Canons of John the Almsgiver
- johannes.canons.FA205-214:39
ⲧⲉⲥⲙⲁⲙⲁⲁⲧ ⲛⲧⲟ · ⲁⲩⲱ ϥⲥⲙⲁⲙⲁⲁⲧ ⲛϭⲓⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ · ϫⲉⲁϥϫⲟ ⲙⲙⲟ ⲛⲁϥ ϩⲙⲡϩⲏⲧ ⲛⲛⲥⲁⲃⲉⲉⲩⲉ · ⲉⲧⲣⲉⲩⲕⲗⲏⲣⲟⲛⲟⲙⲉⲓ ⲙⲡⲱⲛϩ · ⲛϣⲁ ⲉⲛⲉϩ · ϩⲛⲧⲁⲉⲓⲟ ⲛⲓⲙ ⲙⲛⲉⲟⲟⲩ ⲛⲓⲙ ϩⲛⲟⲩⲛⲟϭ ⲙⲡⲁⲣⲣⲏⲥⲓⲁ ϩⲛⲙⲡⲏⲩⲉ ·
- johannes.canons.FA233-240:39
ⲡⲁⲓ ⲁⲩⲱ ⲧⲉⲓⲕⲉⲧ ϫⲉⲕⲁⲥ ⲉⲩⲉϫⲱⲕ ⲉⲃⲟⲗ ⲛϩⲉⲛⲡⲟⲣⲛⲉⲓⲁ ⲛⲙⲙⲁⲥ · ⲉⲣⲉⲛⲁⲓ ϭⲉ ⲛⲧⲉⲓⲙⲓⲛⲉ ⲛⲁⲣⲟⲩⲱϭⲉ ⲡⲉ ⲡϩⲓⲥⲉ ⲛⲛⲁⲓ ⲛⲧⲉⲓⲙⲓⲛⲉ ⲉⲧⲣⲁⲛⲁϥ ⲙⲡⲛⲟⲩⲧⲉ · ⲛⲉ
- johannes.canons.FA37-42:39
ⲱ ⲡⲛⲟⲩⲧⲉ ⲙⲙⲉ ⲙⲁⲩⲁⲁϥ ·
- johannes.canons.FA65-80:39
ⲙⲡⲟⲩϭⲱϣⲧ ⲉⲣⲟϥ ⲉⲁⲁϥ ϣⲁⲛⲧⲟⲩⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ
- johannes.canons.FA241-252:39
ⲡⲁⲓ ⲛⲧⲁϥⲧⲁⲗⲟϥ ⲉϩⲣⲁⲓ ⲛⲟⲩⲑⲩⲥⲓⲁ ⲉⲥⲟⲩⲁⲁⲃ ⲙⲡⲉϥⲉⲓⲱⲧ ϩⲁⲟⲩⲁⲁⲛ ⲏ ⲥⲛⲁⲩ · ⲟⲩⲧⲉ ϩⲁⲟⲩϩⲉⲑⲛⲟⲥ ⲁⲛ ⲛⲟⲩⲱⲧ · ⲁⲗⲗⲁ ϩⲁⲡⲕⲟⲥⲙⲟⲥ ⲧⲏⲣϥ · ⲛⲛⲉⲧⲟⲩⲱϣ ⲉⲟⲩϫⲁⲓ · ⲡⲁⲓ ⲛⲧⲁϥϯ ⲛⲁⲛ ⲛⲧⲡⲁⲣⲣⲏⲥⲓⲁ ⲁⲩⲱ ⲉⲁϥϯ ⲧϩⲉ ⲛⲁⲛ ⲉⲧⲣⲉⲛⲱϣ ⲉϩⲣⲁⲓ ⲉⲣⲟϥ ⲛⲛⲁⲩ ⲛⲓⲙ ·
- johannes.canons.FA143-158:39
ⲁⲗⲗⲁ ⲛⲣⲱⲙⲉ ⲛⲧⲁⲩⲡⲱⲱⲛⲉ ⲁⲩϫⲓ ⲛⲁⲩ ⲛⲟⲩϩⲏⲧ ⲛⲑⲏⲣⲓⲟⲛ ⲛⲧⲉⲩⲫⲩⲥⲓⲥ ⲁⲛ ⲧⲉ ·
- johannes.canons.FA225-232:40
ⲙⲡⲣⲧⲣⲉⲛⲟⲃϣⲛ · ⲟⲩⲧⲉ ⲙⲡⲣⲧⲣⲉⲛⲁⲙⲉⲗⲉⲓ · ⲛⲥⲉⲛⲁϯ ⲕⲉϩⲟⲟⲩ ⲅⲁⲣ ⲛⲁⲛ ⲁⲛ ·
- johannes.canons.FA215-224:40
ϩⲉⲛⲕⲣⲟϥ ⲛⲉ ⲛϣⲁϫⲉ ⲛⲧⲉⲩⲧⲁⲡⲣⲟ ⲉⲩϣⲁϫⲉ ⲙⲛⲛⲉⲧϩⲓⲧⲟⲩⲱⲟⲩ ⲛϩⲉⲛϣⲁϫⲉ ⲛⲉⲓⲣⲏⲛⲓⲕⲟⲛ ⲉⲣⲉⲧⲙⲛⲧϫⲁϫⲉ ⲇⲉ ⲁⲩⲱ ⲡⲙⲟⲥⲧⲉ ϩⲛⲛⲉⲩϩⲏⲧ ⲙⲏ ⲉϩⲣⲁⲓ ⲉϫⲛⲛⲁⲓ ·
- johannes.canons.FA233-240:40
ⲁⲙⲉⲓⲛⲟⲛ ⲉⲛⲉⲛⲧⲁⲩϣⲓⲛⲉ ⲛⲥⲁⲡⲉⲩⲉⲟⲟⲩ ⲙⲁⲩⲁⲁⲩ ⲛϭⲓⲧⲉⲓⲙⲓⲛⲉ ⲛⲥⲉϣⲟⲩϣⲟⲩ ⲙⲙⲟⲟⲩ ⲛϩⲏⲧϥ ⲛϭⲓⲡⲉⲧⲕⲁⲧⲁⲗⲁⲗⲉⲓ ⲁⲩⲱ ⲡⲉⲧⲥⲱⲧⲙ ·
- johannes.canons.FA241-252:40
ⲥⲟⲩⲛⲧⲉϥϣⲁϫⲉ ⲛⲙⲙⲁⲕ ⲱ ⲡⲣⲱⲙⲉ · ⲁⲩⲱ ⲧⲉϥⲙⲛⲧⲙⲁⲓⲣⲱⲙⲉ ⲉϩⲟⲩⲛ ⲉⲟⲩⲟⲛ ⲛⲓⲙ ϩⲓⲟⲩⲥⲟⲡ · ⲛⲧϩⲉ ⲛⲧⲁϥⲧⲥⲁⲃⲟⲛ ⲉⲱϣ ⲉϩⲣⲁⲓ ⲉⲣⲟϥ ⲙⲛⲡⲉϥⲉⲓⲱⲧ ϩⲙⲡⲧⲣⲉϥⲧⲥⲁⲃⲟⲛ ⲉϣⲗⲏⲗ ϫⲉⲡⲉⲛⲉⲓⲱⲧ ⲉⲧϩⲛⲙⲡⲏⲩⲉ ·
- johannes.canons.FA65-80:40
ⲉϣϫⲉⲛⲧⲉⲧⲛⲥⲟⲟⲩⲛ ⲁⲛ ⲛⲧⲉⲧⲛⲙⲉⲣⲓⲥ · ⲱ ⲛⲉⲧⲛⲁⲙⲟⲩ ϩⲛⲛⲉⲩⲛⲟⲃⲉ ⲙⲁⲗⲓⲥⲧⲁ ϩⲛⲛⲧⲟⲡⲟⲥ ⲙⲡⲉⲭⲣⲓⲥⲧⲟⲥ ⲧⲛⲛⲁⲧⲁⲙⲱⲧⲛ ⲉⲣⲟⲥ ⲕⲁⲧⲁⲛϣⲁϫⲉ ⲧⲏⲣⲟⲩ ⲛⲛⲉⲅⲣⲁⲫⲏ ·
- johannes.canons.FA205-214:40
ⲁⲩⲱ ⲉϣϫⲉ ⲉⲧⲃⲏⲏⲧⲉ ϩⲱⲱⲧⲉ ⲱ ⲧⲙⲛⲧⲙⲁⲥⲧⲣⲱⲙⲉ · ⲉⲣⲉⲡⲉⲓⲙⲏⲏϣⲉ ⲧⲏⲣϥ ⲁⲩⲱ ⲛⲉⲓⲗⲁⲟⲥ ⲉⲧⲟϣ · ϫⲓⲛⲙⲡⲁⲓⲱⲛ ϣⲁϩⲣⲁⲓ ⲉⲧⲉⲛⲟⲩ ⲁⲩⲱ ϣⲁϩⲣⲁⲓ ⲉⲧⲥⲩⲛⲧⲉⲗⲉⲓⲁ ⲙⲡⲁⲓⲱⲛ · ⲛⲛⲁϫⲓⲥⲱϣ
- johannes.canons.FA37-42:40
ⲁⲩⲱ ⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ ⲙⲙⲛⲧⲁⲛϣⲁϫⲉ ⲙⲙⲁⲩ ⲉϫⲱ ⲙⲡⲉⲕⲙⲧⲟ ⲉⲃⲟⲗ ⲉⲕϣⲁⲛⲕⲣⲓⲛⲉ ⲉϥⲓⲱⲡ ⲛⲙⲙⲁⲛ ·
- johannes.canons.FA143-158:40
ⲱ ⲧⲙ ⲟⲛ ⲉⲧⲉⲅⲣⲁⲫⲏ ⲥⲛⲁⲧⲁⲙⲟⲛ ϫⲉⲟⲩⲛϩⲁϩ ⲛⲣⲱⲙⲉ ⲉⲩϫⲓ ⲉⲓⲛⲉ ϩⲓⲃⲟⲗ ϩⲱⲥ ⲣⲱⲙⲉ ⲉϩⲉⲛⲑⲏⲣⲓⲟⲛ ⲙⲡⲉⲩϩⲟⲩⲛ ⲛⲉ ·
- johannes.canons.FA215-224:41
ϯⲛⲁϭⲙⲡϣⲓⲛⲉ ⲁⲛ ⲡⲉϫⲉⲡϫⲟⲉⲓⲥ · ⲏ ⲉϫⲛⲟⲩⲗⲁⲟⲥ ⲛⲧⲉⲓⲙⲓⲛⲉ ⲧⲁⲯⲩⲭⲏ ⲛⲁⲉⲓⲣⲉ ⲁⲛ ⲛⲟⲩⲕⲃⲁ ·
- johannes.canons.FA225-232:41
ⲉⲣϣⲁⲛⲛⲉϩⲟⲟⲩ ⲙⲡⲟⲩⲁ ⲡⲟⲩⲁ ϫⲱⲕ ⲉⲃⲟⲗ ⲉⲛϣⲁⲛϣⲁϫⲉ ⲧⲛⲛⲁϫⲉϩⲁϩ · ⲉⲧⲃⲉⲧⲙⲛⲧⲉⲃⲓⲏⲛ ⲛⲛⲉⲧⲛⲁⲁⲙⲉⲗⲉⲓ ·
- johannes.canons.FA37-42:41
ⲕⲁⲧⲁⲡⲉⲙⲡϣⲁ ⲛⲛⲉⲛⲡⲉⲑⲟⲟⲩ ⲁⲗⲗⲁ ⲉⲕⲛⲁⲕⲱ ⲉⲃⲟⲗ ⲉⲧⲃⲉⲡⲉⲕⲣⲁⲛ ⲙⲁⲩⲁⲁϥ ϫⲉϥⲟⲩⲁⲁⲃ ·
- johannes.canons.FA65-80:41
ⲧⲉⲧⲛⲙⲉⲣⲓⲥ ⲧⲉ ⲧⲙⲉⲣⲓⲥ ⲛⲕⲁⲉⲓⲛ ⲡⲁⲓ ⲛⲧⲁϥⲣϣⲟⲣⲡ ⲛϫⲓ ⲙⲡⲥⲁϩⲟⲩ ⲉⲃⲟⲗ ϩⲓⲧⲛⲧⲧⲁⲡⲣⲟ ⲙⲡⲛⲟⲩⲧⲉ ϩⲓϫⲙⲡⲕⲁϩ ⲉⲃⲟⲗ ϫⲉⲙⲡϥⲥⲱⲧⲙ ⲛⲥⲁⲧⲉⲥⲃⲱ ⲛⲛⲉϥⲉⲓⲟⲧⲉ ·
- johannes.canons.FA233-240:41
ⲛϩⲟⲩⲟ ⲉⲧⲣⲉⲩϣⲓⲛⲉ ⲛⲥⲁⲡⲉⲧϭⲁⲉⲓⲟ ⲛⲛⲉⲧϩⲓⲧⲟⲩⲱⲟⲩ ⲁⲩⲱ ⲡⲥⲱϣ ⲛⲛⲉⲩϣⲃⲣⲗⲓⲧⲟⲩⲣⲅⲟⲥ ⲛⲧⲉⲡⲛⲟⲩⲧⲉ · ⲉⲡⲉⲓⲛⲟⲩⲧⲉ ⲛⲟⲩⲱⲧ ⲡⲉⲧⲟⲩⲟⲩⲱϣⲧ ⲛⲁϥ ⲁⲩⲱ ⲉⲡⲉⲓϫⲟⲉⲓⲥ ⲛⲟⲩⲱⲧ ⲡⲉⲧⲟⲩϣⲙϣⲉ ⲛⲁϥ
- johannes.canons.FA241-252:41
ⲙⲡϥϫⲟⲟⲥ ⲛⲁⲕ ϫⲉϫⲟⲟⲥ ϫⲉⲡⲁⲉⲓⲱⲧ ⲙⲁⲩⲁⲁⲧ · ⲁⲗⲗⲁ ⲡⲉⲛⲉⲓⲱⲧ ⲉⲧϩⲛⲙⲡⲏⲩⲉ ⲡⲉⲕⲣⲁⲛ ⲙⲁⲣⲉϥⲟⲩⲟⲡ ·
- johannes.canons.FA143-158:41
ⲛⲧϩⲉ ⲙⲡⲇⲓⲁⲃⲟⲗⲟⲥ ⲉϣⲁϥϫⲓ ⲉⲓⲛⲉ ϩⲱⲥ ⲁⲅⲅⲉⲗⲟⲥ ⲛⲧⲉⲡⲟⲩⲟⲉⲓⲛ ⲉⲟⲩⲕⲁⲕⲉ ⲡⲉ ·
- johannes.canons.FA205-214:41
ⲉϥϣⲁⲛⲉⲓ ⲛϭⲓⲡⲣⲣⲟ ϩⲙⲡⲉϥⲉⲟⲟⲩ ⲉⲕⲣⲓⲛⲉ ⲛⲧⲙⲏⲧⲉ ⲛⲛⲁⲓ · ⲙⲛⲛⲉⲓⲕⲟⲟⲩⲉ · ⲛⲧⲙⲏⲧⲉ ⲛⲛⲉⲧϩⲓⲟⲩⲛⲁⲙ ⲉⲧⲃⲉⲧⲁⲅⲁⲡⲏ ⲙⲛⲡⲛⲁ · ⲁⲩⲱ ⲡϫⲱⲕ ⲛⲧⲙⲛⲧⲙⲁⲓⲣⲱⲙⲉ · ⲁⲩⲱ ϩⲛⲧⲙⲏⲧⲉ ⲛⲛⲉⲧϩⲓϩⲃⲟⲩⲣ ⲉⲧⲃⲉⲡⲕⲱϩ ⲙⲛⲡⲙⲟⲥⲧⲉ ⲁⲩⲱ ⲧⲙⲛⲧⲁⲧⲛⲁ ·
- johannes.canons.FA215-224:42
ϫⲉⲕⲁⲥ ⲉⲛⲛⲁⲉⲓⲙⲉ ϫⲉⲛϣⲁϫⲉ ⲧⲏⲣⲟⲩ ⲛⲧⲉⲅⲣⲁⲫⲏ ϯ ⲟⲩⲃⲉⲧⲉⲓϭⲓⲛⲣϩⲱⲃ ϫⲓⲛⲛϣⲟⲣⲡ ·
- johannes.canons.FA241-252:42
ⲧⲉⲕⲙⲛⲧⲣⲣⲟ ⲙⲁⲣⲉⲥⲉⲓ ·
- johannes.canons.FA233-240:42
ⲛϩⲟⲩⲟ ⲇⲉ ⲉⲧⲣⲉⲩⲉⲩⲫⲣⲁⲛⲉ ϩⲛⲟⲩⲉⲩⲫⲣⲟⲥⲩⲛⲏ ⲉⲥⲙⲉϩ ⲛⲣⲓⲙⲉ · ⲉⲩⲥⲟⲟⲩⲛ ⲁⲛ · ⲁⲩⲱ ⲛⲥⲉⲣⲁϣⲉ ϩⲛⲟⲩⲣⲁϣⲉ ⲛⲛⲟⲩϫ · ⲉϫⲙⲡⲉⲧϭⲁⲓⲟ ⲛⲛⲉⲧϩⲓⲧⲟⲩⲱⲟⲩ · ⲉϥⲙⲉϩ ⲛⲛⲉϩⲡⲉ ⲉⲙⲡⲟⲩⲉⲓⲙⲉ ·
- johannes.canons.FA65-80:42
ⲟⲩⲧⲉ ⲙⲡϥⲕⲱϩ ⲉⲛⲉⲡⲣⲁⲝⲓⲥ ⲙⲛⲛⲉϩⲃⲏⲩⲉ ⲛⲁⲅⲁⲑⲟⲛ ⲙⲡⲉϥⲥⲟⲛ ⲁⲃⲉⲗ ⲡⲇⲓⲕⲁⲓⲟⲥ ⲁⲗⲗⲁ ⲉⲁϥⲥⲟⲃⲧⲉ ⲛⲁϥ ⲛⲟⲩϫⲓⲕⲃⲁ ⲉⲃⲟⲗ ϩⲓⲧⲙⲡⲛⲟⲩⲧⲉ ϣⲁⲉⲛⲉϩ ·
- johannes.canons.FA205-214:42
ϥⲥϩⲟⲩⲟⲣⲧ ⲛϭⲓⲡⲉⲛⲧⲁϥⲕⲁⲃⲟⲗ ⲙⲙⲟ ·
- johannes.canons.FA143-158:42
ⲁⲩⲱ ⲉⲟⲩⲣⲉϥϩⲉⲧⲃⲣⲱⲙⲉ ⲡⲉ ·
- johannes.canons.FA225-232:42
ⲁⲩⲱ ⲟⲛ ⲉⲛϣⲁⲛϣⲁϫⲉ ⲧⲛⲛⲁϫⲉϩⲁϩ · ⲉⲧⲃⲉⲛⲉⲧⲛⲁⲣⲣⲙⲙⲁⲟ ϩⲛⲧⲉⲩⲙⲛⲧⲥⲡⲟⲩⲇⲁⲓⲟⲥ · ϩⲙⲡⲧⲣⲉⲩⲕⲁⲧⲟⲣⲑⲟⲩ ⲙⲡⲉⲩϩⲱⲃ ⲁⲩⲱ ⲛⲥⲉⲣⲡⲁϩⲣⲉ ⲉⲣⲟⲟⲩ ϩⲛⲟⲩⲙⲉⲧⲁⲛⲟⲓⲁ ⲙⲛⲛⲥⲁⲧⲣⲉⲩϩⲉ · ϫⲉⲡϩⲱⲃ ⲕⲏ ⲉϩⲣⲁⲓ ⲛⲣⲱⲙⲉ ⲛⲓⲙ ϩⲓϫⲙⲡⲕⲁϩ · ⲛⲟⲩⲟⲉⲓϣ ⲛⲓⲙ ⲙⲡⲉⲧⲟⲩⲱϣ ⲉⲟⲩϫⲁⲓ
- johannes.canons.FA37-42:42
ⲁⲩⲱ ϥϩⲁⲉⲟⲟⲩ ϣⲁⲛⲓⲉⲛⲉϩ ·
- johannes.canons.FA65-80:43
ⲛⲧⲉⲛϩⲉ ϩⲱⲱⲛ ⲟⲛ ⲙⲡⲛⲥⲱⲧⲙ ⲛⲥⲁⲛϣⲁϫⲉ ⲛⲛⲉⲅⲣⲁⲫⲏ ·
- johannes.canons.FA225-232:43
ⲁⲗⲗⲁ ⲛⲉⲛⲟⲩⲱϣ ⲛϩⲏⲧ · ⲙⲛⲛⲉⲛⲙⲛⲧⲁⲧⲥⲱⲧⲙ ⲛⲉⲧⲉⲓⲣⲉ ⲙⲙⲟⲛ ⲛⲁⲧⲙⲡϣⲁ ⲛⲛⲁⲓ · ⲕⲁⲓ ⲅⲁⲣ ⲉϥⲥⲏϩ
- johannes.canons.FA37-42:43
ⲟⲩⲟⲉⲓ ⲛⲣⲱⲙⲉ ⲛⲓⲙ ⲉϥⲛⲁⲁⲙⲉⲗⲉⲓⲁⲧⲙⲉ ⲉⲃⲟⲗ ϩⲙⲡⲛⲟⲃⲉ ϣⲁⲛⲧⲉϥⲙⲟⲩ ·
- johannes.canons.FA215-224:43
ⲧⲡⲁⲗⲁⲓⲁ · ⲁⲩⲱ ⲧⲕⲁⲓⲛⲏ ⲧⲉⲛⲟⲩ ϩⲱⲥ ⲉⲁⲛⲥⲟⲩⲛ ϩⲱⲃ ⲛⲓⲙ · ⲡⲉⲛⲙⲟⲩ ⲁⲩⲱ ⲡⲉⲛⲱⲛϩ · ⲡⲉⲛⲙⲟⲩϩ ⲁⲩⲱ ⲡⲉⲛϣⲱⲱⲧ · ⲧⲉⲛϭⲓⲛⲃⲱⲕ ⲉⲣⲁⲧϥ ⲙⲡⲛⲟⲩⲧⲉ ⲕⲁⲗⲱⲥ · ϩⲙⲡⲧⲣⲉⲛϩⲁⲣⲉϩ ⲉⲛⲉⲛⲧⲁϥϫⲟⲟⲩ ϩⲛⲟⲩⲙⲛⲧⲥⲁⲃⲉ · ⲁⲩⲱ ⲧⲉⲛϭⲓⲛⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ ϩⲙⲡⲧⲣⲉⲛⲡⲁⲣⲁⲃⲁ ⲛⲛⲉⲛⲧⲁϥϫⲟⲟⲩ ϩⲛⲟⲩⲙⲛⲧⲁⲧϩⲏⲧ ·
- johannes.canons.FA233-240:43
ⲡⲉⲧⲉⲣⲉⲡⲇⲓⲁⲃⲟⲗⲟⲥ ⲟⲩⲁϣϥ ⲛⲧⲟϥ ⲟⲛ ⲡⲉⲧⲉⲣⲉⲛⲁⲓ ⲙⲉ ⲙⲙⲟϥ ⲁⲩⲱ ⲡⲉⲧⲉⲣⲉⲛⲇⲁⲓⲙⲱⲛ ⲣⲁϣⲉ ⲉϫⲱϥ ·
- johannes.canons.FA143-158:43
ⲕⲁⲓ ⲅⲁⲣ ⲁⲡⲁⲩⲗⲟⲥ ⲥϩⲁⲓ ⲉⲧⲃⲉⲛⲣⲱⲙⲉ ⲛⲕⲣⲏⲧⲏ ϫⲉϩⲉⲛⲣⲉϥϫⲓϭⲟⲗ ⲛⲉ ⲛⲟⲩⲟⲉⲓϣ ⲛⲓⲙ ϩⲉⲛⲑⲏⲣⲓⲟⲛ ⲉⲩϩⲟⲟⲩ ⲛⲉ ·
- johannes.canons.FA205-214:43
ⲡⲇⲓⲁⲃⲟⲗⲟⲥ ⲉⲁϥϫⲟ ⲙⲙⲟ ⲛⲁϥ ⲛⲟⲩϭⲣⲟϭ ⲙⲡⲟⲛⲏⲣⲟⲛ ϩⲙⲡϩⲏⲧ ⲛⲛⲁⲧϩⲏⲧ
- johannes.canons.FA241-252:43
ⲡⲉⲕⲟⲩⲱϣ ⲙⲁⲣⲉϥϣⲱⲡⲉ · ⲛⲧϩⲉ ⲉⲧϥϩⲛⲧⲡⲉ · ⲙⲁⲣⲉϥϣⲱⲡⲉ ⲟⲛ ϩⲓϫⲙⲡⲕⲁϩ ·
- johannes.canons.FA37-42:44
ⲕⲁⲧⲁⲧϩⲉ ⲛⲧⲁⲛϫⲉⲡⲁⲓ ⲛϩⲁϩ ⲛⲥⲟⲡ ·
- johannes.canons.FA215-224:44
ⲙⲁⲣⲛⲛⲟⲉⲓ ⲟⲩⲛ ⲧⲉⲛⲟⲩ · ⲛⲧⲙⲏⲧⲉ ⲛⲛⲁⲓ ⲙⲛⲛⲉⲓⲕⲟⲟⲩⲉ · ⲙⲡⲁⲧϥⲉⲓ ⲛϭⲓⲡⲉϩⲟⲟⲩ ⲉⲧⲛⲥⲟⲟⲩⲛ ⲙⲙⲟϥ ⲁⲛ · ⲁⲩⲱ ⲧⲉⲩⲛⲟⲩ ⲉⲧⲛⲉⲓⲙⲉ ⲉⲣⲟⲥ ⲁⲛ · ⲛⲧⲛϫⲓ ⲕⲁⲧⲁⲛⲉⲛϩⲃⲏⲩⲉ ⲡⲟⲩⲁ ⲡⲟⲩⲁ ⲕⲁⲧⲁⲡⲉϥⲙⲡϣⲁ ⲁⲩⲱ ⲕⲁⲧⲁⲡⲕⲁⲣⲡⲟⲥ ⲛⲛⲉϥϩⲃⲏⲩⲉ
- johannes.canons.FA233-240:44
ⲛⲧⲟϥ ⲟⲛ ⲡⲉⲧⲟⲩⲣⲁϣⲉ ⲛϩⲏⲧϥ ·
- johannes.canons.FA143-158:44
ϩⲉⲛϩⲏ ⲉⲩⲟⲩⲟⲥϥ ⲛⲉ · ⲉϥⲧⲁⲩⲟ ⲟⲛ ⲙⲡϫⲱⲕ ⲉⲃⲟⲗ ⲙⲡϩⲱⲃ ⲛⲛⲣⲱⲙⲉ ⲉⲛⲧⲁⲩⲡⲱⲱⲛⲉ ϩⲛⲧⲉⲩⲫⲩⲥⲓⲥ ⲉⲩⲫⲩⲥⲓⲥ ⲛⲑⲏⲣⲓⲟⲛ ·
- johannes.canons.FA205-214:44
ⲛⲧⲟϥ ⲅⲁⲣ ⲡⲉⲛⲧⲁϥϯⲙⲉϩⲣⲟ ⲛⲉ ⲛϭⲓⲡⲉⲇⲣⲁⲕⲱⲛ ϩⲛⲧⲁϣⲏ ⲛⲙⲙⲁⲧⲟⲩ ⲉⲧⲛⲏⲩ ⲉⲃⲟⲗ ϩⲛⲣⲱϥ ϣⲁⲛⲧⲉϥⲥⲉⲣⲙϩⲁϩ ⲉⲙⲁⲧⲉ ⲉⲙⲡⲟⲩⲉⲓⲙⲉ ϫⲉⲁϥⲥⲟⲣⲙⲟⲩ · ⲛⲧⲉϩⲓⲏ ⲛⲃⲱⲕ ⲉⲧⲡⲟⲗⲓⲥ ⲙⲡⲉⲩⲙⲁ ⲛϣⲱⲡⲉ · ⲉⲁϥⲛⲧⲟⲩ ⲉⲃⲟⲗ ϩⲙⲡⲟⲩⲟⲉⲓⲛ ⲉⲡⲕⲁⲕⲉ · ⲉⲙⲡⲟⲩⲉⲓⲙⲉ ϫⲉⲡⲕⲁⲕⲉ ·
- johannes.canons.FA225-232:44
ϫⲉⲉⲣⲉⲧⲙⲡϫⲟⲉⲓⲥ ⲕⲉⲧⲟⲩⲏⲓ · ⲛⲧⲁⲛⲉⲧⲕⲱⲧ ⲙⲙⲟϥ ϣⲡϩⲓⲥⲉ ⲉⲡϫⲓⲛϫⲏ ·
- johannes.canons.FA241-252:44
ⲡⲉⲛⲟⲉⲓⲕ ⲉⲧⲛⲏⲩ ⲡⲉϫⲁϥ ·
- johannes.canons.FA65-80:44
ⲛⲧⲛⲥⲁϩⲱⲛ ⲉⲃⲟⲗ ⲛⲛⲉⲛⲡⲉⲧϩⲟⲟⲩ ⲛⲧⲛⲉⲓⲣⲉ ⲛϩⲉⲛⲡⲉⲧⲛⲁⲛⲟⲩϥ ϫⲉⲕⲁⲥ ⲉⲣⲉⲡⲛⲟⲩⲧⲉ ⲛⲁϣ ⲛϩⲧⲏϥ ⲉϫⲱⲛ ·
- johannes.canons.FA233-240:45
ⲕⲁⲓ ⲅⲁⲣ ⲁⲡⲉⲛⲡⲉⲧⲟⲩⲁⲁⲃ ⲛⲉⲓⲱⲧ ϫⲉⲡⲁⲓ ϩⲱⲱϥ ϩⲛⲟⲩϭⲱⲛⲧ ⲙⲛⲟⲩⲟⲣⲅⲏ ⲉⲃⲟⲗ ϩⲓⲧⲙⲡⲛⲟⲩⲧⲉ ·
- johannes.canons.FA37-42:45
ⲟⲩ ϭⲉ ⲡⲉⲧⲉⲙⲡⲟⲩϯⲟⲥⲉ ⲙⲙⲟϥ ⲛϭⲓⲛⲉⲧⲛⲁⲁⲙⲉⲗⲉⲓ ϣⲁⲛⲧⲟⲩⲙⲟⲩ ϩⲙⲡϫⲱϩⲙ ·
- johannes.canons.FA65-80:45
ⲟⲩⲧⲉ ⲟⲛ ⲙⲡⲛⲕⲱϩ ⲉⲛⲉⲡⲣⲁⲝⲓⲥ ⲙⲛⲛⲉϩⲃⲏⲩⲉ ⲉⲧⲛⲁⲛⲟⲩⲟⲩ ⲛⲛⲉⲛⲥⲛⲏⲩ ⲛⲇⲓⲕⲁⲓⲟⲥ ⲉⲧⲛⲟⲩⲏϩ ⲛⲙⲙⲁⲩ ϣⲁⲛⲧⲛⲥⲟⲃⲧⲉ ⲛⲁⲛ ⲛⲟⲩϫⲓⲕⲃⲁ · ⲙⲛⲟⲩⲧⲱⲱⲃⲉ ⲉϥⲙⲏⲛ ⲉⲃⲟⲗ ϣⲁⲉⲛⲉϩ ⲛϩⲣⲁⲓ ϩⲛⲁⲙⲛⲧⲉ ·
- johannes.canons.FA241-252:45
ⲙⲡϥϯⲧϩⲉ ⲛⲁⲕ ⲟⲛ ⲉϫⲟⲟⲥ ϫⲉⲡⲁⲟⲉⲓⲕ ⲉⲧⲛⲏⲩ · ⲧⲁⲁϥ ⲛⲁⲓ ⲙⲡϩⲟⲟⲩ · ⲁⲗⲗⲁ ⲡⲉⲛⲟⲉⲓⲕ ⲉⲧⲛⲏⲩ ⲧⲁⲁϥ ⲛⲁⲛ ⲙⲡϩⲟⲟⲩ
- johannes.canons.FA215-224:45
ⲱ ⲛⲁⲓⲁⲧⲟⲩ ⲛϩⲉⲛⲣⲱⲙⲉ ⲉⲩⲛⲁϯⲉⲟⲟⲩ ⲙⲡⲛⲟⲩⲧⲉ ⲉⲧⲃⲏⲏⲧⲟⲩ ϩⲓⲧⲛⲛⲉⲩⲡⲣⲁⲝⲓⲥ · ⲉⲧⲛⲁⲛⲟⲩⲟⲩ ⲛⲁⲓ ⲉⲧⲟ ⲛⲥϯⲛⲟⲩϥⲉ ⲙⲡⲉⲭⲣⲓⲥⲧⲟⲥ ·
- johannes.canons.FA143-158:45
ϣⲁϥϫⲟⲟⲥ ϫⲉⲉϣϫⲉ ⲕⲁⲧⲁⲣⲱⲙⲉ ⲛⲧⲁⲓⲙⲓϣⲉ ⲙⲛⲛⲉⲑⲏⲣⲓⲟⲛ ϩⲛⲉⲫⲉⲥⲟⲥ ·
- johannes.canons.FA225-232:45
ⲁⲩⲱ ϫⲉⲉⲣⲉⲧⲙⲡϫⲟⲉⲓⲥ ϩⲁⲣⲉϩ ⲉⲩⲡⲟⲗⲓⲥ · ⲛⲧⲁⲡⲉⲧϩⲁⲣⲉϩ ⲉⲣⲟⲥ ⲣⲟⲩϣⲏ ⲛⲣⲟⲉⲓⲥ ⲉⲡϫⲓⲛϫⲏ
- johannes.canons.FA205-214:45
ⲡⲉⲧⲟⲩⲙⲟⲟϣⲉ ⲛϩⲏⲧϥ ⲕⲁ ⲡⲉⲧⲥⲏϩ
- johannes.canons.FA37-42:46
ⲉⲁⲩϯⲟⲥⲉ ⲛⲧⲉⲩϭⲓⲛⲉⲓ ϣⲁⲣⲟⲟⲩ ⲕⲁⲗⲱⲥ ϩⲓⲧⲛⲛⲁⲅⲅⲉⲗⲟⲥ ϩⲙⲡⲉϩⲟⲟⲩ ⲙⲡⲉⲩϭⲙⲡϣⲓⲛⲉ ⲉⲧⲣⲉⲩⲁⲥⲡⲁⲍⲉ ⲙⲙⲟⲟⲩ ϩⲛⲟⲩⲣⲁϣⲉ ⲉⲧⲣⲉⲩϩⲩⲙⲛⲉⲩⲉ ⲛⲙⲙⲁⲩ ϩⲛⲟⲩⲥⲙⲏ ⲛⲟⲩⲛⲟϥ ϩⲓⲧⲉⲗⲏⲗ ⲕⲁⲧⲁⲡⲉⲧⲥⲏϩ ϫⲉⲛⲁⲓ ⲁⲓⲣⲡⲉⲩⲙⲉⲉⲩⲉ ⲁⲓⲡⲱϩⲧ ⲛⲧⲁⲯⲩⲭⲏ ⲉϩⲣⲁⲓ ⲉϫⲱⲓ ·
- johannes.canons.FA233-240:46
ϫⲉⲁⲩϫⲟⲟⲥ ⲉⲧⲃⲉⲅⲉⲛⲟⲥ ⲥⲛⲁⲩ · ϫⲉⲉⲩⲛⲟⲩϫⲉ ⲛⲧⲉⲩⲉⲡⲓⲑⲩⲙⲓⲁ · ϩⲛⲣⲱⲟⲩ ·
- johannes.canons.FA143-158:46
ⲙⲏ ⲁⲣⲁ ⲛⲧⲁⲡⲁⲡⲟⲥⲧⲟⲗⲟⲥ ⲉⲧⲟⲩⲁⲁⲃ ⲙⲓϣⲉ ⲙⲛϩⲉⲛⲑⲏⲣⲓⲟⲛ ⲛⲁⲙⲉ ϩⲛⲉⲫⲉⲥⲟⲥ ·
- johannes.canons.FA241-252:46
ⲕⲱ ⲛⲁⲛ ⲉⲃⲟⲗ ⲛⲛⲉⲧⲉⲣⲟⲛ ⲡⲉϫⲁϥ
- johannes.canons.FA65-80:46
ⲧⲉⲧⲛⲏⲡ ⲉⲛⲉⲛⲧⲁⲡϫⲟⲉⲓⲥ ϥⲟⲧⲟⲩ ⲉⲃⲟⲗ ϩⲛⲟⲩⲕⲁⲧⲁⲕⲗⲩⲥⲙⲟⲥ ⲙⲙⲟⲟⲩ ϫⲓⲛⲛϣⲟⲣⲡ ⲉⲃⲟⲗ ϫⲉⲁⲩⲁⲣⲭⲉⲓ ⲉϫⲙⲡⲡⲉⲧϩⲟⲟⲩ ϫⲓⲛⲛⲧⲉⲩⲙⲛⲧⲕⲟⲩⲓ ·
- johannes.canons.FA215-224:46
ⲱ ⲟⲩⲟⲉⲓ ⲛϩⲉⲛⲣⲱⲙⲉ ⲉⲩⲛⲁⲥⲉϣϥⲡⲣⲁⲛ ⲛⲛⲉⲩⲉⲓⲟⲧⲉ ⲉⲧⲃⲏⲏⲧⲟⲩ ϩⲛⲧⲉⲩⲙⲛⲧⲁⲧⲥⲃⲱ ·
- johannes.canons.FA205-214:46
ϫⲉⲡⲉⲧⲙⲟⲥⲧⲉ ⲙⲡⲉϥⲥⲟⲛ ⲉϥϣⲟⲟⲡ ϩⲙⲡⲕⲁⲕⲉ ⲁⲩⲱ ⲉϥⲙⲟⲟϣⲉ ϩⲙⲡⲕⲁⲕⲉ ·
- johannes.canons.FA225-232:46
ⲡⲁⲗⲓⲛ ⲟⲛ ϫⲉⲙⲙⲛϣϭⲟⲙ ⲛⲗⲁⲁⲩ ⲉϫⲟⲟⲥ ϫⲉⲡϫⲟⲉⲓⲥ ⲡⲉⲓⲏⲥⲟⲩⲥ · ⲉⲓⲙⲏⲧⲓ ϩⲛⲟⲩⲡⲛⲉⲩⲙⲁ ⲉϥⲟⲩⲁⲁⲃ · ⲁⲩⲱ ⲟⲛ ⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ ϫⲱ ⲙⲙⲟⲥ ϫⲉⲁϫⲛⲧⲛⲧⲉⲧⲛⲛⲁϣⲣⲗⲁⲁⲩ ⲁⲛ ⲛϩⲱⲃ · ⲟⲩⲕ ⲟⲩⲛ ⲉⲙⲛⲧⲏⲡⲛⲟⲩⲧⲉ ⲣϩⲱⲃ ⲙⲛⲡⲣⲱⲙⲉ · ⲙⲡⲣⲱⲙⲉ ⲛⲁϣ ⲣϩⲱⲃ ⲁⲛ ⲙⲁⲩⲁⲁϥ ⲉⲡⲉϥⲟⲩϫⲁⲓ ϩⲙⲡⲧⲣⲉⲡⲣⲱⲙⲉ ⲅⲁⲣ ⲣϩⲱⲃ ⲙⲛⲡⲛⲟⲩⲧⲉ ϩⲛϩⲉⲛⲡⲣⲁⲝⲓⲥ ⲛⲁⲅⲁⲑⲟⲛ ⲁⲩⲱ ϩⲛϩⲉⲛϩⲃⲏⲩⲉ ⲉⲛⲁⲛⲟⲩⲟⲩ ·
- johannes.canons.FA225-232:47
ϣⲁⲣⲉⲡⲛⲟⲩⲧⲉ ϩⲱⲱϥ ⲣϩⲱⲃ ⲛⲙⲙⲁϥ ϩⲛⲥⲙⲟⲩ ⲛⲓⲙ · ⲁⲩⲱ ⲛϥⲁⲩⲝⲁⲛⲉ ⲙⲙⲟϥ ϩⲛⲛⲕⲁⲣⲡⲟⲥ ⲛⲧⲇⲓⲕⲁⲓⲟⲥⲩⲛⲏ · ⲛⲧⲁⲛⲓⲙ ⲉⲛⲉϩ ⲕⲁⲧⲉϥϩⲉⲗⲡⲓⲥ ϩⲓⲡⲛⲟⲩⲧⲉ ϫⲓⲛⲛϣⲟⲣⲡ ⲉⲁⲡⲛⲟⲩⲧⲉ ⲕⲁⲁϥ ⲛⲥⲱϥ ϩⲛⲛⲉⲧⲛⲱϣ ⲙⲙⲟⲟⲩ ·
- johannes.canons.FA205-214:47
ⲉⲛϥⲥⲟⲟⲩⲛ ⲁⲛ ϫⲉⲉϥⲃⲏⲕ ⲉⲧⲱⲛ ϫⲉⲁⲡⲕⲁⲕⲉ ⲧⲱⲙ ⲛⲛⲉϥⲃⲁⲗ ·
- johannes.canons.FA215-224:47
ⲡⲥⲱⲧⲏⲣ ⲙⲙⲉ ⲛⲁⲅⲁⲑⲟⲥ ϩⲱⲛ ϫⲉⲙⲡⲣⲕⲁⲧⲉⲕϩⲃⲟⲩⲣ ⲉⲉⲓⲙⲉ ϫⲉⲟⲩ ⲡⲉⲧⲉⲣⲉⲧⲉⲕⲟⲩⲛⲁⲙ ⲉⲓⲣⲉ ⲙⲙⲟϥ ·
- johannes.canons.FA143-158:47
ⲁⲗⲗⲁ ϩⲉⲛⲣⲱⲙⲉ ⲛⲉ ⲉⲩⲟ ⲛⲥⲙⲟⲧ ⲛⲑⲏⲣⲓⲟⲛ ⲁⲛⲧⲓⲣⲱⲙⲉ ·
- johannes.canons.FA241-252:47
ⲙⲡϥϫⲟⲟⲥ ⲛⲁⲕ ϫⲉⲕⲱ ⲛⲁⲓ ⲉⲃⲟⲗ ⲛⲛⲉⲧⲉⲣⲟⲓ ⲡⲉϫⲁϥ · ⲛⲧϩⲉ ϩⲱⲱⲛ ⲟⲛ ⲉⲧⲛⲕⲱ ⲉⲃⲟⲗ ⲛⲛⲉⲧⲉⲟⲩⲛⲧⲁⲛ ⲉⲣⲟⲟⲩ ·
- johannes.canons.FA65-80:47
ⲁⲩⲱ ⲉⲁⲡⲕⲁϩ ⲙⲟⲩϩ ⲛϫⲓⲛϭⲟⲛⲥ ⲉⲃⲟⲗ ⲙⲙⲟⲟⲩ ⲕⲁⲧⲁⲛϣⲁϫⲉ ⲛⲧⲉⲅⲣⲁⲫⲏ · ⲉⲙⲡⲟⲩⲥⲱⲧⲙ ⲛⲥⲁⲡⲇⲓⲕⲁⲓⲟⲥ ⲛⲱϩⲉ · ⲉϥⲥⲩⲙⲃⲟⲩⲗⲉⲩⲉ ⲛⲁⲩ · ⲡⲁⲓ ⲛⲧⲁϥⲧⲁⲙⲓⲟ ⲛⲁϥ ⲛⲟⲩⲕⲓⲃⲱⲧⲟⲥ · ⲉⲡⲟⲩϫⲁⲓ ⲙⲡⲉϥⲏⲓ · ⲉⲃⲟⲗ ϩⲓⲧⲟⲟⲧⲥ ⲁϥⲧϭⲁⲉⲓⲉⲡⲕⲟⲥⲙⲟⲥ ⲁⲩⲱ ⲁϥϣⲱⲡⲉ ⲛⲕⲗⲏⲣⲟⲛⲟⲙⲟⲥ ⲛⲧⲇⲓⲕⲁⲓⲟⲥⲩⲛⲏ ⲕⲁⲧⲁⲧⲡⲓⲥⲧⲓⲥ ·
- johannes.canons.FA37-42:47
ϫⲉϯⲛⲏⲩ ⲉⲃⲟⲗ ϩⲓⲧⲛⲟⲩⲙⲁ ⲛⲥⲕⲏⲛⲏ ⲛϣⲡⲏⲣⲉ ·
- johannes.canons.FA233-240:47
ⲡⲟⲩⲁ ⲛⲅⲉⲛⲟⲥ ⲡⲉϫⲁϥ ⲉϥϩⲛⲛϩⲁⲗⲁⲧⲉ · ⲉⲧϩⲛⲙⲙⲟⲟⲩ ⲛⲉⲓⲟⲟⲩⲉ ⲁⲩⲱ ⲡⲕⲉⲟⲩⲁ ⲉϥϣⲟⲟⲡ ϩⲛⲛϫⲁⲧϥⲉ ⲉⲧϩⲓϫⲙⲡⲕⲁϩ ·
- johannes.canons.FA225-232:48
ⲧⲁⲓ ⲟⲛ ⲧⲉ ⲧϩⲉ ⲧⲉⲛⲟⲩ ϥϫⲱ ⲙⲙⲟⲥ ϫⲉⲁⲛⲟⲕ ⲡⲉ · ⲁⲛⲟⲕ ⲡⲉ ⲁⲩⲱ ⲉⲧⲉⲧⲛϣⲁⲛⲣϩⲗⲗⲟ ⲁⲛⲟⲕ ⲟⲛ ⲡⲉ ⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲛⲧⲟϥ ⲛⲥⲁϥ ⲡⲉ ·
- johannes.canons.FA37-42:48
ϣⲁⲡⲏⲓ ⲙⲡⲛⲟⲩⲧⲉ ϩⲛⲟⲩⲥⲙⲏ ⲛⲧⲉⲗⲏⲗ ϩⲓⲟⲩⲱⲛϩ ⲉⲃⲟⲗ ⲛϩⲣⲟⲟⲩ ⲙⲡⲉⲧⲣϣⲁ ·
- johannes.canons.FA65-80:48
ⲟⲩⲧⲉ ⲧϩⲉ ⲉⲧⲉⲣⲉⲡϣⲁϫⲉ ϫⲱ ⲙⲙⲟⲥ ϫⲉⲉⲃⲟⲗ ϩⲓⲧⲟⲟⲧⲥ ⲁϥⲧϭⲁⲉⲓⲉⲡⲕⲟⲥⲙⲟⲥ ⲛⲧⲁϥⲧϭⲁⲉⲓⲉⲡⲕⲟⲥⲙⲟⲥ ⲁⲛ ϫⲉⲁⲩⲛⲁⲩ ⲉⲣⲟϥ ⲉϥⲧⲁⲙⲓⲟ ⲛⲧⲕⲓⲃⲱⲧⲟⲥ ⲉⲥⲉⲓⲣⲉ ⲛϣⲙⲧϣⲉ ⲙⲙⲁϩⲉ ⲛϣⲓⲏ ⲁⲩⲱ ⲧⲁⲉⲓⲟⲩ ⲙⲙⲁϩⲉ ⲛⲟⲩⲱϣⲥ ⲁⲩⲱ ⲙⲁⲁⲃ ⲙⲙⲁϩⲉ ⲛϫⲓⲥⲉ · ⲉϥⲧⲁⲙⲓⲟ ⲙⲙⲟⲥ ⲟⲩⲛⲧ ⲟⲩⲛⲧ · ⲟⲩⲁϩⲙⲉ ⲥⲛⲧⲉ ϩⲓϣⲟⲙⲧⲉ ⲉϥⲱϭⲥ ⲙⲙⲟⲥ ϩⲓϩⲟⲩⲛ ·
- johannes.canons.FA215-224:48
ϩⲟⲧⲁⲛ ⲉⲕϣⲁⲛⲉⲓⲣⲉ ⲛⲟⲩⲙⲛⲧⲛⲁ · ⲁⲩⲱ ⲛⲁⲛⲟⲩ ⲡⲉⲛⲧⲁϥϫⲟⲟϥ · ⲉϥⲟⲩⲱⲛϩ ⲟⲛ ⲉⲃⲟⲗ ⲛⲙⲡⲣⲁⲝⲓⲥ ⲙⲡⲣⲱⲙⲉ ⲉⲧⲛⲁⲛⲟⲩϥ ϩⲛⲕⲉⲙⲁ ϣⲁϥϫⲟⲟⲥ ϫⲉⲙⲁⲣⲟⲩⲛⲁⲩ ⲉⲛⲉⲧⲛϩⲃⲏⲩⲉ ⲉⲧⲛⲁⲛⲟⲩⲟⲩ ⲛⲥⲉϯⲉⲟⲟⲩ ⲙⲡⲉⲧⲛⲉⲓⲱⲧ ⲉⲧϩⲛⲙⲡⲏⲩⲉ · ⲉⲓⲉ ⲟⲩⲕ ⲟⲩⲛ ⲙⲙⲛⲧϩⲉ · ⲉⲧⲣⲉⲙⲡⲣⲁⲝⲓⲥ ⲙⲡⲣⲱⲙⲉ ⲉⲧⲛⲁⲛⲟⲩⲟⲩ ϩⲱⲡ ⸓
- johannes.canons.FA143-158:48
ⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ ⲉϥϣⲁϫⲉ ⲙⲛⲛⲉϥⲁⲡⲟⲥⲧⲟⲗⲟⲥ ⲉⲧⲟⲩⲁⲁⲃ ϣⲁϥϫⲟⲟⲥ ⲉⲧⲃⲉⲛⲉⲧⲟ ⲛⲥⲙⲟⲧ ⲛⲑⲏⲣⲓⲟⲛ ⲁⲛⲧⲓⲣⲱⲙⲉ ·
- johannes.canons.FA233-240:48
ⲧⲁⲓ ⲧⲉ ⲧϩⲉ ⲛⲧⲉⲓⲙⲓⲛⲉ ⲛⲣⲱⲙⲉ ⲡⲉϫⲁϥ · ⲡⲉⲧⲕⲁⲧⲁⲗⲁⲗⲉⲓ ⲁⲩⲱ ⲡⲉⲧⲥⲱⲧⲙ ⲉϩⲛⲁϥ ·
- johannes.canons.FA241-252:48
ⲛⲧⲕⲟⲩ ⲟⲩⲁ ϩⲙⲡⲉⲕϣⲗⲏⲗ ⲁⲗⲗⲁ ⲕⲟⲙⲙⲛⲧⲣⲉ ⲛⲟⲩⲙⲏⲏϣⲉ ϩⲛⲧⲉⲕⲧⲁⲡⲣⲟ ϫⲉⲥⲉⲕⲱ ⲉⲃⲟⲗ ⲛⲛⲉⲧⲉⲟⲩⲛⲧⲁⲩ ⲉⲣⲟⲟⲩ ·
- johannes.canons.FA205-214:48
ϣⲁⲛⲧⲟⲩⲥⲱⲧⲙ ⲉⲧⲉⲓⲥⲙⲏ ⲉⲧⲙⲉϩ ⲛⲟⲣⲅⲏ ⲉⲧⲛⲏⲩ ⲉⲃⲟⲗ ϩⲛⲣⲱϥ ⲙⲡⲡⲁⲛⲧⲟⲕⲣⲁⲧⲱⲣ ⲓⲏⲥⲟⲩⲥ ϩⲙⲡⲧⲣⲉϥϫⲛⲟⲩⲟⲩ ⲉⲛⲉⲧⲉϣϣⲉ ⲉⲣⲟⲟⲩ ·
- johannes.canons.FA225-232:49
ⲁⲩⲱ ⲛⲧⲟϥ ⲟⲛ ⲙⲡϩⲟⲟⲩ ⲡⲉ · ⲁⲩⲱ ⲟⲛ ϣⲁⲛⲓⲉⲛⲉϩ ·
- johannes.canons.FA215-224:49
ⲛⲧϩⲉ ⲅⲁⲣ ⲛⲟⲩⲣⲱⲙⲉ ⲉⲟⲩⲛⲟⲩⲥϯⲛⲟⲩϥⲉ ⲛϣⲟⲩϩⲏⲛⲉ ⲙⲡϩⲟⲩⲛ ⲛⲧⲉϥϩⲟⲉⲓⲧⲉ · ⲉϥϣⲉϣⲥϯⲉⲓⲁ ⲁⲛ ⲉⲃⲟⲗ ⲉⲙⲁⲧⲉ · ⲉⲛϥⲛⲁϣⲕⲱⲗⲩⲉ ⲁⲛ ⲙⲡⲉⲥϯⲛⲟⲩϥⲉ ⲁⲧⲙⲧⲣⲉⲛⲣⲱⲙⲉ ϣⲱⲗⲙ ⲉⲡⲉⲥϯⲛⲟⲩϥⲉ ⲉⲧⲙⲡⲉϥϩⲟⲩⲛ ϩⲟⲧⲁⲛ ⲉϥϣⲁⲛⲡⲁⲣⲁⲅⲉ ⲙⲙⲟⲟⲩ ·
- johannes.canons.FA65-80:49
ⲁⲩⲱ ϩⲓⲃⲟⲗ ⲛⲁⲙⲣⲏϩⲉ ⲉϥⲥⲏⲙⲁⲛⲉ ⲛⲁⲩ ϫⲉⲟⲩⲛⲟⲩⲕⲁⲧⲁⲕⲗⲩⲥⲙⲟⲥ ⲛⲁϣⲱⲡⲉ ϩⲓϫⲙⲡⲕⲁϩ · ⲉⲁϥϣⲱⲡⲉ ⲛⲕⲩⲣⲏⲉ ⲛⲧⲇⲓⲕⲁⲓⲟⲥⲩⲛⲏ ⲛⲧϩⲉ ⲉⲧⲥⲏϩ ·
- johannes.canons.FA143-158:49
ϫⲉⲉⲓⲥϩⲏⲏⲧⲉ · ϯϫⲟⲟⲩ ⲙⲙⲱⲧⲛ ⲛⲧϩⲉ ⲛϩⲉⲛⲉⲥⲟⲟⲩ ⲛⲧⲙⲏⲧⲉ ⲛϩⲉⲛⲟⲩⲱⲛϣ
- johannes.canons.FA233-240:49
ⲁϣ ϭⲉ ⲧⲉ ⲧⲙⲉⲣⲓⲥ ⲛⲛⲁⲓ ⲏ ⲁϣ ⲡⲉ ⲡⲉⲕⲗⲏⲣⲟⲥ ⲛⲛⲉⲓⲕⲟⲟⲩⲉ
- johannes.canons.FA37-42:49
ⲉⲧⲃⲉⲟⲩ ⲧⲉⲗⲩⲡⲉⲓ ⲧⲁⲯⲩⲭⲏ ⲡⲉϫⲁϥ ·
- johannes.canons.FA205-214:49
ⲕⲁⲧⲁⲡⲧⲱϣ ⲛⲧϭⲓⲛϯϩⲁⲡ ⲉⲧⲥⲏϩ ϩⲛⲛⲉⲩⲁⲅⲅⲉⲗⲓⲟⲛ ·
- johannes.canons.FA241-252:49
ⲛⲅⲧⲙϫⲓⲧⲛ ⲉϩⲟⲩⲛ ⲉⲡⲉⲓⲣⲁⲥⲙⲟⲥ ·
- johannes.canons.FA205-214:50
ⲡⲁⲓ ⲛⲧⲁϥϣⲣⲡⲥⲏⲙⲁⲛⲉ ⲙⲙⲟϥ ⲛⲁⲛ · ⲛϭⲓⲡⲉⲧⲉⲙⲡⲉϥⲟⲩⲱϣ ⲁⲛ ⲡⲉ · ⲉⲧⲣⲉⲗⲁⲁⲩ ⲧⲁⲕⲟ ϩⲙⲡⲉϥⲧⲁⲙⲓⲟ ϫⲉⲧⲁⲓ ⲧⲉ ⲧϩⲉ ⲉⲧⲓⲛⲁⲁⲁⲥ · ⲉⲓϣⲁⲛⲉⲓ · ⲕⲁⲧⲁⲡⲉⲙⲡϣⲁ ⲛⲛⲉⲧϩⲓⲟⲩⲛⲁⲙ ⲕⲁⲧⲁⲛⲉⲩϩⲃⲏⲩⲉ ϩⲙⲙⲛⲧⲙⲁⲓⲣⲱⲙⲉ ⲛⲓⲙ ·
- johannes.canons.FA225-232:50
ⲱ ⲛⲁⲓⲁⲧⲟⲩ ⲛϩⲉⲛⲣⲱⲙⲉ ⲉⲩⲛⲁⲛⲟⲉⲓ · ⲁⲩⲱ ⲛⲥⲉⲉⲓ ⲙⲉⲛ ⲧⲙⲏⲧⲉ ⲙⲡⲡⲉⲧⲛⲁⲛⲟⲩϥ ⲙⲛⲡⲡⲉⲧϩⲟⲟⲩ · ⲡⲡⲉⲧϩⲟⲟⲩ ⲙⲉⲛ ⲉⲧⲣⲉⲩϩⲁⲣⲉϩ ⲉⲣⲟⲟⲩ
- johannes.canons.FA233-240:50
ⲉⲣϣⲁⲛⲛϣⲁϫⲉ ⲧⲏⲣⲟⲩ ⲛⲧⲉⲅⲣⲁⲫⲏ ⲛϭⲱⲛⲧ ⲛⲧⲁⲥϫⲟⲟⲩ ⲉⲃⲟⲗ ϩⲓⲧⲙⲡⲛⲟⲩⲧⲉ ⲉⲓ ⲉϩⲣⲁⲓ ⲉϫⲱⲟⲩ ϫⲉⲁⲓⲛⲟⲩϫⲉ ⲉⲃⲟⲗ ⲙⲡⲉⲧⲕⲁⲧⲁⲗⲁⲗⲉⲓ ⲛϫⲓⲟⲩⲉ ⲛⲥⲁⲡⲉⲧϩⲓⲧⲟⲩⲱϥ ⲏ ϫⲉⲛⲉⲕϩⲙⲟⲟⲥ ⲉⲕⲕⲁⲧⲁⲗⲁⲗⲉⲓ ⲛⲥⲁⲡⲉⲕⲥⲟⲛ ⲁⲩⲱ ⲛⲉⲕⲕⲁⲥⲕⲁⲛⲇⲁⲗⲟⲛ ⲛⲥⲁⲡϣⲏⲣⲉ ⲛⲧⲉⲕⲙⲁⲁⲩ ·
- johannes.canons.FA241-252:50
ⲕⲟ ⲛⲟⲩⲁ ⲁⲩⲱ ⲕⲗⲏⲗ ϩⲁϩⲁϩ ϩⲙⲡⲉⲛⲧⲁⲡⲥⲱⲧⲏⲣ ⲙⲙⲁⲓⲣⲱⲙⲉ ⲧⲁⲁϥ ⲉⲧⲉⲕⲧⲁⲡⲣⲟ ·
- johannes.canons.FA143-158:50
ϣⲱⲡⲉ ϭⲉ ⲛⲥⲁⲃⲉ ⲛⲧϩⲉ ⲛⲛⲉⲓϩⲟϥ ·
- johannes.canons.FA215-224:50
ⲧⲁⲓ ⲟⲛ ⲧⲉ ⲧϩⲉ ⲉⲧⲉⲙⲙⲛⲣⲱⲙⲉ ⲉϥⲉⲓⲣⲉ ⲛϩⲉⲛⲡⲣⲁⲝⲓⲥ ⲉⲛⲁⲛⲟⲩⲟⲩ ⲁⲩⲱ ϩⲉⲛϩⲃⲏⲩⲉ ⲛⲁⲅⲁⲑⲟⲛ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲛⲁϣϩⲟⲡⲟⲩ ⲁⲧⲙⲧⲣⲉⲣⲱⲙⲉ ⲉⲓⲙⲉ ⲉⲣⲟⲟⲩ ·
- johannes.canons.FA37-42:50
ⲁⲩⲱ ⲉⲧⲃⲉⲟⲩ ⲧⲉ ϣⲧⲟⲣⲧⲣ ⲙⲙⲟⲓ ·
- johannes.canons.FA65-80:50
ⲁⲩⲱ ⲙⲡⲟⲩⲥⲱⲧⲙ ⲛⲁϥ ϣⲁⲛⲧⲟⲩϣⲱⲡⲉ ϩⲛⲟⲩⲙⲟⲩ ⲛϩⲃⲁ ϩⲓⲟⲣⲅⲏ ⲉⲃⲟⲗ ϩⲓⲧⲟⲟⲧϥ ⲙⲡⲉⲛⲧⲁⲩϯϭⲱⲛⲧ ⲛⲁϥ ⲡⲛⲟⲩⲧⲉ ⲡⲡⲁⲛⲧⲟⲕⲣⲁⲧⲱⲣ ·
- johannes.canons.FA225-232:51
ⲁⲧⲙⲁⲁϥ ⲡⲡⲉⲧⲛⲁⲛⲟⲩϥ ⲇⲉ ⲉⲧⲣⲉⲩϫⲟⲕϥ ⲉⲃⲟⲗ ϩⲛⲟⲩⲟⲩⲣⲟⲧ ·
- johannes.canons.FA143-158:51
ⲁⲩⲱ ⲛⲁⲕⲉⲣⲁⲓⲟⲥ ⲛⲧϩⲉ ⲛⲉⲓϭⲣⲟⲟⲙⲡⲉ ϯ ϩⲧⲏⲧⲛ ⲉⲣⲱⲧⲛ ⲉⲃⲟⲗ ϩⲓⲧⲛⲛⲣⲱⲙⲉ ⲉⲧⲟ ⲛⲥⲙⲟⲧ ⲛⲑⲏⲣⲓⲟⲛ ⲁⲛⲧⲓⲣⲱⲙⲉ ·
- johannes.canons.FA215-224:51
ⲕⲁⲛ ⲉⲧⲉⲩϣⲏ ⲧⲉ · ⲕⲁⲛ ⲉⲡⲉϩⲟⲟⲩ ⲡⲉ · ⲛϥⲛⲁϣϩⲟⲡⲟⲩ ⲁⲛ · ⲕⲁⲧⲁⲡⲉⲛⲧⲁⲡϫⲟⲉⲓⲥ ϫⲟⲟϥ ϫⲉⲙⲙⲛⲗⲁⲁⲩ ⲉϥϩⲏⲡ ⲛϥⲛⲁⲟⲩⲱⲛϩ ⲉⲃⲟⲗ ⲁⲛ
- johannes.canons.FA65-80:51
ⲁⲩⲱ ϣⲁⲛⲧⲉⲡⲉⲓⲛⲟϭ ⲛⲧⲁⲕ ⲟⲛ ϥⲱⲧⲉ ⲉⲃⲟⲗ ϣⲱⲡⲉ ϩⲓϫⲙⲡⲕⲁϩ ·
- johannes.canons.FA205-214:51
ⲁⲩⲱ ⲟⲛ ϫⲉⲧⲁⲓ ⲧⲉ ⲧϩⲉ ⲙⲡⲧⲱϣ ⲛⲛⲉⲧϩⲓϩⲃⲟⲩⲣ ⲉϥϣⲁⲛⲉⲓ · ⲕⲁⲧⲁⲡⲉⲩⲙⲡϣⲁ
- johannes.canons.FA233-240:51
ⲁⲕⲣⲛⲁⲓ · ⲁⲓⲕⲁⲣⲱⲓ ·
← Previous · Next → — showing 401–500 of 705
Coptic SCRIPTORIUM, corpus johannes.canons (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC BY-SA 3.0 Unported. Source.