← All works

Life Marina

Coptic literature (Coptic SCRIPTORIUM) · 88 sections

1. life.marina.FS_giron:1

   ⲍⲉ ⲙⲡⲉⲛϩⲱⲃ ⲧⲏⲣϥ ⲙⲡⲁⲧⲛⲉⲓ ⲉⲡⲉⲓⲙⲁ .

2. life.marina.HC_giron:1

   ⲁⲗⲗⲁ ⲟⲩⲇⲉ ⲛⲧⲟϥ ⲟⲩⲇⲉ ⲡⲉϥϣⲏⲣⲉ ⲙⲡⲉⲣⲕⲁⲁϥ ⲉⲉⲓ ⲉⲧⲙⲏⲧⲉ ⲛⲛⲉⲥⲛⲏⲩ .

3. life.marina.HC_giron:2

   ⲁⲙⲁⲣⲓⲛⲟⲥ ⲉⲣⲙⲛⲧⲥⲛⲟⲟⲩⲥⲉ ⲅⲁⲣ ⲛⲣⲟⲙⲡⲉ ϩⲛⲧⲉⲓϩⲩⲡⲟⲙⲟⲛⲏ ⲭⲱⲣⲓⲥ ⲕⲉϯ ⲉϥⲥⲁⲙⲃⲟⲗ ⲙⲡⲣⲟ ⲙⲡⲉϥⲉⲣⲕⲟⲩⲓ ⲛϩⲏⲧ ⲛⲟⲩϩⲟⲟⲩ ⲟⲩⲇⲉ ⲙⲡⲉϥϫⲱ ⲛⲟⲩϣⲁ‐ϫⲉ ⲛ...... ⲉⲃⲟⲗϩⲛ ⲣⲱϥ ⲟⲩⲇⲉ ⲙⲡⲉϥϣⲓⲛⲉ ⲛⲥⲁⲟⲩⲟⲉⲓⲕ ⲛⲧⲉⲡⲙⲟⲛⲁⲥⲧⲏⲣⲓⲟⲛ ⲟⲩⲇⲉ ⲟⲩⲃⲛⲛⲉ ⲟⲩⲇⲉ ⲙⲡⲉⲡⲉϥⲙⲉⲉⲩⲉ ϯⲙⲕⲁϩ ⲛⲁϥ ⲉⲧⲃⲉⲡⲉϥⲉⲓⲱⲧ ϫⲉⲁϥϯ ⲛⲛⲉⲛⲟⲩⲃ ⲛⲁⲩ ⲁⲗⲗⲁ ⲉⲛⲉϥⲧⲏⲧ ⲛϩⲏⲧ ⲉϫⲛⲧⲉϥϭⲓⲛⲱⲛϩ ϩⲙⲡϩⲱⲃ ⲛⲛⲉϥϭⲓϫ .

4. life.marina.FS_giron:2

   ⲁⲡϩⲩⲅⲟⲩⲙⲉⲛⲟⲥ ⲛⲧⲉⲣⲉϥⲉⲓⲙⲉ ⲉⲧⲕⲁⲧⲁⲥⲧⲁⲥⲓⲥ ⲙⲡⲣⲱⲙⲉ

5. life.marina.HC_giron:3

   ⲁⲩⲱ ⲧⲉϥⲧⲣⲟⲫⲏ ⲡⲉ ⲟⲩⲟⲉⲓⲕ ⲙⲛⲟⲩϩⲙⲟⲩ ⲙⲛⲟⲩⲙⲟⲟⲩ ϩⲛⲟⲩϣⲓ .

6. life.marina.FS_giron:3

   ⲁⲩⲱ ⲛϥⲧⲁⲙⲟϥ ϫⲉⲁⲧⲉϥⲥϩⲓⲙⲉ ⲙⲧⲟⲛ ⲙⲙⲟⲥ ⲁϥϣⲟⲡϥ ⲉⲣⲟϥ .

7. life.marina.FS_giron:4

   ⲁϥⲟⲩⲉϩⲥⲁϩⲛⲉ ⲛⲥⲉϯ ⲛⲁϥ ⲛⲟⲩⲙⲁⲛϣⲱⲡⲉ ⲛⲧϩⲉ ⲛⲛⲉⲥⲛⲏⲩ ⲧⲏⲣⲟⲩ .

8. life.marina.HC_giron:4

   ⲁⲥϣⲱⲡⲉ ⲇⲉ ⲛⲧⲉⲣⲉⲧⲉϥⲡⲣⲟⲑⲉⲥⲙⲓⲁ ϫⲱⲕ ⲉⲃⲟⲗ ϩⲙⲡⲉⲓⲕⲟⲥⲙⲟⲥ ⲡⲣⲟⲥⲡⲧⲱϣ ⲛⲣⲱⲙⲉ ⲛⲓⲙ ⲁϥϣⲱⲛⲉ .

9. life.marina.FS_giron:5

   ⲁϥϭⲱⲡⲉ ⲙⲡϩⲟⲙⲛⲧ ⲉⲧⲉⲛⲧⲟⲟⲧϥ ⲉⲧⲉⲥⲛⲁⲩ ⲛϣⲉ ⲛϩⲟⲗⲟⲕⲟⲧⲧⲓⲛⲟⲥ ⲛⲉ .

10. life.marina.HC_giron:5

    ⲁⲡϩⲙⲟⲙ ϩⲣⲟϣ ⲉϫⲱϥ .

11. life.marina.HC_giron:6

    ⲁⲡⲉⲙⲛⲟⲩⲧ ⲃⲱⲕ ⲉϩⲟⲩⲛ ϣⲁⲣⲟϥ ⲁϥϩⲉ ⲉⲣⲟϥ ⲉϥⲛⲕⲟⲧⲕ ϩⲓⲡⲕⲁϩ ⲉⲣⲉⲟⲩⲱⲛⲉ ϩⲁⲧⲉϥⲁⲡⲉ.

12. life.marina.FS_giron:6

    ⲁϥⲥⲟⲟⲩⲧⲛ ⲙⲙⲟⲟⲩ ⲉⲡϩⲩⲅⲟⲩⲙⲉⲛⲟⲥ ϫⲉⲁⲣⲓⲧⲁⲅⲁⲡⲏ ⲛⲅϫⲓ ⲛⲧⲉⲓⲕⲟⲩⲓ ⲛⲉⲩⲗⲟⲅⲓⲁ ⲛⲧⲟⲟⲧ ⲛⲅϫⲟⲟⲥ ⲉⲃⲟⲗ ⲉⲛⲉⲓⲯⲩⲭⲏ ⲉⲧϩⲙⲡⲉⲓⲙⲟⲛⲁⲥⲧⲏⲣⲓⲟⲛ ϫⲉⲛⲛⲉⲛⲧⲁⲗⲉⲃⲁⲣⲟⲥ ⲛⲧⲁⲛ ⲉϫⲱⲟⲩ .

13. life.marina.HC_giron:7

    ⲡⲉϫⲁϥ ⲛⲁϥ ϫⲉⲟⲩ ⲁϥϣⲱⲡⲉ ⲙⲙⲟⲕ ⲡⲁⲥⲟⲛ ⲙⲁⲣⲓⲛⲟⲥ .

14. life.marina.FS_giron:7

    ⲡⲉϫⲉⲡⲉϩⲩⲅⲟⲩⲙⲉⲛⲟⲥ ⲛⲁϥ ϩⲛⲟⲩϩⲉⲝⲓⲥ ϫⲉⲛⲉⲧϩⲙⲡⲉⲓⲙⲟⲛⲁⲧⲏⲣⲓⲟⲛ ⲛⲥⲉⲣⲭⲣⲉⲓⲁ ⲛⲭⲣⲏⲙⲁ ⲁⲛ ⲉⲃⲟⲗ ϫⲉⲛⲉⲩⲅⲁⲛⲱⲛ ⲡⲉ ⲉⲣϩⲱⲃ ⲛϭⲓϫ ⲛⲥⲉⲱⲛϩ .

15. life.marina.HC_giron:8

    ⲡⲉϫⲁϥ ⲛⲁϥ ϫⲉⲁⲣⲓⲡⲁⲙⲉⲉⲩⲉ ⲡⲁϭⲟⲉⲓⲥ ⲛⲉⲓⲱⲧ ϫⲉϯϣⲱⲛⲉ ⲙⲡϩⲟⲟⲩ .

16. life.marina.FS_giron:8

    ⲉⲣϣⲁⲛⲟⲩⲁ ⲛϩⲏⲧⲟⲩ ϣⲱⲛⲉ ⲛϥⲉⲣϭⲱⲃ ϣⲁⲣⲉⲛⲉⲥⲛⲏⲩ ϣⲉⲡϩⲓⲥⲉ ⲛⲙⲙⲁϥ ⲛⲥⲉϫⲟⲥ ⲉⲃⲟⲗ ⲉⲣⲟϥ ϩⲙⲡϩⲱⲃ ⲛⲛⲉⲩϭⲓϫ ⲛⲥⲉϭⲉⲛⲧⲉϥⲁⲅⲁⲡⲏ . ⲧⲁⲓ ⲧⲉ ⲧϩⲉ ⲧⲥⲩⲛⲏⲑⲓⲁ ⲙⲡⲉⲓⲙⲁ ⲉⲧⲟⲩⲁⲁⲃ .

17. life.marina.FS_giron:9

    ⲛⲉⲣⲉⲡⲉⲓⲧⲟⲟⲩ ⲣⲭⲣⲉⲓⲁ ⲛⲛⲟⲩⲃ ⲁⲛ ⲡⲁϣⲏⲣⲉ ⲁⲗⲗⲁ ⲧⲉⲛⲭⲣⲉⲓⲁ ⲧⲏⲣⲛ ⲙⲡⲟⲩϫⲁⲓ ⲛⲛⲉⲛⲯⲉⲭⲏ ⲡⲉⲧϥⲓⲣⲟⲟⲩϣ ϩⲁⲣⲟⲛ ⲟⲩⲡⲓⲥⲧⲟⲥ ⲡⲉ ⲁⲩⲱ ⲟⲩⲣⲙⲙⲁⲟ ⲡⲉ .

18. life.marina.HC_giron:9

    ⲡⲛⲟⲩⲧⲉ ⲙⲙⲉ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉⲧⲛⲁⲧⲟⲩⲉⲓⲟ ⲛⲁⲕ ⲙⲡⲉⲕⲃⲉⲕⲉ ϩⲁⲣⲟⲓ ⲙⲛⲡⲁⲕⲟⲩⲓ ⲛϣⲏⲣⲉ .

19. life.marina.FS_giron:10

    ⲁⲗⲗⲁ ⲛⲧⲟⲕ ⲉⲡⲕⲟⲥⲙⲟⲥ ϫⲉⲟⲩⲛⲟⲩⲙⲏⲏϣⲉ ⲛϩⲏⲧϥ ⲉⲩⲣⲭⲣⲉⲓⲁ ⲙⲛⲧⲉⲩⲥϩⲓⲙⲉ ⲙⲛⲛⲉⲩϣⲏⲣⲉ ⲉⲩϩⲕⲟⲉⲓⲧ ⲉⲩⲟⲃⲉ ⲉⲩⲕⲏⲕⲁϩⲉⲩⲥⲟⲣⲟⲩ ⲛⲁⲩ . ⲛⲧⲟⲕ ϣⲁⲣⲟⲛ ϣⲁⲛⲧ ϣⲟⲡⲕ ⲉⲣⲟⲕ ⲙⲛⲡⲉⲕⲕⲟⲩⲓ ⲛϣⲏⲣⲉ ϩⲛⲟⲩⲣⲁϣⲉ .

20. life.marina.HC_giron:10

    ϯⲙⲉⲉⲩⲉ ⲡⲁⲙⲉⲣⲓⲧ ⲛⲉⲓⲱⲧ ϫⲉⲡⲁϣⲱⲛⲉ ⲛϩⲁⲉ ⲡⲉ ⲡⲁⲓ .

21. life.marina.HC_giron:11

    ⲁⲣⲓⲡϫⲱⲕ ⲙⲡⲉⲕⲛⲁ ⲛⲙⲙⲁⲓ ⲉⲧⲃⲉⲡⲛⲟⲩⲧⲉ .

22. life.marina.FS_giron:11

    ⲡⲣⲱⲙⲉ ⲇⲉ ⲁϥⲡⲁϩⲧϥ ⲉϫⲙⲡⲉϥϩⲟ ⲁϥⲟⲩⲱϣⲧ ⲛⲁϥ ⲉϥϫⲱ ⲙⲙⲟⲥ ϫⲉϯⲥⲟⲡⲥ ⲙⲙⲟⲕ ⲡⲁϫⲟⲉⲓⲥ ⲛⲉⲓⲱⲧ ⲙⲡⲣⲕⲁⲁⲧ ⲉⲛⲁⲩ ⲉⲡⲕⲟⲥⲙⲟⲥ ⲛⲕⲉⲥⲟⲡ ϫⲉⲛⲛⲉⲓϯⲟⲥⲉ ⲛⲧⲁⲯⲩⲭⲏ .

23. life.marina.HC_giron:12

    ⲉⲓϣⲁⲛⲉⲓ ⲉⲃⲟⲗϩⲛⲥⲱⲙⲁ ⲕⲁⲡⲁⲕⲟⲩⲓ ⲛϣⲏⲣⲉ ϩⲁⲧⲏⲕ ⲡⲉⲇⲉⲩⲉ ⲙⲙⲟϥ ⲕⲁⲗⲟⲥ ϩⲛⲧϩⲟⲧⲉ ⲙⲡⲁϫⲟⲉⲓⲥ ⲙⲛⲡⲕⲱⲧ ⲛⲛⲉⲛⲉⲓⲟⲧⲉ ⲙⲛⲡϩⲱⲃ ⲛϭⲓϫ ⲉⲧⲃⲉⲧⲉϥϭⲓⲛⲱⲛϩ .

24. life.marina.FS_giron:12

    ⲡϩⲩⲅⲟⲩⲙⲉⲛⲟⲥ ⲇⲉ ⲛⲧⲉⲣⲉϥⲛⲁⲩ ⲉⲡⲉϥϩⲟϫϩϫ ⲙⲛⲡⲟⲩⲱϣ ⲙⲡⲉϥϩⲏⲧ ⲉϩⲟⲩⲛ ⲉⲧⲙⲛⲧⲙⲟⲛⲁⲭⲟⲥ ⲁϥⲟⲩⲉϩⲥⲁϩⲛⲉ ⲙⲡⲥⲟⲛ ⲉⲧⲇⲓⲁⲕⲟⲛⲉⲓ ⲁϥϫⲓⲧⲟⲩ ⲛⲧⲟⲟⲧϥ ⲁϥϣⲉϥϫⲱϥ ⲁϥϯ ⲉϫⲱϥ ⲡⲉⲕⲗⲁⲃⲧ .

25. life.marina.HC_giron:13

    ⲁⲩⲱ ϯⲟⲩⲱϣⲧ ⲙⲙⲟⲕ ⲉϫⲙⲡⲁϩⲟ ⲙⲡⲉⲣⲕⲁⲗⲁⲁⲩ ⲛⲣⲱⲙⲉ ........ⲉⲣⲟⲓ ⲉⲓϣⲁⲛⲙⲟⲩ ⲁⲗⲗⲁ ⲁⲣⲓⲧⲁⲅⲁⲡⲏ ⲛⲅϫⲓ ⲙⲡⲃⲉⲕⲉ ⲛϩⲁⲉ ϭⲗⲁ..... ⲧⲉϥⲧⲥⲟⲣⲉ ⲛⲡⲓⲙⲁⲙⲟⲣⲧ ⲛϩⲏⲧⲥ ϩⲛⲙⲙⲛⲧⲙ......ⲛⲟϫⲧ ⲉϩⲟⲩⲡ ⲉⲟⲩⲁ ϩⲛⲛⲉⲩϩⲁⲁⲩ .

26. life.marina.FS_giron:13

    ⲁϥⲣⲥⲁϣϥⲉ ⲛⲣⲟⲙⲡⲉ ⲙⲛⲡⲉϥⲕⲟⲩⲓ ⲛϣⲏⲣⲉ ⲙⲁⲣⲓⲛⲟⲥ ⲉϥϩⲛϩⲉⲛⲁⲥⲕⲏⲥⲓⲥ ⲙⲛϩⲉⲛⲡⲟⲗⲏⲧⲓⲁ .

27. life.marina.HC_giron:14

    ⲡⲁⲓ ⲡⲉ ⲡⲉⲧⲛⲁⲛⲟⲩ ......ⲛϣⲁ ......... ⲉⲃⲟⲗ

28. life.marina.FS_giron:14

    ⲁϥⲡⲉⲧⲉⲩⲉ ⲙⲙⲁⲣⲓⲛⲟⲥ ⲕⲁⲗⲱⲥ ϩⲙⲡⲉⲥϩⲁⲓ ⲙⲛⲛⲉⲯⲁⲗⲙⲟⲥ ⲙⲛⲛⲁⲛⲧⲓⲫⲁⲛⲟⲛ .

29. life.marina.HC_giron:15

    ⲛ.......ⲁⲥϣⲟⲡⲉ ⲇⲉ ⲙⲡⲛⲁⲩ ⲙⲡⲟⲩⲟⲉⲓⲛ ⲙⲡⲉ.....ϫⲧⲉ ⲁⲡⲙⲛⲟⲩⲧ ⲥⲱⲧⲙ ⲉⲧⲉⲥⲙⲏ

30. life.marina.FS_giron:15

    ⲁϥϣⲱⲛⲉ ⲛϭⲓⲡⲉⲓⲱⲧ ⲙⲙⲁⲣⲓⲛⲟⲥ ϩⲙⲡϣⲱⲛⲉ ⲙⲡⲉϥϭⲙⲡϣⲓⲛⲉ ⲁϥϩⲣⲟϣ ⲁⲡϩⲩⲅⲟⲩⲙⲉⲛⲟⲥ ⲉⲓ ϣⲁⲣⲟϥ ⲁϥϭⲉⲛⲡⲉϥϣⲓⲛⲉ .

31. life.marina.FS_giron:16

    ⲡⲉϫⲁϥ ⲛⲁϥ ϫⲉⲡⲁϫⲟⲉⲓⲥ ⲛⲉⲓⲱⲧ ϯⲙⲉⲉⲩⲉ ⲛⲁⲓ ϫⲉⲡⲁϣⲱⲛⲉ ⲛϩⲁⲉ ⲡⲉ ⲡⲁⲓ ϯⲡⲁⲣⲁⲕⲁⲗⲉⲓ ⲙⲙⲟⲕ ⲉⲓϣⲁⲛⲉⲓ ⲉⲃⲟⲗ ϩⲙⲡⲥⲱⲙⲁ ⲙⲡⲣⲕⲁⲡⲉⲕϩⲙϩⲁⲗ ⲙⲁⲣⲓⲛⲟⲥ ⲥⲁⲛⲃⲟⲗ ⲙⲙⲟⲕ ⲙⲡⲉϩⲟⲟⲩ ⲙⲛⲧⲉⲩϣⲏ ⲉⲧⲣⲉϥϣⲱⲡⲉ ⲉϥⲇⲓⲁⲕⲟⲛⲉⲓ ⲉⲣⲟⲕ .

32. life.marina.HC_giron:16

    ⲙⲡⲉϣⲏⲣⲉ ⲕⲟⲩⲓ ⲉϥⲣⲓⲙⲉ ⲉϥϫⲱ ⲙⲙⲟⲥ ϫⲉⲟⲩⲟⲉⲓ ⲛⲁⲓ ⲡⲁⲙⲉⲣⲓⲧ ⲛⲉⲓⲱⲧ ϫⲉⲁⲕⲁⲁⲧ ⲛⲧⲁⲗⲁⲓⲡⲟⲣⲟⲥ ⲙⲡϩⲟⲟⲩ .

33. life.marina.HC_giron:17

    ⲁϥⲃⲱⲕ ⲉϩⲟⲩⲛ ϣⲁⲣⲟϥ ⲁϥϩⲉ ⲉⲣⲟϥ ⲉⲁϥⲟⲩⲱ ⲉϥⲙⲟⲩ .

34. life.marina.FS_giron:17

    ⲁⲥϣⲱⲡⲉ ⲙⲛⲛⲥⲁϩⲛⲕⲟⲩⲓ ⲛϩⲟⲟⲩ ⲁϥⲙⲧⲟⲛ ⲙⲙⲟϥ ⲁϥⲃⲱⲕ ⲉⲣⲁⲧϥ ⲙⲡⲛⲟⲩⲧⲉ .

35. life.marina.HC_giron:18

    ⲁϥϩⲙⲟⲥ ⲁϥⲣⲓⲙⲉ ϩⲱⲱϥ ⲁⲩⲱ ⲙⲛⲛⲥⲁⲟⲩⲕⲟⲩⲓ ⲁϥⲧⲱⲟⲩⲛ ϫⲉⲉϥⲛⲁϣⲱϣ ⲙⲡⲉϥⲥⲱⲙⲁ ⲉϩⲣⲁⲓ ⲁϥϭⲱϣⲧ ⲉⲛⲉⲥⲙⲉⲗⲟⲥ ⲁϥϩⲉ ⲉⲣⲟⲥ ⲉⲩⲥϩⲓⲙⲉ ⲧⲉ ⲛⲧϩⲉ ⲛⲟⲩⲟⲛ ⲛⲓⲙ .

36. life.marina.FS_giron:18

    ⲁⲡϩⲩⲡⲟⲩⲙⲉⲛⲟⲥ ϫⲓ ⲙⲙⲁⲣⲓⲛⲟⲥ ϩⲁϩⲧⲏϥ ⲁϥⲡⲉⲇⲉⲩⲉ ⲙⲙⲟϥ ⲕⲁⲗⲱⲥ ϩⲛⲛⲟⲙⲟⲥ ⲛⲧⲙⲛⲧⲙⲟⲛⲁⲭⲟⲥ .

37. life.marina.FS_giron:19

    ⲁⲥϣⲱⲡⲉ ⲛⲧⲉⲣⲉϥⲣⲛⲟϭ ⲙⲡⲉⲗⲁⲁⲩ ⲛⲣⲱⲙⲉ ⲉⲓⲙⲉ ⲉⲡⲉϥⲙⲩⲥⲧⲏⲣⲓⲟⲛ .

38. life.marina.HC_giron:19

    ⲁϥⲙⲟⲩϣⲧ ⲛⲛⲉⲥⲉⲕⲓⲃⲉ ⲁϥϩⲉ ⲉϩⲟⲟⲩ ⲉⲩϣⲏⲩ ⲛⲟⲩⲕⲟⲩⲓ ⲉⲩϩⲟϭⲃ ⲉⲧⲃⲉⲧⲁⲥⲕⲏⲥⲓⲥ .

39. life.marina.HC_giron:20

    ϩⲛⲧⲉⲩⲛⲟⲩ ⲛⲧⲁϥⲉⲓⲙⲉ ϫⲉⲟⲩⲥϩⲓⲙⲉ ⲧⲉ ⲁϥⲡⲱϩ ⲛⲛⲉϥϩⲟⲓⲧⲉ ⲁϥⲧⲁⲗⲟ ⲛⲟⲩⲕⲣⲙⲉⲥ ⲉϫⲛⲧⲉϥⲁⲡⲉ ⲉϥⲣⲓⲙⲉ ⲁϥⲃⲱⲕ ϣⲁⲡⲉϩⲉⲗⲗⲟ ⲛϩⲩⲅⲟⲩⲙⲉⲙⲟⲥ ⲉϥϩⲱⲗ ⲉⲃⲟⲗ ⲛⲥⲁⲛⲉⲃⲱ ⲛⲧⲉϥⲙⲟⲣⲧ .

40. life.marina.FS_giron:20

    ⲁϥⲧⲁⲁϥ ⲉϩⲛⲛⲟϭ ⲛⲁⲥⲕⲏⲥⲓⲥ ⲙⲛϩⲉⲛⲙⲟⲗⲏⲧⲓⲁ ⲉⲩ ⲟϣ .

41. life.marina.HC_giron:21

    ⲛⲧⲉⲣⲉϥⲛⲁⲩ ⲉⲣⲟϥ ⲛϭⲓⲡϩⲗⲗⲟ ⲁϥϣⲧⲟⲣⲧⲣ ⲡⲉϫⲁϥ ⲛⲁϥ ϫⲉⲟⲩ ⲁϥϣⲱⲡⲉⲡⲁϣⲕⲣⲉ .

42. life.marina.FS_giron:21

    ⲛⲧⲉⲣⲉⲛⲉⲥⲛⲏⲩ ⲛⲁⲩ ⲉⲣⲟϥ ϫⲉⲙⲡⲉⲗⲁⲁⲩ ⲛⲃⲱ ⲣⲱ ⲧⲉⲧⲉϥⲙⲟⲣⲧ ⲁⲩⲙⲟⲩⲧⲉ ⲉⲣⲟϥ ϫⲉⲙⲁⲣⲓⲛⲟⲥ ⲡⲉⲥⲓⲟⲩⲣ .

43. life.marina.FS_giron:22

    ⲁⲧⲉϥⲯⲩⲭⲏ ϣⲓⲛⲉ ⲛⲥⲁⲡⲱⲣϥ ⲉϩⲟⲩⲛ .

44. life.marina.HC_giron:22

    ⲡⲉϫⲁϥ ⲛⲁϥ ϫⲉⲟⲩⲟⲉⲓ ⲛⲁⲓ ⲡⲁϫⲟⲉⲓⲥ ⲛⲉⲓⲱⲧ ϫⲉⲟⲩⲛⲟⲩϭⲱⲛⲧ ⲛⲧⲡⲛⲟⲩⲧⲉ ⲛⲉⲩⲉϫⲱⲛ ⲉⲃⲟⲗ ϩⲛⲧⲡⲉ .

45. life.marina.FS_giron:23

    ⲁϥⲡⲁⲣⲁⲕⲁⲗⲉⲓ ⲙⲡⲉϩⲩⲅⲟⲩⲙⲉⲛⲟⲥ ϫⲉϯϣⲓⲡⲉ ⲉⲓϣⲟⲟⲡ ⲙⲛⲗⲁⲁⲩ ⲛⲣⲱⲙⲉ ⲉⲓⲙⲏⲧⲓ ⲛⲕⲱⲥⲙⲓⲕⲟⲛ .

46. life.marina.HC_giron:23

    ⲡⲉϫⲉⲡϩⲗⲗⲟ ⲉⲧⲃⲉⲟⲩ ⲡⲉϫⲁϥ ϫⲉⲉⲧⲃⲉⲙⲁⲣⲓⲛⲟⲥ ⲡϩⲙϩⲁⲗ ⲙⲡⲛⲟⲩⲧⲉ ϫⲉⲉⲓⲥϫⲟⲩⲱⲧⲉ ⲛⲣⲟⲙⲡⲉ ⲉⲛϯ ⲉⲙⲕⲁϩ ⲛⲁϥ ⲙⲡⲉⲛⲉⲓⲙⲉ ⲙⲛⲉϥⲉⲣⲕⲟⲩⲓ ⲛϩⲏⲧ ⲛⲟⲩϩⲟⲟⲩ ⲛⲟⲩⲱⲧ .

47. life.marina.HC_giron:24

    ⲁϥⲙⲧⲟⲛ ⲙⲙⲟϥ ⲛⲧⲉⲓⲟⲩϣⲏ ⲁⲓϩⲉ ⲉⲣⲟϥ ⲉⲩⲥϩⲓⲙⲉ ⲧⲉ ⲛⲧϩⲉ ⲛⲧⲁⲙⲁⲁⲩ ⲛⲧⲁⲥϫⲡⲟⲓ .

48. life.marina.FS_giron:24

    ⲛⲧⲉⲣⲉϥⲉⲓⲙⲉ ϫⲉⲁϥⲣⲛⲟϭ ⲁϥϯ ⲛⲁϥ ⲙⲡⲙⲁ ⲛϥϣⲱⲡⲉ ⲙⲡⲉϥⲉⲓⲱⲧ .

49. life.marina.FS_giron:25

    ⲁϥϭⲱ ⲛϩⲏⲧϥ ⲙⲁⲩⲁⲁϥ ⲉϥϣⲟⲟⲡ ϩⲛϩⲉⲛⲛⲟϭ ⲛⲁⲥⲕⲏⲥⲓⲥ ϩⲱⲥⲧⲉ ⲛⲧⲉⲡⲉϥⲣⲁⲛ ⲉⲣⲥⲟⲉⲓⲧ ϩⲙⲙⲁ ⲛⲓⲙ .

50. life.marina.HC_giron:25

    ⲡϩⲗⲗⲟ ⲇⲉ ⲁϥⲱϣ ⲉⲃⲟⲗ ⲁϥⲣⲓⲙⲉ ⲁϥϩⲱⲗ ⲉⲃⲟⲗ ⲛⲥⲁⲛⲉⲃⲱ ⲛⲧⲉϥⲙⲟⲣⲧ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲙⲡⲉⲣⲧⲁⲕⲟⲓ ⲉⲧⲃⲉⲛⲁⲛⲟⲃⲉ ϫⲉϩⲛⲛⲟϭ ⲛⲉ .

51. life.marina.FS_giron:26

    ⲙⲛⲛⲥⲱⲥ ⲁⲡϫⲁϫⲉ ⲙⲡⲉⲛⲅⲉⲛⲟⲥ ⲡϩⲟⲃ ⲛⲁⲣⲭⲁⲓⲟⲛ ⲕⲱϩ ⲕⲁⲧⲁⲧⲉϥⲥⲩⲛⲏⲑⲓⲁ .

52. life.marina.HC_giron:26

    ⲁⲛⲉⲥⲛⲏⲩ ⲧⲏⲣⲟⲩ ⲥⲱⲟⲩϩ ⲉϩⲟⲩ ⲛⲧⲉⲣⲟⲩⲥⲱⲧⲙ ⲉⲡⲉϥϩⲣⲟⲟⲩ ⲉϥⲣⲓⲙⲉ ϫⲉⲛⲁⲓⲁⲧⲕ ⲛⲧⲟⲕ ⲙⲁⲣⲓⲛⲟⲥ . ⲡⲙⲁⲣⲧⲩⲣⲟⲥ ⲙⲡⲉⲭⲣⲓⲥⲧⲟⲥ ⲓⲏⲥⲟⲩⲥ .

53. life.marina.FS_giron:27

    ⲁϥϯⲙⲉⲉⲩⲉ ⲛⲛⲉⲥⲛⲏⲩ ⲉⲧⲡⲏⲧ ⲉⲕⲏⲙⲉ ⲉⲧⲃⲉⲡⲧⲱϣ ⲛⲧⲇⲓⲁⲕⲟⲛⲓⲁ ϫⲉϫⲓ ⲛⲙⲙⲏⲧⲛ ⲙⲙⲁⲣⲓⲛⲟⲥ ⲡⲉⲥⲓⲟⲩⲣ ⲛϥⲣⲟⲉⲓⲥ ⲉⲧⲇⲓⲁⲕⲟⲛⲓⲁ ⲥⲉⲧⲁⲕⲟ ⲛⲟⲩⲛⲟϭ ⲛⲙⲏⲣⲟⲥ ⲛϩⲏⲧⲥ ⲕⲁⲧⲁⲣⲟⲙⲡⲉ .

54. life.marina.HC_giron:27

    ⲧⲱⲟⲩⲛ ⲡⲁϣⲏⲣⲉ ⲙⲁⲣⲉⲛⲣⲓⲙⲉ ⲉⲣⲟⲛ ⲛⲧⲉⲛⲃⲱⲕ ϣⲁⲟⲩⲥⲕⲉⲩⲥ ⲛϭⲱⲃ ⲛⲧⲁⲥϯϣⲓⲡⲉ ⲛⲛⲉⲙⲟⲛⲁⲭⲟⲥ ⲧⲏⲣⲟⲩ .

55. life.marina.HC_giron:28

    ⲙⲁⲣⲉⲛⲃⲱⲕ ⲛⲧⲛⲟⲩⲱϣⲧ ϩⲓϫⲱⲥ ϩⲛϩⲉⲛⲣⲙⲉⲓⲟⲟⲩⲉ ⲉⲛⲁϣⲱⲟⲩ ⲛⲥⲁⲡⲁⲣⲁⲕⲁⲗⲉⲓ ⲙⲡⲛⲟⲩⲧⲉ ⲉϫⲱⲛ ⲛϥϥⲓ ⲙⲙⲁⲩ ⲙⲡⲉϥϭⲱⲛⲧ ⲉⲃⲟⲗ ϩⲓϫⲱⲛ ⲉⲧⲃⲏⲏⲧⲥ ϫⲉⲁⲡϫⲁϫⲉ ⲉⲣⲡⲉϥⲟⲩⲱϣ ⲛϩⲏⲧⲛ). ⲉⲓⲥⲟⲩⲛⲟϭ ⲛⲭⲣⲟⲛⲟⲥ ⲉⲛϯⲙⲧⲟⲛ ⲛⲁϥ ⲉⲛϯϭⲱⲛⲧ ⲙⲡⲛⲟⲩⲧⲉ ⲙⲡⲉⲛⲉⲓⲙⲉ .

56. life.marina.FS_giron:28

    ⲁⲩⲛⲁⲣⲁⲕⲁⲗⲉⲓ ⲙⲡϩⲩⲅⲟⲩⲙⲉⲛⲟⲥ ⲁϥⲧⲁⲁϥ ⲛⲁⲩ .

57. life.marina.FS_giron:29

    ⲙⲡⲟⲩⲉⲓⲙⲉ ⲉⲧϭⲟⲣϭⲥ ⲉⲧϩⲟⲟⲩ ⲉⲣⲉⲡϫⲁϫⲉ ⲟⲩⲱϣ ⲉϯⲙⲕⲁϩ ⲙⲙⲁⲣⲓⲛⲟⲥ ⲛϩⲏⲧⲥ .

58. life.marina.HC_giron:29

    ⲁⲩⲧⲱⲟⲩⲛ ⲧⲏⲣⲟⲩ ⲙⲛⲡϩⲗⲗⲟ ⲁⲩⲃⲱⲕ ⲉⲡⲙⲁ ⲛϣⲱⲡⲉ ⲉⲧⲥⲁⲛⲃⲟⲗ ⲉⲣⲉⲙⲁⲣⲓⲛⲟⲥ ⲉⲛⲕⲟⲧⲕ ⲛϩⲏⲧϥ . ⲉⲣⲉⲡⲕⲟⲩⲓ ⲛϣⲏⲣⲉ ϩⲙⲟⲟⲥ ϩⲁⲧⲏϥ ⲉϥⲣⲓⲙⲉ .

59. life.marina.HC_giron:30

    ⲛⲧⲉⲣⲟⲩⲉⲓⲙⲉ ⲉⲧⲙⲉ ϫⲉⲟⲩⲥϩⲓⲙⲉ ⲧⲉ .

60. life.marina.FS_giron:30

    ⲛⲉ ⲟⲩⲛⲟⲩϣⲉⲉⲣⲉ ϣⲏⲙ ⲛⲧⲉⲡⲁⲣⲭⲱⲛ ⲛⲧⲡⲟⲗⲓⲥ ⲉⲣⲉⲙⲙⲟⲛⲁⲭⲟⲥ ⲟⲩⲏϩ ϩⲙⲡⲉϥⲙⲁ ⲛϣⲱⲡⲉ ⲉϥⲉⲓⲣⲉ ⲛⲙⲙⲁⲩ ⲛⲟⲩⲡⲉⲧⲛⲁⲛⲟⲩϥ ⲙⲛⲟⲩⲛⲟϭ ⲙⲙⲛⲧⲙⲁⲓⲣⲱⲙⲉ .........

61. life.marina.HC_giron:31

    ⲁⲩϫⲓⲥⲉ ⲛⲧⲉⲩⲥⲙⲏ ⲉⲩⲣⲓⲙⲉ .

62. life.marina.HC_giron:32

    ⲁⲩⲟⲩⲱϣⲧ ⲉϫⲙⲡⲉⲩϩⲟ ⲙⲡϫⲟⲉⲓⲥ ϫⲉⲡⲛⲟⲩⲧⲉ ⲙⲡⲉⲣⲧⲁⲕⲟⲛ ⲉⲧⲃⲉⲡⲛⲟⲃⲉ ⲛⲧⲁⲛⲁⲁϥ ⲙⲡⲉⲓϫⲓⲕⲁⲓⲟⲥ .

63. life.marina.HC_giron:33

    ⲁⲩⲱ ⲙⲛⲛⲥⲁⲟⲩⲕⲟⲩⲓ .

64. life.marina.HC_giron:34

    ⲡⲉϫⲁⲩ ϫⲉⲙⲁⲣⲉⲛϯⲧⲱϣ ⲉⲡⲉⲥⲥⲱⲙⲁ ϩⲛϯⲙⲏⲛⲓⲙ .

65. life.marina.HC_giron:35

    ⲁⲩⲧⲱⲟⲩⲛ ⲛϭⲓⲛⲉⲥⲛⲏⲩ ⲛⲧⲇⲓⲁⲕⲟⲛⲓⲁ ϩⲛⲕⲏⲙⲉ

66. life.marina.HC_giron:36

    ⲡⲉϫⲁⲩ ϫⲉⲙⲁⲣⲉⲛⲧⲛⲛⲟⲟⲩ ⲛⲥⲁⲡⲁⲣⲭⲱⲛ ⲛⲧⲡⲟⲗⲓⲥ ⲛϥⲛⲁⲩ ⲉⲡⲛⲧⲁϥϣⲱⲡⲉ ⲛϥⲉⲓ ⲙⲛⲛⲁⲧⲉϥⲡⲟⲗⲓⲥ ϫⲉⲧⲛⲟ ⲛⲣⲙϩⲉ ⲉⲡⲧⲟⲗⲙ ⲛⲧⲉϥⲁⲕⲁⲑⲁⲣⲧⲟⲥ ⲛϣⲉⲉⲣⲉ .

67. life.marina.HC_giron:37

    ⲕⲁⲓ ⲅⲁⲣ ⲉⲓⲥϫⲟⲩⲧⲟⲩⲉ ⲛⲣⲟⲙⲡⲉ ⲁⲛϩⲱⲛⲧ ⲉϫⲁⲕⲟⲩ ⲙⲡϣⲓⲡⲉ ⲕⲱ ⲙⲙⲟⲛ ⲁⲛ ⲛⲧⲛⲟⲩⲉⲛϩⲡⲛϩⲟ ⲉⲃⲟⲗ ϩⲛⲧⲡⲟⲗⲓⲥ .

68. life.marina.HC_giron:38

    ϩⲛⲧⲉⲩⲛⲟⲩ ⲁⲩϫⲟⲟⲩ ⲛⲥⲱϥ ⲙⲡⲟⲩⲕⲓⲙ ⲉⲡⲥⲱⲙⲁ ⲙⲡⲙⲉⲧⲟⲩⲁⲁⲃ ⲙⲁⲣⲓⲛⲟⲥ ϣⲁⲛⲧⲉϥⲉⲓ ϩⲛⲟⲩϣⲧⲟⲣⲧⲣ.

69. life.marina.HC_giron:39

    ⲁϥⲉⲓⲙⲉ ⲉⲡⲛⲟⲃⲉ ⲛⲧⲁϥⲁⲁϥ ⲁϥⲡⲁϩⲧϥ ⲉϫⲙⲡⲉϥϩⲟ ⲁϥⲟⲩⲱϣⲧ ⲙⲡϩⲗⲗⲟ ⲙⲛⲛⲉⲥⲛⲏⲩ ⲧⲏⲣⲟⲩ ⲉϥⲣⲓⲙⲉ ϫⲉϯⲡⲁⲣⲁⲕⲁⲗⲉⲓ ⲙⲙⲱⲧⲛ ⲧⲱⲃϩ ⲙⲡⲛⲟⲩⲧⲉ ⲉϫⲱⲓ ⲛϥⲛⲁⲛⲁⲓ ⲛϥⲕⲱ ⲛⲁⲓ ⲉⲃⲟⲗ ⲙⲡⲛⲟⲃⲉ ⲛⲧⲁⲓⲁⲁϥ ϫⲉϫⲓⲛⲉⲡⲉⲟⲩⲟⲉⲓϣ ⲉⲧⲙⲙⲁⲩ

70. life.marina.HC_giron:40

    ⲙⲡⲉⲗⲁⲁⲩ ⲛⲥⲟⲟⲩⲧⲛ ⲧⲁϩⲟⲓ ⲟⲩⲇⲉ ϩⲙⲡⲁⲥⲱⲙⲁ ⲟⲩⲇⲉ ϩⲛⲛⲉⲧϣⲟⲟⲡ ⲛⲁⲓ .

71. life.marina.HC_giron:41

    ⲁⲡϩⲗⲗⲟ ⲙⲛⲛⲉⲥⲛⲏⲩ ⲁϩⲉⲣⲁⲧⲟⲩ ⲉⲡⲉⲥⲥⲱⲙⲁ ⲁⲩⲕⲟⲟⲥ ⲉⲥⲕⲁⲗⲟⲥ ϩⲛϯⲙⲏ ⲛⲓⲙ ⲛⲧϩⲉ ⲛⲟⲩⲙⲁⲣⲧⲩⲣⲟⲥ ⲁⲩⲧⲁⲗⲟⲥ ⲁⲩϫⲓⲧⲥ ⲉⲧⲉⲕⲕⲗⲏⲥⲓⲁ ⲁⲩⲉⲣⲧⲥⲩⲛⲁⲝⲓⲥ ⲉⲣⲟⲥ .

72. life.marina.HC_giron:42

    ⲁⲩⲥⲩⲛⲁⲅⲉ ϩⲓϫⲱⲥ .

73. life.marina.HC_giron:43

    ⲁⲩⲧⲁⲗⲟⲥ ⲉⲩⲯⲁⲗⲗⲉⲓ ϩⲓⲑⲏⲙⲙⲟⲥ.

74. life.marina.HC_giron:44

    ⲁⲩⲕⲁⲡⲉⲥⲥⲱⲙⲁ ϩⲁⲧ ⲙⲡⲥⲱⲙⲁ ⲛⲛⲉⲁⲣⲭⲓⲙⲁⲛⲇⲣⲓⲧⲏⲥ .

75. life.marina.HC_giron:45

    ⲁⲩⲕⲧⲟⲟⲩ ⲉⲛⲉⲩⲙⲁ ⲛϣⲱⲡⲉ ϩⲛⲟⲩⲛⲟϭ ⲙⲕⲁϩ ⲛϩⲏⲧ ⲙⲛⲟⲩⲣⲓⲙⲉ ⲉⲩⲙⲉⲉⲩⲉ ⲉⲃⲟⲗ ⲛⲧⲛⲟϭ ⲛⲁⲣⲉⲧⲏ ⲛⲧⲉⲓⲥϩⲓⲙⲉ ⲙⲛⲧⲉⲥϩⲩⲡⲟⲙⲟⲛⲏ ⲉϫⲛⲛⲉⲡⲉⲧϩⲟⲟⲩ ⲧⲏⲣⲟⲩ ⲙⲡⲉⲓⲛⲟϭ ⲛⲟⲩⲟⲉⲓϣ

76. life.marina.HC_giron:46

    ⲁⲩⲱ ⲙⲡⲉⲥϫⲱ ⲛⲟⲩϣⲁϫⲉ ϩⲁⲡⲉⲓⲡⲁⲣⲁⲡⲧⲱⲙⲁ ⲉⲥⲟⲩⲁⲁⲃ ⲉⲣⲉⲧⲉⲥⲙⲛⲧⲣⲙϩⲉ ⲛⲧⲟⲟⲧⲥ ϩⲁⲣⲟϥ .

77. life.marina.HC_giron:47

    ⲁⲗⲗⲁ ⲁⲥⲧⲁϫⲣⲟⲥ ⲉϫⲙⲧⲡⲉⲧⲣⲁ ⲛⲁⲧⲕⲓⲙ .

78. life.marina.HC_giron:48

    ⲡϩⲗⲗⲟ ⲇⲉ ⲛϩⲩⲅⲟⲩⲙⲉⲛⲟⲥ ⲁϥⲕⲁⲑⲏⲅⲉⲓ ⲉⲛⲉⲥⲛⲏⲩ ⲙⲡⲉϩⲟⲟⲩ ⲉⲧⲙⲙⲁⲩ ⲉϥϫⲱ ⲙⲙⲟⲥ ϫⲉⲛⲁϣⲏⲣⲉ ⲙⲡⲣⲧⲉⲛⲁⲙⲉⲗⲉⲓ ⲉⲡⲉⲛⲟⲩϫⲁⲓ .

79. life.marina.HC_giron:49

    ⲁⲗⲗⲁ ⲙⲁⲣⲉⲛⲕⲱϩ ⲉⲡⲃⲓⲟⲥ ⲛⲧⲉⲓⲙⲁⲣⲧⲩⲣⲟⲥ ⲁⲩⲱ ⲧⲉⲓⲡⲁⲣⲑⲉⲛⲟⲥ ⲁⲩⲱ ⲧⲉⲓⲁⲑⲗⲓⲧⲏⲥ ⲉⲧⲟⲩⲁⲁⲃ . ⲧⲁⲓ ⲛⲧⲁⲥϥⲓ ⲉⲣⲟⲥ ⲙⲡⲉⲓⲕⲟⲩⲓ ⲛⲟⲩⲟⲉⲓϣ ⲁⲥϫⲓ ⲛⲛⲉⲓⲛⲟϭ ⲛⲙⲕⲁϩ ⲙⲛⲛⲉⲓⲥⲱϣ ⲡⲣⲟⲥⲟⲩⲕⲟⲩⲓ ⲛⲟⲩⲟⲉⲓϣ .

80. life.marina.HC_giron:50

    ⲧⲉⲛⲟⲩ ⲇⲉ ⲥⲉⲛⲁⲕⲗⲏⲣⲟⲛⲟⲙⲉⲓ ⲛⲛⲉⲁⲅⲁⲑⲟⲛ ⲛϣⲁⲉⲛⲉϩ ϩⲙⲡⲁⲓⲱⲛ ⲉⲧⲛⲏⲩ ϩⲓⲧⲉⲛⲡⲉⲛⲧⲁⲥⲙⲉⲣⲓⲧϥ ⲁⲥⲧⲁϫⲣⲟⲥ ⲉϫⲱϥ ⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲁⲓ ⲉⲃⲟⲗ ϩⲓⲧⲟⲟⲧϥ ⲡⲉⲟⲟⲩ ⲛⲁϥ ⲙⲛⲡⲉϥⲉⲓⲱⲧ ⲛⲁⲅⲁⲑⲟⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲧⲉⲛⲟⲩ ⲁⲩⲱ ⲛⲟⲩⲟⲉⲓϣ ⲛⲓⲙ ϣⲁⲉⲛⲉϩ ⲛⲉⲛⲉϩ .

81. life.marina.HC_giron:51

    ϩⲁⲙⲏⲛ .

82. life.marina.HC_giron:52

    ⲁⲣⲓⲧⲁⲅⲁⲡⲏ ⲛⲁⲉⲓⲟⲧⲉ ⲉⲧⲟⲩⲁⲁⲃ ⲛⲅⲗⲏⲣⲟⲥ ⲙⲛⲛⲁⲉⲓⲟⲧⲉ ⲙⲙⲟⲛⲁⲭⲟⲥ .

83. life.marina.HC_giron:53

    ⲟⲩⲁ ⲛⲛⲓⲙ ⲉⲧⲛⲁⲱϣ ϩⲙⲡⲓⲕⲉⲫⲁⲗⲉⲱⲛ ⲛϫⲱⲱⲙⲉ ϣⲗⲏⲗ ϩⲓϫⲙⲡⲉⲛⲙⲁⲓⲛⲟⲩⲧⲉ ⲛⲁⲭⲣ ⲉϯϯⲕⲱⲣ ϫⲣ ϫⲓⲁ ϣⲉⲛⲟⲩⲧⲉ .

84. life.marina.HC_giron:54

    ⲡϣⲏⲣⲉ ⲛⲉⲕⲣⲱ ⲙⲉⲣⲕⲟⲩⲣⲓⲟⲥ ⲡⲁⲧⲟⲩⲧⲱⲛ. ϫⲉⲛⲧⲟϥ ⲁϥϥⲓ ⲡⲉϥⲣⲟⲟⲩϣ ϩⲛⲛⲉϥϩⲓⲥⲉ ⲙⲙⲓⲛ ⲙⲙⲟϥ .

85. life.marina.HC_giron:55

    ⲁϥⲧⲁⲁϥ ⲉϩⲟⲩⲛ ⲉⲧⲉⲕⲕⲗⲏⲥⲓⲁ ⲙⲡⲉⲡⲣⲟⲫⲏⲧⲏⲥ ⲉⲧⲟⲩⲁⲁⲃ ⲁⲡⲁ ϣⲉⲛⲟⲩⲧⲉ ⲛⲡⲧⲟⲟⲩ ⲛⲁⲧⲣⲏⲡⲉ ϩⲙⲡⲧⲟϣⲡⲁⲛⲟⲡⲟⲗⲓⲥ ϩⲁⲡⲥⲱⲧⲉ ⲛⲧⲉϥⲯⲩⲭⲏ ϫⲉⲕⲁⲥ ⲉⲣⲉⲡⲉⲡⲣⲟⲫⲏⲧⲏⲥ ⲉⲧⲟⲩⲁⲁⲃ ⲁⲡⲁ ϣⲉⲛⲟⲩⲧⲉ ⲡⲁⲣⲁⲕⲁⲗⲉⲓ ⲙⲡⲣⲣⲟ ⲡⲭⲣⲓⲥⲧⲟⲥ ⲉϩⲣⲁⲓⲉϫⲱϥ ⲛϩⲕⲱ ⲛⲁϥ ⲉⲃⲟⲗ ⲛⲛⲉϥⲛⲟⲃⲉ ⲧⲏⲣⲟⲩ ⲛϥⲥⲙⲟⲩ ⲉⲣⲟϥ ⲙⲛⲧⲉϥⲥϩⲓⲙⲉ ⲙⲛⲛⲉϥϣⲏⲣⲉ ⲙⲛⲡⲉϥϫⲓ ⲙⲛⲡⲉϥϯ ⲙⲛⲉⲛⲕⲁ ⲛⲓⲙ ⲉⲧϣⲟⲟⲡ ⲛⲁϥ).

86. life.marina.HC_giron:56

    ⲁⲩⲱ ⲟⲛ ⲛϥϯ ⲛⲁϥ ⲛⲧϣⲃⲃⲓⲱ ⲙⲡⲉϥⲉⲣⲏⲧ ⲛϣⲉ ⲛⲕⲱⲃ ⲛⲥⲟⲡ ϩⲛⲧϩⲓⲉⲣⲟⲩⲥⲁⲗⲏⲙ ⲛⲧⲡⲉ ⲧⲡⲟⲗⲓⲥ ⲛⲛⲉϫⲓⲕⲁⲓⲟⲥ ⲧⲏⲣⲟⲩ .

87. life.marina.HC_giron:57

    ϩⲁⲙⲏⲛ . ⲉⲥⲉϣⲱⲡⲉ .

88. life.marina.HC_giron:58

    ⲁⲣⲓⲡⲉⲛⲙⲉⲉⲩⲉ ϩⲱⲱⲛ ⲛⲁⲅⲁⲡⲏ ⲛⲁⲉⲓⲟⲧⲉ ⲉⲧⲟⲩⲁⲁⲃ ϩⲙⲡⲃⲓⲉϩⲣⲁⲓ ⲛⲛⲉⲧⲉⲛϭⲓϫ .........ⲃⲉⲛⲓⲉⲗⲁⲭⲓⲥⲧⲟⲥ ⲛⲣⲉϥⲛⲟⲃⲉ ⲕⲁⲗⲁⲙⲱⲛ ⲇⲓⲁⲍ ⲥⲧⲉⲫⲁⲛⲟⲥ ⲇⲓⲁⲕ ⲛⲉϣⲏⲣⲉ ⲙⲡⲇⲓ ⲃⲁⲥⲓⲗⲉ ⲛⲉⲅⲣⲁⲙⲙⲁⲧⲉⲩⲥ ⲛⲧⲟⲩⲧⲱⲛ ⲉⲡⲓⲟⲙ ⁘ ⲁⲡⲟ ⲇⲓⲟⲕⲗⲏ ⳁ ⲭⲙ .

Coptic SCRIPTORIUM, corpus life.marina (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.