Philippians (Bohairic Coptic)

Coptic New Testament (Bohairic) · 104 sections

1.1
ⲡⲁⲩⲗⲟⲥ ⲛⲉⲙⲧⲓⲙⲟⲑⲉⲟⲥ ⲛⲓⲉⲃⲓⲁⲓⲕ ⲛⲧⲉⲡⲭⲣⲓⲥⲧⲟⲥ ⲓⲏⲥⲟⲩⲥ ⲛⲛⲓϩⲁⲅⲓⲟⲥ ⲛⲏ ⲉⲧϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲛⲏ ⲉⲧϣⲟⲡ ϧⲉⲛⲫⲓⲗⲓⲡⲡⲟⲓⲥ ⲛⲉⲙⲛⲓⲉⲡⲓⲥⲕⲟⲡⲟⲥ ⲛⲉⲙⲛⲓⲇⲓⲁⲕⲱⲛ .
Paul and Timothy, servants of Jesus Christ; To all the saints in Christ Jesus who are at Philippi, with the overseers:
1.2
ⲡϩⲙⲟⲧ ⲛⲱⲧⲉⲛ ⲛⲉⲙⲧϩⲓⲣⲏⲛⲏ ⲉⲃⲟⲗ ϩⲓⲧⲉⲛⲫⲛⲟⲩϯ ⲡⲉⲛⲓⲱⲧ ⲛⲉⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
Grace to you, and peace from God, our Father, and the Lord Jesus Christ.
1.3
ϯϣⲉⲡϩⲙⲟⲧ ⲛⲧⲉⲛⲡⲁⲛⲟⲩϯ ⲉϩⲣⲏⲓ ⲉϫⲉⲛⲡⲉⲧⲉⲛⲙⲉⲩⲓ ⲧⲏⲣϥ .
I thank my God whenever I remember you,
1.4
ⲉϯⲣⲁ ⲙⲙⲟϥ ⲛⲥⲏⲟⲩ ⲛⲓⲃⲉⲛ ϧⲉⲛⲛⲁⲧⲱⲃϩ ⲧⲏⲣⲟⲩ ⲉϩⲣⲏⲓ ⲉϫⲉⲛⲑⲏⲛⲟⲩ ⲧⲏⲣⲟⲩ ϧⲉⲛⲟⲩⲣⲁϣⲓ ⲉⲓⲓⲣⲓ ⲙⲡⲓⲧⲱⲃϩ
always in every request of mine on behalf of you all making my requests with joy,
1.5
ⲉϩⲣⲏⲓ ⲉϫⲉⲛⲧⲉⲧⲉⲛⲙⲉⲧϣⲫⲏⲣ ⲉⲧⲁⲥϣⲱⲡⲓ ⲙⲡⲓⲉⲩⲁⲅⲅⲉⲗⲓⲟⲛ ⲓⲥϫⲉⲛ ⲡⲓⲉϩⲟⲟⲩ ⲛϩⲟⲩⲓⲧ ϣⲁⲉϧⲟⲩⲛ ⲉϯⲛⲟⲩ .
for your partnership in furtherance of the Good News from the first day until now;
1.6
ⲉⲣⲉⲡⲁϩⲏⲧ ⲑⲏⲧ ⲉϫⲉⲛⲫⲁⲓ ϫⲉⲫⲏ ⲉⲧⲁϥⲉⲣϩⲏⲧⲥ ϧⲉⲛⲑⲏⲛⲟⲩ ϥⲛⲁϫⲉⲕ ⲟⲩϩⲱⲃ ⲉⲛⲁⲛⲉϥ ⲉⲃⲟⲗ ϣⲁⲡⲓⲉϩⲟⲟⲩ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .
being confident of this very thing, that he who began a good work in you will complete it until the day of Jesus Christ.
1.7
ⲕⲁⲧⲁⲫⲣⲏϯ ⲉⲧⲉⲟⲩϩⲱⲃ ⲙⲙⲏⲓ ⲛⲏⲓ ⲡⲉ ⲫⲁⲓ ⲉⲩⲙⲉⲩⲓ ⲉⲣⲟϥ ⲉϫⲉⲛⲑⲏⲛⲟⲩ ⲧⲏⲣⲟⲩ ⲉⲑⲃⲉϫⲉⲧⲉⲧⲉⲛⲭⲏ ⲛϧⲣⲏⲓ ϧⲉⲛⲡⲁϩⲏⲧ ⲛⲉⲙϧⲉⲛⲛⲁⲥⲛⲁⲩϩ ⲛⲉⲙⲛϧⲣⲏⲓ ϧⲉⲛⲧⲁⲁⲡⲟⲗⲟⲅⲓⲁ ⲛⲉⲙⲡⲧⲁϫⲣⲟ ⲛⲧⲉⲡⲓⲉⲩⲁⲅⲅⲉⲗⲓⲟⲛ ⲉⲣⲉⲧⲉⲛⲟⲓ ⲛϣⲫⲏⲣ ⲉⲡⲓϩⲙⲟⲧ ⲧⲏⲣⲟⲩ ⲛⲉⲙⲏⲓ .
It is even right for me to think this way on behalf of all of you, because I have you in my heart, because, both in my bonds and in the defense and confirmation of the Good News, you all are partakers with me of grace.
1.8
ⲡⲁⲙⲉⲑⲣⲉ ⲅⲁⲣ ⲡⲉ ⲫⲛⲟⲩϯ ⲙⲫⲣⲏϯ ⲉϯⲙⲉⲓ ⲙⲙⲱⲧⲉⲛ ⲧⲏⲣⲟⲩ ϧⲉⲛⲛⲓⲙⲉⲧϣⲁⲛⲑⲙⲁϧⲧ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .
For God is my witness, how I long after all of you in the tender mercies of Christ Jesus.
1.9
ⲟⲩⲟϩ ⲫⲁⲓ ⲡⲉϯⲧⲱⲃϩ ⲉⲑⲃⲏⲧϥ ϩⲓⲛⲁ ⲧⲉⲧⲉⲛⲁⲅⲁⲡⲏ ⲉⲧⲓ ⲙⲁⲗⲗⲟⲛ ⲕⲉⲙⲁⲗⲗⲟⲛ ⲛⲧⲉⲥⲉⲣϩⲟⲩⲟ ϧⲉⲛⲡⲉⲙⲓ ⲛⲉⲙⲉⲥⲑⲉⲥⲓⲥ ⲛⲓⲃⲉⲛ .
This I pray, that your love may abound yet more and more in knowledge and all discernment;
1.10
ⲉⲑⲣⲉⲧⲉⲛⲉⲣⲇⲟⲕⲓⲙⲁⲍⲓⲛ ⲛⲛⲏ ⲉⲧⲉⲣⲛⲟϥⲣⲓ ϩⲓⲛⲁ ⲛⲧⲉⲧⲉⲛϣⲱⲡⲓ ⲉⲣⲉⲧⲉⲛⲧⲟⲩⲃⲏⲟⲩⲧ ⲟⲩⲟϩ ⲉⲣⲉⲧⲉⲛⲟⲓ ⲛⲁⲧϭⲣⲟⲡ ⲉⲡⲉϩⲟⲟⲩ ⲙⲡⲭⲣⲓⲥⲧⲟⲥ .
so that you may approve the things that are excellent; that you may be sincere and without offense to the day of Christ;
1.11
ⲟⲩⲟϩ ⲉⲣⲉⲧⲉⲛⲙⲉϩ ⲛⲟⲩⲧⲁϩ ⲛⲧⲉϯⲙⲉⲑⲙⲏⲓ ⲡⲓⲉⲃⲟⲗ ϩⲓⲧⲉⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲩⲱⲟⲩ ⲛⲉⲙⲟⲩⲧⲁⲓⲟ ⲙⲫⲛⲟⲩϯ .
being filled with the fruits of righteousness, which are through Jesus Christ, to the glory and praise of God.
1.12
ϯⲟⲩⲱϣ ⲇⲉ ⲉⲑⲣⲉⲧⲉⲛⲉⲙⲓ ⲛⲁⲥⲛⲏⲟⲩ ϫⲉⲛⲏ ⲉⲧϣⲟⲡ ⲙⲙⲟⲓ ⲁⲩⲓ ⲙⲁⲗⲗⲟⲛ ⲉⲩⲡⲣⲟⲕⲟⲡⲏ ⲛⲧⲉⲡⲓⲉⲩⲁⲅⲅⲉⲗⲓⲟⲛ .
Now I desire to have you know, brothers, that the things which happened to me have turned out rather to the progress of the Good News;
1.13
ϩⲱⲥⲧⲉ ⲛⲁⲥⲛⲁⲩϩ ⲛⲧⲟⲩϣⲱⲡⲓ ⲉⲩⲟⲩⲟⲛϩ ⲉⲃⲟⲗ ϧⲉⲛⲡⲓⲡⲣⲉⲧⲱⲣⲓⲟⲛ ⲧⲏⲣϥ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲥⲱϫⲡ .
so that it became evident to the whole praetorian guard, and to all the rest, that my bonds are in Christ;
1.14
ⲟⲩⲟϩ ⲡϩⲟⲩⲟ ⲛⲛⲓⲥⲛⲏⲟⲩ ⲉⲧϧⲉⲛⲡϭⲟⲓⲥ ⲛⲥⲉⲭⲁ ϩⲑⲏⲟⲩ ⲉⲛⲁⲥⲛⲁⲩϩ ⲛϩⲟⲩⲟ ⲙⲁⲗⲗⲟⲛ ⲛⲥⲉⲉⲣⲧⲟⲗⲙⲁⲛ ⲉⲥⲁϫⲓ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲛⲁⲧⲉⲣϩⲟϯ .
and that most of the brothers in the Lord, being confident through my bonds, are more abundantly bold to speak the word of God without fear.
1.15
ⲟⲩⲟϩ ϩⲁⲛⲟⲩⲟⲛ ⲙⲉⲛ ⲉⲑⲃⲉⲟⲩⲫⲑⲟⲛⲟⲥ ⲛⲉⲙⲟⲩϣϭⲛⲏⲛ ϩⲁⲛⲟⲩⲟⲛ ⲇⲉ ⲛⲉⲙⲉⲑⲃⲉⲟⲩϯⲙⲁϯ ⲥⲉϩⲓⲱⲓϣ ⲙⲡⲭⲣⲓⲥⲧⲟⲥ .
Some indeed preach Christ even out of envy and strife, and some also out of good will.
1.16
ⲛⲁⲓ ⲙⲉⲛ ϧⲉⲛⲟⲩⲁⲅⲁⲡⲏ ⲉⲩⲉⲙⲓ ϫⲉⲉⲓⲭⲏ ⲉⲩⲁⲡⲟⲗⲟⲅⲓⲁ ⲛⲧⲉⲡⲓⲉⲩⲁⲅⲅⲉⲗⲓⲟⲛ .
The former insincerely preach Christ from selfish ambition, thinking that they add affliction to my chains;
1.17
ⲛⲁⲓ ⲇⲉ ϧⲉⲛⲟⲩϣϭⲛⲏⲛ ⲥⲉϩⲓⲱⲓϣ ⲙⲡⲭⲣⲓⲥⲧⲟⲥ ϧⲉⲛⲟⲩⲧⲟⲩⲃⲟ ⲁⲛ ⲉⲩⲙⲉⲩⲓ ⲉⲧⲟⲩⲛⲟⲥ ⲟⲩϩⲟϫϩⲉϫ ⲛⲛⲁⲥⲛⲁⲩϩ .
but the latter out of love, knowing that I am appointed for the defense of the Good News.
1.18
ⲁϧⲟϥ ϫⲉⲡⲗⲏⲛ ϧⲉⲛⲥⲙⲟⲧ ⲛⲓⲃⲉⲛ ⲓⲧⲉ ϧⲉⲛⲟⲩⲗⲱⲓϫⲓ ⲓⲧⲉ ϧⲉⲛⲟⲩⲙⲉⲑⲙⲏⲓ ⲡⲭⲣⲓⲥⲧⲟⲥ ⲥⲉϩⲓⲱⲓϣ ⲙⲙⲟϥ ϧⲉⲛⲫⲁⲓ ϯⲣⲁϣⲓ ⲁⲗⲗⲁ ⲟⲩⲟϩ ⲉⲓⲉⲣⲁϣⲓ ⲟⲛ .
What does it matter? Only that in every way, whether in pretense or in truth, Christ is proclaimed. I rejoice in this, yes, and will rejoice.
1.19
ϯⲉⲙⲓ ⲅⲁⲣ ϫⲉⲫⲁⲓ ⲛⲁϣⲱⲡⲓ ⲛⲏⲓ ⲉⲩⲟⲩϫⲁⲓ ⲉⲃⲟⲗ ϩⲓⲧⲉⲛⲡⲉⲧⲉⲛⲧⲱⲃϩ ⲛⲉⲙⲡⲥⲁϩⲛⲓ ⲛⲧⲉⲡⲓⲡⲛⲉⲩⲙⲁⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .
For I know that this will turn out to my salvation, through your supplication and the supply of the Spirit of Jesus Christ,
1.20
ⲕⲁⲧⲁⲡⲁϫⲓⲛϫⲟⲩϣⲧ ⲛⲉⲙⲧⲁϩⲉⲗⲡⲓⲥ ϫⲉϯⲛⲁϣⲓⲡⲓ ⲁⲛ ϧⲉⲛϩⲗⲓ ⲁⲗⲗⲁ ϧⲉⲛⲟⲩⲡⲁⲣⲣⲏⲥⲓⲁ ⲛⲓⲃⲉⲛ ⲙⲫⲣⲏϯ ⲛⲥⲏⲟⲩ ⲛⲓⲃⲉⲛ ⲛⲉⲙϯⲛⲟⲩ ⲉϥⲉⲁⲓⲁⲓ ⲛϫⲉⲡⲭⲣⲓⲥⲧⲟⲥ ϧⲉⲛⲡⲁⲥⲱⲙⲁ ⲓⲧⲉ ⲉⲃⲟⲗ ϩⲓⲧⲉⲛⲡⲱⲛϧ ⲓⲧⲉ ⲉⲃⲟⲗ ϩⲓⲧⲉⲛⲫⲙⲟⲩ .
according to my earnest expectation and hope, that I will in no way be disappointed, but with all boldness, as always, now also Christ will be magnified in my body, whether by life, or by death.
1.21
ⲁⲛⲟⲕ ⲅⲁⲣ ⲡⲁⲱⲛϧ ⲡⲉ ⲡⲭⲣⲓⲥⲧⲟⲥ ⲟⲩⲟϩ ⲡⲙⲟⲩ ⲟⲩϩⲏⲟⲩ ⲛⲏⲓ ⲡⲉ .
For to me to live is Christ, and to die is gain.
1.22
ⲓⲥϫⲉ ⲡⲓⲱⲛϧ ϧⲉⲛⲧⲥⲁⲣⲝ ⲫⲁⲓ ⲟⲩⲟⲩⲧⲁϩ ⲛϩⲱⲃ ⲛⲏⲓ ⲡⲉ ⲟⲩⲟϩ ⲟⲩ ⲡⲉϯⲛⲁⲥⲟⲧⲡϥ ⲛϯⲉⲙⲓ ⲁⲛ .
But if I live on in the flesh, this will bring fruit from my work; yet I don't make known what I will choose.
1.23
ⲥⲉⲁⲙⲟⲛⲓ ⲛϫⲉⲡⲓⲥⲛⲟⲩϯ ⲉⲧⲉⲡⲓⲑⲩⲙⲓⲁ ⲉⲥⲉⲛⲧⲟⲧ ⲉⲃⲱⲗ ⲉⲃⲟⲗ ⲛⲧⲁϣⲱⲡⲓ ⲛⲉⲙⲡⲭⲣⲓⲥⲧⲟⲥ ⲛϩⲟⲩⲟ ⲅⲁⲣ ⲙⲁⲗⲗⲟⲛ ϥⲥⲟⲧⲡ .
But I am in a dilemma between the two, having the desire to depart and be with Christ, which is far better.
1.24
ⲡⲓϣⲱⲡⲓ ⲇⲉ ϧⲉⲛⲧⲥⲁⲣⲝ ⲟⲩⲁⲛⲁⲅⲕⲉⲟⲛ ⲛϩⲟⲩⲟ ⲡⲉ ⲉⲑⲃⲉⲑⲏⲛⲟⲩ .
Yet, to remain in the flesh is more needful for your sake.
1.25
ⲟⲩⲟϩ ⲫⲁⲓ ⲉⲣⲉⲡⲁϩⲏⲧ ⲑⲏⲧ ϯⲉⲙⲓ ϫⲉϯⲛⲁⲟϩⲓ ⲟⲩⲟϩ ϯⲛⲁϣⲱⲡⲓ ⲛⲱⲧⲉⲛ ⲧⲏⲣⲟⲩ ⲉⲧⲉⲧⲉⲛⲡⲣⲟⲕⲟⲡⲏ ⲛⲉⲙⲫⲣⲁϣⲓ ⲛⲧⲉⲡⲓⲛⲁϩϯ .
Having this confidence, I know that I will remain, yes, and remain with you all, for your progress and joy in the faith,
1.26
ϩⲓⲛⲁ ⲡⲉⲧⲉⲛϣⲟⲩϣⲟⲩ ⲛⲧⲉϥⲉⲣϩⲟⲩⲟ ϧⲉⲛⲡⲭⲣⲓⲥⲧⲟⲥ ⲛϧⲣⲏⲓ ⲛϧⲏⲧ ⲉⲃⲟⲗ ϩⲓⲧⲉⲛⲡⲁϫⲓⲛⲓ ϩⲁⲣⲱⲧⲉⲛ ⲟⲛ ⲛⲕⲉⲥⲟⲡ .
that your rejoicing may abound in Christ Jesus in me through my presence with you again.
1.27
ⲙⲟⲛⲟⲛ ⲁⲣⲓⲡⲟⲗⲓⲧⲉⲩⲉⲥⲑⲉ ϧⲉⲛⲡⲉⲙⲡϣⲁ ⲙⲡⲓⲉⲩⲁⲅⲅⲉⲗⲓⲟⲛ ⲛⲧⲉⲡⲭⲣⲓⲥⲧⲟⲥ ϩⲓⲛⲁ ⲁⲓϣⲁⲛⲓ ⲟⲩⲟϩ ⲛⲧⲁⲛⲁⲩ ⲉⲣⲱⲧⲉⲛ ⲓⲧⲉ ⲛϯϧⲁⲧⲉⲛ ⲑⲏⲛⲟⲩ ⲁⲛ ⲛⲧⲁⲥⲱⲧⲉⲙ ⲉⲑⲃⲉⲑⲏⲛⲟⲩ ϫⲉⲧⲉⲧⲉⲛⲟϩⲓ ⲉⲣⲁⲧⲉⲛ ⲑⲏⲛⲟⲩ ϧⲉⲛⲟⲩⲡⲛⲉⲩⲙⲁⲛⲟⲩⲱⲧ ⲟⲩⲯⲩⲭⲏ ⲛⲟⲩⲱⲧ ⲉⲣⲉⲧⲉⲛⲟⲓ ⲛϣⲫⲏⲣ ⲛϧⲓⲥⲓ ϧⲉⲛⲡⲓⲛⲁϩϯ ⲛⲧⲉⲡⲓⲉⲩⲁⲅⲅⲉⲗⲓⲟⲛ .
Only let your manner of life be worthy of the Good News of Christ, that, whether I come and see you or am absent, I may hear of your state, that you stand firm in one spirit, with one soul striving for the faith of the Good News;
1.28
ⲟⲩⲟϩ ⲛⲧⲉⲧⲉⲛⲛⲟϣⲡ ⲁⲛ ϧⲉⲛϩⲗⲓ ⲉⲃⲟⲗ ϩⲓⲧⲉⲛⲛⲏ ⲉϯⲟⲩⲃⲉ ⲑⲏⲛⲟⲩ ⲛⲁⲓ ⲉⲧⲉⲡⲟⲩⲟⲩⲱⲛϩ ⲉⲃⲟⲗ ⲟⲩⲧⲁⲕⲟ ⲛⲱⲟⲩ ⲡⲉ ⲛⲱⲧⲉⲛ ⲇⲉ ⲟⲩⲟⲩϫⲁⲓ ⲡⲉ ⲟⲩⲟϩ ⲫⲁⲓ ⲟⲩⲉⲃⲟⲗ ϩⲓⲧⲉⲛⲫⲛⲟⲩϯ ⲡⲉ .
and in nothing frightened by the adversaries, which is for them a proof of destruction, but to you of salvation, and that from God.
1.29
ϫⲉⲁⲩⲧⲏⲓϥ ⲛⲱⲧⲉⲛ ⲛϩⲙⲟⲧ ⲉϩⲣⲏⲓ ⲉϫⲉⲛⲡⲭⲣⲓⲥⲧⲟⲥ ⲟⲩ ⲙⲟⲛⲟⲛ ⲉⲛⲁϩϯ ⲉⲣⲟϥ ⲁⲗⲗⲁ ⲉϣⲉⲡⲙⲕⲁϩ ⲟⲛ ⲉϩⲣⲏⲓ ⲉϫⲱϥ .
Because it has been granted to you on behalf of Christ, not only to believe in him, but also to suffer on his behalf,
1.30
ⲉⲡⲁⲓⲁⲅⲱⲛ ⲛⲟⲩⲱⲧ ⲛⲧⲉⲛⲑⲏⲛⲟⲩ ⲙⲫⲣⲏϯ ⲉⲧⲁⲣⲉⲧⲉⲛⲛⲁⲩ ⲉⲣⲟϥ ⲛϧⲣⲏⲓ ⲛϧⲏⲧ ⲛⲉⲙϯⲛⲟⲩ ⲟⲛ ⲧⲉⲧⲉⲛⲥⲱⲧⲉⲙ ⲉⲣⲟϥ ⲛϧⲏⲧ .
having the same conflict which you saw in me, and now hear is in me.
2.1
ⲫⲏ ⲉⲧⲉⲟⲩⲟⲛ ϭⲣⲟ ⲛϩⲏⲧ ⲡⲉ ⲛⲧⲉⲡⲭⲣⲓⲥⲧⲟⲥ ⲫⲏ ⲉⲧⲉⲟⲩⲑⲱⲧ ⲛϩⲏⲧ ⲡⲉ ⲛⲧⲉⲟⲩⲁⲅⲁⲡⲏ ⲫⲏ ⲉⲧⲉⲟⲩⲙⲉⲧϣⲫⲏⲣ ⲡⲉ ⲛⲧⲉⲟⲩⲡⲛⲉⲩⲙⲁⲫⲏ ⲉⲧⲉⲟⲩⲙⲉⲧϣⲁⲛⲑⲙⲁϧⲧ ⲡⲉ ⲛⲉⲙⲟⲩϣⲉⲛϩⲏⲧ .
If there is therefore any exhortation in Christ, if any consolation of love, if any fellowship of the Spirit, if any tender mercies and compassion,
2.2
ⲙⲁϩ ⲡⲁⲣⲁϣⲓ ⲉⲃⲟⲗ ϩⲓⲛⲁ ⲛⲧⲉⲧⲉⲛⲉⲣ ⲟⲩⲙⲉⲩⲓ ⲛⲟⲩⲱⲧ ⲉⲧⲁⲓⲁⲅⲁⲡⲏ ⲣⲱ ⲧⲉ ⲉⲧⲉⲛⲧⲱⲧⲉⲛ ⲙⲙⲁⲩ ⲉⲣⲉⲧⲉⲛⲟⲓ ⲛϣⲫⲏⲣ ⲙⲯⲩⲭⲏ ⲉⲣⲉⲧⲉⲛⲟⲓ ⲛⲟⲩϩⲏⲧ ⲛⲟⲩⲱⲧ .
make my joy full, by being like-minded, having the same love, being of one accord, of one mind;
2.3
ⲛⲧⲉⲧⲉⲛⲉⲣ ϩⲗⲓ ⲁⲛ ϧⲉⲛⲟⲩϣϭⲛⲏⲛ ⲟⲩⲇⲉ ϧⲉⲛⲟⲩⲙⲁⲓⲱⲟⲩ ⲉϥϣⲟⲩⲓⲧ ⲁⲗⲗⲁ ⲛϧⲣⲏ ⲓϧⲉⲛ ⲡⲓⲑⲉⲃⲓⲟ ⲛϩⲏⲧ ⲉⲣⲉⲧⲉⲛⲭⲱ ⲛⲛⲉⲧⲉⲛⲉⲣⲏ ⲟⲩ ⲛⲧⲉⲛⲑⲏⲛⲟⲩ ⲉⲩⲟⲩⲟⲧⲉⲃ ⲉⲣⲱⲧⲉⲛ .
doing nothing through rivalry or through conceit, but in humility, each counting others better than himself;
2.4
ⲉⲛ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲧⲉⲛ ϯⲛϩⲑⲏ ϥⲁⲛ ⲛⲉⲧⲉⲛⲟⲩⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ ⲁⲗⲗⲁ ⲛⲉⲙⲛⲁⲛⲉⲧⲉⲛⲉⲣⲏⲟⲩ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲧⲉⲛ .
each of you not just looking to his own things, but each of you also to the things of others.
2.5
ⲙⲁⲣⲉϥⲙⲉⲩⲓ ⲉⲫⲁⲓ ⲛϧⲣⲏⲓ ϧⲉⲛⲑⲏⲛⲟⲩ ⲉⲧⲉⲫⲏ ⲡⲉ ⲉⲧϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
Have this in your mind, which was also in Christ Jesus,
2.6
ⲫⲏ ⲉⲧϣⲟⲡ ϧⲉⲛⲟⲩⲙⲟⲣⲫⲏ ⲛⲧⲉⲫⲛⲟⲩϯ ⲛⲟⲩϩⲱⲗⲉⲙ ⲁⲛ ⲡⲉⲧⲁϥⲙⲉⲩⲓ ⲉⲣⲟϥ ⲉⲑⲣⲉϥϣⲱⲡⲓ ⲛⲟⲩϩⲩⲥⲱⲥ ⲛⲉⲙⲫⲛⲟⲩϯ .
who, existing in the form of God, didn't consider equality with God a thing to be grasped,
2.7
ⲁⲗⲗⲁ ⲁϥϣⲟⲩⲟϥ ⲉⲃⲟⲗ ⲁϥϭⲓ ⲛⲟⲩⲙⲟⲣⲫⲏ ⲙⲃⲱⲕ ⲉⲁϥϣⲱⲡⲓ ϧⲉⲛⲟⲩⲓⲛⲓ ⲛⲣⲱⲙⲓ ⲉⲁⲩϫⲉⲙϥ ϧⲉⲛⲟⲩⲥⲭⲏⲙⲁ ⲙⲫⲣⲏϯ ⲛⲟⲩⲣⲱⲙⲓ .
but emptied himself, taking the form of a servant, being made in the likeness of men.
2.8
ⲁϥⲑⲉⲃⲓⲟϥ ⲙⲙⲁⲩⲁⲧϥ ⲉⲁϥⲉⲣⲣⲉϥⲥⲱⲧⲉⲙ ϣⲁⲉϧⲣⲏⲓ ⲉⲫⲙⲟⲩ ⲟⲩⲙⲟⲩ ⲇⲉ ⲛⲧⲉⲟⲩⲥⲧⲁⲩⲣⲟⲥ .
And being found in human form, he humbled himself, becoming obedient to death, yes, the death of the cross.
2.9
ⲉⲑⲃⲉⲫⲁⲓ ⲁⲫⲛⲟⲩϯ ⲉⲣϩⲟⲩⲟ ϭⲁⲥϥ ⲟⲩⲟϩ ⲁϥⲉⲣϩⲙⲟⲧ ⲛⲁϥ ⲙⲡⲓⲣⲁⲛ ⲫⲏ ⲉⲧϭⲟⲥⲓ ⲉⲣⲁⲛ ⲛⲓⲃⲉⲛ .
Therefore God also highly exalted him, and gave to him the name which is above every name;
2.10
ϩⲓⲛⲁ ϧⲉⲛⲫⲣⲁⲛ ⲛⲓⲏⲥⲟⲩⲥ ⲛⲧⲉⲕⲉⲗⲓ ⲛⲓⲃⲉⲛ ⲕⲱⲗϫ ⲛⲁⲧⲫⲉ ⲛⲉⲙⲛⲁⲡⲕⲁϩⲓ ⲛⲉⲙⲛⲁⲛⲏ ⲉⲧⲥⲁⲡⲉⲥⲏⲧ ⲙⲡⲕⲁϩⲓ .
that at the name of Jesus every knee should bow, of those in heaven, those on earth, and those under the earth,
2.11
ⲟⲩⲟϩ ⲛⲧⲉⲗⲁⲥ ⲛⲓⲃⲉⲛ ⲟⲩⲱⲛϩ ⲉⲃⲟⲗ ϫⲉⲡϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲩⲱⲟⲩ ⲙⲫⲛⲟⲩϯ ⲫⲓⲱⲧ .
and that every tongue should confess that Jesus Christ is Lord, to the glory of God the Father.
2.12
ϩⲱⲥⲧⲉ ⲛⲁⲙⲉⲛⲣⲁϯ ⲕⲁⲧⲁⲫⲣⲏϯ ⲉⲧⲁⲣⲉⲧⲉⲛⲉⲣ ⲣⲉϥⲥⲱⲧⲉⲙ ⲛⲥⲏⲟⲩ ⲛⲓⲃⲉⲛ ϧⲉⲛⲡⲁϫⲓⲛⲓ ϩⲁⲣⲱⲧⲉⲛ ⲙⲙⲁⲩⲁⲧϥ ⲁⲛ ⲁⲗⲗⲁ ϯⲛⲟⲩ ⲛϩⲟⲩⲟ ⲙⲁⲗⲗⲟⲛ ⲛϯ ϧⲁⲧⲉⲛⲑⲏⲛⲟⲩ ⲁⲛ ϧⲉⲛⲟⲩϩⲟϯ ⲛⲉⲙⲟⲩⲥⲑⲉⲣⲧⲉⲣ ⲁⲣⲓϩⲱⲃ ⲉⲡⲉⲧⲉⲛⲟⲩϫⲁⲓ .
So then, my beloved, even as you have always obeyed, not only in my presence, but now much more in my absence, work out your own salvation with fear and trembling.
2.13
ⲫⲛⲟⲩϯ ⲅⲁⲣ ⲡⲉⲧⲉⲛⲉⲣϩⲱⲃ ϧⲉⲛⲑⲏⲛⲟⲩ ⲉⲟⲩⲱϣ ⲛⲉⲙⲡⲓⲉⲣϩⲱⲃ ⲉϩⲣⲏⲓ ⲉϫⲉⲛⲡⲓϯⲙⲁϯ .
For it is God who works in you both to will and to work, for his good pleasure.
2.14
ⲁⲣⲓϩⲱⲃ ⲛⲓⲃⲉⲛ ⲁⲧϭⲛⲉⲭⲣⲉⲙⲣⲉⲙ ⲛⲉⲙⲙⲟⲕⲙⲉⲕ .
Do all things without murmurings and disputes,
2.15
ϩⲓⲛⲁ ⲛⲧⲉⲧⲉⲛϣⲱⲡⲓ ⲉⲣⲉⲧⲉⲛⲟⲓ ⲛⲁⲧⲁⲣⲓⲕⲓ ⲟⲩⲟϩ ⲛⲁⲕⲉⲣⲉⲟⲥ ⲛϣⲏⲣⲓ ⲛⲧⲉⲫⲛⲟⲩϯ ⲉⲣⲉⲧⲉⲛⲟⲩⲁⲃ ϧⲉⲛⲧⲙⲏϯ ⲛⲟⲩⲅⲉⲛⲉⲁ ⲉⲥⲕⲱⲗϫ ⲟⲩⲟϩ ⲉⲥⲫⲱⲛϩ ⲛⲏ ⲉⲧⲉⲧⲉⲛⲟⲩⲟⲛϩ ⲉⲃⲟⲗ ⲛϧⲏ ⲧⲟⲩ ⲙⲫⲣⲏϯ ⲛϩⲁⲛⲣⲉϥⲉⲣⲟⲩⲱⲓⲛⲓ ϧⲉⲛⲡⲓⲕⲟⲥⲙⲟⲥ .
that you may become blameless and harmless, children of God without blemish in the midst of a crooked and perverse generation, among whom you are seen as lights in the world,
2.16
ⲉⲣⲉⲧⲉⲛⲁⲙⲟⲛⲓ ⲙⲡⲓⲥⲁϫⲓ ⲛⲧⲉⲡⲱⲛϧ ⲉⲩϣⲟⲩϣⲟⲩ ⲛⲏⲓ ⲉⲡⲉϩⲟⲟⲩ ⲙⲡⲭⲣⲓⲥⲧⲟⲥ ϫⲉⲛⲁⲓϭⲟϫⲓ ⲁⲛ ϧⲉⲛⲟⲩϣⲟⲩⲓⲧ ⲟⲩⲇⲉ ⲛⲉⲧⲁⲓϣⲉⲡϧⲓⲥⲓ ⲁⲛ ⲉⲡⲉⲧϣⲟⲩⲓⲧ .
holding up the word of life; that I may have something to boast in the day of Christ, that I didn't run in vain nor labor in vain.
2.17
ⲁⲗⲗⲁ ⲓⲥϫⲉ ⲥⲉⲛⲁⲉⲣ ⲡⲕⲉⲟⲩⲟⲧⲛⲉⲧ ⲉⲃⲟⲗ ⲉϩⲣⲏⲓ ⲉϫⲉⲛⲡⲓϣⲟⲩϣⲱⲟⲩϣⲓ ⲛⲉⲙⲡⲓⲫⲱϣⲉⲛ ⲛⲧⲉⲡⲉⲧⲉⲛⲛⲁϩϯ ϯⲣⲁϣⲓ ⲟⲩⲟϩ ϯⲉⲣϣⲫⲏⲣ ⲛⲣⲁϣⲓ ⲛⲉⲙⲱⲧⲉⲛ ⲧⲏⲣⲟⲩ .
Yes, and if I am poured out on the sacrifice and service of your faith, I rejoice, and rejoice with you all.
2.18
ϧⲉⲛⲫⲁⲓ ⲇⲉ ⲣⲁϣⲓ ϩⲱⲧⲉⲛ ⲟⲩⲟϩ ⲁⲣⲓϣⲫⲏⲣ ⲛⲣⲁϣⲓ ⲛⲉⲙⲏⲓ .
In the same way, you also rejoice, and rejoice with me.
2.19
ϯⲉⲣϩⲉⲗⲡⲓⲥ ⲇⲉ ϧⲉⲛⲡϭⲟⲓⲥ ⲓⲏⲥⲟⲩⲥ ⲉⲟⲩⲱⲣⲡ ⲛⲱⲧⲉⲛ ⲛⲧⲓⲙⲟⲑⲉⲟⲥ ⲛⲭⲱⲗⲉⲙ ϩⲓⲛⲁ ⲁⲛⲟⲕ ϩⲱ ⲛⲧⲉⲡⲁϩⲏⲧ ⲙⲧⲟⲛ ⲁⲓϣⲁⲛⲉⲙⲓ ⲉⲑⲃⲉⲡⲉⲧⲉⲛϣⲓⲛⲓ .
But I hope in the Lord Jesus to send Timothy to you soon, that I also may be cheered up when I know how you are doing.
2.20
ⲙⲙⲟⲛ ϩⲗⲓ ⲅⲁⲣ ⲛⲧⲏⲓ ⲉϥϣⲏϣ ⲛⲉⲙⲧⲁⲯⲩⲭⲏ ⲉϥⲛⲁϥⲓ ⲡⲉⲧⲉⲛⲣⲱⲟⲩϣ ϧⲉⲛⲟⲩⲧⲟⲩⲃⲟ .
For I have no one else like-minded, who will truly care about you.
2.21
ⲁⲩⲕⲱϯ ⲅⲁⲣ ⲛⲥⲁⲛⲉⲧⲉⲛⲟⲩⲟⲩ ⲧⲏⲣⲟⲩ ⲟⲩⲟϩ ⲛⲁⲡⲭⲣⲓⲥⲧⲟⲥ ⲓⲏⲥⲟⲩⲥ ⲁⲛ .
For they all seek their own, not the things of Jesus Christ.
2.22
ⲧⲉϥⲇⲟⲕⲓⲙⲏ ⲇⲉ ⲧⲉⲧⲉⲛⲥⲱⲟⲩⲛ ⲙⲙⲟⲥ ϫⲉⲙⲫⲣⲏϯ ⲛⲟⲩϣⲏⲣⲓ ⲛⲟⲩⲓⲱⲧ ⲁϥⲉⲣⲃⲱⲕ ⲛⲉⲙⲏⲓ ⲉⲡⲓⲉⲩⲁⲅⲅⲉⲗⲓⲟⲛ .
But you know the proof of him, that, as a child serves a father, so he served with me in furtherance of the Good News.
2.23
ⲫⲁⲓ ⲙⲉⲛ ⲟⲩⲛ ϯⲉⲣϩⲉⲗⲡⲓⲥ ⲉⲟⲩⲟⲣⲡϥ ⲁⲓϣⲁⲛⲉⲙⲓ ⲥⲁⲧⲟⲧ ⲉⲑⲃⲉⲛⲉⲧϣⲟⲡ ⲙⲙⲟⲓ .
Therefore I hope to send him at once, as soon as I see how it will go with me.
2.24
ⲡⲁϩⲏⲧ ⲇⲉ ⲑⲏⲧ ϧⲉⲛⲡϭⲟⲓⲥ ϫⲉⲁⲛⲟⲕ ϯⲛⲁⲓ ϩⲁⲣⲱⲧⲉⲛ ⲛⲭⲱⲗⲉⲙ .
But I trust in the Lord that I myself also will come shortly.
2.25
ⲟⲩⲁⲛⲁⲅⲕⲉⲟⲛ ⲇⲉ ⲁⲓⲙⲉⲩⲓ ⲉⲣⲟϥ ⲉⲟⲩⲱⲣⲡ ⲛⲱⲧⲉⲛ ⲛⲉⲡⲁⲫⲣⲟⲇⲓⲧⲟⲥ ⲡⲓⲥⲟⲛ ⲟⲩⲟϩ ⲡⲓϣⲫⲏⲣ ⲛⲣⲉϥⲉⲣϩⲱⲃ ⲟⲩⲟϩ ⲡⲁϣⲫⲏⲣ ⲙⲙⲁⲧⲟⲓ ⲉϥⲟⲓ ⲇⲉ ⲛⲁⲡⲟⲥⲧⲟⲗⲟⲥ ⲛⲱⲧⲉⲛ ⲟⲩⲟϩ ⲛⲣⲉϥⲫⲱϣⲉⲛ ⲛⲧⲉⲧⲁⲭⲣⲓⲁ .
But I counted it necessary to send to you Epaphroditus, my brother, fellow worker, fellow soldier, and your apostle and servant of my need;
2.26
ⲉⲡⲓⲇⲏ ⲛⲁϥⲙⲉⲓ ⲛⲛⲁⲩ ⲉⲣⲱⲧⲉⲛ ⲧⲏⲣⲟⲩ ⲡⲉ ⲟⲩⲟϩ ⲛⲁϥⲙⲟⲕϩ ⲛϩⲏⲧ ⲉⲑⲃⲉϫⲉⲁⲧⲉⲧⲉⲛⲥⲱⲧⲉⲙ ϫⲉⲁϥϣⲱⲛⲓ .
since he longed for you all, and was very troubled, because you had heard that he was sick.
2.27
ⲕⲉ ⲅⲁⲣ ⲁϥϣⲱⲛⲓ ϣⲁⲧⲉϥϧⲱⲛⲧ ⲉⲫⲙⲟⲩ ⲟⲩⲟϩ ⲁϥⲛⲁⲓ ⲛⲁϥ ⲛϫⲉⲫⲛⲟⲩϯ ⲛⲁϥ ⲇⲉ ⲙⲙⲁⲩⲁⲧϥ ⲁⲛ ⲁⲗⲗⲁ ⲛⲏⲓ ϩⲱ ϩⲓⲛⲁ ⲛⲧⲁϣⲧⲉⲙϭ ⲓⲙⲕⲁϩ ⲛϩⲏⲧ ⲉϫⲉⲛⲙⲕⲁϩ ⲛϩⲏⲧ ⲟⲛ .
For indeed he was sick, nearly to death, but God had mercy on him; and not on him only, but on me also, that I might not have sorrow on sorrow.
2.28
ϧⲉⲛⲟⲩⲓⲏⲥⲟⲩⲥ ⲟⲩⲛ ⲛϩⲟⲩⲟ ⲁⲓⲟⲩⲟⲣⲡϥ ϩⲓⲛⲁ ⲁⲣⲉⲧⲉⲛϣⲁⲛⲛⲁⲩ ⲉⲣⲟϥ ⲡⲁⲗⲓⲛ ⲛⲧⲉⲧⲉⲛⲣⲁϣⲓ ⲟⲩⲟϩ ⲁⲛⲟⲕ ϩⲱ ⲛⲧⲁϣⲱⲡⲓ ⲛⲟⲩⲉϣⲉⲛ ⲙⲕⲁϩ ⲛϩⲏⲧ .
I have sent him therefore the more diligently, that, when you see him again, you may rejoice, and that I may be the less sorrowful.
2.29
ϣⲟⲡϥ ⲟⲩⲛ ⲉⲣⲱⲧⲉⲛ ϧⲉⲛⲡϭⲟⲓⲥ ϧⲉⲛⲣⲁϣⲓ ⲛⲓⲃⲉⲛ ⲟⲩⲟϩ ⲛⲁⲓ ⲙⲡⲁⲓⲣⲏϯ ⲙⲁⲣⲟⲩϣⲱⲡⲓ ⲉⲩⲧⲁⲓⲧⲏⲟⲩⲧ ⲛⲧⲉⲛⲑⲏⲛⲟⲩ .
Receive him therefore in the Lord with all joy, and hold such in honor,
2.30
ϫⲉⲉⲑⲃⲉⲡⲓϩⲱⲃ ⲛⲧⲉⲡϭⲟⲓⲥ ⲁϥϧⲱⲛⲧ ϣⲁⲉϧⲣⲏⲓ ⲉⲫⲙⲟⲩ ⲉⲁϥⲉⲣⲡⲁⲣⲁⲃⲟⲗⲉⲩⲉⲥⲑⲉ ⲛⲧⲉϥⲯⲩⲭⲏ ϩⲓⲛⲁ ⲛⲧⲉϥⲙⲁϩ ⲡⲉⲧⲉⲛϭⲣⲟϩ ⲉⲃⲟⲗ ⲛⲧⲉⲡⲓⲫⲱϣⲉⲛ ⲉⲧϭⲓ ⲉⲣⲟⲓ .
because for the work of Christ he came near to death, risking his life to supply that which was lacking in your service toward me.
3.1
ⲧⲟ ⲗⲟⲓⲡⲟⲛ ⲛⲁⲥⲛⲏⲟⲩ ⲣⲁϣⲓ ϧⲉⲛⲡϭⲟⲓⲥ ⲛⲁⲓ ⲟⲛ ⲉⲥϧⲏⲧⲟⲩ ⲛⲱⲧⲉⲛ ⲛⲟⲩϭⲛⲁⲩ ⲙⲉⲛ ⲛⲏⲓ ⲁⲛ ⲡⲉ ⲟⲩⲧⲁϫⲣⲟ ⲛⲱⲧⲉⲛ ⲡⲉ .
Finally, my brothers, rejoice in the Lord. To write the same things to you, to me indeed is not tiresome, but for you it is safe.
3.2
ⲁⲛⲁⲩ ⲉⲛⲓⲟⲩϩⲱⲣ ⲁⲛⲁⲩ ⲉⲛⲓⲉⲣⲅⲁⲧⲏⲥ ⲉⲧϩⲱⲟⲩ ⲁⲛⲁⲩ ⲉⲡⲓϣⲱⲧ ⲛⲥⲉⲃⲓ .
Beware of the dogs, beware of the evil workers, beware of the false circumcision.
3.3
ⲁⲛⲟⲛ ⲅⲁⲣ ⲡⲉ ⲡⲓⲥⲉⲃⲓ ϧⲁⲛⲏ ⲉⲧϣⲉⲙϣⲓ ⲙⲡⲓⲡⲛⲉⲩⲙⲁⲛⲧⲉⲫⲛⲟⲩϯ ⲟⲩⲟϩ ⲉⲛϣⲟⲩϣⲟⲩ ⲙⲙⲟⲛ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲟⲩⲟϩ ⲛⲁⲣⲉϩⲑⲏⲛ ⲭⲏ ϧⲉⲛⲧⲥⲁⲣⲝ ⲁⲛ .
For we are the circumcision, who worship God in the Spirit, and rejoice in Christ Jesus, and have no confidence in the flesh;
3.4
ⲕⲉⲡⲉⲣ ⲁⲛⲟⲕ ⲟⲩⲟⲛ ⲛⲧⲏⲓ ⲙⲙⲁⲩ ⲛⲟⲩⲑⲱⲧ ⲛϩⲏⲧ ϧⲉⲛⲧⲥⲁⲣⲝ ⲟⲛ ⲓⲥϫⲉ ⲟⲩⲟⲛ ⲕⲉⲟⲩⲁⲓ ⲙⲉⲩⲓ ⲉⲭⲁϩⲑⲏϥ ϧⲉⲛⲧⲥⲁⲣⲝ ⲁⲛⲟⲕ ⲛϩⲟⲩⲟ ⲁⲛⲟⲕ
though I myself might have confidence even in the flesh. If any other man thinks that he has confidence in the flesh, I yet more:
3.5
ⲟⲩⲥⲉⲃⲓ ϧⲉⲛⲫⲙⲁϩⲏ ⲛⲉϩⲟⲟⲩ ⲉⲃⲟⲗ ϧⲉⲛⲡⲅⲉⲛⲟⲥ ⲙⲡⲓⲥⲗ ⲧⲫⲩⲗⲏ ⲙⲃⲉⲛⲓⲁⲙⲓⲛ ⲟⲩϩⲉⲃⲣⲉⲟⲥ ⲉⲃⲟⲗ ϧⲉⲛϩⲁⲛϩⲉⲃⲣⲉⲟⲥ ⲕⲁⲧⲁⲡⲓⲛⲟⲙⲟⲥ ⲁⲛⲟⲕ ⲟⲩⲫⲁⲣⲓⲥⲉⲟⲥ .
circumcised the eighth day, of the stock of Israel, of the tribe of Benjamin, a Hebrew of Hebrews; concerning the law, a Pharisee;
3.6
ⲕⲁⲧⲁⲟⲩⲭⲟϩ ⲁⲓϭⲟϫⲓ ⲛⲥⲁϯⲉⲕⲕⲗⲏⲥⲓⲁ ⲕⲁⲧⲁϯⲙⲉⲑⲙⲏⲓ ⲉⲧϧⲉⲛⲡⲓⲛⲟⲙⲟⲥ ⲁⲓϣⲱⲡⲓ ⲉⲓⲟⲓ ⲛⲁⲧⲁⲣⲓⲕⲓ .
concerning zeal, persecuting the assembly; concerning the righteousness which is in the law, found blameless.
3.7
ⲁⲗⲗⲁ ⲛⲏ ⲉⲛⲁⲩϣⲟⲡ ⲛⲏⲓ ⲉϩⲁⲛϩⲏⲟⲩ ⲛⲁⲓ ⲁⲓⲟⲡⲟⲩ ⲉⲣⲟⲓ ⲛⲟⲩⲟⲥⲓ ⲉⲑⲃⲉⲡⲭⲣⲓⲥⲧⲟⲥ .
However, what things were gain to me, these have I counted loss for Christ.
3.8
ⲁⲗⲗⲁ ⲙⲉⲛⲟⲩⲛⲅⲉ ϯⲱⲡ ⲙⲙⲱⲟⲩ ⲧⲏⲣⲟⲩ ⲉϩⲁⲛⲟⲥⲓ ⲉⲑⲃⲉⲡⲓϩⲟⲩⲟ ⲛⲧⲉⲡⲉⲙⲓ ⲛⲧⲉⲡⲭⲣⲓⲥⲧⲟⲥ ⲓⲏⲥⲟⲩⲥ ⲡⲁϭⲟⲓⲥ ⲫⲁⲓ ⲉⲧⲁⲓϯⲟⲥⲓ ⲛϩⲱⲃ ⲛⲓⲃⲉⲛ ⲉⲑⲃⲏⲧϥ ⲟⲩⲟϩ ϯⲱⲡ ⲙⲙⲱⲟⲩ ⲧⲏⲣⲟⲩ ⲉϩⲁⲛⲗⲉⲃϣ ϩⲓⲛⲁ ⲛⲧⲁϫⲉⲙϩⲏⲟⲩ ⲙⲡⲭⲣⲓⲥⲧⲟⲥ .
Yes most certainly, and I count all things to be loss for the excellency of the knowledge of Christ Jesus, my Lord, for whom I suffered the loss of all things, and count them nothing but refuse, that I may gain Christ
3.9
ⲟⲩⲟϩ ⲛⲥⲉϫⲉⲙⲧ ⲛϧⲏⲧϥ ⲉⲥⲉⲛⲧⲟⲧ ⲁⲛ ⲛϫⲉⲧⲁⲙⲉⲑⲙⲏⲓ ϯⲉⲃⲟⲗ ϧⲉⲛⲡⲓⲛⲟⲙⲟⲥ ⲁⲗⲗⲁ ϯⲉⲃⲟⲗ ϧⲉⲛⲫⲛⲁϩϯ ⲙⲡⲭⲣⲓⲥⲧⲟⲥ ϯⲙⲉⲑⲙⲏⲓ ⲇⲉ ϯⲉⲃⲟⲗ ϧⲉⲛⲫⲛⲟⲩϯ ⲉϩⲣⲏⲓ ⲉϫⲉⲛⲫⲛⲁϩϯ
and be found in him, not having a righteousness of my own, that which is of the law, but that which is through faith in Christ, the righteousness which is from God by faith;
3.10
ⲉⲑⲣⲓⲥⲟⲩⲱⲛϥ ⲛⲉⲙϯϫⲟⲙ ⲛⲧⲉⲧⲉϥⲁⲛⲁⲥⲧⲁⲥⲓⲥ ⲛⲉⲙϯⲙⲉⲧϣⲫⲏⲣ ⲛⲧⲉⲛⲉϥⲙⲕⲁϩ ⲉⲓϣⲓⲃϯ ⲙⲙⲟⲓ ⲛⲥⲙⲟⲧ ⲛⲉⲙⲡⲉϥⲙⲟⲩ .
that I may know him, and the power of his resurrection, and the fellowship of his sufferings, becoming conformed to his death;
3.11
ϫⲉⲁⲣⲏⲟⲩ ⲛⲧⲁϯⲙⲁϯ ⲉⲡⲧⲱⲛϥ ⲛⲛⲓⲣⲉϥⲙⲱⲟⲩⲧ
if by any means I may attain to the resurrection from the dead.
3.12
ⲟⲩⲭ ⲟⲧⲓ ϫⲉⲁⲓⲟⲩⲟ ⲉⲓϭⲓ ⲓⲉ ϩⲏⲇⲏ ⲁⲓϫⲱⲕ ⲉⲃⲟⲗ ϯϭⲟϫⲓ ⲇⲉ ϫⲉⲁⲣⲏⲟⲩ ⲛⲧⲁⲧⲁϩⲟ ϧⲉⲛⲫⲁⲓ ⲉⲧⲁⲩⲧⲁϩⲟⲓ ⲛϧⲏⲧϥ ⲉⲃⲟⲗ ϩⲓⲧⲉⲛⲓⲏⲥⲟⲩⲥ ⲡⲭⲣⲓⲥⲧⲟⲥ .
Not that I have already obtained, or am already made perfect; but I press on, if it is so that I may take hold of that for which also I was taken hold of by Christ Jesus.
3.13
ⲛⲁⲥⲛⲏⲟⲩ ⲁⲛⲟⲕ ϯⲙⲉⲩⲓ ⲉⲣⲟⲓ ⲁⲛ ϫⲉⲁⲓⲟⲩⲱ ⲁⲓⲧⲁϩⲟ ⲟⲩⲁⲓ ⲇⲉ ⲉⲓⲓⲣⲓ ⲙⲉⲛ ⲙⲡⲱⲃϣ ⲛⲛⲁⲫⲁϩⲟⲩ ⲉⲓⲥⲱⲟⲩⲧⲉⲛ ⲇⲉ ⲙⲙⲟⲓ ⲉⲛⲁⲧϩⲏ .
Brothers, I don't regard myself as yet having taken hold, but one thing I do. Forgetting the things which are behind, and stretching forward to the things which are before,
3.14
ⲕⲁⲧⲁⲟⲩⲥⲟⲙⲥ ⲉⲃⲟⲗ ⲉⲓϭⲟϫⲓ ⲛⲥⲁⲡⲓⲃⲁⲓ ⲛⲧⲉⲡⲓⲑⲱϩⲉⲙ ⲉⲧⲉⲙⲡϣⲱⲓ ⲛⲧⲉⲫⲛⲟⲩϯ ⲉⲧϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
I press on toward the goal for the prize of the high calling of God in Christ Jesus.
3.15
ⲟⲩⲟⲛ ⲛⲓⲃⲉⲛ ⲉⲧϫⲏⲕ ⲉⲃⲟⲗ ⲫⲁⲓ ⲙⲁⲣⲉϥⲙⲉⲩⲓ ⲉⲣⲟϥ ⲟⲩⲟϩ ⲓⲥϫⲉ ⲧⲉⲧⲉⲛⲙⲉⲩⲓ ⲉⲕⲉϩⲱⲃ ⲛⲕⲉⲣⲏϯ ⲡⲁⲓⲭⲉⲧ ⲉⲣⲉⲫⲛⲟⲩϯ ϭⲱⲣⲡϥ ⲛⲱⲧⲉⲛ ⲉⲃⲟⲗ .
Let us therefore, as many as are perfect, think this way. If in anything you think otherwise, God will also reveal that to you.
3.16
ⲡⲗⲏⲛ ⲫⲏ ⲉⲧⲁⲛⲫⲟϩ ϣⲁⲣⲟϥ ⲫⲁⲓ ⲙⲁⲣⲉⲛϯⲙⲁϯ ⲛϧⲏⲧϥ .
Nevertheless, to the extent that we have already attained, let us walk by the same rule. Let us be of the same mind.
3.17
ϣⲱⲡⲓ ⲉⲣⲉⲧⲉⲛⲟⲓ ⲛϣⲫⲏⲣ ⲛⲓⲛⲓ ⲙⲙⲟⲓ ⲛⲁⲥⲛⲏⲟⲩ ⲟⲩⲟϩ ϫⲟⲩϣⲧ ⲉⲛⲏ ⲉⲑⲙⲟϣⲓ ⲙⲡⲁⲓⲣⲏϯ ⲕⲁⲧⲁⲫⲣⲏϯ ⲉⲧⲉⲛϣⲟⲡ ⲛⲱⲧⲉⲛ ⲛⲧⲩⲡⲟⲥ .
Brothers, be imitators together of me, and note those who walk this way, even as you have us for an example.
3.18
ⲟⲩⲟⲛ ⲟⲩⲙⲏϣ ⲅⲁⲣ ⲁⲩⲙⲟϣⲓ ⲛⲁⲓ ⲉⲧⲁⲓϫⲟⲥ ⲛⲱⲧⲉⲛ ⲉⲑⲃⲏⲧⲟⲩ ⲛⲟⲩⲙⲏϣ ⲛⲥⲟⲡ ⲟⲩⲟϩ ϯⲛⲟⲩ ⲟⲛ ⲉⲓⲣⲓⲙⲓ ϯϫⲱ ⲙⲙⲟⲥ ⲛⲓϫⲁϫⲓ ⲛⲧⲉⲡⲓⲥⲧⲁⲩⲣⲟⲥ ⲛⲧⲉⲡⲭⲣⲓⲥⲧⲟⲥ .
For many walk, of whom I told you often, and now tell you even weeping, as the enemies of the cross of Christ,
3.19
ⲛⲁⲓ ⲉⲧⲉⲧⲟⲩϧⲁⲉ ⲡⲉ ⲡⲧⲁⲕⲟ ⲛⲁⲓ ⲉⲧⲉⲡⲟⲩⲛⲟⲩϯ ⲡⲉ ⲧⲟⲩⲛⲉϫⲓ ⲟⲩⲟϩ ⲡⲟⲩⲱⲟⲩ ⲁϥϧⲉⲛ ⲟⲩϣⲓⲡⲓ ⲛⲁⲓ ⲉⲑⲙⲉⲩⲓ ⲉⲛⲁ ⲡⲕⲁϩⲓ .
whose end is destruction, whose god is the belly, and whose glory is in their shame, who think about earthly things.
3.20
ⲧⲉⲛⲙⲉⲧⲣⲉⲙⲙⲃⲁⲕⲓ ⲅⲁⲣ ⲁⲛⲟⲛ ⲁⲥϣⲟⲡ ϧⲉⲛⲛⲓⲫⲏⲟⲩⲓ ⲟⲩⲟϩ ⲉⲃⲟⲗ ⲙⲙⲁⲩ ⲧⲉⲛϫⲟⲩϣⲧ ϧⲁⲧϩⲏ ⲙⲡⲉⲛⲥⲱⲧⲏⲣ ⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
For our citizenship is in heaven, from where we also wait for a Savior, the Lord Jesus Christ;
3.21
ⲫⲏ ⲉⲑⲛⲁϣⲓⲃϯ ⲙⲡⲥⲱⲙⲁ ⲛⲧⲉⲡⲉⲛⲑⲉⲃⲓⲟ ⲛϣⲫⲏⲣ ⲙⲙⲟⲣⲫⲏ ⲛⲧⲉⲡⲥⲱⲙⲁ ⲛⲧⲉⲡⲉϥⲱⲟⲩ ⲕⲁⲧⲁⲡⲓⲉⲣϩⲱⲃ ⲉⲑⲣⲉϥϫⲉⲙϫⲟⲙ ⲟⲩⲟϩ ⲉⲑⲣⲉϥⲉⲣ ϩⲱⲃ ⲛⲓⲃⲉⲛ ϭⲛⲉϫⲱⲟⲩ ⲛⲁϥ .
who will change the body of our humiliation to be conformed to the body of his glory, according to the working by which he is able even to subject all things to himself.
4.1
ϩⲱⲥⲧⲉ ⲛⲁⲥⲛⲏⲟⲩ ⲛⲁⲅⲁⲡⲏⲧⲟⲥ ⲟⲩⲟϩ ⲙⲙⲉⲛⲣⲁϯ ⲡⲁⲣⲁϣⲓ ⲛⲉⲙⲡⲁⲭⲗⲟⲙ ⲡⲁⲓⲣⲏϯ ⲟϩⲓ ⲉⲣⲁⲧⲉⲛ ⲑⲏⲛⲟⲩ ϧⲉⲛⲡϭⲟⲓⲥ ⲛⲁⲙⲉⲛⲣⲁϯ .
Therefore, my brothers, beloved and longed for, my joy and crown, so stand firm in the Lord, my beloved.
4.2
ⲉⲩⲟⲇⲓⲁ ϯϯϩⲟ ⲉⲣⲟⲥ ⲛⲉⲙⲥⲩⲛⲧⲩⲭⲏ ⲉⲑⲣⲟⲩⲙⲉⲩⲓ ⲉⲫⲁⲓ ⲣⲱ ϧⲉⲛⲡϭⲟⲓⲥ .
I exhort Euodia, and I exhort Syntyche, to think the same way in the Lord.
4.3
ⲥⲉ ϯϯϩⲟ ⲉⲣⲟⲕ ϩⲱⲕ ⲡⲓⲥⲱⲧⲡ ⲥⲩⲛⲍⲩⲅⲉ ⲙⲁⲧⲟⲧⲕ ⲛⲉⲙⲱⲟⲩ ⲛⲁⲓ ⲉⲧⲁⲩϭⲓϧⲓⲥⲓ ⲛⲉⲙⲏⲓ ϧⲉⲛⲡⲓⲉⲩⲁⲅⲅⲉⲗⲓⲟⲛ ⲛⲉⲙⲡⲕⲉⲕⲗⲏ ⲙⲉⲛⲧⲟⲥ ⲛⲉⲙⲡⲥⲉⲡⲓ ⲛⲛⲁϣⲫⲏⲣ ⲛⲣⲉϥⲉⲣϩⲱⲃ ⲛⲁⲓ ⲉⲧⲉⲡⲟⲩⲣⲁⲛ ⲥϧⲏⲟⲩⲧ ϩⲓⲡϫⲱⲙ ⲛⲧⲉⲡⲱⲛϧ .
Yes, I beg you also, true yokefellow, help these women, for they labored with me in the Good News, with Clement also, and the rest of my fellow workers, whose names are in the book of life.
4.4
ⲣⲁϣⲓ ϧⲉⲛⲡϭⲟⲓⲥ ⲛⲥⲏⲟⲩ ⲛⲓⲃⲉⲛ ⲡⲁⲗⲓⲛ ϯϫⲱ ⲙⲙⲟⲥ ϫⲉⲣⲁϣⲓ .
Rejoice in the Lord always! Again I will say, Rejoice!
4.5
ⲧⲉⲧⲉⲛⲙⲉⲧⲉⲡⲓⲕⲏⲥ ⲙⲁⲣⲉⲥⲟⲩⲟⲛϩ ⲉⲣⲱⲙⲓ ⲛⲓⲃⲉⲛ ⲡϭⲟⲓⲥ ϧⲉⲛⲧ
Let your gentleness be known to all men. The Lord is at hand.
4.6
ⲙⲡⲉⲣϥⲓⲣⲱⲟⲩϣ ⲁⲗⲗⲁ ϧⲉⲛϩⲱⲃ ⲛⲓⲃⲉⲛ ϯⲡⲣⲟⲥⲉⲩⲭⲏ ⲛⲉⲙⲡⲓⲧⲱⲃϩ ϧⲉⲛⲟⲩϣⲉⲡϩⲙⲟⲧ ⲛⲉⲧⲉⲛⲉⲧⲏⲙⲁ ⲙⲁⲣⲟⲩⲟⲩⲱⲛϩ ⲉⲃⲟⲗ ϧⲁⲧⲉⲛⲫⲛⲟⲩϯ .
In nothing be anxious, but in everything, by prayer and petition with thanksgiving, let your requests be made known to God.
4.7
ⲟⲩⲟϩ ϯϩⲓⲣⲏⲛⲏ ⲛⲧⲉⲫⲛⲟⲩϯ ⲑⲏ ⲉⲧϭⲟⲥⲓ ⲉⲛⲟⲩⲥ ⲛⲓⲃⲉⲛ ⲉⲥⲉⲁⲣⲉϩ ⲉⲛⲉⲧⲉⲛϩⲏⲧ ⲛⲉⲙⲛⲉⲧⲉⲛⲙⲉⲩⲓ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
And the peace of God, which surpasses all understanding, will guard your hearts and your thoughts in Christ Jesus.
4.8
ⲧⲟ ⲗⲟⲓⲡⲟⲛ ⲛⲁⲥⲛⲏⲟⲩ ⲛⲏ ⲉⲧⲉϩⲁⲛⲑⲙⲏ ⲓⲛⲉ ⲛⲏ ⲉⲧⲉϩⲁⲛⲙⲉⲧⲥⲉⲙⲛⲟⲥ ⲛⲉⲛⲏ ⲉⲧⲉϩⲁⲛⲇⲓⲕⲉⲟⲛ ⲛⲉⲛⲏ ⲉⲧⲉϩⲁⲛⲙⲉⲧⲧⲟⲩⲃⲟ ⲛⲉϩⲱⲃ ⲛⲓⲃⲉⲛ ϧⲉⲛⲟⲩⲙⲉⲓ ϩⲱⲃ ⲛⲓⲃⲉⲛ ⲛϣⲉⲛⲛⲟⲩϥⲓ ⲫⲏ ⲉⲧⲉⲟⲩⲁⲣⲉⲧⲏ ⲡⲉ ⲟⲩⲟϩ ⲫⲏ ⲉⲧⲉⲟⲩⲧⲁⲓⲟ ⲡⲉ ⲛⲁⲓⲙⲉⲩⲓ ⲉⲣⲱⲟⲩ .
Finally, brothers, whatever things are true, whatever things are honorable, whatever things are just, whatever things are pure, whatever things are lovely, whatever things are of good report; if there is any virtue, and if there is any praise, think about these things.
4.9
ⲉⲧⲉⲛⲁⲓ ⲛⲉⲉⲧⲁⲣⲉⲧⲉⲛⲧⲥⲁⲃⲉ ⲑⲏⲛⲟⲩ ⲉⲣⲱⲟⲩ ⲟⲩⲟϩ ⲁⲣⲉⲧⲉⲛϭⲓⲧⲟⲩ ⲟⲩⲟϩ ⲁⲣⲉⲧⲉⲛⲥⲟⲑⲙⲟⲩ ⲟⲩⲟϩ ⲁⲣⲉⲧⲉⲛⲛⲁⲩ ⲉⲣⲱⲟⲩ ⲛϧⲣⲏⲓ ⲛϧⲏⲧ ⲛⲁⲓ ⲁⲣⲓⲧⲟⲩ ⲟⲩⲟϩ ⲫⲛⲟⲩϯ ⲛⲧⲉϯϩⲓⲣⲏ ⲛⲏ ⲉϥⲉϣⲱⲡⲓ ⲛⲉⲙⲱⲧⲉⲛ .
The things which you learned, received, heard, and saw in me: do these things, and the God of peace will be with you.
4.10
ⲁⲓⲣⲁϣⲓ ⲇⲉ ⲉⲙⲁϣⲱ ϧⲉⲛⲡϭⲟⲓⲥ ϫⲉϩⲏⲇⲏ ⲁⲣⲉⲧⲉⲛⲫⲓⲣⲓ ⲉⲃⲟⲗ ⲛⲟⲩⲥⲏⲟⲩ ⲉⲩⲙⲉⲩⲓ ⲉⲑⲃⲏⲧϧⲉⲛⲫⲏ ⲉⲧⲁⲣⲉⲧⲉⲛⲙⲉⲩⲓ ⲉⲣⲟϥ ⲛⲁⲣⲉⲡⲓⲥⲏⲟⲩ ⲇⲉ ϯⲙⲙⲱⲧⲉⲛ ⲁⲛ ⲡⲉ .
But I rejoice in the Lord greatly, that now at length you have revived your thought for me; in which you did indeed take thought, but you lacked opportunity.
4.11
ⲟⲩⲭ ⲟⲧⲓ ϫⲉⲁⲓϫⲱ ⲙⲙⲟⲥ ⲕⲁⲧⲁⲟⲩⲙⲉⲧⲣⲉϥⲉⲣϧⲁⲉ ⲁⲛⲟⲕ ⲅⲁⲣ ⲁⲓⲉⲙⲓ ϧⲉⲛⲛⲏ ⲉϯ ⲛϧⲏⲧⲟⲩ ⲉⲣⲱϣⲓ ⲉⲣⲟⲓ .
Not that I speak in respect to lack, for I have learned in whatever state I am, to be content in it.
4.12
ϯⲥⲱⲟⲩⲛ ⲛⲑⲉⲃⲓⲟ ϯⲥⲱⲟⲩⲛ ⲛⲉⲣϩⲟⲩⲟ ϧⲉⲛϩⲱⲃ ⲛⲓⲃⲉⲛ ϯⲧⲥⲁⲃⲏⲟⲩⲧ ⲛⲉⲙⲛϧⲏⲧⲟⲩ ⲧⲏⲣⲟⲩ ⲛⲉⲙⲉⲥⲓ ⲛⲉⲙⲉϩⲕⲟ ⲛⲉⲙⲉⲉⲣϩⲟⲩⲟ ⲛⲉⲙⲉⲉⲣϧⲁⲉ .
I know how to be humbled, and I know also how to abound. In everything and in all things I have learned the secret both to be filled and to be hungry, both to abound and to be in need.
4.13
ϯϫⲉⲙϫⲟⲙ ϧⲉⲛϩⲱⲃ ⲛⲓⲃⲉⲛ ϧⲉⲛⲫⲏ ⲉⲧⲁϥϯⲛⲟⲙϯ ⲛⲏⲓ .
I can do all things through Christ, who strengthens me.
4.14
ⲡⲗⲏⲛ ⲕⲁⲗⲱⲥ ⲁⲣⲉⲧⲉⲛⲁⲓⲥ ⲉⲁⲣⲉⲧⲉⲛⲉⲣϣⲫⲏ ⲣⲉⲡⲁϩⲟϫϩⲉϫ .
However you did well that you shared in my affliction.
4.15
ⲧⲉⲧⲉⲛⲥⲱⲟⲩⲛ ⲇⲉ ϩⲱⲧⲉⲛ ⲛⲓⲣⲉⲙⲫⲓⲗⲓⲡⲡⲟⲓⲥ ϫⲉϧⲉⲛⲧⲁⲣⲭⲏ ⲙⲡⲓⲉⲩⲁⲅⲅⲉⲗⲓⲟⲛ ⲉⲧⲁⲓⲓ ⲉⲃⲟⲗ ϧⲉⲛⲧⲙⲁⲕⲉⲇⲟⲛⲓⲁ ⲙⲡⲉ ϩⲗⲓ ϧⲉⲛⲛⲓⲉⲕⲕⲗⲏⲥⲓⲁ ⲉⲣϣⲫⲏⲣ ⲉⲣⲟⲓ ϧⲉⲛⲟⲩϭⲓ ⲛⲉⲙⲟⲩϯⲉⲃⲏⲗ ⲉⲣⲱⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ .
You yourselves also know, you Philippians, that in the beginning of the Good News, when I departed from Macedonia, no assembly shared with me in the matter of giving and receiving but you only.
4.16
ϫⲉⲛϩⲣⲏⲓ ⲟⲛ ϧⲉⲛⲑⲉⲥⲥⲁⲗⲟⲛⲓⲕⲏ ⲛⲟⲩⲥⲟⲡ ⲛⲉⲙⲃⲁⲧⲉⲧⲉⲛⲟⲩⲱⲣⲡ ⲛⲏⲓ ⲛⲧⲁⲭⲣⲓⲁ .
For even in Thessalonica you sent once and again to my need.
4.17
ⲟⲩⲭ ⲟⲧⲓ ϫⲉⲁⲓⲕⲱϯ ⲛⲥⲁⲡⲓⲧⲁⲓⲟ ⲁⲗⲗⲁ ⲁⲓⲕⲱϯ ⲛⲥⲁⲡⲓⲟⲩⲧⲁϩ ⲉⲧⲉⲣϩⲟⲩⲟ ⲉⲡⲉⲧⲉⲛϩⲱⲃ .
Not that I seek for the gift, but I seek for the fruit that increases to your account.
4.18
ⲁⲓϭⲓ ⲇⲉ ⲛϩⲱⲃ ⲛⲓⲃⲉⲛ ⲟⲩⲟϩ ⲁⲓⲉⲣϩⲟⲩⲟ ⲁⲓⲙⲟϩ ⲉⲧⲁⲓϭⲓ ⲛⲧⲟⲧϥ ⲛⲉⲡⲁⲫⲣⲟⲇⲓⲧⲟⲥ ⲛⲛⲉⲧⲉⲛⲟⲩⲧⲉⲛ ⲛⲟⲩⲥⲑⲟⲓ ⲛⲥⲑⲟⲓⲛⲟⲩϥⲓ ⲛⲟⲩϣⲟⲩϣⲱⲟⲩϣⲓ ⲉϥϣⲏⲡ ⲉϥⲣⲁⲛⲁϥ ⲙⲫⲛⲟⲩϯ .
But I have all things, and abound. I am filled, having received from Epaphroditus the things that came from you, a sweet-smelling fragrance, an acceptable and well-pleasing sacrifice to God.
4.19
ⲡⲁⲛⲟⲩϯ ⲇⲉ ⲉϥⲉⲙⲁϩ ⲭⲣⲓⲁ ⲛⲓⲃⲉⲛ ⲛⲱⲧⲉⲛ ⲉⲃⲟⲗ ⲕⲁⲧⲁⲧⲉϥⲙⲉⲧⲣⲁⲙⲁⲟ ϧⲉⲛⲟⲩⲱⲟⲩ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ .
My God will supply every need of yours according to his riches in glory in Christ Jesus.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.