Luke (Bohairic Coptic)

Coptic New Testament (Bohairic) · 1,151 sections

2.21
ⲟⲩⲟϩ ⲉⲧⲁⲩⲙⲟϩ ⲉⲃⲟⲗ ⲛϫⲉⲏⲛⲉϩⲟⲟⲩ ϫⲉⲛⲧⲟⲩⲥⲟⲩⲃⲏⲧϥ ⲁⲩⲙⲟⲩϯ ⲉⲡⲉϥⲣⲁⲛ ϫⲉⲓⲏⲥⲟⲩⲥ ⲫⲏ ⲉⲧⲁϥⲙⲟⲩϯ ⲉⲣⲟϥ ⲙⲙⲟϥ ⲛϫⲉⲡⲓⲁⲅⲅⲉⲗⲟⲥ ⲓⲥϫⲉⲛ ⲙⲡⲁⲧⲟⲩⲉⲣⲃⲟⲕⲓ ⲙⲙⲟϥ ϧⲉⲛⲧⲛⲉϫⲓ .
When eight days were fulfilled for the circumcision of the child, his name was called Jesus, which was given by the angel before he was conceived in the womb.
2.22
ⲟⲩⲟϩ ⲉⲧⲁ ⲛⲓⲉϩⲟⲟⲩ ⲙⲟϩ ⲉⲃⲟⲗ ⲛⲧⲉⲡⲓⲧⲟⲩⲃⲟ ⲕⲁⲧⲁⲡⲓⲛⲟⲙⲟⲥ ⲛⲧⲉⲙⲱⲩⲥⲏⲥ ⲁⲩⲉⲛϥ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲉⲧⲁϩⲟϥ ⲉⲣⲁⲧϥ ⲙⲡϭⲟⲉⲓⲥ
When the days of their purification according to the law of Moses were fulfilled, they brought him up to Jerusalem, to present him to the Lord
2.23
ⲕⲁⲧⲁⲫⲣⲏϯ ⲉⲧⲥϧⲏⲟⲩⲧ ϧⲉⲛⲡⲓⲛⲟⲙⲟⲥ ⲛⲧⲉⲡϭⲟⲓⲥ ϫⲉϩⲱⲟⲩⲧ ⲛⲓⲃⲉⲛ ⲉⲑⲛⲁⲟⲩⲱⲛ ⲉⲧⲟϯ ⲛⲧⲉⲧⲉϥⲙⲁⲩ ⲉⲩⲉⲙⲟⲩϯ ⲉⲣⲟϥ ϫⲉⲡⲉⲑⲟⲩⲁⲃ ⲙⲡϭⲟⲓⲥ .
(as it is written in the law of the Lord, 'Every male who opens the womb shall be called holy to the Lord'),
2.24
ⲟⲩⲟϩ ⲉϯ ⲛⲟⲩϣⲟⲩϣⲱⲟⲩϣⲓ ⲕⲁⲧⲁⲫⲣⲏϯ ⲉⲧⲁⲩϫⲟⲥ ϩⲓⲫⲛⲟⲙⲟⲥ ⲙⲡϭⲟⲓⲥ ϫⲉⲟⲩϣⲱϣ ⲛϭⲣⲟⲙⲡϣⲁⲗ ⲓⲉ ⲙⲁⲥ ⲃⲛϭⲣⲟⲙⲡⲓ .
and to offer a sacrifice according to that which is said in the law of the Lord, 'A pair of turtledoves, or two young pigeons.'
2.25
ⲟⲩⲟϩ ⲓⲥ ϩⲏⲡⲡⲉ ⲛⲉⲟⲩⲣⲱⲙⲓ ϧⲉⲛⲓⲉⲣⲟⲥⲁⲗⲏⲙ ⲉⲡⲉϥⲣⲁⲛ ⲡⲉ ⲥⲓⲙⲱⲛ ⲟⲩⲟϩ ⲡⲁⲓⲣⲱⲙⲓ ⲛⲉⲟⲩⲇⲓⲕⲉⲟⲥ ⲡⲉ ⲛⲣⲉϥⲉⲣϩⲟϯ ⲉϥϫⲟⲩϣⲧ ⲉⲃⲟⲗ ϧⲁⲧϩⲏ ⲙⲡϯⲛⲟⲙϯ ⲙⲡⲓⲥⲗ ⲟⲩⲟϩ ⲛⲉⲟⲩⲟⲛ ⲡⲛⲉⲩⲙⲁⲉϥⲟⲩⲁⲃ ⲭⲏ ϩⲓϫⲱϥ
Behold, there was a man in Jerusalem whose name was Simeon. This man was righteous and devout, looking for the consolation of Israel, and the Holy Spirit was on him.
2.26
ⲟⲩⲟϩ ⲛⲉⲁⲩⲧⲁⲙⲟϥ ⲡⲉ ϧⲉⲛⲟⲩⲭⲣⲏⲙⲁⲧⲓⲥⲙⲟⲥ ⲛⲧⲟⲧϥ ⲙⲡⲓⲡⲛⲉⲩⲙⲁⲉⲑⲟⲩⲁⲃ ⲉϣⲧⲉⲙⲉⲑⲣⲉϥⲛⲁⲩ ⲉⲫⲙⲟⲩ ⲙⲡⲁⲧϥⲛⲁⲩ ⲉⲡⲭⲣⲓⲥⲧⲟⲥ ⲡϭⲟⲓⲥ .
It had been revealed to him by the Holy Spirit that he should not see death before he had seen the Lord's Christ.
2.27
ⲟⲩⲟϩ ⲁϥⲓ ϧⲉⲛⲡⲓⲡⲛⲉⲩⲙⲁⲉϩⲣⲏⲓ ⲉⲡⲓⲉⲣⲫⲉⲓ ⲟⲩⲟϩ ϧⲉⲛⲡϫⲓⲛⲧⲟⲩⲉⲛ ⲡⲓⲁⲗⲟⲩ ⲓⲏⲥⲟⲩⲥ ⲉϧⲟⲩⲛ ⲛϫⲉⲛⲉϥⲓⲟϯ ⲉⲓⲣⲓ ⲉϫⲱϥ ⲕⲁⲧⲁⲡⲉⲧⲥϣⲉ ⲛⲧⲉⲡⲓⲛⲟⲙⲟⲥ .
He came in the Spirit into the temple. When the parents brought in the child, Jesus, that they might do concerning him according to the custom of the law,
2.28
ⲁϥⲟⲗϥ ⲉϫⲉⲛⲛⲉϥϭⲛⲁⲩϩ ⲛϫⲉⲥⲓⲙⲱⲛ ⲟⲩⲟϩ ⲁϥⲥⲙⲟⲩ ⲉⲫⲛⲟⲩϯ ⲉϥϫⲱ ⲙⲙⲟⲥ
then he received him into his arms, and blessed God, and said,
2.29
ϯⲛⲟⲩ ⲡⲁⲛⲏⲃ ⲭⲛⲁⲭⲁ ⲡⲉⲕⲃⲱⲕ ⲉⲃⲟⲗ ϧⲉⲛⲟⲩϩⲓⲣⲏⲛⲏ ⲕⲁⲧⲁⲡⲉⲕⲥⲁϫⲓ
'Now you are releasing your servant, Master, according to your word, in peace;
2.30
ϫⲉⲁⲩⲛⲁⲩ ⲛϫⲉⲛⲁⲃⲁⲗ ⲉⲡⲉⲕⲛⲟϩⲉⲙ
for my eyes have seen your salvation,
2.31
ⲫⲏ ⲉⲧⲁⲕⲥⲉⲃⲧⲱⲧϥ ⲙⲡⲉⲙⲑⲟ ⲛⲛⲓⲗⲁⲟⲥ ⲧⲏⲣⲟⲩ
which you have prepared before the face of all peoples;
2.32
ⲟⲩⲟⲩⲱⲓⲛⲓ ⲉⲩϭⲱⲣⲡ ⲉⲃⲟⲗ ⲛⲧⲉϩⲁⲛⲉⲑⲛⲟⲥ ⲛⲉⲙⲟⲩⲱⲟⲩ ⲛⲧⲉⲡⲉⲕⲗⲁⲟⲥ ⲡⲓⲥⲗ .
a light for revelation to the nations, and the glory of your people Israel.'
2.33
ⲟⲩⲟϩ ⲁⲩⲉⲣϣⲫⲏⲣⲓ ⲛϫⲉⲡⲉϥⲓⲱⲧ ⲛⲉⲙⲧⲉϥⲙⲁⲩ ⲉϫⲉⲛⲛⲏ ⲉⲧⲟⲩϫⲱ ⲙⲙⲱⲟⲩ ⲉⲑⲃⲏⲧϥ .
Joseph and his mother were marveling at the things which were spoken concerning him,
2.34
ⲟⲩⲟϩ ⲁϥⲥⲙⲟⲩ ⲉⲣⲱⲟⲩ ⲛϫⲉⲥⲓⲙⲱⲛ ⲟⲩⲟϩ ⲡⲉϫⲁϥ ⲙⲙⲁⲣⲓⲁ ⲧⲙⲁⲩ ⲙⲡⲓⲁⲗⲟⲩ ϫⲉⲓⲥ ⲫⲁⲓ ϥⲭⲏ ⲉⲟⲩϩⲉⲓ ⲛⲉⲙⲟⲩⲧⲱⲛϥ ⲛⲧⲉϩⲁⲛⲙⲏϣ ϧⲉⲛⲡⲓⲥⲗ ⲛⲉⲙⲟⲩⲙⲏⲓⲛⲓ ⲉⲩϯ ⲉϧⲟⲩⲛ ⲉϩⲣⲁϥ .
and Simeon blessed them, and said to Mary, his mother, 'Behold, this child is set for the falling and the rising of many in Israel, and for a sign which is spoken against.
2.35
ⲟⲩⲟϩ ⲛⲑⲟ ϩⲱⲓ ⲉⲣⲉⲟⲩⲥⲏϥⲓ ⲥⲓⲛⲓ ⲛⲧⲉⲯⲩⲭⲏ ϩⲟⲡⲱⲥ ⲛⲧⲟⲩϭⲱⲣⲡ ⲉⲃⲟⲗ ϧⲉⲛϩⲁⲛⲙⲏϣ ⲛϩⲏⲧ ⲛϫⲉϩⲁⲛⲙⲉⲩⲓ .
Yes, a sword will pierce through your own soul, that the thoughts of many hearts may be revealed.'
2.36
ⲟⲩⲟϩ ⲛⲁⲣⲉⲁⲛⲛⲁ ϯⲡⲣⲟⲫⲏⲧⲏⲥ ⲧϣⲉⲣⲓ ⲛⲫⲁⲛⲟⲩⲏⲗ ⲉⲃⲟⲗ ϧⲉⲛⲧⲫⲩⲗⲏ ⲛⲁⲥⲥⲏ ⲣⲑⲁⲓ ⲛⲁⲥⲁⲓⲁⲓ ⲛⲟⲩⲙⲏϣ ⲛⲉϩⲟⲟⲩ ⲛⲁⲥⲱⲛϧ ⲛⲉⲙϩⲁⲓ ⲛⲍ ⲛⲣⲟⲙⲡⲓ ⲓⲥϫⲉⲛ ⲧⲉⲥⲙⲉⲧⲡⲁⲣⲑⲉⲛⲟⲥ
There was one Anna, a prophetess, the daughter of Phanuel, of the tribe of Asher (she was of a great age, having lived with a husband seven years from her virginity,
2.37
ⲟⲩⲟϩ ⲑⲁⲓ ⲛⲉⲁⲥⲉⲣⲭⲏⲣⲁ ϣⲁⲡⲇ ⲛⲣⲟⲙⲡⲓ ⲑⲏ ⲉⲛⲁⲥⲥⲓⲛⲓ ⲙⲡⲓⲉⲣⲫⲉⲓ ⲉⲃⲟⲗ ⲁⲛ ⲡⲉ ϧⲉⲛϩⲁⲛⲛⲏⲥⲧⲓⲁ ⲛⲉⲙϩⲁⲛⲧⲱⲃϩ ⲉⲥϣⲉⲙϣⲓ ⲛϫⲱⲣϩ ⲛⲉⲙⲙⲉⲣⲓ .
and she had been a widow for about eighty-four years), who didn't depart from the temple, worshipping with fastings and petitions night and day.
2.38
ⲟⲩⲟϩ ⲙⲡⲓ ⲡⲛⲁⲩ ⲉⲧⲉⲙⲙⲁⲩ ⲁⲥⲓ ⲙⲡⲉϥⲙⲑⲟ ⲁⲥⲟⲩⲱⲛϩ ⲉⲃⲟⲗ ⲙⲫⲛⲟⲩϯ ⲟⲩⲟϩ ⲛⲁⲥⲥⲁϫⲓ ⲉⲑⲃⲏⲧϥ ⲡⲉ ϧⲁⲧⲉⲛⲟⲩⲟⲛ ⲛⲓⲃⲉⲛ ⲉⲧϫⲟⲩϣⲧ ⲉⲃⲟⲗ ϧⲁⲧϩⲏ ⲛⲟⲩⲥⲱϯ ⲛⲓⲉⲣⲟⲥⲁⲗⲏⲙ .
Coming up at that very hour, she gave thanks to the Lord, and spoke of him to all those who were looking for redemption in Jerusalem.
2.39
ⲟⲩⲟϩ ⲉⲧⲁⲩϫⲱⲕ ⲛϩⲱⲃ ⲛⲓⲃⲉⲛ ⲉⲃⲟⲗ ⲕⲁⲧⲁⲫⲛⲟⲙⲟⲥ ⲙⲡϭⲟⲓⲥ ⲁⲩⲕⲟⲧⲟⲩ ⲉϯⲅⲁⲗⲓⲗⲉⲁ ⲉⲧⲟⲩⲃⲁⲕⲓ ⲛⲁⲍⲁⲣⲉⲑ .
When they had accomplished all things that were according to the law of the Lord, they returned into Galilee, to their own city, Nazareth.
2.40
ⲡⲓⲁⲗⲟⲩ ⲇⲉ ⲛⲉⲁϥⲁⲓⲁⲓ ⲡⲉ ⲟⲩⲟϩ ⲛⲁϥⲁⲙⲁϩⲓ ⲉϥⲙⲉϩ ⲉⲃⲟⲗ ϧⲉⲛⲟⲩⲥⲟⲫⲓⲁ ⲟⲩⲟϩ ⲟⲩϩⲙⲟⲧ ⲛⲧⲉⲫⲛⲟⲩϯ ⲛⲁϥⲭⲏ ϩⲓϫⲱϥ ⲡⲉ .
The child was growing, and was becoming strong in spirit, being filled with wisdom, and the grace of God was upon him.
2.41
ⲟⲩⲟϩ ⲛⲉϣⲁⲩϣⲉ ⲛⲱⲟⲩ ⲛϫⲉⲛⲉϥⲓⲟϯ ⲛⲧⲉⲛⲣⲟⲙⲡⲓ ⲉⲓⲉⲣⲟⲥⲁⲗⲏⲙ ⲉⲡⲓϣⲁⲓ ⲛⲧⲉⲡⲓⲡⲁⲥⲭⲁ .
His parents went every year to Jerusalem at the feast of the Passover.
2.42
ⲟⲩⲟϩ ⲉⲧⲁϥⲉⲣⲓⲃ ⲛⲣⲟⲙⲡⲓ ⲁⲩϣⲉ ⲛⲱⲟⲩ ⲉⲡⲓϣⲁⲓ ⲕⲁⲧⲁϯⲕⲁϩⲥ .
When he was twelve years old, they went up to Jerusalem according to the custom of the feast,
2.43
ⲟⲩⲟϩ ⲉⲧⲁⲩϫⲱⲕ ⲉⲃⲟⲗ ⲛϫⲉⲛⲓⲉϩⲟⲟⲩ ϧⲉⲛⲡϫⲓⲛⲧⲟⲩⲧⲁⲥⲑⲟ ⲁϥⲥⲱϫⲡ ⲛⲥⲱⲟⲩ ϧⲉⲛⲓⲉⲣⲟⲥⲁⲗⲏⲙ ⲛϫⲉⲡⲓⲁⲗⲟⲩ ⲓⲏⲥⲟⲩⲥ ⲟⲩⲟϩ ⲙⲡⲟⲩⲉⲙⲓ ⲛϫⲉⲛⲉϥⲓⲟϯ
and when they had fulfilled the days, as they were returning, the boy Jesus stayed behind in Jerusalem. Joseph and his mother didn't know it,
2.44
ⲉⲩⲙⲉⲩⲓ ⲇⲉ ϫⲉⲛⲁϥⲙⲟϣⲓ ⲛⲉⲙⲛⲏ ⲉⲑⲙⲟϣⲓ ϩⲓⲡⲓⲙⲱⲓⲧ ⲁⲩⲓ ⲛⲟⲩⲉϩⲟⲟⲩ ⲙⲙⲟϣⲓ ⲟⲩⲟϩ ⲛⲁⲩⲕⲱϯ ⲛⲥⲱϥ ϧⲉⲛⲛⲟⲩⲥⲩⲅⲅⲉⲛⲏ ⲥⲛⲉⲙ ⲛⲏ ⲉⲧⲟⲩⲥⲱⲟⲩⲛ ⲙⲙⲱⲟⲩ .
but supposing him to be in the company, they went a day's journey, and they looked for him among their relatives and acquaintances.
2.45
ⲟⲩⲟϩ ⲉⲧⲉⲙⲡⲟⲩϫⲉⲙϥ ⲁⲩⲧⲁⲥⲑⲟ ⲉⲓⲗⲏ ⲙⲉⲩⲕⲱϯ ⲛⲥⲱϥ .
When they didn't find him, they returned to Jerusalem, looking for him.
2.46
ⲟⲩⲟϩ ⲁⲥϣⲱⲡⲓ ⲙⲉⲛⲉⲛⲥⲁⲅⲛⲉϩⲟⲟⲩ ⲁⲩϫⲉⲙϥ ϧⲉⲛⲡⲓⲉⲣⲫⲉⲓ ⲉϥϩⲉⲙⲥⲓ ϧⲉⲛⲧⲙⲏϯ ⲛⲛⲓⲣⲉϥϯⲥⲃⲱ ⲉϥⲥⲱⲧⲉⲙ ⲉⲣⲱⲟⲩ ⲟⲩⲟϩ ⲉϥϣⲓⲛⲓ ⲙⲙⲱⲟⲩ .
It happened after three days they found him in the temple, sitting in the midst of the teachers, both listening to them, and asking them questions.
2.47
ⲛⲁⲩⲧⲱⲙⲧ ⲇⲉ ⲧⲏⲣⲟⲩ ⲛϫⲉⲛⲏ ⲉⲧⲥⲱⲧⲉⲙ ⲉⲣⲟϥ ⲉϩⲣⲏⲓ ⲉϫⲉⲛⲡⲓⲉⲙⲓ ⲛⲉⲙⲧⲉϥϫⲓⲛⲉⲣⲟⲩⲱ ⲛⲱⲟⲩ .
All who heard him were amazed at his understanding and his answers.
2.48
ⲟⲩⲟϩ ⲉⲧⲁⲩⲛⲁⲩ ⲉⲣⲟϥ ⲁⲩⲉⲣϣⲫⲏⲣⲓ ⲟⲩⲟϩ ⲡⲉϫⲉ ⲧⲉϥⲙⲁⲩ ⲛⲁϥ ϫⲉⲡⲁϣⲏⲣⲓ ⲟⲩ ⲡⲉ ⲫⲁⲓ ⲉⲧⲁⲕⲁⲓϥ ⲛⲁⲛ ⲙⲡⲁⲓⲣⲏϯ ϩⲏⲡⲡⲉ ⲓⲥ ⲡⲉⲕⲓⲱⲧ ⲛⲉⲙⲁⲛⲟⲕ ⲛⲁⲛⲟⲓ ⲛⲉⲙⲕⲁϩ ⲛϩⲏⲧ ⲡⲉ ⲉⲛⲕⲱϯ ⲛⲥⲱⲕ .
When they saw him, they were astonished, and his mother said to him, 'Son, why have you treated us this way? Behold, your father and I were anxiously looking for you.'
2.49
ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲉⲑⲃⲉⲟⲩ ⲧⲉⲧⲉⲛⲕⲱϯ ⲛⲥⲱⲓ ⲛⲁⲣⲉⲧⲉⲛⲉⲙⲓ ⲁⲛ ⲡⲉ ϫⲉϩⲱϯ ⲉⲣⲟⲓ ⲛⲧⲁϣⲱⲡⲓ ϧⲉⲛⲛⲁ ⲡⲁⲓⲱⲧ .
He said to them, 'Why were you looking for me? Didn't you know that I must be in my Father's house?'
2.50
ⲛⲑⲱⲟⲩ ⲇⲉ ⲙⲡⲟⲩⲕⲁϯ ⲉⲡⲉϥⲥⲁϫⲓ ⲉⲧⲁϥϫⲟϥ ⲛⲱⲟⲩ .
They didn't understand the saying which he spoke to them.
2.51
ⲟⲩⲟϩ ⲁϥⲓ ⲉϧⲣⲏⲓ ⲛⲉⲙⲱⲟⲩ ⲉⲛⲁⲍⲁⲣⲉⲑ ⲟⲩⲟϩ ⲛⲁϥϭⲛⲟ ⲛϫⲱϥ ⲛⲱⲟⲩ ⲡⲉ ⲧⲉϥⲙⲁⲩ ⲇⲉ ⲛⲁⲥⲁⲣⲉϩ ⲉⲛⲁⲓⲥⲁϫⲓ ⲧⲏⲣⲟⲩ ⲡⲉ ϧⲉⲛⲡⲉⲥϩⲏⲧ .
And he went down with them, and came to Nazareth. He was subject to them, and his mother kept all these sayings in her heart.
2.52
ⲟⲩⲟϩ ⲓⲏⲥⲟⲩⲥ ⲛⲁϥⲉⲣⲡⲣⲟⲕⲟⲡⲧⲓⲛ ⲡⲉ ϧⲉⲛϯⲙⲁⲓⲏ ⲛⲉⲙϯⲥⲟⲩⲫⲓⲁ ⲛⲉⲙⲡⲓϩⲙⲟⲧ ϧⲁⲧⲉⲛⲫⲛⲟⲩϯ ⲛⲉⲙⲛⲓⲣⲱⲙⲓ .
And Jesus increased in wisdom and stature, and in favor with God and men.
3.1
ⲛϩⲣⲏⲓ ⲇⲉ ϧⲉⲛⲧⲙⲁϩ ⲓⲉ ⲛⲣⲟⲙⲡⲓ ⲛⲧⲉⲑⲙⲉⲧϩⲏⲅⲉⲙⲱⲛ ⲛⲧⲓⲃⲉⲣⲓⲟⲥ ⲡⲟⲩⲣⲟ ⲉϥⲟⲓ ⲛϩⲏⲅⲉⲙⲱⲛ ⲛϫⲉⲡⲟⲛⲧⲓⲟⲥ ⲡⲓⲗⲁⲧⲟⲥ ⲉϯⲓⲟⲩⲇⲉⲁ ⲟⲩⲟϩ ⲉϥⲟⲓ ⲛⲧⲉⲧⲣⲁⲁⲣⲭⲏⲥ ⲉϯⲅⲁⲗⲓⲗⲉⲁ ⲛϫⲉⲏⲣⲱⲇⲏⲥ ⲫⲓⲗⲓⲡⲡⲟⲥ ⲇⲉ ⲡⲉϥⲥⲟⲛ ⲉϥⲟⲓ ⲛⲧⲉⲧⲣⲁⲁⲣⲭⲏⲥ ⲉⲧϩⲓⲇⲟⲩⲙⲉⲁ ⲛⲉⲙϯⲧⲉⲧⲣⲁⲅⲱⲛⲓⲧⲏⲥ ⲛⲭⲱⲣⲁ ⲛⲉⲙⲗⲓⲥⲁⲛⲓⲟⲥ ⲉϥⲟⲓ ⲛⲧⲉⲧⲣⲁⲁⲣⲭⲏⲥ ⲉϯⲁⲃⲓⲗⲓⲛⲏ
Now in the fifteenth year of the reign of Tiberius Caesar, Pontius Pilate being governor of Judea, and Herod being tetrarch of Galilee, and his brother Philip tetrarch of the region of Ituraea and Trachonitis, and Lysanias tetrarch of Abilene,
3.2
ⲛⲁϩⲣⲁϥ ⲛⲁⲛⲛⲁ ⲛⲉⲙⲕⲁⲓⲁⲫⲁ ⲛⲓⲁⲣⲭⲓⲉⲣⲉⲩⲥ ⲁϥϣⲱⲡⲓ ⲛϫⲉⲟⲩⲥⲁϫⲓ ⲛⲧⲉⲫⲛⲟⲩϯ ⲉϫⲉⲛⲓⲱⲁⲛⲛⲏⲥ ⲡϣⲏⲣⲓ ⲛⲍⲁⲭⲁⲣⲓⲁⲥ ϩⲓⲡϣⲁϥⲉ .
in the high priesthood of Annas and Caiaphas, the word of God came to John, the son of Zacharias, in the wilderness.
3.3
ⲟⲩⲟϩ ⲁϥⲓ ⲉϯⲡⲉⲣⲓⲭⲱⲣⲟⲥ ⲧⲏⲣⲥ ⲛⲧⲉⲡⲓⲓⲟⲣⲇⲁⲛⲏⲥ ⲉϥϩⲓⲱⲓϣ ⲛⲟⲩⲱⲙⲥ ⲛⲧⲉⲟⲩⲙⲉⲧⲁⲛⲟⲓⲁ ⲉⲡⲭⲁ ⲛⲟⲃⲓ ⲉⲃⲟⲗ .
He came into all the region around the Jordan, preaching the baptism of repentance for remission of sins.
3.4
ⲙⲫⲣⲏϯ ⲉⲧⲥϧⲏⲟⲩⲧ ϩⲓⲡϫⲱⲙ ⲛⲛⲓⲥⲁϫⲓ ⲛⲧⲉⲏⲥⲁⲓⲁⲥ ⲡⲓⲡⲣⲟⲫⲏⲧⲏⲥ ⲧⲥⲙⲏ ⲙⲡⲉⲧⲱϣ ⲉⲃⲟⲗ ϩⲓⲡϣⲁϥⲉ ϫⲉⲥⲉⲃⲧⲉ ⲫⲙⲱⲓⲧ ⲙⲡϭⲟⲓⲥ ⲥⲟⲩⲧⲱⲛ ⲛⲛⲉϥⲙⲁⲛⲙⲟϣⲓ .
As it is written in the book of the words of Isaiah the prophet, 'The voice of one crying in the wilderness, 'Make ready the way of the Lord. Make his paths straight.
3.5
ϧⲉⲗⲗⲟⲧ ⲛⲓⲃⲉⲛ ⲉⲩⲉⲙⲟϩ ⲟⲩⲟϩ ⲧⲱⲟⲩ ⲛⲓⲃⲉⲛ ⲛⲉⲙⲑⲁⲗ ⲛⲓⲃⲉⲛ ⲉⲩⲉⲑⲉⲃⲓⲱⲟⲩ ⲟⲩⲟϩ ⲉⲩⲉϣⲱⲡⲓ ⲛϫⲉⲛⲏ ⲉⲧⲕⲟⲗϫ ⲉⲩⲥⲟⲩⲧⲱⲛ ⲟⲩⲟϩ ⲛⲏ ⲉⲑⲛⲁϣⲧ ⲉϩⲁⲛⲙⲱⲓⲧ ⲉⲩϫⲏⲛ
Every valley will be filled. Every mountain and hill will be brought low. The crooked will become straight, and the rough ways smooth.
3.6
ⲟⲩⲟϩ ⲉⲩⲉⲛⲁⲩ ⲛϫⲉⲥⲁⲣⲝ ⲛⲓⲃⲉⲛ ⲉⲡⲓⲥⲱⲧⲏ ⲣⲛⲧⲉ ⲫⲛⲟⲩϯ .
All flesh will see God's salvation.''
3.7
ⲛⲁϥϫⲱ ⲟⲩⲛ ⲙⲙⲟⲥ ⲡⲉ ⲛⲛⲓⲙⲏϣ ⲉⲑⲛⲏ ⲟⲩ ⲉⲃⲟⲗ ϩⲁⲣⲟϥ ⲉϭⲓⲱⲙⲥ ⲉⲃⲟⲗ ϩⲓⲧⲟⲧϥ ⲛⲓⲙⲓⲥⲓ ⲛⲧⲉⲛⲓⲁϫⲱ ⲛⲓⲙ ⲁϥⲧⲁⲙⲉ ⲑⲏⲛⲟⲩ ⲉⲫⲱⲧ ⲉⲃⲟⲗ ϧⲁⲧϩⲏ ⲙⲡⲓϫⲱⲛⲧ ⲉⲑⲛⲏⲟⲩ .
He said therefore to the multitudes who went out to be baptized by him, 'You offspring of vipers, who warned you to flee from the wrath to come?
3.8
ⲙⲁⲧⲁⲟⲩⲉ ⲟⲩⲧⲁϩ ⲟⲩⲛ ⲉⲃⲟⲗ ⲉϥⲙⲡϣⲁ ⲛϯⲙⲉⲧⲁⲛⲟⲓⲁ ⲟⲩⲟϩ ⲙⲡⲉⲣⲉⲣϩⲏⲧⲥ ⲛϫⲟⲥ ⲛϧⲣⲏⲓ ϧⲉⲛⲑⲏⲛⲟⲩ ϫⲉⲡⲉⲛⲓⲱⲧ ⲛⲧⲁⲛ ⲁⲃⲣⲁⲁⲙ ϯϫⲱ ⲙⲙⲟⲥ ⲛⲱⲧⲉⲛ ϫⲉⲟⲩⲟⲛ ϣϫⲟⲙ ⲙⲫⲛⲟⲩϯ ⲉⲧⲟⲩⲛⲟⲥ ϩⲁⲛϣⲏⲣⲓ ⲛⲁⲃⲣⲁⲁⲙ ⲉⲃⲟⲗ ϧⲉⲛⲛⲁⲓⲱⲛⲓ .
Bring forth therefore fruits worthy of repentance, and don't begin to say among yourselves, 'We have Abraham for our father;' for I tell you that God is able to raise up children to Abraham from these stones!
3.9
ϩⲏⲇⲏ ⲇⲉ ⲡⲓⲕⲉⲗⲉⲃⲓⲛ ϥⲭⲏ ϧⲁⲧⲛⲟⲩⲛⲓ ⲛⲛⲓϣϣⲏⲛ ϣϣⲏⲛ ⲇⲉ ⲛⲓⲃⲉⲛ ⲉⲧⲉϥⲛⲁⲉⲛ ⲟⲩⲧⲁϩ ⲉⲛⲁⲛⲉϥ ⲉⲃⲟⲗ ⲁⲛ ⲥⲉⲛⲁⲕⲟⲣϫϥ ⲛⲥⲉϩⲓⲧϥ ⲉⲡⲓⲭⲣⲱⲙ .
Even now the axe also lies at the root of the trees. Every tree therefore that doesn't bring forth good fruit is cut down, and thrown into the fire.'
3.10
ⲟⲩⲟϩ ⲛⲁⲩϣⲓⲛⲓ ⲙⲙⲟϥ ⲡⲉ ⲛϫⲉⲛⲓⲙⲏ ϣⲉⲩϫⲱ ⲙⲙⲟⲥ ϫⲉⲟⲩ ⲡⲉⲧⲉⲛⲛⲁⲁⲓϥ .
The multitudes asked him, 'What then must we do?'
3.11
ⲁϥⲉⲣⲟⲩⲱ ⲇⲉ ⲛⲱⲟⲩ ϫⲉⲫⲏ ⲉⲧⲉⲟⲩⲟⲛ ϣⲑⲏⲛ ⲥⲛⲟⲩϯ ⲛⲧⲁϥ ⲙⲁⲣⲉϥϯ ⲙⲫⲏ ⲉⲧⲉⲙⲙⲟⲛⲧⲁϥ ⲟⲩⲟϩ ⲫⲏ ⲉⲧⲉⲟⲩⲟⲛ ϩⲁⲛϧⲣⲏ ⲟⲩⲓ ⲛⲧⲁϥ ⲙⲁⲣⲉϥⲓⲣⲓ ⲟⲛ ⲙⲡⲁⲓⲣⲏϯ .
He answered them, 'He who has two coats, let him give to him who has none. He who has food, let him do likewise.'
3.12
ⲁⲩⲓ ⲇⲉ ⲟⲛ ⲛϫⲉϩⲁⲛⲕⲉⲧⲉⲗⲱⲛⲏⲥ ϩⲓⲛⲁ ⲛⲧⲟⲩϭⲓⲱⲙⲥ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲫⲣⲉϥϯⲥⲃⲱ ⲟⲩ ⲡⲉⲧⲉⲛⲛⲁⲁⲓϥ .
Tax collectors also came to be baptized, and they said to him, 'Teacher, what must we do?'
3.13
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲙⲡⲉⲣⲉⲣ ϩⲗⲓ ⲥⲁⲃⲟⲗ ⲙⲡⲉⲧⲑⲏϣ ⲛⲱⲧⲉⲛ .
He said to them, 'Collect no more than that which is appointed to you.'
3.14
ⲛⲁⲩϣⲓⲛⲓ ⲇⲉ ⲙⲙⲟϥ ⲛϫⲉϩⲁⲛⲕⲉⲙⲁⲧⲟⲓ ⲉⲩϫⲱ ⲙⲙⲟⲥ ϫⲉⲟⲩ ϩⲱⲛ ⲡⲉⲧⲉⲛⲛⲁⲁⲓϥ ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲡⲉⲣⲗⲉϣϫ ϩⲗⲓ ⲟⲩⲇⲉ ⲙⲡⲉⲣϭⲓ ϩⲗⲓ ⲛϫⲟⲛⲥ ⲟⲩⲟϩ ⲙⲁⲣⲟⲩⲣⲁϣ ⲑⲏⲛⲟⲩ ⲛϫⲉⲛⲉⲧⲉⲛⲟⲯⲱⲛⲓⲟⲛ .
Soldiers also asked him, saying, 'What about us? What must we do?' He said to them, 'Extort from no one by violence, neither accuse anyone wrongfully. Be content with your wages.'
3.15
ⲉϥϫⲟⲩϣⲧ ⲇⲉ ⲛϫⲉⲡⲓⲗⲁⲟⲥ ⲧⲏⲣϥ ⲟⲩⲟϩ ⲉⲩⲙⲟⲕⲙⲉⲕ ⲧⲏⲣⲟⲩ ϧⲉⲛⲡⲟⲩϩⲏⲧ ⲉⲑⲃⲉⲓⲱⲁⲛⲛⲏⲥ ϫⲉⲙⲏⲡⲟⲧⲉ ⲛⲑⲟϥ ⲡⲉ ⲡⲭⲣⲓⲥⲧⲟⲥ .
As the people were in expectation, and all men reasoned in their hearts concerning John, whether perhaps he was the Christ,
3.16
ⲁϥⲉⲣⲟⲩⲱ ⲛⲱⲟⲩ ⲧⲏⲣⲟⲩ ⲛϫⲉⲓⲱⲁⲛⲛⲏⲥ ⲉϥϫⲱ ⲙⲙⲟⲥ ϫⲉⲁⲛⲟⲕ ⲙⲉⲛ ϯⲱⲙⲥ ⲙⲙⲱⲧⲉⲛ ϧⲉⲛⲟⲩⲙⲱⲟⲩ ϥⲛⲏⲟⲩ ⲇⲉ ⲛϫⲉⲡⲉⲧϫⲟⲣ ⲉⲣⲟⲓ ⲫⲏ ⲉⲧⲉⲛϯⲙⲡϣⲁ ⲁⲛ ⲉϯⲟⲩⲱ ⲛⲟⲩⲙⲟⲩⲥⲉⲣ ⲛⲧⲉⲡⲉϥⲑⲱⲟⲩⲓ ⲛⲑⲟϥ ⲉϥⲉⲉⲙⲥ ⲑⲏⲛⲟⲩ ϧⲉⲛⲟⲩⲡⲛⲉⲩⲙⲁⲉϥⲟⲩⲁⲃ ⲛⲉⲙⲟⲩⲭⲣⲱⲙ .
John answered them all, 'I indeed baptize you with water, but he comes who is mightier than I, the latchet of whose sandals I am not worthy to loosen. He will baptize you in the Holy Spirit and fire,
3.17
ⲫⲏ ⲉⲧⲉⲡⲉϥϧⲁⲓ ⲛⲟⲩⲱⲧⲉⲃ ϧⲉⲛⲧⲉϥϫⲓϫ ⲉⲧⲟⲩⲃⲟ ⲙⲡⲉϥϭⲛⲱⲟⲩ ⲟⲩⲟϩ ⲛⲧⲉϥⲑⲱⲟⲩϯ ⲙⲡⲉϥⲥⲟⲩⲟ ⲉϯⲁⲡⲟⲑⲏⲕⲏ ⲡⲓⲧⲟϩ ⲇⲉ ϥⲛⲁⲣⲟⲕϩϥ ϧⲉⲛⲟⲩⲭⲣⲱⲙ ⲛⲁⲧϭⲉⲛⲟ .
whose fan is in his hand, and he will thoroughly cleanse his threshing floor, and will gather the wheat into his barn; but he will burn up the chaff with unquenchable fire.'
3.18
ϩⲁⲛⲙⲏϣ ⲙⲉⲛ ⲟⲩⲛ ⲛⲉⲙϩⲁⲛⲕⲉⲭⲱⲟⲩⲛⲓ ⲉϥϯⲛⲟⲙϯ ⲛⲱⲟⲩ ⲛⲁϥϩⲓϣⲉⲛⲛⲟⲩϥⲓ ⲙⲡⲓⲗⲁⲟⲥ .
Then with many other exhortations he preached good news to the people,
3.19
ⲏⲣⲱⲇⲏⲥ ⲇⲉ ⲡⲓⲧⲉⲧⲣⲁⲁⲣⲭⲏⲥ ⲉϥⲥⲟϩⲓ ⲙⲙⲟϥ ⲛϫⲉⲓⲱⲁⲛⲛⲏⲥ ⲉⲑⲃⲉⲏⲣⲱⲇⲓⲁⲥ ⲧⲥϩⲓⲙⲓ ⲙⲫⲓⲗⲓⲡⲡⲟⲥ ⲡⲉϥⲥⲟⲛ ⲛⲉⲙⲉⲑⲃⲉϩⲱⲃ ⲛⲓⲃⲉⲛ ⲉⲧⲁϥⲁⲓⲧⲟⲩ ⲛϫⲉⲏⲣⲱⲇⲏⲥ .
but Herod the tetrarch, being reproved by him for Herodias, his brother's wife, and for all the evil things which Herod had done,
3.20
ⲁϥⲧⲟⲩϩⲟ ⲙⲡⲁⲓⲭⲉⲧ ⲉⲣⲱⲟⲩ ⲧⲏⲣⲟⲩ ⲁϥϩⲓⲟⲩⲓ ⲛⲓⲱⲁⲛⲛⲏⲥ ⲉⲡⲓϣⲧⲉⲕⲟ .
added this also to them all, that he shut up John in prison.
3.21
ⲁⲥϣⲱⲡⲓ ⲇⲉ ⲉⲧⲁϥϭⲓⲱⲙⲥ ⲛϫⲉⲡⲓⲗⲁⲟⲥ ⲧⲏⲣϥ ⲟⲩⲟϩ ⲡⲓⲕⲉ ⲓⲏⲥⲟⲩⲥ ⲉⲧⲁϥϭⲓⲱⲙⲥ ⲟⲩⲟϩ ⲉϥⲉⲣⲡⲣⲟⲥⲉⲩⲭⲉⲥⲑⲉ ⲁⲥⲟⲩⲱⲛ ⲛϫⲉⲧⲫⲉ
Now it happened, when all the people were baptized, Jesus also had been baptized, and was praying. The sky was opened,
3.22
ⲟⲩⲟϩ ⲁϥⲓ ⲉϧⲣⲏⲓ ⲉϫⲱϥ ⲛϫⲉⲡⲓⲡⲛⲉⲩⲙⲁⲉⲑⲟⲩⲁⲃ ⲙⲡⲥⲙⲟⲧ ⲛⲟⲩⲥⲱⲙⲁ ⲙⲫⲣⲏϯ ⲛⲟⲩϭⲣⲟⲙⲡⲓ ⲟⲩⲟϩ ⲟⲩⲥⲙⲏ ⲁⲥϣⲱⲡⲓ ⲉⲃⲟⲗ ϧⲉⲛⲧⲫⲉ ϫⲉⲛⲑⲟⲕ ⲡⲉ ⲡⲁϣⲏⲣⲓ ⲡⲁⲙⲉⲛⲣⲓⲧ ⲉⲧⲁⲓϯ ⲙⲁϯ ⲛϧⲏⲧϥ .
and the Holy Spirit descended in a bodily form as a dove on him; and a voice came out of the sky, saying 'You are my beloved Son. In you I am well pleased.'
3.23
ⲓⲏⲥⲟⲩⲥ ⲇⲉ ⲁϥⲉⲣϩⲏⲧⲥ ⲛϣⲱⲡⲓ ϧⲉⲛⲧⲙⲁϩ ⲗⲛⲣⲟⲙⲡⲓ ϩⲱⲥ ⲉⲩⲙⲉⲩⲓ ⲉⲣⲟϥ ϫⲉⲡϣⲏⲣⲓ ⲛⲓⲱⲥⲏⲫ ⲫⲁ ⲏⲗⲓ .
Jesus himself, when he began to teach, was about thirty years old, being the son (as was supposed) of Joseph, the son of Heli,
3.24
ⲫⲁ ⲙⲁⲧⲑⲁⲧ ⲫⲁ ⲗⲉⲩⲓ ⲫⲁ ⲙⲉⲗⲭⲓ ⲫⲁ ⲓⲁⲛⲛⲏ ⲫⲁ ⲓⲱⲥⲏⲫ
the son of Matthat, the son of Levi, the son of Melchi, the son of Jannai, the son of Joseph,
3.25
ⲫⲁ ⲙⲁⲧⲑⲁⲑⲓⲟⲩ ⲫⲁ ⲁⲙⲱⲥ ⲫⲁ ⲛⲁⲟⲩⲙ ⲫⲁ ⲉⲥⲣⲓⲙ ⲫⲁ ⲁⲅⲅⲉ
the son of Mattathias, the son of Amos, the son of Nahum, the son of Esli, the son of Naggai,
3.26
ⲫⲁ ⲙⲁⲁⲧ ⲫⲁ ⲙⲁⲧⲑⲁⲑⲓⲟⲩ ⲫⲁ ⲥⲏⲙⲉⲓⲛ ⲫⲁ ⲓⲱⲥⲏⲭ ⲫⲁ ⲓⲱⲇⲁ
the son of Maath, the son of Mattathias, the son of Semein, the son of Joseph, the son of Judah,
3.27
ⲫⲁ ⲓⲱⲛⲁⲛ ⲫⲁ ⲣⲏⲥⲁ ⲫⲁ ⲍⲟⲣⲟⲃⲁⲃⲉⲗ ⲫⲁ ⲥⲁⲗⲁⲑⲓⲏⲗ ⲫⲁ ⲛⲏⲣⲓ .
the son of Joanan, the son of Rhesa, the son of Zerubbabel, the son of Shealtiel, the son of Neri,
3.28
ⲫⲁ ⲙⲉⲗⲭⲓ ⲫⲁ ⲁⲇⲇⲓ ⲫⲁ ⲕⲱⲥⲁⲙ ⲫⲁ ⲁⲗⲙⲁⲇⲁⲙ ⲫⲁ ⲏⲣ
the son of Melchi, the son of Addi, the son of Cosam, the son of Elmodam, the son of Er,
3.29
ⲫⲁ ⲓⲏⲥⲟⲩ ⲫⲁ ⲉⲗⲉⲍⲉⲣ ⲫⲁ ⲓⲱⲣⲓⲙ ⲫⲁ ⲙⲁⲧⲑⲁⲧ ⲫⲁ ⲗⲉⲩⲓ
the son of Jose, the son of Eliezer, the son of Jorim, the son of Matthat, the son of Levi,
3.30
ⲫⲁ ⲥⲓⲙⲉⲱⲛ ⲫⲁ ⲓⲟⲩⲇⲁ ⲫⲁ ⲓⲱⲥⲏⲫ ⲫⲁ ⲓⲱⲛⲁⲙ ⲫⲁ ⲉⲗⲓⲁⲕⲓⲙ
the son of Simeon, the son of Judah, the son of Joseph, the son of Jonan, the son of Eliakim,
3.31
ⲫⲁ ⲙⲉⲗⲉⲁ ⲫⲁ ⲙⲉⲛⲛⲁ ⲫⲁ ⲙⲁⲧⲧⲁⲑⲁ ⲫⲁ ⲛⲁⲑⲁⲛ ⲫⲁ ⲇⲁⲩⲓⲇ .
the son of Melea, the son of Menan, the son of Mattatha, the son of Nathan, the son of David,
3.32
ⲫⲁ ⲓⲉⲥⲥⲏ ⲫⲁ ⲓⲱⲃⲏⲇ ⲫⲁ ⲃⲟⲉⲥ ⲫⲁ ⲥⲁⲗⲙⲱⲛ ⲫⲁ ⲛⲁⲥⲥⲱⲛ
the son of Jesse, the son of Obed, the son of Boaz, the son of Salmon, the son of Nahshon,
3.33
ⲫⲁ ⲁⲙⲓⲛⲁⲇⲁⲃ ⲫⲁ ⲁⲇⲙⲓⲛ ⲫⲁ ⲁⲣⲛⲓ ⲫⲁ ⲁⲥⲣⲱⲙ ⲫⲁ ⲫⲁⲣⲉⲥ ⲫⲁ ⲓⲟⲩⲇⲁ
the son of Amminadab, the son of Aram, the son of Hezron, the son of Perez, the son of Judah,
3.34
ⲫⲁ ⲓⲁⲕⲱⲃ ⲫⲁ ⲓⲥⲁⲁⲕ ⲫⲁ ⲁⲃⲣⲁⲁⲙ ⲫⲁ ⲑⲁⲣⲣⲁ ⲫⲁ ⲛⲁⲭⲱⲣ
the son of Jacob, the son of Isaac, the son of Abraham, the son of Terah, the son of Nahor,
3.35
ⲫⲁ ⲥⲁⲣⲟⲩⲭ ⲫⲁ ⲣⲁⲅⲁⲩ ⲫⲁ ⲫⲁⲗⲉⲭ ⲫⲁ ⲉⲃⲉⲣ ⲫⲁ ⲥⲁⲗⲁ
the son of Serug, the son of Reu, the son of Peleg, the son of Eber, the son of Shelah,
3.36
ⲫⲁ ⲕⲁⲓⲛⲁⲙ ⲫⲁ ⲁⲣⲫⲁⲝⲁⲇ ⲫⲁ ⲥⲉⲙ ⲫⲁ ⲛⲱⲉ ⲫⲁ ⲗⲁⲙⲉⲭ
the son of Cainan, the son of Arphaxad, the son of Shem, the son of Noah, the son of Lamech,
3.37
ⲫⲁ ⲙⲁⲑⲩⲥⲁⲗⲁ ⲫⲁ ⲉⲛⲱⲭ ⲫⲁ ⲓⲁⲣⲇ ⲫⲁ ⲙⲁⲗⲉⲗⲉⲏⲗ ⲫⲁ ⲕⲁⲓⲛⲁⲙ
the son of Methuselah, the son of Enoch, the son of Jared, the son of Mahalaleel, the son of Cainan,
3.38
ⲫⲁ ⲉⲛⲱⲥ ⲫⲁ ⲥⲏⲑ ⲫⲁ ⲁⲇⲁⲙ ⲫⲁ ⲫⲛⲟⲩϯ .
the son of Enos, the son of Seth, the son of Adam, the son of God.
4.1
ⲓⲏⲥⲟⲩⲥ ⲇⲉ ⲉϥⲙⲉϩ ⲉⲃⲟⲗ ϧⲉⲛⲡⲓⲡⲛⲉⲩⲙⲁⲉⲑⲟⲩⲁⲃ ⲁϥⲧⲁⲥⲑⲟ ⲉⲃⲟⲗ ϩⲓⲡⲓⲓⲟⲣⲇⲁⲛⲏⲥ ⲟⲩⲟϩ ⲁϥⲟⲗϥ ⲛϫⲉⲡⲓⲡⲛⲉⲩⲙⲁⲉⲡϣⲁϥⲉ .
Jesus, full of the Holy Spirit, returned from the Jordan, and was led by the Spirit into the wilderness
4.2
ⲛⲙ ⲛⲉϩⲟⲟⲩ ⲉϥⲉⲣⲡⲓⲣⲁⲍⲓⲛ ⲙⲙⲟϥ ⲛϫⲉⲡⲓⲇⲓⲁⲃⲟⲗⲟⲥ ⲟⲩⲟϩ ⲙⲡⲉϥⲟⲩⲉⲙ ϩⲗⲓ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ ⲟⲩⲟϩ ⲉⲧⲁⲩϫⲱⲕ ⲉⲃⲟⲗ ⲁϥϩⲕⲟ .
for forty days, being tempted by the devil. He ate nothing in those days. Afterward, when they were completed, he was hungry.
4.3
ⲡⲉϫⲁϥ ⲇⲉ ⲛⲁϥ ⲛϫⲉⲡⲓⲇⲓⲁⲃⲟⲗⲟⲥ ϫⲉⲓⲥϫⲉ ⲛⲑⲟⲕ ⲡⲉ ⲡϣⲏⲣⲓ ⲙⲫⲛⲟⲩϯ ⲁϫⲟⲥ ⲙⲡⲁⲓⲱⲛⲓ ϩⲓⲛⲁ ⲛⲧⲉϥⲉⲣⲱⲓⲕ .
The devil said to him, 'If you are the Son of God, command this stone to become bread.'
4.4
ⲟⲩⲟϩ ⲁϥⲉⲣⲟⲩⲱ ⲛⲁϥ ⲛϫⲉⲓⲏⲥⲟⲩⲥ ϫⲉⲥⲥϧⲏ ⲟⲩⲧ ϫⲉⲛⲁⲣⲉⲡⲓⲣⲱⲙⲓ ⲛⲁⲱⲛϧ ⲉⲱⲓⲕ ⲙⲙⲁⲩⲁⲧϥ ⲁⲛ .
Jesus answered him, saying, 'It is written, 'Man shall not live by bread alone, but by every word of God.''
4.5
ⲟⲩⲟϩ ⲉⲧⲁϥⲟⲗϥ ⲉⲡϣⲱⲓ ⲁϥⲧⲁⲙⲟϥ ⲉⲛⲓⲙⲉⲧⲟⲩⲣⲱⲟⲩ ⲧⲏⲣⲟⲩ ⲛⲧⲉϯⲟⲓⲕⲟⲩⲙⲉⲛⲏ ϧⲉⲛⲟⲩⲥⲧⲓⲅⲙⲏ ⲛⲧⲉⲟⲩⲭⲣⲟⲛⲟⲥ .
The devil, leading him up on a high mountain, showed him all the kingdoms of the world in a moment of time.
4.6
ⲟⲩⲟϩ ⲡⲉϫⲁϥ ⲛⲁϥ ⲛϫⲉⲡⲓⲇⲓⲁⲃⲟⲗⲟⲥ ϫⲉϯⲛⲁϯ ⲛⲁⲕ ⲙⲡⲁⲓⲉⲣϣⲓϣⲓ ⲧⲏⲣϥ ⲛⲉⲙⲡⲟⲩⲱⲟⲩ ϫⲉⲁⲛⲟⲕ ⲡⲉ ⲉⲧⲉϥⲧⲟⲓ ⲉⲧⲟⲧⲟⲩⲟϩ ⲫⲏ ⲉϯⲟⲩⲁϣϥ ϣⲁⲓⲧⲏⲓϥ ⲛⲁϥ .
The devil said to him, 'I will give you all this authority, and their glory, for it has been delivered to me; and I give it to whomever I want.
4.7
ⲛⲑⲟⲕ ⲟⲩⲛ ⲁⲕϣⲁⲛⲟⲩⲱϣⲧ ⲙⲡⲁⲙⲑⲟ ⲉⲃⲟⲗ ⲉϥⲉϣⲱⲡⲓ ⲛⲁⲕ ⲧⲏⲣϥ .
If you therefore will worship before me, it will all be yours.'
4.8
ⲟⲩⲟϩ ⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲁϥ ϫⲉⲥⲥϧⲏⲟⲩⲧ ϫⲉⲡϭⲟⲓⲥ ⲡⲉⲕⲛⲟⲩϯ ⲡⲉ ⲉⲧⲉⲕⲉⲟⲩⲱϣⲧ ⲙⲙⲟϥ ⲟⲩⲟϩ ⲛⲑⲟϥ ⲙⲙⲁⲩⲁⲧϥ ⲡⲉⲧⲉⲕⲉϣⲉⲙϣⲓ ⲙⲙⲟϥ .
Jesus answered him, 'Get behind me Satan! For it is written, 'You shall worship the Lord your God, and you shall serve him only.''
4.9
ⲁϥⲉⲛϥ ⲇⲉ ⲟⲛ ⲉϩⲣⲏⲓ ⲉⲓⲉⲣⲟⲥⲁⲗⲏⲙ ⲟⲩⲟϩ ⲁϥⲧⲁϩⲟϥ ⲉⲣⲁⲧϥ ⲉϫⲉⲛⲡⲧⲉⲛϩ ⲛⲧⲉⲡⲓⲉⲣⲫⲉⲓ ⲟⲩⲟϩ ⲡⲉϫⲁϥ ⲛⲁϥ ϫⲉⲓⲥϫⲉ ⲛⲑⲟⲕ ⲡⲉ ⲡϣⲏⲣⲓ ⲙⲫⲛⲟⲩϯ ϩⲓⲧⲕ ⲉⲡⲉⲥⲏⲧ ⲉⲃⲟⲗ ⲧⲁⲓ .
He led him to Jerusalem, and set him on the pinnacle of the temple, and said to him, 'If you are the Son of God, cast yourself down from here,
4.10
ⲥⲥϧⲏⲟⲩⲧ ⲅⲁⲣ ϫⲉⲉϥⲉϩⲟⲛϩⲉⲛ ⲉⲧⲟⲧⲟⲩ ⲛⲛⲉϥⲁⲅⲅⲉⲗⲟⲥ ⲉⲑⲃⲏⲧⲕ ϫⲉⲛⲧⲟⲩⲁⲣⲉϩ ⲉⲣⲟⲕ
for it is written, 'He will put his angels in charge of you, to guard you;'
4.11
ⲟⲩⲟϩ ⲛⲧⲟⲩϥⲓⲧⲕ ⲉϫⲉⲛⲛⲟⲩϭⲛⲁⲩϩ ⲙⲏⲡⲟⲧⲉ ⲛⲧⲉⲕϭⲓϭⲣⲟⲡ ⲉⲟⲩⲱⲛⲓ ⲛⲧⲉⲕϭⲁⲗⲟϫ .
and, 'On their hands they will bear you up, lest perhaps you dash your foot against a stone.''
4.12
ⲟⲩⲟϩ ⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲁϥ ϫⲉⲁⲩϫⲟⲥ ϫⲉⲛⲛⲉⲕⲉⲣⲡⲓⲣⲁⲍⲓⲛ ⲙⲡϭⲟⲓⲥ ⲡⲉⲕⲛⲟⲩϯ .
Jesus answering, said to him, 'It has been said, 'You shall not tempt the Lord your God.''
4.13
ⲟⲩⲟϩ ⲉⲧⲁϥϫⲉⲕ ⲡⲓⲣⲁⲥⲙⲟⲥ ⲛⲓⲃⲉⲛ ⲉⲃⲟⲗ ⲛϫⲉⲡⲓⲇⲓⲁⲃⲟⲗⲟⲥ ⲁϥϣⲉ ⲛⲁϥ ⲉⲃⲟⲗ ϩⲁⲣⲟϥ ϣⲁⲟⲩⲥⲏⲟⲩ .
When the devil had completed every temptation, he departed from him until another time.
4.14
ⲟⲩⲟϩ ⲁϥⲧⲁⲥⲑⲟ ⲛϫⲉⲓⲏⲥⲟⲩⲥ ⲉϧⲟⲩⲛ ⲉϯⲅⲁⲗⲓⲗⲉⲁ ϧⲉⲛϯϫⲟⲙ ⲛⲧⲉⲡⲓⲡⲛⲉⲩⲙⲁⲟⲩⲟϩ ⲟⲩⲥⲙⲏ ⲁⲥⲓ ⲉⲃⲟⲗ ϧⲉⲛϯⲡⲉⲣⲓⲭⲱⲣⲟⲥ ⲧⲏⲣⲥ ⲉⲑⲃⲏⲧϥ .
Jesus returned in the power of the Spirit into Galilee, and news about him spread through all the surrounding area.
4.15
ⲟⲩⲟϩ ⲛⲑⲟϥ ⲛⲁϥϯⲥⲃⲱ ϧⲉⲛⲛⲟⲩⲥⲩⲛⲁⲅⲱⲅⲏ ⲉⲩϯⲱⲟⲩ ⲛⲁϥ ⲛϫⲉⲟⲩⲟⲛ ⲛⲓⲃⲉⲛ .
He taught in their synagogues, being glorified by all.
4.16
ⲟⲩⲟϩ ⲁϥⲓ ⲉⲛⲁⲍⲁⲣⲉⲑ ⲡⲓⲙⲁ ⲉⲧⲁⲩϣⲁⲛⲟⲩϣϥ ⲙⲙⲟϥ ⲟⲩⲟϩ ⲁϥϣⲉ ⲛⲁϥ ⲉϧⲟⲩⲛ ⲉϯⲥⲩⲛⲁⲅⲱⲅⲏ ⲙⲡⲓⲉϩⲟⲟⲩ ⲛⲧⲉⲛⲓⲥⲁⲃⲃⲁⲧⲟⲛ ⲕⲁⲧⲁϯⲕⲁϩⲥ ⲟⲩⲟϩ ⲁϥⲧⲱⲛϥ ⲉⲱϣ
He came to Nazareth, where he had been brought up. He entered, as was his custom, into the synagogue on the Sabbath day, and stood up to read.
4.17
ⲟⲩⲟϩ ⲁⲩϯ ⲛⲁϥ ⲙⲡϫⲱⲙ ⲛⲧⲉⲏⲥⲁⲏⲁⲥ ⲡⲓⲡⲣⲟⲫⲏⲧⲏⲥ ⲟⲩⲟϩ ⲉⲧⲁϥⲟⲩⲱⲛ ⲉⲡⲓϫⲱⲙ ⲁϥϫⲓⲙⲓ ⲙⲡⲓⲙⲁ ⲉⲛⲁϥⲥϧⲏⲟⲩⲧ ⲙⲙⲟϥ .
The book of the prophet Isaiah was handed to him. He opened the book, and found the place where it was written,
4.18
ϫⲉⲟⲩⲡⲛⲉⲩⲙⲁⲛⲧⲉⲡϭⲟⲓⲥ ⲡⲉⲧⲭⲏ ϩⲓϫⲱⲓ ⲉⲑⲃⲉⲫⲁⲓ ⲁϥⲑⲁϩⲥⲧ ⲁϥⲟⲩⲱⲣⲡ ⲙⲙⲟⲓ ⲉϩⲓϣⲉⲛⲛⲟⲩϥⲓ ⲛⲛⲓϩⲏⲕⲓ ⲉϩⲓⲱⲓϣ ⲛⲛⲓⲉⲭⲙⲁⲗⲱⲧⲟⲥ ⲛⲟⲩⲭⲱ ⲉⲃⲟⲗ ⲛⲉⲙⲟⲩⲛⲁⲩ ⲙⲃⲟⲗ ⲛⲛⲓⲃⲉⲗⲗⲉⲩ ⲉⲟⲩⲱⲣⲡ ⲛⲛⲏ ⲉⲧⲥⲟⲛϩ ϧⲉⲛⲟⲩⲭⲱ ⲉⲃⲟⲗ .
'The Spirit of the Lord is on me, because he has anointed me to preach good news to the poor. He has sent me to heal the brokenhearted, to proclaim release to the captives, recovering of sight to the blind, to deliver those who are crushed,
4.19
ⲉϩⲓⲱⲓϣ ⲛⲟⲩⲣⲟⲙⲡⲓ ⲉⲥϣⲏⲡ ⲙⲡϭⲟⲓⲥ .
and to proclaim the acceptable year of the Lord.'
4.20
ⲟⲩⲟϩ ⲉⲧⲁϥⲕⲉⲗ ⲡⲓϫⲱⲙ ⲁϥⲧⲏⲓϥ ⲙⲡⲓϩⲩⲡⲏ ⲣⲉⲧⲏⲥ ⲁϥϩⲉⲙⲥⲓ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧϧⲉⲛϯⲥⲩⲛⲁⲅⲱⲅⲏ ⲛⲁⲣⲉⲛⲟⲩⲃⲁⲗ ϫⲟⲩϣⲧ ⲉϩⲣⲏⲓ ϩⲱⲓⲧϥ ⲡⲉ .
He closed the book, gave it back to the attendant, and sat down. The eyes of all in the synagogue were fastened on him.
4.21
ⲟⲩⲟϩ ⲁϥⲉⲣϩⲏⲧⲥ ⲛϫⲟⲥ ⲛⲱⲟⲩ ϫⲉⲁⲥϫⲱⲕ ⲉⲃⲟⲗ ⲙⲫⲟⲟⲩ ⲛϫⲉⲧⲁⲓⲅⲣⲁⲫⲏ ϧⲉⲛⲛⲉⲧⲉⲛⲙⲁϣϫ .
He began to tell them, 'Today, this Scripture has been fulfilled in your hearing.'
4.22
ⲟⲩⲟϩ ⲛⲁⲩⲉⲣⲙⲉⲑⲣⲉ ⲛⲁϥ ⲧⲏⲣⲟⲩ ⲡⲉ ⲟⲩⲟϩ ⲛⲁⲩⲉⲣϣⲫⲏⲣⲓ ⲉϫⲉⲛⲛⲓⲥⲁϫⲓ ⲛⲧⲉⲡⲓϩⲙⲟⲧ ⲛⲏ ⲉⲛⲁⲩⲛⲏⲟⲩ ⲉⲃⲟⲗ ϧⲉⲛⲣⲱϥ ⲟⲩⲟϩ ⲛⲁⲩϫⲱ ⲙⲙⲟⲥ ϫⲉⲙⲏ ⲫⲁⲓ ⲁⲛ ⲡⲉ ⲡϣⲏⲣⲓ ⲛⲓⲱⲥⲏⲫ
All testified about him, and wondered at the gracious words which proceeded out of his mouth, and they said, 'Isn't this Joseph's son?'
4.23
ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲡⲁⲛⲧⲱⲥ ⲧⲉⲧⲉⲛⲛⲁϫⲉ ⲧⲁⲓⲡⲁⲣⲁⲃⲟⲗⲏ ⲛⲏⲓ ϫⲉⲡⲓⲥⲏⲓⲛⲓ ⲁⲣⲓⲫⲁϧⲣⲓ ⲉⲣⲟⲕ ⲙⲙⲁⲩⲁⲧⲕ ⲛⲏ ⲉⲧⲁⲛⲥⲟⲑⲙⲟⲩ ⲉⲁⲩϣⲱⲡⲓ ϧⲉⲛⲕⲁⲫⲁⲣⲛⲁⲟⲩⲙ ⲁⲣⲓⲧⲟⲩ ⲙⲡⲁⲓⲙⲁ ϩⲱϥ ϧⲉⲛⲧⲉⲕⲃⲁⲕⲓ .
He said to them, 'Doubtless you will tell me this parable, 'Physician, heal yourself! Whatever we have heard done at Capernaum, do also here in your hometown.''
4.24
ⲡⲉϫⲁϥ ⲇⲉ ⲛⲱⲟⲩ ϫⲉⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲙⲙⲟⲛ ϩⲗⲓ ⲙⲡⲣⲟⲫⲏⲧⲏⲥ ⲉϥϣⲏⲡ ϧⲉⲛⲧⲉϥⲃⲁⲕⲓ .
He said, 'Most certainly I tell you, no prophet is acceptable in his hometown.
4.25
ⲧⲁⲫⲙⲏⲓ ⲇⲉ ϯϫⲱ ⲙⲙⲟⲥ ⲛⲱⲧⲉⲛ ϫⲉⲛⲉⲟⲩⲟⲛ ⲟⲩⲙⲏϣ ⲛⲭⲏⲣⲁ ⲡⲉ ϧⲉⲛⲡⲓⲥⲗ ϧⲉⲛⲛⲓⲉϩⲟⲟⲩ ⲛⲧⲉⲏⲗⲓⲁⲥ ϩⲟⲧⲉ ⲉⲧⲁⲥϣⲑⲁⲙ ⲛϫⲉⲧⲫⲉ ⲛⲅ ⲛⲣⲟⲙⲡⲓ ⲛⲉⲙⲛⲁⲃⲟⲧ ϩⲱⲥⲧⲉ ⲛⲧⲉϥϣⲱⲡⲓ ⲛϫⲉⲟⲩⲛⲓϣϯ ⲛϩⲃⲱⲛ ϩⲓϫⲉⲛⲡⲕⲁϩⲓ ⲧⲏⲣϥ .
But truly I tell you, there were many widows in Israel in the days of Elijah, when the sky was shut up three years and six months, when a great famine came over all the land.
4.26
ⲟⲩⲟϩ ⲙⲡⲟⲩⲟⲩⲱⲣⲡ ⲛⲏⲗⲓⲁⲥ ϩⲁϩⲗⲓ ⲙⲙⲱⲟⲩ ⲉⲃⲏⲗ ϩⲁⲟⲩⲥϩⲓⲙⲓ ⲛⲭⲏⲣⲁ ⲑⲏ ⲉⲧϧⲉⲛⲥⲁⲣⲉⲡⲧⲁ ⲛⲧⲉϯⲥⲓⲇⲱⲛⲓⲁ .
Elijah was sent to none of them, except to Zarephath, in the land of Sidon, to a woman who was a widow.
4.27
ⲟⲩⲟϩ ⲛⲉⲟⲩⲟⲛ ⲟⲩⲙⲏϣ ⲛⲕⲁⲕⲥⲉϩⲧ ⲡⲉ ϧⲉⲛⲡⲓⲥⲗ ⲛⲁϩⲣⲁϥ ⲛⲉⲗⲓⲥⲉⲟⲥ ⲡⲓⲡⲣⲟⲫⲏ ⲧⲏⲥ ⲟⲩⲟϩ ⲙⲡⲉ ϩⲗⲓ ⲛϧⲏⲧⲟⲩ ⲧⲟⲩⲃⲟ ⲉⲃⲏⲗ ⲉⲛⲉⲙⲁⲛ ⲡⲓⲥⲩⲣⲟⲥ .
There were many lepers in Israel in the time of Elisha the prophet, yet not one of them was cleansed, except Naaman, the Syrian.'
4.28
ⲟⲩⲟϩ ⲁⲩⲙⲟϩ ⲧⲏⲣⲟⲩ ⲛϫⲱⲛⲧ ⲉⲩⲥⲱⲧⲉⲙ ⲉⲛⲁⲓ
They were all filled with wrath in the synagogue, as they heard these things.
4.29
ⲟⲩⲟϩ ⲁⲩⲧⲱⲟⲩⲛⲟⲩ ⲁⲩϩⲓⲧϥ ⲥⲁⲃⲟⲗ ⲛϯⲃⲁⲕⲓ ⲟⲩⲟϩ ⲁⲩⲉⲛϥ ⲉⲃⲟⲗ ⲉϫⲉⲛⲡϭⲓⲥⲓ ⲙⲡⲓⲧⲱⲟⲩ ⲫⲏ ⲉⲛⲁⲣⲉⲧⲟⲩⲃⲁⲕⲓ ⲭⲏ ϩⲓϫⲱϥ ϩⲱⲥⲧⲉ ⲛⲧⲟⲩϫⲟⲗⲕϥ ⲉϧⲣⲏⲓ .
They rose up, threw him out of the city, and led him to the brow of the hill that their city was built on, that they might throw him off the cliff.
4.30
ⲛⲑⲟϥ ⲇⲉ ⲉⲧⲁϥⲥⲓⲛⲓ ⲉⲃⲟⲗ ϧⲉⲛⲧⲟⲩϩⲙⲏϯ ⲛⲁϥⲙⲟϣⲓ ⲡⲉ .
But he, passing through the midst of them, went his way.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.