← All works

Life Hilaria

Coptic literature (Coptic SCRIPTORIUM) · 112 sections

1. life.hilaria.bnf132frg1:1

   ......ϫⲱⲥⲉ......ϫⲱ ⲙⲙⲟⲥ ϫⲉⲙⲁⲣⲉⲛⲥⲟⲡⲥ ⲙⲡϫⲟⲉⲓⲥ . ⲛϥⲕⲁⲣⲓⲍⲉ ⲙⲡⲧⲁⲗϭⲱ ⲛⲧϣⲉⲉⲣⲉ ⲙⲡⲣⲣⲟ .

2. life.hilaria.leidenfrg:1

   ⲙⲡⲉϥⲣⲁⲥⲧⲉ ⲁϥⲉⲓⲣⲉ ⲛⲟⲩϩⲟⲡ ⲉⲛⲛⲟϭ ⲧⲏⲣⲟⲩ ⲙⲡⲡⲁⲗⲗⲁϯⲟⲛ

3. life.hilaria.bnf132frg2:1

   ϩⲩⲗⲗⲁⲣⲓⲁ .

4. life.hilaria.bnf78frg:1

   .... ⲉⲃⲱⲕ ⲉⲡⲙⲁ . ⲛⲧⲟϥ ⲇⲉ ⲁϥⲱⲣⲕ ⲛⲁⲥ ⲉϫⲙⲡⲉⲩⲁⲅⲅⲉⲗⲓⲟⲛ

5. life.hilaria.rylandsfrg:1

   ..... ⲙⲉⲉⲩⲉ ⲁⲣϯ ⲇⲉ ⲛⲁⲥ ⲛⲟⲩⲣⲓ ϩⲓⲧⲟⲩⲱⲥ ⲛⲧⲉϥⲣⲓⲥⲁⲣⲏⲥ ⲛⲧⲉⲕⲕⲗⲏⲥⲓⲁ

6. life.hilaria.bnf78frg:2

   ⲡⲉϫⲁⲥ ⲛⲁϥ ϫⲉⲁⲛⲟⲕ ⲧⲉ ϩⲏⲗⲗⲁⲣⲓⲁ ⲧⲉⲕϣⲉⲉⲣⲉ

7. life.hilaria.bnf132frg1:2

   ⲕⲁⲓ ⲅⲁⲣ ⲟⲩⲉⲩⲥⲉⲃⲏⲥ ⲡⲉ ϩⲛϩⲱⲃ ⲛⲓⲙ

8. life.hilaria.rylandsfrg:2

   ⲁⲩⲱ ⲛⲉϥⲃⲏⲕ ϣⲁⲣⲟⲥ ⲛⲥⲟⲡ ⲥⲛⲁⲩ ⲙⲙⲏⲛⲉ ⲉϥϭⲓⲛⲉ ⲙⲡⲉⲥϣⲓⲛⲉ ⲛⲧⲟϥ ⲙⲛⲕⲉⲫⲓⲗⲟⲥⲟⲫⲟⲥ ϫⲉⲁⲡⲁ ⲙⲁⲣⲧⲩⲣⲟⲥ

9. life.hilaria.bnf132frg2:2

   ⲡⲉϫⲁⲩ ⲛⲁⲥ ϫⲉⲁⲣⲓⲡⲱⲧ ⲱ ⲡⲥⲟⲛ ϫⲉⲁⲡⲣⲣⲟ ⲧⲛⲛⲟⲟⲩ ⲛⲥⲱⲕ .

10. life.hilaria.leidenfrg:2

    ⲛⲧⲉⲣϥϩⲛⲧⲉϥϣⲉⲉⲣⲉ ⲇⲉ ⲉⲛⲉⲛⲧⲁⲩϣⲱⲡⲉ ⲙⲙⲟⲥ ⲡⲉϫⲁⲥ ⲛⲁϥ ϩⲉ ⲁⲩⲧⲁⲁⲧ ⲉⲧⲟⲟⲧϥ ⲛⲟⲩⲁⲥⲕⲏⲧⲏⲥ ϫⲉϩⲩⲗⲗⲁⲣⲓⲟⲛ .

11. life.hilaria.bnf132frg1:3

    ⲛⲧⲉⲣⲟⲩⲁⲣⲭⲉⲓ ⲇⲉ ⲛϣⲗⲏⲗ ⲉϫⲛⲧϣⲉⲉⲣⲉ ϣⲏⲙ ⲁⲡⲇⲉⲙⲟⲛⲓⲟⲛ ⲟⲛϣⲉϥ ⲉϩⲟⲩⲛ ⲉⲣⲟⲥ ϩⲛⲧⲉⲩⲙⲏⲧⲉ ⲁϥⲧⲁⲩⲟⲥ ⲉⲡⲉⲥⲏⲧ ϩⲱⲥⲧⲉ ⲛⲧⲉⲡⲉⲥⲧⲣⲁⲧⲉⲗⲁⲧⲏⲥ ⲙⲛⲡϩⲏⲅⲉⲙⲱⲛ ⲣϣⲡⲏⲣⲉ ϫⲉⲁⲡⲇⲉⲙⲱⲛⲓⲟⲛ .......................................................

12. life.hilaria.bnf132frg2:3

    ⲧⲙⲁⲕⲁⲣⲓⲁ ⲇⲉ ⲁⲥⲕⲁϩ ⲛϩⲏⲧ ⲉⲙⲁⲧⲉ

13. life.hilaria.rylandsfrg:3

    ⲁⲩⲱ ⲛϣⲁϫⲉ ⲉⲧⲉⲡⲡⲉⲧⲟⲩⲁⲁⲃ ⲁⲡⲁ ⲡⲁⲙⲃⲱ ⲛⲁϫⲟⲟⲩ ⲛⲁⲥ ⲉⲧⲃⲉⲧⲛⲟⲩϥⲣⲉ ⲛⲧⲉⲥⲯⲩⲭⲏ ⲛⲉϣⲁⲣⲉⲁⲡⲁ ⲙⲁⲣⲧⲩⲣⲟⲥ ⲧⲁⲩⲟⲩⲟⲟⲩ ⲉⲣⲟⲥ ⲙⲙⲛⲧⲟⲩⲉⲛⲓⲛ ⲉⲧⲃⲉⲡⲁⲓ ⲁⲧϣⲉⲉⲣⲉ ϣⲏⲙ ⲧⲥⲁⲃⲟⲗ ⲉⲧⲙⲛⲧⲣⲙⲛⲕⲏⲙⲉ .

14. life.hilaria.bnf78frg:3

    ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ⲁϥⲣϣⲡⲏⲣⲉ ⲁⲩⲱ ⲁϥⲣϩⲃⲁ ⲙⲡⲉϥⲉϣϭⲙϭⲟⲙ ⲉϣⲁϫⲉ ⲛⲟⲩⲟⲩⲛⲟⲩ .

15. life.hilaria.leidenfrg:3

    ⲡⲉⲧⲙⲙⲁⲩ ⲡⲉⲧϣⲗⲏⲗ ⲉϫⲱⲉⲓ ⲁⲡⲛⲟⲩⲧⲉ ⲭⲁⲣⲓⲍⲉ ⲛⲁⲓ ⲙⲡⲧⲁⲗϭⲟ . ⲟⲩⲛⲟϭ ⲛⲟⲩⲙⲛⲧϣⲉ ⲛϩⲏⲧϥ ⲉϩⲟⲩⲛ ⲉⲣⲟⲓ ϩⲉⲛⲥⲟⲡ ϣⲁϥⲁⲥⲡⲁⲍⲉ ⲙⲙⲟⲉⲓ ⲉⲧⲁⲧⲁⲡⲣⲱ

16. life.hilaria.rylandsfrg:4

    ⲙⲛⲛⲥⲁϣⲟⲙⲧⲉ ⲇⲉ ⲛⲣⲟⲙⲡⲉ ⲉⲥⲟⲩⲏϩ ϩⲙⲡⲙⲁⲉⲧⲙⲙⲁⲩ ⲛⲧⲁⲡϫⲟⲉⲓⲥ ϭⲱⲗⲡ ⲡⲁⲓ ⲛⲁϥ ⲉⲃⲟⲗ ϫⲉⲟⲩⲥϩⲓⲙⲉ ⲧⲉ ⲙⲡⲉϥⲉⲓⲙⲉ ϫⲉⲧϣⲉⲉⲣⲉ ⲙⲡⲣⲣⲟ

17. life.hilaria.leidenfrg:4

    ϩⲉⲛⲥⲟⲡ ⲇⲉ ⲟⲛ ϣⲁϥⲛⲕⲟⲧⲕ ⲉⲩⲡⲟⲓ ⲛⲟⲩⲱⲧ ⲛⲙⲙⲁⲓ ⲛⲧⲉⲩϣⲉ ⲧⲏⲣⲥ .

18. life.hilaria.bnf78frg:4

    ⲡⲣⲣⲟ ⲇⲉ ⲁⲓⲥⲑⲁⲛⲉ ⲛⲧⲉⲩⲛⲟⲩ .

19. life.hilaria.bnf132frg2:4

    ⲛⲉⲥⲛⲏⲩ ⲇⲉ ⲁⲩⲥⲉⲗⲥⲱⲗ ⲉⲩϫⲱ ⲙⲙⲟⲥ . ϫⲉⲃⲱⲕ

20. life.hilaria.bnf132frg1:4

    ⲱ ... ⲁⲥⲥⲟⲩⲱⲛⲥ .

21. life.hilaria.bnf78frg:5

    ⲁϥⲧⲙⲡⲉϥⲟⲩⲟⲓ ⲉϩⲟⲩⲛ ⲉⲧⲉϥϣⲉⲉⲣⲉ ⲁϥⲁⲣⲡⲁⲍⲉ ⲙⲙⲟⲥ

22. life.hilaria.rylandsfrg:5

    ⲛⲧⲉⲣⲉϥⲉⲓⲙⲉ ⲇⲉ ϫⲉⲟⲩⲥϩⲓⲙⲉ ⲧⲉ ⲁϥϣⲁϫⲉⲛⲙⲙⲁⲥ ϩⲛⲟⲩϩⲱⲡ ϫⲉⲙⲡⲣⲧⲣⲉⲗⲁⲁⲩ ⲉⲓⲙⲉ ϫⲉⲛⲧⲟⲟⲩⲥϩⲙⲉ ⲟⲩϩⲱⲃ ⲁⲛ ⲉϥⲧⲟⲟⲙⲉ ⲉⲡⲉⲛⲃⲓⲟⲥ ⲡⲉ ⲉⲧⲣⲉⲟⲩⲥϩⲓⲙⲉ ⲟⲩⲱϩ ϩⲛⲧⲉⲛⲙⲏⲧⲉ ϫⲉⲕⲁⲥ ⲛⲛⲉⲗⲁⲁⲩ ϯⲟⲥⲉ ⲛⲧⲉⲛⲁⲫⲟⲣⲙⲉ .

23. life.hilaria.leidenfrg:5

    ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ⲉⲡϩⲱⲃ ϣⲱⲡⲉ ϩⲟⲣϣ ⲛⲛⲁϩⲣⲁϥ ⲡⲉϫⲁϥ ϫⲉⲙⲡⲉⲓⲥⲱⲧⲙ ⲉⲛⲉϩ ϫⲉϣⲁⲣⲉⲙⲟⲩⲛⲁⲭⲟⲥ ⲁⲥⲡⲁⲍⲉ ⲛⲥϩⲓⲙⲉ ⲏ ϫⲉϣⲁⲩⲛⲕⲟⲧⲕ ϩⲓⲟⲩⲡⲟⲓ ⲛⲟⲩⲱⲧ ⲛⲙⲙⲁⲩ .

24. life.hilaria.bnf132frg1:5

    ⲁⲗⲗⲁ ⲙⲡⲉⲧⲕⲟⲩⲓ ⲛⲧⲟⲥ ⲥⲟⲩⲛ ⲉⲧⲉⲥⲥⲱⲛⲉ ⲙⲙⲟⲛⲁⲭⲏ . ⲉⲥⲛⲁⲥⲟⲩⲱⲛⲥ ⲛⲁϣ ⲛϩⲉ ⲉⲛϣⲟⲣⲡ ⲙⲉⲛ ⲛⲉⲥⲥⲁⲣⲝ ⲉⲧϭⲏⲛ ⲁⲩϣⲟⲟⲩⲉ ϩⲓⲧⲛⲧⲁⲥⲕⲏⲥⲓⲥ .

25. life.hilaria.bnf132frg2:5

    ⲁⲩⲱ ⲡϫⲟⲉⲓⲥ ⲛⲁⲙⲟϣⲉ ⲛⲙⲙⲁⲕ ⲛⲅⲕⲧⲟⲕ ϩⲛⲟⲩⲉⲓⲣⲏⲛⲉ .

26. life.hilaria.bnf78frg:6

    ⲁⲩⲱ ⲁϥⲣⲓⲙⲉ ⲉϫⲙⲡⲉⲥⲙⲁⲕϩ ⲁϥϯⲡⲓ ⲉⲣⲱⲥ ⲛⲧϩⲉ ⲛⲓⲱⲥⲏⲫ ⲙⲡⲉⲓⲟⲩⲟⲉⲓϣ ⲛⲧⲁϥⲡⲁϩⲧϥ ⲉϩⲣⲁⲓ ⲉϫⲙⲡⲙⲁⲕϩ ⲛⲃⲉⲛⲓⲁⲙⲓⲛ ⲁϥⲣⲓⲙⲉ ⲉϩⲣⲁⲓ ⲉϫⲱϥ

27. life.hilaria.leidenfrg:6

    ⲟⲩⲇⲉ ⲙⲉⲩⲁⲛⲉⲭⲉ ⲉϣⲁϫⲉ ⲛⲙⲙⲁⲩ ⲉⲡⲧⲏⲣϥ ⲛⲁϣ ⲛϩⲉ ⲛϯⲥⲟⲟⲩⲛ ⲁⲛ .

28. life.hilaria.rylandsfrg:6

    ⲙⲛⲛⲥⲁⲯⲓⲧⲉ ⲇⲉ ⲛⲣⲟⲙⲡⲉ ⲧϣⲉⲉⲣⲉ ⲇⲉ ϣⲏⲙ ⲛⲉⲩⲛⲁⲩ ⲉⲣⲟⲥ ϩⲛⲧⲙⲏⲏⲧⲉ ⲛⲛⲥⲛⲏⲩ ⲉⲙⲛⲙⲟⲣⲧ ⲙⲙⲟⲥ ⲉⲧⲃⲉⲡⲁⲓ ⲁⲩⲙⲟⲩⲧⲉ ⲉⲣⲟⲥ ϫⲉϩⲏⲗⲓⲣⲓⲟⲛ ⲡⲉⲥⲓⲟⲩⲣ ⲉⲡⲉⲓⲇⲏ ⲟⲩⲛϩⲁϩ ⲛⲣⲱⲙⲉ ϩⲙⲡⲉⲓⲥⲭⲏⲙⲁ ⲛⲧⲉⲓⲙⲓⲛⲉ ⲉⲧⲃⲉⲛⲉⲥⲉⲕⲓⲃⲉ ⲇⲉ ⲟⲛ ⲙⲡⲟⲩⲣⲧϩⲉ ⲛⲛⲁⲛⲉϩⲓⲟⲙⲉ ⲧⲏⲣⲟⲩ ϣⲟⲣⲡ ⲙⲉⲛ ⲁⲩϣⲟⲟⲩⲉ ϩⲓⲧⲛⲧⲁⲥⲕⲏⲥⲓⲥ

29. life.hilaria.bnf132frg1:6

    ⲁϥϣⲓⲃⲉ ⲇⲉ ⲟⲛ ⲛϭⲓⲡⲥⲁ ⲛⲡⲉⲥⲥⲱⲙⲁ ⲁⲛⲉⲥⲃⲁⲗ ϣⲱⲕϩ ⲉⲡⲉⲥⲏⲧ

30. life.hilaria.bnf132frg2:6

    ⲁⲩⲧⲛⲛⲟⲩ ⲇⲉ ⲛⲙⲙⲁⲥ ⲛⲥⲟⲛ ⲥⲛⲁⲩ ⲙⲙⲟⲛⲁⲭⲟⲥ ⲛⲛⲟϭ ⲛⲣⲱⲙⲉ .

31. life.hilaria.rylandsfrg:7

    ⲙⲛⲛⲥⲱⲥ ⲟⲛ ⲙⲡⲟⲩⲟⲩⲡⲟⲕⲓⲥⲑⲁⲓ ⲉⲡⲡⲁⲑⲟⲥ ⲛⲛⲉϩⲓⲙⲉ ⲉⲡⲉⲓⲇⲏ ⲁⲡⲛⲟⲩⲧⲉ ⲟⲓⲕⲟⲛⲟⲙⲉⲓ ⲙⲙⲟⲥ ⲛⲧⲉⲓϩⲉ .

32. life.hilaria.bnf78frg:7

    ⲛⲧⲉⲣⲟⲩⲥⲱⲧⲙ ⲇⲉ ⲛϭⲓⲧⲉⲥⲙⲁⲁⲩ ⲙⲛⲧⲉⲥⲥⲱⲛⲉ .

33. life.hilaria.leidenfrg:7

    ⲁⲩⲱ ⲛⲉⲣⲉⲡⲙⲉⲉⲩⲉ ⲉⲛⲱⲭⲗⲉⲓ ⲛⲁϥ .

34. life.hilaria.bnf132frg2:7

    ⲁⲩⲱ ⲧⲁⲓ ⲧⲉ ⲧϩⲉ ⲛⲧⲁⲩⲃⲱⲕ ⲉⲕⲟⲥⲧⲁⲛⲧⲓⲛⲟⲩⲡⲟⲗⲓⲥ ⲉⲣⲁⲧϥ ⲙⲡⲣⲣⲟ .

35. life.hilaria.bnf132frg1:7

    ⲁⲩⲱ ⲁⲡⲉⲥⲁⲩⲁⲛ ⲧⲁⲕⲟ .............. ⲛϩⲟⲟⲩⲧ .

36. life.hilaria.bnf78frg:8

    ⲁⲩϫⲓϣⲕⲁⲕ ⲉⲃⲟⲗ ⲉⲡⲉⲓⲇⲏ ϩⲉⲛⲣⲉϥϯ ϩⲃⲁⲛⲉ ⲛⲉϩⲓⲟⲙⲉ ϩⲛⲧⲉⲩⲫⲩⲥⲓⲥ .

37. life.hilaria.rylandsfrg:8

    ⲙⲛⲛⲥⲁⲯⲓⲧⲉ ⲛⲣⲟⲙⲡⲉ ⲛⲥϣⲟⲟⲡ ϩⲛϩⲉⲛⲛⲁⲥⲕⲏⲥⲓⲥ ⲛⲉ ⲁⲩⲟⲩⲱ ⲅⲁⲣ ⲉⲩⲕⲱ ⲛⲥⲱⲟⲩ ⲙⲡⲉⲥⲙⲉⲉⲩⲉ ⲛϭⲓⲛⲉⲥⲉⲓⲟⲧⲉ ⲁⲩⲇⲁⲓⲙⲱⲛ ϩⲟϣϥ ⲉϩⲟⲩⲛ ⲉⲧⲉⲥⲕⲟⲩⲓ ⲛⲥⲱⲛⲉ ϩⲛⲕⲱⲛⲥⲧⲁⲛⲧⲓⲛⲟⲩⲡⲟⲗⲓⲥ ⲁⲩϫⲓⲧⲥ ⲉⲣⲁⲧϥ ⲛⲛⲟϭ ⲛⲁⲥⲕⲏⲧⲏⲥ ⲉⲧϩⲏ ⲛⲃⲏⲥⲁⲛⲧⲓⲟⲛ ⲉⲧⲣⲉⲩϣⲗⲏⲗ ⲉϫⲱⲥ

38. life.hilaria.bnf132frg1:8

    ⲉⲣⲉⲧⲙⲁⲕⲁⲣⲓⲁ ⲇⲉ ⲛⲁⲩ ⲉⲧⲉⲥⲥⲱⲛⲉ ϩⲙⲡⲓⲛⲟϭ ⲛϩⲓⲥⲉ ⲛⲧⲉⲓϭⲟⲧ ⲁⲥⲙⲕⲁϩⲛϩⲏⲧ

39. life.hilaria.leidenfrg:8

    ⲡⲣⲣⲟ ⲇⲉ ⲁϥⲥϩⲁⲓ ⲛⲧⲙⲉϩ ⲥⲛⲧⲉ ⲛⲉⲡⲓⲥⲧⲟⲗⲏ ⲉϣⲓⲏⲧ ⲛⲧⲉⲓϩⲏ ⲛⲁⲩⲅⲟⲩⲥⲧⲟⲥ ⲛⲣⲉϥϫⲣⲟ ⲍⲏⲛⲱⲛ ⲡⲉⲧⲥϩⲁⲓ ⲉⲣⲁⲧⲟⲩ ⲛⲛⲉⲛⲉⲓⲟⲧⲉ ⲛⲉⲩⲥⲉⲃⲏⲥ ⲉⲧⲟⲩⲏϩ ϩⲛϣⲓⲏⲧ .

40. life.hilaria.bnf132frg2:8

    ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ϫⲉⲁⲩⲉⲓ ⲁϥⲣⲁϣⲉⲉⲙⲁⲧⲉ .

41. life.hilaria.bnf132frg2:9

    ⲁⲩⲱ ⲁϥϫⲟⲟⲥ ⲉⲧⲣⲉⲩⲉⲛⲧⲟⲩ ⲛⲁϥⲓϩⲟⲩⲛ

42. life.hilaria.bnf78frg:9

    ⲡⲣⲣⲟ ⲇⲉ ⲁϥⲕⲱⲗⲩ ⲙⲙⲟⲟⲩ ⲉϥϫⲟ ⲙⲙⲟⲥ ϫⲉ..... ⲟⲗⲟ..... ⲙⲙⲟⲓ ......ϫⲉ ⲙⲁ.......................... ⲙⲏⲡⲟⲧⲉ ⲛⲧⲉⲡⲛⲟⲩⲧⲉ ⲁⲁⲛ ⲛⲁⲧϣⲏⲣⲉ ⲙⲙⲟⲟⲩ ⲛⲧⲥⲛⲧⲉ .

43. life.hilaria.leidenfrg:9

    ϯⲭⲣⲉⲱⲥⲧⲉⲓ ⲛⲛⲉⲧⲛϣⲗⲏⲗ ⲁⲩⲱ ⲙⲛϭⲟⲙ ⲙⲙⲟⲓ ⲧⲉⲛⲟⲩ ⲉⲧⲙⲡⲱϩ ⲉⲡϣⲓ ⲙⲡⲉⲧⲛⲧⲁⲉⲓⲟ

44. life.hilaria.rylandsfrg:9

    ⲁⲩⲱ ⲙⲡⲉⲡⲛⲟⲩⲧⲉ ⲭⲁⲣⲓⲍⲉ ⲛⲁⲥ ⲙⲡⲧⲁⲗϭⲟ ⲉⲃⲟⲗ ϩⲓⲧⲟⲟⲧⲟⲩ .

45. life.hilaria.bnf132frg1:9

    ⲁⲩⲱ ⲁⲡⲉⲥⲥⲁⲛϩⲟⲩⲛ ϣⲧⲟⲣⲧⲣ ⲉϫⲛⲧⲉⲥⲥⲱⲛⲉ ⲁⲥⲡⲁϩⲧⲥ ⲉⲡⲉⲥⲏⲧ ⲉϫⲙⲡⲕⲁϩ ⲁⲥⲣⲓⲙⲉ ϩⲱⲥⲧⲉ ⲛⲥϩⲱⲣⲡ ⲙⲡⲕⲁϩ ϩⲛⲛⲉⲥⲣⲙⲉⲓⲟⲟⲩⲉ ⲉⲥϫⲱ ⲙⲙⲟⲥ ϫⲉⲡϫⲟⲉⲓⲥ ⲡⲉⲛⲟⲩⲧⲉ ϣⲉⲛϩⲧⲏⲕ ϩⲁⲧⲉⲓϣⲉⲉⲣⲉ ϣⲏⲙ .

46. life.hilaria.bnf78frg:10

    ⲁⲗⲗⲁ ⲙⲁⲣⲉⲛϯⲉⲟⲟⲩ ⲛⲧⲟϥ ⲙⲡⲛⲟⲩⲧⲉ ϫⲉⲁⲛϩⲉ ⲉⲣⲟⲥ ⲉⲥⲁⲛϩ .

47. life.hilaria.bnf132frg1:10

    ⲛⲉⲥⲛⲏⲩ ⲇⲉ ⲛⲧⲉⲣⲟⲩⲛⲁⲩ ⲉⲡⲥⲟⲩⲱⲗⲥ ⲛϩⲏⲧ ⲉϩⲟⲩⲛ ϫⲉⲉⲥϣⲟⲟⲡ ϩⲛⲟⲩⲙⲛⲧϣⲉ ⲛϩⲏⲧϥ ⲉϩⲟⲩⲛ ⲉⲣⲟⲥ .

48. life.hilaria.rylandsfrg:10

    ⲁⲩⲥⲏⲛⲃⲟⲩⲗⲉⲩⲉ ⲙⲡⲣⲣⲟ ⲛϭⲓⲛⲛⲟϭ ⲙⲡⲓⲡⲁⲗⲗⲁϯⲟⲛ ⲉϫⲱ ⲙⲙⲟⲥ ϫⲉⲡⲣⲣⲟ ⲱⲛϩ ϣⲁⲉⲛⲉϩ

49. life.hilaria.bnf132frg2:10

    ϩⲛ.....................ⲧⲡⲁⲣⲑⲉⲛⲟⲥ ⲇⲉ ⲉⲧϩⲟⲩⲁⲁⲃ ⲁⲙⲉⲕⲙⲟⲩⲕⲥ ⲉⲥϫⲱ ⲙⲙⲟⲥ ϫⲉϯⲟⲩⲱϣ ⲙⲉⲛ ⲉϩⲱⲡ ⲉϫⲙⲡϣⲁϫⲉ ⲁⲗⲗⲁ ϫⲉⲕⲁⲥ ⲛⲛⲉⲡⲕⲉⲥⲉⲉⲡ ⲛⲛⲉⲙⲟⲛⲁⲭⲟⲥ ϫⲓϣⲓⲡⲉ ⲛⲧⲁⲁⲫⲟⲣⲙⲏ ϩⲙⲡⲧⲣⲉⲩⲙⲉⲉⲩⲉ ⲉⲩⲧⲱⲗⲙ ⲛⲧⲉⲓⲙⲓⲛⲉ ⲉϩⲟⲩⲛ ⲉⲛⲉⲓⲡⲉⲧⲟⲩⲁⲁⲃ .

50. life.hilaria.leidenfrg:10

    ⲁⲩⲱ ⲉⲙⲉϩ ⲛⲧⲉⲧⲛⲭⲣⲱⲥⲧⲉⲓ ....... ⲉⲧ.......ⲁⲏ.......ⲛⲥ ⲉⲃⲟⲗ ϩⲓⲧⲟⲟⲧⲧⲏⲩⲧⲩ ϯⲟⲩⲱϣ ⲟⲩⲛⲉⲧⲣⲉⲧⲛϣⲱ...ⲧⲛ... ⲛⲧⲁⲁ.....ⲟⲥ ⲛⲧⲉⲧⲛⲧⲛⲛⲟⲟⲩ ϣⲁⲣⲟⲓ ⲙⲡⲉⲓⲥⲟⲛ ϫⲉϩⲓⲗⲁⲣⲓⲟⲛ....... ⲟⲩⲛⲟⲩϣⲱⲛⲉ ϣⲱⲡⲉ ϩⲙⲡⲡⲁⲗⲗⲁϯⲟⲛ

51. life.hilaria.bnf132frg1:11

    ⲛⲧⲉⲣⲉⲉⲥϩⲣⲟⲕ ⲇⲉ ⲛⲟⲩⲕⲟⲩⲓ ⲉⲃⲟⲗϩⲙⲡⲇⲉⲙⲱⲛⲓⲟⲛ ⲛϭⲓⲧϣⲉⲉⲣⲉ ϣⲏⲙ ⲁⲩⲙⲟⲩⲧⲉ ⲉⲩⲥⲟⲛ ⲛⲁⲣⲭⲁⲓⲟⲥ

52. life.hilaria.leidenfrg:11

    ⲁⲩⲱ ⲙⲛ...... ⲙⲙⲟϥ ⲉ....... ⲣⲁⲛ ⲁⲛ ϫⲉⲁ.....ⲑⲁ......

53. life.hilaria.rylandsfrg:11

    ⲉϣϫⲉ ⲥⲣⲁⲛⲁϥ ⲙⲡⲉⲕⲕⲣⲁⲧⲟⲥ ϣⲱⲡ ⲉⲣⲟⲕ ⲙⲡⲉⲛϣⲟϫⲛⲉ ⲛⲅϫⲟⲟⲩ ⲛⲧⲉⲕϣⲉⲉⲣⲉ ⲉϣⲓⲏⲧ ⲉⲣⲁⲧⲟⲩ ⲛⲁⲥⲕⲏⲧⲏⲥ ⲉⲧϩⲙⲡⲙⲁ ⲉⲧⲙⲙⲁⲩ ⲉϩⲉⲛⲛⲟϭ ⲛⲉ ϩⲛⲧⲡⲟⲗⲩⲧⲓⲁⲁⲩⲱ ⲧⲛⲡⲓⲥⲧⲉⲩⲉ ϫⲉⲡⲛⲟⲩⲧⲉ ⲛⲁⲭⲁⲣⲓⲍⲉ ⲛⲁⲓ ⲙⲡⲧⲁⲗϭⲟ ϩⲓⲧⲙⲛⲉⲩϣⲗⲏⲗ .

54. life.hilaria.bnf132frg2:11

    ⲡⲉϫⲁⲥ ⲛⲁϥ ϫⲉⲁⲛⲉⲓⲛⲉ ⲛⲁⲓ ⲛⲛⲉⲉⲩⲁⲅⲅⲉⲗⲓⲟⲛ ⲁⲩⲱ ⲁϥⲉⲓ ⲛⲉⲙⲙⲟⲟⲩ ⲛⲁⲥ .

55. life.hilaria.bnf78frg:11

    ⲁⲩⲱ ⲡⲣⲣⲟ ⲙⲡⲉϥⲟⲩⲉⲛϩⲡϩⲱⲃ ⲉⲛⲕⲉⲥⲛⲏⲩ ⲛⲧⲁⲩⲉⲓ ⲛⲙⲙⲁⲥ ⲕⲁⲧⲁⲧϩⲉ ⲛⲧⲁϥⲱⲣⲕ ⲛⲁⲥ

56. life.hilaria.bnf78frg:12

    ⲁⲩⲱ ⲁϥⲕⲁⲧⲏⲭⲉ ⲙⲙⲟⲩ ϩⲁϩⲧⲏϥ ⲛϣⲟⲙⲛⲧ ⲉⲛⲉⲃⲟⲧ ⲉⲧⲃⲉⲧⲉϥϣⲉⲉⲣⲉ ϫⲉⲕⲁⲥ ⲉϥⲛⲁϭⲱ ⲉϥⲛⲁⲩ ⲉⲡⲉⲥϩⲟ ⲙⲙⲏⲛⲉ .

57. life.hilaria.bnf132frg1:12

    ⲁⲩⲱ ⲛⲁⲥⲕⲏⲧⲏⲥ ⲡⲉϫⲁⲩ ⲛⲁϥ ϫⲉϫⲓ ⲛⲧⲉⲓϣⲉⲉⲣⲉ ϣⲏⲙ ⲉϩⲟⲩⲛ ⲉⲧⲉⲕⲣⲓ ⲛⲅϭⲱ ⲉⲕϣⲗⲏⲗ ⲉϫⲱⲥ ϣⲁⲛⲧⲉⲡⲇⲟⲉⲓⲥ ⲭⲁⲣⲓⲍⲉ ⲛⲁⲥ ⲙⲡⲧⲁⲗϭⲟ . ⲛⲧⲟϥ ⲇⲉⲡⲉϫⲁϥ ϫⲉⲙⲡⲁⲧⲧⲁⲡⲱϩ ⲉⲛⲉⲓϣⲓ ⲛⲧⲉⲓⲙⲓⲛⲉ ⲉⲧⲣⲁϫⲓⲥϩⲓⲙⲉ ⲉϩⲟⲩⲛ ⲉⲡⲁⲏⲓ .

58. life.hilaria.rylandsfrg:12

    ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ⲁϥⲣⲁϣⲉ ⲉϫⲙⲡⲉⲩϣⲟϫⲛⲉ ⲉⲡⲉⲓⲇⲏ ⲛⲉⲩⲛ ⲟⲩⲛⲟϭ ⲛⲙⲕⲁϩ ⲛϩⲏⲧ ϣⲟⲟⲡ ϩⲙⲡⲉϥⲏⲓ ⲉⲧⲃⲉⲧϣⲉⲉⲣⲉ ϣⲏⲙ .

59. life.hilaria.bnf132frg2:12

    ⲡⲉϫⲁⲥ ⲛⲁϥ ϫⲉⲱⲣⲕ ⲛⲁⲓ ϫⲉⲛϯⲛⲁⲟⲩⲉⲛϩ ⲡⲙⲩⲥⲧⲏⲣⲓⲟⲛ ⲉⲃⲟⲗ ⲁⲛ ⲟⲩⲇⲉ ⲛϯ.......

60. life.hilaria.bnf132frg1:13

    ⲡⲉⲓϩⲱⲃ ⲅⲁⲣ .............ⲛ .

61. life.hilaria.bnf78frg:13

    ⲁϥϫⲛⲟⲩⲥ ⲇⲉ ⲉⲧϩⲉ ⲛⲧⲁⲥⲉⲓ ⲉⲃⲟⲗ ⲙⲡⲉⲥⲏⲓ

62. life.hilaria.rylandsfrg:13

    ⲁϥⲥⲟⲃⲧⲉ ⲛⲛⲉⲧⲣⲛⲟϥⲣⲉ ⲛⲧⲉϥϣⲉⲉⲣⲉ ⲁϥⲧⲛⲛⲟⲟⲩ ⲛⲙⲙⲁⲥ ⲛⲥⲓⲟⲩⲣ ⲥⲛⲁⲩ

63. life.hilaria.bnf78frg:14

    ⲛⲧⲟⲥ ⲇⲉ ⲁⲥⲁⲡⲁⲅⲅⲉⲓⲗⲉ ⲉⲣⲟϥ ⲛⲧϩⲉ ⲛⲧⲁⲥⲫⲟⲣⲉⲓ ⲙⲡⲉⲥⲭⲏⲙⲁ ⲛⲥⲡⲁⲑⲁⲣⲓⲟⲥ ⲙⲛⲧϩⲉ ⲛⲧⲁⲥⲃⲱⲕ ⲉⲣⲁⲕⲟⲧⲉ ⲙⲛⲧϩⲉ ⲛⲧⲁⲥⲃⲱⲕ ⲉϣⲓⲏⲧ ⲙⲛⲡⲇⲓⲁⲕⲟⲛ .

64. life.hilaria.rylandsfrg:14

    ⲁⲩⲱ ⲡⲁⲣⲑⲉⲛⲟⲥ ⲥⲛⲧⲉ ⲙⲛϩⲉⲛⲕⲉϩⲙϩⲁⲗ ⲉⲧⲉϩⲩⲡⲉⲣⲉⲥⲓⲁ ⲁϥⲥϩⲁⲓ ⲉⲣⲁⲕⲟⲧⲉ ⲙⲡⲉⲥⲧⲣⲁⲧⲏⲗⲁⲧⲏⲥ ⲙⲛⲡϩⲉⲅⲉⲙⲱⲛ ⲉⲧⲣⲉⲩⲃⲱⲕ ⲛⲙⲙⲁⲥ ⲉϣⲓⲏⲧ .

65. life.hilaria.bnf132frg1:14

    ⲡⲉⲫⲓⲗⲟⲥⲟⲫⲟⲥ ⲇⲉ ⲁⲡⲁ ⲙⲁⲣⲧⲏⲣⲓⲟⲥ ⲡⲉϫⲁϥ ⲛⲁⲩ ϫⲉ ⲧⲁⲁⲥ ⲉⲧⲟⲟⲧϥ ⲛϩⲉⲗⲗⲁⲣⲓⲟⲥ ⲡⲉⲥⲓⲟⲩⲣ ⲛⲧⲟϥ ⲅⲁⲣⲙⲁⲩⲁⲁϥ ⲡⲉⲧⲉⲟⲩⲛϭⲟⲙ ⲙⲙⲟϥ .

66. life.hilaria.rylandsfrg:15

    ⲡⲣⲣⲟ ⲇⲉ ⲁϥⲥϩⲁⲓ ⲛⲟⲩⲉⲡⲓⲥⲧⲟⲗⲏ ⲉϣⲓⲏⲧ ⲉϥⲁⲓⲧⲉⲓ ⲙⲡⲉⲭⲁⲣⲧⲏⲥ ⲙⲛⲡⲙⲉⲗⲁ ⲉⲧⲣⲉϥⲥϩⲁⲓ ⲛⲧⲉϥϭⲓϫ ⲙⲙⲓⲛ ⲙⲙⲟϥ ϫⲉⲕⲁⲥ ⲛⲛⲉⲩⲛⲉϫⲟⲩϣⲁϫⲉ ⲉϥϫⲟⲟⲥⲉ ⲉⲧⲉⲡⲓⲥⲧⲟⲗⲏ ⲕⲁⲧⲁⲡⲉⲧⲡⲣⲉⲡⲉⲓ ⲛⲧⲙⲛⲧⲣⲣⲟ

67. life.hilaria.bnf132frg1:15

    ⲉⲧⲣⲉϥϫⲓ ⲥϩⲓⲙⲉ ⲉϩⲟⲩⲛ ⲉⲡⲉⲥⲏⲓ ⲁⲩϯ ⲧϣⲉⲉⲣⲉ ⲇⲉ ⲉⲧⲉⲥⲥⲱⲛⲉ ⲁⲩϫⲓⲧⲥ ⲉϩⲟⲩⲛ ⲉⲡⲉⲥⲏⲓ

68. life.hilaria.bnf78frg:15

    ⲙⲛⲛⲥⲱⲥ ⲁⲩⲥⲩⲛⲧⲁⲍⲉ ⲛⲁⲩ ⲁⲩⲃⲱⲕ ⲉⲡⲉⲩⲙⲁ .

69. life.hilaria.bnf78frg:16

    ⲡⲣⲣⲟ ⲇⲉ ⲁϥⲕⲁⲙⲁⲁⲃ ⲛϣⲉ ⲛⲥⲟⲩⲟ ⲉⲃⲟⲗϩⲛ ϣⲓⲏⲧ ⲉⲧⲃⲉⲧⲉⲭⲣⲉⲓⲁ ⲛⲧⲉⲡⲣⲟⲥⲫⲟⲣⲁ ⲙⲛⲧⲉϥϣⲉⲉⲣⲉ ⲙⲛⲥⲟⲟⲩ ⲛϣⲉ ⲛⲝⲉⲥⲧⲏⲥ ⲛⲛⲉϩ

70. life.hilaria.rylandsfrg:16

    ⲡⲉⲓⲁⲧⲙⲡϣⲁ ⲛⲣⲣⲟ ⲍⲩⲛⲱⲛ ⲡⲉⲛⲧⲁⲡⲛⲟⲩⲧⲉ ϯ ⲛⲁϥ ⲙⲡⲉⲓⲧⲁⲉⲓⲟ ⲡⲁⲣⲁⲡⲉϥⲙⲡϣⲁ ⲉϥⲥϩⲁⲓ ⲉⲣⲁⲧⲟⲩ ⲛⲛⲉⲧⲟⲩⲁⲁⲃ ⲛϣⲟⲩⲙⲉⲣⲓⲧⲟⲩ ⲛⲉⲧϣⲗⲏⲗ ⲉϫⲱⲛ ϩⲙⲡϫⲟⲉⲓⲥ ⲭⲁⲓⲣⲉⲧⲉ .

71. life.hilaria.bnf132frg1:16

    ⲉⲥϣⲁⲛⲧⲱⲟⲩⲛ ⲇⲉ ⲉϣⲗⲏⲗ ϣⲁⲥⲧⲣⲉⲥⲧⲱⲟⲩⲛ ⲛⲙⲙⲁⲥ ⲉⲥϣⲁⲛϭⲱϣⲧ ⲉϩⲟⲩⲛ ⲉϩⲣⲁⲥ ⲛⲧⲉⲥⲥⲱⲛⲉ ϣⲁⲥϣⲧⲟⲣⲧⲣ ϩⲙⲡⲉⲥⲥⲁⲛϩⲟⲩⲛ ⲛⲥⲃⲱⲗ ⲉⲃⲟⲗ

72. life.hilaria.bnf78frg:17

    ⲁⲩⲱ ⲥⲉⲙⲏⲛ ⲉⲃⲟⲗϩⲛ ⲧⲉⲕⲕⲗⲏⲥⲓⲁ ⲉϣⲓⲏⲧ ϣⲁϩⲟⲩⲛ ⲉⲡϩⲟⲟⲩ ⲛϩⲟⲟⲩ .

73. life.hilaria.bnf132frg1:17

    ⲁⲩⲱ ⲛⲉϣⲁⲥⲡⲁϩⲧⲥ ⲉϫⲙⲡⲕⲁϩⲁⲥⲣⲓⲙⲉ ....... ⲣ...... ⲛⲛⲉⲛⲉϣ ⲁⲥϩⲱⲛ ⲉϩⲟⲩⲛ ⲉⲧⲉⲥⲥⲱⲛⲉ ⲛⲥϯⲡⲉⲓⲉⲣⲱⲥ ϩⲁϩ

74. life.hilaria.rylandsfrg:17

    ϩⲁⲧϩⲉ ⲙⲉⲛ ⲙⲡϣⲁϫⲉ ϯⲡⲣⲟⲥⲕⲩⲛⲉⲓ ⲙⲡⲉⲧⲛⲥⲱⲟⲩϩ ⲉϩⲟⲩ ⲉⲧϩⲙⲡⲉⲭⲣⲓⲥⲧⲟⲥ

75. life.hilaria.bnf132frg1:18

    ⲛⲥⲟⲡ ⲇⲉ ⲟⲛ ⲛⲉϣⲁⲥⲉⲛⲕⲟⲧⲕ ϩⲓⲟⲩ ⲡⲁⲓ ⲛⲟⲩⲱⲧ ⲛⲙⲙⲁⲥ ⲛⲧⲉⲩϣⲏ ⲧⲏⲣⲥ

76. life.hilaria.bnf78frg:18

    ⲛⲧⲉⲣⲉⲥⲉⲓ ⲇⲉ ⲉϣⲓⲏⲧ ⲁⲥⲱⲛϩ ⲛⲕⲉⲙⲛⲧ‐ⲥⲛⲟⲟⲩⲥ ⲛⲣⲟⲙⲡⲉ .

77. life.hilaria.rylandsfrg:18

    ⲁⲩⲱ ⲉϣϫⲉ ⲧⲉⲧⲛⲁⲁⲁⲧ ⲛⲙⲡϣⲁ ϯⲁⲥⲡⲁⲍⲉ ⲙⲡϣⲟⲉⲓϣ ⲛⲛⲟⲩⲣⲏⲧⲉ ⲛⲧⲉⲧⲛⲙⲛⲧⲡⲉⲧⲟⲩⲁⲁⲃ .

78. life.hilaria.bnf132frg1:19

    ⲙⲛⲛⲥⲁⲥⲁϣϥ ⲇⲉ ⲛϩⲟⲟⲩ ⲁⲡⲛⲟⲩⲧⲉ ⲭⲁⲣⲓⲍⲉ ⲙⲡⲧⲁⲗϭⲟ ⲛⲧϣⲉⲉⲣⲉ ⲙⲡⲣⲣⲟ ⲁⲥⲉⲛⲧⲥ ⲉⲣⲁⲧϥ ⲛⲁⲡⲁ ⲡⲁⲙⲃⲱ ⲛⲉ ⲁⲥϯⲙⲉⲧⲁⲛⲟⲓⲁ ϫⲉⲕⲱ ⲛⲁⲓ ⲉⲃⲟⲗ .

79. life.hilaria.bnf78frg:19

    ⲙⲡϩⲁⲉ ⲇⲉ ⲁⲥϩⲉ ⲉϩⲣⲁⲓ ⲉⲩⲛⲟϭ ⲛϣⲱⲛⲉ .

80. life.hilaria.rylandsfrg:19

    ϯⲧⲁⲙⲟ ⲇⲉ ⲙⲙⲱⲧⲛ ⲉⲛⲉ ⲛⲧⲁⲡⲛⲟⲩⲧⲉ ⲁⲁⲩ ⲛⲁⲓ ⲉⲧⲃⲉⲛⲁⲛⲟⲃⲉ ⲉⲧⲟϣⲟⲩ ⲛⲧⲁⲓϣⲉ ⲉⲣⲉⲥⲛⲧⲉ ⲉⲙⲛⲧⲁⲓ ⲕⲉⲗⲁⲁⲩ ⲛⲥⲟⲗⲥⲗ ⲛⲥⲁⲃⲗⲗⲁⲩ .

81. life.hilaria.bnf78frg:20

    ⲁⲥϩⲩⲛⲟⲙⲓⲛⲉ ⲉⲣⲟϥ ϩⲛⲟⲩⲙⲛⲧϫⲱⲱⲣⲉ ⲁⲥⲙⲟⲩⲧⲉ ⲇⲉ ⲉⲡⲡⲉⲧⲟⲩⲁⲁⲃ ⲁⲡⲁ ⲡⲁⲙⲃⲱ ⲁⲥⲧⲁⲣⲕⲟϥ ⲉⲥϫⲱ ⲙⲙⲟⲥ ϫⲉⲉⲓϣⲁⲛϫⲱⲕ ⲉⲃⲟⲗ ⲉⲡⲉⲓⲇⲏ ⲛⲧⲟⲕ ⲉⲧⲥⲟⲟⲩⲛ ⲙⲡϫⲱⲕ ⲧⲏⲣϥ ⲙⲡⲁⲃⲓⲟⲥ ⲙⲡⲣⲧⲣⲉⲩⲕⲁⲁⲧ ⲕⲁϩⲏⲩ ⲛⲧⲁⲗⲉⲃⲓⲧⲱⲛ ⲁⲗⲗⲁ ⲙⲁⲣⲟⲩⲕⲟⲟⲥⲧⲛⲙⲙⲁⲥ .

82. life.hilaria.rylandsfrg:20

    ⲧϣⲟⲣⲡ ⲙⲉⲛ ⲁⲥⲉⲓ ⲉⲃⲟⲗϩⲓⲧⲟⲟⲧ ⲁⲥⲃⲱⲕ ⲕⲁⲛ ⲉϣϫⲉ ⲛⲧⲁⲥⲙⲟⲩ ϩⲛⲧϩⲁⲗⲁⲥⲥⲁ ⲕⲁⲛ

83. life.hilaria.bnf132frg1:20

    ⲡⲉⲥⲧⲣⲁⲧⲉⲗⲁⲧⲏⲥ ⲇⲉ ⲙⲛⲡϩⲏⲅⲏⲙⲱⲛ ⲁⲩⲥⲩⲛⲁⲅⲉ ϩⲁϩⲧⲏⲩ ⲛⲧⲕⲩⲣⲓⲁⲕⲏ .

84. life.hilaria.bnf132frg1:21

    ⲁⲩⲕⲧⲟⲟⲩ ⲉⲧⲉⲩⲡⲟⲗⲓⲥ ϩⲛⲟⲩⲉⲓⲣⲏⲛⲏ ⲛⲉⲥⲛⲏⲩ ⲇⲉ ⲛϣⲓⲏⲧ ⲁⲩⲥϩⲁⲓ ⲛⲟⲩⲉⲡⲓⲥⲧⲟⲗⲏ ⲁⲩⲧⲁⲁⲥ ⲛⲧϣⲉⲉⲣⲉ ϣⲏⲙ ϩⲁⲡⲉⲥⲉⲓⲱⲧ . ⲉⲥⲏϩ ϩⲙⲡⲉⲓⲧⲩⲡⲟⲥ .

85. life.hilaria.bnf78frg:21

    ⲛⲧⲉⲣⲉⲥϯ ⲇⲉ ⲙⲡⲉⲡⲛⲉⲩⲙⲁ

86. life.hilaria.rylandsfrg:21

    ⲉϣϫⲉ ⲛⲧⲁⲛⲉⲑⲏⲣⲓⲟⲛ ϥⲓⲧⲥ ⲡⲗⲏⲛ ⲛⲧϩⲉ ⲛⲧⲁⲥⲙⲟⲩ ⲡⲛⲟⲩⲧⲉ ⲡⲉⲧⲥⲟⲟⲩⲛ ⲁⲩⲛⲟϭ ⲛϩⲏⲃⲉ ⲧⲁϩⲟⲓ ϩⲁⲣⲟⲥ ϫⲉⲙⲡⲓϩⲉ ⲉⲡⲉⲥⲥⲱⲙⲁ ⲉⲧⲱⲙⲥ ⲙⲙⲟⲥ .

87. life.hilaria.bnf132frg1:22

    ⲛⲉⲓⲉⲗⲁⲭⲓⲥⲧⲟⲥ ⲉⲧϩⲙⲡⲧⲟⲟⲩ ⲙⲡϩⲟⲥⲉⲙ ⲉⲩⲥϩⲁⲓ ⲉⲣⲁⲧϥ ⲙⲡⲣⲉϥϫⲣⲟ ⲛⲁⲩⲅⲟⲩⲥⲧⲟⲥ

88. life.hilaria.bnf78frg:22

    ⲁϥⲁϩⲉⲣⲁⲧϥ ϩⲓϫⲙⲡⲉⲥⲥⲱⲙⲁ ⲁϥⲧⲣⲉⲩⲕⲟⲟⲥⲥ ϩⲁⲧⲗⲉⲃⲓⲧⲱⲛ ⲕⲁⲧⲁⲧϩⲉ ⲛⲧⲁⲥϫⲟⲟⲥ ⲛⲧⲉⲣⲟⲩⲧⲟⲙⲥⲥ ⲇⲉ ⲁϥϩⲙⲟⲟⲥ ⲁϥϣⲁϫⲉ ⲉⲣⲟⲟⲩ ϩⲙⲡϣⲁϫⲉ ⲙⲡⲛⲟⲩⲧⲉ

89. life.hilaria.rylandsfrg:22

    ⲗⲟⲓⲡⲟⲛ ⲁⲕⲉϩⲏⲃⲉ ⲧⲁϩⲟⲓ ⲉϥϩⲟⲣϣ ⲛϩⲟⲟⲩ ⲉⲡϣⲟⲣⲡ ⲧⲕⲉⲟⲩⲉⲓ ⲛⲧⲁⲓⲧⲁϫⲣⲟⲓ ⲉϫⲱⲥ ⲁⲩⲇⲁⲓⲙⲱⲛ ϩⲟϣϥ ⲉϩⲟⲩⲛ ⲉⲣⲟⲥ ⲧⲛϩⲁⲣⲉϩ ⲉⲣⲟⲥ ⲙⲡⲉϩⲟⲟⲩ ⲙⲛⲧⲉⲩϣⲏ

90. life.hilaria.bnf78frg:23

    ⲁⲩⲱ ⲛⲉϥϫⲱ ⲙⲙⲟⲥ ⲛⲁⲩ ϫⲉⲁⲗⲏⲑⲱⲥ ⲁⲩⲥⲕⲉⲟⲥ ⲛϭⲱⲃ ϯϣⲓⲡⲉ ⲛⲧⲉⲓⲁϣⲏ ⲙⲙⲟⲛⲁⲭⲟⲥ ⲉⲧϩⲛϣⲓⲏⲧ .

91. life.hilaria.rylandsfrg:23

    ⲁⲩⲥⲩⲙⲃⲟⲩⲗⲉⲩⲉ ⲇⲉ ⲛⲁⲓ ⲉⲧⲣⲁⲧⲛⲛⲟⲩⲥ ⲉⲣⲁⲧϥ ⲛⲧⲉⲧⲛ ⲙⲛⲡⲉⲧⲟⲩⲁⲁⲃ ⲧⲉⲛⲟⲩ ⲇⲉ ⲛϫⲱⲕ ⲛⲧⲁⲓ ⲉⲡⲓⲥⲧⲟⲗⲏ ⲡⲉ ⲡⲁⲓ ϩⲛⲟⲩⲙⲉ ⲡⲛⲟⲩⲧⲉ ⲛⲁⲥⲧⲟ ⲧⲏⲩⲧⲛ ⲉⲃⲟⲗ ⲁⲛ ⲙⲡⲉⲧⲉⲛⲁⲓⲧⲏⲙⲁ .

92. life.hilaria.bnf132frg1:23

    ⲁⲩⲱ ⲡⲁⲡⲓⲁⲙⲁϩⲧⲉ ⲉⲧⲧⲁⲓⲏⲩ ⲍⲏⲛⲱⲛ .

93. life.hilaria.bnf132frg1:24

    ϩⲁⲧϩⲏ ⲙⲉⲛ ⲙⲡϣⲁϫⲉ ⲧⲉⲛⲟⲩⲱϣⲧ ⲙⲡⲉⲕⲕⲣⲁⲇⲟⲥ ⲉⲧⲧⲁⲉⲓⲏⲩ ⲡⲛⲟⲩⲧⲉ ⲉϥⲉϫⲓⲥⲉ ⲙⲡⲉⲕⲕⲣⲁⲧⲟⲥ

94. life.hilaria.rylandsfrg:24

    ⲛⲧⲉⲣⲉⲥⲉⲓ ⲉϩⲟⲩⲛ ⲉⲣⲁⲕⲟⲧⲉ ⲁⲡⲥⲧⲣⲁⲧⲩⲗⲁⲧⲏⲥ ⲙⲛⲡϩⲏⲅⲉⲙⲟⲛ ⲃⲱⲕ ⲛⲙⲙⲁⲥ ⲉϣⲓⲏⲧ

95. life.hilaria.bnf78frg:24

    ⲛⲧⲁⲛⲓⲙ ϫⲡⲟ ⲛⲁϥ ⲛⲧⲉⲓϩⲩⲡⲟⲙⲟⲛⲏ ϩⲱⲥⲧⲉ ⲉⲧⲣⲉⲥϭⲱ ⲉⲥϩⲛⲧⲙⲏⲧⲉ ⲛⲛϩⲟⲟⲩⲧ ⲉⲥⲁⲅⲱⲛⲓⲍⲉ .

96. life.hilaria.rylandsfrg:25

    ⲁⲩⲱ ⲉⲧⲉⲣⲟⲩⲃⲱⲕ ϣⲁⲡⲡⲉⲧⲟⲩⲁⲁⲃ ⲁⲡⲁ ⲡⲁⲙⲃⲱ ⲁⲩϯ ⲛⲁϥ ⲛⲧⲉⲡⲓⲥⲧⲟⲗⲏ ⲙⲡⲣⲣⲟ

97. life.hilaria.bnf78frg:25

    ⲛⲧⲁⲛⲓⲙ ϫⲡⲟ ⲛⲁϥ ⲛⲧⲉⲓϩⲩⲡⲟⲙⲓⲛⲉ ⲉⲁϥϣⲱⲱⲧ ⲉⲃⲟⲗ ⲙⲙⲟϥ ⲛⲧⲙⲟⲧⲛⲉⲥ ⲛⲧⲥⲁⲣⲝ ⲛⲧⲉⲓϩⲉ

98. life.hilaria.bnf132frg1:25

    ⲁⲩⲱ ⲛϥϩⲁⲣⲉϩ ⲉⲧⲉⲕⲙⲉⲧⲉⲣⲟ ⲛⲧϩⲉ ⲛⲇⲁⲉⲓⲇ ⲙⲛⲥⲟⲗⲟⲙⲱⲛ ⲙⲛⲉⲍⲉⲕⲓⲁⲥ ⲙⲛⲓⲱⲥⲓⲁⲥ

99. life.hilaria.bnf132frg1:26

    ⲁⲩⲱ ⲉϥⲉⲇⲓⲏⲕⲉⲓ ⲛⲧⲉⲕⲙⲉⲧⲉⲣⲟ ⲁϫⲛⲗⲁⲁⲩ ⲧⲣ...... ⲉⲓⲥ ..... ϥⲓⲣⲟⲩⲟϣ ϩⲁⲣⲟⲛ ⲁⲩⲱ ϩⲁⲧⲉⲕⲕⲗⲏⲥⲓⲁ ⲧⲏⲣⲥ

100. life.hilaria.bnf78frg:26

     ⲛⲉⲥⲛⲏⲩ ⲇⲉ ⲛⲧⲉⲣⲟⲩⲥⲱⲧⲙ ⲉⲡⲉⲥⲃⲓⲟⲥ ⲁⲩⲣϣⲡⲏⲣⲉ ⲁⲩϯⲉⲟⲟⲩ ⲙⲡⲛⲟⲩⲧⲉ

Next → — showing 1–100 of 112

Coptic SCRIPTORIUM, corpus life.hilaria (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.