲥ ⲅⲁⲣ ⲡⲉⲧϯ ⲛⲧⲉⲓⲭⲁⲣⲓⲥ · ⲁⲩⲱ ⲉϣϫⲉ ⲕⲟⲩⲱϣ ⲱ ⲡⲙⲉⲣⲓⲧ ϭⲱϣⲧ ⲉⲛⲉⲕⲣⲁⲫⲏ ⲉⲧⲟⲩⲁⲁⲃ · ⲁⲩⲱ ⲕⲛⲁⲥⲟⲩⲛ ⲧⲙⲛⲧⲣⲙⲙⲁⲟ ⲉⲧⲉⲙⲛⲧⲥϣⲓ · ⲉϥϯ ⲛϩⲉⲛⲛⲟϭ ⲛⲇⲱⲣⲟⲛ ·
This love knoweth not poverty, for it is Christ Who giveth this charity. And if thou wishest, O beloved, and wilt look into the Holy Scriptures, thou shalt have knowledge of the riches wich are immeasurable and (shall understand that) He giveth great gifts.
proclus.13.easter:9
ⲏ ⲡⲃⲁⲗ ⲉⲛⲧⲁϥⲛⲁⲩ ⲉⲣⲟϥ ·
Or what eye hath ever seen it?
proclus.13.easter:10
ⲏ ⲡⲙⲁⲁϫⲉ ⲉⲛⲧⲁϥⲥⲱⲧⲙ ⲉⲧⲉⲓⲥⲙⲏ ⲛϣⲡⲏⲣⲉ ⲛⲧⲉⲓⲙⲉ · ⲉⲧⲉⲡⲁⲓ ⲡⲉ ⲡⲉⲭⲣⲓⲥⲧⲟⲥ ⲉⲛⲧⲁϥϫⲓⲥⲁⲣⲝ ϩⲛⲟⲩⲙⲉ · ⲉⲁϥⲭⲁⲣⲓⲍⲉ ⲛⲁⲛ ⲙⲡⲱⲛϩ ·
Or what ear hath ever heard the report of such a miracle as this, and of such love, that is to say, of Christ Who took upon Himself flesh in very truth, and bestowed upon us the blessing of life?
proclus.23.nativity:10
ϥⲟⲩⲱϣ ⲅⲁⲣ ⲉⲧⲥⲁⲃⲟⲕ ⲉⲣⲟⲥ ϩⲛⲟⲩⲁⲕⲣⲓⲃⲓⲁ ⲉⲥⲟ ⲛⲁⲧⲉⲥⲙⲟⲧ ⲁⲩⲱ ⲉⲛⲁϣⲉⲡⲉⲥⲧⲣⲟⲡⲟⲥ ·
For He wisheth to make thee to know this with careful exactness, and the forms and ways in which He doeth this are various.
proclus.23.nativity:11
ϫⲓⲛⲛⲧⲉϩⲟⲩⲉⲓⲧⲉ ⲅⲁⲣ ϥⲛⲁⲗⲟ ⲁⲛ ⲛϭⲓⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲉϥⲣⲡⲉⲧⲛⲁⲛⲟⲩϥ ⲙⲡⲅⲉⲛⲟⲥ ⲛⲛⲣⲱⲙⲉ ·
For from the beginning our Lord Jesus Christ hath not ceased to do good to the race of men.
proclus.13.easter:11
ⲙⲡⲉⲡⲣⲏ ⲛⲁⲩ ⲉⲡⲇⲓⲁⲃⲟⲗⲟⲥ ⲉⲛⲉϩ ⲉⲩⲥⲧⲏⲗⲓⲟⲩⲉ ⲙⲙⲟϥ ϩⲓϫⲙⲡϣⲉ ϩⲁⲣⲟⲛ · ϩⲓϫⲙⲡⲉⲥⲧⲁⲩⲣⲟⲥ ·
Never before did the sun look upon one hanging on the wood of the cross, who was so shamefully slandered as was He—for our sakes.
proclus.23.nativity:12
ⲡⲉⲛⲧⲁϥⲉⲝⲱⲣⲓⲍⲉ ⲅⲁⲣ ⲙⲙⲟϥ ϫⲓⲛ ⲛϣⲟⲣⲡ ⲉⲧⲉⲁⲇⲁⲙ ⲡⲉ ⲉⲡⲙⲁ ⲛⲟⲩⲕⲁⲧⲁⲇⲓⲕⲟⲥ ⲁϥϫⲓⲧϥ ⲁϥⲑⲙⲥⲟϥ ⲛⲙⲙⲁϥ ϩⲙⲡⲉϥⲑⲣⲟⲛⲟⲥ ϩⲛⲙⲡⲏⲩⲉ ·
Having banished (Gen.3:24) the first (man), that is to say, Adam, to the place of one who hath been condemned to punishment, He took him and seated him with Him upon the throne in the heavens.
proclus.13.easter:12
ⲟⲩⲇⲉ ⲙⲡϥⲛⲁⲩ ⲉⲣⲟϥ ⲉϥϣⲱⲡ ⲛⲧⲉⲛⲫⲩⲥⲓⲥ ϩⲁⲡⲥⲁϩⲟⲩ ·
Never before did the sun see any one purchasing our nature under a curse.
proclus.23.nativity:13
ⲁϥⲛⲁⲩ ⲉⲁⲃⲉⲗ ⲉⲁⲩⲕⲟⲟⲛⲥϥ ⲉⲧⲃⲉⲟⲩⲑⲩⲥⲓⲁ · ⲁⲩⲱ ⲙⲛⲛⲥⲁⲡⲉϥⲙⲟⲩ ⲁϥⲣⲡϣⲱⲥ ⲛⲇⲓⲁⲗⲟⲅⲟⲥ ⲉⲡⲉϥϩⲱⲧⲃ ·
He saw Abel when they slew him for a sacrifice, (Gen.4:8) and after his death He made Himself the accuser of his murderer in converse [with him].
proclus.13.easter:13
ⲟⲩⲇⲉ ⲙⲡⲟⲩⲧⲁⲁϥ ⲉⲃⲟⲗ ⲉⲛⲉϩ · ⲉⲧⲣⲉϥⲥⲱⲧⲉ ⲙⲡⲕⲟⲥⲙⲟⲥ ϩⲁⲙⲁⲁⲃ ⲛϩⲁⲧ ·
Never before was the redemption of the world sold for thirty (pieces) of silver.
proclus.23.nativity:14
ⲁϥⲛⲁⲩ ⲉⲛⲱϩⲉ ⲉϥϣⲉⲉⲓ ϩⲙⲡⲙⲟⲟⲩ ⲙⲡⲕⲁⲧⲁⲕⲗⲩⲥⲙⲟⲥ ⲁϥϩⲁⲣⲉϩ ⲉⲣⲟϥ ⲛⲧϩⲉ ⲛⲟⲩⲥⲓⲟⲩ ⲙⲡⲅⲉⲛⲟⲥ ⲛⲛⲣⲱⲙⲉ ·
He saw Noah being punished by the waters of the Flood, (Gen.8) and He protected him like a star among the race of men.
proclus.13.easter:14
ⲟⲩⲇⲉ ⲙⲡⲉⲡⲁⲑⲟⲥ · ⲏ ⲙⲟⲩ ⲛⲧⲟϥ ⲛⲁⲧⲛⲟⲃⲉ ϣⲱⲡⲉ ⲉⲛⲉϩ ⲙⲙⲁ ⲛⲟⲩⲱⲧϩ ⲙⲡⲛⲟⲃⲉ ·
Never before did there exist passion and death, which were without sin, in the smelting furnace of sin.
proclus.23.nativity:15
ⲁϥϩⲉ ⲉⲁⲃⲣⲁϩⲁⲙ ⲉϥⲟ ⲛⲣⲙⲛϭⲟⲓⲗⲉ ⲁϥⲁⲁϥ ⲛⲉⲓⲱⲧ ⲛⲛϩⲉⲑⲛⲟⲥ ⲧⲏⲣⲟⲩ ·
He found Abraham when he was a sojourner (in a strange land), (Gen.17:5) and He made him the father of all nations.
proclus.13.easter:15
ⲟⲩⲇⲉ ⲙⲡⲟⲩϭⲁⲓⲟ ⲉⲃⲟⲗ ⲙⲡⲧⲩⲣⲁⲛⲛⲟⲥ ⲉⲛⲉϩ ϫⲉⲟⲩⲁⲧⲉⲓⲱⲧ ⲡⲉ ⲕⲁⲧⲁⲥⲁⲣⲝ ·
Never before was one who was without a father, according to the flesh, condemned to death by the governor.
proclus.13.easter:16
ⲏ ϫⲉⲁⲩⲁϣⲧϥ ⲉⲡϣⲉ · ⲉⲧⲣⲉϥⲥⲉⲕⲟⲩⲟⲛ ⲛⲓⲙ ϣⲁⲣⲟϥ · ⲏ ⲉϯⲱⲛϩ ⲛⲁⲩ ·
Never before was there one who was hung upon the tree to draw every one to him, and to give life unto them.
proclus.23.nativity:16
ⲁϥⲛⲁⲩ ⲇⲉ ⲟⲛ ⲉⲓⲱⲥⲏⲫ ⲉϥϩⲛⲙⲙⲣⲣⲉ ⲁϥⲧⲟⲩⲛⲟⲥϥ · ⲛϩⲓⲕⲱⲛ ⲙⲡⲃⲓⲟⲥ ⲛⲧⲥⲟⲫⲣⲟⲥⲩⲛⲏ ·
He saw also Joseph when he was in fetters, and He raised him up (to be) an image (or, example) of chastity to the world. (Gen.39:12)
proclus.23.nativity:17
ⲁϥⲛⲁⲩ ⲉⲙⲱⲩⲥⲏⲥ ⲉϥⲡⲏⲧ ⲉⲃⲟⲗ ϩⲛⲕⲏⲙⲉ ⲁϥⲁⲁϥ ⲛϫⲁⲩⲙⲟⲉⲓⲧ ⲛⲟⲩⲗⲁⲟⲥ ⲛⲁⲧϫⲓⲏⲡⲉ ⲙⲙⲟϥ ·
He saw Moses who had fled from Egypt, (Exod.3) and He made him (to be) the guide of a people that was without number.
proclus.13.easter:17
ⲟⲩⲇⲉ ⲙⲡⲉⲧⲁⲫⲟⲥ ⲛⲧⲁϥ ϣⲱⲡ ⲉⲣⲟϥ ⲉⲛⲉϩ ⲛⲟⲩⲕⲱⲱⲛⲥ ⲛⲣⲉϥϣⲱⲗ ⲙⲡⲙⲟⲩ ·
Never before did the tomb receive into it a dead body which had plundered death.
proclus.13.easter:18
ⲙⲡⲉⲧⲡⲉ ⲣⲕⲁⲕⲉ ϩⲛⲧⲙⲏⲧⲉ ⲙⲡⲉϩⲟⲟⲩ ⲉⲛⲉϩ ⲉⲧⲃⲉⲡⲉⲧⲙⲙⲁⲩ · ϫⲉⲕⲁⲥ ⲉⲛⲉⲥⲛⲁⲩ ⲉⲡⲉⲇⲣⲁⲙⲁ ⲉⲛⲧⲁⲩⲧⲟⲗⲙⲁ ⲉⲣⲟϥ ⲉϩⲟⲩⲛ ⲉⲡⲛⲟⲩⲧⲉ · ϩⲱⲥⲧⲉ ⲉϫⲱϩ ⲉⲧⲉϥⲥⲁⲣⲝ ·
Never before did the heavens become dark as night at mid-day, [as they did] through Him, in order that they might not see the tragedy which they dared to act in respect of God, for they presumed to touch His flesh.
proclus.23.nativity:18
ⲁⲓⲉⲥⲟⲩ ⲛⲁⲩⲏ ϣⲱⲡⲉ ⲛⲕⲁⲧⲁⲥⲕⲟⲡⲟⲥ ⲛⲧⲡⲁⲗⲁⲥⲧⲓⲛⲏ · ⲉⲁϥⲭⲁⲗⲓⲛⲟⲩ ⲙⲡⲉⲧⲣⲟⲙⲟⲥ ⲙⲡⲣⲏ ⲙⲛⲡⲟⲟϩ ·
Jesus, the son of Nun, was a spy in the country of Palestine, and He curbed the course of the sun and the moon (for him). (Joshua 10:13)
proclus.23.nativity:19
ⲁϥϫⲓ ⲛⲇⲁⲩⲉⲓⲇ ⲉⲃⲟⲗ ϩⲛⲛⲟϩⲉ ⲛⲉⲥⲟⲟⲩ ⲁϥⲁⲁϥ ⲛⲣⲣⲟ ⲉⲡⲉϥⲅⲉⲛⲟⲥ · ⲁⲩⲱ ⲛⲉⲓⲱⲧ ⲙⲡⲙⲩⲥⲧⲏⲣⲓⲟⲛ ⲉⲧϩⲁϩⲟⲧⲉ ·
He took David from a flock of sheep, and made him king of his race, and the father of the Awful Mystery.[1 Sam.16:13]
proclus.13.easter:19
ⲟⲩⲇⲉ ⲙⲡⲉⲁⲙⲛⲧⲉ ⲥⲧⲱⲧ ⲉⲧⲃⲉⲡⲉⲧⲙⲙⲁⲩ ⲡⲁⲓ ⲉⲛⲧⲁϥⲟⲙⲕϥ ·
Never before did Amente quake as it did when it swallowed Him up.
proclus.23.nativity:20
ⲁϥϫⲡⲓⲟ ⲛⲃⲁⲗⲁϩⲁⲙ ⲡⲁⲧⲥⲱⲧⲙ ϩⲓⲧⲛⲟⲩⲉⲱ · ⲉⲁϥⲧⲣⲉⲡⲧⲃⲛⲏ ⲙⲡⲉⲧⲙⲙⲁⲩ ϣⲱⲡⲉ ⲛⲗⲟⲅⲓⲕⲟⲥ ⲉⲡⲙⲁ ⲛⲟⲩⲙⲛⲧⲁⲗⲟⲅⲟⲥ ·
He caused Balaam not to hearken unto the ass, (Num.22) and He made the animal to become a reasoning creature instead of a speechless brute.
proclus.13.easter:20
ⲟⲩⲇⲉ ⲙⲡⲉⲡⲕⲁϩ ⲕⲁⲗⲗⲱⲡⲓⲍⲉ ⲉⲛⲉϩ ϩⲛⲟⲩⲙϩⲁⲁⲩ · ⲛⲧⲁϥⲛⲧⲙⲛⲧⲣⲉϥϯⲱⲛϩ ·
Never before was the earth made beautiful by a sepulchre which contained life
proclus.13.easter:21
ⲙⲁⲗⲗⲟⲛ ⲇⲉ ϩⲛⲟⲩⲙϩⲁⲁⲩ ⲁⲛ ⲁⲗⲗⲁ ϩⲛⲟⲩⲛⲩⲙⲫⲱⲛ ·
it was, however, no sepulchre, but rather a bridal bed.
proclus.23.nativity:21
ⲉⲧⲃⲉⲟⲩϩⲱⲃ ⲛⲭⲣⲏⲥⲓⲙⲟⲛ ⲁϥⲭⲁⲣⲓⲍⲉ ⲛⲟⲩⲗⲟⲅⲓⲥⲙⲟⲥ ⲛⲧⲉⲣⲩⲑⲣⲁ ⲧϩⲁⲗⲁⲥⲥⲁ ·
In order to make it a useful thing He bestowed reasoning power on the Red Sea.
proclus.13.easter:22
ⲙⲡϥⲧⲁⲕⲟ ⲅⲁⲣ ⲛϭⲓⲡⲉⲛⲧⲁⲩⲧⲟⲙⲥϥ ⲛϩⲏⲏⲧϥ : ⲁⲗⲗⲁ ⲛⲧⲁϥϣⲱⲡⲉ ⲛⲛⲩⲙⲫⲓⲟⲥ ⲛϭⲓⲡⲉⲛⲧⲁϥⲃⲱⲕ ⲉⲡⲉⲥⲏⲧ ·
He Whom they buried therein did not suffer corruption; on the contrary, He Who went down into it became a bridegroom.
proclus.23.nativity:22
ⲁϥⲧⲣⲉⲡϭⲉⲣⲱⲃ ⲛⲁⲁⲣⲱⲛ ϣⲱⲡⲉ ⲙⲙⲁⲁⲩ ⲛⲟⲩϯⲟⲩⲱ ⲛⲃⲣⲣⲉ ⲡⲁⲣⲁⲧⲉϥⲫⲩⲥⲓⲥ ·
He made the rod of Aaron to shoot forth new blossoms, (Num.17:8) contrary to its nature.
proclus.13.easter:23
ⲙⲡⲟⲩϫⲡⲉⲗⲁⲁⲩ ⲙⲫⲩⲥⲓⲥ ⲉⲛⲉϩ ⲉⲁϥⲣϣⲟⲙⲛⲧ ⲛϩⲟⲟⲩ ⲙⲛϣⲟⲙⲧⲉ ⲛⲟⲩϣⲏ ϩⲙⲡⲕⲁϩ · ⲁⲩⲱ ⲁϥⲧⲱⲟⲩⲛ · ⲉⲓⲙⲏⲧⲓ ⲉⲡⲉⲛⲧⲁϥⲡⲗⲁⲥⲥⲉ ⲙⲁⲩⲁⲁϥ ϩⲛϩⲏⲧⲥ ⲛⲧⲡⲁⲣⲑⲉⲛⲟⲥ ⲛⲟⲩⲣⲡⲉ ⲙⲡⲉϥⲥⲱⲙⲁ ⲕⲁⲧⲁⲧϩⲉ ⲉⲧϥⲥⲟⲟⲩⲛ ⲉⲛⲧⲟϥ ⲡⲉⲛⲧⲁϥⲧⲱⲟⲩⲛ ϩⲙⲡⲙⲉϩϣⲟⲙⲛⲧ ⲛϩⲟⲟⲩ ·
Never before hath any natural man passed three days and three nights in the earth, and risen up therefrom except Him Who of Himself fashioned the temple of His Body in the womb of the Virgin, according to that which He knew, He it was Who rose on the third day.
proclus.23.nativity:23
ⲁϥⲧⲁϩⲟ ⲉⲣⲁⲧϥ ⲛⲟⲩϩⲟϥ ⲛϩⲟⲙⲛⲧ ϩⲛⲧⲉⲣⲏⲙⲟⲥ ⲛⲧϩⲉ ⲛⲟⲩⲉⲓⲁⲧⲣⲓⲕⲟⲥ ⲛϣⲡⲏⲣⲉ ·
He set up a serpent of brass in the desert, like a physician of marvelous powers. (Num.21:9)
proclus.13.easter:24
ⲉⲁϥⲧⲟⲩⲛⲉⲥ ⲡⲉⲣⲡⲉ ⲉⲛⲧⲁϥⲃⲟⲗϥ ⲉⲃⲟⲗ ⲉⲃⲟⲗ ⲉϩⲛⲁϥ ϩⲓⲧⲙⲡⲙⲟⲩ ·
He raised up the temple, He lifted it up, by His will through death,
proclus.23.nativity:24
ⲁϥⲛⲁⲩ ⲉϩⲏⲗⲓⲁⲥ ⲉϥⲡⲏⲧ ⲁϥⲁⲛⲁⲗⲁⲃⲃⲁⲛⲉ ⲙⲙⲟϥ ⲁϥⲁⲁϥ ⲛⲣⲙⲙⲡⲉ ·
He saw Elijah as he fled, (3 Kings 19; 4 Kings 2:11,12) and He took him up and made him a inhabitant of heaven.
proclus.13.easter:25
ⲉⲁϥⲟⲩⲱⲛϩ ⲉⲃⲟⲗ ⲛⲧⲁⲛⲁⲥⲧⲁⲥⲓⲥ ϩⲓⲧⲛⲧⲛⲁⲁⲕⲉ ⲛⲧⲡⲁⲣⲑⲉⲛⲟⲥ ·
and He made manifest the Resurrection through the birth-pangs of the Virgin.
proclus.23.nativity:25
ⲁϥⲧⲣⲉⲡϣⲁϩ ⲛⲧⲉϩⲣⲱ ⲉⲧϩⲛⲧⲃⲁⲃⲩⲗⲱⲛ ϣⲱⲡⲉ ⲛⲟⲩⲙⲟⲟⲛⲉ ⲙⲡϣⲟⲙⲛⲧ ⲛϣⲏⲣⲉ ϣⲏⲙ ·
He made the flame of the furnace which was in Babylon become cool for the Three Children. (Dan.3:21 ff.)
proclus.13.easter:26
ϩⲙⲡⲉⲓⲙⲁ ⲙⲉⲛ ⲉϣⲁⲣⲉⲡⲉⲭⲣⲟⲛⲟⲥ ⲧⲁϩⲉⲡⲉϫⲡⲟ ·
Now in this place (i. e., world) time followeth after begetting
proclus.23.nativity:26
ⲁϥⲧⲣⲉⲙⲙⲟⲩⲓ ⲉⲧϩⲙⲡϣⲏⲓ ϣⲱⲡⲉ ⲛⲧϩⲉ ⲛϩⲉⲛⲙⲁⲑⲏⲧⲏⲥ ⲉⲩⲥⲃⲧⲱⲧ ϩⲓⲧⲛⲇⲁⲛⲓⲏⲗ ·
He made the lions which were in the pit become like ready disciples of Daniel. (Dan.6:16 ff.)
proclus.13.easter:27
ⲙⲡⲉⲓⲙⲁ ⲇⲉ ϩⲱⲱϥ ⲡⲉⲧϭⲙϭⲟⲙ ⲡⲉⲧⲧⲁϣⲉⲟⲉⲓϣ ϩⲛⲟⲩϭⲉⲡⲏ ·
but in this place (i. e., world) he who prevaileth is he who preacheth at all times in haste.
proclus.23.nativity:27
ⲁϥⲧⲣⲉϩⲏⲧϥ ⲙⲡⲕⲏⲧⲟⲥ ⲉⲧϩⲛⲧϩⲁⲗⲁⲥⲥⲁ ϣⲱⲡⲉ ⲛⲧϩⲉ ⲛⲟⲩⲛⲩⲙⲫⲟⲛ ⲙⲡⲉⲡⲣⲟⲫⲏⲧⲏⲥ ·
He made the belly of the whale in the sea to become like the bridal bed of the prophet. (Jonah 2:1)
proclus.23.nativity:28
ⲁϥⲧⲣⲉⲡⲡⲟⲣⲛⲓⲟⲛ ⲛϩⲣⲁⲁⲃ ⲡⲱⲱⲛⲉ ⲉⲩⲑⲩⲥⲓⲁⲥⲧⲏⲣⲓⲟⲛ ϩⲛⲧⲙⲛⲧⲙⲁⲓϣⲙⲙⲟ ·
He made the brothel of Rahab (Joshua 2:1) to be changed into an orderly hospital for the reception of strangers.
proclus.13.easter:28
ⲙⲡⲉⲗⲁⲁⲩ ⲛϩⲓⲉⲓⲃ ⲉⲁⲩⲧⲁⲗⲟϥ ⲉϫⲙⲡⲉⲑⲩⲥⲓⲁⲥⲧⲏⲣⲓⲟⲛ · ϥⲓ ⲙⲡⲛⲟⲃⲉ ⲙⲡⲕⲟⲥⲙⲟⲥ · ⲉⲓⲙⲏⲧⲓ ⲉⲡⲉⲟⲩⲟⲉⲓϣ ⲉⲛⲧⲁⲡⲛⲟⲩⲧⲉ ϫⲓⲙⲟⲣⲫⲏ ⲛϩⲙϩⲁⲗ ·
No lamb which could have been offered up on the altar could ever have carried away the sins of the world except at that time a when God took the form of a servant.
proclus.23.nativity:29
ⲡⲁⲗⲁⲥ ⲛⲁⲣⲱϣⲉ ⲁⲛ ⲉⲧⲁⲩⲟ ⲛⲛⲉϥⲙⲛⲧⲣⲉϥⲣⲡⲉⲧⲛⲁⲛⲟⲩϥ ⲧⲏⲣⲟⲩ ·
My tongue, however, will not suffice for the narration of all His works of goodness
proclus.13.easter:29
ⲁⲩⲱ ⲁϥⲡⲗⲁⲥⲥⲉ ⲙⲡⲥⲱⲙⲁ ⲛⲁⲧϣⲁϫⲉ ⲉⲣⲟϥ ·
And He fashioned an ineffable body for Himself
proclus.13.easter:30
ⲁϥⲧⲁⲁϥ ϩⲓⲱⲱϥ ·
and He clothed Himself therewith
proclus.23.nativity:30
ⲧⲙⲛⲧⲣⲙⲙⲁⲟ ⲅⲁⲣ ⲛⲛⲉϥⲉⲛⲉⲣⲅⲉⲓⲁ ⲟⲩⲟⲧⲃ ⲉⲡⲁⲗⲁⲥ ·
for the wealth of his working power overcometh my tongue.
proclus.13.easter:31
ⲡⲁⲓ ⲇⲉ ⲧⲉϥⲥⲁⲣⲝ ⲙⲉⲛ ⲡⲉ ⲡⲱⲛϩ ·
now this was His flesh, the life.
proclus.23.nativity:31
ⲡϣⲁ ⲅⲁⲣ ⲛⲧⲉⲕⲕⲗⲏⲥⲓⲁ ⲙⲉϩ ⲉⲃⲟⲗ ⲛϯϩⲓϫⲓ · ⲛⲓⲙ ⲛⲧⲉⲡⲉⲛⲟⲩϫⲁⲓ · ⲕⲁⲧⲁⲡⲉⲧⲥⲏϩ ϫⲉϯ ⲛⲓⲙ ⲉⲛⲁⲛⲟⲩϥ · ⲁⲩⲱ ⲇⲱⲣⲟⲛ ⲛⲓⲙ ⲉⲧϫⲏⲕ ⲉⲃⲟⲗ ⲟⲩⲉⲃⲟⲗ ⲟⲩⲉⲃⲟⲗ ϩⲛⲧⲡⲉ ⲡⲉ ⲉϥⲛⲏⲩ ⲉⲡⲉⲥⲏⲧ ϩⲓⲧⲙⲡⲉⲓⲱⲧ ⲛⲟⲩⲟⲉⲓⲛ ·
Now the festival of the Church is full of benefits of every kind for our salvation, according to that which is written, 'Every good gift and every perfect gift are from heaven, and they come down through the Father of Light.' (James 1:17)
proclus.13.easter:32
ⲡⲉϥⲥⲛⲟϥ ⲇⲉ ⲡⲉ ⲡⲥⲱⲧⲉ ·
His blood is the redemption.
proclus.23.nativity:32
ⲙⲡⲉⲓⲙⲁ ⲅⲁⲣ ⲉϥϯ ⲛⲛⲉⲧϩⲓϫⲙⲡⲕⲁϩ ϩⲛⲛⲁⲙⲡⲏⲩⲉ ·
In this world He giveth those which are on the earth, (and) those which are in the heavens.
proclus.13.easter:33
ⲡⲉⲡⲛⲉⲩⲙⲁ ⲇⲉ ⲡⲉ ⲧⲉⲥⲫⲣⲁⲅⲓⲥ ·
The Spirit is the seal.
proclus.23.nativity:33
ⲙⲡⲉⲓⲙⲁ ⲟⲩϫⲡⲟ ⲡⲉ ⲛⲛϩⲓⲥⲉ ⲙⲛϩⲉⲛⲕⲧⲏⲥⲓⲥ ⲛⲁⲣⲉⲧⲏ ·
In this world He is the maker of sufferings (i.e., vices), and He maketh men to acquire virtues.
proclus.13.easter:34
ⲧⲉⲫⲩⲥⲓⲥ ⲇⲉ ⲙⲡⲛⲟⲩⲧⲉ ⲙⲛⲧⲥ ⲁⲣⲭⲏ ·
The nature of God is without beginning.
proclus.23.nativity:34
ⲙⲡⲉⲓⲙⲁ ⲟⲩⲡⲣⲟⲥⲫⲟⲣⲁ ⲧⲉ ϩⲓⲧⲛϩⲉⲛⲭⲣⲏⲙⲁ ⲙⲛⲟⲩⲁⲅⲟⲣⲁ ⲉⲥⲥϭⲣⲁϩⲧ · ⲉⲓϣⲁϫⲉ ⲉⲧⲉⲕⲕⲗⲏⲥⲓⲁ ·
In this world the offering is made with material possessions, and the market-place is quiet--I speak of the Church.
proclus.13.easter:35
ⲕⲁⲗⲱⲥ ⲟⲩⲛ ⲁϥϫⲟⲟⲥ ⲛϭⲓⲡⲙⲁⲕⲁⲣⲓⲟⲥ ⲡⲁⲩⲗⲟⲥ ϫⲉⲁⲛⲁⲣⲭⲁⲓⲟⲛ ⲟⲩⲉⲓⲛⲉ · ⲉⲓⲥϩⲏⲏⲧⲉ ⲁϩⲉⲛⲃⲣⲣⲉ ϣⲱⲡⲉ ·
Well therefore hath the blessed Paul said, 'Old things a have departed; behold, new things exist.'
proclus.23.nativity:35
ⲙⲡⲉⲓⲙⲁ ϩⲉⲛⲕⲗⲟⲟⲗⲉ ⲛⲉ ⲉⲩϯ ⲛⲟⲩⲙⲟⲩ ⲛϩⲱⲟⲩ ϩⲓⲧⲛⲡⲙⲟⲟⲩ ⲛⲉⲓⲟⲩⲉ ⲙⲡⲉⲩⲁⲅⲅⲉⲗⲓⲟⲛ ·
In this world the clouds give rain through the waters of the Gospel.
proclus.13.easter:36
ⲧⲁⲓ ⲧⲉ ⲧϩⲉ ⲛⲧⲁⲡⲉⲛⲧⲁϥⲉⲓ ⲉⲡⲉⲥⲏⲧ ⲉⲃⲟⲗ ⲛϩⲏⲧⲥ ⲥⲙⲟⲩ ⲉⲧⲉⲛϭⲓⲛⲃⲱⲕ ⲉϩⲣⲁⲓ ·
(The now heaven,) that is to say, He Who hath come down from it (i.e., heaven) hath blessed our coming thereto.
proclus.23.nativity:36
ⲙⲡⲉⲓⲙⲁ ⲛⲥⲁⲗⲡⲓⲅⲝ ⲛⲛⲁⲡⲟⲥⲧⲟⲗⲟⲥ ⲛⲉ ⲉⲩⲧⲁϣⲉⲟⲉⲓϣ ⲛⲧⲉⲧⲣⲓⲁⲥ ϫⲉⲟⲩⲥⲱⲛⲧ ⲁⲛ ⲧⲉ ·
In this world there are the trumpets of the Apostles, and the preaching of the Trinity uncreate.
proclus.13.easter:37
ⲟⲩⲕⲁϩ ⲛⲃⲣⲣⲉ · ⲡⲁⲓ ⲉⲛⲧⲁⲡⲉⲛⲧⲁⲩⲕⲁⲁϥ ϩⲛⲟⲩⲟⲙϥ ⲧⲃⲃⲟϥ ϩⲓⲧⲛⲧⲥⲁⲣⲝ ⲉⲛⲧⲁⲩϫⲧⲟⲥ ⲛϩⲏⲧϥ ·
The new earth: He Who was laid in a manger. He purified it through the flesh wherein He was placed.
proclus.23.nativity:37
ⲙⲡⲉⲓⲙⲁ ϩⲉⲛϫⲱ ⲛⲉ ⲙⲡⲛⲉⲩⲙⲁⲧⲓⲕⲟⲛ ⲉⲩϯⲟⲩⲃⲉⲧⲙⲛⲧⲧⲩⲣⲁⲛⲛⲟⲥ ⲛⲙⲡⲁⲑⲟⲥ ⲉⲛⲧⲁⲩⲟ ⲙⲙⲟⲟⲩ ϩⲛϩⲉⲛⲙⲉⲗⲟⲥ ⲛⲛⲟⲏⲧⲟⲛ ·
In this world spiritual hymns fight against the tyranny of the passions which exist in our intellectual members.
proclus.13.easter:38
ⲟⲩⲑⲁⲗⲁⲥⲥⲁ ⲛⲃⲣⲣⲉ ⲉⲥϩⲗⲟⲩⲗⲱⲟⲩ · ⲏ ⲉⲥϫⲟⲥⲉ ·
The new sea, which is vast and deep
proclus.23.nativity:38
ⲙⲡⲉⲓⲙⲁ ⲟⲩⲕⲱ ⲕⲁϩⲏⲩ ⲡⲉ ⲛⲁⲇⲁⲙ ⲡⲉ ⲉⲃⲟⲗ ϩⲙⲡⲕⲁϩ · ⲉⲛϯ ⲇⲉ ϩⲓⲱⲱⲛ ⲙⲡⲟⲩⲟⲉⲓⲛ ⲡⲉ ⲉⲃⲟⲗ ϩⲛⲙⲡⲏⲩⲉ ⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ·
In this world Adam is naked on the earth, and we clothe ourselves in the Light which is from heaven, our Lord Jesus Christ.
proclus.23.nativity:39
ⲙⲡⲉⲓⲙⲁ ⲉⲛϣⲟⲣϣⲣ ⲙⲡⲧⲏⲣⲁⲛⲟⲥ ⲛⲁⲣⲭⲁⲓⲟⲥ · ⲁⲩⲱ ⲉⲛⲡⲣⲟⲥⲕⲩⲛⲉⲓ ⲙⲡⲙⲩⲥⲧⲏⲣⲓⲟⲛ ⲡⲉ ⲉⲃⲟⲗ ϩⲛⲧⲡⲁⲣⲑⲉⲛⲟⲥ ·
In this world we overthrow the ancient tyrant, and we adore the Mystery, which is of the Virgin.
proclus.13.easter:39
ⲉⲙⲡⲉⲧⲁϭⲥⲉ ⲛⲣⲱⲙⲉ ⲛⲥⲁⲣⲝ ⲙⲟⲟϣⲉ ϩⲓϫⲱⲥ · ⲟⲩⲇⲉ ⲙⲡⲟⲩⲟⲣϣⲥ ϩⲓⲧⲙⲡⲛⲟⲃⲉ ·
the feet of men of flesh do not pass over it, neither is it contaminated by sin.
proclus.23.nativity:40
ⲙⲡⲉⲓⲙⲁ ⲛⲧⲁϥⲡⲱϩ ⲙⲡⲉⲭⲓⲣⲟⲅⲣⲁⲫⲟⲛ ⲛⲛⲉⲛⲛⲟⲃⲉ · ⲁϥⲧⲁⲥⲥⲉ ⲙⲙⲟⲛ ⲉⲡⲉⲕⲣⲁⲙⲁⲧⲓⲟⲛ ⲛⲧⲉⲗⲉⲩⲑⲉⲣⲓⲁ ·
In this world the note of hand of our sins is torn up, and a contract of freedom is delivered unto us.
proclus.13.easter:40
ⲟⲩⲃⲓⲟⲥ ⲛⲃⲣⲣⲉ · ⲡⲁⲓ ⲉⲛⲧⲁϥⲧⲣⲉⲡⲡⲟⲗⲉⲙⲟⲥ ⲗⲟ ⲟⲩⲃⲏϥ ·
The new life : this is He Who hath made war to cease from Him,
proclus.23.nativity:41
ⲙⲡⲉⲓⲙⲁ ⲛⲧⲁϥⲙⲟⲩⲟⲩⲧ ⲛⲙⲡⲁⲑⲟⲥ · ⲁϥⲧⲁⲛϩⲟ ⲛⲕⲉⲥⲟⲡ ⲛⲛⲉⲛⲯⲩⲭⲏ ·
In this world passion is killed, and our soul is made to live again.
proclus.13.easter:41
ⲁϥⲙⲁϩϥ ⲉⲁϥϫⲟⲕϥ ⲉⲃⲟⲗ ϩⲛⲟⲩⲉⲓⲣⲏⲛⲏ ·
and (the life) is full and made perfect in peace.
proclus.23.nativity:42
ⲱ ⲡϣⲁ ⲉⲧⲉⲣⲉⲡⲉϥⲧⲟⲡⲟⲥ ϩⲓϫⲙⲡⲕⲁϩ ⲉⲣⲉⲡⲉϥϩⲏⲩ ⲇⲉ ϩⲛⲧⲡⲉ ·
O thou festival, the place of which is upon the earth, (and) the benefit of which is in heaven!
proclus.13.easter:42
ⲟⲩⲙⲛⲧⲣⲱⲙⲉ ⲛⲃⲣⲣⲉ · ⲧⲁⲓ ⲉⲛⲧⲁϥϫⲟⲕⲙⲥ ⲉⲁϥⲉⲓⲁⲁⲥ ⲉⲃⲟⲗ ϩⲛⲟⲩⲙⲟⲟⲩ ·
The new humanity: this is that which hath washed itself and cleansed itself in water
proclus.23.nativity:43
ⲙⲡⲉⲓⲙⲁⲛⲧⲁⲩⲕⲩⲣⲏⲥⲥⲉ ϩⲛⲟⲩⲛⲟϭ ⲛⲥⲙⲏ ⲙⲡⲡⲁϩⲣⲉ ⲛⲭⲣⲏⲥⲓⲙⲟⲛ ⲛⲧⲛⲏⲥⲧⲉⲓⲁ · ⲡⲉϩⲙⲉ ⲛϩⲟⲟⲩ ⲉⲧⲟⲩⲁⲁⲃ · ⲡⲃⲉⲕⲉ ⲉⲧⲛⲁϣⲱϥ ⲛⲧⲉⲕⲣⲁⲧⲓⲁ · ⲡϩⲓⲥⲁⲅⲅⲉⲗⲟⲥ ⲛⲧⲡⲁⲣⲑⲉⲛⲓⲁ · ⲧⲙⲛⲧⲛⲁⲏⲧ ⲉⲧϣⲏⲡⲧⲙⲛⲧⲣⲙⲣⲁϣ · ⲧⲙⲛⲧⲙⲁⲅⲁⲣⲓⲟⲥ · ⲧⲙⲛⲧⲥⲁⲃⲉ ⲉⲧⲉⲙⲛⲧⲥϣⲓ · ⲧⲙⲛⲧϩⲁⲣϣ ϩⲏⲧⲧⲉⲧⲧⲛⲧⲱⲛ ⲉⲡⲛⲟⲩⲧⲉ · ⲧⲙⲛⲧⲁⲧϣⲉ ⲛϩⲁⲥⲓⲉ ⲛⲧϩⲩⲡⲟⲙⲓⲛⲏ ·
In this world are preached with a loud voice the useful medicines of the fast of the holy Forty Days, and the great reward of continence, and the angelic character of virginity, and the almsgiving which is accepted, and the gentle disposition, and the quantity of blessing, and the meekness which is without limit, and the longsuffering which is like unto that of God, and the immeasurable patience which cannot be submerged
proclus.13.easter:43
ⲉⲁϥⲟⲩⲟⲧϩⲥ ⲛⲕⲉⲥⲟⲡ ϩⲙⲡⲕⲱϩⲧ ⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
and hath smelted itself a second time in the furnace of the Holy Spirit.
proclus.23.nativity:44
ⲧⲙⲛⲧⲁⲧϩⲟⲧϩⲧ ⲛⲥⲁⲧⲡⲓⲥⲧⲓⲥ · ⲧⲙⲛⲧⲁⲧⲥⲱⲛⲧ ⲛⲧⲉⲧⲣⲓⲁⲥ · ⲧⲙⲛⲧⲁⲧⲧⲁϩⲟⲥ ⲛⲧⲟⲓⲕⲟⲛⲟⲙⲓⲁ ⲛⲧⲥⲁⲣⲝ ·
and the character of not seeking to pry into faith, (and into) the Uncreatedness of the Trinity, and into the incomprehensibility of the dispensation of the flesh.
proclus.13.easter:44
ⲟⲩϣⲙϣⲉ ⲛⲃⲣⲣⲉ · ⲟⲩⲕⲉⲧⲓ ⲅⲁⲣ ⲙⲛⲥⲟⲩⲥⲟⲟⲩϣⲉ ⲅⲁⲣ ⲛⲕⲉⲥⲟⲡ ⲟⲩⲇⲉ ⲥⲃⲃⲉ · ⲁⲗⲗⲁ ⲉⲩϣⲙϣⲉ ϩⲛⲟⲩⲡⲓⲥⲧⲓⲥ ·
The new worship : this is not the savour of sacrifice a second time, neither is it circumcision, but it is the worshipping by faith,
proclus.23.nativity:45
ⲧⲙⲓⲛⲉ ⲅⲁⲣ ⲉⲧⲕⲛⲁϩⲟⲧϩⲧ ⲛⲥⲁⲡϩⲱⲃ ⲙⲙⲟⲥ ϩⲛⲟⲩⲗⲟⲅⲓⲥⲙⲟⲥ · ⲕⲛⲁϭⲓⲛⲉ ⲛⲧⲉϣⲡⲏⲣⲉ ⲉⲥⲧⲁⲓⲏⲩ ⲛϩⲟⲩⲟ ⲉϭⲓⲛϩⲟⲧϩⲧ ⲛⲓⲙ ·
But if thou dost attempt to enquire deeply into the matter, by means of thy power of reasoning powers, thou wilt find that this glorious miracle is wholly beyond all investigation whatsoever.
proclus.13.easter:45
ⲉⲩϯⲉⲟⲟⲩ ϩⲛⲟⲩⲟⲩⲥⲓⲁ ⲛⲟⲩⲱⲧ · ⲛϣⲟⲙⲧⲉ ⲛϩⲩⲡⲟⲥⲧⲁⲥⲓⲥ ·
and the glorifying of One Substance in Three Persons.
proclus.23.nativity:46
ⲡⲁⲗⲟⲅⲓⲥⲙⲟⲥ ⲛⲁⲁⲡⲟⲣⲉⲓ ⲉϥϣⲓⲛⲉ ϫⲉⲛⲧⲁⲡⲛⲟⲩⲧⲉ ϣⲱⲡⲉ ⲛⲣⲱⲙⲉ ⲛⲁϣ ⲛϩⲉ · ⲁⲩⲱ ϫⲉⲛⲧⲁⲡⲛⲟⲩⲧⲉ ⲛⲁⲡⲁⲑⲏⲥ ⲣⲟⲩⲁ ⲛⲟⲩⲱⲧ ⲙⲛⲡⲟⲙⲉ · ⲉⲁϥϫⲓ ⲙⲟⲣⲫⲏ ϩⲛⲧⲥⲁⲣⲝ ⲛⲁϣ ⲛϩⲉ ·
Now the intellect of man hath not the ability to discover by enquiry by what means God became man, and in what way God, Who is impassible, and is One, and is, moreover, not of the earth, took form to Himself in the flesh.
proclus.13.easter:46
ⲛⲁⲓ ⲛⲉ ⲧⲉϥⲧⲁϣⲉⲟⲉⲓϣ ⲙⲙⲟϥ ⲛⲁⲛ ⲛϭⲓⲡⲉⲡⲣⲟⲫⲏⲧⲏⲥ ⲉϥϫⲱ ⲙⲙⲟⲥ ϫⲉϩⲙⲡⲉϩⲟⲟⲩ ⲉⲧⲙⲙⲁⲩ ⲡⲛⲟⲩⲧⲉ ⲛⲁⲟⲩⲱⲛϩ ⲉⲃⲟⲗ ⲛⲟⲩϣⲟϫⲛⲉ ⲙⲛⲟⲩⲉⲟⲟⲩ ϩⲓϫⲙⲡⲕⲁϩ ·
These things are they which the prophet preached unto us saying, 'In that day God shall make Himself manifest in counsel and in glory upon the earth.'
proclus.23.nativity:47
ⲡⲉⲧϣⲟⲟⲡ ⲙⲉⲛ ⲁϫⲛⲁⲣⲭⲏ · ⲉⲃⲟⲗ ϩⲓⲧⲙⲡⲉⲓⲱⲧ ⲙⲉϥϣⲓⲃⲉ ·
He Who Is hath no beginning. Out of the Father, without change
proclus.13.easter:47
ϩⲛⲁϣ ⲛϩⲟⲟⲩ ⲁϫⲓⲥ ⲉⲣⲟⲛ ⲱ ⲡⲉⲡⲣⲟⲫⲏⲧⲏⲥ ·
In what day? Declare thou unto us, O prophet.
proclus.13.easter:48
ϩⲙⲡⲉϩⲟⲟⲩ ⲡⲉϫⲁϥ ⲉⲧⲉⲣⲉⲡⲛⲟⲩⲧⲉ ⲉⲧⲛⲧⲡⲉ ⲙⲫⲩⲥⲓⲥ ⲛⲓⲙ ⲛⲁϫⲓⲥⲁⲣⲝ ⲉⲃⲟⲗ ϩⲛⲟⲩⲥϩⲓⲙⲉ ⲕⲁⲧⲁⲧϩⲉ ⲉⲧϥⲥⲟⲟⲩⲛ ⲛⲧⲟϥ ⲙⲙⲟⲥ ·
He saith, ' In that day a wherein God, Who is over all nature, shall take upon Himself flesh of a woman, according to that which He knoweth.
proclus.23.nativity:48
ⲡⲉⲛⲧⲁϥϣⲱⲡⲉ ⲙⲛϩⲛⲧϩⲁⲏ ⲛⲛⲉϩⲟⲟⲩ ⲛⲧⲁϥⲟⲩⲱⲛϩ ⲉⲃⲟⲗ ϩⲛⲧⲡⲁⲣⲑⲉⲛⲟⲥ ·
is He Who hath come into being in the last days, and hath made Himself manifest in the Virgin.
proclus.13.easter:49
ⲛⲥϫⲡⲟ ⲛϭⲓⲧⲡⲁⲣⲑⲉⲛⲟⲥ ⲙⲡⲙⲩⲥⲧⲏⲣⲓⲟⲛ ⲛⲁⲧϣⲁϫⲉ ⲉⲣⲟϥ · ⲁϫⲛϩⲟⲟⲩⲧ · ⲟⲩⲣⲱⲙⲉ ⲙⲙⲁⲓⲣⲱⲙⲉ ⲉⲙⲉϥϣⲓⲃⲉ · ⲉⲁϥⲧⲣⲉⲡⲙⲟⲩ ⲕⲁⲃⲟⲗ ⲙⲙⲟⲓ · ⲡⲁⲓ ⲉⲛⲧⲁϥⲟⲙⲕⲧ ⲉⲛϯⲥⲟⲟⲩⲛ ⲁⲛ · ⲉⲁⲡⲉϥⲧⲁⲫⲟⲥ ϣⲱⲡⲉ ⲛⲑⲏⲥⲁⲩⲣⲟⲥ ⲛⲧⲁⲛⲁⲥⲧⲁⲥⲓⲥ · ⲁⲩⲱ ⲧⲁⲓⲭⲙⲁⲗⲱⲥⲓⲁ ⲙⲡⲣⲱⲙⲉ ·
The Virgin shall bring forth by ineffable mystery, without a husband, a Man, and a Lover of men, Who shall not change. He will make death to vomit me forth, this (death) which hath swallowed me up, which I know not. His tomb shall be the treasury of the Resurrection.
proclus.23.nativity:49
ⲡⲉⲧϣⲟⲟⲡ ⲙⲉⲛ ⲅⲁⲣ ⲛⲧⲁϥϣⲱⲡⲉ ⲁⲛ ·
He Who Is is uncreate.
proclus.13.easter:50
ⲁϥⲧⲣⲉⲥⲣⲙⲁⲁⲩ ⲛⲧⲁⲉⲗⲉⲩⲑⲉⲣⲓⲁ
He will make her be mother to my freedom.
proclus.23.nativity:50
ⲡⲉⲛⲧⲁϥϣⲱⲡⲉ ⲅⲁⲣ ⲛⲟⲩⲫⲁⲛⲧⲁⲥⲓⲁ ⲁⲛ ⲡⲉ ·
He Who hath come into being is not a phantom

Coptic SCRIPTORIUM, corpus proclus.homilies (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.