← Library

James (Bohairic Coptic)

Coptic New Testament (Bohairic) · 108 sections

1. 5.13

   ⲓⲥϫⲉ ⲇⲉ ⲟⲩⲟⲛ ⲟⲩⲁⲓ ϭⲓϧⲓⲥⲓ ϧⲉⲛⲑⲏⲛⲟⲩ ⲙⲁⲣⲉϥⲉⲣⲡⲣⲟⲥⲉⲩⲭⲉⲥⲑⲉ ⲫⲏ ⲉⲧⲟⲩⲛⲟϥ ⲛϩⲏⲧ ⲙⲁⲣⲉϥⲉⲣⲯⲁⲗⲓⲛ

   Is any among you suffering? Let him pray. Is any cheerful? Let him sing praises.

2. 5.14

   ⲓⲥϫⲉ ⲇⲉ ⲟⲩⲟⲛ ⲟⲩⲁⲓ ϣⲱⲛⲓ ϧⲉⲛⲑⲏⲛⲟⲩ ⲙⲁⲣⲉϥⲙⲟⲩϯ ⲉⲛⲓⲡⲣⲉⲥⲃⲩⲧⲉⲣⲟⲥ ⲛⲧⲉϯⲉⲕⲕⲗⲏⲥⲓⲁ ⲟⲩⲟϩ ⲙⲁⲣⲟⲩⲧⲱⲃϩ ⲉϫⲱϥ ⲉⲁⲩⲑⲁϩⲥϥ ⲛⲟⲩⲛⲉϩ ϧⲉⲛⲫⲣⲁⲛ ⲙⲡϭⲟⲉⲓⲥ

   Is any among you sick? Let him call for the elders of the assembly, and let them pray over him, anointing him with oil in the name of the Lord,

3. 5.15

   ⲟⲩⲟϩ ⲉⲣⲉⲡⲧⲱⲃϩ ⲙⲫⲛⲁϩϯ ⲉϥⲉⲛⲟϩⲉⲙ ⲙⲫⲏ ⲉⲑⲙⲟⲕϩ ⲟⲩⲟϩ ⲉϥⲉⲧⲟⲩⲛⲟⲥϥ ⲛϫⲉⲡϭⲟⲓⲥ ⲕⲁⲛ ⲉϣⲱⲡ ⲁϥⲓⲣⲓ ⲛϩⲁⲛⲛⲟⲃⲓ ⲉⲩⲉⲭⲁⲩ ⲛⲁϥ ⲉⲃⲟⲗ

   and the prayer of faith will heal him who is sick, and the Lord will raise him up. If he has committed sins, he will be forgiven.

4. 5.16

   ⲟⲩⲱⲛϩ ⲟⲩⲛ ⲛⲧⲉⲧⲉⲛⲛⲟⲃⲓ ⲉⲃⲟⲗ ⲛⲛⲉⲧⲉⲛⲉⲣⲏ ⲟⲩ ⲟⲩⲟϩ ⲧⲱⲃϩ ⲉϫⲉⲛⲛⲉⲧⲉⲛⲉⲣⲏⲟⲩ ϩⲟⲡⲱⲥ ⲛⲧⲉⲧⲉⲛⲟⲩϫⲁⲓ ⲟⲩⲟⲛ ⲟⲩⲛⲓϣϯ ⲛϫⲟⲙ ϧⲉⲛⲧⲡⲣⲟⲥⲉⲩⲭⲏ ⲙⲡⲓⲑⲙⲏⲓ ⲉⲥⲉⲣϩⲱⲃ

   Confess your offenses to one another, and pray for one another, that you may be healed. The insistent prayer of a righteous person is powerfully effective.

5. 5.17

   ⲏⲗⲓⲁⲥ ⲛⲉⲟⲩⲣⲱⲙⲓ ϩⲱϥ ⲡⲉ ⲛⲣⲉϥϣⲉⲡⲙⲕⲁϩ ⲙⲡⲉⲛⲣⲏϯ ⲟⲩⲟϩ ⲁϥⲧⲱⲃϩ ⲛⲟⲩⲡⲣⲟⲥⲉⲩⲭⲏ ⲉϣⲧⲉⲙⲧⲣⲉ ⲧⲫⲉ ϩⲱⲟⲩ ⲟⲩⲟϩ ⲙⲡⲉⲥϩⲱⲟⲩ ϩⲓϫⲉⲛⲡⲓⲕⲁϩⲓ ⲛⲅϯ ⲛⲣⲟⲙⲡⲓ ⲛⲉⲙⲛⲁⲃⲟⲧ

   Elijah was a man with a nature like ours, and he prayed earnestly that it might not rain, and it didn't rain on the earth for three years and six months.

6. 5.18

   ⲟⲩⲟϩ ⲁϥⲧⲱⲃϩ ⲟⲛ ⲁⲧⲫⲉ ϯⲛⲟⲩⲙⲟⲩⲛϩⲱⲟⲩ ⲟⲩⲟϩ ⲁⲡⲕⲁϩⲓ ⲣⲱⲧ ⲁϥϯ ⲙⲡⲉϥⲟⲩⲧⲁϩ

   He prayed again, and the sky gave rain, and the earth brought forth its fruit.

7. 5.19

   ⲛⲁⲥⲛⲏⲟⲩ ⲉϣⲱⲡ ⲁⲣⲉϣⲁⲛ ⲟⲩⲁⲓ ϧⲉⲛⲑⲏⲛⲟⲩ ⲥⲱⲣⲉⲙ ⲉⲃⲟⲗ ϩⲁϯⲙⲉⲑⲙⲏⲓ ⲟⲩⲟϩ ⲛⲧⲉϥⲧⲁⲥⲑⲟϥ ⲛϫⲉⲟⲩⲁⲓ

   Brothers, if any among you wanders from the truth, and someone turns him back,

8. 5.20

   ⲙⲁⲣⲉϥⲉⲙⲓ ⲛϫⲉⲫⲏ ⲉⲑⲛⲁⲧⲁⲥⲑⲟ ⲛⲟⲩⲣⲉϥⲉⲣⲛⲟⲃⲓ ⲉⲃⲟⲗ ϧⲉⲛⲫⲙⲱⲓⲧ ⲛⲧⲉⲧⲉϥⲡⲗⲁⲛⲏ ϫⲉϥⲛⲁⲛⲟϩⲉⲙ ⲛⲧⲉϥⲯⲩⲭⲏ ⲉⲃⲟⲗ ϧⲉⲛⲫⲙⲟⲩ ⲟⲩⲟϩ ϥⲛⲁϩⲱⲃⲥ ⲉⲃⲟⲗ ⲉϫⲉⲛⲟⲩⲙⲏϣ ⲛⲛⲟⲃⲓ .

   let him know that he who turns a sinner from the error of his way will save a soul from death, and will cover a multitude of sins.

← Previous — showing 101–108 of 108

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.