Romans (Bohairic Coptic)

Coptic New Testament (Bohairic) · 433 sections

11.22
ⲁⲛⲁⲩ ⲟⲩⲛ ⲉϯⲙⲉⲧⲭⲣⲓⲥⲧⲟⲥ ⲛⲉⲙϯⲙⲉⲧⲣⲉϥϣⲱⲧ ⲉⲃⲟⲗ ⲛⲧⲉⲫⲛⲟⲩϯ ⲉϫⲉⲛⲛⲏ ⲙⲉⲛ ⲉⲧⲁⲩϩⲉⲓ ⲟⲩϣⲱⲧ ⲉⲃⲟⲗ ⲉϩⲣⲏⲓ ⲇⲉ ⲉϫⲱⲕ ⲟⲩⲙⲉⲧⲭⲣⲓⲥⲧⲟⲥ ⲛⲧⲉⲫⲛⲟⲩϯ ⲉϣⲱⲡ ⲇⲉ ⲁⲕϣⲁⲛⲟϩⲓ ϧⲉⲛϯⲙⲉⲧⲭⲣⲓⲥⲧⲟⲥ ⲙⲙⲟⲛ ⲛⲑⲟⲕ ϩⲱⲕ ⲥⲉⲛⲁⲕⲟⲣϫⲕ .
See then the goodness and severity of God. Toward those who fell, severity; but toward you, goodness, if you continue in his goodness; otherwise you also will be cut off.
11.23
ⲟⲩⲟϩ ⲛⲓⲕⲉⲭⲱⲟⲩⲛⲓ ⲁⲩϣⲧⲉⲙⲟϩⲓ ϧⲉⲛϯⲙⲉⲧⲁⲑⲛⲁϩϯ ⲥⲉⲛⲁⲉⲣⲕⲩⲛⲇⲣⲓⲍⲓⲛ ⲙⲙⲱⲟⲩ ⲛⲕⲉⲥⲟⲡ .
They also, if they don't continue in their unbelief, will be grafted in, for God is able to graft them in again.
11.24
ⲓⲥϫⲉ ⲛⲑⲟⲕ ⲁⲩⲕⲟⲣϫⲕ ⲉⲃⲟⲗ ϩⲁϯⲕⲁⲧⲁⲫⲩⲥⲓⲥ ⲙⲃⲱ ⲛϫⲱⲓⲧ ⲛϣⲁϣⲓ ⲟⲩⲟϩ ⲁⲩⲉⲣⲕⲩⲛⲇⲣⲓⲍⲓⲛ ⲙⲙⲟⲕ ⲡⲁⲣⲁⲧⲉⲕⲫⲩⲥⲓⲥ ⲉϯⲃⲱ ⲛϫⲱⲓⲧ ⲛⲛⲟⲩⲧⲉⲙ ⲡⲱⲥⲟ ⲙⲁⲗⲗⲟⲛ ⲛⲁⲓ ⲉⲩⲛⲁⲉⲣⲕⲩⲛⲇⲣⲓⲍⲓⲛ ⲙⲙⲱⲟⲩ ⲕⲁⲧⲁⲧⲟⲩⲫⲩⲥⲓⲥ ⲉⲧⲟⲩⲃⲱ ⲛϫⲱⲓⲧ ⲙⲙⲓⲛⲙⲙⲱⲟⲩ .
For if you were cut out of that which is by nature a wild olive tree, and were grafted contrary to nature into a good olive tree, how much more will these, which are the natural branches, be grafted into their own olive tree?
11.25
ⲛϯⲟⲩⲉϣ ⲑⲏⲛⲟⲩ ⲇⲉ ⲁⲛ ⲛⲁⲥⲛⲏⲟⲩ ⲉⲣⲉⲧⲉⲛⲟⲓ ⲛⲁⲧⲉⲙⲓ ⲉⲡⲁⲓⲙⲩⲥⲧⲏⲣⲓⲟⲛ ϩⲓⲛⲁ ⲛⲧⲉⲧⲉⲛϣⲧⲉⲙϣⲱⲡⲓ ⲉⲣⲉⲧⲉⲛⲟⲓ ⲛⲥⲁⲃⲉ ⲛⲱⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ ϫⲉⲟⲩⲑⲱⲙ ⲛϩⲏⲧ ⲁϥϣⲱⲡⲓ ⲙⲡⲓⲥⲗ ϧⲉⲛⲟⲩⲁⲡⲟⲙⲉⲣⲟⲥ ϣⲁⲧⲉ ⲡϫⲱⲕ ⲛⲛⲓⲉⲑⲛⲟⲥ ⲓⲉϧⲟⲩⲛ .
For I don't desire you to be ignorant, brothers, of this mystery, so that you won't be wise in your own conceits, that a partial hardening has happened to Israel, until the fullness of the Gentiles has come in,
11.26
ⲟⲩⲟϩ ⲡⲁⲓⲣⲏϯ ⲡⲓⲥⲗ ⲧⲏⲣϥ ⲉϥⲉⲛⲟϩⲉⲙ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲉϥⲉⲓ ⲉⲃⲟⲗ ϧⲉⲛⲥⲓⲱⲛ ⲛϫⲉⲫⲏ ⲉⲑⲛⲁⲛⲟϩⲉⲙ ⲉϥⲉⲧⲁⲥⲑⲟ ⲛⲛⲓⲙⲉⲧⲁⲥⲉⲃⲏⲥ ⲉⲃⲟⲗ ϩⲁⲓⲁⲕⲱⲃ .
and so all Israel will be saved. Even as it is written, 'There will come out of Zion the Deliverer, and he will turn away ungodliness from Jacob.
11.27
ⲟⲩⲟϩ ⲑⲁⲓ ⲧⲉ ⲧⲁⲇⲓⲁⲑⲏⲕⲏ ⲉⲑⲛⲁϣⲱⲡⲓ ⲛⲱⲟⲩ ϩⲟⲧⲁⲛ ⲁⲓϣⲁⲛⲱⲗⲓ ⲛⲛⲟⲩⲛⲟⲃⲓ
This is my covenant to them, when I will take away their sins.'
11.28
ⲕⲁⲧⲁⲙⲉⲛ ⲡⲓⲉⲩⲁⲅⲅⲉⲗⲓⲟⲛ ϩⲁⲛϫⲁϫⲓ ⲛⲉⲉⲑⲃⲉ ⲑⲏⲛⲟⲩ ⲕⲁⲧⲁϯⲙⲉⲧⲥⲱⲧⲡ ⲇⲉ ϩⲁⲛⲙⲉⲛⲣⲁϯ ⲛⲉⲉⲑⲃⲉ ⲛⲟⲩⲓⲟϯ .
Concerning the Good News, they are enemies for your sake. But concerning the election, they are beloved for the fathers' sake.
11.29
ϩⲁⲛⲁⲑⲟⲩⲱⲙ ⲛϩⲑⲏⲟⲩ ⲅⲁⲣ ⲛⲉⲛⲓϩⲙⲟⲧ ⲛⲧⲉⲫⲛⲟⲩϯ ⲛⲉⲙⲡⲓⲑⲱϩⲉⲙ .
For the gifts and the calling of God are irrevocable.
11.30
ⲙⲫⲣⲏϯ ⲅⲁⲣ ⲛⲑⲱⲧⲉⲛ ⲉⲧⲁⲣⲉⲧⲉⲛⲉⲣⲁⲧⲥⲱⲧⲉⲙ ⲛⲥⲁⲫⲛⲟⲩϯ ⲛⲟⲩⲥⲏⲟⲩ ϯⲛⲟⲩ ⲇⲉ ⲁⲩⲛⲁⲓ ⲛⲱⲧⲉⲛ ϧⲉⲛϯⲙⲉⲧⲁⲧⲥⲱⲧⲉⲙ ⲛⲧⲉⲛⲁⲓ .
For as you in time past were disobedient to God, but now have obtained mercy by their disobedience,
11.31
ⲡⲁⲓⲣⲏϯ ⲛⲁⲓ ϩⲱⲟⲩ ϯⲛⲟⲩ ⲁⲩⲉⲣⲁⲧⲥⲱⲧⲉⲙ ⲛⲥⲁⲡⲉⲧⲉⲛⲛⲁⲓ ϩⲓⲛⲁ ⲛⲥⲉⲛⲁⲓ ⲛⲱⲟⲩ ϩⲱⲟⲩ ϯⲛⲟⲩ .
even so these also have now been disobedient, that by the mercy shown to you they may also obtain mercy.
11.32
ⲁⲫⲛⲟⲩϯ ⲅⲁⲣ ⲙⲁϣⲑⲁⲙ ⲉϩⲣⲉⲛⲟⲩⲟⲛ ⲛⲓⲃⲉⲛ ⲉϧⲟⲩⲛ ϧⲁⲟⲩⲙⲉⲧⲁⲧⲥⲱⲧⲉⲙ ϩⲓⲛⲁ ⲛⲧⲉϥⲛⲁⲓ ⲛⲟⲩⲟⲛ ⲛⲓⲃⲉⲛ .
For God has shut up all to disobedience, that he might have mercy on all.
11.33
ⲱⲡϣⲱⲕ ⲛϯⲙⲉⲧⲣⲁⲙⲁⲟ ⲛⲉⲙϯⲥⲟⲫⲓⲁ ⲛⲉⲙⲡⲓⲉⲙⲓ ⲛⲧⲉⲫⲛⲟⲩϯ ϩⲱⲥ ϩⲁⲛⲁⲧϧⲉⲧϧⲱⲧⲟⲩ ⲛⲉⲛⲉϥϩⲁⲡ ⲟⲩⲟϩ ϩⲁⲛⲁⲧϭⲓⲧⲁⲧⲥⲓ ⲛⲥⲱⲟⲩ ⲛⲉⲛⲉϥⲙⲱⲓⲧ .
Oh the depth of the riches both of the wisdom and the knowledge of God! How unsearchable are his judgments, and his ways past tracing out!
11.34
ⲛⲓⲙ ⲅⲁⲣ ⲡⲉⲧⲁϥⲉⲙⲓ ⲉⲡϩⲏⲧ ⲙⲡϭⲟⲓⲥ ⲓⲉ ⲛⲓⲙ ⲁϥⲉⲣϣⲫⲏⲣ ⲛⲥⲟϭⲛⲓ ⲛⲉⲙⲁϥ .
'For who has known the mind of the Lord? Or who has been his counselor?'
11.35
ⲓⲉ ⲛⲓⲙ ⲁϥⲉⲣϣⲟⲣⲡ ⲛϯ ⲛⲁϥ ⲟⲩⲟϩ ⲛⲧⲉϥϯ ⲛⲁϥ ⲛⲧⲟⲩϣⲉⲃⲓⲱ .
'Or who has first given to him, and it will be repaid to him again?'
11.36
ϫⲉϩⲁⲛⲉⲃⲟⲗ ⲙⲙⲟϥ ⲛⲉⲟⲩⲟϩ ϩⲁⲛⲉⲃⲟⲗ ϩⲓⲧⲟⲧϥ ⲛⲉⲟⲩⲟϩ ϩⲁⲛⲉϧⲟⲩⲛ ⲉⲣⲟϥ ⲧⲏⲣⲟⲩ ⲛⲉⲫⲱϥ ⲡⲉ ⲡⲓⲱⲟⲩ ϣⲁⲉⲛⲉϩ ⲁⲙⲏⲛ .
For of him, and through him, and to him, are all things. To him be the glory for ever! Amen.
12.1
ϯϯϩⲟ ⲇⲉ ⲉⲣⲱⲧⲉⲛ ⲛⲁⲥⲛⲏⲟⲩ ⲉⲃⲟⲗ ϩⲓⲧⲉⲛⲛⲓⲙⲉⲧϣⲉⲛϩⲏⲧ ⲛⲧⲉⲫⲛⲟⲩϯ ⲉⲑⲣⲉⲧⲉⲛⲧⲁϩⲉ ⲛⲉⲧⲉⲛⲥⲱⲙⲁ ⲉⲣⲁⲧⲟⲩⲛⲟⲩϣⲟⲩϣⲱⲟⲩϣⲓ ⲉϥⲟⲛϧ ⲉϥⲟⲩⲁⲃ ⲉϥⲣⲁⲛⲁϥ ⲙⲫⲛⲟⲩϯ ⲟⲩⲟϩ ⲡⲉⲧⲉⲛϣⲉⲙϣⲓ ⲛⲗⲟⲅⲓⲕⲟⲛ ⲉϥⲣⲁⲛⲁϥ .
Therefore I urge you, brothers, by the mercies of God, to present your bodies a living sacrifice, holy, acceptable to God, which is your spiritual service.
12.2
ⲟⲩⲟϩ ⲛⲧⲉⲧⲉⲛϣⲧⲉⲙⲉⲣϣⲫⲏⲣ ⲛⲥⲭⲏⲙⲁ ϫⲉⲛⲉⲙⲡⲁⲓⲉⲛⲉϩ ⲁⲗⲗⲁ ⲛⲧⲉⲧⲉⲛϣⲉⲃⲧ ⲡⲉⲧⲉⲛⲥⲙⲟⲧ ϧⲉⲛⲟⲩⲙⲉⲧⲃⲉⲣⲓ ⲛⲧⲉⲡⲓⲕⲁϯ ⲉⲑⲣⲉⲧⲉⲛⲉⲣⲇⲟⲕⲓⲙⲁⲍⲓⲛ ϫⲉⲟⲩ ⲡⲉ ⲫⲟⲩⲱϣ ⲙⲫⲛⲟⲩϯ ⲡⲓⲁⲅⲁⲑⲟⲛ ⲉⲑⲣⲁⲛⲁϥ ⲟⲩⲟϩ ⲉⲧϫⲏⲕ ⲉⲃⲟⲗ .
Don't be conformed to this world, but be transformed by the renewing of your mind, so that you may prove what is the good, well-pleasing, and perfect will of God.
12.3
ϯϫⲱ ⲅⲁⲣ ⲙⲙⲟⲥ ⲉⲃⲟⲗ ϩⲓⲧⲉⲛⲡⲓϩⲙⲟⲧ ⲉⲧⲧⲟⲓ ⲛⲏⲓ ⲛⲟⲩⲟⲛ ⲛⲓⲃⲉⲛ ⲉⲧϣⲟⲡ ϧⲉⲛⲑⲏⲛⲟⲩ ⲉϣⲧⲉⲙⲉⲣϩⲟⲩⲟ ⲙⲉⲩⲓ ⲥⲁⲃⲟⲗ ⲙⲡⲉⲧⲥϣⲉ ⲉⲙⲉⲩⲓ ⲉⲣⲟϥ ⲁⲗⲗⲁ ⲉⲙⲉⲩⲓ ⲉϭⲓⲥⲃⲱ ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁⲫⲣⲏϯ ⲉⲧⲁ ⲫⲛⲟⲩϯ ⲫⲱϣ ⲛⲁϥ ⲛⲟⲩϣⲓ ⲛⲛⲁϩϯ .
For I say, through the grace that was given me, to every man who is among you, not to think of himself more highly than he ought to think; but to think reasonably, as God has apportioned to each person a measure of faith.
12.4
ⲙⲫⲣⲏϯ ⲅⲁⲣ ⲉⲧⲉⲛϩⲣⲏⲓ ϧⲉⲛⲟⲩⲥⲱⲙⲁ ⲛⲟⲩⲱⲧ ⲟⲩⲟⲛⲧⲁⲛ ⲛⲟⲩⲙⲏϣ ⲙⲙⲉⲗⲟⲥ ⲙⲙⲁⲩ ⲛⲓⲙⲉⲗⲟⲥ ⲇⲉ ⲧⲏⲣⲟⲩ ⲛⲟⲩϩⲱⲃ ⲛⲟⲩⲱⲧ ⲁⲛ ⲡⲉⲧⲉⲛⲧⲱⲟⲩ
For even as we have many members in one body, and all the members don't have the same function,
12.5
ⲡⲁⲓⲣⲏϯ ⲁⲛⲟⲛ ϩⲱⲛ ϧⲁⲛⲓⲙⲏϣ ⲁⲛⲟⲛ ⲟⲩⲥⲱⲙⲁ ⲛⲟⲩⲱⲧ ϧⲉⲛⲡⲭⲣⲓⲥⲧⲟⲥ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲟⲛ ⲁⲛⲟⲛ ϩⲁⲛⲙⲉⲗⲟⲥ ⲛⲧⲉⲛⲉⲛⲉⲣⲏ ⲟⲩ .
so we, who are many, are one body in Christ, and individually members one of another.
12.6
ⲉⲟⲩⲟⲛⲧⲁⲛ ⲇⲉ ⲙⲙⲁⲩ ⲛϩⲁⲛϩⲙⲟⲧ ⲉⲩϣⲉⲃⲓⲏⲟⲩⲧ ⲕⲁⲧⲁⲡϣⲓ ⲙⲡⲓϩⲙⲟⲧ ⲉⲧⲧⲟⲓ ⲛⲁⲛ ⲓⲧⲉ ⲟⲩⲡⲣⲟⲫⲏⲧⲓⲁ ⲕⲁⲧⲁⲡⲓⲑⲟⲛⲧⲉⲛ ⲛⲧⲉⲫⲛⲁϩϯ .
Having gifts differing according to the grace that was given to us, if prophecy, let us prophesy according to the proportion of our faith;
12.7
ⲓⲧⲉ ⲟⲩⲇⲓⲁⲕⲟⲛⲓⲁ ϧⲉⲛϯⲇⲓⲁⲕⲟⲛⲓⲁ ⲓⲧⲉ ⲡⲉⲧϯⲥⲃⲱ ϧⲉⲛϯⲙⲉⲧⲣⲉϥϯⲥⲃⲱ .
or service, let us give ourselves to service; or he who teaches, to his teaching;
12.8
ⲓⲧⲉ ⲡⲉⲧϯⲛⲟⲙϯ ϧⲉⲛϯⲙⲉⲧⲑⲁⲧϩⲏⲧ ⲫⲏ ⲉⲧϯ ϧⲉⲛⲟⲩⲙⲉⲧϩⲁⲡⲗⲟⲩⲥ ⲫⲏ ⲉⲧⲭⲏ ϧⲁϫⲱⲟⲩ ϧⲉⲛⲟⲩⲥⲡⲟⲩⲇⲏ ⲫⲏ ⲉⲑⲛⲁⲓ ϧⲉⲛⲟⲩⲣⲁϣⲓ .
or he who exhorts, to his exhorting: he who gives, let him do it with liberality; he who rules, with diligence; he who shows mercy, with cheerfulness.
12.9
ϯⲁⲅⲁⲡⲏ ⲙⲙⲟⲛ ⲙⲉⲧϣⲟⲃⲓ ⲛϧⲏⲧⲥ ⲉⲣⲉⲧⲉⲛⲫⲏⲧ ⲥⲁⲃⲟⲗ ⲙⲡⲓⲡⲉⲧϩⲱⲟⲩ ⲉⲣⲉⲧⲉⲛⲧⲟⲙⲓ ⲙⲙⲱⲧⲉⲛ ⲉⲡⲓⲁⲅⲁⲑⲟⲛ .
Let love be without hypocrisy. Abhor that which is evil. Cling to that which is good.
12.10
ϧⲉⲛϯⲙⲉⲧⲙⲁⲓⲥⲟⲛ ⲉⲣⲉⲧⲉⲛⲭⲏ ϧⲉⲛⲟⲩⲙⲉⲓ ⲉϧⲟⲩⲛ ⲉⲛⲉⲧⲉⲛⲉⲣⲏⲟⲩ ⲉⲣⲉⲧⲉⲛⲉⲣϣⲟⲣⲡ ⲛⲭⲁ ⲛⲉⲧⲉⲛⲉⲣⲏⲟⲩ ⲛⲧⲉⲛⲑⲏⲛⲟⲩ ϧⲉⲛⲟⲩⲧⲁⲓⲟ .
In love of the brothers be tenderly affectionate one to another; in honor preferring one another;
12.11
ⲉⲣⲉⲧⲉⲛⲟⲓ ⲛϭⲛⲁⲩ ⲁⲛ ϧⲉⲛϯⲥⲡⲟⲩⲇⲏ ⲉⲣⲉⲧⲉⲛϧⲏⲙ ϧⲉⲛⲡⲓⲡⲛⲉⲩⲙⲁⲉⲣⲉⲧⲉⲛⲟⲓ ⲙⲃⲱⲕ ⲙⲡϭⲟⲓⲥ .
not lagging in diligence; fervent in spirit; serving the Lord;
12.12
ⲉⲣⲉⲧⲉⲛⲣⲁϣⲓ ϧⲉⲛϯϩⲉⲗⲡⲓⲥ ⲉⲣⲉⲧⲉⲛⲉⲣϩⲩⲡⲟⲙⲉⲛⲓⲛ ϧⲉⲛⲛⲓϩⲟϫϩⲉϫ ⲉⲣⲉⲧⲉⲛⲙⲏ ⲛⲉϯⲡⲣⲟⲥⲉⲩⲭⲏ .
rejoicing in hope; enduring in troubles; continuing steadfastly in prayer;
12.13
ⲉⲣⲉⲧⲉⲛⲟⲓ ⲛϣⲫⲏⲣ ⲉⲛⲓⲭⲣⲓⲁ ⲛⲧⲉⲛⲓϩⲁⲅⲓⲟⲥ ⲉⲣⲉⲧⲉⲛϭⲟϫⲓ ⲛⲥⲁⲧⲙⲉⲧⲙⲁⲓϣⲉⲙⲙⲟ .
contributing to the needs of the saints; given to hospitality.
12.14
ⲥⲙⲟⲩ ⲉⲛⲏ ⲉⲧϭⲟϫⲓ ⲛⲥⲁⲑⲏⲛⲟⲩ ⲥⲙⲟⲩ ⲟⲩⲟϩ ⲙⲡⲉⲣⲥⲁϩⲟⲩⲓ .
Bless those who persecute you; bless, and don't curse.
12.15
ⲣⲁϣⲓ ⲛⲉⲙⲛⲏ ⲉⲧⲣⲁϣⲓ ⲟⲩⲟϩ ⲣⲓⲙⲓ ⲛⲉⲙⲛⲏ ⲉⲧⲣⲓⲙⲓ .
Rejoice with those who rejoice. Weep with those who weep.
12.16
ⲟⲩⲙⲉⲩⲓ ⲛⲟⲩⲱⲧ ⲉⲣⲉⲧⲉⲛⲣⲁ ⲙⲙⲟϥ ⲉⲛⲉⲧⲉⲛⲉⲣⲏⲟⲩ ⲛⲧⲉⲧⲉⲛⲙⲉⲩⲓ ⲁⲛ ⲉⲛⲓⲙⲉⲧϭⲁⲥⲓϩⲏ ⲧⲁⲗⲗⲁ ⲉⲣⲉⲧⲉⲛⲙⲟϣⲓ ⲛⲉⲙⲛⲏ ⲉⲧⲑⲉⲃⲓⲏ ⲟⲩⲧ ⲙⲡⲉⲣϣⲱⲡⲓ ⲉⲣⲉⲧⲉⲛⲟⲓ ⲛⲥⲁⲃⲉ ⲛⲱⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ .
Be of the same mind one toward another. Don't set your mind on high things, but associate with the humble. Don't be wise in your own conceits.
12.17
ⲛⲧⲉⲧⲉⲛϯ ⲛⲟⲩⲡⲉⲧϩⲱⲟⲩ ⲁⲛ ⲛϩⲗⲓ ⲛⲧϣⲉⲃⲓⲱ ⲛⲡⲟⲩⲡⲉⲧϩⲱⲟⲩ ⲉⲣⲉⲧⲉⲛϥⲓ ⲙⲫⲣⲱⲟⲩϣ ⲛϩⲁⲛⲡⲉⲑⲛⲁⲛⲉⲩ ⲙⲡⲉⲙⲑⲟ ⲛⲣⲱⲙⲓ ⲛⲓⲃⲉⲛ .
Repay no one evil for evil. Respect what is honorable in the sight of all men.
12.18
ⲓⲥϫⲉ ⲟⲩⲟⲛ ϣϫⲟⲙ ⲙⲙⲱⲧⲉⲛ ⲁⲣⲓⲁⲩⲧⲉⲛ ⲑⲏⲛⲟⲩ ⲉⲉⲣϩⲓⲣⲏⲛⲏ ⲛⲉⲙⲣⲱⲙⲓ ⲛⲓⲃⲉⲛ
If it is possible, as much as it is up to you, be at peace with all men.
12.19
ⲛⲧⲉⲧⲉⲛϭⲓ ⲙⲡⲉⲧⲉⲛⲙⲡϣⲓϣ ⲁⲛ ⲛⲁⲙⲉⲛⲣⲁϯ ⲁⲗⲗⲁ ⲙⲁⲙⲁ ⲙⲡϫⲱⲛⲧ ⲥⲥϧⲏⲟⲩⲧ ⲅⲁⲣ ϫⲉⲛϭⲓⲙⲡϣⲓϣ ⲫⲱⲓ ⲁⲛⲟⲕ ⲡⲉ ⲁⲛⲟⲕ ⲉⲑⲛⲁϯϣⲉⲃⲓⲱ ⲡⲉϫⲉ ⲡϭⲟⲓⲥ .
Don't seek revenge yourselves, beloved, but give place to God's wrath. For it is written, 'Vengeance belongs to me; I will repay, says the Lord.'
12.20
ⲁⲗⲗⲁ ⲉϣⲱⲡ ⲁⲣⲉϣⲁⲛ ⲡⲉⲕϫⲁϫⲓ ϩⲕⲟ ⲙⲁⲧⲉⲙⲙⲟϥ ⲁϥϣⲁⲛⲓⲃⲓ ⲙⲁⲧⲥⲟϥ ⲫⲁⲓ ⲅⲁⲣ ⲉⲕⲣⲁ ⲙⲙⲟϥ ⲉⲕⲉⲑⲱⲟⲩϯ ⲛϩⲁⲛϫⲉⲃⲥ ⲛⲭⲣⲱⲙ ϩⲓϫⲉⲛⲧⲉϥⲁⲫⲉ .
Therefore 'If your enemy is hungry, feed him. If he is thirsty, give him a drink; for in doing so, you will heap coals of fire on his head.'
12.21
ⲙⲡⲉⲛⲑⲣⲉ ⲡⲓⲡⲉⲧϩⲱⲟⲩ ϭⲣⲟ ⲉⲣⲱⲧⲉⲛ ⲁⲗⲗⲁ ϧⲉⲛⲡⲓⲡⲉⲑⲛⲁⲛⲉϥ ϭⲣⲟ ⲉⲡⲓⲡⲉⲧϩⲱⲟⲩ .
Don't be overcome by evil, but overcome evil with good.
13.1
ⲯⲩⲭⲏ ⲛⲓⲃⲉⲛ ⲙⲁⲣⲟⲩϭⲛⲉϫⲱⲟⲩ ⲉⲛⲓⲉⲝⲟⲩⲥⲓⲁ ⲉⲧϭⲟⲥⲓ ⲙⲙⲟⲛ ⲉⲝⲟⲩⲥⲓⲁ ⲅⲁⲣ ϣⲟⲡ ⲉⲃⲏⲗ ⲉⲛⲏ ⲉⲧϣⲟⲡ ⲉⲃⲟⲗ ϩⲓⲧⲉⲛⲫⲛⲟⲩϯ ⲛⲏ ⲉⲧϣⲟⲡ ⲉⲃⲟⲗ ϩⲓⲧⲉⲛⲫⲛⲟⲩϯ ⲥⲉⲑⲏϣ .
Let every soul be in subjection to the higher authorities, for there is no authority except from God, and those who exist are ordained by God.
13.2
ϩⲱⲥⲧⲉ ⲫⲏ ⲉⲧϯ ⲉϧⲟⲩⲛ ⲉϩⲣⲉⲛϯⲉⲝⲟⲩⲥⲓⲁ ⲁϥϯ ⲉϧⲟⲩⲛ ⲉϩⲣⲉⲛⲡⲓⲑⲱϣ ⲛⲧⲉⲫⲛⲟⲩϯ ⲛⲏ ⲇⲉ ⲉⲧϯ ⲉϧⲟⲩⲛ ⲉϩⲣⲁⲩ ⲉⲩⲉϭⲓ ⲛⲟⲩϩⲁⲡ
Therefore he who resists the authority, withstands the ordinance of God; and those who withstand will receive to themselves judgment.
13.3
ⲛⲓⲁⲣⲭⲏ ⲅⲁⲣ ⲛⲁⲩⲭⲏ ⲉⲩϩⲟϯ ⲁⲛ ⲙⲡⲓϩⲱⲃ ⲉⲑⲛⲁⲛⲉϥ ⲁⲗⲗⲁ ⲙⲡⲓⲡⲉⲧϩⲱⲟⲩ ⲭⲟⲩⲱϣ ⲇⲉ ⲉϣⲧⲉⲙⲉⲣϩⲟϯ ϧⲁⲧϩⲏ ⲛϯⲉⲝⲟⲩⲥⲓⲁ ⲁⲣⲓⲟⲩⲓ ⲙⲡⲓⲡⲉⲑⲛⲁⲛⲉϥ ⲟⲩⲟϩ ⲉⲣⲉⲟⲩⲧⲁⲓⲟ ϣⲱⲡⲓ ⲛⲁⲕ ⲉⲃⲟⲗ ⲙⲙⲟⲥ .
For rulers are not a terror to the good work, but to the evil. Do you desire to have no fear of the authority? Do that which is good, and you will have praise from the same,
13.4
ⲟⲩⲇⲓⲁⲕⲱⲛ ⲅⲁⲣ ⲛⲧⲉⲫⲛⲟⲩϯ ⲛⲁⲕ ⲧⲉ ⲉⲡⲓⲡⲉⲑⲛⲁⲛⲉϥ ⲉϣⲱⲡ ⲇⲉ ⲁⲕϣⲁⲛⲓⲣⲓ ⲙⲡⲓⲡⲉⲧϩⲱⲟⲩ ⲁⲣⲓϩⲟϯ ⲛⲁⲥⲉⲣⲫⲟⲣⲓⲛ ⲅⲁⲣ ⲁⲛ ⲛϯⲥⲏϥⲓ ϩⲓⲕⲏ ⲟⲩⲇⲓⲁⲕⲱⲛ ⲅⲁⲣ ⲛⲧⲉⲫⲛⲟⲩϯ ⲡⲉ ⲉⲥϭⲓⲙⲡϣⲓϣ ⲙⲡϫⲱⲛⲧ ⲙⲫⲏ ⲉⲧⲓⲣⲓ ⲙⲡⲓⲡⲉⲧϩⲱⲟⲩ .
for he is a servant of God to you for good. But if you do that which is evil, be afraid, for he doesn't bear the sword in vain; for he is a servant of God, an avenger for wrath to him who does evil.
13.5
ⲉⲑⲃⲉⲫⲁⲓ ⲁⲛⲁⲅⲕⲏ ⲉϭⲛⲉϫⲱⲧⲉⲛ ⲟⲩ ⲙⲟⲛⲟⲛ ⲉⲑⲃⲉⲡϫⲱⲛⲧ ⲁⲗⲗⲁ ⲛⲉⲙⲉⲑⲃⲉϯⲥⲩⲛⲏⲇⲉⲥⲓⲥ .
Therefore you need to be in subjection, not only because of the wrath, but also for conscience' sake.
13.6
ⲉⲑⲃⲉⲫⲁⲓ ⲅⲁⲣ ⲧⲉⲛϯϩⲱϯ ϩⲁⲛⲣⲉϥⲫⲱϣⲉⲛ ⲅⲁⲣ ⲛⲧⲉⲫⲛⲟⲩϯ ⲛⲉⲉⲩⲙⲏⲛ ⲉⲡⲁⲓϩⲱⲃ
For this reason you also pay taxes, for they are servants of God's service, attending continually on this very thing.
13.7
ⲙⲁ ⲛⲉⲧⲉⲣⲱⲧⲉⲛ ⲛⲟⲩⲟⲛ ⲛⲓⲃⲉⲛ ⲙⲁ ⲡⲓϩⲱϯ ⲙⲫⲁ ⲡⲓϩⲱϯ ⲙⲁ ⲡⲓⲧⲉⲗⲟⲥ ⲙⲫⲁ ⲡⲓⲧⲉⲗⲟⲥ ⲙⲁϯϩⲟϯ ⲙⲫⲁ ϯϩⲟϯ ⲙⲁ ⲡⲓⲧⲁⲓⲟ ⲙⲫⲁ ⲡⲓⲧⲁⲓⲟ .
Give therefore to everyone what you owe: taxes to whom taxes are due; customs to whom customs; respect to whom respect; honor to whom honor.
13.8
ⲙⲡⲉⲣⲭⲁ ϩⲗⲓ ⲛⲧⲉϩⲗⲓ ⲉⲣⲱⲧⲉⲛ ⲉⲃⲏⲗ ⲉⲙⲉⲛⲣⲉ ⲛⲉⲧⲉⲛⲉⲣⲏⲟⲩ ⲫⲏ ⲅⲁⲣ ⲉⲑⲙⲉⲓ ⲙⲡⲉϥϣⲫⲏⲣ ⲁϥϫⲉⲕ ⲡⲓⲛⲟⲙⲟⲥ ⲉⲃⲟⲗ .
Owe no one anything, except to love one another; for he who loves his neighbor has fulfilled the law.
13.9
ⲫⲁⲓ ⲅⲁⲣ ϫⲉⲛⲛⲉⲕⲉⲣⲛⲱⲓⲕ ⲛⲛⲉⲕϧⲱⲧⲉⲃ ⲛⲛⲉⲕϭⲓⲟⲩⲓ ⲛⲛⲉⲕⲉⲣⲙⲉⲑⲣⲉ ⲛⲛⲟⲩϫ ⲛⲛⲉⲕⲉⲣⲉⲡⲓⲑⲩⲙⲓⲛ ⲛⲉⲙⲕⲉⲟⲩⲓ ⲕⲉⲟⲩⲓ ⲛⲛⲓⲉⲛⲧⲟⲗⲏ ⲁⲩϫⲏⲕ ⲉⲃⲟⲗ ϧⲉⲛⲡⲁⲓⲥⲁϫⲓ ϧⲉⲛⲫⲙⲉⲛⲣⲉ ⲡⲉⲕϣⲫⲏⲣ ⲙⲡⲉⲕⲣⲏϯ .
For the commandments, 'You shall not commit adultery,' 'You shall not murder,' 'You shall not steal,' 'You shall not give false testimony,' 'You shall not covet,'
13.10
ϯⲁⲅⲁⲡⲏ ⲙⲡⲉⲥⲉⲣⲡⲉⲧϩⲱⲟⲩ ⲙⲡⲉⲥϣⲫⲏ ⲣⲡϫⲱⲕ ⲟⲩⲛ ⲙⲡⲓⲛⲟⲙⲟⲥ ⲡⲉ ϯⲁⲅⲁⲡⲏ .
Love doesn't harm a neighbor. Love therefore is the fulfillment of the law.
13.11
ⲟⲩⲟϩ ⲫⲁⲓ ⲉⲣⲉⲧⲉⲛⲉⲙⲓ ⲉⲡⲓⲥⲏⲟⲩ ϫⲉϯⲟⲩⲛⲟⲩ ⲧⲉ ϩⲏⲇⲏ ⲉⲑⲣⲉⲧⲉⲛⲧⲉⲛ ⲑⲏⲛⲟⲩ ⲉⲃⲟⲗ ϧⲉⲛⲡⲓⲉⲛⲕⲟⲧ ϯⲛⲟⲩ ⲇⲉ ⲁϥϧⲱⲛⲧ ⲉⲣⲟⲛ ⲛϫⲉⲡⲉⲛⲛⲟϩⲉⲙ ⲉϩⲟⲧⲉ ⲡⲓⲥⲏⲟⲩ ⲉⲧⲁⲛⲛⲁϩϯ ⲛϧⲏⲧϥ .
Do this, knowing the time, that it is already time for you to awaken out of sleep, for salvation is now nearer to us than when we first believed.
13.12
ⲁⲡⲓⲉϫⲱⲣϩ ⲉⲣⲡⲣⲟⲕⲟⲡⲧⲓⲛ ⲡⲓⲉϩⲟⲟⲩ ⲇⲉ ⲁϥϧⲱⲛⲧ ⲙⲁⲣⲉⲛⲭⲱ ⲟⲩⲛ ⲛϧⲣⲏⲓ ⲛⲛⲓϩⲃⲏ ⲟⲩⲓ ⲛⲧⲉⲡⲭⲁⲕⲓ ⲙⲁⲣⲉⲛϯ ⲇⲉ ϩⲓⲱⲧⲉⲛ ⲛⲛⲓϩⲟⲡⲗⲟⲛ ⲛⲧⲉⲡⲓⲟⲩⲱⲓⲛⲓ .
The night is far gone, and the day is near. Let's therefore throw off the works of darkness, and let's put on the armor of light.
13.13
ϩⲱⲥ ⲉⲛϧⲉⲛ ⲡⲓⲉϩⲟⲟⲩ ⲙⲁⲣⲉⲛⲙⲟϣⲓ ⲉⲛⲥⲟⲩⲃⲏⲧ ϧⲉⲛϩⲁⲛϫⲉⲣϫⲉⲣ ⲁⲛ ⲛⲉⲙϩⲁⲛⲑⲓϧⲓ ϧⲉⲛϩⲁⲛϣⲁⲓⲣⲓ ⲁⲛ ⲛⲉⲙϩⲁⲛⲥⲱϥ ϧⲉⲛⲟⲩϣϭⲛⲏⲛ ⲁⲛ ⲛⲉⲙⲟⲩⲭⲟϩ .
Let us walk properly, as in the day; not in reveling and drunkenness, not in sexual promiscuity and lustful acts, and not in strife and jealousy.
13.14
ⲁⲗⲗⲁ ⲙⲟⲓ ϩⲓⲑⲏⲛⲟⲩ ⲙⲡϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲟⲩⲟϩ ⲙⲡⲉⲣϥⲓⲣⲱⲟⲩϣ ϧⲁϯⲥⲁⲣⲝ ϧⲉⲛϩⲁⲛⲉⲡⲓⲑⲩⲙⲓⲁ .
But put on the Lord Jesus Christ, and make no provision for the flesh, for its lusts.
14.1
ⲡⲉⲧϣⲱⲛⲓ ϧⲉⲛⲫⲛⲁϩϯ ϣⲟⲡϥ ⲉⲣⲱⲧⲉⲛ ϧⲉⲛϩⲁⲛϩⲓⲟⲓ ⲁⲛ ⲛⲧⲉϩⲁⲛⲙⲟⲕⲙⲉⲕ .
Now accept one who is weak in faith, but not for disputes over opinions.
14.2
ⲟⲩⲟⲛ ⲡⲉⲑⲛⲁϩϯ ⲙⲉⲛ ⲉⲟⲩⲉⲙ ⲉⲛⲭⲁⲓ ⲛⲓⲃⲉⲛ ⲡⲉⲧϣⲱⲛⲓ ⲇⲉ ϣⲁϥⲟⲩⲉⲙ ⲟⲩⲟϯ .
One man has faith to eat all things, but he who is weak eats only vegetables.
14.3
ⲫⲏ ⲉⲑⲟⲩⲱⲙ ⲙⲡⲉⲛⲑⲣⲉϥϣⲉϣϥ ⲫⲏ ⲉⲧⲉⲛϥⲟⲩⲱⲙ ⲁⲛ ⲫⲏ ⲉⲧⲉⲛϥⲟⲩⲱⲙ ⲁⲛ ⲙⲡⲉⲛⲑⲣⲉϥϯ ϩⲁⲡ ⲉⲡⲉⲑⲟⲩⲱⲙ ⲫⲛⲟⲩϯ ⲅⲁⲣ ⲁϥϣⲟⲡϥ ⲉⲣⲟϥ .
Don't let him who eats despise him who doesn't eat. Don't let him who doesn't eat judge him who eats, for God has accepted him.
14.4
ⲛⲑⲟⲕ ⲛⲓⲙ ⲛⲑⲟⲕ ⲫⲏ ⲉⲧϯϩⲁⲡ ⲉⲟⲩⲃⲱⲕ ⲛϣⲉⲙⲙⲟ ⲉϥⲟϩⲓ ⲉⲣⲁⲧϥ ⲉⲡⲉϥϭⲟⲓⲥ ⲓⲉ ⲉϥⲛⲁϩⲉⲓ ⲉϥⲟϩⲓ ⲇⲉ ⲉⲣⲁⲧϥ ⲟⲩⲟⲛ ϣϫⲟⲙ ⲙⲡϭⲟⲓⲥ ⲉⲧⲁϩⲟϥ ⲉⲣⲁⲧϥ .
Who are you who judge another's servant? To his own lord he stands or falls. Yes, he will be made to stand, for God has power to make him stand.
14.5
ⲟⲩⲟⲛ ⲡⲉϯϩⲁⲡ ⲅⲁⲣ ⲙⲉⲛ ⲛⲉϩⲟⲟⲩ ϧⲁⲧϩⲏ ⲛⲉϩⲟⲟⲩ ⲟⲩⲟⲛ ⲡⲉⲧϯϩⲁⲡ ⲇⲉ ⲛⲉϩⲟⲟⲩ ⲛⲓⲃⲉⲛ ⲡⲓⲟⲩⲁⲓ ⲡⲓⲟⲩⲁⲓ ⲙⲁⲣⲉϥⲑⲱⲧ ⲛϩⲏⲧ ϧⲉⲛⲡⲉϥϩⲏⲧ ⲙⲙⲓⲛⲙⲙⲟϥ .
One man esteems one day as more important. Another esteems every day alike. Let each man be fully assured in his own mind.
14.6
ⲫⲏ ⲉⲑⲙⲉⲩⲓ ⲉⲡⲓⲉϩⲟⲟⲩ ⲁϥⲙⲉⲩⲓ ⲉⲡϭⲟⲓⲥ ⲟⲩⲟϩ ⲡⲉⲑⲟⲩⲱⲙ ⲁϥⲟⲩⲱⲙ ⲙⲡϭⲟⲓⲥ ϥϣⲉⲡϩⲙⲟⲧ ⲅⲁⲣ ⲛⲧⲉⲛⲫⲛⲟⲩϯ ⲟⲩⲟϩ ⲫⲏ ⲉⲧⲉⲛϥⲟⲩⲱⲙ ⲁⲛ ϥⲟⲩⲱⲙ ⲁⲛ ⲙⲡϭⲟⲓⲥ ⲟⲩⲟϩ ϥϣⲉⲡϩⲙⲟⲧ ⲛⲧⲉⲛⲫⲛⲟⲩϯ .
He who observes the day, observes it to the Lord; and he who does not observe the day, to the Lord he does not observe it. He who eats, eats to the Lord, for he gives God thanks. He who doesn't eat, to the Lord he doesn't eat, and gives God thanks.
14.7
ⲙⲙⲟⲛ ϩⲗⲓ ⲅⲁⲣ ⲙⲙⲟⲛ ⲛⲁⲱⲛϧ ⲛⲁϥ ⲟⲩⲟϩ ⲙⲙⲟⲛ ϩⲗⲓ ⲛⲁⲙⲟⲩ ⲛⲁϥ .
For none of us lives to himself, and none dies to himself.
14.8
ⲉϣⲱⲡ ⲅⲁⲣ ⲉⲛⲛⲁⲱⲛϧ ⲉⲛⲛⲁⲱⲛϧ ⲙⲡϭ ⲥⲉϣⲱⲡ ⲇⲉ ⲉⲛⲛⲁⲙⲟⲩ ⲉⲛⲛⲁⲙⲟⲩ ⲙⲡϭⲟⲓⲥ ⲓⲧⲉ ⲟⲩⲛ ⲉⲛⲛⲁⲱⲛϧ ⲓⲧⲉ ⲉⲛⲛⲁⲙⲟⲩ ⲁⲛⲟⲛ ⲛⲁⲡϭⲟⲓⲥ .
For if we live, we live to the Lord. Or if we die, we die to the Lord. If therefore we live or die, we are the Lord's.
14.9
ⲉⲑⲃⲉⲫⲁⲓ ⲡⲭⲣⲓⲥⲧⲟⲥ ⲁϥⲙⲟⲩ ⲟⲩⲟϩ ⲁϥⲱⲛϧ ϩⲓⲛⲁ ⲛⲧⲉϥⲉⲣϭⲟⲓⲥ ⲉⲛⲏ ⲉⲧⲙⲱⲟⲩⲧ ⲛⲉⲙⲛⲏ ⲉⲧⲟⲛϧ .
For to this end Christ died, rose, and lived again, that he might be Lord of both the dead and the living.
14.10
ⲛⲑⲟⲕ ⲇⲉ ⲉⲑⲃⲉⲟⲩ ⲕϯϩⲁⲡ ⲉⲡⲉⲕⲥⲟⲛ ⲙⲙⲟⲛ ⲛⲑⲟⲕ ϩⲱⲕ ⲉⲑⲃⲉⲟⲩ ⲕϣⲱϣ ⲙⲡⲉⲕⲥⲟⲛ ⲁⲛⲟⲛ ⲅⲁⲣ ⲧⲏⲣⲉⲛ ⲥⲉⲛⲁⲧⲁϩⲟⲛ ⲉⲣⲁⲧⲉⲛ ⲛⲁϩⲣⲉⲛ ⲡⲓⲃⲏⲙⲁ ⲛⲧⲉⲫⲛⲟⲩϯ .
But you, why do you judge your brother? Or you again, why do you despise your brother? For we will all stand before the judgment seat of Christ.
14.11
ⲥⲥϧⲏⲟⲩⲧ ⲅⲁⲣ ϫⲉϯⲟⲛϧ ⲁⲛⲟⲕ ⲡⲉϫⲉ ⲡϭⲟⲓⲥ ϫⲉⲕⲉⲗⲓ ⲛⲓⲃⲉⲛ ⲉⲩⲉⲕⲱⲗϫ ⲛⲏⲓ ⲟⲩⲟϩ ⲛⲧⲉⲗⲁⲥ ⲛⲓⲃⲉⲛ ⲟⲩⲱⲛϩ ⲉⲃⲟⲗ ⲙⲫⲛⲟⲩϯ .
For it is written, ''As I live,' says the Lord, 'to me every knee will bow. Every tongue will confess to God.''
14.12
ϩⲁⲣⲁ ⲟⲩⲛ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲟⲛ ϥⲛⲁϯⲗⲟⲅⲟⲥ ⲉϫⲱϥ ⲙⲫⲛⲟⲩϯ .
So then each one of us will give account of himself to God.
14.13
ⲙⲡⲉⲛⲑⲣⲉⲛϯϩⲁⲡ ⲟⲩⲛ ϫⲉⲉⲛⲉⲛⲉⲣⲏⲟⲩ ⲁⲗⲗⲁ ⲫⲁⲓ ⲙⲁⲗⲗⲟⲛ ⲙⲁϩⲁⲡ ⲉⲣⲟϥ ⲉϣⲧⲉⲙⲭ ⲁⲟⲩϭⲣⲟⲡ ⲓⲉ ⲟⲩⲥⲕⲁⲛⲇⲁⲗⲟⲛ ⲙⲡⲉⲕⲥⲟⲛ .
Therefore let's not judge one another any more, but judge this rather, that no man put a stumbling block in his brother's way, or an occasion for falling.
14.14
ϯⲉⲙⲓ ⲟⲩⲟϩ ⲡⲁϩⲏⲧ ⲑⲏⲧ ϧⲉⲛⲡϭⲟⲓⲥ ⲓⲏⲥⲟⲩⲥ ϫⲉⲙⲙⲟⲛ ϩⲗⲓ ⲉϥϭⲁϧⲉⲙ ⲉⲃⲟⲗ ϩⲓⲧⲟⲧϥ ⲉⲃⲏⲗ ⲉⲫⲏ ⲉⲑⲙⲉⲩⲓ ⲉⲟⲩⲉⲛⲭⲁⲓ ϫⲉϥϭⲁϧⲉⲙ ϥϭⲁϧⲉⲙ ⲛⲧⲟⲧϥ ⲙⲫⲏ ⲉⲧⲉⲙⲙⲁⲩ .
I know, and am persuaded in the Lord Jesus, that nothing is unclean of itself; except that to him who considers anything to be unclean, to him it is unclean.
14.15
ⲓⲥϫⲉ ⲅⲁⲣ ⲉⲑⲃⲉⲟⲩϧⲣⲉ ⲁⲣⲉ ⲡⲉⲕⲥⲟⲛ ⲛⲁⲉⲣⲥⲕⲁⲛⲇⲁⲗⲓⲍⲉⲥⲑⲉ ⲓⲉ ⲕⲙⲟϣⲓ ⲁⲛ ϫⲉⲕⲁⲧⲁⲟⲩⲁⲅⲁⲡⲏ ⲙⲡⲉⲣⲧⲁⲕⲉ ⲫⲏ ⲉⲧⲁ ⲡⲭⲣⲓⲥⲧⲟⲥ ⲙⲟⲩ ⲉϩⲣⲏⲓ ⲉϫⲱϥ ϧⲉⲛⲧⲉⲕϧⲣⲉ .
Yet if because of food your brother is grieved, you walk no longer in love. Don't destroy with your food him for whom Christ died.
14.16
ⲙⲡⲉⲛⲑⲣⲟⲩϫⲉⲟⲩⲁ ⲟⲩⲛ ⲉⲡⲉⲧⲉⲛⲡⲉⲑⲛⲁⲛⲉϥ .
Then don't let your good be slandered,
14.17
ϯⲙⲉⲧⲟⲩⲣⲟ ⲅⲁⲣ ⲛⲧⲉⲫⲛⲟⲩϯ ⲛⲁⲥϧⲉⲛ ⲟⲩⲱⲙ ⲁⲛ ⲛⲉⲙⲟⲩⲥⲱ ⲁⲗⲗⲁ ⲁⲥϧⲉⲛ ⲟⲩⲙⲉⲑⲙⲏ ⲓⲛⲉⲙ ⲟⲩϩⲓⲣⲏⲛⲏ ⲛⲉⲙⲟⲩⲣⲁϣⲓ ϧⲉⲛⲟⲩⲡⲛⲉⲩⲙⲁⲉϥⲟⲩⲁⲃ .
for the Kingdom of God is not eating and drinking, but righteousness, peace, and joy in the Holy Spirit.
14.18
ⲫⲏ ⲅⲁⲣ ⲉⲧⲟⲓ ⲙⲃⲱⲕ ϧⲉⲛⲛⲁⲓ ⲉⲡⲭⲣⲓⲥⲧⲟⲥ ϥⲣⲁⲛⲁϥ ⲙⲫⲛⲟⲩϯ ⲟⲩⲟϩ ϥⲥⲟⲩⲧⲱⲛ ⲡⲉ ϧⲉⲛⲛⲓⲣⲱⲙⲓ .
For he who serves Christ in these things is acceptable to God and approved by men.
14.19
ϩⲁⲣⲁ ⲟⲩⲛ ⲙⲁⲣⲉⲛϭⲟϫⲓ ⲛⲥⲁⲛⲁ ϯϩⲓⲣⲏⲛⲏ ⲛⲉⲙⲛⲁⲡⲓⲕⲱⲧ ⲉⲛⲉⲛⲉⲣⲏⲟⲩ .
So then, let us follow after things which make for peace, and things by which we may build one another up.
14.20
ⲙⲡⲉⲣⲃⲉⲗ ⲡⲓϩⲱⲃ ⲛⲧⲉⲫⲛⲟⲩϯ ⲉⲃⲟⲗ ⲉⲑⲃⲉⲟⲩϧⲣⲉ ⲥⲉⲟⲩⲁⲃ ⲙⲉⲛ ⲧⲏⲣⲟⲩ ⲁⲗⲗⲁ ⲟⲩⲡⲉⲧϩⲱⲟⲩ ⲡⲉ ⲙⲡⲓⲣⲱⲙⲓ ⲫⲏ ⲉⲑⲛⲁⲟⲩⲱⲙ ⲉⲃⲟⲗ ϩⲓⲧⲉⲛⲟⲩϭⲣⲟⲡ .
Don't overthrow God's work for food's sake. All things indeed are clean, however it is evil for that man who creates a stumbling block by eating.
14.21
ⲛⲁⲛⲉⲥ ⲉϣⲧⲉⲙⲟⲩⲉⲙ ⲁϥ ⲟⲩⲇⲉ ⲉϣⲧⲉⲙⲥⲉ ⲏⲣⲡ ⲛⲉⲙⲫⲏ ⲉⲧⲉⲡⲉⲕⲥⲟⲛ ⲛⲁϭⲓϭⲣⲟⲡ ⲛϧⲏⲧϥ .
It is good to not eat meat, drink wine, nor do anything by which your brother stumbles, is offended, or is made weak.
14.22
ⲛⲑⲟⲕ ⲟⲩⲟⲛⲧⲁⲕ ⲛⲟⲩⲛⲁϩϯ ⲙⲙⲁⲩ ⲭⲁϥ ⲛϧⲏⲧⲕ ⲙⲡⲉⲙⲑⲟ ⲙⲫⲛⲟⲩϯ ⲟⲱⲩⲛⲓⲁⲧϥ ⲙⲫⲏ ⲉⲧⲉⲛϥⲛⲁϯϩⲁⲡ ⲉⲣⲟϥ ⲁⲛ ϧⲉⲛⲫⲏ ⲉⲧⲉϥⲛⲁⲉⲣⲇⲟⲕⲓⲙⲁⲍⲓⲛ ⲙⲙⲟϥ .
Do you have faith? Have it to yourself before God. Happy is he who doesn't judge himself in that which he approves.
14.23
ⲫⲏ ⲇⲉ ⲉⲧⲟⲓ ⲛϩⲏⲧ ⲃⲉϣⲱⲡ ⲁϥϣⲁⲛⲟⲩⲱⲙ ⲁϥϩⲓⲧϥ ⲉⲡϩⲁⲡ ϫⲉⲛⲟⲩⲉⲃⲟⲗ ϧⲉⲛⲟⲩⲛⲁϩϯ ⲁⲛ ⲡⲉ ϩⲱⲃ ⲇⲉ ⲛⲓⲃⲉⲛ ⲉⲧⲉⲛⲟⲩⲉⲃⲟⲗ ϧⲉⲛⲟⲩⲛⲁϩϯ ⲁⲛ ⲡⲉ ⲟⲩⲛⲟⲃⲓ ⲡⲉ .
But he who doubts is condemned if he eats, because it isn't of faith; and whatever is not of faith is sin. (14:24) Now to him who is able to establish you according to my Good News and the preaching of Jesus Christ, according to the revelation of the mystery which has been kept secret through long ages, (14:25) but now is revealed, and by the Scriptures of the prophets, according to the commandment of the eternal God, is made known for obedience of faith to all the nations; (14:26) to the only wise God, through Jesus Christ, to whom be the glory forever! Amen.
15.1
ⲥⲉⲙⲡϣⲁ ⲇⲉ ⲛⲁⲛ ⲁⲛⲟⲛ ϧⲁⲛⲏ ⲉⲧⲉⲟⲩⲟⲛ ϣϫⲟⲙ ⲙⲙⲱⲟⲩ ⲛⲧⲉⲛϥⲁⲓ ϧⲁⲛⲓϣⲱⲛⲓ ⲛⲧⲉⲛⲓⲁⲧϫⲟⲙ ⲟⲩⲟϩ ⲛⲧⲉⲛϣⲧⲉⲙⲣⲁⲛⲁⲛ ⲙⲙⲁⲩⲁⲧⲉⲛ .
Now we who are strong ought to bear the weaknesses of the weak, and not to please ourselves.
15.2
ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲧⲉⲛ ⲙⲁⲣⲉϥⲣⲁⲛⲁϥ ⲙⲡⲉϥϣⲫⲏⲣ ϧⲉⲛⲡⲓⲡⲉⲑⲛⲁⲛⲉϥ ⲉⲩⲕⲱⲧ .
Let each one of us please his neighbor for that which is good, to be building him up.
15.3
ⲕⲉ ⲅⲁⲣ ⲡⲭⲣⲓⲥⲧⲟⲥ ⲛⲉⲧⲁϥⲣⲁⲛⲁϥ ⲙⲙⲁⲩⲁⲧϥ ⲁⲛ ⲁⲗⲗⲁ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲛⲓϣⲱϣ ⲛⲧⲉⲛⲏ ⲉⲧϯϣⲫⲓⲧ ⲛⲁⲕ ⲁⲩⲓ ⲉϩⲣⲏⲓ ⲉϫⲱⲓ .
For even Christ didn't please himself. But, as it is written, 'The reproaches of those who reproached you fell on me.'
15.4
ϩⲱⲃ ⲅⲁⲣ ⲛⲓⲃⲉⲛ ⲉⲧⲁⲩⲉⲣϣⲟⲣⲡ ⲛⲥϧⲏ ⲧⲟⲩ ⲁⲩⲥϧⲏⲧⲟⲩ ⲉⲧⲉⲛⲥⲃⲱ ϩⲓⲛⲁ ⲉⲃⲟⲗ ϩⲓⲧⲉⲛϯϩⲩⲡⲟⲙⲟⲛⲏ ⲛⲉⲙϯⲙⲉⲧⲣⲉϥϯⲛⲟⲙϯ ⲛⲧⲉⲛⲓⲅⲣⲁⲫⲏ ⲛⲧⲉϯϩⲉⲗⲡⲓⲥ ϣⲱⲡⲓ ⲛⲁⲛ .
For whatever things were written before were written for our learning, that through patience and through encouragement of the Scriptures we might have hope.
15.5
ⲫⲛⲟⲩϯ ⲇⲉ ⲛⲧⲉϯϩⲓⲣⲏⲛⲏ ⲛⲉⲙϯⲡⲁⲣⲁⲕⲗⲏ ⲥⲓⲥ ⲉϥⲉϯ ⲛⲟⲩⲙⲉⲩⲓ ⲛⲟⲩⲱⲧ ⲛⲱⲧⲉⲛ ⲉⲛⲉⲧⲉⲛⲉⲣⲏ ⲟⲩ ⲕⲁⲧⲁⲓⲏⲥⲟⲩⲥ ⲡⲭⲣⲓⲥⲧⲟⲥ .
Now the God of patience and of encouragement grant you to be of the same mind one with another according to Christ Jesus,
15.6
ϩⲓⲛⲁ ϧⲉⲛⲟⲩϩⲏⲧ ⲛⲟⲩⲱⲧ ⲛⲉⲙⲟⲩⲣⲱ ⲛⲟⲩⲱⲧ ⲛⲧⲉⲧⲉⲛϯⲱⲟⲩ ⲙⲫⲛⲟⲩϯ ⲫⲓⲱⲧ ⲙⲡⲉⲛϭ ⲥⲓⲏⲥⲟⲩⲥ ⲡⲭⲣⲓⲥⲧⲟⲥ .
that with one accord you may with one mouth glorify the God and Father of our Lord Jesus Christ.
15.7
ⲉⲑⲃⲉⲫⲁⲓ ϣⲉⲡ ⲛⲉⲧⲉⲛⲉⲣⲏⲟⲩ ⲉⲣⲱⲧⲉⲛ ⲕⲁⲧⲁⲫⲣⲏϯ ϩⲱϥ ⲉⲧⲁ ⲡⲭⲣⲓⲥⲧⲟⲥ ϣⲉⲡ ⲑⲏⲛⲟⲩ ⲉⲣⲟϥ ⲉⲩⲱⲟⲩ ⲙⲫⲛⲟⲩϯ .
Therefore accept one another, even as Christ also accepted you, to the glory of God.
15.8
ϯϫⲱ ⲅⲁⲣ ⲙⲙⲟⲥ ϫⲉⲡⲭⲣⲓⲥⲧⲟⲥ ⲁϥϣⲱⲡⲓ ⲛⲟⲩⲇⲓⲁⲕⲱⲛ ⲛⲧⲉⲡⲥⲉⲃⲓ ⲉϫⲉⲛϯⲙⲉⲑⲛⲏⲓ ⲛⲧⲉⲫⲛⲟⲩϯ ϫⲉⲭⲁⲥ ⲉϥⲉⲧⲁϫⲣⲉ ⲛⲓⲱϣ ⲛⲧⲉⲛⲓⲓⲟϯ .
Now I say that Christ has been made a servant of the circumcision for the truth of God, that he might confirm the promises given to the fathers,
15.9
ⲛⲓⲉⲑⲛⲟⲥ ⲇⲉ ⲉⲑⲃⲉⲟⲩⲛⲁⲓ ⲉϯⲱⲟⲩ ⲙⲫⲛⲟⲩϯ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲉⲑⲃⲉⲫⲁⲓ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϧⲉⲛⲛⲓⲉⲑⲛⲟⲥ ⲟⲩⲟϩ ϯⲛⲁⲉⲣⲯⲁⲗⲓⲛ ⲉⲡⲉⲕⲣⲁⲛ .
and that the Gentiles might glorify God for his mercy. As it is written, 'Therefore will I give praise to you among the Gentiles, and sing to your name.'
15.10
ⲟⲩⲟϩ ϥϫⲱ ⲙⲙⲟⲥ ⲟⲛ ϫⲉⲟⲩⲛⲟϥ ⲙⲙⲱⲧⲉⲛ ⲛⲓⲉⲑⲛⲟⲥ ⲛⲉⲙⲡⲉϥⲗⲁⲟⲥ .
Again he says, 'Rejoice, you Gentiles, with his people.'
15.11
ⲟⲩⲟϩ ϥϫⲱ ⲙⲙⲟⲥ ⲟⲛ ϫⲉⲛⲓⲉⲑⲛⲟⲥ ⲧⲏⲣⲟⲩ ⲥⲙⲟⲩ ⲉⲡϭⲟⲓⲥ ⲙⲁⲣⲟⲩⲥⲙⲟⲩ ⲉⲣⲟϥ ⲛϫⲉⲛⲓⲗⲁⲟⲥ ⲧⲏⲣⲟⲩ .
Again, 'Praise the Lord, all you Gentiles! Let all the peoples praise him.'
15.12
ⲟⲩⲟϩ ϥϫⲱ ⲙⲙⲟⲥ ⲟⲛ ⲛϫⲉⲏⲥⲁⲏⲁⲥ ϫⲉⲉⲥⲉϣⲱⲡⲓ ⲛϫⲉⲧⲛⲟⲩⲛⲓ ⲛⲓⲉⲥⲥⲉ ⲛⲉⲙⲫⲏ ⲉⲑⲛⲁⲧⲱⲛϥ ⲉⲉⲣⲁⲣⲭⲱⲛ ⲉⲛⲓⲉⲑⲛⲟⲥ ⲉⲩⲉⲉⲣϩⲉⲗⲡⲓⲥ ⲉⲣⲟϥ ⲛϫⲉⲛⲓⲉⲑⲛⲟⲥ .
Again, Isaiah says, 'There will be the root of Jesse, he who arises to rule over the Gentiles; in him the Gentiles will hope.'
15.13
ⲫⲛⲟⲩϯ ⲇⲉ ⲛⲧⲉϯϩⲉⲗⲡⲓⲥ ⲉϥⲉⲙⲁϩ ⲑⲏⲛⲟⲩ ⲛⲣⲁϣⲓ ⲛⲓⲃⲉⲛ ⲛⲉⲙϯϩⲓⲣⲏⲛⲏ ϧⲉⲛⲡϫⲓⲛⲑⲣⲉⲧⲉⲛⲛⲁϩϯ ⲉⲣⲉⲧⲉⲛⲉⲣϩⲟⲩⲟ ϧⲉⲛϯϩⲉⲗⲡⲓⲥ ϧⲉⲛϯϫⲟⲙ ⲛⲧⲉⲡⲓⲡⲛⲉⲩⲙⲁⲉⲑⲟⲩⲁⲃ .
Now may the God of hope fill you with all joy and peace in believing, that you may abound in hope, in the power of the Holy Spirit.
15.14
ⲁⲛⲟⲕ ϩⲱ ⲛⲁⲥⲛⲏⲟⲩ ⲡⲁϩⲏⲧ ⲑⲏⲧ ⲉϫⲉⲛⲑⲏⲛⲟⲩ ϫⲉⲛⲑⲱⲧⲉⲛ ϩⲱⲧⲉⲛ ⲧⲉⲧⲉⲛⲙⲉϩ ϧⲉⲛϩⲱⲃ ⲛⲓⲃⲉⲛ ⲛⲁⲅⲁⲑⲟⲛ ⲉⲣⲉⲧⲉⲛⲙⲉϩ ϧⲉⲛⲉⲙⲓ ⲛⲓⲃⲉⲛ ⲉⲟⲩⲟⲛ ϣϫⲟⲙ ⲙⲙⲱⲧⲉⲛ ⲉϯⲥⲃⲱ ⲛⲛⲉⲧⲉⲛⲉⲣⲏⲟⲩ .
I myself am also persuaded about you, my brothers, that you yourselves are full of goodness, filled with all knowledge, able also to admonish others.
15.15
ϧⲉⲛⲟⲩⲙⲉⲧⲧⲟⲗⲙⲉⲣⲟⲥ ⲇⲉ ⲁⲓⲥϧⲁⲓ ⲛⲱⲧⲉⲛ ⲛⲟⲩⲁⲡⲟⲙⲉⲣⲟⲥ ϩⲱⲥ ⲉⲓϯ ⲙⲫⲙⲉⲩⲓ ⲛⲱⲧⲉⲛ ⲉⲑⲃⲉⲡⲓϩⲙⲟⲧ ⲉⲧⲁⲩⲧⲏⲓϥ ⲛⲏⲓ ⲉⲃⲟⲗ ϩⲓⲧⲉⲛⲫⲛⲟⲩϯ
But I write the more boldly to you in part, as reminding you, because of the grace that was given to me by God,
15.16
ⲉⲑⲣⲓϣⲱⲡⲓ ⲉⲓⲟⲓ ⲛⲣⲉϥⲫⲱϣⲉⲛ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲛⲓⲉⲑⲛⲟⲥ ⲉⲓⲉⲣϩⲱⲃ ϧⲉⲛⲟⲩⲙⲉⲧⲟⲩⲏ ⲃⲉⲡⲓⲉⲩⲁⲅⲅⲉⲗⲓⲟⲛ ⲛⲧⲉⲫⲛⲟⲩϯ ϩⲓⲛⲁ ⲛⲧⲉϯⲡⲣⲟⲥⲫⲱⲣⲁ ⲛⲧⲉⲛⲓⲉⲑⲛⲟⲥ ϣⲱⲡⲓ ⲉⲥϣⲏⲡ ⲟⲩⲟϩ ⲉⲥⲧⲟⲩⲃⲏⲟⲩⲧ ϧⲉⲛⲟⲩⲡⲛⲉⲩⲙⲁⲉϥⲟⲩⲁⲃ .
that I should be a servant of Christ Jesus to the Gentiles, serving as a priest the Good News of God, that the offering up of the Gentiles might be made acceptable, sanctified by the Holy Spirit.
15.17
ⲟⲩⲟⲛⲧⲏⲓ ⲙⲙⲁⲩ ⲛⲟⲩϣⲟⲩϣⲟⲩ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ϩⲁⲫⲛⲟⲩϯ .
I have therefore my boasting in Christ Jesus in things pertaining to God.
15.18
ⲟⲩ ⲅⲁⲣ ⲛⲛⲁⲉⲣⲧⲟⲗⲙⲁⲛ ⲉϫⲉ ⲟⲩⲥⲁϫⲓ ϧⲉⲛⲛⲏ ⲉⲧⲉⲙⲡⲉ ⲡⲭⲣⲓⲥⲧⲟⲥ ⲉⲣϩⲱⲃ ⲛϧⲏ ⲧⲟⲩ ⲉⲃⲟⲗ ϩⲓⲧⲟⲧⲉⲩⲥⲱⲧⲉⲙ ⲛⲧⲉⲛⲓⲉⲑⲛⲟⲥ ϧⲉⲛⲡⲥⲁϫⲓ ϧⲉⲛⲡϩⲱⲃ .
For I will not dare to speak of any things except those which Christ worked through me, for the obedience of the Gentiles, by word and deed,
15.19
ϧⲉⲛⲧϫⲟⲙ ⲛⲧⲉϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ϧⲉⲛⲟⲩϫⲟⲙ ⲛⲧⲉⲟⲩⲡⲛⲉⲩⲙⲁⲉϥⲟⲩⲁⲃ ϩⲱⲥⲧⲉ ⲓⲥϫⲉⲛ ⲓⲉⲣⲟⲥⲁⲗⲏⲙ ⲛⲉⲙⲡⲉⲥⲕⲱϯ ϣⲁⲉϩⲣⲏⲓ ⲉⲡⲓⲁⲗⲗⲩⲣⲓⲕⲟⲛ ⲛⲧⲁⲙⲁϩⲟⲩ ⲉⲡⲓⲉⲩⲁⲅⲅⲉⲗⲓⲟⲛ ⲛⲧⲉⲡⲭⲣⲓⲥⲧⲟⲥ .
in the power of signs and wonders, in the power of God's Spirit; so that from Jerusalem, and around as far as to Illyricum, I have fully preached the Good News of Christ;
15.20
ⲡⲁⲓⲣⲏϯ ⲇⲉ ⲛⲁⲓⲙⲉⲓ ⲛϩⲓϣⲉⲛⲛⲟⲩϥⲓ ⲡⲉ ⲉⲫⲙⲁ ⲁⲛ ⲉⲧⲁⲩϫⲉ ⲫⲣⲁⲛ ⲙⲡⲭⲣⲓⲥⲧⲟⲥ ⲙⲙⲟϥ ϩⲓⲛⲁ ⲛⲧⲁϣⲧⲉⲙⲕⲱⲧ ⲉϫⲉⲛⲟⲩⲥⲉⲛϯ ⲛϣⲉⲙⲙⲟ .
yes, making it my aim to preach the Good News, not where Christ was already named, that I might not build on another's foundation.
15.21
ⲁⲗⲗⲁ ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲉⲩⲉⲛⲁⲩ ⲛϫⲉⲛⲏ ⲉⲧⲉⲙⲡⲟⲩⲧⲁⲙⲱⲟⲩ ⲉⲑⲃⲏ ⲧϥ ⲟⲩⲟϩ ⲛⲏ ⲉⲧⲉⲙⲡⲟⲩⲥⲱⲧⲉⲙ ⲉⲩⲉⲕⲁϯ .
But, as it is written, 'They will see, to whom no news of him came. They who haven't heard will understand.'
15.22
ⲉⲑⲃⲉⲫⲁⲓ ⲁⲓⲧⲁϩⲛⲟ ⲛⲟⲩⲙⲏϣ ⲛⲥⲟⲡ ⲉⲓ ϩⲁⲣⲱⲧⲉⲛ .
Therefore also I was hindered these many times from coming to you,
15.23
ϯⲛⲟⲩ ⲇⲉ ⲙⲙⲟⲛϯ ⲙⲁ ϧⲉⲛⲛⲁⲓⲥⲁ ⲟⲩⲟⲛ ⲟⲩⲙⲉⲓ ⲛϩⲟⲩⲟ ⲇⲉ ϣⲟⲡ ⲛϧⲏⲧ ⲉⲓ ϩⲁⲣⲱⲧⲉⲛ ⲓⲥ ⲟⲩⲙⲏϣ ⲛⲣⲟⲙⲡⲓ .
but now, no longer having any place in these regions, and having these many years a longing to come to you,
15.24
ϩⲱⲥ ⲉⲓⲛⲁϣⲉⲛⲏⲓ ⲉϯⲥⲡⲁⲛⲓⲁ ϯⲉⲣϩⲉⲗⲡⲓⲥ ⲅⲁⲣ ⲉⲛⲁⲩ ⲉⲣⲱⲧⲉⲛ ⲉⲓⲛⲁϣⲉ ⲛⲏⲓ ⲙⲙⲁⲩ ⲟⲩⲟϩ ⲛⲧⲉⲧⲉⲛⲧⲫⲟⲓ ⲛⲑⲱⲧⲉⲛ ⲙⲙⲁⲩ ⲉϣⲱⲡ ⲁⲓϣⲁⲛⲥⲓ ⲙⲙⲱⲧⲉⲛ ϧⲉⲛⲟⲩⲁⲡⲟⲙⲉⲣⲟⲥ .
whenever I journey to Spain, I will come to you. For I hope to see you on my journey, and to be helped on my way there by you, if first I may enjoy your company for a while.
15.25
ϯⲛⲟⲩ ⲇⲉ ϯⲛⲁϣⲉ ⲛⲏⲓ ⲉⲓⲉⲣⲟⲥⲁⲗⲏⲙ ⲉϣⲉⲙϣⲓ ⲛⲛⲏ ⲉⲑⲟⲩⲁⲃ .
But now, I say, I am going to Jerusalem, serving the saints.
15.26
ⲁⲩϯⲙⲁϯ ⲅⲁⲣ ⲛϫⲉⲛⲁⲧⲙⲁⲕⲉⲇⲟⲛⲓⲁ ⲛⲉⲙⲁⲭⲁⲓⲁ ⲉⲓⲣⲓ ⲛⲟⲩⲙⲉⲧϣⲫⲏⲣ ⲉⲛⲓϩⲏⲕⲓ ⲛⲧⲉⲛⲏ ⲉⲑⲟⲩⲁⲃ ⲛⲏ ⲉⲧϧⲉⲛⲓⲉⲣⲟⲥⲁⲗⲏⲙ .
For it has been the good pleasure of Macedonia and Achaia to make a certain contribution for the poor among the saints who are at Jerusalem.
15.27
ⲁⲩϯⲙⲁϯ ⲅⲁⲣ ⲟⲩⲟϩ ⲟⲩⲟⲛ ⲉⲣⲱⲟⲩ ⲛⲧⲱⲟⲩ ⲓⲥϫⲉ ⲅⲁⲣ ⲛⲓⲉⲑⲛⲟⲥ ⲉⲣϣⲫⲏⲣ ⲉⲣⲱⲟⲩ ϧⲉⲛⲟⲩⲡⲛⲉⲩⲙⲁⲧⲓⲕⲟⲛ ⲥⲉⲙⲡϣⲁ ⲛⲥⲉϣⲉⲙϣⲏⲧⲟⲩ ϧⲉⲛⲛⲓⲕⲉⲥⲁⲣⲕⲓⲕⲟⲛ .
Yes, it has been their good pleasure, and they are their debtors. For if the Gentiles have been made partakers of their spiritual things, they owe it to them also to serve them in fleshly things.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.