Bohairic Life Isaac

Coptic literature (Coptic SCRIPTORIUM) · 408 sections

bohairic.life.isaac01:1
ⲫⲃⲓⲟⲥ ⲙⲡⲓⲡⲁⲧⲣⲓⲁⲣⲭⲏⲥ ⲉⲑⲟⲩⲁⲃ ⲟⲩⲟϩ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲧⲉϯⲛⲓϣϯ ⲙⲡⲟⲗⲓⲥ ⲣⲁⲕⲟϯ ⲁⲃⲃⲁ ⲓⲥⲁⲁⲕ ⲉⲁϥϩⲓⲥⲧⲟⲣⲉⲓⲛ ⲙⲙⲟϥ ⲛϫⲉⲫⲏ ⲉⲑⲟⲩⲁⲃ ⲁⲃⲃⲁ ⲙⲏⲛⲁ ⲡⲓϩⲟⲥⲓⲱⲧⲁⲧⲟⲥ ⲛⲉⲡⲓⲥⲕⲡⲟⲥ ⲛⲧⲉϯⲡⲟⲗⲓⲥ ⲡϣⲁϯ ϧⲉⲛⲟⲩϩⲉⲓⲣⲏⲛⲏ ⲛⲧⲉⲫⲛⲟⲩϯ ⲁⲙⲏⲛ .
The life of the holy patriarch and archbishop of the great city of Alexandria, which the holy Abba Mina recounted, the most holy archbishop of the city of Pshati (Zawyat Razin). In the peace of God: Amen.
bohairic.life.isaac03:1
ⲁⲑⲁⲛⲁⲥⲓⲟⲥ ⲇⲉ ⲡⲓⲭⲁⲣⲧⲟⲗⲁⲣⲓⲟⲥ ⲫⲏ ⲉⲧⲁⲛⲉⲣϣⲟⲣⲡ ⲛⲥⲁϫⲓ ⲉⲑⲃⲏⲧϥ ⲛⲁϥϯⲙⲕⲁϩ ⲙⲡⲁⲓϩⲁⲅⲓⲟⲥ ϫⲉⲟⲩⲏⲓ ⲛⲁⲣⲉϯⲉⲝⲟⲩⲥⲓⲁ ⲛⲧⲟⲧϥ ⲡⲉ ⲟⲩⲟϩ ⲛⲁⲣⲉⲡⲓϧⲉⲗⲗⲟ ⲭⲱ ⲙⲡⲉϥⲣⲱⲟⲩϣ ⲉⲫⲛⲟⲩϯ ⲡⲉ .
But Athanasius, the tax collector we spoke of previously, caused trouble for this saint, for indeed he had power; and the old man (Isaac) set his care in God.
bohairic.life.isaac02:1
ⲁⲥϣⲱⲡⲓ ⲟⲩⲛ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲁⲡⲓⲁⲣⲭⲓⲉⲡⲓⲥⲕⲟⲡⲟⲥ ⲕⲱϯ ⲛⲥⲁⲟⲩⲣⲱⲙⲓ ⲛⲥⲟⲫⲟⲥ ϫⲉⲛⲧⲉϥⲁⲓϥ ⲛⲥⲩⲅⲅⲉⲗⲗⲟⲥ ⲛⲉⲙⲛⲟⲧⲁⲣⲓⲟⲥ ⲛⲁϥ ⲁⲩⲧⲁⲙⲟϥ ⲉⲑⲃⲉⲫⲏ ⲉⲑⲟⲩⲁⲃ ⲓⲥⲁⲁⲕ ⲁϥⲟⲩⲱⲣⲡ ⲉϣⲓⲏⲧ ⲛⲥⲱϥ .
It happened at this time that the archbishop sought a wise man to make his successor and secretary: they spoke to him of the holy Isaac, and he sent for him to Skete.
bohairic.life.isaac03:2
ⲥⲁⲧⲟⲧϥ ⲁϥϭⲓ ⲛⲟⲩⲥⲟϩⲓ ⲛⲧⲉⲧⲉϥⲙⲉⲧⲁⲑⲛⲁϩϯ ⲉⲃⲟⲗ ϩⲓⲧⲉⲛⲡϭⲟⲉⲓⲥ .
Immediately he received from God a rebuke for his unbelief.
bohairic.life.isaac02:2
ⲉⲧⲁϥϩⲱⲗ ϣⲁⲣⲟϥ ⲉⲑⲃⲉϫⲉⲙⲙⲟⲛ ϣϫⲟⲙ ⲉⲉⲣⲁⲧⲥⲱⲧⲉⲙ ⲛⲥⲱϥ ⲟⲩⲟϩ ⲉⲧⲁϥⲛⲁⲩ ⲉⲣⲟϥ ⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲉϥⲉⲣⲫⲟⲣⲉⲓⲛ ⲛⲟⲩϩⲉⲃⲥⲱ ⲉⲥⲑⲉⲃⲓⲏⲟⲩⲧ ⲁϥϫⲉⲛϥ ϫⲉⲛⲑⲟⲕ ⲡⲉ ⲓⲥⲁⲁⲕ .
When Isaac, who could not disobey, had arrived, and the patriarch had seen him clothed in a humble garment, he asked him, “Are you Isaac?”
bohairic.life.isaac01:2
ϥⲑⲱϩⲉⲙ ⲙⲙⲟⲛ ⲙⲫⲟⲟⲩ ⲛϫⲉⲡⲓⲉⲣⲫⲙⲉⲩⲓ ⲙⲡⲓⲡⲁⲧⲣⲓⲁⲣⲭⲏⲥ ⲉⲧⲧⲁⲓⲏⲟⲧ
The commemoration of the glorious Patriarch calls us today!
bohairic.life.isaac01:3
ⲱ ⲛⲁⲙⲉⲛⲣⲁϯ ⲉϥⲧⲟⲩⲛⲟⲥ ⲉϩⲣⲏⲓ ⲙⲫⲣⲱⲟⲩⲧϥ ⲙⲡⲁϩⲏⲧ ⲉⲑⲣⲉⲛϭⲓⲫⲉⲓ ϧⲁⲡⲓⲣⲁϣⲓ ⲙⲡⲛⲉⲩⲙⲁⲧⲓⲕⲟⲛ ⲟⲩⲟϩ ⲛⲧⲁϯⲙⲡⲁⲟⲩⲟⲓ ⲉϧⲟⲩⲛ ⲉⲛⲉϥⲉⲅⲕⲱⲓⲟⲛ ⲉⲑⲟⲩⲁⲃ
O dearly beloved, it excites the gladness of our hearts, to rejoice in spiritual joy and to undertake its holy encomium.
bohairic.life.isaac02:3
ⲁϥⲉⲣⲟⲩⲱ ϧⲉⲛⲟⲩⲑⲉⲃⲓⲟ ϫⲉⲁⲛⲟⲕ ⲡⲉ .
He replied humbly “it is I.”
bohairic.life.isaac03:3
ⲡⲉϥⲛⲓϣϯ ⲇⲉ ⲛϣⲏⲣⲓ ⲁⲫⲛⲟⲩϯ ⲉⲛⲟⲩϣⲱⲛⲓ ⲉϫⲱϥ ϩⲱⲥⲧⲉ ⲛⲧⲉϥϧⲱⲛⲧ ⲉⲫⲙⲟⲩ .
God sent a sickness to his eldest son, so that he was near death.
bohairic.life.isaac02:4
ⲉⲧⲁϥⲉⲣⲕⲉⲗⲉⲩⲉⲓⲛ ⲛⲁϥ ϫⲉⲛⲧⲉϥⲥϧⲏⲧⲟⲩⲉⲡⲓⲥⲧⲟⲗⲏ ⲛⲧⲉϥⲛⲁⲩ ⲉⲣⲟⲥ ⲕⲁⲧⲁⲫⲣⲏϯ ⲉⲧⲁⲩⲥⲱⲧⲉⲙ ⲉⲑⲃⲏⲧϥ .
He was ordered to write a letter, to see if it was as he had heard about him,
bohairic.life.isaac03:4
ⲡⲉϥⲉⲓⲱⲧ ⲇⲉ ⲁϥⲓⲛⲓ ⲛⲟⲩⲙⲏϣ ⲛⲥⲏⲓⲛⲓ ⲙⲡⲉⲧⲁⲗϭⲟ ϣⲱⲡⲓ ⲛⲁϥ
His father brought a crowd of physicians, the cure did not come.
bohairic.life.isaac01:4
ⲛⲓⲙ ⲅⲁⲣ ⲡⲉⲑⲛⲁϣⲁϫⲓ ⲙⲡⲧⲁⲓⲟ ⲙⲡⲓⲙⲁ ⲛⲉⲥⲱⲟⲩ ⲛⲁⲗⲏⲑⲓⲛⲟⲛ ⲟⲩⲟϩ ⲛⲁⲣⲭⲓⲉⲣⲉⲩⲥ ⲉⲧⲉⲛϩⲟⲧ ⲛⲧⲉϯⲇⲓⲕⲁⲓⲟⲥⲩⲛⲏ ⲫⲏ ⲉⲧⲁϥⲙⲉⲛⲣⲉ ϯⲁⲣⲉⲧⲏ ⲓⲥϫⲉⲛⲧⲉϥⲙⲉⲧⲕⲟⲩϫⲓ ⲛⲉⲙⲡⲓϫⲓ ⲛⲱⲛϧ ⲛⲧⲉⲛⲓⲁⲅⲅⲉⲗⲟⲥ ⲉⲑⲟⲩⲁⲃ ⲛⲁⲓ ⲉⲧⲁϥⲭⲟϩ ⲉⲛⲟⲩϫⲓ ⲛⲱⲛϧ ⲁϥⲧⲉⲛⲑⲱⲛϥ ⲉⲣⲱⲟⲩ .
For who can tell the glory of the true shepherd, of the faithful archpriest of justice, who from his childhood loved virtue and the life of the holy angels, whom he has zealously imitated in their existence, and has made himself like them?
bohairic.life.isaac03:5
ⲙⲁⲗⲗⲟⲛ ⲇⲉ ⲛⲁϥⲛⲏⲟⲩ ⲉⲧⲁⲕⲟ ⲛϩⲟⲩⲟ ⲁϥⲉⲣⲕⲟⲩϫⲓ ⲛϩⲏⲧ ⲉⲙⲁϣⲱ ⲛϫⲉⲁⲑⲁⲛⲁⲥⲓⲟⲥ ⲉϥⲕⲱϯ ⲛⲥⲁⲟⲩⲙⲧⲟⲛ ⲙⲡⲉϥϣⲏⲣⲓ ⲉϥϫⲓⲙⲓ ⲙⲙⲟϥ ⲁⲛ .
But the child grew worse and worse and came near death. Athanasius became discouraged, seeking rest for his son and not finding it.
bohairic.life.isaac01:5
ϧⲉⲛⲫⲁⲓ ⲅⲁⲣ ⲁϥⲟⲩⲱⲛϩ ⲉⲃⲟⲗ ⲉϥⲉⲣⲟⲩⲱⲓⲛⲓ ⲛⲧⲁⲓϧⲉ ⲧⲏⲣⲟⲩ ϩⲱⲥⲧⲉ ⲛⲥⲉⲧⲉⲛϩⲟⲩⲧϥ ⲉⲁⲙⲟⲛⲓ ⲛⲛⲓϩⲓⲏⲃ ⲛⲧⲉϯⲉⲕⲕⲗⲏⲥⲓⲁ ⲛⲧⲉϯⲛⲓϣϯ ⲙⲡⲟⲗⲓⲥ ⲣⲁⲕⲟϯ ⲛⲉⲙⲭⲏⲙⲓ ⲧⲏⲣϥ ⲙⲁⲗⲗⲟⲛ ⲇⲉ ⲛⲉⲙⲥⲁⲡⲉⲥⲏⲧ ⲛⲧⲫⲉ ⲧⲏⲣⲥ .
In this he manifested himself with brilliance of all kinds, so that he was entrusted with the care of the lambs of the church of the great city of Alexandria, of all Egypt and even under the whole heaven.
bohairic.life.isaac02:5
ⲧⲟⲧⲉ ⲁϥⲥϧⲏⲧϯⲉⲡⲓⲥⲧⲟⲗⲏ ⲁϥⲧⲁⲕⲟⲥ ϧⲉⲛⲡⲉϥⲟⲩⲱϣ ⲉϥⲙⲉⲩⲓ ϫⲉϩⲓⲧⲉⲛⲧⲁⲓⲁⲓⲧⲓⲁ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲁⲭⲁϥ ⲉⲃⲟⲗ ⲉϣⲧⲉⲙⲁⲙⲟⲛⲓ ⲙⲙⲟϥ ⲉⲑⲃⲉϫⲉⲉⲣⲁⲅⲁⲡⲁⲛ ⲙⲡⲓⲱⲣϥ ⲉⲁϥⲧⲉⲛⲑⲱⲛϥ ⲉⲡⲓⲡⲣⲟⲫⲏⲧⲏⲥ ⲇⲁⲩⲓⲇ ⲉⲧⲁϥⲁⲓϥ ⲛⲥⲱϥ ⲙⲡⲉⲙⲑⲟ ⲛⲁⲭⲟⲩⲥ ⲡⲟⲩⲣⲟ ⲛⲅⲉⲑ ϧⲉⲛⲡϫⲓⲛⲑⲣⲟⲩⲧⲁⲙⲟϥ ⲛϫⲉⲛⲉϥⲁⲗⲱⲟⲩⲓ ϫⲉⲫⲁⲓ ⲡⲉ ⲇⲁⲩⲓⲇ ⲡⲟⲩⲣⲟ ⲫⲏ ⲉⲧⲁⲩⲉⲣⲭⲟⲣⲉⲩⲉⲓⲛ ϧⲁϫⲱϥ ⲛϫⲉⲛⲓϧⲉⲗϣⲁⲓⲣⲓ ⲛⲧⲉⲡⲓⲥⲗ ϫⲉⲁⲥⲁⲟⲩⲗ ϣⲁⲓⲣⲓ ϧⲉⲛϩⲁⲛⲁⲛϣⲟ ⲇⲁⲩⲓⲇ ϧⲉⲛϩⲁⲛⲁⲛⲑⲃⲁ .
so he wrote it badly of his own free will, thinking that on account of it the patriarch would send him away and not take him, because he loved the solitary and quiet life, following the example of the prophet David when he withdrew from the presence of Achish king of Gath, and the servants said to him, “It is King David, it is the one of whom the virgins of Israel sang in their choirs, saying: Saul has killed thousands, and David tens of thousands. ”
bohairic.life.isaac03:6
ⲟⲩⲟϩ ϧⲉⲛⲛⲁⲓ ⲟⲛ ⲙⲡⲉϥⲉⲣⲛⲩⲙⲫⲉⲓⲛ ⲉⲡⲧⲏⲣϥ ⲟⲩⲟϩ ⲛⲁⲩϩⲉⲙⲥⲓ ⲙⲡⲉϥⲕⲱϯ ⲛϫⲉⲛⲓⲁⲣⲭⲱⲛ ⲧⲏⲣⲟⲩ ⲛⲧⲉϯⲡⲟⲗⲓⲥ .
And in the midst of all this, he was unfocused, and all the rulers of the city were sitting by him.
bohairic.life.isaac01:6
ⲟⲩ ⲅⲁⲣ ⲉⲧⲁⲓⲉⲣⲧⲟⲗⲙⲁⲛ ⲁⲛ ⲉϫⲱ ⲛⲟⲩⲥⲁϫⲓ ⲉⲃⲟⲗ ϩⲓⲧⲟⲧ ⲙⲙⲁⲩⲁⲧ ⲁⲛⲟⲕ ϧⲁⲡⲓⲉⲗⲁⲭⲓⲥⲧⲟⲥ ⲁⲗⲗⲁ ⲛⲏ ⲉⲧⲁⲛⲥⲟⲑⲙⲟⲩ ⲛⲉⲙⲛⲏ ⲉⲧⲁⲛⲉⲙⲓ ⲉⲣⲱⲟⲩ ⲛⲁⲓ ⲛⲉ ⲛⲏ ⲉⲧⲁⲛⲥϧⲏⲧⲟⲩ ⲛⲱⲧⲉⲛ ϧⲁⲛⲏ ⲉⲧⲱϣ ⲛⲉⲙⲛⲏ ⲉⲧⲥⲱⲧⲉⲙ ⲉⲟⲩⲱⲟⲩ ⲙⲫⲛⲟⲩϯ ⲛⲉⲙⲛⲏ ⲉⲑⲟⲩⲁⲃ ⲛⲧⲁϥ
And how could I dare to make such a speech with myself, I who am so small? But what we have heard and what we have learned, this is what we have written for you who read or listen, for the glory of God and his saints.
bohairic.life.isaac02:6
ⲟⲩⲟϩ ⲡⲁⲓ ⲣⲏϯ ⲉϥϣⲁϣⲛⲓ ⲉⲡⲉϥⲟⲩⲱϣ ⲟⲩⲟϩ ⲉⲧⲁⲩⲛⲁⲩ ⲉϯⲉⲡⲓⲥⲧⲟⲗⲏ ⲛϫⲉⲛⲏ ⲉⲧⲟϩⲓ ⲉⲣⲁⲧⲟⲩ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲡⲉϫⲱⲟⲩ ⲛⲁϥ ϫⲉⲛⲉⲣⲭⲣⲉⲓⲁ ⲛⲟⲩⲣⲱⲙⲓ ⲙⲡⲁⲓⲣⲏϯ .
And so he did what he wanted, and when those who were standing by the patriarch saw this letter, they said to him, “We need a man of this kind.”
bohairic.life.isaac03:7
ⲟⲩⲟϩ ⲁⲥϣⲱⲡⲓ ϧⲉⲛⲡⲓⲉϫⲱⲣϩ ⲉⲧⲉⲙⲙⲁⲩ ⲁⲡϭⲟⲉⲓⲥ ϭⲱⲣⲡ ⲉⲃⲟⲗ ⲙⲡⲓⲁⲣⲭⲓⲉⲡⲓⲥⲕⲟⲡⲟⲥ ϫⲉⲟⲩⲱⲣⲡ ⲛⲣⲁⲥϯ ⲛⲁⲑⲁⲛⲁⲥⲓⲟⲥ ⲡⲓⲭⲁⲣⲧⲟⲗⲁⲣⲓⲟⲥ ⲉⲕϫⲱ ⲙⲙⲟⲥ ⲛⲁϥ ϫⲉⲉϣⲱⲡ ⲉⲕⲛⲁϩϯ ⲉⲡⲭⲣⲓⲥⲧⲟⲥ ⲫⲏ ⲉⲧⲁϥⲧϩⲉⲙⲥⲟⲓ ⲉϫⲉⲛⲧⲉϥⲉⲕⲕⲗⲏⲥⲓⲁ ⲉⲑⲟⲩⲁⲃ ⲓⲉ ⲡϭⲟⲉⲓⲥ ⲛⲁⲉⲣϩⲙⲟⲧ ⲙⲡⲉⲕϣⲏⲣⲓ ⲙⲡⲓⲧⲁⲗϭⲟ .
And it came to pass that night that the Lord sent a vision to the archbishop, saying to him: “Send tomorrow to Athanasius the collector and say to him: If you believe in Christ who made me sit on his holy Church, the Lord will certainly grant your son the grace of healing.”
bohairic.life.isaac02:7
ⲉⲧⲁϥⲉⲙⲓ ⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ϫⲉⲉⲧⲁϥⲥϧⲉ ⲙⲡⲉϥⲟⲩⲱϣ ⲡⲉϫⲁϥ ⲛⲁϥ ϫⲉⲛⲁⲛⲉⲑⲁⲓ ⲙⲁϣⲉ ⲛⲁⲕ ⲥϧⲁⲓ ⲙⲡⲁⲓⲣⲏϯ ⲡⲗⲏⲛ ⲁⲣⲓⲉⲙⲓ ⲛⲁⲕ ϫⲉⲭⲛⲁⲥⲉⲛⲡⲁⲓⲙⲁ ⲉⲃⲟⲗ ⲁⲛ .
When the patriarch knew that he had written of his own free will, he said to him, “It is well, go, write thus, but know that you will not leave this place.”
bohairic.life.isaac01:7
ⲡⲁⲓϩⲁⲅⲓⲟⲥ ⲇⲉ ⲟⲩⲛ ⲛⲁⲥⲛⲏⲟⲩ ⲟⲩⲣⲉⲙⲛⲭⲏⲙⲓ ⲡⲉ ϧⲉⲛⲡⲉϥⲅⲉⲛⲟⲥ ⲟⲩⲉⲃⲟⲗ ⲡⲉ ϧⲉⲛⲟⲩϯⲙⲓ ⲉⲩⲙⲟⲩϯ ⲉⲣⲟϥ ϫⲉⲡⲓϣⲱ .
This saint then, my brethren, was a man of Egypt by his race, from a village called Pisho.
bohairic.life.isaac03:8
ⲉⲧⲁϥⲉⲣⲛⲩⲙⲫⲉⲓⲛ ⲇⲉ ⲛϫⲉⲫⲏ ⲉⲧⲟⲩⲁⲃ ⲉⲡⲓϭⲱⲣⲡ ⲉⲃⲟⲗ ⲁϥⲙⲟⲩϯ ⲉⲡⲉϥⲙⲁⲑⲏⲧⲏⲥ ϫⲉⲟⲩⲟⲛⲉⲡⲓⲥⲕⲟⲡⲟⲥ ⲙⲡⲁⲓⲙⲁ .
And when the saint had reflected on the vision, he called his disciple and said: “Is there a bishop here?”
bohairic.life.isaac02:8
ⲉⲧⲁϥⲛⲁⲩ ⲇⲉ ⲛϫⲉⲫⲏ ⲉⲑⲟⲩⲁⲃ ϫⲉⲙⲡⲉϥϣⲁϣⲛⲓ ⲉⲡⲉϥⲟⲩⲱϣ ⲡⲁⲗⲓⲛ ⲟⲛ ⲁϥⲥϧⲏⲧ ϯⲙⲁϩⲥⲛⲟⲩϯ ⲛⲉⲡⲓⲥⲧⲟⲗⲏ ⲉⲥⲟⲓ ⲛϣⲫⲏⲣ ⲉⲙⲁϣⲱ .
But when the saint saw that he had not obtained what he desired, he wrote a second letter which was very wonderful;
bohairic.life.isaac01:8
ⲛⲉϥⲓⲟϯ ⲇⲉ ⲛⲉϩⲁⲛⲙⲁⲓⲛⲟⲩϯ ⲛⲉ ⲉⲙⲁϣⲱ .
His parents were very God loving.
bohairic.life.isaac01:9
ⲛⲉⲟⲩⲟⲛ ⲛⲧⲱⲟⲩ ⲙⲙⲁⲩ ⲛⲟⲩⲙⲏϣ ⲛϩⲩⲡⲁⲣⲭⲟⲛⲧⲁ ϩⲁⲛⲃⲱⲕ ⲛⲉⲙϩⲁⲛⲃⲱⲕⲓ .
They possessed a multitude of possessions, and servants and maidservants.
bohairic.life.isaac02:9
ⲟⲩⲟϩ ⲉⲧⲁϥⲛⲁⲩ ⲉⲣⲟⲥ ⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲁϥⲣⲁϣⲓ ⲉⲙⲁϣⲱ ⲙⲫⲣⲏϯ ⲙⲡⲓⲣⲱⲙⲓ ⲉⲧⲥϧⲏⲟⲩⲧ ϧⲉⲛⲡⲓⲉⲩⲁⲅⲅⲉⲗⲓⲟⲛ ⲉⲧⲁϥϫⲓⲙⲓ ⲙⲡⲓⲁⲛⲁⲙⲏⲓ
and when the archbishop saw it, he rejoiced greatly, after the manner of the man spoken of in the Gospel, when he found a precious stone.
bohairic.life.isaac03:9
ⲡⲉϫⲁϥ ϫⲉⲥⲉ ϥⲉⲙⲙⲁⲓ ⲛϫⲉⲁⲃⲃⲁ ⲅⲉⲱⲣⲅⲓⲟⲥ ⲛⲉⲙⲁⲃⲃⲁ ⲅⲣⲏⲅⲟⲣⲓⲟⲥ ⲛⲉⲙⲁⲃⲃⲁ ⲡⲓⲁⲙⲟⲧ ⲡⲓⲉⲡⲓⲥⲕⲟⲡⲟⲥ ⲛⲧⲉⲧⲁⲙⲓⲁⲧ .
The disciple said: “Yes, there is here Abba Georgios, Abba Gregorios and Abba Piamot, the bishop of Damietta.”
bohairic.life.isaac03:10
ⲉⲧⲁⲡⲓⲡⲁⲧⲣⲓⲁⲣⲭⲏⲥ ⲙⲟⲩϯ ⲉⲡⲓⲉⲡⲓⲥⲕⲟⲡⲟⲥ ⲁϥⲧⲁⲙⲱⲟⲩ ⲉⲛⲏ ⲉⲧⲁϥⲛⲁⲩ ⲉⲣⲱⲟⲩ ϧⲉⲛⲛⲓϭⲱⲣⲡ ⲉⲃⲟⲗ .
The patriarch having called the bishop, he announced to them what he had seen in the vision.
bohairic.life.isaac02:10
ⲟⲩⲟϩ ⲁϥⲱϣ ⲉⲃⲟⲗ ⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲉϥϫⲱ ⲙⲙⲟⲥ ϫⲉⲙⲫⲣⲏϯ ⲉⲧⲁⲛⲥⲱⲧⲉⲙ ⲡⲁⲓⲣⲏϯ ⲟⲛ ⲁⲛⲛⲁⲩ ⲟⲩⲟϩ ⲡⲉϫⲁϥ ⲛⲛⲏ ⲉⲧⲟϩⲓ ⲉⲣⲁⲧⲟⲩ ⲙⲡⲉϥⲕⲱϯ ϫⲉⲁⲗⲏⲑⲱⲥ ⲛⲁϣⲏⲣⲓ ⲫⲏ ⲉⲧⲁⲛⲉⲣⲁⲓⲧⲉⲓⲛ ⲙⲙⲟϥ ⲁⲛϣⲁϣⲛⲓ ⲉⲣⲟϥ ϩⲓⲧⲉⲛϯϫⲟⲙ ⲛⲧⲉⲫⲛⲟⲩϯ ⲕⲁⲓ ⲅⲁⲣ ⲟⲩⲣⲱⲙⲓ ⲙⲡⲁⲓⲣⲏϯ ⲉⲛⲉⲣⲭⲣⲉⲓⲁ ⲙⲙⲟϥ .
And the archbishop cried out, saying, “As we had heard, we saw,” and he said to those who were standing near him, “Truly, my children, what we asked for, we have obtained, by the power of God, for it was such a man that we needed.”
bohairic.life.isaac01:10
ⲁⲥϣⲱⲡⲓ ⲇⲉ ⲉⲧⲁⲩϫⲫⲟ ⲙⲡⲓⲁⲗⲟⲩ ⲉⲑⲟⲩⲁⲃ ⲁⲩⲙⲟⲩϯ ⲉⲡⲉϥⲣⲁⲛ ϫⲉⲓⲥⲁⲁⲕ ⲉⲧⲉⲧϩⲉⲣⲙⲏⲛⲉⲓⲁ ⲙⲡⲉϥⲣⲁⲛ ϫⲉⲡⲓⲣⲁϣⲓ
It came to pass when the holy child came into the world that he was called by the name of Isaac: the meaning of this name is joy.
bohairic.life.isaac02:11
ⲧⲟⲧⲉ ⲡⲓⲁⲗⲟⲩ ⲛⲁϥϩⲉϫϩⲱϫ ⲡⲉ ⲛⲁϥⲟⲩⲱϣ ⲁⲛ ⲡⲉ ⲉⲓ ⲉⲧⲙⲏϯ ⲛⲛⲓⲣⲱⲙⲓ
Then the young man was distressed: he did not want to go into the midst of men.
bohairic.life.isaac01:11
ⲉⲧⲁⲩⲙⲟϩ ⲇⲉ ⲉⲃⲟⲗ ⲛϫⲉⲛⲓⲉϩⲟⲟⲩ ϫⲉϩⲓⲛⲁ ⲛⲧⲟⲩϯⲱⲙⲥ ⲛⲁϥ ⲕⲁⲧⲁⲛⲓⲡⲁⲣⲁⲇⲟⲥⲓⲥ ⲛⲧⲉⲛⲓⲭⲣⲓⲥⲧⲓⲁⲛⲟⲥ ⲁⲩϭⲓⲧϥ ⲛϫⲉⲛⲉϥⲓⲟϯ ⲉⲣⲁⲧϥ ⲙⲡⲓⲉⲡⲓⲥⲕⲟⲡⲟⲥ ⲛⲧⲉⲡⲓⲥⲏⲟⲩ ⲉⲧⲉⲙⲙⲁⲩ ⲉⲟⲩⲣⲱⲙⲓ ⲡⲉ ⲙⲡⲛⲉⲩⲙⲁⲧⲟⲫⲟⲣⲟⲥ ⲡⲉ .
When the day came to baptize him according to the traditions of the Christians, his parents took him to the bishop of that time: he was an inspired man.
bohairic.life.isaac03:11
ⲁϥⲉⲣⲟⲩⲱⲛ ϫⲉⲁⲃⲃⲁ ⲅⲣⲏⲅⲟⲣⲓⲟⲥ ⲉϥϫⲱ ⲙⲙⲟⲥ ϫⲉⲉⲕⲥⲱⲟⲩⲛ ϫⲉⲡⲁⲓⲣⲱⲙⲓ ϫⲟⲛⲧ ⲉⲧⲉⲕⲙⲉⲧⲁⲅⲓⲟⲥ ⲙⲏⲡⲱⲥ ⲟⲩⲫⲁⲛⲧⲁⲥⲓⲁ ⲡⲉ ⲡⲁⲓⲟⲩⲱⲛϩ ⲛⲧⲉϥϣⲧⲉⲙϣⲱⲡⲓ ⲙⲙⲉⲑⲙⲏⲓ ⲛϫⲉⲡⲓⲥⲁϫⲓ ⲛⲧⲉϥⲉⲣⲡⲉⲧϩⲱⲟⲩ ⲛⲁⲛ .
Abba Gregorios answered him saying: “You know that this man is angry with your holiness; perhaps this manifestation is a deceptive vision, that the words are not true and will do us harm.”
bohairic.life.isaac02:12
ⲉⲧⲁϥϯϩⲟ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛϩⲁⲛⲙⲏϣ ⲛⲥⲟⲡ ⲙⲟⲅⲓⲥ ⲁϥⲑⲉⲧⲡⲉϥϩⲏⲧ ⲉⲭⲁϥ ⲉⲃⲟⲗ
And after he had prayed to the archbishop many times, he scarcely persuaded his heart to release him.
bohairic.life.isaac03:12
ⲁϥⲉⲣⲟⲩⲱ ⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲡⲉϫⲁϥ ϩⲱⲥ ⲉϥⲥⲱⲟⲩⲛ ⲙⲫⲏ ⲉⲧⲟⲩⲧⲱϥ ⲛⲉⲙⲫⲛⲟⲩϯ ϫⲉⲫⲏ ⲉⲧⲁⲓϫⲟϥ ⲛⲱⲧⲉⲛ ⲁⲓϫⲟϥ ϧⲉⲛⲟⲩⲡⲁⲣⲣⲏⲥⲓⲁ ⲙⲡⲉⲙⲑⲟ ⲛⲟⲩⲟⲛ ⲛⲓⲃⲉⲛ ⲡⲓϩⲁⲅⲓⲟⲥ ⲙⲁⲣⲕⲟⲥ ⲡⲓⲉⲩⲁⲅⲅⲉⲗⲓⲥⲧⲏⲥ ⲉⲑⲟⲩⲁⲃ ⲡⲉ ⲉⲧⲟⲩⲁϩⲥⲁϩⲛⲓ ⲛⲱⲧⲉⲛ .
The archbishop answered and said to him as one who knew what was between God and him: “What I have said to you, I have spoken truthfully in the presence of each one; it is the holy evangelist Mark who commands you.”
bohairic.life.isaac01:12
ⲫⲁⲓ ⲇⲉ ϧⲉⲛⲡϫⲓⲛⲑⲣⲉϥⲱⲙⲉ ⲙⲡⲓⲁⲗⲟⲩ ⲉⲑⲟⲩⲁⲃ ϧⲉⲛϯⲕⲟⲗⲩⲃⲏⲑⲣⲁ ϧⲉⲛⲫⲣⲁⲛ ⲙⲫⲓⲱⲧ ⲛⲉⲙⲡϣⲏⲣⲓ ⲛⲉⲙⲡⲓⲡⲛⲉⲩⲙⲁ ⲉⲑⲟⲩⲁⲃ ϯⲧⲣⲓⲁⲉ ⲛⲟⲙⲟⲟⲩⲉⲓⲟⲉ ⲟⲩⲟϩ ⲁⲩⲟⲩⲱⲛ ⲛϫⲉⲛⲉϥⲃⲁⲗ ⲁϥⲛⲁⲩ ⲉⲟⲩⲥⲧⲁⲩⲣⲟⲥ ⲛⲟⲩⲱⲓⲛⲓ ⲉϫⲉⲛⲧⲁⲫⲉ ⲙⲡⲓⲁⲗⲟⲩ
As he was baptizing the holy child in the pool in the name of the Father, the Son, and the Holy Spirit, the consubstantial Trinity, his eyes were opened, and he saw a luminous cross on the head of the child.
bohairic.life.isaac01:13
ⲟⲩⲟϩ ϩⲱⲥ ⲉⲁⲩⲕⲓⲙ ⲉⲣⲟϥ ϩⲓⲧⲉⲛⲡⲓⲡⲛⲉⲩⲙⲁ ⲉⲑⲟⲩⲁⲃ ⲁϥⲱϣ ⲉⲃⲟⲗ ϧⲉⲛⲟⲩⲥⲙⲏ ⲙⲡⲣⲟⲫⲏⲧⲓⲕⲟⲛ ⲉϥϫⲱ ⲙⲙⲟⲥ ϫⲉⲛⲑⲟⲕ ⲟⲩⲛⲓϣϯ ⲡϭⲟⲉⲓⲥ ⲫⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲛⲑⲟⲕ ⲙⲙⲁⲩⲁⲧⲕ ⲉⲑⲛⲁⲁϥ ⲟⲩⲟϩ ⲛϩⲣⲏⲓ ϧⲉⲛⲛⲉⲕⲙⲟⲕⲙⲉⲕ ⲙⲙⲟⲛ ⲡⲉⲧⲛⲁϣⲓⲛⲓ ⲙⲙⲟⲕ .
As if he had been moved by the Holy Spirit, he cried out in a prophetic voice, saying, ‘Thou art great, O Lord God, Creator of all things, thou alone art great, and no one shall question thee about thy thoughts.’
bohairic.life.isaac03:13
ⲉⲧⲁⲩϣⲉ ⲛⲱⲟⲩ ⲕⲁⲧⲁⲫⲣⲏϯ ⲉⲧⲁϥϫⲟⲥ ⲁⲩⲓ ⲉⲡⲏⲓ ⲛⲁⲑⲁⲛⲁⲥⲓⲟⲥ ⲁⲩϫⲉⲙϥ ⲉϥⲣⲓⲙⲓ ⲉⲡⲉϥϣⲏⲣⲓ ⲟⲩⲟϩ ⲁⲩϫⲱ ⲉⲣⲟϥ ⲛⲛⲏ ⲉⲧⲁⲡⲓⲁⲣⲭⲓⲉⲡⲓⲥⲕⲟⲡⲟⲥ ϫⲟⲧⲟⲩ ⲛⲱⲟⲩ .
When they had gone they came to the house of Athanasius, and found him weeping for his son, and they reported to him the words of the archbishop.
bohairic.life.isaac02:13
ⲡⲗⲏⲛ ⲁϥⲥⲉⲙⲛⲏⲧⲥ ⲛⲉⲙⲁϥ ⲉⲑⲣⲉϥⲉⲣⲟⲩⲁⲃⲟⲧ ⲛⲉϩⲟⲟⲩ ϧⲁⲧⲟⲧϥ ⲛⲧⲉⲛⲣⲟⲙⲡⲓ ⲉϥⲥϧⲁⲓ ⲛⲛⲓϩⲉⲟⲣⲧⲁⲥⲧⲓⲕⲏ ⲟⲩⲟϩ ⲁϥⲓ ⲉⲃⲟⲗ ϩⲓⲧⲟⲧϥ ϧⲉⲛⲟⲩϩⲉⲓⲣⲏⲛⲏ ⲁϥⲧⲁϩⲉⲡϣⲁϥⲉ ⲫⲏ ⲉⲧⲉϥⲙⲉⲓ ⲙⲙⲟϥ .
However, he promised to spend a month with him every year and to write heortasics for him, and then he left in peace, and he returned to the desert he loved.
bohairic.life.isaac01:14
ⲛⲁⲓ ⲇⲉ ⲉⲧⲁϥϫⲟⲧⲟⲩ ⲛϫⲉⲡⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲁϥⲧⲏⲓϥ ⲛⲛⲉϥⲓⲟϯ ⲉϥϫⲱ ⲙⲙⲟⲥ ϫⲉⲁⲣⲉϩ ⲉⲡⲁⲓⲁⲗⲟⲩ ϫⲉⲟⲩⲇⲱⲣⲟⲛ ⲛⲧⲉⲫⲛⲟⲩϯ ⲡⲉ ⲫⲁⲓ ⲅⲁⲣ ⲛⲁϣⲱⲡⲓ ⲛⲟⲩⲛⲓϣϯ ⲛⲁⲣⲭⲓⲉⲣⲉⲩⲥ ϧⲉⲛⲡⲏⲓ ⲙⲫⲛⲟⲩϯ ⲟⲩⲟϩ ⲥⲉⲛⲁⲧⲉⲛϩⲟⲩⲧϥ ⲉϩⲁⲛⲗⲁⲟⲥ ⲉⲩⲟϣ .
After saying these words, the holy bishop gave the child to his parents, saying: ‘Keep this child well, for he is a gift from God, he will be a great pontiff in the house of God and many peoples will be entrusted to him.’
bohairic.life.isaac03:14
ⲁϥⲉⲣⲟⲩⲱ ⲛϫⲉⲁⲑⲁⲛⲁⲥⲓⲟⲥ ⲡⲉϫⲁϥ ϫⲉⲁⲗⲏⲑⲱⲥ ⲁⲣⲉϣⲁⲛⲡⲓⲧⲁⲗϭⲟ ϣⲱⲡⲓ ⲙⲡⲁϣⲏⲣⲓ ⲉⲃⲟⲗ ϩⲓⲧⲉⲛⲡⲓⲁⲣⲭⲓⲉⲡⲓⲥⲕⲟⲡⲟⲥ ϯⲛⲁⲛⲁϩϯ ⲉⲣⲟϥ ⲙⲫⲣⲏϯ ⲛⲁⲑⲁⲛⲁⲥⲓⲟⲥ ⲛⲉⲙⲕⲩⲣⲓⲗⲗⲟⲥ ⲛⲉⲙⲓⲅⲛⲁⲧⲓⲟⲥ ⲛⲉⲙⲥⲉⲩⲏⲣⲟⲥ .
Athanasius answered: “Truly, if healing comes to my son through the archbishop, I will believe in him as I did in Athanasius, Cyril, Ignatius, and Severus.”
bohairic.life.isaac02:14
ⲉⲣⲉⲛⲁⲓ ϣⲟⲡ ⲙⲡⲁⲓⲣⲏϯ ⲁϥⲙⲧⲟⲛ ⲙⲙⲟϥ ⲛϫⲉⲡⲓⲉⲡⲓⲥⲕⲟⲡⲟⲥ ⲡⲧⲉϯⲡⲟⲗⲓⲥ ⲥⲁⲓ ⲁⲩⲧⲁϩⲟ ⲙⲡⲉϥⲓⲱⲧ ⲙⲡⲛⲉⲩⲙⲁⲧⲓⲕⲟⲛ ⲁⲩⲁⲓϥ ⲛⲉⲡⲓⲥⲕⲟⲡⲟⲥ ⲉϯⲡⲟⲗⲓⲥ ⲥⲁⲓ .
In the meantime, the bishop of Sais passed away, and they took his spiritual father, and made him bishop of Sais.
bohairic.life.isaac02:15
ⲫⲏ ⲉⲑⲟⲩⲁⲃ ⲇⲉ ⲓⲥⲁⲁⲕ ⲛⲁϥϣⲟⲡ ⲡⲉ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲛⲉⲙⲛⲉϥⲥⲛⲏⲟⲩ .
Saint Isaac remained in the monastery with his brothers.
bohairic.life.isaac03:15
ⲟⲩⲟϩ ⲁⲑⲁⲛⲁⲥⲓⲟⲥ ⲛⲉⲙⲧⲉϥⲥϩⲓⲙⲓ ⲁⲩϩⲓⲧⲟⲩ ⲉϧⲣⲏⲓ ϧⲁⲛⲉⲛϭⲁⲗⲁⲩϫ ⲛⲛⲓⲉⲡⲓⲥⲕⲟⲡⲟⲥ ⲉⲩϫⲱ ⲙⲙⲟⲥ ϫⲉⲧⲉⲛϯϩⲟ ⲉⲣⲱⲧⲉⲛ ϩⲓⲛⲁ ⲛⲧⲉⲧⲉⲛϧⲱⲛϫ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲧⲉϥⲧⲱⲃϩ ⲙⲫⲛⲟⲩϯ ⲉϫⲱϥ ⲛⲧⲉϥⲟⲩϫⲁⲓ ϫⲉⲟⲩⲏⲓ ⲧⲉⲛⲛⲁϣϫⲉⲙϫⲟⲙ ⲁⲛ ⲛϫⲟⲩϣⲧ ⲉϧⲟⲩⲛ ⲉϫⲱϥ ⲉⲑⲃⲉⲛⲓⲡⲉⲧϩⲱⲟⲩ ⲉⲧⲁⲛⲁⲓⲧⲟⲩ ⲛⲁϥ .
And Athanasius and his wife fell at the feet of the bishops, saying: “We beg you, exhort the archbishop to implore God to save him; for we certainly cannot look upon the (saint) because of the evils we have done him.”
bohairic.life.isaac01:15
ⲛⲁⲓ ⲇⲉ ⲉⲧⲁⲩⲥⲟⲑⲙⲟⲩ ⲛϫⲉⲛⲉϥⲓⲟϯ ⲁⲩϭⲓⲥⲓ ⲛⲧⲟⲩⲥⲙⲏ ⲉⲩϫⲱ ⲙⲙⲟⲥ ϫⲉⲙⲁⲣⲉϥϣⲱⲡⲓ ⲛϫⲉⲫⲣⲁⲛ ⲙⲡϭⲟⲉⲓⲥ ⲉϥⲥⲙⲁⲣⲱⲟⲩⲧ ⲓⲥϫⲉⲛⲡⲓⲉⲛⲉϩ ϣⲁⲉⲛⲉϩ .
When his parents heard this, they raised their voices and said, ‘From ever since and until forever, prasied be the name of the Lord!’
bohairic.life.isaac02:16
ⲁⲥϣⲱⲡⲓ ⲇⲉ ⲛⲟⲩⲥⲟⲡ ⲉⲧⲁϥϩⲱⲗ ⲉϫⲉⲙⲡⲉϥϣⲓⲛⲓ ⲟⲩⲟϩ ⲛⲧⲉϥⲛⲁⲩ ⲉⲣⲟϥ ⲉⲧⲁⲩⲉⲣⲁⲡⲁⲛⲧⲁⲛ ⲉⲛⲟⲩⲉⲣⲏⲟⲩ ⲁⲩⲣⲁϣⲓ
It happened once that they went out to visit him and see him, and when they had met each other, they rejoiced.
bohairic.life.isaac03:16
ⲉⲧⲁⲩⲓ ⲇⲉ ⲛϫⲉⲛⲓⲉⲡⲓⲥⲕⲟⲡⲟⲥ ⲁⲩⲧⲁⲙⲉ ⲉⲡⲓⲡⲁⲧⲣⲓⲁⲣⲭⲏⲥ ⲉⲑⲟⲩⲁⲃ ⲉⲛⲏ ⲉⲧⲁⲁⲑⲁⲛⲁⲥⲓⲟⲥ ϫⲟⲧⲟⲩ .
When the bishops had gone, they reported to the holy patriarch what Athanasius had said.
bohairic.life.isaac01:16
ⲉⲧⲁϥⲉⲣⲡⲣⲟⲕⲟⲡⲧⲉⲓⲛ ⲇⲉ ⲛϫⲉⲡⲓⲁⲗⲟⲩ ⲉⲑⲟⲩⲁⲃ ϧⲉⲛϯⲙⲁⲓⲏ ⲁⲩⲧⲏⲓϥ ⲛϫⲉⲛⲉϥⲓⲟϯ ⲉϯⲁⲛⲍⲏⲃ ⲟⲩⲟϩ ϧⲉⲛϩⲁⲛⲕⲟⲩϫⲓ ⲛⲉϩⲟⲟⲩ ⲁϥⲉⲙⲓ ⲉⲧϫⲟⲙ ⲛⲛⲓⲥϧⲁⲓ ⲛⲉⲙⲛⲓⲙⲁⲑⲏⲙⲁ ϩⲱⲥⲧⲉ ⲛⲧⲟⲩⲉⲣϣⲫⲏⲣⲓ ⲙⲙⲟϥ ⲛϫⲉⲟⲩⲟⲛ ⲛⲓⲃⲉⲛ ⲉⲧⲭⲏ ϧⲉⲛϯⲁⲛⲍⲏⲃ ⲛⲉⲙⲁϥ ⲉⲩⲛⲁⲩ ⲉⲡⲓⲉⲙⲓ ⲉⲧⲁⲫⲛⲟⲩϯ ⲧⲏⲓϥ ⲛⲁϥ ⲟⲩⲟϩ ⲛⲁⲩϭⲛⲟⲛ ⲛϫⲱⲟⲩ ⲛⲁϥ ⲧⲏⲣⲟⲩ ⲛϫⲉⲟⲩⲟⲛ ⲛⲓⲃⲉⲛ ⲉⲧϧⲉⲛϯⲁⲛⲍⲏⲃ .
When the holy child was advanced in years, his parents sent him to school, and in a few days he learned the value of letters and the things taught, so that all those who were with him in school admired him when they saw the knowledge that God had given him, and all his fellow-students bowed their heads to him.
bohairic.life.isaac03:17
ⲧⲟⲧⲉ ⲡⲓⲁⲣⲭⲓⲉⲡⲓⲥⲕⲟⲡⲟⲥ ⲁϥⲓ ⲙⲫⲙⲁ ⲙⲡⲓⲁⲗⲟⲩ ⲁϥⲟϩⲓ ⲉⲣⲁⲧϥ ⲥⲁⲡϣⲱⲓ ⲙⲙⲟϥ ⲁϥϯ ⲛⲟⲩⲉⲩⲭⲏ ⲉϫⲱϥ ⲁϥⲉⲣⲥⲫⲣⲁⲅⲓⲍⲉⲓⲛ ⲙⲙⲟϥ ϧⲉⲛⲧⲉϥϫⲓϫ ⲉⲑⲟⲩⲁⲃ ϧⲉⲛϯⲟⲩⲛⲟⲩ ⲁⲡⲓⲁⲗⲟⲩ ϥⲟϫϥ ⲉⲡϣⲱⲓ ⲉⲃⲟⲗ ϧⲉⲛⲡⲓⲙⲁⲛⲕⲟⲧ ⲓⲥϫⲉⲕ ⲙⲡⲉϥϣⲱⲛⲓ ⲉⲡⲧⲏⲣϥ .
Then the archbishop went to the child; he stood over him, prayed over him, and signed him with his holy hand. At once the child jumped out of his bed, as if he had not been sick at all;
bohairic.life.isaac02:17
ⲟⲩⲟϩ ⲛⲉ ⲟⲩⲟⲛⲟⲩⲣⲱⲙⲓ ⲡⲉ ⲉⲡⲉϥⲣⲁⲛ ⲡⲉ ⲓⲥⲁⲁⲕ ⲉϥⲟⲓ ⲛⲭⲁⲣⲧⲟⲗⲁⲣⲓⲟⲥ ⲉϯⲭⲱⲣⲁ ⲛⲧⲉⲭⲏⲙⲓ ⲛⲉⲟⲩⲙⲁⲓⲛⲟⲩϯ ⲡⲉ ⲉⲙⲁϣⲱ .
And there was a man named Isaac who was a tax collector of the land of Egypt, who was very much a God-loving man.
bohairic.life.isaac01:17
ⲉⲧⲁϥⲙⲟϩ ⲇⲉ ⲉⲃⲟⲗ ϧⲉⲛⲡⲓⲉⲙⲓ ⲛⲉⲙϯⲥⲟⲫⲓⲁ ⲁⲩⲧⲏⲓϥ ⲛϫⲉⲛⲉϥⲓⲟϯ ⲉⲧⲟⲧϥ ⲛⲟⲩⲥⲩⲅⲅⲉⲛⲏⲥ ⲛⲧⲱⲟⲩ ⲉⲡⲉϥⲣⲁⲛ ⲡⲉ ⲙⲉⲛⲉⲥⲱⲛ ⲉϥⲟⲓ ⲛⲭⲁⲣⲧⲟⲗⲁⲣⲓⲟⲥ ϧⲁⲣⲁⲧϥ ⲛⲅⲉⲱⲣⲅⲓⲟⲥ ⲉϥⲟⲓ ⲛⲉⲡⲁⲣⲭⲟⲥ ⲉϯⲭⲱⲣⲁ ⲛⲧⲉⲭⲏⲙⲓ ϫⲉϩⲓⲛⲁ ⲛⲧⲉⲡⲓⲁⲗⲟⲩ ⲓⲥⲁⲁⲕ ϣⲱⲡⲓ ⲛⲛⲟⲧⲁⲣⲓⲟⲥ ϧⲁⲣⲁⲧϥ .
And when he was full of knowledge and wisdom, his parents entrusted him to one of their relatives, named Meneson, secretary to Georgios, eparch of the land of Egypt: the little boy Isaac was to be a notary under his direction.
bohairic.life.isaac02:18
ⲟⲩⲟϩ ⲛⲉⲟⲩⲉⲃⲟⲗ ϧⲉⲛⲟⲩⲧⲓⲙⲓ ⲉⲩⲙⲟⲩϯ ⲉⲣⲟϥ ϫⲉϫⲉⲃⲣⲟⲛⲁⲑⲏⲛⲓ ⲉⲟⲩⲟⲛ ⲛⲧⲁϥ ⲙⲙⲁⲩ ⲛⲟⲩⲛⲓϣϯ ⲛⲛⲁϩϯ ⲉϧⲟⲩⲛ ⲉⲡⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲁⲃⲃⲁ ⲍⲁⲭⲁⲣⲓⲁⲥ .
He was from a village called Djebronathonini, which had a holy bishop Abba Zacharias, in whom great confidence was placed.
bohairic.life.isaac03:18
ⲟⲩⲟϩ ⲁϥϫⲟⲥ ⲉϥⲑⲣⲟⲩⲓⲛⲓ ⲛⲁϥ ⲛⲧⲉϥⲟⲩⲱⲙ ϫⲉⲟⲩⲏⲓ ⲓⲥϫⲉⲛⲡⲓⲉϩⲟⲟⲩ ⲉⲧⲁϥϣⲱⲡⲓ ⲙⲡⲉϥϫⲉⲙϯⲡⲓ ⲛϩⲗⲓ .
The archbishop ordered something to be brought to him, for since the day he had become sick he had not tasted anything.
bohairic.life.isaac01:18
ⲟⲩⲟϩ ⲉⲧⲓ ⲉϥϣⲟⲡ ϧⲉⲛⲡⲓⲙⲁ ⲉⲧⲉⲙⲙⲁⲩ ⲁϥⲟⲩⲱⲛϧ ⲙⲫⲃⲓⲟⲥ ⲛϯⲙⲉⲧⲙⲟⲛⲁⲭⲟⲥ ⲉⲃⲟⲗ .
As long as he was in this place, he set an example of a monk's life:
bohairic.life.isaac03:19
ⲟⲩⲟϩ ⲉⲧⲁϥⲛⲁⲩ ⲛϫⲉⲁⲑⲁⲛⲁⲥⲓⲟⲥ ⲛⲉⲙⲧⲉϥⲥϩⲓⲙⲓ ⲉⲡⲓⲧⲁⲗϭⲟ ⲉⲧⲁϥϣⲱⲡⲓ ⲙⲡⲟⲩϣⲏⲣⲓ ⲉⲃⲟⲗ ϩⲓⲧⲉⲛⲡⲓⲁⲣⲭⲓⲉⲡⲓⲥⲕⲟⲡⲟⲥ ⲁⲩϩⲓⲧⲟⲩ ⲉϫⲉⲛⲛⲟⲩϩⲟ ϧⲁⲛⲉϥϭⲁⲗⲁⲩϫ ⲉⲩⲉⲣⲁⲓⲧⲉⲓⲛ ⲛⲟⲩⲥⲩⲛⲅⲛⲱⲙⲏ ⲉⲃⲟⲗ ϩⲓⲧⲟⲧϥ .
And when Athanasius and his wife saw the healing that had taken place in their child, they prostrated their faces at the feet of the patriarch, asking his forgiveness.
bohairic.life.isaac01:19
ⲛϣⲟⲣⲡ ⲙⲉⲛ ⲁϥⲱⲗⲓ ⲛⲛⲓⲯⲁⲗⲙⲟⲥ ⲛⲁⲡⲟⲥⲧⲏⲑⲏⲥ ⲉϥⲉⲣⲛⲏⲥⲧⲉⲩⲉⲓⲛ ϣⲁⲣⲟⲩϩⲓ ⲙⲙⲏⲛⲓ ⲉϥⲙⲏⲛ ⲉⲛⲓⲥⲩⲛⲁⲝⲓⲥ ⲉϥⲉⲣⲫⲟⲣⲉⲓⲛ ⲛⲟⲩϣⲑⲏⲛ ⲛϥⲱⲓ ⲉⲃⲟⲗ ⲥⲁϧⲟⲩⲛ ⲙⲙⲟϥ ⲥⲁⲃⲟⲗ ⲇⲉ ⲛⲑⲁⲓ ⲟⲩϩⲉⲃⲥⲱ ⲉⲥⲫⲉⲣⲓⲱⲟⲩ .
first of all, he learned the psalms by heart, he fasted every day until evening, he always went to church services, he wore a tunic of hair on his skin and on it a magnificent garment.
bohairic.life.isaac02:19
ⲁϥⲓ ϣⲁⲣⲟϥ ⲉϥϯϩⲟ ⲉⲣⲟϥ ⲉϥϫⲱ ⲙⲙⲟⲥ ϫⲉⲉⲡⲉⲓⲇⲏ ⲁⲡⲟⲩⲣⲟ ⲟⲩⲱⲣⲡ ⲛⲥⲱⲓ ⲛⲧⲁϯ ⲡⲗⲟⲅⲟⲥ ⲛⲛⲓⲇⲏⲙⲟⲥⲓⲟⲛ ⲛⲁϥ ⲉϧⲟⲩⲛ ⲉⲑⲃⲉⲫⲁⲓ ϯϯϩⲟ ⲉⲣⲟⲕ ⲉⲑⲣⲉⲕⲧⲱⲃϩ ⲙⲡϭⲟⲉⲓⲥ ⲉϩⲣⲏⲓ ⲉϫⲱⲓ ⲛⲧⲉϥϭⲱⲣⲡ ⲛⲁⲕ ⲉⲃⲟⲗ ⲛⲛⲏ ⲉⲑⲛⲁϣⲱⲡⲓ ⲙⲙⲟⲓ ϩⲓⲛⲁ ⲛⲧⲁϯ ⲡⲑⲱϣ ⲙⲡⲁⲏⲓ
And he went to him to beseech him, and said, “Since the king has sent for me to give him an account of the public money, I beg you to implore the Lord for me in this matter, that he may reveal to you what will happen to me, and that I may put my house in order.”
bohairic.life.isaac01:20
ⲁⲥϣⲱⲡⲓ ⲇⲉ ⲛⲟⲩⲁⲓ ⲛⲛⲓⲉϩⲟⲟⲩ ⲁϥⲙⲟⲩϯ ⲛϫⲉⲡⲓⲁⲣⲭⲱⲛ ⲉⲙⲉⲛⲉⲥⲱⲛ ⲉϥⲟⲩⲱϣ ⲉⲥϧⲏⲧⲟⲩⲉⲡⲓⲥⲧⲟⲗⲏ ⲛⲁⲛⲁⲅⲕⲁⲓⲟⲛ ϩⲱⲥ ⲛⲑⲟϥ ⲡⲉ ⲡⲓⲛⲓϣϯ ⲛⲛⲟⲧⲁⲣⲓⲟⲥ ⲟⲩⲟϩ ⲉⲧⲉⲙⲡⲉϥϫⲉⲙϥ ⲡⲣⲟⲥⲡⲓⲛⲁⲩ ⲁϥⲙⲃⲟⲛ ϧⲉⲛⲟⲩⲛⲓϣϯ ⲛϫⲱⲛⲧ .
One day it happened that the prefect called Meneson, desiring to have him write a necessary letter, for he was the first of the notaries; but he did not find him immediately and became very angry.
bohairic.life.isaac03:20
ⲡⲉϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲁⲑⲁⲛⲁⲥⲓⲟⲥ ϫⲉⲡⲁϣⲏⲣⲓ ⲁⲣⲉϩ ⲉⲣⲟⲕ ⲓⲥϫⲉⲛⲫⲟⲟⲩ ⲙⲡⲣϯⲙⲕⲁϩ ⲛϯⲉⲕⲕⲗⲏⲕⲓⲁ ϫⲉⲫⲏ ⲉⲧϯ ⲉϧⲟⲩⲛ ⲉϩⲣⲉⲛϯⲉⲕⲕⲗⲏⲥⲓⲁ ⲁϥϯ ⲉϧⲟⲩⲛ ⲉϩⲣⲉⲛⲡⲭⲣⲓⲥⲧⲟⲥ .
The archbishop said to Athanasius: “My son, from this day take good care and do not grieve the Church any more; for he who fights against the Church fights against Christ.”
bohairic.life.isaac02:20
ⲁϥⲉⲣⲟⲩⲱ ⲛϫⲉⲡⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲡⲉϫⲁϥ ϫⲉⲡⲁϣⲏⲣⲓ ϯⲟⲓ ⲛϩⲓⲕⲁⲛⲟⲥ ⲁⲛ ⲡⲁⲓϩⲱⲃ ⲙⲡⲁⲓⲣⲏϯ ⲕⲁⲧⲁⲫⲣⲏϯ ⲉⲧⲉⲕⲙⲉⲩⲓ ⲉⲣⲟⲓ .
The holy bishop replied, “My son, I am not capable of such a thing, as you think.”
bohairic.life.isaac03:21
ⲟⲩⲟϩ ⲓⲥϫⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲁⲡⲓⲁⲣⲭⲓⲉⲡⲓⲥⲕⲟⲡⲟⲥ ϣⲱⲡⲓ ⲉⲧⲧⲁⲓⲏⲟⲩⲧ ⲛⲧⲟⲧϥ ⲛⲁⲑⲁⲛⲁⲥⲓⲟⲥ ⲉϥϯⲧⲁⲓⲟ ⲛⲁϥ ⲙⲫⲣⲏϯ ⲛⲟⲩⲁⲅⲅⲉⲗⲟⲥ ⲛⲧⲉⲫⲛⲟⲩϯ ⲟⲩⲟϩ ⲁⲡⲓⲁⲣⲭⲓⲉⲡⲓⲥⲕⲟⲡⲟⲥ ⲥⲁϫⲓ ⲛⲉⲙⲁⲑⲁⲛⲁⲥⲓⲟⲥ ϧⲉⲛⲡϫⲓⲛⲑⲣⲉⲟⲩⲡⲁⲣⲟⲩⲥⲓⲁ ϣⲱⲡⲓ ⲟⲩⲧⲱⲟⲩ ⲛⲉⲙⲛⲟⲩⲉⲣⲏⲟⲩ ⲉⲑⲃⲉⲡⲓⲉⲩⲁⲅⲅⲉⲗⲓⲟⲛ ⲛⲧⲉⲣⲁⲕⲟϯ ϫⲉⲛⲧⲉϥⲉⲣⲫⲓⲗⲟⲕⲁⲗⲉⲓⲛ ⲙⲙⲟϥ ⲉⲑⲃⲉϫⲉⲁϥⲣⲓⲕⲓ ⲛϩⲉⲓ ⲉⲑⲃⲉⲡⲁϣⲁⲓ ⲙⲡⲓⲭⲣⲟⲛⲟⲥ ⲟⲩⲟϩ ⲉⲃⲟⲗ ϩⲓⲧⲉⲛⲡⲓϩⲙⲟⲧ ⲛⲧⲉⲫⲛⲟⲩϯ ⲁϥⲧⲁϩⲟϥ ⲉⲣⲁⲧϥ ⲟⲩⲟϩ ⲁϥⲥⲉⲗⲥⲱⲗϥ ϧⲉⲛⲟⲩⲛⲓϣϯ ⲙⲙⲉⲧⲥⲁⲓⲉ
And from that day the archbishop was honored by Athanasius who gave him glory as to an angel of God. And the archbishop, when the frequentation was established between them, spoke with Athanasius about the Evangelium of Alexandria so that he would make it beautiful*, because due to the length of time this Evangelium was leaning ready to fall, and with the grace of God Athanasius raised it up and adorned it with beauty.
bohairic.life.isaac01:21
ⲟⲩⲟϩ ⲉⲧⲁϥⲙⲟⲩϯ ⲉⲡⲓⲁⲗⲟⲩ ⲓⲥⲁⲁⲕ ⲁϥϣⲉⲛϥ ϫⲉⲉⲣⲉⲡⲉⲕⲥⲁϧ ⲑⲱⲛ .
He asked the boy Isaac, 'Where is your master?'
bohairic.life.isaac02:21
ⲁϥⲉⲣⲟⲩⲱ ⲛϫⲉⲡⲓⲣⲱⲙⲓ ϫⲉϯⲛⲁϩϯ ⲉⲡϭⲟⲉⲓⲥ ϫⲉⲫⲏ ⲉⲧⲉⲕⲛⲁⲉⲣⲁⲓⲧⲉⲓⲛ ⲙⲙⲟϥ ⲛⲧⲟⲧϥ ϥⲛⲁⲧⲏⲓϥ ⲛⲁⲕ .
The man replied, “I trust in God, and whatever you ask of him, he will give you.”
bohairic.life.isaac03:22
ⲟⲩⲟϩ ϧⲉⲛⲛⲉϥⲉϩⲟⲟⲩ ⲁⲩⲑⲱⲟⲩϯ ⲙⲡⲓϣⲉ ϧⲉⲛⲣⲁⲕⲟϯ ⲉⲑⲃⲉϫⲉⲙⲡⲟⲩϣϫⲉⲙϫⲟⲙ ⲛⲉⲣⲫⲁⲓ ⲛϫⲉⲛⲓⲁⲣⲭⲓⲉⲡⲓⲥⲕⲟⲡⲟⲥ ⲉⲧϧⲁϫⲱϥ ⲉⲑⲃⲉⲛⲉⲛϫⲁϫⲓ ⲙⲡⲉⲛⲛⲁϩϯ .
And during the days of his (patriarchate) a council was assembled in Alexandria, which his predecessors the archbishops had not been able to do because of the enemies of our faith.
bohairic.life.isaac02:22
ⲁⲥϣⲱⲡⲓ ⲉⲧⲁⲣⲟⲩϩⲓ ϣⲱⲡⲓ ⲡⲉϫⲉⲡⲓⲉⲡⲓⲥⲕⲟⲡⲟⲥ ⲛⲓⲥⲁⲁⲕ ⲡⲉϥⲙⲁⲑⲏⲧⲏⲥ ϫⲉⲙⲁⲣⲉⲛⲧⲱⲃϩ ϩⲓⲟⲩⲥⲟⲡ ⲙⲡⲁⲓⲉϫⲱⲣϩ ϩⲟⲡⲱⲥ ⲛⲧⲉⲡϭⲟⲉⲓⲥ ⲡⲉⲛⲛⲟⲩϯ ϭⲱⲣⲡ ⲛⲁⲛ ⲉⲃⲟⲗ ⲙⲫⲏ ⲉⲑⲛⲁϣⲱⲡⲓ ⲙⲡⲁⲓⲣⲱⲙⲓ .
And when evening came, it happened that the bishop said to Isaac his disciple, “Let us pray together this night, that the Lord may reveal to us what will happen to this man.”
bohairic.life.isaac01:22
ⲡⲉϫⲁϥ ϫⲉϯⲉⲙⲓ ⲁⲛ .
He answered, 'I don't know.'
bohairic.life.isaac03:23
ⲟⲩⲟϩ ⲁⲫⲛⲟⲩϯ ϯ ⲛⲟⲩⲛⲟϩⲉⲙ ⲛⲁϥ ⲙⲡⲉⲙⲑⲟ ⲙⲡⲟⲩⲣⲟ ⲛⲛⲓⲥⲁⲣⲁⲕⲏⲛⲟⲥ ⲟⲩⲟϩ ⲛⲁϥⲧⲁⲓⲏⲟⲩⲧ ⲛⲧⲟⲧϥ ⲉⲙⲁϣⲱ ⲉϥϯⲧⲁⲓⲟ ⲛⲁϥ . ⲟⲩⲙⲏϣ ⲛⲥⲟⲡ ϣⲁϥⲙⲟⲩϯ ⲛⲁϥ ⲛⲧⲟⲩϩⲉⲙⲥⲓ ⲛⲉⲙⲛⲟⲩⲉⲣⲏⲟⲩ ⲛⲧⲟⲩⲉⲣⲥⲩⲛⲧⲩⲭⲓⲁ ⲉⲑⲃⲉϫⲉⲁⲡⲓⲟⲩⲣⲟ ⲛⲁⲩ ⲉϩⲁⲛⲙⲏϣ ⲛⲧⲁⲗϭⲟ ⲉⲃⲟⲗ ϩⲓⲧⲟⲧϥ .
And God made him find favor with the king of the Saracens who honored him greatly, giving him glory a multitude of times until his death, so much so that they sat together, that they had interviews, because the king saw the multitude of cures (operated) by him.
bohairic.life.isaac01:23
ⲉⲧⲁⲡⲓⲁⲗⲟⲩ ⲛⲁⲩ ⲉⲣⲟϥ ⲉⲣⲉⲡⲉϥϩⲟ ⲟⲕⲉⲙ ⲁϥⲉⲣⲟⲩⲱ ⲛⲁϩⲣⲁϥ ⲙⲫⲣⲏϯ ⲙⲫⲏ ⲉⲑⲟⲩⲁⲃ ⲇⲁⲩⲓⲇ ⲛⲁϩⲣⲉⲛⲡⲟⲩⲣⲟ ⲙⲡⲓⲥⲣⲁⲏⲗ ⲉϥϫⲱ ⲙⲙⲟⲥ ϫⲉⲉⲑⲃⲉⲟⲩ ⲡϩⲟ ⲙⲡⲁϭⲟⲉⲓⲥ ⲟⲕⲉⲙ ⲟⲩⲁϩⲥⲁϩⲛⲓ ⲛⲏⲓ ϯⲛⲁⲥϧⲉϯⲉⲡⲓⲥⲧⲟⲗⲏ ⲙⲫⲣⲏϯ ⲉⲧⲉⲕⲟⲩⲱϣ .
And when the little boy saw that his face was sad, he spoke to him as the holy David spoke to the king of Israel, saying: ‘Why is the face of my lord sad? command me, and I will write the letter as you wish.’
bohairic.life.isaac02:23
ⲟⲩⲟϩ ⲉⲧⲓ ⲉⲣⲉⲡⲓⲃ ⲟϩⲓ ⲉⲣⲁⲧⲟⲩ ⲉⲩⲧⲱⲃϩ ϩⲏⲡⲡⲉ ϧⲉⲛϯⲟⲩⲛⲟⲩ ⲁⲡⲓⲙⲁ ⲧⲏⲣϥ ⲉⲣⲟⲩⲱⲓⲛⲓ ⲟⲩⲟϩ ⲙⲡⲉ ⲡⲓϧⲉⲗⲗⲟ ϣϫⲉⲙϫⲟⲙ ⲙϥⲁⲓ ϧⲁⲡⲓⲟⲩⲱⲓⲛⲓ ⲁϥϩⲉⲓ ϩⲓϫⲉⲛⲡⲓⲕⲁϩⲓ .
And as they stood and prayed, behold, at that moment the whole place became resplendent with light, and the old man had not strength to endure the light, and he fell to the ground.
bohairic.life.isaac01:24
ⲉⲧⲁϥⲉⲣϣⲫⲏⲣⲓ ⲇⲉ ⲛϫⲉⲡⲓⲁⲣⲭⲱⲛ ⲉϫⲉⲛⲧⲉϥϫⲓⲛⲉⲣⲟⲩⲱ ⲟⲩⲟϩ ϩⲱⲥ ϫⲉⲉϥⲉⲣⲇⲟⲕⲓⲙⲁⲍⲓⲛ ⲙⲙⲟϥ ⲡⲉϫⲁϥ ⲛⲁϥ ϫⲉⲙⲁϣⲉ ⲛⲁⲕ ⲉϧⲟⲩⲛ ⲉⲟⲩⲁⲓ ⲙⲙⲁ ⲛⲕⲟⲓⲧⲱⲛ ⲥϧⲏⲧⲥ ⲁⲛⲓⲧⲥ ⲛⲧⲁⲛⲁⲩ ⲉⲣⲟⲥ .
The prefect, surprised at his reply, said to him, as if to put him to the test: ‘Go to one of the rooms, write it down, bring it to me, so that I may see it.’
bohairic.life.isaac02:24
ⲫⲏ ⲉⲑⲟⲩⲁⲃ ⲇⲉ ⲓⲥⲁⲁⲕ ⲁϥϣⲱⲡⲓ ⲉϥⲟⲓ ⲛⲁⲧⲕⲓⲙ ϣⲁⲧⲉϥⲉⲣⲑⲉⲱⲣⲉⲓⲛ ⲙⲡⲓⲟⲩⲱⲓⲛⲓ ⲛⲧⲉⲡϭⲟⲉⲓⲥ ϩⲉⲛⲟⲩⲙⲉⲧϫⲱⲣⲓ ⲁϥⲧⲁⲙⲱⲟⲩ ⲇⲉ ⲛϫⲉⲡⲓⲁⲅⲅⲉⲗⲟⲥ ⲉⲛⲏ ⲉⲑⲛⲁϣⲱⲡⲓ ⲙⲡⲓⲣⲱⲙⲓ .
And the holy Isaac stood still, looking at the light of the Lord with courage, and the angel told them what was to happen to the man.
bohairic.life.isaac03:24
ⲁⲥϣⲱⲡⲓ ⲇⲉ ⲛⲟⲩⲥⲟⲡ ⲉⲣⲉⲡⲉⲛⲓⲱⲧ ⲉⲣⲥⲩⲛⲁⲝⲓⲥ ⲁϥⲓ ⲉϥⲥⲓⲛⲓ ⲛϫⲉⲡⲟⲩⲣⲟ ⲛⲉⲙⲡⲉϥⲙⲏϣ ⲧⲏⲣϥ ⲁϥⲓ ⲥⲁⲃⲟⲗ ⲙⲫⲣⲟ ⲛϯⲉⲕⲕⲗⲏⲥⲓⲁ ⲁϥϫⲟⲩϣⲧ ⲉϧⲟⲩⲛ ⲁϥⲛⲁⲩ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲉϥⲟϩⲓ ⲉⲣⲁⲧϥ ⲉϫⲉⲛⲡⲓⲙⲁ ⲛⲉⲣϣⲱⲟⲩϣⲓ ⲉⲣⲉⲟⲩⲭⲣⲱⲙ ⲕⲱϯ ⲉⲣⲟϥ ⲉⲣⲉⲟⲩⲇⲩⲛⲁⲙⲓⲥ ⲛⲟⲩⲱⲓⲛⲓ ⲥⲁⲫⲁϩⲟⲩ ⲙⲙⲟϥ ⲉⲥϯⲛⲟⲙϯ ⲛⲁϥ .
It happened that once, as our father was making the synaxis, the king happened to pass by with all the crowd that followed him; he came outside the door of the church and he looked inside. He then saw the archbishop standing at the altar surrounded by fire; a luminous virtue gave him courage.
bohairic.life.isaac01:25
ⲟⲩⲟϩ ⲉⲧⲁϥⲥϧⲏⲧⲥ ⲁϥⲉⲛⲥ ⲁϥⲧⲁⲙⲟⲥ ⲉⲣⲟϥ ⲟⲩⲟϩ ⲉⲧⲁⲡⲓⲁⲣⲭⲱⲛ ⲛⲁⲩ ⲉϯⲉⲡⲓⲥⲧⲟⲗⲏ ⲉⲧⲁⲡⲓⲁⲗⲟⲩ ⲥϧⲏⲧⲥ ⲁϥⲧⲱⲙⲧ ⲉϧⲣⲏⲓ ⲉϫⲱⲥ
And when he had written it, he brought it and showed it to him, and when the prefect saw the letter that the little boy had written, he was stupefied.
bohairic.life.isaac03:25
ⲉⲧⲁϥⲛⲁⲩ ⲇⲉ ⲛϫⲉⲡⲟⲩⲣⲟ ⲉⲡⲁⲓⲛⲓϣϯ ⲛϭⲱⲣⲡ ⲉⲃⲟⲗ ⲁϥⲧⲱⲙⲧ ⲟⲩⲟϩ ⲁϥϫⲟⲥ ⲛⲟⲩⲁⲓ ⲛⲛⲏ ⲉⲑⲙⲟϣⲓ ⲛⲉⲙⲁϥ ϫⲉⲙⲁϣⲉ ⲛⲁⲕ ⲙⲟⲩϯ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲛⲏⲓ ⲉϥⲟⲩⲱϣ ⲉⲉⲙⲓ ⲉⲑⲃⲉϫⲉϯⲇⲩⲛⲁⲙⲓⲥ ⲉⲧⲕⲱϯ ⲉⲣⲟϥ ϫⲉⲛⲓⲙ ⲡⲉ ⲫⲁⲓ ⲉⲧⲥⲁϫⲓ ⲛⲉⲙⲁϥ ϧⲉⲛⲡⲓⲙⲱⲓⲧ ⲉⲧⲁϥⲟϩⲓ ⲉⲣⲁⲧϥ ϩⲓϫⲱϥ .
When the king saw this great vision, he was amazed and said to one of those who accompanied him: “Go, call the archbishop”; for he wanted to know why this virtue surrounded him and who it was that spoke to him in the place and stood above him.
bohairic.life.isaac02:25
ⲉⲧⲁϥⲧⲱⲛϥ ⲇⲉ ⲛϫⲉⲡⲓⲉⲡⲓⲥⲕⲟⲡⲟⲥ ⲡⲉϫⲁϥ ⲙⲫⲏ ⲉⲑⲟⲩⲁⲃ ϫⲉⲁⲛⲉⲕϩⲃⲏⲟⲩⲓ ⲉⲑⲛⲁⲛⲉⲩ ⲉⲣⲛⲓϣϯ ⲉⲣⲟⲓ ⲡⲁϣⲏⲣⲓ
When the bishop arose, he said to the saint, “Your holy works are greater than mine, my son.”
bohairic.life.isaac01:26
ⲁϥⲉⲣⲟⲩⲱ ⲛϫⲉⲡⲓⲁⲣⲭⲱⲛ ϫⲉⲟⲩⲕⲟⲩⲛ ⲛⲑⲟⲕ ⲟⲩⲁⲓ ⲙⲡⲁⲓⲣⲏϯ ⲟⲩⲟϩ ⲙⲡⲓⲉⲙⲓ ϣⲁⲫⲟⲟⲩ ⲁⲗⲏⲑⲱⲥ ⲉⲣⲉⲡⲓⲣⲱⲙⲓ ϫⲟⲩϣⲧ ⲉⲡⲓϩⲟ ⲫⲛⲟⲩϯ ⲇⲉ ⲛⲑⲟϥ ⲉⲡⲓϩⲏⲧ
The prefect spoke up and said: ‘You have such merit and I have not known it until today? Truly man looks at the appearance, but God at the heart.’
bohairic.life.isaac02:26
ⲁϥⲉⲣⲟⲩⲱ ϧⲉⲛⲟⲩⲑⲉⲃⲓⲟ ϫⲉⲫⲛⲟⲩϯ ⲛⲉⲙⲛⲉⲕϣⲗⲏⲗ ⲁϥϯϫⲟⲙ ⲛⲏⲓ ⲡⲁⲓⲱⲧ
Isaac humbly replied, “It is the Lord with (the help of) your prayers that has given me strength, O my father!”
bohairic.life.isaac03:26
ⲟⲩⲟϩ ⲉⲧⲁϥⲟⲩⲱϣ ⲉⲟⲩⲱⲣⲡ ⲙⲡⲓⲣⲱⲙⲓ ⲉϧⲟⲩⲛ ⲁⲡⲟⲩⲣⲟ ⲛⲁⲩ ⲉϯⲇⲩⲛⲁⲙⲓⲥ ⲉⲥⲙⲟϣⲓ ⲉⲃⲟⲗ ⲉϫⲱϥ ⲁⲟⲩϩⲟϯ ϭⲓⲧϥ ⲁϥⲫⲱⲧ ϧⲉⲛⲟⲩⲧⲁⲭⲏ ⲛⲉⲙⲛⲏ ⲉⲑⲛⲉⲙⲁϥ ⲙⲡⲉϩⲗⲓ ⲛⲁⲩ ⲉⲡⲓϭⲱⲣⲡ ⲉⲃⲟⲗ ⲉⲃⲏⲗ ⲉⲡⲟⲩⲣⲟ ⲙⲙⲁⲩⲁⲧϥ .
And when he wanted to send the man into the church, he saw virtue coming to him, fear seized him, he fled in haste with those who accompanied him. No one except the king alone saw the vision.
bohairic.life.isaac01:27
ⲟⲩⲟϩ ⲓⲥϫⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲁⲡⲓⲁⲣⲭⲱⲛ ⲁⲓϥ ⲛⲁⲫⲉ ⲉϫⲉⲛⲛⲓⲛⲟⲧⲁⲣⲓⲟⲥ ⲧⲏⲣⲩ ⲟⲩⲟϩ ⲛⲁⲩⲙⲉⲓ ⲙⲙⲟϥ ⲧⲏⲣⲟⲩ ⲡⲉ ⲉⲩⲉⲣⲁⲅⲁⲡⲁⲛ ⲙⲙⲟϥ ⲛϫⲉⲟⲩⲟⲛ ⲛⲓⲃⲉⲛ ⲉⲧϧⲉⲛⲡⲓⲡⲣⲁⲓⲧⲱⲣⲓⲟⲛ ⲉⲩⲙⲟⲩϯ ⲉⲣⲟϥ ϫⲉⲫⲏ ⲉⲑⲟⲩⲁⲃ ⲉⲑⲃⲉϯⲥⲟⲫⲓⲁ ⲉⲧⲉⲛϧⲏⲧϥ .
And from that day the prefect put him at the head of all the notaries, and everyone cherished him: all those who were in the praetorium loved him; he was called the saint because of the wisdom that was in him.
bohairic.life.isaac03:27
ⲉⲧⲁϥϩⲱⲗ ⲉϩⲟⲩⲛ ⲉⲡⲉϥⲏⲓ ⲁϥⲛⲕⲟⲧ ⲛⲧⲉϯϩⲟϯ ⲁϥⲉⲣ ⲙⲫⲣⲏϯ ⲛⲟⲩⲣⲉϥⲙⲱⲟⲩⲧ ⲙⲡⲉϥϣϫⲉⲙϫⲱⲙ ⲛⲥⲁϫⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ .
When he had returned to his house, he lay down for fear: he looked like a dead man, he could not speak all day.
bohairic.life.isaac02:27
ⲁϥϫⲟⲥ ⲅⲁⲣ ⲛϫⲉⲫⲏ ⲉⲑⲟⲩⲁⲃ ⲛⲉⲡⲓⲥⲕⲟⲡⲟⲥ ϫⲉⲉⲑⲃⲉⲡⲉϥⲧⲟⲩⲃⲟ ⲁϥϥⲁⲓ ϧⲁⲡⲓϭⲱⲣⲡ ⲉⲃⲟⲗ
For the holy bishop meant that because of his purity he had endured the vision.
bohairic.life.isaac01:28
ⲗⲟⲓⲡⲟⲛ ⲛⲁⲣⲉⲛⲉϥⲓⲟϯ ϫⲟⲩϣⲧ ⲉⲣⲟϥ ⲙⲫⲣⲏϯ ⲛⲟⲩⲓⲁⲗ ⲉⲩⲉⲣϩⲉⲗⲡⲓⲥ ϫⲉⲛⲑⲟϥ ⲉⲑⲛⲁⲉⲣϭⲟⲉⲓⲥ ⲉϫⲉⲛⲛⲏ ⲉⲧⲉⲛⲧⲱⲟⲩ ⲧⲏⲣⲟⲩ ⲟⲩⲟϩ ⲛⲁⲩⲟⲩⲱϣ ⲉϭⲓⲥϩⲓⲙⲓ ⲛⲁϥ ⲡⲉ ⲉⲩⲉⲣϩⲉⲗⲡⲓⲥ ⲉⲛⲁⲩ ⲉϩⲁⲛϣⲏⲣⲓ ⲉⲃⲟⲗ ⲙⲙⲟϥ ⲛⲥⲉⲉⲙⲓ ⲁⲛ ⲣⲱ ϫⲉⲟⲩⲡⲁⲓⲣⲏϯ ⲁⲛ ⲧⲉ ⲧⲧⲟⲓ ⲛⲓⲁⲕⲱⲃ ⲁⲗⲗⲁ ⲉⲁⲓϥ ⲛⲓⲱⲧ ⲉϫⲉⲛⲟⲩⲙⲏϣ ⲛϣⲏⲣⲓ ⲁⲗⲗⲁ ⲫⲏ ⲉⲧⲁϥⲫⲱⲣϫ ⲉⲃⲟⲗ ⲛⲓⲉⲣⲉⲙⲓⲁⲥ ⲓⲥϫⲉⲛⲉϥϧⲉⲛⲧⲛⲉϫⲓ ⲛⲑⲟϥ ⲟⲛ ⲁϥⲫⲱⲣϫ ⲉⲃⲟⲗ ⲙⲡⲁⲓϩⲁⲅⲓⲟⲥ
From that point on his parents looked at him as at a mirror, hoping that he would become the master of all that belonged to them, and they desired to make him take a wife in the hope of seeing children born of him: they did not know that his was not the lot of Jacob, but rather that he was destined to be father to a multitude of children, and that the one who had distinguished Jeremiah while he was in the womb had also distinguished this saint.
bohairic.life.isaac02:28
ⲥⲥϧⲏⲟⲩⲧ ⲅⲁⲣ ϫⲉⲱⲟⲩⲛⲓⲁⲧⲟⲩ ⲛⲛⲏ ⲉⲑⲟⲩⲁⲃ ϧⲉⲛⲡⲟⲩϩⲏⲧ ϫⲉⲛⲑⲱⲟⲩ ⲉⲑⲛⲁⲛⲁⲩ ⲉⲫⲛⲟⲩϯ ⲁⲗⲏⲑⲱⲥ
For it is written, “Blessed are those who are pure in their hearts, for they shall see God.”
bohairic.life.isaac03:28
ⲁⲩⲓ ⲛϫⲉⲛⲓⲭⲁⲣⲧⲟⲗⲁⲣⲓⲟⲥ ⲁⲩϩⲱⲗ ⲉϧⲟⲩⲛ ϣⲁⲣⲟϥ ϫⲉⲛⲧⲟⲩϫⲉⲙⲡⲉϥϣⲓⲛⲓ ⲁⲩϫⲉⲙϥ ⲉϥⲉϥⲉⲛⲕⲟⲧ ⲉϥϣⲱⲛⲓ ⲛⲧⲉⲛ ϯϩⲟϯ .
The collectors came to him, they entered near him to visit him, they found him lying in fear.
bohairic.life.isaac01:29
ⲡⲗⲏⲛ ⲁⲛⲉϥⲓⲟϯ ϭⲓⲧϥ ⲛϫⲟⲛⲥ ⲡⲁⲣⲁⲡⲉϥⲟⲩⲱϣ ⲁⲩⲱⲡ ⲛⲥⲁϯⲥϩⲓⲙⲓ ⲛⲁϥ ⲟⲩⲟϩ ⲁⲩⲟϩⲓ ϣⲁⲡⲓⲥⲏⲟⲩ ⲙⲡⲓϩⲟⲡ .
However, against his wishes, his parents took him and betrothed him to a young woman: they waited until the day of marriage came.
bohairic.life.isaac03:29
ⲉⲧⲁⲩϣⲉⲛϥ ⲉⲑⲃⲉⲧⲁⲓⲧⲓⲁ ⲙⲡⲓϣⲱⲛⲓ ⲁϥϭⲱⲣⲡ ⲛⲱⲟⲩ ⲉⲃⲟⲗ ⲙⲡⲓϩⲱⲃ ⲉⲧⲁⲛⲉϥⲃⲁⲗ ⲛⲁⲩ ⲉⲣⲟϥ ⲟⲩⲟϩ ⲉⲧⲁⲩⲥⲱⲧⲉⲙ ⲁⲩⲉⲣϣⲫⲏⲣⲓ ⲁⲩϯⲱⲟⲩ ⲙⲫⲛⲟⲩϯ .
As they questioned him about the cause of his illness, he revealed to them what his eyes had seen, and when they had heard it they were amazed and gave glory to God.
bohairic.life.isaac02:29
ⲁⲡⲥⲁϫⲓ ⲙⲡⲓⲥⲱⲧⲏⲣ ϫⲱⲕ ⲉⲃⲟⲗ ⲉϫⲉⲛⲛⲁⲓϩⲁⲅⲓⲟⲥ ϫⲉⲉϣⲱⲡ ⲁⲣⲉϣⲁⲛ ⲃ ϧⲉⲛⲑⲏⲛⲟⲩ ϯⲙⲁϯ ϩⲓϫⲉⲛⲡⲓⲕⲁϩⲓ ⲉⲑⲃⲉϩⲱⲃ ⲛⲓⲃⲉⲛ ⲉⲧⲟⲩⲛⲁⲉⲣⲁⲓⲧⲉⲓⲛ ⲙⲙⲱⲟⲩ ⲉⲥⲉϣⲱⲡⲓ ⲛⲱⲟⲩ ϩⲓⲧⲉⲛⲡⲁⲓⲱⲧ ⲉⲧϧⲉⲛⲛⲓⲫⲏⲟⲩⲓ .
And verily it is fulfilled upon these saints the word of the Savior, saying, “If two of you gather together on earth to pray in my name, whatever they ask will be granted to them by my Father who is in heaven.”
bohairic.life.isaac01:30
ⲡⲓⲁⲗⲟⲩ ⲇⲉ ⲓⲥⲁⲁⲕ ⲛⲁⲣⲉⲟⲩⲟⲛ ⲟⲩⲛⲓϣϯ ⲛϭⲓϣϣⲱⲟⲩ ϣⲟⲡ ⲛⲁϥ ⲡⲉ ⲉϧⲟⲩⲛ ⲉϯϫⲓⲛⲱⲛϧ ⲉⲧϩⲟⲗϫ ⲛⲧⲉϯⲙⲉⲧⲙⲟⲛⲁⲭⲟⲥ ⲉϥⲓⲣⲓ ⲙⲫⲙⲉⲩⲓ ⲙⲡϭⲟⲉⲓⲥ ⲛϫⲉⲡⲁⲓⲁⲗⲟⲩ ⲉⲑⲟⲩⲁⲃ ⲉϥⲱϣ ⲉⲃⲟⲗ ϧⲉⲛⲡⲓⲉⲩⲁⲅⲅⲉⲗⲓⲟⲛ ⲉϥϫⲱ ⲙⲙⲟⲥ ϫⲉⲡⲉⲧⲙⲉⲓ ⲙⲡⲉϥⲓⲱⲧ ⲓⲉ ⲧⲉϥⲙⲁⲩ ⲉϩⲟⲧ ⲉⲣⲟⲓ ϥⲉⲙⲡϣⲁ ⲙⲙⲟⲓ ⲁⲛ
But the young Isaac had within himself a great desire to lead the sweet regime of monastic life: this holy child remembered that the Lord had spoken out in his Gospel and had said: ‘He who loves his father and mother more than me is not worthy of me’;
bohairic.life.isaac02:30
ⲡⲁⲓⲣⲏϯ ⲁϥⲓ ⲉⲃⲟⲗ ϩⲓⲧⲟⲧϥ ⲙⲡⲉϥⲓⲱⲧ ⲁϥⲧⲁϩ ⲉⲡⲓϣⲁϥⲉ ⲫⲏ ⲉⲧⲉϥⲙⲉⲓ ⲙⲙⲟϥ ⲟⲩⲟϩ ⲛⲁϥϣⲟⲡ ⲡⲉ ϧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲛⲉⲙⲛⲓⲥⲛⲏⲟⲩ ⲉϥϣⲟⲡ ⲛⲱⲟⲩ ⲛⲥⲟⲗⲥⲉⲗ ⲉⲩϫⲟⲩϣⲧ ⲉⲣⲟϥ ⲙⲫⲣⲏϯ ⲛⲟⲩⲓⲁⲗ
Thus he went from his father's house, returned to the desert he loved, and stayed with the brothers in the monastery, where he was their consolation, and was looked at as a mirror
bohairic.life.isaac03:30
ⲉⲧⲁϥⲟⲩⲱⲣⲡ ⲟⲩⲛ ⲛⲟⲩⲁⲓ ⲛⲧⲱⲟⲩ ⲁϥⲙⲟⲩϯ ⲉⲡⲓⲁⲣⲭⲓⲉⲡⲓⲥⲕⲟⲡⲟⲥ . ⲉⲧⲁϥⲓ ⲇⲉ ϣⲁⲣⲟϥ ⲁϥϣⲉⲛϥ ⲉϥϫⲱ ⲙⲙⲟⲥ ϫⲉⲙⲡⲓⲛⲁⲩ ⲉⲧⲉⲕⲟϩⲓ ⲉⲣⲁⲧⲕ ϩⲓϫⲉⲛⲡⲓⲙⲁ ⲛⲉⲣϣⲱⲟⲩϣⲓ ⲁⲕⲥⲁϫⲓ ⲛⲉⲙⲛⲓⲙ ⲙⲡⲓⲛⲁⲩ ⲉⲧⲉⲙⲙⲁⲩ ⲓⲉ ⲛⲓⲙ ⲡⲉ ⲫⲏ ⲉⲧⲁⲓⲛⲁⲩ ⲉⲣⲟϥ ⲉϥⲟϩⲓ ⲉⲣⲁⲧϥ ⲉⲥⲕⲏⲧⲕ ⲉϥⲟⲓ ⲛⲟⲩⲱⲓⲛⲓ ⲛⲭⲣⲱⲙ .
Having sent one of them, the king sent for the archbishop, and when he arrived, he questioned him, saying: “At the time when you stood at the altar, with whom were you then speaking? And who was he who stood (all) luminous (and as if) on fire?”
bohairic.life.isaac03:31
ⲁϥⲉⲣⲟⲩⲱ ⲛϫⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲉⲑⲟⲩⲁⲃ ⲡⲉϫⲁϥ ⲙⲡⲟⲩⲣⲟ ϫⲉⲉⲓⲥⲁϫⲓ ⲛⲉⲙⲡⲁⲛⲟⲩϯ .
The holy archbishop answered and said to the king: “I was speaking with my God.”
bohairic.life.isaac02:31
ⲟⲩⲟϩ ⲛⲁϥⲭⲏ ⲛⲧⲟⲧⲟⲩ ⲙⲫⲣⲏϯ ⲛⲟⲩⲁⲅⲅⲉⲗⲟⲥ ⲛⲧⲉⲫⲛⲟⲩϯ ⲉϥϯ ⲛⲟⲙϯ ⲛⲱⲟⲩ ⲉϥⲑⲱϩⲉⲙ ⲙⲙⲱⲟⲩ ⲉϧⲟⲩⲛ ⲉⲡⲓⲁⲅⲱⲛ .
And he was to them like an angel of God encouraging them, inviting them to the struggle.
bohairic.life.isaac01:31
ⲟⲩⲟϩ ⲡⲁⲗⲓⲛ ϫⲉⲫⲏ ⲉⲧⲁϥⲭⲁⲓⲱⲧ ⲛⲥⲱϥ ⲓⲉ ⲙⲁⲩ ⲓⲉ ⲥϩⲓⲙⲓ ⲓⲉ ⲥⲱⲛⲓ ⲓⲉ ⲥⲟⲛ ⲓⲉ ⲏⲓ ⲓⲉ ⲟϩⲓ ⲓⲉ ϣⲏⲣⲓ ⲉⲑⲃⲉⲧⲙⲉⲧⲟⲩⲣⲟ ⲛⲧⲉⲫⲛⲟⲩϯ ϥⲛⲁϭⲓⲧⲟⲩ ⲛⲣ ⲛⲕⲱⲡ ⲛⲥⲟⲡ ϧⲉⲛⲡⲁⲓⲉⲛⲉϩ ⲟⲩⲟϩ ϧⲉⲛⲡⲉⲑⲛⲏⲟⲩ ⲟⲩⲱⲛϧ ⲛⲉⲛⲉϩ .
and also: ‘He who leaves his father, or his mother, or his wife, or his sister, or his brother, or his house, or his flock, or his children for the kingdom of God, shall receive them a hundredfold in this world, and eternal life in the world to come’;
bohairic.life.isaac02:32
ⲟⲩⲟϩ ⲛⲉⲧⲉϥⲥⲩⲛⲏⲑⲉⲓⲁ ⲇⲉ ⲑⲁⲓ ⲉϣⲱⲡ ⲛⲧⲉϥⲓ ⲉⲛⲓⲉϩⲟⲟⲩ ⲛⲧⲉⲡⲓϩⲙⲉ ⲉⲑⲟⲩⲁⲃ ϣⲁϥⲉⲣⲁⲛⲁⲭⲱⲣⲉⲓⲛ ϧⲉⲛⲟⲩⲕⲟⲩϫⲓ ⲙⲙⲁ ⲛϣⲱⲡⲓ ⲥⲁⲃⲟⲗ ⲙⲡⲓⲙⲟⲛⲁⲥⲧⲏⲣⲓⲟⲛ ⲉϥⲉⲣⲁⲡⲁⲛⲧⲁⲛ ⲉⲣⲱⲙⲓ ⲁⲛ .
And this was his custom when he entered Holy Lent: he retired to a small dwelling outside the desert, where he received no one.
bohairic.life.isaac01:32
ⲡⲁⲗⲓⲛ ⲟⲛ ⲡⲓⲁⲡⲟⲥⲧⲟⲗⲟⲥ ⲱϣ ⲉⲃⲟⲗ ϫⲉϥⲛⲁⲥⲓⲛⲓ ⲛϫⲉⲡⲓⲥⲭⲏⲙⲁ ⲛⲧⲉⲡⲁⲓⲕⲟⲥⲙⲟⲥ
and the Apostle also proclaimed: ‘The form of this world will pass away;
bohairic.life.isaac03:32
ⲛⲁⲣⲉⲡⲓⲁⲣⲭⲓⲉⲡⲓⲥⲕⲟⲡⲟⲥ ⲟⲓ ⲛⲁⲧⲉⲙⲓ ⲁⲛ ⲡⲉ ⲉϯϫⲟⲙ ⲉⲧⲟϩⲓ ⲉⲣⲁⲧⲥ ⲛⲉⲙⲁϥ ⲛⲥⲏⲟⲩ ⲛⲓⲃⲉⲛ ⲉϣⲁϥⲁⲗⲏⲓ ⲉϫⲉⲛⲡⲓⲙⲁ ⲛⲉⲣϣⲱⲟⲩϣⲓ ⲙⲫⲣⲏϯ ⲟⲛ ⲙⲡⲁⲓⲕⲉⲥⲟⲡ .
For the archbishop was not ignorant of what power stood near him whenever he went up to the altar, as on this occasion.
bohairic.life.isaac01:33
ϯⲟⲩⲉϣⲑⲏⲛⲟⲩ ⲇⲉ ⲉⲣⲉⲧⲉⲛⲟⲓ ⲛⲁⲧⲣⲱⲟⲩϣ .
but I desire that you should all now be without disquiet’;
bohairic.life.isaac02:33
ⲁⲥϣⲱⲡⲓ ⲉⲧⲁⲩϩⲓⲕⲟⲧ ⲉⲣⲟϥ ⲛⲟⲩⲥⲟⲡ ⲛϫⲉⲁⲃⲃⲁ ⲁⲃⲣⲁⲁⲙ ⲛⲉⲙⲁⲃⲃⲁ ⲅⲉⲱⲣⲅⲓⲟⲥ ⲛⲓⲛⲓϣϯ ⲛⲁⲥⲕⲏⲧⲏⲥ
It happened that once Abba Abraham and Abba Georgios, the great ascetics, went to him.
bohairic.life.isaac03:33
ⲡⲉϫⲉⲡⲟⲩⲣⲟ ⲛⲁϥ ϫⲉⲥⲟⲡ ⲛⲓⲃⲉⲛ ⲉⲧⲉⲭⲛⲁϩⲱⲗ ⲉϫⲉⲛⲡⲓⲙⲁ ⲛⲉⲣϣⲱⲟⲩϣⲓ ⲭⲛⲁⲩ ⲉⲡⲉⲕⲛⲟⲩϯ .
The king said to him: “Whenever you go up to the altar, do you see your God?”
bohairic.life.isaac01:34
ⲟⲩⲟϩ ⲡⲁⲗⲓⲛ ⲟⲛ ⲓⲱⲁⲛⲛⲏⲥ ⲡⲓⲁⲡⲟⲥⲧⲟⲗⲟⲥ ϫⲱ ⲙⲙⲟⲥ ϫⲉⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙⲧⲉϥⲉⲡⲓⲑⲩⲙⲓⲁ
and the apostle John also said, ‘The world will pass away with its desires;

Coptic SCRIPTORIUM, corpus bohairic.life.isaac (github.com/CopticScriptorium/corpora). Licence as stated per document in the project's own meta.json and checked there at parse time. English, where present, is Coptic SCRIPTORIUM's aligned translation. Licence: CC-BY 4.0. Source.