← All works

Coptic literary fragments

Coptic literature (Coptic SCRIPTORIUM) · 99 sections

1. Eve_Serpent_giron:1

   ⲁϥϯ ⲉⲧⲟⲟⲧⲟⲩ ⲙⲡⲉϥⲛⲟⲙⲟⲥ ⲙⲛⲛⲉϥⲉⲛⲧⲟⲗⲏ ⲉⲧⲣⲉⲩϩⲁⲣⲉϩ ⲉⲣⲟⲟⲩ ϩⲛⲱⲣϫ ⲛⲓⲙ

2. life.empdaughter.frg4_giron:1

   ⲁⲡⲟⲗⲁⲩⲉ ⲙⲡⲉⲕⲥⲙⲟⲩ

3. life.empdaughter.frg2_giron:1

   ⲙⲛⲛⲛⲟϭ ⲛⲡⲡⲁⲗⲗⲁϯⲟⲛ ⲁⲡⲟⲩⲁ ⲡⲟⲩⲁ ⲃⲱⲕ ⲉⲡⲉϥⲏⲓ ⲁⲡⲣⲣⲟ ⲃⲱⲕ ϩⲁⲣⲓ ϩⲁⲣⲟϥ ⲉϩⲟⲩⲛ ϣⲁⲧⲉϥⲥϩⲓⲙⲉ ⲙⲛⲧⲉϥϣⲉⲉⲣⲉ ⲛⲉϥϩⲏⲧ ⲣⲟⲟⲩⲧ ⲉⲣⲟϥ .

4. life.empdaughter.frg1_giron:1

   ...... ⲁⲗⲗⲁ ⲙⲁⲣⲉⲛⲣⲟⲉⲓⲥ ⲛⲧⲛⲛⲏⲫⲉ ϫⲉⲛⲛⲉⲡⲇⲓⲁⲃⲟⲗⲟⲥ ϭⲱⲧϩ ⲉⲣⲟⲛ ⲛϥϥⲓ ⲛⲧⲟⲟⲧⲛ ⲛⲛⲉⲕⲁⲧⲟⲣⲑⲱⲙⲁ ⲙⲛⲡⲉⲛⲟⲩⲣⲟⲧ ⲉϩⲟⲩⲛ ⲉⲡⲛⲟⲩⲧⲉ .

5. life.empdaughter.frg3_giron:1

   ⲟⲩⲟⲓ ⲛⲁⲓ ϫⲉⲟⲩⲛⲟϭ ⲡⲉ ⲡⲁϣⲓⲡⲉ

6. life.empdaughter.frg4_giron:2

   ⲁⲩⲱ ⲛⲉⲕⲃⲟⲗ ⲉⲣⲟⲛ ⲙⲡⲡⲓⲓⲍⲏⲧⲏⲙⲁ ⲉϯⲟ ⲛϣⲡⲏⲣⲉ ⲉⲧⲃⲏⲏⲧϥ

7. life.empdaughter.frg1_giron:2

   ⲕⲁⲓ ⲅⲁⲣ ⲙⲡⲉⲡⲇⲓⲁⲃⲟⲗⲟⲥ ϯⲥⲟ ⲉⲛⲉⲣⲱⲟⲩ ⲛⲇⲓⲕⲁⲓⲟⲥ ⲁⲗⲗⲁ ⲉϥⲡⲉⲓⲣⲁⲍⲉ ⲙⲙⲟⲟⲩ .

8. life.empdaughter.frg2_giron:2

   ⲁϥⲣⲕⲉⲕⲟⲩⲓ ⲙⲙⲁⲩ ⲙⲛⲛⲥⲱⲥ ⲁϥⲃⲱⲕ ⲙⲛⲧⲣⲣⲱ ⲉⲡⲉⲩⲕⲟⲓⲧⲱⲛ . ⲉⲣⲉϩⲉⲛⲗⲩⲭⲛⲓⲁ ⲛⲛⲟⲩⲃ ⲗⲁⲙⲡⲉⲩⲉ ϩⲓⲧϩⲏ ⲙⲙⲟⲟⲩ .

9. Eve_Serpent_giron:2

   ⲁⲩⲱ ⲛⲥⲉⲁⲡⲟⲗⲁⲩⲉ ⲙⲙⲟⲟⲩ ϩⲛⲧⲙⲛⲧⲁⲧⲣⲟⲟⲩϣ ⲛⲛⲁⲅⲅⲉⲗⲟⲥ ⲙⲛⲡⲟⲩⲛⲟϥ ⲙⲡⲁⲣⲁⲇⲓⲥⲟⲥ ⲉⲁϥϯ ⲉⲧⲟⲟⲧⲟⲩ ⲛⲟⲩⲉⲛⲧⲟⲗⲏ ⲉⲥⲟⲩⲁⲁⲃ ⲉϥϫⲱ ⲙⲙⲟⲥ ⲛⲁⲩ ϫⲉⲉⲃⲟⲗ ϩⲛϣⲏⲛ ⲛⲓⲙ ⲉⲧϩⲙⲡⲡⲁⲣⲁⲇⲓⲥⲟⲥ ϩⲛⲟⲩⲱⲙ ⲁⲧⲉⲧⲛⲟⲩⲱⲙ ⲉⲃⲟⲗ ⲛϩⲏⲧϥ

10. life.empdaughter.frg3_giron:2

    ⲁⲩⲱ ϯⲙⲡϣⲁ ⲙⲡⲙⲟⲩ ⲉⲧⲃⲉⲡⲉⲛⲧⲁⲓⲁⲁϥ ⲉⲓⲛⲁϩⲉⲡⲡⲉⲓϩⲱⲃ ⲡⲁⲓⲓ ⲛⲁϣ ⲛϩⲉ ⲛϯⲥⲟⲟⲩⲛ ⲁⲛ . ϩⲁⲙⲟⲓ ⲉⲛⲉⲛⲧⲁⲥⲙⲟⲩ ⲙⲡⲁⲧⲛⲁⲓϣⲱⲡⲉ . ⲟⲩϣⲓⲡⲉ ⲛⲁⲓ ⲡⲉ ⲡⲁⲓ ϩⲓϫⲙⲡⲕⲁϩ ⲟⲩⲕⲟⲗⲁⲥⲓⲥ ⲛⲁⲓ ⲧⲉ ⲧⲁⲓ ϣⲁⲉⲛⲉϩ ϩⲙⲡⲕⲉⲁⲓⲱⲛ .

11. life.empdaughter.frg4_giron:3

    ⲁⲩⲱ ⲉϣϫⲉ ⲡⲇⲓⲁⲥⲏⲙⲁ ϩⲟⲣϣ ⲛⲛⲁϩⲣⲁⲕ ⲉⲃⲟⲗϫⲉ ⲁⲓⲥⲱⲧⲙ ϫⲉⲁⲕⲁⲓⲁⲓ ϩⲛⲛⲉⲕϩⲟⲟⲩ

12. life.empdaughter.frg2_giron:3

    ⲧⲉϥϣⲉⲉⲣⲉ ⲇⲉ ⲁⲥⲧⲱⲟⲩⲛ ⲙⲛⲙⲙⲁⲧⲣⲱⲛⲁ ⲁⲥⲃⲱⲕ ⲉⲡⲉⲩⲕⲟⲓⲧⲱⲛ ⲉⲣⲉϩⲉⲛⲗⲁⲙⲡⲁⲓ ⲛⲛⲟⲩⲃ ϩⲓϩⲁⲧ ⲥⲱⲕ ϩⲓⲧϩⲏ ⲙⲙⲟⲟⲩ .

13. life.empdaughter.frg1_giron:3

    ⲙⲡⲉϥϯⲥⲟ ⲉⲛⲟⲩⲏⲏⲃ ⲛⲡⲓⲥⲧⲟⲥ ⲁⲗⲗⲁ ⲁϥⲡⲗⲁⲛⲁ ⲙⲙⲟⲟⲩ .

14. Eve_Serpent_giron:3

    ⲉⲃⲟⲗ ⲇⲉ ϩⲙⲡϣⲏⲛ ⲉⲧϩⲛⲧⲙⲏⲧⲉ ⲙⲡⲡⲁⲣⲁⲇⲓⲥⲟⲥ ⲛⲛⲧⲉⲧⲛⲟⲩⲱⲙⲉⲃⲟⲗ ⲛϩⲏⲧϥ ⲟⲩⲇⲉ ⲙⲡⲣϫⲱϩ ⲉⲣⲟϥ ϫⲉⲕⲁⲥ ⲛⲛⲉⲧⲛⲙⲟⲩ .

15. life.empdaughter.frg3_giron:3

    ⲡⲣⲣⲟ ⲇⲉ ⲁϥϭⲱ ⲉⲣⲉⲡⲉⲓⲙⲉⲉⲩⲉ ⲉⲛⲱⲭⲗⲗⲉⲓ ⲛⲁϥ ϩⲙⲡⲉϩⲟⲟⲩ ⲙⲛⲧⲉⲩϣⲉ

16. life.empdaughter.frg2_giron:4

    ⲙⲡⲛⲁⲩ ⲛⲟⲩⲉⲙ ⲟⲉⲓⲕ ⲛⲧⲉⲣⲉⲡⲣⲣⲟ ⲛⲉϩⲡⲏⲣⲡ ⲁⲧⲣⲣⲱ ⲁⲛⲁⲅⲅⲉⲓⲗⲉ ⲉⲣⲟϥ ⲛⲛⲉⲛⲧⲁⲥⲛⲁⲩ ⲉⲣⲟⲟⲩ ϩⲛⲧⲥⲓⲟⲟⲩⲛ .

17. life.empdaughter.frg3_giron:4

    ⲁⲩⲱ ⲛⲉϥⲗⲟⲅⲓⲍⲉ ⲉⲙⲙⲟϥ ϩⲛⲛⲉϥⲙⲉⲉⲩⲉ ⲉϥϫⲱ ⲙⲙⲟⲥ ϫⲉⲁⲗⲏⲑⲱⲥ ⲙⲡⲓⲥⲱⲧⲙ ⲉⲛⲉϩ ϩⲛⲧⲛⲁⲗⲁⲓⲁ ⲟⲩⲇⲉ ϩⲛⲧⲕⲁⲓⲛⲏ ϫⲉⲁⲥϩⲓⲙⲉ ⲱⲱ ⲉⲃⲟⲗ ϩⲛⲟⲩⲡⲛⲉⲩⲙⲁ ⲉϥⲟⲩⲁⲁⲃ ⲏ ϫⲉϣⲁⲣⲉⲟⲩⲟⲛⲱⲱ ⲭⲱⲣⲓⲥ ⲥⲩⲛⲟⲩⲥⲓⲁ ⲛϩⲟⲟⲩⲧ ⲉⲓⲙⲏⲧⲓ ⲉⲧⲉⲑⲉⲟⲇⲱⲕⲧⲟⲥ ⲉⲧⲟⲩⲁⲁⲃ ⲙⲁⲣⲓⲁ ⲧⲉ ⲛⲧⲁⲥⲙⲓⲥⲉ ⲙⲡⲉⲛⲥⲱⲧⲏⲣ ⲉⲥⲧⲟⲟⲃⲉ ⲛⲧⲉⲥⲡⲁⲣⲑⲉⲛⲓⲁ

18. life.empdaughter.frg4_giron:4

    ⲁⲩⲱ ⲛⲣⲟⲟⲩϣ ⲛⲛⲉⲕⲕⲗⲏⲥⲓⲁ ϩⲓϫⲱⲕ ⲙⲡⲣⲥⲕⲩⲗⲗⲉⲓ ⲙⲙⲟⲕ ⲁⲗⲗⲁ ⲁⲛⲁⲩ ⲛⲁⲕ ⲉⲩⲉⲡⲓⲥⲕⲟⲡⲟⲥ ⲛⲣⲙⲛϩⲏⲧ

19. Eve_Serpent_giron:4

    ⲡⲉⲇⲣⲁⲕⲱⲛ ⲇⲉ ⲛⲧⲁⲩⲛⲟϫϥ ⲉⲃⲟⲗϩⲛ ⲧⲡⲉ ⲛⲧⲉⲣⲉϥⲛⲁⲩ ⲉⲧⲉⲥϩⲓⲙⲉ ⲛⲧⲁⲡⲛⲟⲩⲧⲉ ⲧⲁⲙⲓⲟⲥ

20. life.empdaughter.frg1_giron:4

    ⲁϥⲧⲣⲉⲥⲁⲟⲩⲗ ϣⲙϣⲉⲉⲓⲇⲱⲗⲟⲛ ⲕⲁⲓⲡⲉⲣ ⲉϥϣⲙϣⲉ ⲙⲡⲛⲟⲩⲧⲉ ϩⲛⲧⲉϥⲁⲣⲭⲏ .

21. life.empdaughter.frg2_giron:5

    ⲁⲩⲱ ⲁⲡⲣⲣⲟ ⲱⲛϣ ⲉⲃⲟⲗ ⲛⲁⲟⲩⲟⲩⲛⲟⲩ ⲙⲛⲛⲥⲱⲥ ⲁϥⲡⲱϩ ⲛⲧⲉϥⲡⲟⲣⲫⲩⲣⲁ ⲛⲣⲣⲟ

22. life.empdaughter.frg1_giron:5

    ⲁϥⲕⲱϩ ⲟⲛ ⲉⲇⲁⲩⲉⲓⲇ ⲡⲣⲣⲟ ⲛⲇⲓⲕⲁⲓⲟⲥ ⲁϥⲧⲣⲉϥⲉⲡⲓⲑⲩⲙⲉⲓ .

23. life.empdaughter.frg3_giron:5

    ⲁⲩⲱ ⲡⲉⲓⲕⲉϩⲉⲗⲗⲟ ⲛⲁⲣⲭⲏⲉⲡⲓⲥⲕⲟⲡⲟⲥ ϯⲛⲁⲩ ⲉⲣⲟϥ ⲉϥⲥⲙⲟⲛⲧ . ⲉⲓⲛⲁⲣⲟⲩϭⲉ ⲧⲉⲛⲟⲩ .

24. Eve_Serpent_giron:5

    ⲁⲩⲱ ⲛⲧⲉⲣⲉϥⲥⲱⲧⲙ ⲉⲧⲉⲛⲧⲟⲗⲏ ⲛⲧⲁϥⲧⲁⲁⲥ ⲉⲧⲟⲟⲧⲟⲩ ⲁϥⲣⲁϣⲉ ⲉⲙⲁⲧⲉ ⲉϥϫⲱ ⲙⲙⲟⲥ ⲛⲛⲉϥⲉⲛⲉⲣⲅⲉⲓⲁ ⲉⲧϩⲁⲣⲁⲧϥ ϫⲉⲕⲁⲛ ⲙⲉⲛ ⲉϣϫⲉ ⲁⲩⲛⲟϫⲧ ⲉⲃⲟⲗϩⲙⲡⲁⲉⲟⲟⲩ ⲉⲧⲃⲉⲡⲁⲓ ⲁⲛⲟⲕ ϩⲱ ϯⲛⲁⲁⲡⲁⲧⲁ ⲙⲙⲟϥ ϩⲛⲧⲁⲓ ⲛⲧⲁⲧⲣⲉⲩⲛⲟϫϥ ⲉⲃⲟⲗ ⲉⲧⲃⲏⲏⲧⲥ ϩⲙⲡⲡⲁⲣⲁⲇⲓⲥⲟⲥ ⲛⲧⲧⲣⲩⲫⲏ .

25. life.empdaughter.frg4_giron:5

    ⲁⲩⲱ ⲛⲉⲗⲗⲟⲅⲓⲙⲟⲥ ⲉϥⲙⲉϩ ϩⲙⲡⲥⲟⲟⲩⲛ ⲙⲡⲛⲟⲩⲧⲉ ⲙⲛⲛⲉⲅⲣⲁⲫⲏ ⲉⲧⲟⲩⲁⲁⲃ ⲛⲅⲧⲛⲛⲟⲩⲟϥ ⲛⲁⲓ ⲛϥⲃⲱⲗ ⲉⲣⲟⲓ ⲙⲡⲉⲓⲍⲏⲧⲏⲙⲁ ⲛⲧⲁⲡⲗⲏⲣⲟⲫⲟⲟⲣⲉⲓ .

26. Eve_Serpent_giron:6

    ⲁϥⲣⲡⲁⲓ ⲛⲧⲉⲩⲛⲟⲩ ⲁϥⲧⲱⲟⲩⲛ ⲇⲉ ⲁϥϫⲓ ⲙⲡⲉⲥⲙⲟⲧ ⲙⲡϩⲟϥ ⲁϥⲙⲟⲟϣⲉ ⲉϩⲟⲩⲛ ⲉⲉⲩϩⲁ ⲙⲡⲉⲥⲙⲟⲧ ⲛⲟⲩϫⲁϫⲉ ⲛⲣⲱⲙⲉ ⲉϥⲟⲩⲱϣ ⲉϫⲓⲕⲣⲟϥ ⲉⲡⲉⲧϩⲓⲧⲟⲩⲱϥ ⲁⲩⲱ ⲡⲉϫⲁϥ ⲛⲁⲥ ϫⲉⲉϥⲧⲱⲛ ⲁⲇⲁⲙ.

27. life.empdaughter.frg4_giron:6

    ⲁⲛⲟⲛ ⲅⲁⲣ ⲁⲛⲟⲛ ϩⲉⲛⲭⲣⲓⲥⲧⲓⲁⲛⲟⲥ ⲛⲟⲣⲍⲟⲇⲟⲝⲟⲥ ⲛⲧⲉϣϣⲉ ⲉⲣⲟⲛ ⲡⲉ ⲉϣⲓⲛⲉ ⲛⲥⲁⲧⲙⲉ ϩⲛϩⲱⲃ ⲛⲓⲙ ⲟⲩϫⲁⲓ ⲡⲉⲛⲙⲉⲣⲓⲧ ⲛⲉⲓⲱⲧ ⲉⲕϣⲗⲏⲗ ϩⲁⲣⲟⲛ ⲙⲛⲛⲁⲡⲡⲁⲗⲗⲁϯⲟⲛ ⲧⲏⲣⲟⲩ .

28. life.empdaughter.frg3_giron:6

    ⲁϥⲧⲱⲟⲩⲛ ⲇⲉ ⲁϥⲧⲛⲛⲟⲩ ⲉⲃⲟⲗϩⲛ ⲙⲡⲟⲗⲓⲥ ⲧⲏⲣⲟⲩ ⲉⲧϩⲁⲡⲉⲑⲣⲟⲛⲟⲥ ⲛⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥ ⲁϥⲧⲣⲉⲩⲉⲓⲛⲉ ⲛⲛⲉⲡⲓⲥⲕⲟⲡⲟⲥ ⲉⲧϩⲁⲧϩⲩⲡⲟⲧⲁⲅⲏ ⲛϩⲩⲗⲓⲱⲇⲱⲣⲟⲥ

29. life.empdaughter.frg1_giron:6

    ⲁϥⲧⲣⲉⲥⲟⲗⲱⲙⲱⲛ ⲥⲁϩⲱⲱϥ ⲉⲃⲟⲗϩⲛ ⲡⲛⲟⲩⲧⲉ ϩⲛⲧⲉϥϩⲁⲏ .

30. life.empdaughter.frg2_giron:6

    ⲁⲩⲱ ⲁϥⲗⲩⲡⲉⲓ ⲉⲙⲁⲧⲉ ⲉϫⲙⲡⲉⲛⲧⲁϥϣⲱⲡⲉ ⲉϥϫⲱ ⲙⲙⲟⲥ ϫⲉⲟⲩⲟⲉⲓ ⲛⲁⲓ ⲡⲉⲧⲉⲙⲡⲉϥϣⲱⲡⲉ ⲛⲣⲣⲟ ⲉⲛⲉϩ ⲁϥϣⲱⲡⲉ ⲙⲙⲟⲓ .

31. life.empdaughter.frg1_giron:7

    ⲁⲧⲉⲅⲣⲁⲫⲉ ⲅⲁⲣ ϫⲟⲟⲥ ϫⲉⲁⲩⲱ ϩⲛⲛⲉϩⲟⲟⲩ ⲛⲥⲟⲗⲟⲙⲱⲛ ϩⲛⲧⲙⲛⲧϩⲗⲗⲟ ⲛⲉⲣⲉⲡⲉϥϩⲏⲧ ϫⲏⲕ ⲉⲃⲟⲗ ⲁⲛ ⲙⲡϫⲟⲉⲓⲥ ⲡⲉϥⲛⲟⲩⲧⲉ ⲛⲧϩⲉ ⲇⲁⲩⲉⲓⲇ ⲡⲉϥⲉⲓⲱⲧ .

32. life.empdaughter.frg3_giron:7

    ⲛⲧⲉⲣⲟⲩⲉⲓ ⲇⲉ ⲉϩⲟⲩⲛ ⲉⲧⲡⲟⲗⲓⲥ ⲁⲩⲃⲱⲕ ⲛϣⲟⲣⲡ ϣⲁⲡϣⲟⲩ ⲧⲙⲧⲁⲩⲉⲡⲉϥⲣⲁⲛ .

33. life.empdaughter.frg2_giron:7

    ⲟⲩⲡⲉϯⲛⲁⲁϥ ⲟⲩⲛⲟϭ ⲅⲁⲣ ⲡⲉⲡⲁϣⲓⲡⲉ ⲙⲛⲡⲁⲛⲟϭⲛⲉϭ .

34. life.empdaughter.frg4_giron:7

    ⲧⲉⲓⲉⲡⲓⲥⲧⲟⲗⲏ ⲇⲉ ⲛⲧⲉⲣⲉϥϫⲓⲧⲥ ⲛϭⲓⲡⲡⲁⲧⲣⲓⲁⲣⲭⲏⲥ ⲉⲧⲟⲩⲁⲁⲃ ⲑⲉⲱⲇⲱⲥⲓⲟⲥ ⲁϥⲟϣⲥ ⲉⲛⲉⲡⲓⲥⲕⲟⲡⲟⲥ ⲙⲡⲉⲣϩⲟⲟⲩ ⲛⲧⲕⲩⲣⲓⲁⲕⲏ .

35. Eve_Serpent_giron:7

    ⲛⲧⲟⲥ ⲇⲉ ⲡⲉϫⲁⲥ ⲛⲁϥ ϫⲉⲉⲓⲥϩⲏⲏⲡⲉ ϥϩⲙⲡⲡⲁⲣⲁⲇⲓⲥⲟⲥ ⲡⲉϫⲁϥ ⲛⲁⲥ ϫⲉⲉϥⲣⲟⲩ .

36. life.empdaughter.frg4_giron:8

    ⲁⲡϫⲱⲛϥ ϣⲱⲡⲉ ⲉⲣⲉⲟⲩⲉⲡⲓⲥⲕⲟⲡⲟⲥ ⲛⲣⲙⲛϩⲏⲧ ⲛⲇⲟⲕⲓⲙⲟⲥ ϩⲛⲧⲡⲓⲥⲧⲓⲥ ϩⲁϩⲧⲏϥ ϩⲙⲡⲉϩⲟⲟⲩ ⲉⲧⲙⲙⲁⲩ ⲉⲡⲉϥⲣⲁⲛ ⲡⲉ ⲁⲡⲁ ⲡⲁⲡⲛⲟⲩⲧⲉ ⲟⲩⲡⲁⲣⲑⲉⲛⲟⲥ ⲅⲁⲣ ⲡⲉ ϫⲓⲛⲧⲉϥⲙⲛⲧⲕⲟⲩⲓ ⲟⲩⲉⲃⲟⲗ ⲡⲉ ϩⲛⲟⲩⲡⲟⲗⲓⲥ ϫⲉⲟⲩϣⲏⲙ ϩⲙⲡⲧⲟϣ ⲛⲁⲑⲗⲏⲃⲉ .

37. life.empdaughter.frg1_giron:8

    ⲁϥⲧⲣⲉⲛⲱϩⲉ ⲥⲱ ⲡⲁⲣⲁⲡϣⲓ ⲁϥⲕⲱⲕⲉϩⲏⲩ ⲁϥϣⲱⲡⲉ ⲛⲥⲱⲃⲉ ⲛⲛⲉϥϣⲏⲣⲉ .

38. Eve_Serpent_giron:8

    ⲛⲧⲟⲥ ⲇⲉ ⲡⲉϫⲁⲥ ⲛⲁϥ ⲉϥⲣϩⲱⲃ ⲁⲩⲱ ⲉϥϩⲁⲣⲉϩ .

39. life.empdaughter.frg3_giron:8

    ⲁⲩϫⲓⲥⲙⲟⲩ ϫⲉⲡⲁⲣⲭⲏⲉⲡⲓⲥⲕⲟⲡⲟⲥ ⲡⲉ ⲉⲩϩⲁⲡⲉϥⲑⲣⲟⲛⲟⲥ .

40. life.empdaughter.frg2_giron:8

    ⲉⲣϣⲁⲛⲡⲉⲓϩⲱⲃ ⲟⲩⲱⲛϩ ⲉⲃⲟⲗ ⲉⲩⲉⲛⲟϫⲧ ⲉⲃⲟⲗ ϩⲛⲧⲁⲙⲛⲧⲣⲣⲟ .

41. life.empdaughter.frg1_giron:9

    ⲁϥⲧⲣⲉⲡⲇⲓⲕⲁⲓⲟⲥ ⲗⲱⲧ ⲣⲁⲧⲥⲟⲟⲩⲛ ⲉⲣⲟϥ ⲙⲁⲩⲁⲁϥ ⲁϥⲡⲱϩⲧ ⲉⲃⲟⲗ ⲙⲛⲧⲉϥϣⲉⲉⲣⲉ ⲥⲛⲧⲉ .

42. life.empdaughter.frg4_giron:9

    ⲡⲁⲓ ⲇⲉ ⲛⲉⲟⲩⲥⲱⲧⲡ ⲛⲉⲡⲓⲥⲕⲟⲡⲟⲥ ⲛⲟⲣⲑⲟⲇⲟⲝⲟⲥ ⲡⲉ ⲉⲁⲡⲁⲣⲭⲏⲉⲡⲓⲥⲕⲟⲡⲟⲥ ⲇⲟⲕⲓⲙⲁⲍⲉ ⲙⲙⲟϥ ⲛϩⲁϩ ⲛⲥⲟⲡ ϩⲛⲡⲥⲟⲟⲩⲛ ⲛⲛⲉⲅⲣⲁⲫⲏ .

43. life.empdaughter.frg3_giron:9

    ⲁⲩⲱ ⲁϥⲁⲣⲓⲥⲧⲁ ⲛⲙⲙⲁⲩ ⲙⲡⲉϩⲟⲟⲩ ⲉⲧⲙⲙⲁⲩ ⲙⲛⲡⲃⲉⲗⲉⲧⲁⲣⲓⲟⲥ ⲛⲧⲁⲡⲣⲣⲟ ⲧⲛⲛⲟⲟⲩϥ ⲛⲥⲱⲟⲩ

44. life.empdaughter.frg2_giron:9

    ⲉⲓϣⲁⲛⲧⲱⲟⲩⲛ ⲛⲧⲁϥⲓ ⲛⲧⲉⲥⲁⲡⲉ ⲏ ⲛⲧⲁⲁⲓⲭⲙⲁⲗⲱⲧⲓⲍⲉ ⲟⲛ ⲙⲙⲟⲥ ϩⲛⲟⲩϩⲱⲡ ⲥⲉⲛⲁϣⲓⲛⲉ ⲛⲧⲟⲟⲧ ϫⲉⲛⲧⲁⲥⲃⲱⲕⲉⲧⲱⲛ .

45. Eve_Serpent_giron:9

    ⲡⲉϫⲁϥ ⲛⲁⲥ ϫⲉⲉϥϩⲁⲣⲉϩ ⲉⲟⲩ.

46. life.empdaughter.frg4_giron:10

    ⲡⲁⲓ ⲇⲉ ⲁⲡⲁⲣⲭⲏⲉⲡⲓⲥⲕⲟⲡⲟⲥ ⲡⲁⲣⲁⲕⲁⲗⲉⲓ ⲙⲙⲟϥ ⲁϥⲧⲛⲛⲟⲟⲩϥ ⲙⲛⲡⲉⲃⲉⲗⲉⲧⲁⲣⲓⲟⲥ ϣⲁⲡⲣⲣⲟ ⲁϥⲥϩⲁⲓ ⲛⲁϥ ⲛⲟⲩⲉⲡⲓⲥⲧⲟⲗⲏ ⲙⲡⲉⲥⲧⲩⲡⲟⲥ . ϫⲉⲑⲉⲟⲇⲱⲥⲓⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲣⲁⲕⲟⲧⲉ ⲡⲉⲧⲧⲟⲗⲙⲁ ⲉϥⲥϩⲁⲓ ⲉⲣⲁⲧϥ ⲙⲡⲁⲩⲅⲟⲩⲥⲧⲟⲥ ⲛⲣⲣⲟ ⲛⲣⲉϥϫⲣⲟ ⲁⲩⲱ ⲡⲁⲡⲁⲙⲁϩⲧⲉ ⲉⲧⲧⲁⲉⲓⲏⲩ ⲃⲁⲥⲓⲗⲓⲕⲟⲥ ⲭⲁⲓⲣⲉⲧⲉ .

47. Eve_Serpent_giron:10

    ⲛⲧⲟⲥ ⲇⲉ ⲡⲉϫⲁⲥ ⲛⲁϥ ϫⲉⲉϥϩⲁⲣⲉϩ ⲉⲛⲉⲛⲧⲁⲡⲛⲟⲩⲧⲉ ϩⲱⲛⲟⲩ ⲉⲧⲟⲟⲧⲛ .

48. life.empdaughter.frg3_giron:10

    ⲁⲩⲱ ⲁϥⲡⲁⲣⲁⲅⲅⲉⲓⲗⲉ ⲛⲁⲩ ⲛⲥⲁⲟⲩⲥⲁ ⲙⲡⲉϥⲕⲁⲡⲃⲉⲗⲉⲧⲁⲣⲓⲟⲥ ⲉⲉⲓⲙⲉ ⲉϥϫⲱ ⲙⲙⲟⲥ ϫⲉϭⲱϣⲧ ⲉⲣϣⲁⲛⲡⲣⲣⲟ ϫⲛⲉⲧⲏⲩⲧⲛ ⲉⲡⲉⲓⲍⲏⲧⲏⲙⲁ ϫⲉⲛⲧⲁⲓϩⲉ ⲉⲩⲡⲁⲣⲑⲉⲛⲟⲥ ⲉⲥⲉⲉⲧ ⲁϫⲓⲥ ⲛⲁϥ ϫⲉⲛⲧⲁⲥⲱⲱ ⲉⲃⲟⲗ ϩⲛⲟⲩⲡⲛⲉⲩⲙⲁ ⲉϥⲟⲩⲁⲁⲃ .

49. life.empdaughter.frg1_giron:10

    ⲁϥⲫⲑⲟⲛⲉⲓ ⲉϩⲏⲗⲉⲓ ⲡⲟⲩⲏⲏⲃ ⲁϥⲧⲣⲉϥⲁⲙⲉⲗⲉⲓ ⲉⲧⲙϯⲥⲃⲱ ⲛⲛⲉϥϣⲏⲣⲉ ϩⲛⲧϩⲟⲧⲉ ⲙⲡⲛⲟⲩⲧⲉ .

50. life.empdaughter.frg2_giron:10

    ⲡⲗⲏⲛ ⲙⲡⲣⲧⲣⲉⲗⲁⲁⲩ ⲛⲣⲱⲙⲉ ⲉⲓⲙⲉ ⲉⲡⲙⲩⲥⲧⲏⲣⲓⲟⲛ ⲉⲡⲉⲓⲇⲏ ⲧⲉⲣⲥⲟⲟⲩⲛ ⲉⲧⲥⲩⲛⲏⲑⲓⲁ ⲛⲛⲉⲣⲣⲱⲟⲩ ϫⲉⲉⲣϣⲁⲛⲧⲉⲩϣⲉⲉⲣⲉ ⲡⲟⲣⲛⲉⲩⲉ ⲏ ⲧⲉⲩⲥⲥⲱⲛⲉ ⲥⲉⲛⲁⲛⲟϫϥ ⲉⲃⲟⲗ ϩⲛⲧⲙⲛⲧⲣⲟ ⲛⲥⲉϥⲓ ⲙⲡⲉⲛⲧⲁⲅⲓⲟⲛⲩ ⲉⲡⲃⲁⲥⲓⲗⲓⲕⲟⲛ ⲧⲉⲩⲛⲟⲩ ϭⲉ ⲙⲡⲉⲣⲧⲣⲉⲥⲃⲱⲕ ⲉⲧⲥⲓⲟⲟⲩⲛ ⲛⲕⲉⲥⲟⲡ ⲟⲩⲇⲉ ⲙⲡⲣⲧⲁⲙⲟⲥ ϫⲉⲁⲣⲉⲓⲙⲉ ϫⲉⲥⲉⲉⲧ ⲛⲥⲉⲡⲱⲧ ⲛϫⲓⲟⲩⲉ

51. life.empdaughter.frg2_giron:11

    ⲁⲩⲱ ⲛⲧⲉⲩⲛⲟⲩ ⲁϥⲧⲛⲛⲟⲟⲩ ⲛⲥⲁⲛⲉⲥⲓⲟⲩⲣ ⲙⲛⲙⲙⲁⲧⲣⲱⲛⲁ ⲁϥⲉⲝⲩⲇⲁⲍⲉ ⲙⲙⲟⲟⲩ ϩⲛⲟⲩϩⲱⲡ ϩⲛϩⲉⲛⲃⲁⲥⲁⲛⲟⲥ ⲉⲩⲥⲁϣⲉ ⲉϥϫⲱ ⲙⲙⲟⲥ ϫⲉⲛⲓⲙ ⲛϩⲟⲟⲩⲧ ⲡⲉⲧⲉⲧⲛⲕⲱ ⲙⲙⲟϥ ⲉϩⲟⲩⲛ ⲉⲡⲕⲟⲓⲧⲱⲛ ⲛⲧⲁϣⲉⲉⲣⲉ .

52. Eve_Serpent_giron:11

    ⲡⲉϫⲁϥ ⲛⲁⲥ ⲉϣϫⲉⲧⲉⲧⲛϩⲁⲣⲉϩ ⲉⲓⲉ ⲉⲧⲃⲉⲟⲩ ⲛⲧⲉⲧⲛⲟⲩⲱⲙ ⲁⲛ ϩⲙⲡⲉⲧⲉⲧⲛϩⲁⲣⲉϩ ⲉⲣⲟϥ .

53. life.empdaughter.frg3_giron:11

    ⲙⲡⲣⲕⲁⲁϥ ⲛϥⲧⲁⲕⲉⲧⲡⲓⲥⲧⲓⲥ ⲛⲧⲟⲟⲧⲛ

54. life.empdaughter.frg1_giron:11

    ⲁϥⲧⲣⲉⲛϣⲏⲣⲉ ⲛϩⲏⲗⲉⲓ ⲥⲱⲱϥ ⲛⲧⲉⲑⲩⲥⲓⲁ ⲙⲡϫⲟⲉⲓⲥ ⲁⲩⲱ ⲁϥⲧⲣⲉⲩⲡⲟⲣⲛⲉⲩⲉ ⲙⲛⲛⲉϩⲓⲟⲙⲉ ϩⲙⲡⲉϥⲏⲓ ⲉⲧⲟⲩⲁⲁⲃ .

55. life.empdaughter.frg4_giron:11

    ⲁⲗⲏⲑⲱⲥ ϩⲙⲡⲧⲣⲁⲱϣ ⲛⲛⲉⲥϩⲁⲓ ⲛⲧⲉⲕⲁⲩⲑⲉⲛⲧⲉⲓⲁ ⲉⲓⲟ ⲛⲧϩⲉ ϩⲱⲥ ⲉⲓⲑⲉⲱⲣⲉⲓ ⲙⲡⲣⲣⲟ ⲛⲇⲓⲕⲁⲓⲟⲥ ⲇⲁⲩⲉⲓⲇ ⲉϥϣⲁϫⲉ ⲛⲙⲙⲁⲓ ϩⲛⲧⲕⲓⲑⲁⲣⲁ ⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ .

56. life.empdaughter.frg3_giron:12

    ⲁⲩⲱ ϭⲱϣⲧ ⲙⲡⲣⲕⲁⲁϥ ⲉⲉⲓⲙⲉ ϫⲉⲁⲓϣⲁϫⲉ ⲛⲙⲙⲏⲧⲛ

57. life.empdaughter.frg2_giron:12

    ⲉϣⲱⲡⲉ ⲛⲧⲉⲧⲛⲛⲁⲧⲁⲙⲟⲓ ⲁⲛ ϯⲛⲁϥⲓ ⲛⲧⲉⲧⲛⲁⲡⲉ ⲛⲉⲥⲓⲟⲩⲣⲉ ⲙⲛⲙⲙⲁⲧⲣⲱⲛⲁ ⲡⲉϫⲁⲩ ⲙⲡⲣⲣⲟ ....................

58. Eve_Serpent_giron:12

    ⲡⲉϫⲁⲥ ⲛⲁϥ ⲛⲧⲉⲥϩⲓⲙⲉ ϫⲉⲧⲛⲟⲩⲱⲙ

59. life.empdaughter.frg1_giron:12

    ⲁϥⲕⲱϩ ⲉⲟⲫⲛⲓ ⲙⲛⲫⲓⲛⲁⲓⲁⲥ ⲛϣⲏⲣⲉ ⲛⲁⲁⲣⲱⲛ ⲁⲩⲥⲁϩⲱⲟⲩ ⲉⲃⲟⲗ ⲙⲡⲛⲟⲩⲧⲉ .

60. life.empdaughter.frg4_giron:12

    ⲁⲩⲱ ⲁⲓⲣⲁϣⲉ ⲉⲙⲁⲧⲉ ϫⲉⲁⲟⲩⲣⲣⲟ ⲛⲇⲓⲕⲁⲥⲟⲥ ϯⲟⲩⲱ ϩⲛⲛⲉⲛϩⲟⲟⲩ ⲉϥⲙⲉϩ ϩⲙⲡⲥⲟⲟⲩⲛ ⲙⲡⲛⲟⲩⲧⲉ ⲙⲛⲛⲉⲅⲣⲁⲫⲏ ⲉⲧⲟⲩⲁⲁⲃ

61. life.empdaughter.frg1_giron:13

    ⲁϥⲕⲱϩ ⲉⲛⲉⲡⲣⲉⲥⲃⲩⲧⲉⲣⲟⲥ ⲁⲩϩⲓⲗⲁ ⲉⲥⲟⲩⲥⲁⲛⲛⲁ ⲁⲩⲱ ⲁⲧⲉⲡⲉⲓⲑⲩⲙⲓⲁ ⲧⲱⲙ ⲛⲛⲉⲩⲃⲁⲗ .

62. life.empdaughter.frg4_giron:13

    ⲁⲩⲱ ⲉⲩϣⲓⲛⲉ ⲛⲥⲁⲛⲇⲟⲅⲙⲁ ⲛⲧⲡⲓⲥⲧⲓⲥ ⲉⲧⲥⲟⲩⲧⲱⲛ .

63. life.empdaughter.frg3_giron:13

    ⲁⲩⲱ ⲁⲡⲁⲣⲭⲏⲉⲡⲓⲥⲕⲟⲡⲟⲥ ϯϩⲉⲛⲛⲟϭ ⲛⲭⲣⲏⲙⲁ ⲙⲡⲃⲉⲗⲉⲧⲁⲣⲓⲟⲥ ϫⲉⲙⲡⲉⲣⲕⲁⲡⲣⲣⲟ ⲉⲓⲙⲉ ϫⲉ......................

64. Eve_Serpent_giron:13

    ⲁⲩⲱ ⲧⲛⲉⲩⲫⲣⲁⲛⲉ ⲛϩⲏⲧⲟⲩ ⲧⲏⲣⲟⲩ ϣⲁⲧⲙⲡⲉⲓϣⲏⲛ ⲙⲙⲁⲧⲉ ⲛⲧⲁⲡⲛⲟⲩⲧⲉ ϩⲱⲛ ⲉⲧⲟⲟⲧⲛ ⲉⲧⲙⲟⲩⲱⲛ ⲉⲃⲟⲗ ⲛϩⲏⲧϥ .

65. life.empdaughter.frg4_giron:14

    ⲉⲓⲥⲡⲉⲛⲧⲁⲕⲥϩⲁⲓ ⲛⲁⲓ ⲉⲧⲃⲏⲏⲧϥ ⲁⲓϫⲟⲕⲉϥ ⲉⲃⲟⲗ ϩⲓⲡⲟⲩⲱϣ ⲙⲡⲛⲟⲩⲧⲉ ⲙⲛⲧⲉⲕⲙⲛⲧⲙⲁⲓ‐ⲣⲱⲙⲉ ⲁⲩⲱ ⲧⲉⲕⲙⲛⲧⲙⲁⲓⲛⲟⲩⲧⲉ ⲱ ⲡⲣⲣⲟ ⲛⲇⲓⲕⲁⲓⲟⲥ .

66. life.empdaughter.frg1_giron:14

    ⲉⲓⲥ ⲛⲁⲛϫⲱϫ ⲛⲧⲉⲅⲣⲁⲫⲏ ⲛⲧⲁⲡⲇⲓⲁⲃⲟⲗⲟⲥ ⲡⲗⲁⲛⲁ ⲙⲙⲟⲟⲩ .

67. life.empdaughter.frg4_giron:15

    ⲉⲓⲥⲡⲁⲡⲛⲟⲩⲧⲉ ⲡⲉⲡⲓⲥⲕⲡⲡⲟⲥ ⲛⲁⲧϩⲣⲏⲃⲉ ⲁⲓⲧⲛⲛⲟⲟⲩϥ ϣⲁⲡⲉⲕⲕⲗⲁⲧⲟⲥ ⲡⲁⲓ ⲟⲩⲛϭⲟⲙⲙⲟϥ ⲉⲧⲁⲙⲟⲕ ⲉⲡⲉⲧⲕϣⲓⲛⲉ ⲛⲥⲱϥ .

68. life.empdaughter.frg1_giron:15

    ⲁⲓⲧⲁⲙⲱⲧⲛ ⲉⲣⲟⲟⲩ ⲉⲁⲓⲟⲩⲱⲛϩ ⲛⲏⲧⲛ ⲉⲃⲟⲗ ⲛⲧⲙⲛⲧⲁⲧϩⲏⲧ ⲙⲡⲇⲓⲁⲃⲟⲗⲟⲥ ⲙⲛⲧⲉϥⲙⲛⲧⲁⲥⲉⲃⲏⲥ .

69. life.empdaughter.frg4_giron:16

    ⲁⲛⲟⲕ ⲅⲁⲣ ϯⲉⲡⲓⲑⲩⲙⲉⲓ ⲉⲛⲁⲩ ⲉⲧⲉⲕⲕⲁⲑⲓⲥⲡⲟⲧⲁ ⲁⲩⲱ ⲛⲧⲁⲡⲣⲟⲥⲕⲩⲛⲉⲓ ⲙⲡⲉⲕⲕⲗⲁⲧⲟⲥ ⲉⲧⲧⲁⲉⲓⲏⲩ ⲁⲗⲗⲁ ⲁⲓⲕⲁϭⲟⲙ ⲉⲃⲟⲗ ϩⲓⲧⲛⲧⲙⲛⲧϩⲗⲗⲟ ⲕⲉⲙⲁⲗⲓⲥⲧⲁ ⲛⲣⲟⲟⲩϣ ⲛⲧⲙⲛⲧϣⲱⲥ ⲉⲧϩⲓϫⲱⲓ ⲧⲁⲓ ⲉⲧⲉⲙⲡⲓⲣⲟⲩⲉⲛⲧⲟⲗⲏ ⲛⲟⲩⲱⲧ ⲛϩⲏⲧⲥ ⲉⲧⲃⲉⲧⲉⲁⲓⲧⲓⲁ ⲇⲉ ⲙⲡⲉⲓϩⲉⲣⲉⲙⲡϣⲁ ⲙⲡⲉⲕⲕⲗⲁⲧⲟⲥ ⲉⲧⲧⲁⲉⲓⲏⲩ .

70. life.empdaughter.frg1_giron:16

    ⲁⲗⲗⲁ ⲟⲩϣⲁⲛⲧ ⲉϩⲧⲏϥ ⲡⲉ ⲡⲛⲟⲩⲧⲉ ⲛⲁⲅⲁⲑⲟⲥ ⲉⲣϣⲁⲛⲡⲣⲱⲙⲉ ϩⲉ ϩⲙⲡⲛⲟⲃⲉ ⲛϥⲕⲧⲟϥ ⲛϥⲙⲉⲧⲁⲛⲟⲉⲓ ϣⲁⲣⲉⲡⲛⲟⲩⲧⲉ ⲕⲱ ⲛⲁϥ ⲉⲃⲟⲗ ⲛⲛⲉϥⲛⲟⲃⲉ

71. life.empdaughter.frg4_giron:17

    ⲡⲛⲟⲩⲧⲉ ⲉϥⲉϯϭⲟⲙ ⲛⲁⲕ ⲛϥϭⲱⲧⲡ ⲛⲛⲉⲕϫⲁϫⲉ ϩⲁⲧⲉⲕϩⲓⲏ ⲛⲧϩⲉ ⲇⲁⲩⲉⲓⲇ ⲙⲛⲥⲟⲗⲟⲙⲱⲛ ⲙⲛⲉⲍⲉⲕⲓⲁⲥ ⲛⲣⲣⲱⲟⲩ ⲛⲇⲓⲕⲁⲓⲟⲥ ⲛⲁⲓ ⲛⲧⲁⲕⲧⲛⲧⲱⲛⲅ ⲉⲣⲟⲟⲩ ⲡⲣⲣⲟ ⲛⲉⲩⲥⲉⲃⲏⲥ .

72. life.empdaughter.frg1_giron:17

    ⲁⲩⲱ ϣⲁϥⲣⲧϩⲉ ⲛⲧⲁϥⲉⲓ ⲉⲃⲟⲗϩⲛ ⲟⲩⲙⲛⲧϩⲏⲕⲉ ⲉⲩⲙⲛⲧⲣⲙⲙⲁⲟ .

73. life.empdaughter.frg1_giron:18

    ⲧⲛⲛⲁⲧⲁⲙⲱⲧⲛ ⲇⲉ ⲟⲛ ⲉⲡⲉⲓⲕⲉϩⲱⲃ ⲛⲕⲉⲫⲁⲗⲁⲓⲟⲛ ⲉⲓⲟⲩⲱⲛϩ ⲛⲏⲧⲛ ⲉⲃⲟⲗ ⲛⲧⲙⲛⲧⲁⲥⲉⲃⲏⲥ ⲙⲡⲇⲓⲁⲃⲟⲗⲟⲥ ϫⲉⲉⲣϣⲁⲛⲡⲣⲱⲙⲉ ⲟⲩⲁϩϥ ⲛⲥⲁⲛⲉϥⲙⲉⲉⲩⲉ ⲉⲧϩⲟⲟⲩ ϣⲁϥⲁⲁϥ ⲛϣⲙⲙⲟ ⲉⲡⲛⲟⲩⲧⲉ ⲛϥϫⲓⲕⲗⲏⲣⲟⲛⲟⲙⲓⲁ ϩⲛⲛⲧⲁⲣⲧⲁⲣⲟⲥ ⲛⲁⲙⲛⲧⲉ ϣⲁⲉⲛⲉϩ

74. life.empdaughter.frg4_giron:18

    ⲟⲩϫⲁⲓ ϩⲛⲧϭⲟⲙ ⲛⲧⲉⲧⲣⲓⲁⲥ ⲉⲧⲟⲩⲁⲁⲃ .

75. life.empdaughter.frg1_giron:19

    ⲁⲩⲱ ϣⲁϥϯϣⲓⲡⲉ ⲛⲁϥ ⲙⲡⲉⲓⲙⲁ ⲙⲡⲁⲧϥⲡⲱϩ ⲣⲱ ⲉⲡⲕⲉⲁⲓⲱⲛ .

76. life.empdaughter.frg4_giron:19

    ⲡϩⲟⲩⲛ ⲇⲉ ⲛϩⲉⲛⲕⲟⲩⲓ ⲛϩⲟⲟⲩ ⲁⲩⲕⲁⲧⲁⲛⲧⲁ ⲉⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥ

77. life.empdaughter.frg4_giron:20

    ⲁⲩⲱ ⲛⲧⲉⲣⲟⲩⲙⲏⲛⲉⲩⲉ ⲙⲙⲟϥ ⲙⲡⲣⲣⲟ ⲁϥⲉⲓ ⲉⲃⲟⲗ ϩⲏⲧϥ ⲙⲡⲉⲡⲓⲥⲕⲟⲡⲟⲥ ⲁϥⲡⲣⲟⲥⲕⲩⲛⲉⲓ ⲛⲁϥ

78. life.empdaughter.frg1_giron:20

    ⲙⲁⲗⲗⲟⲛ ⲇⲉ ⲉⲓⲟⲩⲱⲛϩ ⲛⲏⲧⲛ ⲉⲃⲟⲗ ⲛⲧⲙⲛⲧⲛⲁⲏⲧ ⲙⲡⲛⲟⲩⲧⲉ ϫⲉⲟⲩϩⲁⲣϣϩⲏⲧ ⲡⲉ ⲉϫⲙⲡⲣⲱⲙⲉ ϣⲁⲛⲧⲉϥⲧⲱⲱⲃⲉ ⲛⲁϥ .

79. life.empdaughter.frg1_giron:21

    ⲙⲁⲗⲓⲥⲧⲁ ⲛⲟⲩⲏⲏⲃ ⲉⲧϩⲙⲡⲏⲓ ⲙⲡⲛⲟⲩⲧⲉ ⲉⲩϣⲁⲛⲣϩⲉⲛⲛⲟⲃⲉ ϩⲛⲟⲩⲡⲉⲧϩⲏⲡ ⲉⲙⲛⲣⲱⲙⲉ ⲥⲟⲟⲩⲛ ⲙⲙⲟⲟⲩ ϣⲁⲣⲉⲡϫⲟⲉⲓⲥ ⲡⲁⲧⲁⲥⲥⲉⲓ ⲙⲙⲟⲟⲩ ⲛⲧϩⲉ ⲛⲛϣⲏⲣⲉ ⲛⲁⲁⲣⲱⲛ ⲛϥⲟⲩⲟⲛϩⲟⲩⲉⲃⲟⲗ ⲛⲟⲩⲟⲛ ⲛⲓⲙ

80. life.empdaughter.frg4_giron:21

    ⲁⲩⲱ ⲛⲧⲉⲣⲟⲩⲃⲱⲕ ⲉϩⲟⲩⲛ ⲉⲡⲡⲁⲗⲗⲁϯⲟⲛ ⲁⲩϩⲙⲟⲟⲥ ⲁⲡⲃⲉⲗⲉⲧⲁⲣⲓⲟⲥ ϯ ⲛⲁϥ ⲛⲛⲉⲥϩⲁⲓ ⲙⲡⲁⲣⲭⲏⲉⲡⲓⲥⲕⲟⲡⲟⲥ ⲁϥⲣⲁϣⲉ ⲁϥϯⲉⲟⲟⲩ ⲙⲡⲛⲟⲩⲧⲉ

81. life.empdaughter.frg1_giron:22

    ⲁⲩⲱ ⲛϥϣⲟⲟⲛⲟⲩ ⲉⲡⲉϥⲑⲩⲥⲓⲁⲥⲧⲏⲣⲓⲟⲛ ⲛⲧϩⲉ ⲛϩⲏⲗⲉⲓ ⲙⲛⲛⲉϥϣⲏⲣⲉ ⲙⲛⲁⲣⲓⲟⲥ ⲙⲛⲡⲟⲣⲫⲩⲣⲓⲟⲥ ⲙⲛⲓⲉⲃⲁⲥ ⲙⲛⲁⲛⲇⲣⲉⲁⲥ ⲙⲛⲑⲉⲟⲇⲱⲣⲟⲥ ⲙⲛⲑⲉⲟⲇⲟⲣⲏⲧⲟⲥ ⲙⲛⲡⲕⲉⲥⲉⲉⲡⲉ ⲛⲛⲟⲩⲏⲏⲃ ⲛⲧⲁⲩⲣⲛⲟⲃⲉ ⲁⲡⲛⲟⲩⲧⲉ ϣⲟⲟⲛⲟⲩ ⲉⲧⲉϥⲉⲕⲕⲗⲏⲥⲓⲁ .

82. life.empdaughter.frg4_giron:22

    ⲁⲩⲱ ⲛⲧⲉⲓϩⲉ ⲁϥϭⲉⲗⲛ ⲡϩⲱⲃ ⲉⲁⲡⲁⲡⲁⲡⲛⲟⲩⲧⲉ ⲡⲉⲡⲓⲥⲕⲟⲡⲟⲥ ⲉⲧⲟⲩⲁⲁⲃ ⲉϥϫⲱ ⲙⲙⲟⲥ ϫⲉⲡⲁϫⲟⲉⲓⲥ ⲛⲉⲓⲱⲧ ⲛⲧⲁⲓϩⲉ ⲉⲩⲡⲁⲣⲑⲉⲛⲟⲥ ⲉⲥⲉⲉⲧ ⲁⲓϣⲓⲛⲉ ⲛⲥⲁⲡϩⲱⲃ ⲛⲧⲟⲟⲧϥ ⲙⲡⲁⲣⲭⲏⲉⲡⲓⲥⲕⲟⲡⲟⲥ ⲛⲧⲉⲓⲡⲟⲗⲓⲥ ⲡⲉϫⲉⲡⲉⲧⲙⲙⲁⲩ ⲛⲁⲓ ϫⲉⲉⲥⲉⲉⲧ ⲉⲃⲟⲗϩⲛ ⲟⲩⲡⲛⲉⲩⲙⲁ ⲉⲧⲟⲩⲁⲁⲃ .

83. life.empdaughter.frg1_giron:23

    ⲥⲱⲧⲙ ϭⲉ ⲧⲉⲛⲟⲩ ⲧⲁϫⲱ ⲉⲣⲱⲧⲛ ⲛⲟⲩϩⲓⲥⲧⲟⲣⲓⲁ ⲛϣⲡⲏⲣⲉ ⲉⲁⲥϣⲱⲡⲉ ϩⲛⲧⲡⲟⲗⲓⲥ ⲛⲧⲙⲛⲧⲣⲣⲟ ϩⲛⲟⲩϩⲱⲡ ⲧⲁⲓ ⲉⲙⲛⲣⲱⲙⲉ ⲥⲟⲟⲩⲛ ⲙⲙⲟⲥ ⲛⲧⲁⲡⲟⲣⲑⲟⲇⲟⲝⲟⲥ ⲛⲁⲙⲉ

84. life.empdaughter.frg4_giron:23

    ⲡⲉⲡⲓⲥⲕⲟⲡⲟⲥ ⲇⲉ ⲁϥϣⲧⲁⲙ ⲛⲛⲉϥⲙⲁⲁϫⲉ ⲉⲧⲙⲥⲱⲧⲙ ⲉⲡϣⲁϫⲉ

85. life.empdaughter.frg1_giron:24

    ⲁⲩⲱ ⲡϩⲗⲗⲟ ⲛⲉⲩⲥⲉⲃⲏⲥ ⲇⲱⲣⲟⲑⲉⲟⲥ ⲡⲉⲥⲓⲟⲩⲣ ⲛⲛⲉⲣⲣⲱⲟⲩ

86. life.empdaughter.frg4_giron:24

    ⲁⲩⲱ ⲡⲉϫⲁϥ ϫⲉⲟⲩⲛⲟϭ ⲧⲉ ⲧⲉⲓⲉⲃⲗⲁⲥⲫⲩⲙⲓⲁ ⲱ ⲡⲣⲣⲟ ϩⲛⲟⲩⲙⲉ ϯϫⲱ ⲙⲙⲟⲥ ⲛⲁⲕ ϫⲉⲙⲡⲉⲛⲉⲥⲧⲱⲣⲓⲟⲥ ⲣⲛⲟⲃⲉ ⲛⲧϩⲉ ⲙⲡⲁⲓ .

87. life.empdaughter.frg4_giron:25

    ⲡⲉϫⲉⲡⲣⲣⲟ ϫⲉⲛⲧⲁⲓⲧⲛⲛⲟⲟⲩ ⲛⲥⲁⲧⲉⲕⲙⲛⲧⲡⲉⲧⲟⲩⲁⲁⲃ ⲉⲧⲃⲉⲡⲉⲥϩⲱⲃ ⲉⲧⲣⲉⲕⲧⲁⲙⲟⲓ

88. life.empdaughter.frg1_giron:25

    ⲁⲩⲱ ⲡⲥⲟⲛ ⲙⲡⲁⲉⲓⲱⲧ ⲟⲩⲟⲛϩⲥ ⲉⲣⲟⲓ ⲉⲧⲉⲓⲉⲓⲟ ⲛⲇⲓⲁⲕⲟⲛⲟⲥ ⲙⲡⲁⲧⲓⲙⲡϣⲁ ⲣⲱ ⲛⲧⲉⲭⲓⲣⲟⲇⲱⲛⲓⲁ ⲛⲧⲙⲛⲧⲁⲣⲭⲏⲉⲡⲓⲥⲕⲟⲡⲟⲥ ⲧⲁⲓ ⲛϯⲙⲡϣⲁ ⲙⲙⲟⲥ ⲁⲛ .

89. life.empdaughter.frg1_giron:26

    ⲁⲩⲱ ⲡⲉⲓϩⲱⲃ ⲛⲧⲉⲓⲙⲓⲛⲉ ⲙⲡⲉⲗⲁⲁⲩ ⲛⲣⲱⲙⲉ ⲥⲟⲧⲙϥ ⲉⲃⲟⲗϫⲉ ⲛⲧⲁϥϣⲱⲡⲉ ϩⲛⲟⲩⲡⲉⲧϩⲏⲡ ϩⲙⲡⲏⲓ ⲛⲛⲉⲣⲣⲱⲟⲩ ⲛⲁⲓ ⲛⲧⲁⲩⲣⲙⲁⲕⲁⲣⲓⲟⲥ ϩⲁⲧⲉⲛϩⲓⲏ ⲉⲁⲩⲃⲱⲕ ϩⲛⲧϩⲓⲏ ⲛⲟⲩⲟⲛ ⲛⲓⲙ .

90. life.empdaughter.frg4_giron:26

    ⲁⲩⲱ ⲛⲅϯϩⲁⲡ ⲉⲣⲟⲓ ⲛⲙⲙⲁϥ ⲡⲧⲱϣ ⲇⲉ ⲛⲧⲉϥϣⲉⲉⲣⲉ ⲙⲡⲉϥⲧⲁⲙⲉ ⲡⲉⲡⲓⲥⲕⲟⲡⲟⲥ ⲉⲣⲟϥ .

91. life.empdaughter.frg1_giron:27

    ⲁⲩⲱ ⲡⲉⲓⲙⲩⲥⲧⲉⲣⲓⲟⲛ ⲛⲧⲉⲓⲙⲓⲛⲉ ⲙⲡⲉⲗⲁⲁⲩ ⲛⲣⲱⲙⲉ ⲉⲓⲙⲉ ⲉⲣⲟϥ ⲛⲥⲁⲛⲉⲥⲓⲟⲩⲣ ⲛⲛⲉⲣⲣⲱⲟⲩ ⲛⲁⲓ ⲉⲧⲉⲙⲛⲗⲁⲁⲩ ⲛϩⲱⲃ ϩⲏⲡ ⲉⲣⲟⲟⲩ ϩⲙⲡⲡⲁⲗⲗⲁϯⲟⲛ ⲛⲛⲉⲣⲣⲱⲟⲩ ⲛⲉⲓⲟⲩⲱϣ ⲙⲉⲛ ⲁⲛ ⲉⲕⲁⲣⲱⲓ ⲉⲣⲟϥ ⲉⲡⲉⲓⲇⲏ ⲟⲩⲛⲟϭ ⲛⲕⲉⲫⲁⲗⲁⲓⲟⲛ ⲛⲥⲁⲃⲏⲗ ϫⲉⲁⲓⲥⲱⲧⲙ ⲉⲧⲉⲅⲣⲁⲫⲏ .............

92. life.empdaughter.frg4_giron:27

    ⲁⲗⲗⲁ ⲁⲡⲣⲣⲟ ⲙⲛⲡⲉⲡⲓⲥⲕⲟⲡⲟⲥ ⲧⲛⲛⲟⲟⲩ ⲛⲧⲉⲩⲛⲟⲩ ⲁⲩⲉⲓⲛⲉ ⲛϩⲏⲗⲓⲱⲇⲱⲣⲟⲥ .

93. life.empdaughter.frg4_giron:28

    ⲡⲣⲣⲟ ⲇⲉ ⲁϥⲧⲣⲉⲩⲛⲉϫⲟⲩⲟⲛ ⲛⲓⲙ ⲉⲃⲟⲗ ⲁⲩϩⲙⲟⲥ ϩⲁⲣⲓ ϩⲁⲣⲟⲟⲩ ⲁⲩⲕⲓⲙ ⲉⲡⲍⲏⲧⲏⲙⲁ .

94. life.empdaughter.frg4_giron:29

    ⲡⲉϫⲉϩⲉⲗⲓⲱⲇⲱⲣⲟⲥ ⲡⲉⲧϫⲁϩⲙ ϫⲉⲉⲣⲉⲧⲡⲁⲣⲑⲉⲛⲟⲥ ⲉⲉⲧⲉⲃⲟⲗ ϩⲛⲟⲩⲡⲛⲉⲩⲙⲁ ⲉϥⲟⲩⲁⲁⲃ ⲙⲛⲙⲡⲉⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ ϫⲟⲟⲥ ϫⲉⲁⲓⲥⲃⲧⲱⲧ ⲅⲁⲣ ⲉⲡⲁⲣϩⲓⲥⲧⲁ ⲙⲙⲱⲧⲛ ⲛⲟⲩⲡⲁⲣⲑⲉⲛⲟⲥ ⲉⲥⲟⲩⲁⲁⲃ ⲛⲟⲩϩⲁⲓ ⲛⲟⲩⲱⲧ ⲡⲉⲭⲣⲓⲥⲧⲟⲥ .

95. life.empdaughter.frg4_giron:30

    ⲡⲉϫⲉⲡⲉⲡⲓⲥⲕⲟⲙⲟⲥ ϫⲉⲁⲗⲗⲁ ⲁⲡⲁⲩⲗⲟⲥ ⲟⲩⲉϩϯⲗⲉⲝⲓⲥ ⲛⲥⲁⲧⲟⲟⲧϥ ϫⲉϯⲣϩⲟⲧⲉ ⲙⲏⲡⲟⲧⲉ ⲛⲧϩⲉ ⲛⲧⲁⲡϩⲟϥ ⲉⲝⲁⲡⲁⲧⲁ ⲛⲉⲩϩⲁ ϩⲛⲧⲉϥⲡⲁⲛⲟⲩⲣⲅⲓⲁ ⲛⲥⲉⲧⲁⲕⲟ ⲛϭⲓⲛⲉⲧⲛϩⲏⲧ ⲉⲃⲟⲗϩⲛⲧⲙⲛⲧϩⲁⲡⲗⲟⲩⲥ ⲙⲛⲡⲧⲃⲃⲟ ⲉⲧϫⲓ ⲉϩⲟⲩⲛ ⲉⲡⲭⲣⲓⲥⲧⲟⲥ .

96. life.empdaughter.frg4_giron:31

    ⲡⲉϫⲉϩⲉⲗⲓⲱⲇⲱⲣⲟⲥ ⲡⲉϫⲁϩⲙ ϫⲉⲙⲏⲡⲟⲧⲉ ⲡⲉⲡⲣⲟⲫⲏⲧⲏⲥ ϫⲟⲟⲥ ϫⲉϯⲛⲁⲡⲱϩⲧ ⲙⲡⲁⲡⲛⲉⲩⲙⲁ ⲉϫⲛⲛⲁϩⲙϩⲁⲗ ⲛϩⲟⲟⲩⲧ ⲙⲛⲛⲁϩⲙϩⲁⲗ ⲛⲥϩⲓⲙⲉ .

97. life.empdaughter.frg4_giron:32

    ⲡⲉϫⲉⲡⲉⲡⲓⲥⲕⲟⲡⲟⲥ ϫⲉⲁⲗⲗⲁ ⲁϥϫⲟⲟⲥ ϫⲉⲛⲛⲉⲡⲁⲡⲛⲁ ⲟⲩⲱϩ ϩⲛⲛⲉⲓⲣⲱⲙⲉ ϫⲉϩⲉⲛⲥⲁⲣⲝ ⲛⲉ .

98. life.empdaughter.frg4_giron:33

    ⲡⲉϫⲉⲡⲉⲧϫⲁϩⲙ ϫⲉⲙⲏ ⲙⲡⲉⲡⲁⲩⲗⲟⲥ ϫⲟⲟⲥ ϫⲉⲛⲧⲱⲧⲛ ⲡⲉⲣⲡⲉ ⲙⲡⲛⲟⲩⲧⲉ .

99. life.empdaughter.frg4_giron:34

    ⲡⲉϫⲉⲡⲉⲡⲓⲥⲕⲟⲡⲟⲥ ϫⲉⲁⲗⲗⲁ ⲁⲡⲁⲩⲗⲟⲥ ϫⲟⲟⲥ ⲟⲛ ϫⲉⲡⲉⲧⲛⲁⲥⲱⲱϥ ⲙⲡⲣⲡⲉ ......................................

Coptic SCRIPTORIUM, corpus lit.fragments (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.