Romans (Bohairic Coptic)

Coptic New Testament (Bohairic) · 433 sections

4.9
ⲡⲁⲓⲙⲁⲕⲁⲣⲓⲥⲙⲟⲥ ⲟⲩⲛ ⲁϥⲭⲏ ⲉϫⲉⲛⲡⲥⲉⲃⲓ ϣⲁⲛ ⲉϫⲉⲛϯⲙⲉⲧⲁⲧⲥⲉⲃⲓ ⲧⲉⲛϫⲱ ⲅⲁⲣ ⲙⲙⲟⲥ ϫⲉⲁⲩⲉⲡ ⲫⲛⲁϩϯ ⲛⲁⲃⲣⲁⲁⲙ ⲛⲁϥ ⲉⲩⲙⲉⲑⲙⲏⲓ .
Is this blessing then pronounced on the circumcised, or on the uncircumcised also? For we say that faith was accounted to Abraham for righteousness.
4.10
ⲡⲱⲥ ⲟⲩⲛ ⲁⲩⲟⲡϥ ⲉϥⲭⲏ ϧⲉⲛⲡⲥⲉⲃⲓ ϣⲁⲛ ⲉϥⲭⲏ ϧⲉⲛϯⲙⲉⲧⲁⲧⲥⲉⲃⲓ ⲉϥⲭⲏ ϧⲉⲛⲡⲥⲉⲃⲓ ⲁⲛ ⲁⲗⲗⲁ ϧⲉⲛϯⲙⲉⲧⲁⲧⲥⲉⲃⲓ .
How then was it counted? When he was in circumcision, or in uncircumcision? Not in circumcision, but in uncircumcision.
4.11
ⲟⲩⲟϩ ⲁϥϭⲓ ⲛⲟⲩⲙⲏⲓⲛⲓ ⲛⲧⲉⲡⲥⲉⲃⲓ ⲟⲩⲥⲫⲣⲁⲅⲓⲥ ⲛⲧⲉϯⲙⲉⲑⲙⲏⲓ ⲛⲧⲉⲫⲛⲁϩϯ ⲑⲏ ⲉⲧϧⲉⲛϯⲙⲉⲧⲁⲧⲥⲉⲃⲓ ⲉⲑⲣⲉϥϣⲱⲡⲓ ⲛⲓⲱⲧ ⲛⲟⲩⲟⲛ ⲛⲓⲃⲉⲛ ⲉⲑⲛⲁϩϯ ⲉⲃⲟⲗ ϩⲓⲧⲉⲛϯⲙⲉⲧⲁⲧⲥⲉⲃⲓ ⲉⲡϫⲓⲛⲧⲟⲩⲱⲡ ⲛⲟⲩⲙⲉⲑⲙⲏⲓ ⲛⲱⲟⲩ .
He received the sign of circumcision, a seal of the righteousness of the faith which he had while he was in uncircumcision, that he might be the father of all those who believe, though they be in uncircumcision, that righteousness might also be accounted to them.
4.12
ⲟⲩⲟϩ ⲛⲓⲱⲧ ⲛⲧⲉⲡⲥⲉⲃⲓ ⲛⲛⲓⲉⲃⲟⲗ ϧⲉⲛⲡⲥⲉⲃⲓ ⲙⲙⲁⲩⲁⲧⲟⲩ ⲁⲛ ⲁⲗⲗⲁ ⲛⲉⲙⲛⲏ ⲉⲑⲙⲟϣⲓ ϩⲓⲛⲓϣⲉⲛⲧⲁⲧⲥⲓ ⲛⲧⲉⲫⲛⲁϩϯ ⲉⲧϧⲉⲛϯⲙⲉⲧⲁⲧⲥⲉⲃⲓ ⲛⲧⲉⲡⲉⲛⲉⲓⲱⲧ ⲁⲃⲣⲁⲁⲙ .
The father of circumcision to those who not only are of the circumcision, but who also walk in the steps of that faith of our father Abraham, which he had in uncircumcision.
4.13
ⲟⲩ ⲅⲁⲣ ⲉⲃⲟⲗ ϩⲓⲧⲉⲛⲡⲓⲛⲟⲙⲟⲥ ⲁⲛ ⲁⲩϯ ⲙⲡⲓⲱϣ ⲛⲁⲃⲣⲁⲁⲙ ⲓⲉ ⲡⲉϥϫⲣⲟϫ ⲉⲑⲣⲉϥϣⲱⲡⲓ ⲉϥⲟⲓ ⲛⲕⲗⲏⲣⲟⲛⲟⲙⲟⲥ ⲛⲧⲉⲡⲓⲕⲟⲥⲙⲟⲥ ⲁⲗⲗⲁ ⲉⲃⲟⲗ ϩⲓⲧⲉⲛϯⲙⲉⲑⲙⲏⲓ ⲛⲧⲉⲫⲛⲁϩϯ .
For the promise to Abraham and to his seed that he should be heir of the world wasn't through the law, but through the righteousness of faith.
4.14
ⲓⲥϫⲉ ⲅⲁⲣ ⲉⲃⲟⲗ ϩⲓⲧⲉⲛⲫⲛⲟⲙⲟⲥ ⲛⲉⲛⲓⲕⲗⲏⲣⲟⲛⲟⲙⲟⲥ ϩⲁⲣⲁ ⲁϥϣⲱⲡⲓ ⲉϥϣⲟⲩⲓⲧ ⲛϫⲉⲡⲓⲛⲁϩϯ ⲟⲩⲟϩ ⲁϥⲕⲱⲣϥ ⲛϫⲉⲡⲓⲱϣ .
For if those who are of the law are heirs, faith is made void, and the promise is made of no effect.
4.15
ⲫⲛⲟⲙⲟⲥ ⲅⲁⲣ ⲁϥⲉⲣϩⲱⲃ ⲉⲩϫⲱⲛⲧ ⲫⲙⲁ ⲇⲉ ⲉⲧⲉⲙⲙⲟⲛ ⲛⲟⲙⲟⲥ ⲙⲙⲁⲩ ⲟⲩⲇⲉ ⲙⲙⲟⲛ ⲡⲁⲣⲁⲃⲁⲥⲓⲥ .
For the law works wrath, for where there is no law, neither is there disobedience.
4.16
ⲉⲑⲃⲉⲫⲁⲓ ⲉⲃⲟⲗ ϩⲓⲧⲉⲛⲟⲩⲛⲁϩϯ ϩⲓⲛⲁ ⲕⲁⲧⲁⲟⲩϩⲙⲟⲧ ⲉⲑⲣⲉϥϣⲱⲡⲓ ⲛϫⲉⲡⲓⲱϣ ⲉϥⲧⲁϫⲣⲏⲟⲩⲧ ⲙⲡⲓϫⲣⲟϫ ⲧⲏⲣϥ ⲙⲫⲏ ⲉⲧϣⲟⲡ ⲉⲃⲟⲗ ϧⲉⲛⲡⲓⲛⲟⲙⲟⲥ ⲙⲙⲁⲩⲁⲧϥ ⲁⲛ ⲁⲗⲗⲁ ⲛⲉⲙⲫⲏ ⲉⲧϣⲟⲡ ⲉⲃⲟⲗ ϧⲉⲛⲫⲛⲁϩϯ ⲛⲁⲃⲣⲁⲁⲙ ⲉⲧⲉⲡⲉⲛⲓⲱⲧ ⲧⲏⲣⲉⲛ ⲡⲉ .
For this cause it is of faith, that it may be according to grace, to the end that the promise may be sure to all the seed, not to that only which is of the law, but to that also which is of the faith of Abraham, who is the father of us all.
4.17
ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϫⲉⲁⲓⲭⲁⲕ ⲛⲓⲱⲧ ⲛⲟⲩⲙⲏϣ ⲛⲉⲑⲛⲟⲥ ⲙⲡⲉⲙⲑⲟ ⲙⲫⲛⲟⲩϯ ⲫⲏ ⲉⲧⲁϥⲛⲁϩϯ ⲉⲣⲟϥ ⲫⲏ ⲉⲧⲧⲁⲛϧⲟ ⲛⲛⲓⲣⲉϥⲙⲱⲟⲩⲧ ⲟⲩⲟϩ ⲉⲧⲑⲱϩⲉⲙ ⲛⲛⲏ ⲉⲧⲉⲛⲥⲉϣⲟⲡ ⲁⲛ ⲙⲫⲣⲏϯ ⲛⲉⲉⲩϣⲟⲡ .
As it is written, 'I have made you a father of many nations.' This is in the presence of him whom he believed: God, who gives life to the dead, and calls the things that are not, as though they were.
4.18
ⲫⲏ ⲉⲛⲁϥⲟⲓ ⲛⲁⲧϩⲉⲗⲡⲓⲥ ⲉⲩϩⲱⲃ ⲁϥⲛⲁϩϯ ⲉⲩϩⲉⲗⲡⲓⲥ ⲉⲑⲣⲉϥϣⲱⲡⲓ ⲛⲓⲱⲧ ⲛⲟⲩⲙⲏ ϣⲛⲉⲑⲛⲟⲥ ⲕⲁⲧⲁⲫⲣⲏϯ ⲉⲧⲁⲩϫⲟⲥ ⲛⲁϥ ϫⲉⲉⲣⲉⲡⲉⲕϫⲣⲟϫ ⲉϥⲉϣⲱⲡⲓ ⲙⲡⲁⲓⲣⲏϯ .
Who in hope believed against hope, to the end that he might become a father of many nations, according to that which had been spoken, 'So will your seed be.'
4.19
ⲟⲩⲟϩ ⲉⲧⲉⲙⲡⲉϥϣⲱⲛⲓ ϧⲉⲛⲡⲓⲛⲁϩϯ ⲉⲁϥϯⲛⲓⲁⲧϥ ⲙⲡⲉϥⲥⲱⲙⲁ ⲁϥϫⲉⲙϥ ϩⲏⲇⲏ ⲁϥⲙⲟⲩ ⲁϥⲛϩⲣⲏⲓ ϧⲉⲛⲛⲁⲩ ⲣⲛⲣⲟⲙⲡⲓ ⲛⲉⲙϯⲕⲉⲙⲉⲧⲣⲉϥⲙⲱⲟⲩⲧ ⲛⲧⲉⲧⲙⲉⲧⲣⲁ ⲛⲥⲁⲣⲣⲁ .
Without being weakened in faith, he didn't consider his own body, already having been worn out, (he being about a hundred years old), and the deadness of Sarah's womb.
4.20
ⲟⲩⲟϩ ⲉⲧⲉⲙⲡⲉϥⲉⲣϩⲏⲧ ⲃϧⲉⲛ ⲟⲩⲙⲉⲧⲁⲑⲛⲁϩϯ ⲉⲡⲓⲱϣ ⲛⲧⲉⲫⲛⲟⲩϯ ⲁⲗⲗⲁ ⲁϥϫⲉⲙϫⲟⲙ ϧⲉⲛⲡⲓⲛⲁϩϯ ⲉⲁϥϯⲱⲟⲩ ⲙⲫⲛⲟⲩϯ .
Yet, looking to the promise of God, he didn't waver through unbelief, but grew strong through faith, giving glory to God,
4.21
ⲟⲩⲟϩ ⲁⲡⲉϥϩⲏⲧ ⲑⲏⲧ ϫⲉⲫⲏ ⲉⲧⲁϥⲱϣ ⲙⲙⲟϥ ⲛⲁϥⲟⲩⲟⲛ ϣϫⲟⲙ ⲙⲙⲟϥ ⲉⲁⲓϥ .
and being fully assured that what he had promised, he was able also to perform.
4.22
ⲉⲑⲃⲉⲫⲁⲓ ⲁⲩⲟⲡⲥ ⲛⲁϥ ⲉⲩⲙⲉⲑⲙⲏⲓ .
Therefore it also was 'reckoned to him for righteousness.'
4.23
ⲛⲉⲧⲁⲩⲥϧⲏⲟⲩⲧ ⲇⲉ ⲁⲛ ⲉⲑⲃⲏⲧϥ ⲙⲙⲁⲩⲁⲧϥ ϫⲉⲁⲩⲟⲡⲥ ⲛⲁϥ .
Now it was not written that it was accounted to him for his sake alone,
4.24
ⲁⲗⲗⲁ ⲛⲉⲙⲉⲑⲃⲏⲧⲉⲛ ϩⲱⲛ ϧⲁⲛⲏ ⲉⲧⲁⲩⲟⲡⲥ ⲛⲱⲟⲩ ⲛⲏ ⲉⲑⲛⲁϩϯ ⲉⲫⲏ ⲉⲧⲁϥⲧⲟⲩⲛⲟⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲉⲛϭⲟⲓⲥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ
but for our sake also, to whom it will be accounted, who believe in him who raised Jesus, our Lord, from the dead,
4.25
ⲫⲏ ⲉⲧⲁⲩⲧⲏⲓϥ ⲉⲑⲃⲉⲛⲉⲛⲛⲟⲃⲓ ⲟⲩⲟϩ ⲁϥⲧⲱⲛϥ ⲉⲑⲃⲉⲡⲉⲛⲑⲙⲁⲓⲟ .
who was delivered up for our trespasses, and was raised for our justification.
5.1
ⲉⲧⲁⲩⲑⲙⲁⲓⲟⲛ ⲟⲩⲛ ⲉⲃⲟⲗ ϩⲓⲧⲉⲛⲫⲛⲁϩϯ ⲙⲁⲣⲉⲛⲓⲣⲓ ⲛⲟⲩϩⲓⲣⲏⲛⲏ ϧⲁⲧⲉⲛⲫⲛⲟⲩϯ ⲉⲃⲟⲗ ϩⲓⲧⲉⲛⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
Being therefore justified by faith, we have peace with God through our Lord Jesus Christ;
5.2
ⲫⲏ ⲉⲧⲁ ⲡϫⲓⲛⲓ ⲉϧⲟⲩⲛ ϣⲱⲡⲓ ⲛⲁⲛ ⲉⲃⲟⲗ ϩⲓⲧⲟⲧϥ ϧⲉⲛⲫⲛⲁϩϯ ⲉⲡⲁⲓϩⲙⲟⲧ ⲫⲏ ⲉⲧⲉⲛⲟϩⲓ ⲉⲣⲁⲧⲉⲛ ⲛϧⲏⲧϥ ⲟⲩⲟϩ ⲉⲛϣⲟⲩϣⲟⲩ ⲙⲙⲟⲛ ϧⲉⲛⲟⲩϩⲉⲗⲡⲓⲥ ⲛⲧⲉⲡⲱⲟⲩ ⲛⲧⲉⲫⲛⲟⲩϯ .
through whom we also have our access by faith into this grace in which we stand. We rejoice in hope of the glory of God.
5.3
ⲟⲩ ⲙⲟⲛⲟⲛ ⲇⲉ ⲁⲗⲗⲁ ⲉⲛⲉⲣⲡⲕⲉϣⲟⲩϣⲟⲩ ⲙⲙⲟⲛ ⲛϧⲣⲏⲓ ϧⲉⲛⲛⲓϩⲟϫϩⲉϫ ⲉⲛⲉⲙⲓ ϫⲉⲡⲓϩⲟϫϩⲉϫ ⲁϥⲉⲣϩⲱⲃ ⲉⲩϩⲩⲡⲟⲙⲟⲛⲏ .
Not only this, but we also rejoice in our sufferings, knowing that suffering works perseverance;
5.4
ϯϩⲩⲡⲟⲙⲟⲛⲏ ⲇⲉ ⲉⲩⲇⲟⲕⲓⲙⲏ ϯⲇⲟⲕⲓⲙⲏ ⲇⲉ ⲉⲩϩⲉⲗⲡⲓⲥ .
and perseverance, proven character; and proven character, hope:
5.5
ϯϩⲉⲗⲡⲓⲥ ⲇⲉ ⲙⲡⲁⲥϭⲓϣⲓⲡⲓ ϫⲉϯⲁⲅⲁⲡⲏ ⲛⲧⲉⲫⲛⲟⲩϯ ⲁⲥⲫⲱⲛ ⲉⲃⲟⲗ ⲛϧⲣⲏⲓ ϧⲉⲛⲛⲉⲛϩⲏⲧ ⲉⲃⲟⲗ ϩⲓⲧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲉⲧⲁϥⲧⲏ ⲓϥ ⲛⲁⲛ .
and hope doesn't disappoint us, because God's love has been poured out into our hearts through the Holy Spirit who was given to us.
5.6
ⲓⲥϫⲉ ⲅⲁⲣ ⲉⲧⲓ ⲉⲛⲟⲓ ⲛⲁⲥⲑⲉⲛⲏⲥ ⲛⲟⲩⲥⲏ ⲟⲩ ⲡⲭⲣⲓⲥⲧⲟⲥ ⲁϥⲙⲟⲩ ⲉϩⲣⲏⲓ ⲉϫⲉⲛⲛⲓⲁⲥⲉⲃⲏⲥ .
For while we were yet weak, at the right time Christ died for the ungodly.
5.7
ⲙⲟⲅⲓⲥ ⲅⲁⲣ ϣⲁⲧⲉ ⲟⲩⲁⲓ ⲙⲟⲩ ⲉϫⲉⲛⲟⲩⲑⲙⲏⲓ ⲧⲁⲭⲁ ⲅⲁⲣ ⲛⲧⲉⲟⲩⲁⲓ ⲉⲣⲧⲟⲗⲙⲁⲛ ⲉⲙⲟⲩ ⲉϫⲉⲛⲡⲓⲡⲉⲑⲛⲁⲛⲉϥ .
For one will hardly die for a righteous man. Yet perhaps for a righteous person someone would even dare to die.
5.8
ϥⲧⲁϩⲟ ⲇⲉ ⲛⲧⲉϥⲁⲅⲁⲡⲏ ⲉϧⲟⲩⲛ ⲉⲣⲟⲛ ⲛϫⲉⲫⲛⲟⲩϯ ϫⲉⲉⲧⲓ ⲉⲛⲟⲓ ⲛⲣⲉϥⲉⲣⲛⲟⲃⲓ ⲡⲭⲣⲓⲥⲧⲟⲥ ⲁϥⲙⲟⲩ ⲉϩⲣⲏⲓ ⲉϫⲱⲛ .
But God commends his own love toward us, in that while we were yet sinners, Christ died for us.
5.9
ⲛϩⲟⲩⲟ ⲙⲁⲗⲗⲟⲛ ⲉⲧⲁⲩⲑⲙⲁⲓⲟⲛ ϯⲛⲟⲩ ⲉϩⲣⲏⲓ ⲉϫⲉⲛⲡⲉϥⲥⲛⲟϥ ⲉⲛⲉⲛⲟϩⲉⲙ ⲉⲃⲟⲗ ϩⲓⲧⲟⲧϥ ⲥⲁⲃⲟⲗ ⲙⲡϫⲱⲛⲧ .
Much more then, being now justified by his blood, we will be saved from God's wrath through him.
5.10
ⲓⲥϫⲉ ⲅⲁⲣ ⲉⲛⲟⲓ ⲛϫⲁϫⲓ ⲁⲛϩⲱⲧⲡ ⲉⲫⲛⲟⲩϯ ⲉⲃⲟⲗ ϩⲓⲧⲉⲛⲫⲙⲟⲩ ⲛⲧⲉⲡⲉϥϣⲏⲣⲓ ⲛϩⲟⲩⲟ ⲙⲁⲗⲗⲟⲛ ⲉⲧⲁⲛϩⲱⲧⲏ ⲉⲣⲟϥ ⲉⲛⲉⲛⲟϩⲉⲙ ⲛϩⲣⲏⲓ ϧⲉⲛⲡⲉϥⲱⲛϧ .
For if, while we were enemies, we were reconciled to God through the death of his Son, much more, being reconciled, we will be saved by his life.
5.11
ⲟⲩ ⲙⲟⲛⲟⲛ ⲇⲉ ⲁⲗⲗⲁ ⲁⲛⲉⲣⲡⲕⲉϣⲟⲩϣⲟⲩ ⲙⲙⲟⲛ ϧⲉⲛⲫⲛⲟⲩϯ ⲉⲃⲟⲗ ϩⲓⲧⲉⲛⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲫⲁⲓ ⲉⲧⲁⲛϭⲓ ⲙⲡⲓϩⲱⲧⲡ ⲉⲃⲟⲗ ϩⲓⲧⲟⲧϥ .
Not only so, but we also rejoice in God through our Lord Jesus Christ, through whom we have now received the reconciliation.
5.12
ⲉⲑⲃⲉⲫⲁⲓ ⲕⲁⲧⲁⲫⲣⲏϯ ⲉⲧⲁ ⲫⲛⲟⲃⲓ ⲓⲉϧⲟⲩⲛ ⲉⲡⲓⲕⲟⲥⲙⲟⲥ ⲉⲃⲟⲗ ϩⲓⲧⲉⲛⲟⲩⲣⲱⲙⲓ ⲛⲟⲩⲱⲧ ⲟⲩⲟϩ ⲉⲃⲟⲗ ϩⲓⲧⲉⲛⲫⲛⲟⲃⲓ ⲁⲫⲙⲟⲩ ϣⲱⲡⲓ ⲟⲩⲟϩ ⲡⲁⲓⲣⲏϯ ⲁⲡⲓⲙⲟⲩ ϣⲉ ⲉϧⲟⲩⲛ ⲉⲣⲱⲙⲓ ⲛⲓⲃⲉⲛ ⲫⲏ ⲉⲧⲁⲩⲉⲣⲛⲟⲃⲓ ⲛϧⲏ ⲧϥ .
Therefore, as sin entered into the world through one man, and death through sin; and so death passed to all men, because all sinned.
5.13
ϣⲁⲫⲛⲟⲙⲟⲥ ⲅⲁⲣ ⲛⲁⲣⲉⲫⲛⲟⲃⲓ ϧⲉⲛⲡⲓⲕⲟⲥⲙⲟⲥ ⲫⲛⲟⲃⲓ ⲇⲉ ⲛⲁⲩⲱⲡ ⲙⲙⲟϥ ⲁⲛ ⲉⲙⲙⲟⲛ ⲛⲟⲙⲟⲥ ϣⲟⲡ .
For until the law, sin was in the world; but sin is not charged when there is no law.
5.14
ⲁⲗⲗⲁ ⲫⲙⲟⲩ ⲁϥⲉⲣⲟⲩⲣⲟ ⲓⲥϫⲉⲛ ⲁⲇⲁⲙ ϣⲁⲙⲱⲩⲥⲏⲥ ⲛⲉⲙⲉϩⲣⲏⲓ ⲉϫⲉⲛⲛⲏ ⲉⲧⲉⲙⲡⲟⲩⲉⲣⲛⲟⲃⲓ ϧⲉⲛⲡⲓⲛⲓ ⲛϯⲡⲁⲣⲁⲃⲁⲥⲓⲥ ⲛⲧⲉⲁⲇⲁⲙ ⲉⲧⲉⲡⲧⲩⲡⲟⲥ ⲛⲧⲉⲡⲉⲑⲛⲏⲟⲩ ⲡⲉ .
Nevertheless death reigned from Adam until Moses, even over those whose sins weren't like Adam's disobedience, who is a foreshadowing of him who was to come.
5.15
ⲁⲗⲗⲁ ⲕⲁⲧⲁⲫⲣⲏϯ ⲁⲛ ⲙⲡⲓⲡⲁⲣⲁⲡⲧⲱⲙⲁ ⲫⲁⲓ ⲡⲉ ⲙⲫⲣⲏϯ ⲙⲡⲓϩⲙⲟⲧ ⲓⲥϫⲉ ⲅⲁⲣ ϧⲉⲛⲡⲓⲡⲁⲣⲁⲡⲧⲱⲙⲁ ⲛⲧⲉⲟⲩⲁⲓ ⲁⲟⲩⲙⲏ ϣⲙⲟⲩ ⲛϩⲟⲩⲟ ⲙⲁⲗⲗⲟⲛ ⲡⲓϩⲙⲟⲧ ⲛⲧⲉⲫⲛⲟⲩϯ ⲛⲉⲙϯⲇⲱⲣⲉⲁ ϧⲉⲛⲡⲓϩⲙⲟⲧ ⲛⲧⲉⲡⲓⲣⲱⲙⲓ ⲛⲟⲩⲱⲧ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲁϥⲉⲣϩⲟⲩⲟ ⲉⲟⲩⲙⲏϣ .
But the free gift isn't like the trespass. For if by the trespass of the one the many died, much more did the grace of God, and the gift by the grace of the one man, Jesus Christ, abound to the many.
5.16
ⲟⲩⲟϩ ⲕⲁⲧⲁⲫⲣⲏϯ ⲁⲛ ⲉⲧⲉⲉⲃⲟⲗ ϩⲓⲧⲉⲛⲟⲩⲁⲓ ⲉⲁϥⲉⲣⲛⲟⲃⲓ ⲡⲉ ⲡⲓⲧⲁⲓⲟ ⲡⲓϩⲁⲡ ⲙⲉⲛ ⲅⲁⲣ ⲉⲃⲟⲗ ϩⲓⲧⲉⲛⲟⲩⲁⲓ ⲡⲉ ⲉⲩⲕⲁⲧⲁⲕⲣⲓⲙⲁ ⲡⲓϩⲙⲟⲧ ⲇⲉ ⲉⲃⲟⲗ ϩⲓⲧⲉⲛⲟⲩⲙⲏϣ ⲙⲡⲁⲣⲁⲡⲧⲱⲙⲁ ⲉⲩⲑⲙⲁⲓⲟ .
The gift is not as through one who sinned: for the judgment came by one to condemnation, but the free gift came of many trespasses to justification.
5.17
ⲓⲥϫⲉ ⲅⲁⲣ ⲉⲃⲟⲗ ϩⲓⲧⲉⲛⲫⲛⲟⲃⲓ ⲛⲧⲉⲡⲓⲟⲩⲁⲓ ⲁⲫⲙⲟⲩ ⲁϥⲉⲣⲟⲩⲣⲟ ⲛϩⲟⲩⲟ ⲙⲁⲗⲗⲟⲛ ⲛⲏ ⲉⲑⲛⲁϭⲓ ⲙⲡⲓϩⲟⲩⲟ ⲛⲧⲉⲡⲓϩⲙⲟⲧ ⲛⲉⲙϯⲇⲱⲣⲉⲁ ⲛⲧⲉϯⲙⲉⲑⲙⲏⲓ ⲉⲩⲉⲉⲣⲟⲩⲣⲟ ϧⲉⲛⲟⲩⲱⲛϧ ϣⲁⲉⲛⲉϩ ⲉⲃⲟⲗ ϩⲓⲧⲉⲛⲟⲩⲣⲱⲙⲓ ⲛⲟⲩⲱⲧ ⲓⲏⲥⲟⲩⲥ ⲡⲭⲣⲓⲥⲧⲟⲥ .
For if by the trespass of the one, death reigned through the one; so much more will those who receive the abundance of grace and of the gift of righteousness reign in life through the one, Jesus Christ.
5.18
ϩⲁⲣⲁ ⲟⲩⲛ ⲕⲁⲧⲁⲫⲣⲏϯ ⲉⲧⲁ ⲫⲛⲟⲃⲓ ϣⲱⲡⲓ ⲉⲃⲟⲗ ϩⲓⲧⲉⲛⲡⲓⲟⲩⲁⲓ ⲁϥⲓ ⲉϫⲉⲛⲣⲱⲙⲓ ⲛⲓⲃⲉⲛ ⲉⲩϩⲓⲟⲩⲓ ⲙⲡϩⲁⲡ ⲡⲁⲓⲣⲏϯ ⲟⲛ ⲡⲓⲑⲙⲁⲓⲟ ⲉⲃⲟⲗ ϩⲓⲧⲉⲛⲟⲩⲁⲓ ⲡⲉ ⲉϫⲉⲛⲣⲱⲙⲓ ⲛⲓⲃⲉⲛ ⲉⲩⲑⲙⲁⲓⲟ ⲛⲧⲉⲡⲱⲛϧ .
So then as through one trespass, all men were condemned; even so through one act of righteousness, all men were justified to life.
5.19
ⲙⲫⲣⲏϯ ⲅⲁⲣ ⲉⲧⲉⲉⲃⲟⲗ ϩⲓⲧⲉⲛⲧⲙⲉⲧⲁⲧⲥⲱⲧⲉⲙ ⲛⲧⲉⲡⲓⲣⲱⲙⲓ ⲛⲟⲩⲱⲧ ⲁⲩϣⲱⲡⲓ ⲛⲣⲉϥⲉⲣⲛⲟⲃⲓ ⲛϫⲉⲛⲓⲙⲏϣ ⲡⲁⲓⲣⲏϯ ⲟⲛ ⲉⲃⲟⲗ ϩⲓⲧⲉⲛⲑⲙⲉⲧⲣⲉϥⲥⲱⲧⲉⲙ ⲛⲧⲉⲡⲓⲟⲩⲁⲓ ⲥⲉⲛⲁϣⲱⲡⲓ ⲛⲧⲙⲏⲓ ⲛϫⲉⲛⲓⲙⲏϣ .
For as through the one man's disobedience many were made sinners, even so through the obedience of the one, many will be made righteous.
5.20
ⲫⲛⲟⲙⲟⲥ ⲇⲉ ⲁϥⲓ ⲉϧⲟⲩⲛ ϩⲓⲛⲁ ⲛⲧⲉⲫⲛⲟⲃⲓ ⲁϣⲁⲓ ⲫⲏ ⲇⲉ ⲉⲧⲁ ⲡⲉϥⲛⲟⲃⲓ ⲉⲣϩⲟⲩⲟ ⲁϥⲉⲣϩⲟⲩⲟ ⲁϣⲁⲓ ⲛⲁϥ ⲛϫⲉⲡⲓϩⲙⲟⲧ .
The law came in besides, that the trespass might abound; but where sin abounded, grace abounded more exceedingly;
5.21
ϩⲓⲛⲁ ⲕⲁⲧⲁⲫⲣⲏϯ ⲉⲧⲁ ⲫⲛⲟⲃⲓ ⲉⲣⲟⲩⲣⲟ ϧⲉⲛⲫⲙⲟⲩ ⲡⲁⲓⲣⲏϯ ⲟⲛ ⲡⲓϩⲙⲟⲧ ⲛⲧⲉϥⲉⲣⲟⲩⲣⲟ ⲉⲃⲟⲗ ϩⲓⲧⲉⲛϯⲙⲉⲑⲙⲏⲓ ⲉⲩⲱⲛϧ ϣⲁⲉⲛⲉϩ ⲉⲃⲟⲗ ϩⲓⲧⲉⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲉⲛϭⲟⲓⲥ .
that as sin reigned in death, even so grace might reign through righteousness to eternal life through Jesus Christ our Lord.
6.1
ⲟⲩ ϫⲉⲡⲉⲧⲉⲛⲛⲁϫⲟϥ ⲧⲉⲛⲛⲁϣⲱⲡⲓ ϧⲉⲛⲫⲛⲟⲃⲓ ϩⲓⲛⲁ ⲛⲧⲉⲡⲓϩⲙⲟⲧ ⲉⲣϩⲟⲩⲟ .
What shall we say then? Shall we continue in sin, that grace may abound?
6.2
ⲛⲛⲉⲥϣⲱⲡⲓ ⲛⲏ ⲉⲧⲁⲛⲙⲟⲩ ⲙⲫⲛⲟⲃⲓ ⲡⲱⲥ ⲟⲛ ⲧⲉⲛⲛⲁⲱⲛϧ ⲛϧⲏⲧϥ .
May it never be! We who died to sin, how could we live in it any longer?
6.3
ϣⲁⲛ ⲧⲉⲧⲉⲛⲉⲙⲓ ⲁⲛ ϫⲉⲁⲛⲟⲛ ϧⲁⲛⲏ ⲉⲧⲁⲛϭⲓⲱⲙⲥ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲉⲧⲁⲛϭⲓⲱⲙⲥ ⲉⲡⲉϥⲙⲟⲩ .
Or don't you know that all we who were baptized into Christ Jesus were baptized into his death?
6.4
ⲁⲩⲕⲱⲥⲉⲛ ⲟⲩⲛ ⲛⲉⲙⲁϥ ⲉⲃⲟⲗ ϩⲓⲧⲉⲛⲡⲓⲱⲙⲥ ⲉⲡⲉϥⲙⲟⲩ ϩⲓⲛⲁ ⲙⲫⲣⲏϯ ⲉⲧⲁϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲉⲃⲟⲗ ϩⲓⲧⲉⲛⲡⲱⲟⲩ ⲙⲫⲓⲱⲧ ⲡⲁⲓⲣⲏϯ ⲁⲛⲟⲛ ϩⲱⲛ ⲛⲧⲉⲛⲙⲟϣⲓ ϧⲉⲛⲟⲩⲙⲉⲧⲃⲉⲣⲓ ⲛⲧⲉⲟⲩⲱⲛϧ .
We were buried therefore with him through baptism to death, that just like Christ was raised from the dead through the glory of the Father, so we also might walk in newness of life.
6.5
ⲓⲥϫⲉ ⲅⲁⲣ ⲁⲛⲉⲣϣⲫⲏⲣ ⲛⲧⲱϫⲓ ϧⲉⲛⲡⲥⲙⲟⲧ ⲛⲧⲉⲡⲉϥⲙⲟⲩ ⲁⲗⲗⲁ ⲉⲛⲉϣⲱⲡⲓ ⲟⲛ ⲉⲧⲉϥⲕⲉⲁⲛⲁⲥⲧⲁⲥⲓⲥ .
For if we have become united with him in the likeness of his death, we will also be part of his resurrection;
6.6
ⲉⲛⲉⲙⲓ ⲉⲫⲁⲓ ϫⲉⲡⲉⲛⲣⲱⲙⲓ ⲛⲁⲡⲁⲥ ⲁⲩⲁϣϥ ⲛⲉⲙⲁϥ ϩⲓⲛⲁ ⲛⲧⲉϥⲕⲱⲣϥ ⲛϫⲉⲡⲥⲱⲙⲁ ⲙⲫⲛⲟⲃⲓ ⲉϣⲧⲉⲙⲉⲣⲃⲱⲕ ⲙⲫⲛⲟⲃⲓ ϫⲉ .
knowing this, that our old man was crucified with him, that the body of sin might be done away with, so that we would no longer be in bondage to sin.
6.7
ⲫⲏ ⲅⲁⲣ ⲉⲧⲁϥⲙⲟⲩ ⲁϥⲙⲁⲓ ⲉⲃⲟⲗ ϩⲁⲫⲛⲟⲃⲓ .
For he who has died has been freed from sin.
6.8
ⲓⲥϫⲉ ⲇⲉ ⲁⲛⲙⲟⲩ ⲛⲉⲙⲡⲭⲣⲓⲥⲧⲟⲥ ⲧⲉⲛⲛⲁϩϯ ϫⲉⲧⲉⲛⲛⲁⲱⲛϧ ⲛⲉⲙⲁϥ ⲟⲛ .
But if we died with Christ, we believe that we will also live with him;
6.9
ⲉⲛⲉⲙⲓ ϫⲉⲡⲭⲣⲓⲥⲧⲟⲥ ⲉⲧⲁϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ϥⲛⲁⲙⲟⲩ ⲁⲛ ϫⲉⲫⲙⲟⲩ ϫⲉⲛⲁⲉⲣϭⲟⲓⲥ ⲉⲣⲟϥ ⲁⲛ .
knowing that Christ, being raised from the dead, dies no more. Death no more has dominion over him!
6.10
ⲫⲏ ⲅⲁⲣ ⲉⲧⲁϥⲙⲟⲩ ⲙⲙⲟϥ ⲁϥⲙⲟⲩ ⲉⲫⲛⲟⲃⲓ ⲛⲟⲩⲥⲟⲡ ⲫⲏ ⲇⲉ ⲉⲧⲉϥⲱⲛϧ ⲙⲙⲟϥ ϥⲱⲛϧ ⲙⲫⲛⲟⲩϯ .
For the death that he died, he died to sin one time; but the life that he lives, he lives to God.
6.11
ⲡⲁⲓⲣⲏϯ ϩⲱⲧⲉⲛ ⲙⲉⲩⲓ ⲉⲣⲱⲧⲉⲛ ϫⲉⲧⲉⲧⲉⲛⲙⲱⲟⲩⲧ ⲉⲫⲛⲟⲃⲓ ⲉⲣⲉⲧⲉⲛⲱⲛϧ ⲇⲉ ⲙⲫⲛⲟⲩϯ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲡⲉⲛϭⲟⲓⲥ .
Thus consider yourselves also to be dead to sin, but alive to God in Christ Jesus our Lord.
6.12
ⲙⲡⲉⲛⲑⲣⲉ ⲫⲛⲟⲃⲓ ⲟⲩⲛ ⲉⲣⲟⲩⲣⲟ ϧⲉⲛⲛⲉⲧⲉⲛⲥⲱⲙⲁ ⲉⲑⲛⲁⲙⲟⲩ ⲉⲣⲉⲧⲉⲛⲥⲱⲧⲉⲙ ⲛⲥⲁⲛⲉϥⲉⲡⲓⲑⲩⲙⲓⲁ .
Therefore don't let sin reign in your mortal body, that you should obey it in its lusts.
6.13
ⲟⲩⲇⲉ ⲙⲡⲉⲣⲧⲁϩⲉ ⲛⲉⲧⲉⲛⲙⲉⲗⲟⲥ ⲛϩⲟⲡⲗⲟⲛ ⲛⲧⲉϯⲁⲇⲓⲕⲓⲁ ⲙⲫⲛⲟⲃⲓ ⲁⲗⲗⲁ ⲙⲁⲧⲁϩⲉ ⲑⲏⲛⲟⲩ ⲙⲫⲛⲟⲩϯ ⲙⲫⲣⲏϯ ⲛϩⲁⲛⲟⲩⲟⲛ ⲉⲩⲟⲛϧ ⲉⲃⲟⲗ ϧⲉⲛⲛⲓⲣⲉϥⲙⲱⲟⲩⲧ ⲟⲩⲟϩ ⲛⲉⲧⲉⲛⲙⲉⲗⲟⲥ ⲛϩⲟⲡⲗⲟⲛ ⲛⲧⲉϯⲙⲉⲑⲙⲏⲓ ⲛⲧⲉⲫⲛⲟⲩϯ .
Neither present your members to sin as instruments of unrighteousness, but present yourselves to God, as alive from the dead, and your members as instruments of righteousness to God.
6.14
ⲫⲛⲟⲃⲓ ⲅⲁⲣ ⲛⲁⲉⲣϭⲟⲓⲥ ⲉⲣⲱⲧⲉⲛ ⲁⲛ ⲛⲁⲣⲉⲧⲉⲛⲭⲏ ⲅⲁⲣ ϧⲁⲫⲛⲟⲙⲟⲥ ⲁⲛ ⲁⲗⲗⲁ ϧⲁⲡⲓϩⲙⲟⲧ .
For sin will not have dominion over you. For you are not under law, but under grace.
6.15
ⲟⲩ ϫⲉⲛⲧⲉⲛⲉⲣⲛⲟⲃⲓ ϫⲉⲧⲉⲛⲭⲏ ϧⲁⲫⲛⲟⲙⲟⲥ ⲁⲛ ⲁⲗⲗⲁ ϧⲁⲡⲓϩⲙⲟⲧ ⲛⲛⲉⲥϣⲱⲡⲓ .
What then? Shall we sin, because we are not under law, but under grace? May it never be!
6.16
ϣⲁⲛ ⲧⲉⲧⲉⲛⲉⲙⲓ ⲁⲛ ϫⲉⲫⲏ ⲉⲧⲉⲧⲉⲛⲧⲁϩⲟ ⲙⲙⲱⲧⲉⲛ ⲙⲃⲱⲕ ⲛⲁϥ ⲉⲡⲥⲱⲧⲉⲙ ⲛⲥⲱϥ ⲛⲑⲱⲧⲉⲛ ϩⲁⲛⲃⲱⲕ ⲛⲧⲉⲫⲏ ⲉⲧⲉⲧⲉⲛⲥⲱⲧⲉⲙ ⲛⲥⲱϥ ⲓⲧⲉ ⲫⲛⲟⲃⲓ ⲉⲩⲙⲟⲩ ⲓⲧⲉ ⲡⲥⲱⲧⲉⲙ ⲉϯⲙⲉⲑⲙⲏⲓ .
Don't you know that to whom you present yourselves as servants to obedience, his servants you are whom you obey; whether of sin to death, or of obedience to righteousness?
6.17
ⲡϩⲙⲟⲧ ⲇⲉ ⲙⲫⲛⲟⲩϯ ϣⲏⲡ ϫⲉⲛⲁⲣⲉⲧⲉⲛⲟⲓ ⲙⲃⲱⲕ ⲙⲫⲛⲟⲃⲓ ⲡⲉ ⲁⲣⲉⲧⲉⲛⲥⲱⲧⲉⲙ ⲇⲉ ⲉⲃⲟⲗ ϧⲉⲛⲡⲉⲧⲉⲛϩⲏⲧ ⲉⲡⲓⲧⲩⲡⲟⲥ ⲛⲥⲃⲱ ⲫⲏ ⲉⲧⲁⲩϯ ⲑⲏⲛⲟⲩ ⲉⲣⲟϥ .
But thanks be to God, that, whereas you were bondservants of sin, you became obedient from the heart to that form of teaching whereunto you were delivered.
6.18
ⲁⲣⲉⲧⲉⲛⲉⲣⲣⲉⲙϩⲉ ⲉⲃⲟⲗ ϩⲁⲫⲛⲟⲃⲓ ⲁⲣⲉⲧⲉⲛⲉⲣⲃⲱⲕ ⲇⲉ ⲛϯⲙⲉⲑⲙⲏⲓ .
Being made free from sin, you became bondservants of righteousness.
6.19
ⲟⲩⲙⲉⲧⲣⲱⲙⲓ ⲡⲉϯϫⲱ ⲙⲙⲟϥ ⲉⲑⲃⲉⲡϣⲱⲛⲓ ⲛⲧⲉⲧⲉⲛⲥⲁⲣⲝ ⲙⲫⲣⲏϯ ⲅⲁⲣ ⲉⲧⲁⲣⲉⲧⲉⲛⲧⲁϩⲉ ⲛⲉⲧⲉⲛⲙⲉⲗⲟⲥ ⲙⲃⲱⲕ ⲙⲡϭⲱϧⲉⲙ ⲛⲉⲙϯⲁⲛⲟⲙⲓⲁ ⲉϧⲣⲏⲓ ⲉϯⲁⲛⲟⲙⲓⲁ ⲡⲁⲓⲣⲏϯ ⲟⲛ ϯⲛⲟⲩ ⲙⲁⲧⲁϩⲉ ⲛⲉⲧⲉⲛⲙⲉⲗⲟⲥ ⲙⲃⲱⲕ ⲛϯⲙⲉⲑⲙⲏⲓ ⲉϩⲣⲏⲓ ⲉⲡⲧⲟⲩⲃⲟ .
I speak in human terms because of the weakness of your flesh, for as you presented your members as servants to uncleanness and to wickedness upon wickedness, even so now present your members as servants to righteousness for sanctification.
6.20
ϩⲟⲧⲉ ⲅⲁⲣ ⲉⲣⲉⲧⲉⲛⲟⲓ ⲙⲃⲱⲕ ⲙⲫⲛⲟⲃⲓ ⲛⲁⲣⲉⲧⲉⲛⲟⲓ ⲛⲣⲉⲙϩⲉ ⲡⲉ ⲛϯⲙⲉⲑⲙⲏⲓ .
For when you were servants of sin, you were free in regard to righteousness.
6.21
ⲟⲩ ϫⲉⲛⲟⲩⲧⲁϩ ⲉⲛⲁϥϣⲟⲡ ⲛⲱⲧⲉⲛ ⲙⲡⲓⲥⲏⲟⲩ ϧⲉⲛⲛⲏ ⲉⲧⲉⲧⲉⲛϭⲓϣⲓⲡⲓ ⲉϫⲱⲟⲩ ϯⲛⲟⲩ ⲧϧⲁⲉ ⲅⲁⲣ ⲛⲛⲏ ⲫⲙⲟⲩ ⲡⲉ .
What fruit then did you have at that time in the things of which you are now ashamed? For the end of those things is death.
6.22
ϯⲛⲟⲩ ⲇⲉ ⲁⲣⲉⲧⲉⲛⲉⲣⲣⲉⲙϩⲉ ⲉⲃⲟⲗ ϩⲁⲫⲛⲟⲃⲓ ⲁⲣⲉⲧⲉⲛⲉⲣⲃⲱⲕ ⲙⲫⲛⲟⲩϯ ⲟⲩⲟⲛ ⲛⲧⲱⲧⲉⲛ ⲙⲙⲁⲩ ⲙⲡⲉⲧⲉⲛⲟⲩⲧⲁϩⲉ ⲉⲡⲧⲟⲩⲃⲟ ⲡϫⲱⲕ ⲇⲉ ⲟⲩⲱⲛϧ ϣⲁⲉⲛⲉϩ ⲡⲉ .
But now, being made free from sin, and having become servants of God, you have your fruit of sanctification, and the result of eternal life.
6.23
ⲛⲓⲟⲯⲱⲛⲓⲟⲛ ⲅⲁⲣ ⲛⲧⲉⲫⲛⲟⲃⲓ ⲫⲙⲟⲩ ⲡⲉ ⲡⲓϩⲙⲟⲧ ⲇⲉ ⲛⲧⲉⲫⲛⲟⲩϯ ⲟⲩⲱⲛϧ ϣⲁⲉⲛⲉϩ ⲡⲉ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲡⲉⲛϭⲟⲓⲥ .
For the wages of sin is death, but the free gift of God is eternal life in Christ Jesus our Lord.
7.1
ϣⲁⲛⲧⲉⲧⲉⲛⲉⲙⲓ ⲁⲛ ⲛⲁⲥⲛⲏⲟⲩ ⲁⲓⲥⲁϫⲓ ⲅⲁⲣ ⲛⲉⲙⲛⲏ ⲉⲧⲥⲱⲟⲩⲛ ⲙⲡⲓⲛⲟⲙⲟⲥ ϫⲉⲡⲓⲛⲟⲙⲟⲥ ϥⲟⲓ ⲛϭⲟⲓⲥ ⲉⲡⲓⲣⲱⲙⲓ ⲛⲥⲏⲟⲩ ⲛⲓⲃⲉⲛ ⲉϥⲟⲛϧ .
Or don't you know, brothers (for I speak to men who know the law), that the law has dominion over a man for as long as he lives?
7.2
ϯⲥϩⲓⲙⲓ ϧⲁϩⲁⲓ ⲅⲁⲣ ⲥⲥⲟⲛϩ ⲉⲡⲉⲥϩⲁⲓ ⲉⲧⲟⲛϧ ϧⲉⲛⲡⲓⲛⲟⲙⲟⲥ ⲉϣⲱⲡ ⲇⲉ ⲁϥⲙⲁⲛⲙⲟⲩ ⲛϫⲉⲡⲓϩⲁⲓ ⲁⲥⲕⲱⲣϥ ⲉⲃⲟⲗ ϩⲁⲫⲛⲟⲙⲟⲥ ⲛⲧⲉⲡⲓϩⲁⲓ .
For the woman that has a husband is bound by law to the husband while he lives, but if the husband dies, she is discharged from the law of the husband.
7.3
ϩⲁⲣⲁ ⲟⲩⲛ ⲉϥⲟⲛϧ ⲛϫⲉⲡⲓϩⲁⲓ ϣⲁⲩⲙⲟⲩϯ ⲉⲣⲟⲥ ϫⲉⲥϩⲓⲙⲓ ⲛⲛⲱⲓⲕ ⲁⲥϣⲁⲛϣⲱⲡⲓ ⲛⲉⲙⲕⲉϩⲁⲓ ⲉϣⲱⲡ ⲇⲉ ⲁϥϣⲁⲛⲙⲟⲩ ⲛϫⲉⲡⲓϩⲁⲓ ⲟⲩⲣⲉⲙϩⲏ ⲧⲉ ⲉⲃⲟⲗ ϩⲁⲫⲛⲟⲙⲟⲥ ⲉϣⲧⲉⲙⲙⲟⲩϯ ⲉⲣⲟⲥ ϫⲉⲥϩⲓⲙⲓ ⲛⲛⲱⲓⲕ ⲁⲥϣⲁⲛϣⲱⲡⲓ ⲛⲉⲙⲕⲉϩⲁⲓ .
So then if, while the husband lives, she is joined to another man, she would be called an adulteress. But if the husband dies, she is free from the law, so that she is no adulteress, though she is joined to another man.
7.4
ϩⲱⲥⲧⲉ ⲟⲩⲛ ⲛⲁⲥⲛⲏⲟⲩ ⲁⲧⲉⲧⲉⲛⲙⲟⲩ ϩⲱⲧⲉⲛ ⲙⲫⲛⲟⲙⲟⲥ ⲉⲃⲟⲗ ϩⲓⲧⲉⲛⲡⲥⲱⲙⲁ ⲙⲡⲭⲣⲓⲥⲧⲟⲥ ⲉⲑⲣⲉⲧⲉⲛϣⲱⲡⲓ ⲛⲕⲉⲟⲩⲁⲓ ⲉⲧⲉⲫⲏ ⲡⲉ ⲉⲧⲁϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ϩⲓⲛⲁ ⲛⲧⲉⲧⲉⲛϯⲟⲩⲧⲁϩ ⲙⲫⲛⲟⲩϯ .
Therefore, my brothers, you also were made dead to the law through the body of Christ, that you would be joined to another, to him who was raised from the dead, that we might bring forth fruit to God.
7.5
ⲉⲛϣⲟⲡ ⲅⲁⲣ ϧⲉⲛϯⲥⲁⲣⲝ ⲛⲁⲣⲉⲛⲓⲡⲁⲑⲟⲥ ⲛⲧⲉⲛⲓⲛⲟⲃⲓ ⲛⲓⲉⲃⲟⲗ ϩⲓⲧⲉⲛⲡⲓⲛⲟⲙⲟⲥ ⲛⲁⲩⲉⲣϩⲱⲃ ϧⲉⲛⲛⲉⲛⲙⲉⲗⲟⲥ ⲉⲡϯⲟⲩⲧⲁϩ ⲙⲫⲙⲟⲩ .
For when we were in the flesh, the sinful passions which were through the law, worked in our members to bring forth fruit to death.
7.6
ϯⲛⲟⲩ ⲇⲉ ⲁⲛⲕⲱⲣϥ ⲉⲃⲟⲗ ϩⲁⲫⲛⲟⲙⲟⲥ ⲉⲁⲛⲙⲟⲩ ϧⲉⲛⲫⲏ ⲉⲛⲁⲩⲁⲙⲟⲛⲓ ⲙⲙⲟⲛ ⲛϧⲏⲧϥ ϩⲱⲥⲧⲉ ⲛⲧⲉⲛⲉⲣⲃⲱⲕ ϧⲉⲛⲟⲩⲙⲉⲧⲃⲉⲣⲓ ⲛⲧⲉⲡⲓⲡⲛⲉⲩⲙⲁⲟⲩⲟϩ ϧⲉⲛⲟⲩⲙⲉⲧⲁⲡⲁⲥ ⲁⲛ ⲛⲧⲉⲟⲩⲥϧⲁⲓ .
But now we have been discharged from the law, having died to that in which we were held; so that we serve in newness of the spirit, and not in oldness of the letter.
7.7
ⲟⲩ ϫⲉⲡⲉⲧⲉⲛⲛⲁϫⲟϥ ⲫⲛⲟⲙⲟⲥ ⲫⲛⲟⲃⲓ ⲡⲉ ⲛⲛⲉⲥϣⲱⲡⲓ ⲁⲗⲗⲁ ⲫⲛⲟⲃⲓ ⲛⲉⲙⲡⲓⲥⲟⲩⲱⲛϥ ⲡⲉ ⲉⲃⲏⲗ ϫⲉⲁⲓⲥⲟⲩⲱⲛϥ ⲉⲃⲟⲗ ϩⲓⲧⲉⲛⲡⲓⲛⲟⲙⲟⲥ ϯⲉⲡⲓⲑⲩⲙⲓⲁ ⲅⲁⲣ ⲛⲁⲓⲥⲱⲟⲩⲛ ⲙⲙⲟⲥ ⲁⲛ ⲡⲉ ⲉⲃⲏⲗ ϫⲉⲁⲫⲛⲟⲙⲟⲥ ϫⲟⲥ ⲛⲛⲉⲕⲉⲣⲉⲡⲓⲑⲩⲙⲓⲛ .
What shall we say then? Is the law sin? May it never be! However, I wouldn't have known sin, except through the law. For I wouldn't have known coveting, unless the law had said, 'You shall not covet.'
7.8
ⲫⲛⲟⲃⲓ ⲇⲉ ⲉⲧⲁϥϭⲓ ⲛⲟⲩⲗⲱⲓϫⲓ ⲉⲃⲟⲗ ϩⲓⲧⲉⲛϯⲉⲛⲧⲟⲗⲏ ⲁϥⲉⲣϩⲱⲃ ⲉⲡⲓⲑⲩⲙⲓⲁ ⲛⲓⲃⲉⲛ ⲛϧⲣⲏⲓ ⲛϧⲏⲧ ⲁⲧϭⲛⲉⲫⲛⲟⲙⲟⲥ ⲅⲁⲣ ⲫⲛⲟⲃⲓ ⲛⲁϥⲙⲱⲟⲩⲧ ⲡⲉ .
But sin, finding occasion through the commandment, produced in me all kinds of coveting. For apart from the law, sin is dead.
7.9
ⲁⲛⲟⲕ ⲇⲉ ⲛⲁⲓⲱⲛϧ ⲛⲟⲩⲥⲏⲟⲩ ⲁⲧϭⲛⲉⲡⲓⲛⲟⲙⲟⲥ ⲉⲧⲁⲥⲓ ⲇⲉ ⲉⲃⲟⲗ ⲛϫⲉϯⲉⲛⲧⲟⲗⲏ ⲁ ⲫⲛⲟⲃⲓ ⲱⲛϧ .
I was alive apart from the law once, but when the commandment came, sin revived, and I died.
7.10
ⲁⲛⲟⲕ ⲇⲉ ⲁⲓⲙⲟⲩ ⲟⲩⲟϩ ⲁⲩϫⲉⲙ ϯⲉⲛⲧⲟⲗⲏ ⲉⲧϭⲓ ⲛⲏⲓ ⲉⲡⲱⲛϧ ⲑⲁⲓ ⲁⲥϣⲱⲡⲓ ⲛⲏⲓ ⲉⲩⲙⲟⲩ .
The commandment, which was for life, this I found to be for death;
7.11
ⲫⲛⲟⲃⲓ ⲅⲁⲣ ⲁϥϭⲓ ⲛⲟⲩⲗⲱⲓϫⲓ ⲉⲃⲟⲗ ϩⲓⲧⲉⲛϯⲉⲛⲧⲟⲗⲏ ⲁϥⲉⲣϩⲁⲗ ⲙⲙⲟⲓ ⲟⲩⲟϩ ⲁϥϧⲟⲑⲃⲉⲧ ⲉⲃⲟⲗ ϩⲓⲧⲟⲧⲥ .
for sin, finding occasion through the commandment, deceived me, and through it killed me.
7.12
ϩⲱⲥⲧⲉ ⲫⲛⲟⲙⲟⲥ ⲙⲉⲛ ϥⲟⲩⲁⲃ ⲟⲩⲟϩ ϯⲉⲛⲧⲟⲗⲏ ⲥⲟⲩⲁⲃ ⲟⲩⲟϩ ⲟⲩⲑⲙⲏⲓ ⲧⲉ ⲟⲩⲟϩ ⲛⲁⲛⲉⲥ
Therefore the law indeed is holy, and the commandment holy, and righteous, and good.
7.13
ⲡⲓⲡⲉⲑⲛⲁⲛⲉϥ ⲟⲩⲛ ⲁϥϣⲱⲡⲓ ⲛⲏⲓ ⲉⲩⲙⲟⲩ ⲛⲛⲉⲥϣⲱⲡⲓ ⲁⲗⲗⲁ ⲫⲛⲟⲃⲓ ⲡⲉ ϩⲓⲛⲁ ⲉⲃⲟⲗ ϩⲓⲧⲟⲧϥ ⲙⲡⲓⲡⲉⲑⲛⲁⲛⲉϥ ⲛⲧⲉϥⲟⲩⲱⲛϩ ⲉⲃⲟⲗ ⲛϫⲉⲫⲛⲟⲃⲓ ⲉϥⲉⲣϩⲱⲃ ⲛⲏⲓ ⲉⲩⲙⲟⲩ ϩⲓⲛⲁ ⲛⲧⲉⲫⲛⲟⲃⲓ ϣⲱⲡⲓ ⲉϥⲟⲓ ⲛⲣⲉϥⲉⲣⲛⲟⲃⲓ ⲛϩⲟⲩⲟ ⲉⲃⲟⲗ ϩⲓⲧⲉⲛϯⲉⲛⲧⲟⲗⲏ .
Did then that which is good become death to me? May it never be! But sin, that it might be shown to be sin, by working death to me through that which is good; that through the commandment sin might become exceeding sinful.
7.14
ⲧⲉⲛⲥⲱⲟⲩⲛ ⲙⲉⲛ ⲅⲁⲣ ϫⲉⲡⲓⲛⲟⲙⲟⲥ ⲟⲩⲡⲛⲉⲩⲙⲁⲧⲓⲕⲟⲥ ⲡⲉ ⲁⲛⲟⲕ ⲇⲉ ⲁⲛⲟⲕ ⲟⲩⲥⲁⲣⲕⲓⲕⲟⲥ ⲉⲁⲩⲧⲏⲓⲧ ⲉⲃⲟⲗ ϧⲁⲫⲛⲟⲃⲓ .
For we know that the law is spiritual, but I am fleshly, sold under sin.
7.15
ⲫⲏ ⲅⲁⲣ ⲉϯⲉⲣϩⲱⲃ ⲉⲣⲟϥ ⲛϯⲥⲱⲟⲩⲛ ⲙⲙⲟϥ ⲁⲛ ⲙⲫⲏ ⲅⲁⲣ ⲁⲛ ⲉϯⲟⲩⲁϣϥ ⲫⲁⲓ ⲡⲉϯⲣⲁ ⲙⲙⲟϥ ⲁⲗⲗⲁ ⲫⲏ ⲉϯⲙⲟⲥϯ ⲙⲙⲟϥ ⲡⲉϯⲣⲁ ⲙⲙⲟϥ .
For I don't know what I am doing. For I don't practice what I desire to do; but what I hate, that I do.
7.16
ⲓⲥϫⲉ ⲫⲏ ⲉⲧⲉⲛϯⲟⲩⲁϣϥ ⲁⲛ ⲫⲁⲓ ⲡⲉϯⲣⲁ ⲙⲙⲟϥ ϯϫⲱ ⲙⲙⲟⲥ ⲛⲉⲙⲡⲓⲛⲟⲙⲟⲥ ϫⲉⲛⲁⲛⲉϥ .
But if what I don't desire, that I do, I consent to the law that it is good.
7.17
ϯⲛⲟⲩ ⲇⲉ ⲁⲛⲟⲕ ⲁⲛ ⲉⲧⲉⲣϩⲱⲃ ⲉⲣⲟϥ ⲁⲗⲗⲁ ⲫⲛⲟⲃⲓ ⲡⲉ ⲉⲧϣⲟⲡ ⲛϧⲏⲧ .
So now it is no more I that do it, but sin which dwells in me.
7.18
ϯⲥⲱⲟⲩⲛ ⲅⲁⲣ ϫⲉϥϣⲟⲡ ⲛϧⲏⲧ ⲁⲛ ⲉⲧⲉⲫⲁⲓ ⲡⲉ ϧⲉⲛⲧⲁⲥⲁⲣⲝ ⲛϫⲉⲡⲓⲡⲉⲑⲛⲁⲛⲉϥ ⲡⲓⲟⲩⲱϣ ⲅⲁⲣ ϥⲭⲏ ⲛⲁϩⲣⲁⲓ ⲉⲉⲣϩⲱⲃ ⲇⲉ ⲉⲡⲓⲡⲉⲑⲛⲁⲛⲉϥ ⲙⲙⲟⲛ ⲙⲙⲟⲛ .
For I know that in me, that is, in my flesh, dwells no good thing. For desire is present with me, but I don't find it doing that which is good.
7.19
ⲡⲉϯⲟⲩⲁϣϥ ⲅⲁⲣ ⲙⲡⲉⲑⲛⲁⲛⲉϥ ⲫⲁⲓ ⲡⲉϯⲣⲁ ⲙⲙⲟϥ ⲁⲗⲗⲁ ⲡⲉⲧⲉⲛϯⲟⲩⲁϣϥ ⲁⲛ ⲙⲡⲉⲧϩⲱⲟⲩ ⲛⲑⲟϥ ⲡⲉϯⲣⲁ ⲙⲙⲟϥ .
For the good which I desire, I don't do; but the evil which I don't desire, that I practice.
7.20
ⲓⲥϫⲉ ⲇⲉ ⲡⲉⲧⲉ ⲛϯⲟⲩⲁϣϥ ⲁⲛ ⲁⲛⲟⲕ ⲫⲁⲓ ϯⲣⲁ ⲙⲙⲟϥ ⲓⲉ ⲁⲛⲟⲕ ⲁⲛ ϫⲉⲉⲧⲉⲣϩⲱⲃ ⲉⲣⲟϥ ⲁⲗⲗⲁ ⲫⲛⲟⲃⲓ ⲡⲉ ⲉⲧϣⲟⲡ ⲛϧⲏⲧ .
But if what I don't desire, that I do, it is no more I that do it, but sin which dwells in me.
7.21
ϯϫⲓⲙⲓ ϩⲁⲣⲁ ⲙⲡⲓⲛⲟⲙⲟⲥ ⲫⲏ ⲉⲑⲟⲩⲱϣ ⲉⲓⲣⲓ ⲙⲡⲓⲡⲉⲑⲛⲁⲛⲉϥ ⲛⲉⲙⲏⲓ ϫⲉⲡⲓⲡⲉⲧϩⲱⲟⲩ ϥⲭⲏ ⲛⲁϩⲣⲁⲓ .
I find then the law, that, to me, while I desire to do good, evil is present.
7.22
ϯϯⲙⲁϯ ⲅⲁⲣ ⲛⲉⲙⲡⲓⲛⲟⲙⲟⲥ ⲛⲧⲉⲫⲛⲟⲩϯ ⲕⲁⲧⲁⲡⲓⲣⲱⲙⲓ ⲉⲧⲥⲁϧⲟⲩⲛ .
For I delight in God's law after the inward man,
7.23
ϯⲛⲁⲩ ⲇⲉ ⲉⲕⲉⲛⲟⲙⲟⲥ ϧⲉⲛⲛⲁⲙⲉⲗⲟⲥ ⲉϥϧⲏⲕ ⲟⲩⲃⲉ ⲫⲛⲟⲙⲟⲥ ⲛⲧⲉⲡⲁϩⲏⲧ ⲉϥⲉⲣⲉⲭ ⲙⲁⲗⲱⲧⲉⲩⲓⲛ ⲙⲙⲟⲓ ϧⲉⲛⲫⲛⲟⲙⲟⲥ ⲛⲧⲉⲫⲛⲟⲃⲓ ⲫⲏ ⲉⲧϣⲟⲡ ϧⲉⲛⲛⲁⲙⲉⲗⲟⲥ .
but I see a different law in my members, warring against the law of my mind, and bringing me into captivity under the law of sin which is in my members.
7.24
ⲡⲧⲁⲗⲉⲡⲱⲣⲟⲥ ⲁⲛⲟⲕ ⲫⲣⲱⲙⲓ ⲛⲓⲙ ⲉⲑⲛⲁϣⲛⲁϩⲙⲉⲧ ⲉⲃⲟⲗ ϩⲁⲡⲥⲱⲙⲁ ⲛⲧⲉⲡⲁⲓⲙⲟⲩ ⲫⲁⲓ .
What a wretched man I am! Who will deliver me out of the body of this death?
7.25
ⲡϩⲙⲟⲧ ⲇⲉ ⲙⲫⲛⲟⲩϯ ϣⲏⲡ ⲉⲃⲟⲗ ϩⲓⲧⲉⲛⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ϩⲁⲣⲁ ⲟⲩⲛ ⲁⲛⲟⲕ ϧⲉⲛⲡⲁϩⲏ ⲧⲙⲉⲛ ϯⲟⲓ ⲙⲃⲱⲕ ⲙⲡⲓⲛⲟⲙⲟⲥ ⲛⲧⲉⲫⲛⲟⲩϯ ϧⲉⲛⲧⲁⲥⲁⲣⲝ ⲇⲉ ϯⲟⲓ ⲙⲃⲱⲕ ⲙⲡⲓⲛⲟⲙⲟⲥ ⲛⲧⲉⲫⲛⲟⲃⲓ .
I thank God through Jesus Christ, our Lord! So then with the mind, I myself serve God's law, but with the flesh, the sin's law.
8.1
ϩⲁⲣⲁ ⲟⲩⲛ ϯⲛⲟⲩ ⲙⲙⲟⲛ ϩⲗⲓ ⲛϩⲁⲡ ϭⲓ ⲉⲛⲏ ⲉⲧϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
There is therefore now no condemnation to those who are in Christ Jesus, who don't walk according to the flesh, but according to the Spirit.
8.2
ⲡⲓⲛⲟⲙⲟⲥ ⲅⲁⲣ ⲛⲧⲉⲡⲓⲡⲛⲉⲩⲙⲁⲛⲧⲉⲡⲱⲛϧ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲁϥⲁⲓⲧⲉⲛ ⲛⲣⲉⲙϩⲉ ⲉⲃⲟⲗ ϩⲁⲡⲓⲛⲟⲙⲟⲥ ⲛⲧⲉⲫⲛⲟⲃⲓ ⲛⲉⲙⲫⲙⲟⲩ .
For the law of the Spirit of life in Christ Jesus made me free from the law of sin and of death.
8.3
ϯⲙⲉⲧⲁⲧϫⲟⲙ ⲅⲁⲣ ⲛⲧⲉⲡⲓⲛⲟⲙⲟⲥ ⲑⲏ ⲉⲛⲁϥϣⲱⲛⲓ ⲛϧⲏⲧⲥ ⲉⲃⲟⲗ ϩⲓⲧⲉⲛϯⲥⲁⲣⲝ ⲁ ⲫⲛⲟⲩϯ ⲧⲁⲟⲩⲟ ⲙⲡⲉϥϣⲏⲣⲓ ϧⲉⲛⲟⲩⲓⲛⲓ ⲛⲥⲁⲣⲝ ⲛⲧⲉⲫⲛⲟⲃⲓ ⲟⲩⲟϩ ⲉⲑⲃⲉⲫⲛⲟⲃⲓ ⲁϥϩⲓ ⲫⲛⲟⲃⲓ ⲉⲡϩⲁⲡ ϧⲉⲛⲧⲥⲁⲣⲝ .
For what the law couldn't do, in that it was weak through the flesh, God did, sending his own Son in the likeness of sinful flesh and for sin, he condemned sin in the flesh;
8.4
ϩⲓⲛⲁ ⲛⲧⲉⲡⲓⲑⲙⲁⲓⲟ ⲛⲧⲉⲡⲓⲛⲟⲙⲟⲥ ϫⲱⲕ ⲉⲃⲟⲗ ⲛϧⲣⲏⲓ ⲛϧⲏⲧⲉⲛ ϧⲁⲛⲏ ⲉⲧⲉⲛⲥⲉⲙⲟϣⲓ ⲁⲛ ⲕⲁⲧⲁⲥⲁⲣⲝ ⲁⲗⲗⲁ ⲕⲁⲧⲁⲡⲛⲉⲩⲙⲁ .
that the ordinance of the law might be fulfilled in us, who walk not after the flesh, but after the Spirit.
8.5
ⲛⲏ ⲉⲧϣⲟⲡ ⲅⲁⲣ ⲕⲁⲧⲁⲥⲁⲣⲝ ⲛⲁⲧⲥⲁⲣⲝ ⲡⲉⲧⲟⲩⲙⲉⲩⲓ ⲉⲣⲱⲟⲩ ⲛⲉⲧⲙⲟϣⲓ ⲇⲉ ⲕⲁⲧⲁⲡⲛⲉⲩⲙⲁⲛⲁ ⲡⲓⲡⲛⲉⲩⲙⲁⲡⲉⲧⲟⲩⲙⲉⲩⲓ ⲉⲣⲱⲟⲩ .
For those who live according to the flesh set their minds on the things of the flesh, but those who live according to the Spirit, the things of the Spirit.
8.6
ⲫⲙⲉⲩⲓ ⲅⲁⲣ ⲛⲧⲉϯⲥⲁⲣⲝ ⲫⲙⲟⲩ ⲡⲉ ⲫⲙⲉⲩⲓ ⲇⲉ ⲛⲧⲉⲡⲓⲡⲛⲉⲩⲙⲁⲡⲱⲛϧ ⲡⲉ ⲛⲉⲙϯϩⲓⲣⲏⲛⲏ .
For the mind of the flesh is death, but the mind of the Spirit is life and peace;
8.7
ϫⲉⲫⲙⲉⲩⲓ ⲛⲧⲉϯⲥⲁⲣⲝ ⲟⲩⲙⲉⲧϫⲁϫⲓ ⲡⲉ ⲉⲫⲛⲟⲩϯ ⲙⲡⲁϥϭⲛⲉ ϫⲱϥ ⲅⲁⲣ ⲙⲡⲓⲛⲟⲙⲟⲥ ⲛⲧⲉⲫⲛⲟⲩϯ ⲟⲩⲇⲉ ⲙⲙⲟⲛ ϣϫⲟⲙ ⲙⲙⲟϥ .
because the mind of the flesh is hostile towards God; for it is not subject to God's law, neither indeed can it be.
8.8
ⲛⲏ ⲇⲉ ⲉⲧϧⲉⲛⲧⲥⲁⲣⲝ ⲙⲙⲟⲛ ϣϫⲟⲙ ⲙⲙⲱⲟⲩ ⲉⲣⲁⲛⲁϥ ⲙⲫⲛⲟⲩϯ .
Those who are in the flesh can't please God.
8.9
ⲛⲑⲱⲧⲉⲛ ⲇⲉ ⲛⲁⲣⲉⲧⲉⲛⲭⲏ ϧⲉⲛⲧⲥⲁⲣⲝ ⲁⲛ ⲁⲗⲗⲁ ϧⲉⲛⲡⲓⲡⲛⲉⲩⲙⲁⲓⲥϫⲉ ⲟⲩⲟⲛ ⲟⲩⲡⲛⲉⲩⲙⲁⲛⲧⲉⲫⲛⲟⲩϯ ϣⲟⲡ ϧⲉⲛⲑⲏⲛⲟⲩ ⲫⲏ ⲇⲉ ⲉⲧⲉⲡⲓⲡⲛⲉⲩⲙⲁⲛⲧⲉⲡⲭⲣⲓⲥⲧⲟⲥ ϣⲟⲡ ⲛϧⲏⲧϥ ⲁⲛ ⲫⲁⲓ ⲉⲧⲉⲙⲙⲁⲩ ⲫⲱϥ ⲁⲛ ⲡⲉ .
But you are not in the flesh but in the Spirit, if it is so that the Spirit of God dwells in you. But if any man doesn't have the Spirit of Christ, he is not his.
8.10
ⲓⲥϫⲉ ⲇⲉ ⲡⲭⲣⲓⲥⲧⲟⲥ ϧⲉⲛⲑⲏⲛⲟⲩ ⲡⲓⲥⲱⲙⲁ ⲙⲉⲛ ϥⲙⲱⲟⲩⲧ ⲉⲑⲃⲉⲫⲛⲟⲃⲓ ⲡⲓⲡⲛⲉⲩⲙⲁⲇⲉ ⲟⲩⲱⲛϧ ⲡⲉ ⲉⲑⲃⲉϯⲙⲉⲑⲙⲏⲓ .
If Christ is in you, the body is dead because of sin, but the spirit is alive because of righteousness.
8.11
ⲓⲥϫⲉ ⲇⲉ ⲡⲓⲡⲛⲉⲩⲙⲁⲛⲧⲉⲫⲏ ⲉⲧⲁϥⲧⲟⲩⲛⲟⲥ ⲓⲏⲥⲟⲩⲥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ϥϣⲟⲡ ϧⲉⲛⲑⲏⲛⲟⲩ ⲓⲉ ⲫⲏ ⲉⲧⲁϥⲧⲟⲩⲛⲟⲥ ⲡⲭⲣⲓⲥⲧⲟⲥ ⲓⲏⲥⲟⲩⲥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲉϥⲉⲧⲁⲛϧⲉ ⲛⲉⲧⲉⲛⲕⲉⲥⲱⲙⲁ ⲉⲧⲉϣⲁⲩⲙⲟⲩ ⲉⲃⲟⲗ ϩⲓⲧⲉⲛⲡⲉϥⲡⲛⲉⲩⲙⲁⲉⲧϣⲟⲡ ϧⲉⲛⲑⲏⲛⲟⲩ .
But if the Spirit of him who raised up Jesus from the dead dwells in you, he who raised up Christ Jesus from the dead will also give life to your mortal bodies through his Spirit who dwells in you.
8.12
ϩⲁⲣⲁ ⲟⲩⲛ ⲛⲁⲥⲛⲏⲟⲩ ⲟⲩⲟⲛ ⲉⲣⲟⲛ ϧⲉⲛⲥⲁⲣⲝ ⲁⲛ ⲉⲑⲣⲉⲛⲱⲛϧ ⲕⲁⲧⲁⲥⲁⲣⲝ .
So then, brothers, we are debtors, not to the flesh, to live after the flesh.
8.13
ⲓⲥϫⲉ ⲅⲁⲣ ⲉⲣⲉⲧⲉⲛⲟⲛϧ ⲕⲁⲧⲁⲥⲁⲣⲝ ⲧⲉⲧⲉⲛⲛⲁⲙⲟⲩ ⲓⲥϫⲉ ⲇⲉ ϧⲉⲛⲡⲓⲡⲛⲉⲩⲙⲁⲛⲓϩⲃⲏ ⲟⲩⲓ ⲛⲧⲉⲡⲓⲥⲱⲙⲁ ⲧⲉⲧⲉⲛϧⲱⲧⲉⲃ ⲙⲙⲱⲟⲩ ⲧⲉⲧⲉⲛⲛⲁⲱⲛϧ .
For if you live after the flesh, you must die; but if by the Spirit you put to death the deeds of the body, you will live.
8.14
ⲛⲏ ⲅⲁⲣ ⲉⲑⲙⲟϣⲓ ϧⲉⲛⲡⲓⲡⲛⲉⲩⲙⲁⲛⲧⲉⲫⲛⲟⲩϯ ⲛⲁⲓ ⲛⲉⲛⲓϣⲏⲣⲓ ⲛⲧⲉⲫⲛⲟⲩϯ .
For as many as are led by the Spirit of God, these are children of God.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.