Luke (Bohairic Coptic)

Coptic New Testament (Bohairic) · 1,151 sections

15.6
ⲟⲩⲟϩ ⲁϥϣⲁⲛⲓ ⲉⲡⲓⲏⲓ ϣⲁϥⲙⲟⲩϯ ⲉⲛⲉϥϣⲫⲏⲣ ⲛⲉⲙⲛⲉϥⲑⲉϣⲉⲩ ⲉϥϫⲱ ⲙⲙⲟⲥ ⲛⲱⲟⲩ ϫⲉⲣⲁϣⲓ ⲛⲉⲙⲏⲓ ⲧⲏⲣⲟⲩ ϫⲉⲁⲓϫⲓⲙⲓ ⲙⲡⲁⲉⲥⲱⲟⲩ ⲉⲧⲁϥⲧⲁⲕⲟ .
When he comes home, he calls together his friends and his neighbors, saying to them, 'Rejoice with me, for I have found my sheep which was lost!'
15.7
ϯϫⲱ ⲙⲙⲟⲥ ⲛⲱⲧⲉⲛ ϫⲉⲟⲩⲟⲛ ⲟⲩⲣⲁϣⲓ ⲛⲁϣⲱⲡⲓ ϧⲉⲛⲧⲫⲉ ⲉϫⲉⲛⲟⲩⲣⲉϥⲉⲣⲛⲟⲃⲓ ⲛⲟⲩⲱⲧ ⲉϥⲉⲣⲙⲉⲧⲁⲛⲟⲓⲛ ⲓⲉ ⲉϫⲉⲛⲡⲓϥⲑ ⲛⲧⲙⲏⲓ .
I tell you that even so there will be more joy in heaven over one sinner who repents, than over ninety-nine righteous people who need no repentance.
15.8
ⲓⲉ ⲛⲓⲙ ⲛⲥϩⲓⲙⲓ ⲉⲧⲉⲟⲩⲟⲛⲧⲉⲥ ⲓⲛϫⲉⲥⲕⲓϯ ⲙⲙⲁⲩ ⲉϣⲱⲡ ⲁⲥϣⲁⲛⲧⲁⲕⲉ ⲟⲩⲓ ⲙⲙⲱⲟⲩ ⲙⲏ ⲙⲡⲁⲥϭⲉⲣⲉ ⲟⲩϧⲏⲃⲥ ⲟⲩⲟϩ ⲛⲧⲉⲥⲥⲁⲣϩ ⲡⲓⲏⲓ ⲟⲩⲟϩ ⲛⲧⲉⲥⲕⲱϯ ϧⲉⲛⲟⲩϥⲓⲣⲱⲟⲩϣ ϣⲁⲧⲉⲥϫⲉⲙⲥ .
Or what woman, if she had ten drachma coins, if she lost one drachma coin, wouldn't light a lamp, sweep the house, and seek diligently until she found it?
15.9
ⲟⲩⲟϩ ⲉϣⲱⲡ ⲁⲥϣⲁⲛϫⲉⲙⲥ ϣⲁⲥⲙⲟⲩϯ ⲉⲛⲉⲥϣⲫⲏⲣ ⲛⲉⲙⲛⲉⲥⲑⲉϣⲉⲩ ⲉⲥϫⲱ ⲙⲙⲟⲥ ϫⲉⲣⲁϣⲓ ⲛⲉⲙⲏⲓ ϫⲉⲁⲓϫⲓⲙⲓ ⲛⲧⲁϫⲉⲥⲕⲓϯ ⲉⲧⲁⲥⲧⲁⲕⲟ .
When she has found it, she calls together her friends and neighbors, saying, 'Rejoice with me, for I have found the drachma which I had lost.'
15.10
ⲡⲁⲓⲣⲏϯ ϯϫⲱ ⲙⲙⲟⲥ ⲛⲱⲧⲉⲛ ϫⲉϣⲁⲣⲉ ⲟⲩⲣⲁϣⲓ ϣⲱⲡⲓ ⲙⲡⲉⲙⲑⲟ ⲛⲛⲓⲁⲅⲅⲉⲗⲟⲥ ⲛⲧⲉⲫⲛⲟⲩϯ ⲉϫⲉⲛⲟⲩⲣⲉϥⲉⲣⲛⲟⲃⲓ ⲛⲟⲩⲱⲧ ⲉϥⲉⲣⲙⲉⲧⲁⲛⲟⲓⲛ .
Even so, I tell you, there is joy in the presence of the angels of God over one sinner repenting.'
15.11
ⲡⲉϫⲁϥ ⲇⲉ ϫⲉⲛⲉⲟⲩⲟⲛ ⲟⲩⲣⲱⲙⲓ ⲉⲟⲩⲟⲛⲧⲉϥ ϣⲏⲣⲓ ⲃⲙⲙⲁⲩ .
He said, 'A certain man had two sons.
15.12
ⲟⲩⲟϩ ⲡⲉϫⲉ ⲡⲓⲕⲟⲩϫⲓ ⲉⲧⲉⲛϧⲏⲧⲟⲩ ⲙⲡⲉϥⲓⲱⲧ ϫⲉⲡⲁⲓⲱⲧ ⲙⲟⲓ ⲛⲏⲓ ⲛⲧⲁⲧⲟⲓ ⲛⲧⲉϯⲟⲩⲥⲓⲁ ⲛⲑⲟϥ ⲇⲉ ⲁϥⲫⲱϣ ⲙⲡⲓⲱⲛϧ ⲉϩⲣⲁⲩ .
The younger of them said to his father, 'Father, give me my share of your property.' He divided his livelihood between them.
15.13
ⲟⲩⲟϩ ⲙⲉⲛⲉⲛⲥⲁⲟⲩⲙⲏϣ ⲛⲉϩⲟⲟⲩ ⲁⲛ ⲁϥⲑⲱⲟⲩⲧ ⲛϩⲱⲃ ⲛⲓⲃⲉⲛ ⲛϫⲉⲡⲓⲕⲟⲩϫⲓ ⲛϣⲏⲣⲓ ⲁϥϣⲉ ⲛⲁϥ ⲉⲡϣⲉⲙⲙⲟ ⲉⲟⲩⲭⲱⲣⲁ ⲉⲥⲟⲩⲏⲟⲩ ⲟⲩⲟϩ ⲁϥϫⲉⲣ ⲧⲉϥⲟⲩⲥⲓⲁ ⲉⲃⲟⲗ ⲙⲙⲁⲩ ⲉϥⲟⲛϧ ϧⲉⲛⲟⲩⲙⲉⲧⲁⲧⲟⲩϫⲁⲓ .
Not many days after, the younger son gathered all of this together and traveled into a far country. There he wasted his property with riotous living.
15.14
ⲉⲧⲁϥⲟⲩⲱ ⲇⲉ ⲉϥϭⲟ ⲛϩⲱⲃ ⲛⲓⲃⲉⲛ ⲉⲃⲟⲗ ⲁϥϣⲱⲡⲓ ⲛϫⲉⲟⲩⲛⲓϣϯ ⲛϩⲃⲱⲛ ϧⲉⲛϯⲭⲱⲣⲁ ⲉⲧⲉⲙⲙⲁⲩ ⲟⲩⲟϩ ⲛⲑⲟϥ ϩⲱϥ ⲁϥⲉⲣϩⲏ ⲧⲥ ⲛⲉⲣϧⲁⲉ
When he had spent all of it, there arose a severe famine in that country, and he began to be in need.
15.15
ⲟⲩⲟϩ ⲁϥϣⲉ ⲛⲁϥ ⲁϥⲧⲟⲙϥ ⲉⲟⲩⲁⲓ ⲛⲛⲓⲣⲉⲙⲃⲁⲕⲓ ⲛⲧⲉϯⲭⲱⲣⲁ ⲉⲧⲉⲙⲙⲁⲩ ⲟⲩⲟϩ ⲁϥⲟⲩⲟⲣⲡϥ ⲉⲧⲕⲟⲓ ⲉⲙⲟⲛⲓ ⲛϩⲁⲛⲉϣⲁⲩ .
He went and joined himself to one of the citizens of that country, and he sent him into his fields to feed pigs.
15.16
ⲟⲩⲟϩ ⲛⲁϥⲉⲣⲉⲡⲓⲑⲩⲙⲓⲛ ⲉⲙⲁϩ ϧⲏⲧϥ ⲉⲃⲟⲗ ϧⲉⲛⲛⲓϫⲓⲛⲓⲣⲓ ⲛⲏ ⲉⲛⲁⲩⲟⲩⲟⲙⲟⲩ ⲛϫⲉⲛⲓⲉϣⲁⲩ ⲟⲩⲟϩ ⲛⲉⲙⲙⲟⲛ ϩⲗⲓ ϯⲛⲁϥ ⲡⲉ .
He wanted to fill his belly with the husks that the pigs ate, but no one gave him any.
15.17
ⲉⲧⲁ ⲡⲉϥϩⲏⲧ ⲇⲉ ⲓⲉⲣⲟϥ ⲡⲉϫⲁϥ ϫⲉⲟⲩⲟⲛ ⲟⲩⲏⲣ ⲛⲣⲉⲙⲃⲉⲭⲉ ⲛⲧⲉⲡⲁⲓⲱⲧ ⲡⲓⲱⲓⲕ ⲟⲓ ⲛϩⲟⲩⲟ ⲉⲣⲱⲟⲩ ⲁⲛⲟⲕ ⲇⲉ ϯⲛⲁⲧⲁⲕⲟ ⲙⲡⲁⲓⲙⲁ ϧⲉⲛⲟⲩϩⲃⲱⲛ .
But when he came to himself he said, 'How many hired servants of my father's have bread enough to spare, and I'm dying with hunger!
15.18
ϯⲛⲁⲧⲱⲛⲧ ⲛⲧⲁϣⲉ ⲛⲏⲓ ϩⲁⲡⲁⲓⲱⲧ ⲟⲩⲟϩ ⲛⲧⲁϫⲟⲥ ⲛⲁϥ ϫⲉⲡⲁⲓⲱⲧ ⲁⲓⲉⲣⲛⲟⲃⲓ ⲉⲧⲫⲉ ⲛⲉⲙⲡⲉⲕⲙⲑⲟ ⲉⲃⲟⲗ .
I will get up and go to my father, and will tell him, 'Father, I have sinned against heaven, and in your sight.
15.19
ⲛϯⲙⲡϣⲁ ⲁⲛ ϫⲉⲉⲑⲣⲟⲩⲙⲟⲩϯ ⲉⲣⲟⲓ ϫⲉⲡⲉⲕϣⲏⲣⲓ ⲁⲣⲓⲧ ⲙⲫⲣⲏϯ ⲛⲟⲩⲁⲓ ⲛⲛⲉⲕⲣⲉⲙⲃⲉⲭ ⲉ .
I am no more worthy to be called your son. Make me as one of your hired servants.''
15.20
ⲟⲩⲟϩ ⲁϥⲧⲱⲛϥ ⲁϥⲓ ϩⲁⲡⲉϥⲓⲱⲧ ⲉⲧⲓ ⲇⲉ ⲓⲥϫⲉⲛ ⲉϥⲟⲩⲏⲟⲩ ⲙⲙⲟϥ ⲁϥⲛⲁⲩ ⲉⲣⲟϥ ⲛϫⲉⲡⲉϥⲓⲱⲧ ⲟⲩⲟϩ ⲁϥϣⲉⲛϩⲏⲧ ⲁϥϭⲟϫⲓ ⲁϥϩⲓⲧϥ ⲉϫⲉⲛⲧⲉϥⲛⲁϩⲃⲓ ⲟⲩⲟϩ ⲁϥϯⲫⲓ ⲉⲣⲱϥ
'He arose, and came to his father. But while he was still far off, his father saw him, and was moved with compassion, and ran, and fell on his neck, and kissed him.
15.21
ⲡⲉϫⲉ ⲡⲉϥϣⲏⲣⲓ ⲇⲉ ⲛⲁϥ ϫⲉⲡⲁⲓⲱⲧ ⲁⲓⲉⲣⲛⲟⲃⲓ ⲉⲧⲫⲉ ⲛⲉⲙⲡⲉⲕⲙⲑⲟ ⲉⲃⲟⲗ ⲛϯⲙⲡϣⲁ ⲁⲛ ϫⲉⲉⲑⲣⲟⲩⲙⲟⲩϯ ⲉⲣⲟⲓ ϫⲉⲡⲉⲕϣⲏ ⲣⲓ .
The son said to him, 'Father, I have sinned against heaven, and in your sight. I am no longer worthy to be called your son.'
15.22
ⲡⲉϫⲉ ⲡⲉϥⲉⲓⲱⲧ ⲇⲉ ⲛⲛⲉϥⲉⲃⲓⲁⲓⲕ ⲭⲱⲗⲉⲙ ⲁⲛⲓⲟⲩⲓ ⲉⲃⲟⲗ ⲛϯϩⲟⲩⲓϯ ⲛⲥⲧⲟⲗⲏ ⲟⲩⲟϩ ⲙⲏⲓⲥ ϩⲓⲱⲧϥ ⲟⲩⲟϩ ⲙⲁ ⲟⲩϣϭⲟⲩⲣ ⲉⲧⲉϥϫⲓϫ ⲛⲉⲙⲟⲩⲑⲱⲟⲩⲓ ⲉⲛⲉϥϭⲁⲗⲁⲩϫ .
'But the father said to his servants, 'Bring out the best robe, and put it on him. Put a ring on his hand, and shoes on his feet.
15.23
ⲟⲩⲟϩ ⲁⲛⲓⲟⲩⲓ ⲙⲡⲓⲙⲁⲥⲓ ⲉⲧϣⲁⲛⲉⲩϣ ϣⲁⲧϥ ⲟⲩⲟϩ ⲛⲧⲉⲛⲟⲩⲱⲙ ⲟⲩⲟϩ ⲛⲧⲉⲛⲟⲩⲛⲟϥ ⲙⲙⲟⲛ .
Bring the fattened calf, kill it, and let us eat, and celebrate;
15.24
ϫⲉⲡⲁϣⲏⲣⲓ ⲫⲁⲓ ⲛⲁϥⲙⲱⲟⲩⲧ ⲡⲉ ⲟⲩⲟϩ ⲁϥⲱⲛϧ ⲛⲁϥⲧⲁⲕⲏⲟⲩⲧ ⲡⲉ ⲟⲩⲟϩ ⲁⲛϫⲉⲙϥ ⲟⲩⲟϩ ⲁⲩⲉⲣϩⲏⲧⲥ ⲛⲟⲩⲛⲟϥ ⲙⲙⲱⲟⲩ .
for this, my son, was dead, and is alive again. He was lost, and is found.' They began to celebrate.
15.25
ⲡⲉϥⲛⲓϣϯ ⲇⲉ ⲛϣⲏⲣⲓ ⲛⲁϥⲭⲏ ϧⲉⲛⲧⲕⲟⲓ ⲟⲩⲟϩ ϩⲱⲥ ⲉϥⲛⲏⲟⲩ ⲉϩⲣⲏⲓ ⲁϥϧⲱⲛⲧ ⲉⲡⲓⲏⲓ ⲁϥⲥⲱⲧⲉⲙ ⲉⲟⲩⲥⲩⲙⲫⲱⲛⲓⲁ ⲛⲉⲙϩⲁⲛⲭⲟⲣⲟⲥ .
'Now his elder son was in the field. As he came near to the house, he heard music and dancing.
15.26
ⲟⲩⲟϩ ⲉⲧⲁϥⲙⲟⲩϯ ⲉⲟⲩⲁⲓ ⲛⲛⲓⲁⲗⲱⲟⲩⲓ ⲛⲁϥϣⲓⲛⲓ ⲙⲙⲟϥ ϫⲉⲟⲩ ⲛⲉⲛⲁⲓ
He called one of the servants to him, and asked what was going on.
15.27
ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉⲡⲉⲕⲥⲟⲛ ⲁϥⲓ ⲟⲩⲟϩ ⲡⲉⲕⲓⲱⲧ ϣⲱⲧ ⲙⲡⲓⲙⲁⲥⲓ ⲉⲧϣⲁⲛⲉⲩϣ ϫⲉⲁϥϭⲓⲧϥ ⲉϥⲟⲩⲟϫ .
He said to him, 'Your brother has come, and your father has killed the fattened calf, because he has received him back safe and healthy.'
15.28
ⲁϥϫⲱⲛⲧ ⲇⲉ ⲟⲩⲟϩ ⲙⲡⲉϥⲟⲩⲱϣ ⲉⲓ ⲉϧⲟⲩⲛ ⲡⲉϥⲉⲓⲱⲧ ⲇⲉ ⲉⲧⲁϥⲓ ⲉⲃⲟⲗ ⲛⲁϥϯϩⲟ ⲉⲣⲟϥ ⲡⲉ .
But he was angry, and would not go in. Therefore his father came out, and begged him.
15.29
ⲛⲑⲟϥ ⲇⲉ ⲉⲧⲁϥⲉⲣⲟⲩⲱ ⲡⲉϫⲁϥ ⲙⲡⲉϥⲓⲱⲧ ϫⲉⲓⲥ ⲟⲩⲏⲣ ⲛⲣⲟⲙⲡⲓ ϯⲟⲓ ⲙⲃⲱⲕ ⲛⲁⲕ ⲟⲩⲟϩ ⲙⲡⲓⲉⲣⲥⲁⲃⲟⲗ ⲛⲟⲩⲉⲛⲧⲟⲗⲏ ⲛⲧⲁⲕ ⲉⲛⲉϩ ⲟⲩⲟϩ ⲁⲛⲟⲕ ⲙⲡⲉⲕϯ ⲛⲟⲩⲙⲁⲥⲓ ⲙⲃⲁⲉⲙⲡⲓ ⲛⲏⲓ ⲉⲛⲉϩ ϩⲓⲛⲁ ⲛⲧⲁⲟⲩⲛⲟϥ ⲙⲙⲟⲓ ⲛⲉⲙⲛⲁϣⲫⲏⲣ .
But he answered his father, 'Behold, these many years I have served you, and I never disobeyed a commandment of yours, but you never gave me a goat, that I might celebrate with my friends.
15.30
ϩⲟⲧⲉ ⲇⲉ ⲉⲧⲁϥⲓ ⲛϫⲉⲡⲉⲕϣⲏⲣⲓ ⲫⲁⲓ ⲉⲧⲁϥⲟⲩⲱⲙ ⲙⲡⲉϥⲱⲛϧ ⲛⲉⲙⲛⲓⲡⲟⲣⲛⲟⲥ ⲁⲕϣⲱⲧ ⲛⲁϥ ⲙⲡⲓⲙⲁⲥⲓ ⲉⲧϣⲁⲛⲉⲩϣ
But when this, your son, came, who has devoured your living with prostitutes, you killed the fattened calf for him.'
15.31
ⲛⲑⲟϥ ⲇⲉ ⲡⲉϫⲁϥ ⲛⲁϥ ϫⲉⲡⲁϣⲏⲣⲓ ⲛⲑⲟⲕ ⲭⲏ ⲛⲉⲙⲏⲓ ⲛⲥⲏⲟⲩ ⲛⲓⲃⲉⲛ ⲟⲩⲟϩ ⲛⲏ ⲉⲧⲉⲛⲟⲩⲓ ⲧⲏⲣⲟⲩ ⲛⲟⲩⲕ ⲛⲉ .
'He said to him, 'Son, you are always with me, and all that is mine is yours.
15.32
ⲛⲁⲥⲙⲡϣⲁ ⲛⲧⲉⲛⲟⲩⲛⲟϥ ⲙⲙⲟⲛ ⲟⲩⲟϩ ⲛⲧⲉⲛⲣⲁϣⲓ ϫⲉⲡⲉⲕⲥⲟⲛ ⲫⲁⲓ ⲛⲁϥⲙⲱⲟⲩⲧ ⲡⲉ ⲟⲩⲟϩ ⲁϥⲱⲛϧ ⲛⲁϥⲧⲁⲕⲏⲟⲩⲧ ⲡⲉ ⲟⲩⲟϩ ⲁⲛϫⲉⲙϥ .
But it was appropriate to celebrate and be glad, for this, your brother, was dead, and is alive again. He was lost, and is found.''
16.1
ⲛⲁϥϫⲱ ⲇⲉ ⲙⲙⲟⲥ ⲛⲛⲓⲙⲁⲑⲏⲧⲏⲥ ϫⲉⲛⲉⲟⲩⲟⲛ ⲟⲩⲣⲱⲙⲓ ⲛⲣⲁⲙⲁⲟ ⲉⲟⲩⲟⲛ ⲛⲧⲁϥ ⲙⲙⲁⲩ ⲛⲟⲩⲟⲓⲕⲟⲛⲟⲙⲟⲥ ⲟⲩⲟϩ ⲫⲁⲓ ⲁⲩⲉⲣⲇⲓⲁⲃⲟⲗⲓⲛ ⲙⲙⲟϥ ϧⲁⲧⲟⲧϥ ϩⲱⲥ ⲉϥϫⲱⲣ ⲛⲛⲉϥϩⲩⲡⲁⲣⲭ ⲟⲛⲧⲁ ⲉⲃⲟⲗ
He also said to his disciples, 'There was a certain rich man who had a manager. An accusation was made to him that this man was wasting his possessions.
16.2
ⲟⲩⲟϩ ⲉⲧⲁϥⲙⲟⲩϯ ⲉⲣⲟϥ ⲡⲉϫⲁϥ ⲛⲁϥ ϫⲉⲟⲩ ⲡⲉ ⲫⲁⲓ ⲉϯⲥⲱⲧⲉⲙ ⲉⲣⲟϥ ⲉⲑⲃⲏⲧⲕ ⲙⲁ ⲡⲱⲡ ⲛϯⲙⲉⲧⲟⲓⲕⲟⲛⲟⲙⲟⲥ ⲟⲩ ⲅⲁⲣ ⲭⲛⲁⲉⲣⲟⲓⲕⲟⲛⲟⲙⲟⲥ ⲁⲛ ϫⲉ .
He called him, and said to him, 'What is this that I hear about you? Give an accounting of your management, for you can no longer be manager.'
16.3
ⲡⲉϫⲁϥ ⲇⲉ ⲛϧⲣⲏⲓ ⲛϧⲏⲧϥ ⲛϫⲉⲡⲓⲟⲓⲕⲟⲛⲟⲙⲟⲥ ϫⲉⲟⲩ ⲡⲉϯⲛⲁⲁⲓϥ ⲡⲁϭⲟⲓⲥ ⲛⲁⲱⲗⲓ ⲛϯⲙⲉⲧⲟⲓⲕⲟⲛⲟⲙⲟⲥ ⲛⲧⲟⲧⲛϯⲛⲁϣϫⲉⲙϫⲟⲙ ⲁⲛ ⲉϭⲣⲏ ⲟⲩⲟϩ ϯϣⲓⲡⲓ ⲉϣⲁⲧ ⲙⲉⲑⲛⲁⲓ .
'The manager said within himself, 'What will I do, seeing that my lord is taking away the management position from me? I don't have strength to dig. I am ashamed to beg.
16.4
ⲁⲓⲉⲙⲓ ϫⲉⲟⲩ ⲡⲉϯⲛⲁⲁⲓϥ ϩⲓⲛⲁ ϩⲟⲧⲁⲛ ⲁⲩϣⲁⲛϩⲓⲧ ⲉⲃⲟⲗ ϧⲉⲛϯⲙⲉⲧⲟⲓⲕⲟⲛⲟⲙⲟⲥ ⲛⲥⲉϣⲟⲡⲧ ⲉⲣⲱⲟⲩ ⲉϧⲟⲩⲛ ⲉⲛⲟⲩⲏⲟⲩ .
I know what I will do, so that when I am removed from management, they may receive me into their houses.'
16.5
ⲟⲩⲟϩ ⲉⲧⲁϥⲙⲟⲩϯ ⲉⲫⲟⲩⲁⲓ ⲫⲟⲩⲁⲓ ⲛⲛⲏ ⲉⲧⲉⲟⲩⲟⲛ ⲛⲧⲉⲡⲉϥϭⲟⲓⲥ ⲉⲣⲱⲟⲩ ⲛⲁϥϫⲱ ⲙⲙⲟⲥ ⲙⲡⲓϩⲟⲩⲓⲧ ϫⲉⲟⲩⲟⲛ ⲟⲩⲏⲣ ⲉⲣⲟⲕ ⲛⲧⲉⲡⲁϭⲥ
Calling each one of his lord's debtors to him, he said to the first, 'How much do you owe to my lord?'
16.6
ⲛⲑⲟϥ ⲇⲉ ⲡⲉϫⲁϥ ϫⲉⲣⲙⲃⲁⲧⲟⲥ ⲛⲛⲉϩ ⲛⲑⲟϥ ⲇⲉ ⲡⲉϫⲁϥ ϫⲉⲙⲟ ⲉⲛⲉⲕⲥϧⲁⲓ ⲟⲩⲟϩ ϩⲉⲙⲥⲓ ⲛⲭⲱⲗⲉⲙ ⲥϧⲁⲓ ⲉⲛ .
He said, 'A hundred batos of oil.' He said to him, 'Take your bill, and sit down quickly and write fifty.'
16.7
ⲓⲧⲁ ⲡⲉϫⲁϥ ⲛⲕⲉⲟⲩⲁⲓ ϫⲉⲛⲑⲟⲕ ⲇⲉ ⲟⲩⲟⲛ ⲟⲩⲏⲣ ⲉⲣⲟⲕ ⲛⲑⲟϥ ⲇⲉ ⲡⲉϫⲁϥ ϫⲉⲣ ⲛⲕⲟⲣⲟⲥ ⲛⲥⲟⲩⲟ ⲡⲉϫⲁϥ ⲛⲁϥ ϫⲉⲙⲟ ⲉⲛⲉⲕⲥϧⲁⲓ ⲟⲩⲟϩ ⲥϧⲁⲓ ⲉⲡ .
Then said he to another, 'How much do you owe?' He said, 'A hundred cors of wheat.' He said to him, 'Take your bill, and write eighty.'
16.8
ⲟⲩⲟϩ ⲁⲡϭⲟⲓⲥ ϣⲟⲩϣⲟⲩ ⲉϫⲉⲛⲡⲓⲟⲓⲕⲟⲛⲟⲙⲟⲥ ⲛⲧⲉϯⲁⲇⲓⲕⲓⲁ ϫⲉⲁϥⲓⲣⲓ ϧⲉⲛⲟⲩⲙⲉⲧⲥⲁⲃⲉ ϫⲉⲛⲓϣⲏⲣⲓ ⲛⲧⲉⲡⲁⲓⲉⲛⲉϩ ϩⲁⲛⲥⲁⲃⲉⲩ ⲛⲉⲉϩⲟⲧⲉ ⲛⲓϣⲏⲣⲓ ⲛⲧⲉⲫⲟⲩⲱⲓⲛⲓ ϧⲉⲛⲧⲟⲩⲅⲉⲛⲉⲁ .
'His lord commended the dishonest manager because he had done wisely, for the children of this world are, in their own generation, wiser than the children of the light.
16.9
ⲟⲩⲟϩ ⲁⲛⲟⲕ ϩⲱ ϯϫⲱ ⲙⲙⲟⲥ ⲛⲱⲧⲉⲛ ϫⲉⲙⲁⲑⲁⲙⲓⲟ ⲛⲱⲧⲉⲛ ⲛϩⲁⲛϣⲫⲏⲣ ⲉⲃⲟⲗ ϧⲉⲛⲙⲁⲙⲱⲛⲁ ⲛⲧⲉⲧⲁⲇⲓⲕⲓⲁ ϩⲓⲛⲁ ϩⲟⲧⲁⲛ ⲁⲩϣⲁⲛⲙⲟⲩⲛⲕ ⲛⲧⲟⲩϣⲉⲡ ⲑⲏⲛⲟⲩ ⲉϧⲟⲩⲛ ⲉⲛⲓⲥⲕⲩⲛⲏ ⲛⲉⲛⲉϩ .
I tell you, make for yourselves friends by means of unrighteous mammon, so that when you fail, they may receive you into the eternal tents.
16.10
ⲡⲓⲡⲓⲥⲧⲟⲥ ϧⲉⲛⲟⲩⲕⲟⲩϫⲓ ⲟⲩⲡⲓⲥⲧⲟⲥ ⲟⲛ ⲡⲉ ϧⲉⲛⲟⲩⲛⲓϣϯ ⲟⲩⲟϩ ⲫⲏ ⲉⲧϭⲓⲛϫⲟⲛⲥ ϧⲉⲛⲟⲩⲕⲟⲩϫⲓ ϥϭⲓⲛϫⲟⲛⲥ ⲟⲛ ϧⲉⲛⲟⲩⲛⲓϣϯ .
He who is faithful in a very little is faithful also in much. He who is dishonest in a very little is also dishonest in much.
16.11
ⲓⲥϫⲉ ⲟⲩⲛ ϧⲉⲛⲡⲓⲁⲇⲓⲕⲟⲥ ⲙⲁⲙⲱⲛⲁ ⲙⲡⲉⲧⲉⲛϣⲱⲡⲓ ⲉⲣⲉⲧⲉⲛⲛϩⲟⲧ ⲡⲓⲧⲁⲫⲙⲏⲓ ⲇⲉ ⲛⲓⲙ ⲉⲑⲛⲁϣⲧⲉⲛϩⲉⲧ ⲑⲏⲛⲟⲩ ⲉⲣⲟϥ .
If therefore you have not been faithful in the unrighteous mammon, who will commit to your trust the true riches?
16.12
ⲟⲩⲟϩ ⲓⲥϫⲉ ϧⲉⲛⲡⲉⲧⲉⲫⲱⲧⲉⲛ ⲁⲛ ⲡⲉ ⲙⲡⲉⲧⲉⲛϣⲱⲡⲓ ⲉⲣⲉⲧⲉⲛⲛϩⲟⲧ ⲡⲉⲧⲉⲫⲱⲧⲉⲛ ⲛⲓⲙ ⲉⲑⲛⲁϣⲧⲏⲓϥ ⲛⲱⲧⲉⲛ .
If you have not been faithful in that which is another's, who will give you that which is your own?
16.13
ⲙⲙⲟⲛ ϩⲗⲓ ⲙⲃⲱⲕ ⲛⲁϣϫⲉⲙϫⲟⲙ ⲛⲉⲣⲃⲱⲕ ⲛϭⲟⲓⲥ ⲃⲓⲉ ⲅⲁⲣ ⲛⲧⲉϥⲙⲉⲥⲧⲉ ⲟⲩⲁⲓ ⲟⲩⲟϩ ⲡⲓⲕⲉⲟⲩⲁⲓ ⲛⲧⲉϥⲙⲉⲛⲣⲓⲧϥ ⲓⲉ ⲛⲧⲉϥⲥⲱⲧⲉⲙ ⲛⲥⲁⲟⲩⲁⲓ ⲟⲩⲟϩ ⲡⲓⲕⲉⲟⲩⲁⲓ ⲛⲧⲉϥⲉⲣⲕⲁⲧⲁⲫⲣⲟⲛⲓⲛ ⲙⲙⲟϥ ⲙⲙⲟⲛ ϣϫⲟⲙ ⲙⲙⲱⲧⲉⲛ ⲉⲉⲣⲃⲱⲕ ⲙⲫⲛⲟⲩϯ ⲛⲉⲙⲙⲁⲙⲱⲛⲁ .
No servant can serve two masters, for either he will hate the one, and love the other; or else he will hold to one, and despise the other. You aren't able to serve God and mammon.'
16.14
ⲛⲁⲩⲥⲱⲧⲉⲙ ⲇⲉ ⲉⲛⲁⲓ ⲧⲏⲣⲟⲩ ⲛϫⲉⲛⲓⲫⲁⲣⲓⲥⲁⲓⲟⲥ ⲉⲧⲟⲓ ⲙⲙⲁⲓϩⲁⲧ ⲟⲩⲟϩ ⲛⲁⲩⲉⲗⲕϣⲁⲓ ⲛⲥⲱϥ ⲡⲉ .
The Pharisees, who were lovers of money, also heard all these things, and they scoffed at him.
16.15
ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲛⲑⲱⲧⲉⲛ ⲛⲉⲛⲏ ⲉⲧⲑⲙⲁⲓⲟ ⲙⲙⲱⲟⲩ ⲙⲡⲉⲙⲑⲟ ⲛⲛⲓⲣⲱⲙⲓ ⲫⲛⲟⲩϯ ⲇⲉ ϥⲥⲱⲟⲩⲛ ⲛⲛⲉⲧⲉⲛϩⲏⲧ ϫⲉⲡϭⲓⲥⲓ ⲛϩⲏ ⲧⲉⲧϧⲉⲛ ⲡⲓⲣⲱⲙⲓ ⲟⲩⲥⲱϥ ⲡⲉ ⲙⲡⲉⲙⲑⲟ ⲙⲫⲛⲟⲩϯ .
He said to them, 'You are those who justify yourselves in the sight of men, but God knows your hearts. For that which is exalted among men is an abomination in the sight of God.
16.16
ⲡⲓⲛⲟⲙⲟⲥ ⲛⲉⲙⲛⲓⲡⲣⲟⲫⲏⲧⲏⲥ ϣⲁⲓⲱⲁⲛⲛⲏⲥ ⲓⲥϫⲉⲛ ⲡⲓⲥⲏⲟⲩ ⲉⲧⲉⲙⲙⲁⲩ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲥⲉϩⲓⲱⲓϣ ⲙⲙⲟⲥ ⲟⲩⲟϩ ⲟⲩⲟⲛ ⲛⲓⲃⲉⲛ ⲥⲉϭⲓ ⲙⲙⲟϥ ⲛϫⲟⲛⲥ ⲉⲣⲟⲥ .
The law and the prophets were until John. From that time the Good News of the Kingdom of God is preached, and everyone is forcing his way into it.
16.17
ⲥⲙⲟⲧⲉⲛ ⲇⲉ ⲛⲧⲉⲧⲫⲉ ⲛⲉⲙⲡⲕⲁϩⲓ ⲥⲓⲛⲓ ⲉϩⲟⲧⲉ ⲛⲧⲉⲟⲩⲕⲉⲣⲉⲁ ϩⲉⲓ ⲉⲃⲟⲗ ϧⲉⲛⲡⲓⲛⲟⲙⲟⲥ .
But it is easier for heaven and earth to pass away, than for one tiny stroke of a pen in the law to fall.
16.18
ⲟⲩⲟⲛ ⲛⲓⲃⲉⲛ ⲉⲧϩⲓⲟⲩⲓ ⲛⲧⲉϥⲥϩⲓⲙⲓ ⲉⲃⲟⲗ ⲟⲩⲟϩ ⲉⲧϭⲓ ⲛⲕⲉⲟⲩⲁⲓ ϥⲟⲓ ⲛⲛⲱⲓⲕ ⲟⲩⲟϩ ⲫⲏ ⲉⲧϭⲓ ⲛⲑⲏ ⲉⲧϩⲱⲟⲩⲓ ⲉⲃⲟⲗ ⲛⲧⲉⲛⲡⲉⲥϩⲁⲓ ϥⲟⲓ ⲛⲛⲱⲓⲕ .
Everyone who divorces his wife, and marries another, commits adultery. He who marries one who is divorced from a husband commits adultery.
16.19
ⲛⲉ ⲟⲩⲟⲛ ⲟⲩⲣⲱⲙⲓ ⲇⲉ ⲡⲉ ⲛⲣⲁⲙⲁⲟ ⲟⲩⲟϩ ⲛⲉϣⲁϥϯ ⲛⲟⲩⲡⲟⲣⲫⲩⲣⲁ ϩⲓⲱⲧϥ ⲛⲉⲙⲟⲩϣⲉⲛⲥ ⲉϥⲟⲩⲛⲟϥ ⲙⲙⲏⲓⲛⲓ ϧⲉⲛⲟⲩⲥⲟⲗⲥⲉⲗ .
'Now there was a certain rich man, and he was clothed in purple and fine linen, living in luxury every day.
16.20
ⲟⲩϩⲏⲕⲓ ⲇⲉ ϩⲱϥ ⲉⲡⲉϥⲣⲁⲛ ⲡⲉ ⲗⲁⲍⲁⲣⲟⲥ ⲉϥϩⲱⲟⲩⲓ ⲉⲡⲉϥⲡⲩⲗⲱⲛ ⲉϥⲟⲓ ⲛϣⲁϣ
A certain beggar, named Lazarus, was laid at his gate, full of sores,
16.21
ⲟⲩⲟϩ ⲉϥⲉⲣⲉⲡⲓⲑⲩⲙⲓⲛ ⲉⲙⲁϩ ϧⲏⲧϥ ⲉⲃⲟⲗ ϧⲉⲛⲛⲏ ⲉϣⲁⲩϩⲉⲓ ⲉⲃⲟⲗ ϩⲓϯⲧⲣⲁⲡⲉⲍⲁ ⲛⲧⲉⲡⲓⲣⲁⲙⲁⲟ ⲁⲗⲗⲁ ⲛⲓⲕⲉⲟⲩϩⲱⲣ ⲛⲁⲩⲛⲏⲟⲩ ⲉⲩⲗⲱϫϩ ⲛⲛⲉϥϣⲁϣ .
and desiring to be fed with the crumbs that fell from the rich man's table. Yes, even the dogs came and licked his sores.
16.22
ⲁⲥϣⲱⲡⲓ ⲇⲉ ⲉⲑⲣⲉϥⲙⲟⲩ ⲛϫⲉⲡⲓϩⲏⲕⲓ ⲟⲩⲟϩ ⲛⲧⲟⲩⲟⲗϥ ⲉⲃⲟⲗ ϩⲓⲧⲉⲛϩⲁⲛⲁⲅⲅⲉⲗⲟⲥ ⲉⲕⲉⲛϥ ⲛⲁⲃⲣⲁⲁⲙ ⲁϥⲙⲟⲩ ⲇⲉ ϩⲱϥ ⲛϫⲉⲡⲓⲣⲁⲙⲁⲟ ⲟⲩⲟϩ ⲁⲩⲕⲟⲥϥ .
It happened that the beggar died, and that he was carried away by the angels to Abraham's bosom. The rich man also died, and was buried.
16.23
ⲟⲩⲟϩ ⲛϧⲣⲏⲓ ϧⲉⲛⲁⲙⲉⲛϯ ⲉⲧⲁϥϥⲁⲓ ⲛⲛⲉϥⲃⲁⲗ ⲉⲡϣⲱⲓ ⲉϥⲭⲏ ϧⲉⲛϩⲁⲛⲙⲕⲁⲩϩ ⲁϥⲛⲁⲩ ⲉⲁⲃⲣⲁⲁⲙ ϩⲓⲫⲟⲩⲉⲓ ⲟⲩⲟϩ ⲗⲁⲍⲁⲣⲟⲥ ϧⲉⲛⲕⲉⲛϥ
In Hades, he lifted up his eyes, being in torment, and saw Abraham far off, and Lazarus at his bosom.
16.24
ⲟⲩⲟϩ ⲛⲑⲟϥ ⲉⲧⲁϥⲙⲟⲩϯ ⲡⲉϫⲁϥ ϫⲉⲡⲁⲓⲱⲧ ⲁⲃⲣⲁⲁⲙ ⲛⲁⲓ ⲛⲏⲓ ⲟⲩⲟϩ ⲟⲩⲱⲣⲡ ⲛⲗⲁⲍⲁⲣⲟⲥ ϩⲓⲛⲁ ⲛⲧⲉϥⲥⲉⲡ ϩⲑⲏϥ ⲙⲡⲉϥⲧⲏⲃ ⲙⲙⲱⲟⲩ ⲟⲩⲟϩ ⲛⲧⲉϥϯⲭⲃⲟⲃ ⲙⲡⲁⲗⲁⲥ ϫⲉϯⲙⲟⲕϩ ⲛϧⲣⲏⲓ ϧⲉⲛⲡⲁⲓϣⲁϩ .
He cried and said, 'Father Abraham, have mercy on me, and send Lazarus, that he may dip the tip of his finger in water, and cool my tongue! For I am in anguish in this flame.'
16.25
ⲡⲉϫⲉ ⲁⲃⲣⲁⲁⲙ ϫⲉⲡⲁϣⲏⲣⲓ ⲁⲣⲓⲫⲙⲉⲩⲓ ϫⲉⲁⲕⲟⲩⲱ ⲉⲕϭⲓ ⲛⲛⲉⲕⲁⲅⲁⲑⲟⲛ ϧⲉⲛⲡⲉⲕⲱⲛϧ ⲟⲩⲟϩ ⲗⲁⲍⲁⲣⲟⲥ ϩⲱϥ ⲛⲛⲓⲡⲉⲧϩⲱⲟⲩ ϯⲛⲟⲩ ⲇⲉ ⲥⲉⲑⲱⲧ ⲙⲡⲉϥϩⲏⲧ ⲙⲡⲁⲓⲙⲁ ⲛⲑⲟⲕ ⲇⲉ ⲭⲏ ϧⲉⲛⲟⲩⲙⲕⲁϩ .
'But Abraham said, 'Son, remember that you, in your lifetime, received your good things, and Lazarus, in like manner, bad things. But now here he is comforted and you are in anguish.
16.26
ⲟⲩⲟϩ ϧⲉⲛⲛⲁⲓ ⲧⲏⲣⲟⲩ ⲟⲩⲟⲛ ⲟⲩⲛⲓϣϯ ⲛϣⲓⲕ ⲉϥⲧⲁϫⲣⲏⲟⲩⲧ ⲟⲩⲧⲱⲛ ⲛⲉⲙⲱⲧⲉⲛ ϩⲟⲡⲱⲥ ⲛⲏ ⲉⲑⲟⲩⲱϣ ⲉⲥⲓⲛⲓ ⲉⲃⲟⲗ ⲧⲁⲓ ϩⲁⲣⲱⲧⲉⲛ ⲛⲧⲟⲩϣⲧⲉⲙϫⲉⲙϫⲟⲙ ⲟⲩⲇⲉ ⲛⲏ ⲉⲧϩⲁⲣⲱⲧⲉⲛ ⲉⲉⲣϫⲓⲛⲓⲟⲣ ϩⲁⲣⲟⲛ .
Besides all this, between us and you there is a great gulf fixed, that those who want to pass from here to you are not able, and that none may cross over from there to us.'
16.27
ⲡⲉϫⲁϥ ⲇⲉ ϫⲉϯϯϩⲟ ⲉⲣⲟⲕ ⲡⲁⲓⲱⲧ ϩⲓⲛⲁ ⲛⲧⲉⲕⲟⲩⲟⲣⲡϥ ⲉⲡⲏⲓ ⲙⲡⲁⲓⲱⲧ
'He said, 'I ask you therefore, father, that you would send him to my father's house;
16.28
ⲟⲩⲟⲛ ⲅⲁⲣ ⲉⲛⲥⲟⲛ ⲛⲧⲏⲓ ϩⲟⲡⲱⲥ ⲛⲧⲉϥⲉⲣⲙⲉⲑⲣⲉ ⲛⲱⲟⲩ ϩⲓⲛⲁ ⲛⲥⲉϣⲧⲉⲙⲓ ϩⲱⲟⲩ ⲉⲡⲁⲓⲙⲁ ⲛⲧⲉⲡⲁⲓⲙⲕⲁϩ .
for I have five brothers, that he may testify to them, so they won't also come into this place of torment.'
16.29
ⲡⲉϫⲁϥ ⲇⲉ ⲛϫⲉⲁⲃⲣⲁⲁⲙ ϫⲉⲟⲩⲟⲛ ⲛⲧⲱⲟⲩ ⲙⲙⲁⲩ ⲙⲱⲩⲥⲏⲥ ⲛⲉⲙⲛⲓⲡⲣⲟⲫⲏⲧⲏⲥ ⲙⲁⲣⲟⲩⲥⲱⲧⲉⲙ ⲛⲥⲱⲟⲩ .
'But Abraham said to him, 'They have Moses and the prophets. Let them listen to them.'
16.30
ⲛⲑⲟϥ ⲇⲉ ⲡⲉϫⲁϥ ϫⲉⲙⲙⲟⲛ ⲡⲁⲓⲱⲧ ⲁⲃⲣⲁⲁⲙ ⲁⲗⲗⲁ ⲉϣⲱⲡ ⲁⲣⲉϣⲁⲛ ⲟⲩⲁⲓ ϣⲉ ⲛⲁϥ ϩⲁⲣⲱⲟⲩ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲥⲉⲛⲁⲉⲣⲙⲉⲧⲁⲛⲟⲓⲛ
'He said, 'No, father Abraham, but if one goes to them from the dead, they will repent.'
16.31
ⲡⲉϫⲁϥ ⲇⲉ ⲛⲁϥ ϫⲉⲓⲥϫⲉ ⲥⲉⲛⲁⲥⲱⲧⲉⲙ ⲁⲛ ⲛⲥⲁⲙⲱⲩⲥⲏⲥ ⲛⲉⲙⲛⲓⲡⲣⲟⲫⲏⲧⲏⲥ ⲟⲩⲇⲉ ⲁⲣⲉϣⲁⲛ ⲟⲩⲁⲓ ⲧⲱⲛϥ ⲉⲃⲟⲗ ϧⲉⲛⲛⲏ ⲉⲧⲙⲱⲟⲩⲧ ⲡⲟⲩϩⲏⲧ ⲛⲁⲑⲱⲧ ⲁⲛ .
'He said to him, 'If they don't listen to Moses and the prophets, neither will they be persuaded if one rises from the dead.''
17.1
ⲡⲉϫⲁϥ ⲇⲉ ⲛⲛⲉϥⲙⲁⲑⲏⲧⲏⲥ ϫⲉϩⲱϯ ⲛⲧⲟⲩⲓ ⲛϫⲉⲛⲓⲥⲕⲁⲛⲇⲁⲗⲟⲛ ⲡⲗⲏⲛ ⲟⲩⲟⲓ ⲙⲫⲏ ⲉⲧⲉⲡⲓⲥⲕⲁⲛⲇⲁⲗⲟⲛ ⲛⲏⲟⲩ ⲉⲃⲟⲗ ϩⲓⲧⲟⲧϥ .
He said to the disciples, 'It is impossible that no occasions of stumbling should come, but woe to him through whom they come!
17.2
ⲛⲁⲛⲉⲥ ⲛⲁϥ ⲛⲧⲟⲩⲉϣ ⲟⲩⲱⲛⲓ ⲙⲙⲟⲩⲗⲟⲛ ⲉϧⲏⲧϥ ⲟⲩⲟϩ ⲛⲧⲟⲩϩⲓⲧϥ ⲉϧⲣⲏⲓ ⲉⲫⲓⲟⲙ ⲉϩⲟⲧⲉ ⲛⲧⲉϥⲉⲣⲥⲕⲁⲛⲇⲁⲗⲓⲍⲉⲥⲑⲉ ⲛⲟⲩⲁⲓ ⲛⲛⲁⲓⲕⲟⲩϫⲓ
It would be better for him if a millstone were hung around his neck, and he were thrown into the sea, rather than that he should cause one of these little ones to stumble.
17.3
ⲙⲁϩⲑⲏⲧⲉⲛ ⲉⲣⲱⲧⲉⲛ ⲁⲣⲉϣⲁⲛ ⲡⲉⲕⲥⲟⲛ ⲉⲣⲛⲟⲃⲓ ⲁⲣⲓⲉⲡⲓⲧⲓⲙⲁⲛ ⲛⲁϥ ⲟⲩⲟϩ ⲉϣⲱⲡ ⲁϥϣⲁⲛⲉⲣⲙⲉⲧⲁⲛⲟⲓⲛ ⲭⲱ ⲛⲁϥ ⲉⲃⲟⲗ .
Be careful. If your brother sins against you, rebuke him. If he repents, forgive him.
17.4
ⲉϣⲱⲡ ⲇⲉ ⲁϥϣⲁⲛⲉⲣⲛⲟⲃⲓ ⲉⲣⲟⲕ ⲛⲍ ⲛⲥⲟⲡ ϧⲉⲛⲡⲓⲉϩⲟⲟⲩ ⲛⲧⲉϥⲕⲟⲧϥ ⲉⲣⲟⲕ ⲛⲍ ⲛⲥⲟⲡ ⲉϥϫⲱ ⲙⲙⲟⲥ ϫⲉϯⲉⲣⲙⲉⲧⲁⲛⲟⲓⲛ ⲭⲱ ⲛⲁϥ ⲉⲃⲟⲗ .
If he sins against you seven times in the day, and seven times returns, saying, 'I repent,' you shall forgive him.'
17.5
ⲟⲩⲟϩ ⲡⲉϫⲉ ⲛⲓⲁⲡⲟⲥⲧⲟⲗⲟⲥ ⲙⲡϭⲟⲓⲥ ϫⲉⲟⲩⲁϩⲛⲁϩϯ ⲉⲣⲟⲛ .
The apostles said to the Lord, 'Increase our faith.'
17.6
ⲡⲉϫⲉ ⲡϭⲟⲓⲥ ⲇⲉ ϫⲉⲉⲛⲉ ⲟⲩⲟⲛⲧⲉⲧⲉⲛ ⲛⲁϩϯ ⲙⲙⲁⲩ ⲙⲫⲣⲏϯ ⲛⲟⲩⲛⲁⲫⲣⲓ ⲛϣⲉⲗⲧⲁⲙ ⲛⲁⲣⲉⲧⲉⲛⲛⲁϫⲟⲥ ⲛϯⲛⲟⲩϩⲓ ϫⲉϥⲱϫⲓ ⲟⲩⲟϩ ⲣⲱⲧ ϧⲉⲛⲡⲓⲟⲙ ⲟⲩⲟϩ ⲛⲁⲥⲛⲁⲥⲱⲧⲉⲙ ⲛⲥⲁⲑⲏⲛⲟⲩ ⲡⲉ .
The Lord said, 'If you had faith like a grain of mustard seed, you would tell this sycamore tree, 'Be uprooted, and be planted in the sea,' and it would obey you.
17.7
ⲛⲓⲙ ⲇⲉ ⲉⲃⲟⲗ ϧⲉⲛⲑⲏⲛⲟⲩ ⲉⲧⲉⲟⲩⲟⲛⲧⲉϥ ⲟⲩⲃⲱⲕ ⲙⲙⲁⲩ ⲉϥⲥⲭⲁⲓ ⲓⲉ ⲉϥⲙⲟⲛⲓ ⲫⲏ ⲉⲧⲉⲁϥϣⲁⲛⲓ ⲉϧⲟⲩⲛ ⲉⲃⲟⲗ ϧⲉⲛⲧⲕⲟⲓ ⲙⲏ ϥⲛⲁϫⲟⲥ ⲛⲁϥ ⲥⲁⲧⲟⲧϥ ϫⲉⲁⲙⲟⲩ ⲉⲡϣⲱⲓ ⲣⲱⲧⲉⲃ .
But who is there among you, having a servant plowing or keeping sheep, that will say, when he comes in from the field, 'Come immediately and sit down at the table,'
17.8
ⲙⲏ ϥⲛⲁϫⲟⲥ ⲛⲁϥ ⲁⲛ ϫⲉⲥⲟⲃϯ ⲙⲫⲏ ⲉϯⲛⲁⲟⲩⲟⲙϥ ⲟⲩⲟϩ ⲙⲟⲣⲕ ϣⲉⲙϣⲓ ⲙⲙⲟⲓ ϣⲁϯⲟⲩⲱⲙ ⲟⲩⲟϩ ⲛⲧⲁⲥⲱ ⲟⲩⲟϩ ⲙⲉⲛⲉⲛⲥⲁⲛⲁⲓ ϩⲱⲕ ⲛⲧⲉⲕⲟⲩⲱⲙ ⲟⲩⲟϩ ⲛⲧⲉⲕⲥⲱ .
and will not rather tell him, 'Prepare my supper, clothe yourself properly, and serve me, while I eat and drink. Afterward you shall eat and drink'?
17.9
ⲙⲏ ⲟⲩⲟⲛ ϩⲙⲟⲧ ⲉⲣⲟϥ ⲛⲧⲉⲡⲓⲃⲱⲕ ϫⲉⲁϥⲓⲣⲓ ⲛⲛⲏ ⲉⲧⲁϥⲟⲩⲁϩⲥⲁϩⲛⲓ ⲙⲙⲱⲟⲩ ⲛⲁϥ .
Does he thank that servant because he did the things that were commanded? I think not.
17.10
ⲡⲁⲓⲣⲏϯ ⲛⲑⲱⲧⲉⲛ ϩⲱⲧⲉⲛ ⲁⲣⲉⲧⲉⲛϣⲁⲛⲓⲣⲓ ⲛϩⲱⲃ ⲛⲓⲃⲉⲛ ⲉⲧⲁⲩⲟⲩⲁϩⲥⲁϩⲛⲓ ⲙⲙⲱⲟⲩ ⲛⲱⲧⲉⲛ ⲁϫⲟⲥ ϫⲉⲁⲛⲟⲛ ϩⲁⲛⲃⲱⲕ ⲛⲁⲧϣⲁⲩ ⲡⲉⲧⲉⲣⲟⲛ ⲉⲁⲓϥ ⲁⲛⲁⲓϥ .
Even so you also, when you have done all the things that are commanded you, say, 'We are unworthy servants. We have done our duty.''
17.11
ⲁⲥϣⲱⲡⲓ ⲉϥϣⲉ ⲛⲁϥ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲟⲩⲟϩ ⲛⲑⲟϥ ⲛⲁϥⲥⲓⲛⲓⲱⲟⲩ ⲉⲃⲟⲗ ⲟⲩⲧⲉ ⲧⲙⲏϯ ⲛⲧⲁⲥⲁⲙⲁⲣⲓⲁ ⲛⲉⲙϯⲅⲁⲗⲓⲗⲉⲁ
It happened as he was on his way to Jerusalem, that he was passing along the borders of Samaria and Galilee.
17.12
ⲟⲩⲟϩ ⲉϥⲛⲁϣⲉ ⲛⲁϥ ⲉϧⲟⲩⲛ ⲉⲟⲩϯⲙⲓ ⲁⲩⲓ ⲉⲃⲟⲗ ⲉϩⲣⲁϥ ⲛϫⲉⲓⲛⲣⲱⲙⲓ ⲛⲕⲁⲕⲥⲉϩⲧ ⲟⲩⲟϩ ⲛⲁⲩⲟϩⲓ ⲉⲣⲁⲧⲟⲩϩⲓⲫⲟⲩⲉⲓ
As he entered into a certain village, ten men who were lepers met him, who stood at a distance.
17.13
ⲟⲩⲟϩ ⲛⲑⲱⲟⲩ ⲛⲁⲩϭⲓⲥⲓ ⲛⲧⲟⲩⲥⲙⲏ ⲉⲩϫⲱ ⲙⲙⲟⲥ ϫⲉⲓⲏⲥⲟⲩⲥ ⲡⲓⲣⲉϥϯⲥⲃⲱ ⲛⲁⲓ ⲛⲁⲛ .
They lifted up their voices, saying, 'Jesus, Master, have mercy on us!'
17.14
ⲟⲩⲟϩ ⲉⲧⲁϥⲛⲁⲩ ⲡⲉϫⲁϥ ⲛⲱⲟⲩ ϫⲉⲙⲁϣⲉ ⲛⲱⲧⲉⲛ ⲙⲁⲧⲁⲙⲉ ⲡⲓⲟⲩⲏⲃ ⲉⲣⲱⲧⲉⲛ ⲟⲩⲟϩ ⲁⲥϣⲱⲡⲓ ⲉⲩϣⲉ ⲛⲱⲟⲩ ⲁⲩⲧⲟⲩⲃⲟ
When he saw them, he said to them, 'Go and show yourselves to the priests.' It happened that as they went, they were cleansed.
17.15
ⲟⲩⲁⲓ ⲇⲉ ⲉⲃⲟⲗ ⲛϧⲏⲧⲟⲩ ⲉⲧⲁϥⲛⲁⲩ ϫⲉⲁϥⲗⲟϫϥ ⲁϥⲧⲁⲥⲑⲟ ⲛⲉⲙⲟⲩⲛⲓϣϯ ⲛⲥⲙⲏ ⲉϥϯⲱⲟⲩ ⲙⲫⲛⲟⲩϯ
One of them, when he saw that he was healed, turned back, glorifying God with a loud voice.
17.16
ⲟⲩⲟϩ ⲁϥϩⲓⲧϥ ⲉϫⲉⲛⲡⲉϥϩⲟ ϧⲁⲧⲉⲛⲛⲉϥϭⲁⲗⲁⲩϫ ⲉϥϣⲉⲡϩⲙⲟⲧ ⲛⲧⲟⲧϥ ⲟⲩⲟϩ ⲫⲁⲓ ⲛⲉⲟⲩⲥⲁⲙⲁⲣⲓⲧⲏⲥ ⲡⲉ .
He fell on his face at Jesus' feet, giving him thanks; and he was a Samaritan.
17.17
ⲁϥⲉⲣⲟⲩⲱ ⲇⲉ ⲛϫⲉⲓⲏⲥⲟⲩⲥ ⲡⲉϫⲁϥ ϫⲉⲙⲏ ⲙⲡⲉ ⲡⲓⲓ ⲧⲟⲩⲃⲟ ⲡⲓⲕⲉⲑ ⲁⲩⲑⲱⲛ
Jesus answered, 'Weren't the ten cleansed? But where are the nine?
17.18
ⲟⲩⲟϩ ⲙⲡⲟⲩϫⲉⲙⲟⲩ ⲉⲁⲩⲕⲟⲧⲟⲩ ⲉϯⲱⲟⲩ ⲙⲫⲛⲟⲩϯ ⲉⲃⲏⲗ ⲉⲫⲁⲓ ⲁⲗⲗⲟⲅⲉⲛⲏⲥ .
Were there none found who returned to give glory to God, except this stranger?'
17.19
ⲟⲩⲟϩ ⲡⲉϫⲁϥ ⲛⲁϥ ϫⲉⲧⲱⲛⲕ ⲙⲁϣⲉ ⲛⲁⲕ ⲡⲉⲕⲛⲁϩϯ ⲡⲉⲧⲁϥⲛⲁϩⲙⲉⲕ .
Then he said to him, 'Get up, and go your way. Your faith has healed you.'
17.20
ⲉⲧⲁⲩϣⲉⲛϥ ⲇⲉ ⲛϫⲉⲛⲓⲫⲁⲣⲓⲥⲁⲓⲟⲥ ϫⲉⲁⲥⲛⲁⲓ ⲛⲧⲛⲁⲩ ⲛϫⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲁϥⲉⲣⲟⲩⲱ ⲛⲱⲟⲩ ⲟⲩⲟϩ ⲡⲉϫⲁϥ ϫⲉⲛⲁⲣⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲛⲁⲓ ⲁⲛ ϧⲉⲛⲟⲩⲙⲉⲧⲣⲉϥϯ ϩⲑⲏϥ .
Being asked by the Pharisees when the Kingdom of God would come, he answered them, 'The Kingdom of God doesn't come with observation;
17.21
ⲟⲩⲇⲉ ⲥⲉⲛⲁϫⲟⲥ ⲁⲛ ϫⲉⲥⲧⲁⲓ ⲓⲉ ⲥⲧⲏ ϩⲏⲡⲡⲉ ⲅⲁⲣ ⲓⲥ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲥⲁϧⲟⲩⲛ ⲙⲙⲱⲧⲉⲛ .
neither will they say, 'Look, here!' or, 'Look, there!' for behold, the Kingdom of God is within you.'
17.22
ⲡⲉϫⲁϥ ⲇⲉ ⲛⲛⲉϥⲙⲁⲑⲏⲧⲏⲥ ϫⲉⲥⲉⲛⲏ ⲟⲩ ⲛϫⲉϩⲁⲛⲉϩⲟⲟⲩ ϩⲟⲧⲉ ⲉⲣⲉⲧⲉⲛⲛⲁⲉⲣⲉⲡⲓⲑⲩⲙⲓⲛ ⲉⲛⲁⲩ ⲉⲟⲩⲁⲓ ⲛⲛⲓⲉϩⲟⲟⲩ ⲛⲧⲉⲡϣⲏ ⲣⲓ ⲙⲫⲣⲱⲙⲓ ⲟⲩⲟϩ ⲛⲛⲉⲧⲉⲛⲛⲁⲩ .
He said to the disciples, 'The days will come, when you will desire to see one of the days of the Son of Man, and you will not see it.
17.23
ⲟⲩⲟϩ ⲉⲩⲉϫⲟⲥ ⲛⲱⲧⲉⲛ ϫⲉϩⲏⲡⲡⲉ ϥⲧⲏ ⲓⲉ ϥⲧⲁⲓ ⲙⲡⲉⲣϣⲉ ⲛⲱⲧⲉⲛ ⲟⲩⲇⲉ ⲙⲡⲉⲣϭⲟϫⲓ
They will tell you, 'Look, here!' or 'Look, there!' Don't go away, nor follow after them,
17.24
ⲙⲫⲣⲏϯ ⲙⲡⲓⲥⲉⲧⲉⲃⲣⲏϫ ⲉϣⲁϥⲟⲩⲟⲛϩϥ ⲉⲃⲟⲗ ϧⲉⲛⲧⲫⲉ ⲟⲩⲟϩ ⲛⲧⲉϥⲉⲣⲟⲩⲱⲓⲛⲓ ⲥⲁⲡⲉⲥⲏⲧ ⲛⲧⲫⲉ ⲫⲁⲓ ⲡⲉ ⲙⲫⲣⲏϯ ⲉⲧⲉⲡϣⲏ ⲣⲓ ⲙⲫⲣⲱⲙⲓ ⲛⲁϣⲱⲡⲓ ⲙⲙⲟϥ ⲛϩⲣⲏⲓ ϧⲉⲛⲡⲉϥⲉϩⲟⲟⲩ .
for as the lightning, when it flashes out of the one part under the sky, shines to the other part under the sky; so will the Son of Man be in his day.
17.25
ϣⲟⲣⲡ ⲇⲉ ϩⲱϯ ⲉⲣⲟϥ ⲛⲧⲉϥϭⲓ ⲟⲩⲙⲏ ϣⲛϧⲓⲥⲓ ⲟⲩⲟϩ ⲛⲥⲉϣⲟϣϥ ⲛϫⲉⲧⲁⲓⲅⲉⲛⲉⲁ .
But first, he must suffer many things and be rejected by this generation.
17.26
ⲟⲩⲟϩ ⲕⲁⲧⲁⲫⲣⲏϯ ⲉⲧⲁⲥϣⲱⲡⲓ ϧⲉⲛⲛⲓⲉϩⲟⲟⲩ ⲛⲧⲉⲛⲱⲉ ⲡⲁⲓⲣⲏϯ ⲡⲉⲑⲛⲁϣⲱⲡⲓ ϧⲉⲛⲛⲓⲉϩⲟⲟⲩ ⲛⲧⲉⲡϣⲏⲣⲓ ⲙⲫⲛⲟⲩϯ .
As it happened in the days of Noah, even so will it be also in the days of the Son of Man.
17.27
ⲛⲁⲩⲟⲩⲱⲙ ⲟⲩⲟϩ ⲛⲁⲩⲥⲱ ⲛⲁⲩϭⲓ ⲥϩⲓⲙⲓ ⲛⲁⲩϭⲓ ϩⲁⲓ ϣⲁⲡⲓⲉϩⲟⲟⲩ ⲉⲧⲁ ⲛⲱⲉ ϣⲉ ⲛⲁϥ ⲉϧⲟⲩⲛ ⲉϯⲕⲓⲃⲱⲧⲟⲥ ⲟⲩⲟϩ ⲁϥⲓ ⲛϫⲉⲡⲓⲕⲁⲧⲁⲕⲗⲩⲥⲙⲟⲥ ⲟⲩⲟϩ ⲁϥⲧⲁⲕⲉ ⲟⲩⲟⲛ ⲛⲓⲃⲉⲛ .
They ate, they drank, they married, they were given in marriage, until the day that Noah entered into the ship, and the flood came, and destroyed them all.
17.28
ⲙⲫⲣⲏϯ ⲟⲛ ⲉⲧⲁⲥϣⲱⲡⲓ ϧⲉⲛⲛⲓⲉϩⲟⲟⲩ ⲛⲧⲉⲗⲱⲧ ⲛⲁⲩⲟⲩⲱⲙ ⲛⲁⲩⲥⲱ ⲛⲁⲩϣⲱⲡ ⲛⲁⲩϯ ⲉⲃⲟⲗ ⲛⲁⲩϭⲟ ⲛⲁⲩⲕⲱⲧ
Likewise, even as it happened in the days of Lot: they ate, they drank, they bought, they sold, they planted, they built;
17.29
ϧⲉⲛⲡⲓⲉϩⲟⲟⲩ ⲇⲉ ⲉⲧⲁ ⲗⲱⲧ ⲓ ⲉⲃⲟⲗ ϧⲉⲛⲥⲟⲇⲟⲙⲁ ⲁϥϩⲱⲟⲩ ⲛⲟⲩⲭⲣⲱⲙ ⲛⲉⲙⲟⲩⲑⲏⲛ ⲉⲃⲟⲗ ϧⲉⲛⲧⲫⲉ ⲟⲩⲟϩ ⲁϥⲧⲁⲕⲉ ⲟⲩⲟⲛ ⲛⲓⲃⲉⲛ .
but in the day that Lot went out from Sodom, it rained fire and sulfur from the sky, and destroyed them all.
17.30
ⲕⲁⲧⲁⲛⲁⲓ ⲣⲱ ⲟⲛ ⲁⲥⲛⲁϣⲱⲡⲓ ϧⲉⲛⲡⲓⲉϩⲟⲟⲩ ⲉⲧⲉⲡϣⲏⲣⲓ ⲙⲫⲣⲱⲙⲓ ⲛⲁϭⲱⲣⲡ ⲉⲃⲟⲗ ⲛϧⲏⲧϥ .
It will be the same way in the day that the Son of Man is revealed.
17.31
ϧⲉⲛⲡⲓⲉϩⲟⲟⲩ ⲇⲉ ⲉⲧⲉⲙⲙⲁⲩ ⲫⲏ ⲉⲧⲭⲏ ϩⲓϫⲉⲛⲡϫⲉⲛⲉⲫⲱⲣ ⲟⲩⲟϩ ⲉⲣⲉⲛⲉϥⲥⲕⲉⲩⲟⲥ ϧⲉⲛⲡⲓⲏⲓ ⲙⲡⲉⲛⲑⲣⲉϥⲓ ⲉⲡⲉⲥⲏⲧ ⲉⲟⲗⲟⲩ ⲟⲩⲟϩ ⲫⲏ ⲉⲧⲭⲏ ϧⲉⲛⲧⲕⲟⲓ ⲡⲁⲓⲣⲏϯ ⲟⲛ ⲙⲡⲉⲛⲑⲣⲉϥⲕⲟⲧϥ ⲉⲫⲁϩⲟⲩ .
In that day, he who will be on the housetop, and his goods in the house, let him not go down to take them away. Let him who is in the field likewise not turn back.
17.32
ⲁⲣⲓⲫⲙⲉⲩⲓ ⲛⲧⲥϩⲓⲙⲓ ⲛⲗⲱⲧ
Remember Lot's wife!
17.33
ⲫⲏ ⲉⲑⲛⲁⲕⲱϯ ⲛⲥⲁⲛⲟϩⲉⲙ ⲛⲧⲉϥⲯⲩⲭⲏ ϥⲛⲁⲧⲁⲕⲟⲥ ⲫⲏ ⲉⲑⲛⲁⲧⲁⲕⲟⲥ ⲉϥⲉⲧⲁⲛϧⲟⲥ .
Whoever seeks to save his life loses it, but whoever loses his life preserves it.
17.34
ϯϫⲱ ⲙⲙⲟⲥ ⲛⲱⲧⲉⲛ ϫⲉⲛϧⲣⲏⲓ ϧⲉⲛⲡⲁⲓⲉϫⲱⲣϩ ⲉⲩⲉϣⲱⲡⲓ ⲛϫⲉⲃϩⲓϫⲉⲛ ⲟⲩϭⲗⲟϫ ⲛⲟⲩⲱⲧ ⲡⲓⲟⲩⲁⲓ ⲉⲩⲉⲟⲗϥ ⲟⲩⲟϩ ⲡⲓⲕⲉⲟⲩⲁⲓ ⲉⲩⲉⲭⲁϥ
I tell you, in that night there will be two people in one bed. The one will be taken, and the other will be left.
17.35
ⲉⲩⲉϣⲱⲡⲓ ⲛϫⲉⲥⲛⲟⲩϯ ⲉⲩⲛⲟⲩⲧ ϧⲉⲛⲟⲩⲙⲁ ⲟⲩⲓ ⲉⲩⲉⲟⲗⲥ ⲟⲩⲟϩ ϯⲕⲉⲟⲩⲓ ⲉⲩⲉⲭⲁⲥ .
There will be two grinding grain together. One will be taken, and the other will be left.'
17.36
...
...
17.37
ⲟⲩⲟϩ ⲁⲩⲉⲣⲟⲩⲱ ⲡⲉϫⲱⲟⲩ ⲛⲁϥ ϫⲉϧⲉⲛⲁϣ ⲙⲙⲁ ⲡϭⲟⲓⲥ ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲡⲓⲙⲁ ⲉⲧⲉⲡⲥⲱⲙⲁ ⲙⲙⲟϥ ⲥⲉⲛⲁⲑⲱⲟⲩϯ ⲙⲙⲁⲩ ⲛϫⲉⲛⲓⲕⲉⲁϧⲱⲙ .
They, answering, asked him, 'Where, Lord?' He said to them, 'Where the body is, there will the vultures also be gathered together.'
18.1
ⲛⲁϥϫⲱ ⲇⲉ ⲛⲟⲩⲡⲁⲣⲁⲃⲟⲗⲏ ⲛⲱⲟⲩ ⲉⲡϫⲓⲛⲧⲟⲩⲉⲣⲡⲣⲟⲥⲉⲩⲭ ⲉⲥⲑⲉ ⲛⲥⲏⲟⲩ ⲛⲓⲃⲉⲛ ⲟⲩⲟϩ ⲛⲧⲟⲩϣⲧⲉⲙⲉⲣⲉⲛⲕⲁⲕⲓⲛ
He also spoke a parable to them that they must always pray, and not give up,
18.2
ⲉϥϫⲱ ⲙⲙⲟⲥ ⲛⲉⲟⲩⲟⲛ ⲟⲩⲣⲉϥϯϩⲁⲡ ⲡⲉ ϧⲉⲛⲟⲩⲃⲁⲕⲓ ⲛϥⲉⲣϩⲟϯ ⲁⲛ ϧⲁⲧϩⲏ ⲙⲫⲛⲟⲩϯ ⲟⲩⲟϩ ⲛϥϣⲓⲡⲓ ⲁⲛ ϧⲁⲧϩⲏ ⲛⲛⲓⲣⲱⲙⲓ .
saying, 'There was a judge in a certain city who didn't fear God, and didn't respect man.
18.3
ⲛⲉ ⲟⲩⲟⲛ ⲟⲩⲭⲏⲣⲁ ⲇⲉ ⲡⲉ ϧⲉⲛϯⲃⲁⲕⲓ ⲉⲧⲉⲙⲙⲁⲩ ⲟⲩⲟϩ ⲛⲁⲥⲛⲏⲟⲩ ϩⲁⲣⲟϥ ⲡⲉ ⲉⲥϫⲱ ⲙⲙⲟⲥ ϫⲉϭⲓ ⲙⲡⲁⲙϣⲓϣ ⲛⲉⲙⲫⲏ ⲉⲧϭⲓ ⲙⲙⲟⲓ ⲛϫⲟⲛⲥ .
A widow was in that city, and she often came to him, saying, 'Defend me from my adversary!'
18.4
ⲟⲩⲟϩ ⲛⲁϥⲟⲩⲱϣ ⲁⲛ ⲡⲉ ϣⲁⲟⲩⲥⲏⲟⲩ ⲙⲉⲛⲉⲛⲥⲁⲛⲁⲓ ⲇⲉ ⲡⲉϫⲁϥ ⲛϧⲣⲏⲓ ⲛϧⲏⲧϥ ϫⲉⲭⲁⲥ ϫⲉⲫⲛⲟⲩϯ ϯⲉⲣϩⲟϯ ⲁⲛ ϧⲁⲧⲉϥϩⲏ ⲟⲩⲟϩ ⲛϯϣⲓⲡⲓ ⲁⲛ ϧⲁⲧϩⲏ ⲛⲛⲓⲣⲱⲙⲓ
He wouldn't for a while, but afterward he said to himself, 'Though I neither fear God, nor respect man,
18.5
ⲉⲑⲃⲉϫⲉ ⲧⲁⲓⲭⲏⲣⲁ ϯϧⲓⲥⲓ ⲛⲏⲓ ϯⲛⲁϭⲓ ⲙⲡⲉⲥⲙϣⲓϣ ϩⲓⲛⲁ ⲛⲧⲉⲥϣⲧⲉⲙⲓ ϣⲁⲉⲃⲟⲗ ⲉⲥϯϧⲓⲥⲓ ⲛⲏⲓ .
yet because this widow bothers me, I will defend her, or else she will wear me out by her continual coming.''

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.