2 Corinthians (Bohairic Coptic)

Coptic New Testament (Bohairic) · 256 sections

11.12
ⲡⲉϯⲣⲁ ⲙⲙⲟϥ ⲇⲉ ϯⲛⲁⲁⲓϥ ⲟⲛ ϩⲓⲛⲁ ⲛⲧⲁϫⲉϫ ⲧⲗⲱⲓϫⲓ ⲛⲛⲏ ⲉⲑⲟⲩⲱϣ ⲉϫⲉⲛⲗⲱⲓϫⲓ ϩⲓⲛⲁ ⲛⲥⲉϫⲉⲙⲟⲩ ϧⲉⲛⲫⲏ ⲉⲧϣⲟⲩϣⲟⲩ ⲙⲙⲱⲟⲩ ⲛϧⲏⲧϥ ⲕⲁⲧⲁⲡⲉⲛⲣⲏϯ ϩⲱⲛ .
But what I do, that I will do, that I may cut off occasion from them that desire an occasion, that in which they boast, they may be found even as we.
11.13
ⲛⲁⲓ ⲅⲁⲣ ⲙⲡⲁⲓⲣⲏϯ ϩⲁⲛⲁⲡⲟⲥⲧⲟⲗⲟⲥ ⲛⲛⲟⲩϫ ⲛⲉⲛⲉⲣⲅⲁⲧⲏⲥ ⲛⲭⲣⲟϥ ⲉⲩϣⲓⲃϯ ⲙⲙⲱⲟⲩ ⲙⲡⲥⲙⲟⲧ ⲛϩⲁⲛⲁⲡⲟⲥⲧⲟⲗⲟⲥ ⲛⲧⲉⲡⲭⲣⲓⲥⲧⲟⲥ .
For such men are false apostles, deceitful workers, masquerading as Christ's apostles.
11.14
ⲟⲩⲟϩ ⲛⲟⲩϣⲫⲏⲣⲓ ⲁⲛ ⲧⲉ ⲛⲑⲟϥ ϩⲱϥ ⲡⲥⲁⲧⲁⲛⲁⲥ ϥϣⲓⲃϯ ⲙⲙⲟϥ ⲙⲡⲥⲙⲟⲧ ⲛⲟⲩⲁⲅⲅⲉⲗⲟⲥ ⲛⲧⲉⲫⲟⲩⲱⲓⲛⲓ .
And no wonder, for even Satan masquerades as an angel of light.
11.15
ⲛⲟⲩⲛⲓϣϯ ⲁⲛ ⲟⲩⲛ ⲡⲉ ⲓⲥϫⲉ ⲛⲉϥⲕⲉⲇⲓⲁⲕⲱⲛ ⲥⲉϣⲓⲃϯ ⲙⲙⲱⲟⲩ ⲙⲡⲥⲙⲟⲧ ⲛϩⲁⲛⲇⲓⲁⲕⲱⲛ ⲛⲧⲉϯⲙⲉⲑⲙⲏⲓ ⲛⲁⲓ ⲉⲧⲉⲧⲟⲩϧⲁⲉ ⲛⲁϣⲱⲡⲓ ⲕⲁⲧⲁⲛⲟⲩϩⲃⲏⲟⲩⲓ .
It is no great thing therefore if his servants also masquerade as servants of righteousness, whose end will be according to their works.
11.16
ⲡⲁⲗⲓⲛ ϯϫⲱ ⲙⲙⲟⲥ ⲙⲏⲡⲱⲥ ⲛⲧⲉⲟⲩⲁⲓ ⲙⲉⲩⲓ ⲉⲣⲟⲓ ϫⲉⲁⲛⲟⲕ ⲟⲩⲁⲧϩⲏⲧ ⲙⲙⲟⲛ ⲕⲁⲛ ⲙⲫⲣⲏϯ ⲛⲟⲩⲁⲧϩⲏⲧ ϣⲟⲡⲧ ⲉⲣⲱⲧⲉⲛ ϩⲓⲛⲁ ⲛⲧⲁϣⲟⲩϣⲟⲩ ⲙⲙⲟⲓ ϩⲱ ⲛⲟⲩⲕⲟⲩϫⲓ .
I say again, let no one think me foolish. But if so, yet receive me as foolish, that I also may boast a little.
11.17
ⲡⲉϯⲥⲁϫⲓ ⲙⲙⲟϥ ⲛⲁⲓϫⲱ ⲙⲙⲟϥ ⲁⲛ ⲕⲁⲧⲁⲡϭⲟⲓⲥ ⲁⲗⲗⲁ ϩⲱⲥ ϧⲉⲛⲟⲩⲙⲉⲧⲁⲧϩⲏⲧ ⲛϩⲣⲏⲓ ϧⲉⲛⲡⲁⲓϣⲓ ⲛⲧⲉⲡⲁⲓϣⲟⲩϣⲟⲩ .
That which I speak, I don't speak according to the Lord, but as in foolishness, in this confidence of boasting.
11.18
ⲉⲡⲓⲇⲏ ⲟⲩⲟⲛ ⲟⲩⲙⲏϣ ϣⲟⲩϣⲟⲩ ⲙⲙⲱⲟⲩ ⲕⲁⲧⲁⲥⲁⲣⲝ ⲁⲛⲟⲕ ϩⲱ ϯⲛⲁϣⲟⲩϣⲟⲩ ⲙⲙⲟⲓ .
Seeing that many boast after the flesh, I will also boast.
11.19
ϩⲏⲇⲏⲱⲥ ⲅⲁⲣ ⲧⲉⲧⲉⲛⲉⲣⲁⲛⲉⲭⲉⲥⲑⲉ ⲛⲛⲓⲁⲧϩⲏⲧ ⲛⲑⲱⲧⲉⲛ ϩⲁⲛⲥⲁⲃⲉⲩ .
For you bear with the foolish gladly, being wise.
11.20
ⲧⲉⲧⲉⲛⲉⲣⲁⲛⲉⲭⲉⲥⲑⲉ ⲅⲁⲣ ⲙⲫⲏ ⲉⲧⲓⲣⲓ ⲙⲙⲱⲧⲉⲛ ⲙⲃⲱⲕ ⲫⲏ ⲉⲑⲟⲩⲱⲙ ⲙⲙⲱⲧⲉⲛ ⲫⲏ ⲉⲧϭⲓ ⲛⲧⲉⲛⲑⲏⲛⲟⲩ ⲫⲏ ⲉⲧϭⲓⲥⲓ ⲙⲙⲟϥ ⲛⲉⲙⲫⲏ ⲉⲧϩⲓⲟⲩⲓ ϧⲉⲛⲡⲉⲧⲉⲛϩⲟ .
For you bear with a man, if he brings you into bondage, if he devours you, if he takes you captive, if he exalts himself, if he strikes you on the face.
11.21
ⲕⲁⲧⲁⲟⲩϣⲱϣ ϯϫⲱ ⲙⲙⲟⲥ ϫⲉⲁⲛϣⲱⲛⲓ ⲁⲛⲟⲛ ⲫⲏ ⲉⲧⲉⲟⲩⲟⲛ ⲟⲩⲁⲓ ⲛⲁⲉⲣⲧⲟⲗⲙⲁⲛ ⲛϧⲏⲧϥ ⲁⲓϫⲱ ⲙⲙⲟⲥ ϧⲉⲛⲟⲩⲙⲉⲧⲁⲧϩⲏ ⲧϯⲛⲁⲉⲣⲧⲟⲗⲙⲁⲛ ϩⲱ .
I speak by way of disparagement, as though we had been weak. Yet however any is bold (I speak in foolishness), I am bold also.
11.22
ϩⲁⲛϩⲉⲃⲣⲉⲟⲥ ⲛⲉⲁⲛⲟⲕ ϩⲱ ϩⲁⲛⲥⲣⲁⲏ ⲗⲓⲧⲏⲥ ⲛⲉⲁⲛⲟⲕ ϩⲱ ϩⲁⲛϫⲣⲟϫ ⲛⲧⲉⲁⲃⲣⲁⲁⲙ ⲛⲉⲁⲛⲟⲕ ϩⲱ .
Are they Hebrews? So am I. Are they Israelites? So am I. Are they the seed of Abraham? So am I.
11.23
ϩⲁⲛⲇⲓⲁⲕⲱⲛ ⲛⲧⲉⲡⲭⲣⲓⲥⲧⲟⲥ ⲛⲉⲁⲓⲥⲁϫⲓ ϧⲉⲛⲟⲩⲥⲓϩⲓ ⲛϩⲏⲧ ⲁⲛⲟⲕ ⲛϩⲟⲩⲟ ⲛϧⲣⲏⲓ ϧⲉⲛϩⲁⲛϧⲓⲥⲓ ⲛϩⲟⲩⲟ ⲛϧⲣⲏⲓ ϧⲉⲛϩⲁⲛϣⲏϣⲓ ⲛϩⲟⲩⲟ ⲛϧⲣⲏⲓ ϧⲉⲛϩⲁⲛϣⲧⲉⲕⲱⲟⲩ ϧⲉⲛⲟⲩⲙⲉⲧϩⲟⲩⲟ ϧⲉⲛϩⲁⲛⲙⲟⲩ ⲛⲟⲩⲙⲏϣ ⲛⲥⲟⲡ .
Are they servants of Christ? (I speak as one beside himself) I am more so; in labors more abundantly, in prisons more abundantly, in stripes above measure, in deaths often.
11.24
ⲉⲃⲟⲗ ϩⲓⲧⲟⲧⲟⲩ ⲛⲛⲓⲓⲟⲩⲇⲁⲓ ⲁⲓϭⲓ ⲉⲅⲁⲣ ⲛⲙⲛϣⲁϣ ϣⲁⲧⲉⲛ ⲟⲩⲁⲓ .
Five times from the Jews I received forty stripes minus one.
11.25
ⲁⲩⲟⲩⲉϣⲟⲩⲱϣⲧ ⲙⲡϣⲃⲱⲧ ⲛⲅ ⲛⲥⲟⲡ ⲁⲩϩⲓⲱⲛⲓ ⲉϫⲱⲓ ⲛⲟⲩⲥⲟⲡ ⲁⲡϫⲟⲉⲓ ⲃⲓϫⲓ ϧⲁⲣⲟⲓ ⲛⲅ ⲛⲥⲟⲡ ⲁⲓⲉⲣ ⲟⲩⲉϩⲟⲟⲩ ⲛⲉⲙⲟⲩⲉϫⲱⲣϩ ϧⲉⲛⲡϣⲱⲕ ⲙⲫⲓⲟⲙ .
Three times I was beaten with rods. Once I was stoned. Three times I suffered shipwreck. I have been a night and a day in the deep.
11.26
ϧⲉⲛϩⲁⲛⲙⲟϣⲓ ϩⲓⲫⲙⲱⲓⲧ ⲛⲟⲩⲙⲏ ϣⲛⲥⲟⲡ ⲁⲓϩⲱϣ ϧⲉⲛϩⲁⲛⲓⲁⲣⲱⲟⲩ ⲁⲓϩⲱϣ ⲛⲧⲉϩⲁⲛⲥⲓⲛⲱⲟⲩⲓ ⲁⲓϩⲱϣ ⲛⲧⲉⲛⲁ ⲡⲁϣⲗⲱⲗ ⲁⲓϩⲱϣ ⲛⲧⲉϩⲁⲛⲉⲑⲛⲟⲥ ⲁⲓϩⲱϣ ϧⲉⲛϩⲁⲛⲃⲁⲕⲓ ⲁⲓϩⲱϣ ϩⲓⲡϣⲁϥⲉ ⲁⲓϩⲱϣ ϧⲉⲛⲡⲓⲟⲙ ⲁⲓϩⲱϣ ⲛⲧⲉϩⲁⲛⲥⲛⲏⲟⲩ ⲛⲛⲟⲩϫ .
I have been in travels often, perils of rivers, perils of robbers, perils from my countrymen, perils from the Gentiles, perils in the city, perils in the wilderness, perils in the sea, perils among false brothers;
11.27
ϧⲉⲛϩⲁⲛϧⲓⲥⲓ ⲛⲉⲙϩⲁⲛⲙⲕⲁⲩϩ ϧⲉⲛϩⲁⲛϣⲣⲱⲓⲥ ⲛⲟⲩⲙⲏϣ ⲛⲥⲟⲡ ϧⲉⲛϩⲁⲛϩⲕⲟ ⲛⲉⲙⲟⲩⲓⲃⲓ ϧⲉⲛϩⲁⲛⲛⲏⲥⲧⲓⲁ ⲛⲟⲩⲙⲏϣ ⲛⲥⲟⲡ ϧⲉⲛϩⲁⲛϫⲁϥ ⲛⲉⲙϩⲁⲛⲃⲱϣ .
in labor and travail, in watchings often, in hunger and thirst, in fastings often, and in cold and nakedness.
11.28
ⲭⲱⲣⲓⲥ ⲛⲏ ⲉⲧⲥⲁⲃⲟⲗ ⲉϥϩⲓϫⲱⲓ ⲙⲙⲏ ⲛⲓ ⲛϫⲉⲫⲣⲱⲟⲩϣ ⲛⲛⲓⲉⲕⲕⲗⲏⲥⲓⲁ ⲧⲏⲣⲟⲩ .
Besides those things that are outside, there is that which presses on me daily, anxiety for all the assemblies.
11.29
ⲛⲓⲙ ⲉⲧϣⲱⲛⲓ ⲟⲩⲟϩ ϯϣⲱⲛⲓ ⲁⲛ ⲛⲓⲙ ⲉⲧⲉⲣⲥⲕⲁⲛⲇⲁⲗⲓⲍⲉⲥⲑⲉ ⲟⲩⲟϩ ϯⲣⲱⲕϩ ⲁⲛ .
Who is weak, and I am not weak? Who is caused to stumble, and I don't burn with indignation?
11.30
ⲓⲥϫⲉ ⲥⲉⲙⲡϣⲁ ⲛⲧⲁϣⲟⲩϣⲟⲩ ⲙⲙⲟⲓ ⲁⲓⲛⲁϣⲟⲩϣⲟⲩ ⲙⲙⲟⲓ ϧⲉⲛⲛⲁⲙⲉⲧϫⲱⲃ .
If I must boast, I will boast of the things that concern my weakness.
11.31
ⲫⲛⲟⲩϯ ⲟⲩⲟϩ ⲫⲓⲱⲧ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲧⲥⲱⲟⲩⲛ ⲫⲏ ⲉⲧⲥⲙⲁⲣⲱⲟⲩⲧ ϣⲁⲛⲓⲉⲛⲉϩ ϫⲉⲛϯⲛⲁϫⲉⲙⲉⲑⲛⲟⲩϫ ⲁⲛ .
The God and Father of the Lord Jesus Christ, he who is blessed forevermore, knows that I don't lie.
11.32
ϫⲉⲛϩⲣⲏⲓ ϧⲉⲛⲇⲁⲙⲁⲥⲕⲟⲥ ⲡⲁⲣⲭ ⲱⲛ ⲛⲧⲉⲛⲓⲉⲑⲛⲟⲥ ⲛⲧⲉⲁⲣⲉⲧⲁ ⲡⲟⲩⲣⲟ ⲛⲁϥⲁⲣⲉϩ ⲉⲧⲃⲁⲕⲓ ⲛⲧⲉⲛⲁ ⲇⲁⲙⲁⲥⲕⲟⲥ ⲉϥⲟⲩⲱϣ ⲉⲧⲁϩⲟⲓ .
In Damascus the governor under Aretas the king guarded the city of the Damascenes desiring to arrest me.
11.33
ⲟⲩⲟϩ ⲁⲩⲭⲁⲧ ⲉⲡⲉⲥⲏⲧ ϧⲉⲛⲟⲩϣⲟⲩϣⲧ ϧⲉⲛⲟⲩⲥⲁⲣⲅⲁⲛⲏ ⲉⲃⲟⲗ ϩⲓϫⲉⲛⲡⲓⲥⲟⲃⲧ ⲁⲓⲛⲟϩⲉⲙ ⲉⲃⲟⲗ ϧⲉⲛⲛⲉϥϫⲓϫ .
Through a window I was let down in a basket by the wall, and escaped his hands.
12.1
ⲉϣⲟⲩϣⲟⲩ ⲇⲉ ⲥⲉⲣⲛⲟϥⲣⲓ ⲙⲉⲛ ⲁⲛ ϯⲛⲁⲓ ⲇⲉ ⲉϫⲉⲛϩⲁⲛⲕⲉϫⲓⲛⲛⲁⲩ ⲛⲉⲙϩⲁⲛϭⲱⲣⲡ ⲉⲃⲟⲗ ⲛⲧⲉⲡϭⲟⲓⲥ .
It is doubtless not profitable for me to boast. For I will come to visions and revelations of the Lord.
12.2
ϯⲥⲱⲟⲩⲛ ⲛⲟⲩⲣⲱⲙⲓ ϧⲉⲛⲡⲭⲣⲓⲥⲧⲟⲥ ϧⲁϫⲉⲛ ⲓⲇ ⲛⲣⲟⲙⲡⲓ ⲓⲧⲉ ϧⲉⲛⲥⲱⲙⲁ ⲛϯⲉⲙⲓ ⲁⲛ ⲓⲧⲉ ⲥⲁⲃⲟⲗ ⲛⲥⲱⲙⲁ ⲛϯⲉⲙⲓ ⲁⲛ ⲫⲛⲟⲩϯ ⲡⲉⲧⲥⲱⲟⲩⲛ ϫⲉⲁⲩϩⲉⲗⲉⲙ ⲫⲁⲓ ⲙⲡⲁⲓⲣⲏϯ ϣⲁϯⲙⲁϩⲅϯ ⲙⲫⲉ .
I know a man in Christ, fourteen years ago (whether in the body, I don't know, or whether out of the body, I don't know; God knows), such a one caught up into the third heaven.
12.3
ⲟⲩⲟϩ ϯⲥⲱⲟⲩⲛ ⲙⲡⲁⲓⲣⲱⲙⲓ ⲙⲡⲁⲓⲣⲏϯ ⲓⲧⲉ ϧⲉⲛⲥⲱⲙⲁ ⲓⲧⲉ ⲥⲁⲃⲟⲗ ⲛⲥⲱⲙⲁ ϯⲉⲙⲓ ⲁⲛ ⲫⲛⲟⲩϯ ⲡⲉⲧⲥⲱⲟⲩⲛ
I know such a man (whether in the body, or outside of the body, I don't know; God knows),
12.4
ϫⲉⲁⲩϩⲟⲗⲙⲉϥ ⲉⲡⲓⲡⲁⲣⲁⲇⲓⲥⲟⲥ ⲟⲩⲟϩ ⲁϥⲥⲱⲧⲉⲙ ⲉϩⲁⲛⲥⲁϫⲓ ⲛⲁⲧⲥⲁϫⲓ ⲙⲙⲱⲟⲩ ⲛⲏ ⲉⲧⲉⲛⲥϣⲉ ⲁⲛ ⲛⲧⲉⲟⲩⲣⲱⲙⲓ ⲥⲁϫⲓ ⲙⲙⲱⲟⲩ .
how he was caught up into Paradise, and heard unspeakable words, which it is not lawful for a man to utter.
12.5
ⲁⲓⲛⲁϣⲟⲩϣⲟⲩ ⲙⲙⲟⲓ ⲉϩⲣⲏⲓ ⲉϫⲉⲛⲫⲁⲓ ⲙⲡⲁⲓⲣⲏϯ ⲉϩⲣⲏⲓ ⲇⲉ ⲉϫⲱⲓ ⲛϯⲛⲁϣⲟⲩϣⲟⲩ ⲙⲙⲟⲓ ⲁⲛ ⲉⲃⲏⲗ ⲁⲣⲏⲟⲩ ϧⲉⲛⲛⲓϣⲱⲛⲓ .
On behalf of such a one I will boast, but on my own behalf I will not boast, except in my weaknesses.
12.6
ⲁⲓϣⲁⲛⲟⲩⲱϣ ⲅⲁⲣ ⲉϣⲟⲩϣⲟⲩ ⲙⲙⲟⲓ ⲛϯⲛⲁϣⲱⲡⲓ ⲁⲛ ⲉⲓⲟⲓ ⲛⲁⲧϩⲏⲧ ⲧⲙⲏⲓ ⲅⲁⲣ ⲡⲉϯϫⲱ ⲙⲙⲟⲥ ϯϯⲁⲥⲟ ⲙⲏⲡⲱⲥ ⲛⲧⲉⲟⲩⲁⲓ ⲙⲉⲩⲓ ⲉⲣⲟⲓ ⲥⲁⲃⲟⲗ ⲙⲡⲉⲧⲉϥⲛⲁⲩ ⲉⲣⲟⲓ ⲙⲙⲟϥ ⲓⲉ ⲡⲉⲧⲉϥⲥⲱⲧⲉⲙ ⲉⲣⲟϥ ⲉⲃⲟⲗ ⲙⲙⲟⲓ .
For if I would desire to boast, I will not be foolish; for I will speak the truth. But I refrain, so that no man may think more of me than that which he sees in me, or hears from me.
12.7
ⲛⲉⲙϧⲉⲛⲡⲁϣⲁⲓ ⲛⲧⲉⲛⲓϭⲱⲣⲡ ⲉⲃⲟⲗ ⲉⲑⲃⲉⲫⲁⲓ ϩⲓⲛⲁ ⲛⲧⲁϣⲧⲉⲙϭⲓⲥⲓ ⲙⲙⲟⲓ ⲁⲩϯ ⲛⲟⲩϣⲉⲛⲥⲉⲣⲃⲉⲛⲓ ϧⲉⲛⲧⲁⲥⲁⲣⲝ ⲛϫⲉⲟⲩⲁⲅⲅⲉⲗⲟⲥ ⲛⲧⲉⲡⲥⲁⲧⲁⲛⲁⲥ ϩⲓⲛⲁ ⲛⲧⲉϥϯⲕⲉϩ ⲛⲏⲓ ϫⲉⲛⲛⲁϭⲓⲥⲓ ⲙⲙⲟⲓ .
By reason of the exceeding greatness of the revelations, that I should not be exalted excessively, there was given to me a thorn in the flesh, a messenger of Satan to torment me, that I should not be exalted excessively.
12.8
ⲁⲓⲧⲱⲃϩ ⲙⲡϭⲟⲓⲥ ⲛⲅ ⲛⲥⲟⲛ ⲉϫⲉⲛⲫⲁⲓ ϩⲓⲛⲁ ⲛⲧⲉϥϩⲉⲛϥ ⲥⲁⲃⲟⲗ ⲙⲙⲟⲓ .
Concerning this thing, I begged the Lord three times that it might depart from me.
12.9
ⲟⲩⲟϩ ⲡⲉϫⲁϥ ⲛⲏⲓ ϫⲉⲕⲏⲛ ⲉⲣⲟⲕ ⲉⲡⲁⲓϩⲙⲟⲧ ⲧⲁϫⲟⲙ ⲅⲁⲣ ⲁⲥϫⲏⲕ ⲉⲃⲟⲗ ϧⲉⲛϯⲙⲉⲧⲁⲥⲑⲉⲛⲏⲥ ϥⲣⲁⲛⲏⲓ ⲟⲩⲛ ⲙⲁⲗⲗⲟⲛ ⲉϣⲟⲩϣⲟⲩ ⲙⲙⲟⲓ ⲛϩⲣⲏⲓ ϧⲉⲛⲛⲓϣⲱⲛⲓ ϩⲓⲛⲁ ⲛⲧⲉϯϫⲟⲙ ⲛⲧⲉⲡⲭⲣⲓⲥⲧⲟⲥ ϣⲱⲡⲓ ϩⲓϫⲱⲓ .
He has said to me, 'My grace is sufficient for you, for my power is made perfect in weakness.' Most gladly therefore I will rather glory in my weaknesses, that the power of Christ may rest on me.
12.10
ⲉⲑⲃⲉⲫⲁⲓ ϯⲙⲁϯ ϧⲉⲛϩⲁⲛϣⲱⲛⲓ ϧⲉⲛϩⲁⲛϣⲱϣ ϧⲉⲛϩⲁⲛⲁⲛⲁⲅⲕⲏ ϧⲉⲛϩⲁⲛⲇⲓⲱⲅⲙⲟⲥ ϧⲉⲛϩⲁⲛϩⲟϫϩⲉϫ ⲉϩⲣⲏⲓ ⲉϫⲉⲛⲡⲭⲣⲓⲥⲧⲟⲥ ⲉϣⲱⲡ ⲅⲁⲣ ⲁⲓϣⲁⲛϣⲱⲡⲓ ⲧⲟⲧⲉ ϣⲁⲓϫⲉⲙⲛⲟⲙϯ .
Therefore I take pleasure in weaknesses, in injuries, in necessities, in persecutions, in distresses, for Christ's sake. For when I am weak, then am I strong.
12.11
ⲁⲓⲉⲣⲁⲧϩⲏⲧ ⲛⲑⲱⲧⲉⲛ ⲁⲧⲉⲧⲉⲛⲉⲣⲁⲛⲁⲅⲕⲁⲍⲓⲛ ⲙⲙⲟⲓ ⲁⲛⲟⲕ ⲅⲁⲣ ⲛⲁⲥⲙⲡϣⲁ ⲛⲏⲓ ⲡⲉ ⲉⲃⲟⲗ ϩⲓⲧⲉⲛⲑⲏⲛⲟⲩ ⲛⲧⲉⲧⲉⲛⲉⲣⲥⲩⲛⲓⲥⲧⲁⲛⲓⲛ ⲙⲙⲟⲓ ⲙⲡⲓϭⲣⲟϩ ⲅⲁⲣ ⲛϩⲗⲓ ⲉϩⲟⲧⲉ ⲛⲓⲁⲡⲟⲥⲧⲟⲗⲟⲥ ⲉⲑⲟⲩⲟⲧⲉⲃ ⲓⲥϫⲉ ⲙⲉⲛ ⲁⲛⲟⲕ ϩⲗⲓ
I have become foolish in boasting. You compelled me, for I ought to have been commended by you, for in nothing was I inferior to the very best apostles, though I am nothing.
12.12
ⲁⲗⲗⲁ ⲛⲓⲙⲏⲓⲛⲓ ⲛⲧⲉϯⲙⲉⲧⲁⲡⲟⲥⲧⲟⲗⲟⲥ ⲁⲩⲉⲣϩⲱⲃ ϧⲉⲛⲑⲏⲛⲟⲩ ⲛϩⲣⲏⲓ ϧⲉⲛϩⲩⲡⲟⲙⲟⲛⲏ ⲛⲓⲃⲉⲛ ϧⲉⲛϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ⲛⲉⲙϩⲁⲛϫⲟⲙ .
Truly the signs of an apostle were worked among you in all patience, in signs and wonders and mighty works.
12.13
ⲟⲩ ⲅⲁⲣ ⲡⲉⲧⲁⲣⲉⲧⲉⲛϭⲣⲟϩ ⲉⲣⲟϥ ⲡⲁⲣⲁⲡⲥⲉⲡⲓ ⲛⲛⲓⲉⲕⲕⲗⲏⲥⲓⲁ ⲉⲃⲏⲗ ϫⲉⲁⲛⲟⲕ ⲙⲡⲓϩⲣⲟϣ ⲉϫⲉⲛⲑⲏⲛⲟⲩ ⲭⲁ ⲡⲁⲓϭⲓⲛϫⲟⲛⲥ ⲛⲏⲓ ⲉⲃⲟⲗ .
For what is there in which you were made inferior to the rest of the assemblies, unless it is that I myself was not a burden to you? Forgive me this wrong.
12.14
ⲫⲁⲓ ⲡⲉ ⲫⲙⲁϩⲅ ⲛⲥⲟⲡ ⲡⲉ ⲉⲓⲥⲟⲃϯ ⲙⲙⲟⲓ ⲉⲓ ϩⲁⲣⲱⲧⲉⲛ ⲟⲩⲟϩ ⲛⲛⲁϩⲣⲟϣ ⲉϫⲉⲛⲑⲏⲛⲟⲩ ⲛⲁⲓⲕⲱϯ ⲅⲁⲣ ⲁⲛ ⲛⲥⲁⲛⲉⲧⲉⲛⲟⲩⲧⲉⲛ ⲁⲗⲗⲁ ⲛⲥⲁⲑⲏⲛⲟⲩ ⲥⲉⲙⲡϣⲁ ⲅⲁⲣ ⲁⲛ ⲛⲧⲉⲛⲓϣⲏⲣⲓ ϩⲓⲟⲩⲓ ⲉϧⲟⲩⲛ ⲛⲛⲓⲓⲟϯ ⲁⲗⲗⲁ ⲛⲓⲓⲟϯ ⲛⲛⲓϣⲏⲣⲓ .
Behold, this is the third time I am ready to come to you, and I will not be a burden to you; for I seek not your possessions, but you. For the children ought not to save up for the parents, but the parents for the children.
12.15
ⲁⲛⲟⲕ ⲇⲉ ϯϯⲙⲁϯ ⲉϭⲟ ⲉⲃⲟⲗ ⲟⲩⲟϩ ⲉⲉⲣϩⲟⲩⲟ ϭⲟ ⲉⲃⲟⲗ ⲉϩⲣⲏⲓ ⲉϫⲉⲛⲛⲉⲧⲉⲛⲯⲩⲭⲏ ⲓⲥϫⲉ ϯⲙⲉⲓ ⲙⲙⲱⲧⲉⲛ ⲛϩⲟⲩⲟ ⲥⲉⲙⲉⲓ ⲙⲙⲟⲓ ϩⲱ ⲛⲟⲩⲕⲟⲩϫⲓ .
I will most gladly spend and be spent for your souls. If I love you more abundantly, am I loved the less?
12.16
ⲉⲥⲧⲱ ⲇⲉ ⲁⲛⲟⲕ ⲙⲡⲓⲟⲩⲁϩⲃⲁⲣⲟⲥ ⲉϫⲉⲛⲑⲏⲛⲟⲩ ⲁⲗⲗⲁ ⲉⲓⲟⲓ ⲙⲡⲁⲛⲟⲩⲣⲅⲟⲥ ⲁⲓϭⲓ ⲑⲏⲛⲟⲩ ⲛⲟⲩⲭⲣⲟϥ .
But be it so, I did not myself burden you. But, being crafty, I caught you with deception.
12.17
ⲙⲏ ⲁⲧⲉⲧⲉⲛⲛⲁⲩ ⲉⲟⲩⲁⲓ ⲉⲃⲟⲗ ϧⲉⲛⲛⲏ ⲉⲧⲁⲓⲟⲩⲟⲣⲡⲟⲩ ϩⲁⲣⲱⲧⲉⲛ ⲉⲁⲓϭⲓ ⲑⲏⲛⲟⲩ ⲛϫⲟⲛⲥ ⲉⲃⲟⲗ ϩⲓⲧⲟⲧϥ .
Did I take advantage of you by anyone of them whom I have sent to you?
12.18
ⲁⲓϯϩⲟ ⲉⲧⲓⲧⲟⲥ ⲟⲩⲟϩ ⲁⲓⲟⲩⲱⲣⲡ ⲙⲡⲓⲕⲉⲥⲟⲛ ⲛⲉⲙⲁϥ ⲙⲏⲧⲓ ⲁϥϭⲓ ⲑⲏⲛⲟⲩ ⲛϫⲟⲛⲥ ⲛϫⲉⲧⲓⲧⲟⲥ ⲙⲏ ⲉⲧⲁⲛⲙⲟϣⲓ ⲁⲛ ϧⲉⲛⲡⲁⲓⲡⲛⲉⲩⲙⲁⲡⲁⲓⲡⲛⲉⲩⲙⲁⲙⲏ ⲛⲁⲓⲧⲁⲧⲥⲓ ⲛⲁⲓⲧⲁⲧⲥⲓ ⲁⲛ ⲛⲉ .
I exhorted Titus, and I sent the brother with him. Did Titus take any advantage of you? Didn't we walk in the same spirit? Didn't we walk in the same steps?
12.19
ⲕⲉ ϫⲉⲙ ⲧⲉⲧⲉⲛⲙⲉⲩⲓ ϫⲉⲧⲉⲛⲉⲣⲟⲩⲱ ⲛⲱⲧⲉⲛ ⲙⲡⲉⲙⲑⲟ ⲙⲫⲛⲟⲩϯ ⲧⲉⲛⲥⲁϫⲓ ϧⲉⲛⲡⲭⲣⲓⲥⲧⲟⲥ ϩⲱⲃ ⲇⲉ ⲛⲓⲃⲉⲛ ⲛⲁⲙⲉⲛⲣⲁϯ ⲉϩⲣⲏⲓ ⲉϫⲉⲛⲛⲉⲧⲉⲛⲕⲱⲧ .
Again, do you think that we are excusing ourselves to you? In the sight of God we speak in Christ. But all things, beloved, are for your edifying.
12.20
ϯⲉⲣϩⲟϯ ⲇⲉ ⲙⲏⲡⲱⲥ ⲁⲓϣⲁⲛⲓ ⲛⲧⲁϫⲉⲙ ⲑⲏⲛⲟⲩ ⲙⲫⲣⲏϯ ⲉⲧⲉⲛϯⲟⲩⲱϣ ⲁⲛ ⲟⲩⲟϩ ⲁⲛⲟⲕ ϩⲱ ⲛⲧⲉⲧⲉⲛϫⲉⲙⲧ ⲙⲫⲣⲏϯ ⲉⲧⲉⲧⲉⲛⲟⲩⲱϣ ⲁⲛ ⲙⲏⲡⲱⲥ ⲉⲟⲩⲟⲛ ϣϭⲛⲏⲛ ⲓⲉ ⲭⲟϩ ⲓⲉ ϫⲱⲛⲧ ⲓⲉ ϣⲉⲣϣⲓ ⲓⲉ ⲕⲁⲧⲁⲗⲁⲗⲓⲁ ⲓⲉ ⲭⲁⲥⲕⲉⲥ ⲓⲉ ϣⲑⲟⲣⲧⲉⲣ ⲓⲉ ϭⲓⲥⲓ ⲛϩⲏⲧ .
For I am afraid that by any means, when I come, I might find you not the way I want to, and that I might be found by you as you don't desire; that by any means there would be strife, jealousy, outbursts of anger, factions, slander, whisperings, proud thoughts, riots;
12.21
ⲙⲏⲡⲱⲥ ⲟⲛ ⲁⲓϣⲁⲛⲓ ϩⲁⲣⲱⲧⲉⲛ ⲛⲧⲉϥⲑⲉⲃⲓⲟⲓ ⲛϫⲉⲡⲁⲛⲟⲩϯ ⲟⲩⲟϩ ⲛⲧⲁⲉⲣϩⲏⲃⲓ ⲉⲟⲩⲙⲏϣ ⲛⲧⲉⲛⲏ ⲉⲧⲁⲩⲉⲣⲛⲟⲃⲓ ⲓⲥϫⲉⲛ ϣⲟⲣⲡ ⲟⲩⲟϩ ⲙⲡⲟⲩⲉⲣⲙⲉⲧⲁⲛⲟⲓⲛ ⲉϩⲣⲏⲓ ⲉϫⲉⲛⲡⲓϭⲱϧⲉⲙ ⲛⲉⲙϯⲡⲟⲣⲛⲉⲓⲁ ⲛⲉⲙⲡⲓⲥⲱϥ ⲉⲧⲁⲩⲁⲓϥ .
that again when I come my God would humble me before you, and I would mourn for many of those who have sinned before now, and not repented of the uncleanness and sexual immorality and lustfulness which they committed.
13.1
ⲫⲁⲓ ⲅⲛⲥⲟⲡ ⲡⲉ ⲉⲓⲛⲏⲟⲩ ϩⲁⲣⲱⲧⲉⲛ ⲉⲃⲟⲗ ϧⲉⲛⲣⲱϥ ⲙⲙⲉⲑⲣⲉ ⲃⲓⲉ ⲅⲉⲣⲉ ⲥⲁϫⲓ ⲛⲓⲃⲉⲛ ⲟϩⲓ ⲉⲣⲁⲧⲟⲩ .
This is the third time I am coming to you. 'At the mouth of two or three witnesses shall every word be established.'
13.2
ⲁⲓϫⲟⲥ ⲓⲥϫⲉⲛ ϩⲏ ⲟⲩⲟϩ ϯⲉⲣϣⲟⲣⲡ ⲛϫⲱ ⲙⲙⲟⲥ ⲟⲛ ϩⲱⲥ ⲉⲓⲭⲏ ϧⲁⲧⲉⲛⲑⲏⲛⲟⲩ ⲙⲫⲙⲁϩⲥⲟⲡ ⲃⲛⲉⲙ ϯⲛⲟⲩ ⲟⲛ ⲉⲓⲭⲏ ϧⲁⲧⲉⲛⲑⲏⲛⲟⲩ ⲁⲛ ⲙⲫⲙⲁϩⲅ ⲛⲥⲟⲡ ϯϫⲱ ⲙⲙⲟⲥ ⲛⲛⲏ ⲉⲧⲁⲩⲉⲣⲛⲟⲃⲓ ⲓⲥϫⲉⲛ ϩⲏ ⲛⲉⲙⲡⲥⲱϫⲡ ⲧⲏⲣϥ ϫⲉⲉϣⲱⲡ ⲁⲓϣⲁⲛⲓ ⲙⲡⲁⲓⲕⲉⲥⲟⲡ ϯⲛⲁϯⲁⲥⲟ ⲁⲛ ϫⲉ .
I have said beforehand, and I do say beforehand, as when I was present the second time, so now, being absent, I write to those who have sinned before now, and to all the rest, that, if I come again, I will not spare;
13.3
ϫⲉⲧⲉⲧⲉⲛⲕⲱϯ ⲛⲥⲁⲧⲇⲟⲕⲓⲙⲏ ⲙⲡⲉⲧⲥⲁϫⲓ ⲛϧⲏⲧ ⲡⲭⲣⲓⲥⲧⲟⲥ ⲫⲁⲓ ⲉⲧⲉⲛϥϣⲱⲛⲓ ⲁⲛ ϩⲁⲣⲱⲧⲉⲛ ⲁⲗⲗⲁ ⲟⲩⲟⲛ ϣϫⲟⲙ ⲙⲙⲟϥ ϧⲉⲛⲑⲏⲛⲟⲩ .
seeing that you seek a proof of Christ who speaks in me; who toward you is not weak, but is powerful in you.
13.4
ⲕⲉ ⲅⲁⲣ ⲁⲩⲁϣϥ ⲉⲃⲟⲗ ϧⲉⲛⲟⲩⲙⲉⲧⲁⲥⲑⲉⲛⲏ ⲥⲁⲗⲗⲁ ϥⲟⲛϧ ϧⲉⲛⲟⲩϫⲟⲙ ⲛⲧⲉⲫⲛⲟⲩϯ ⲕⲉ ⲅⲁⲣ ⲁⲛⲟⲛ ϩⲱⲛ ⲧⲉⲛϣⲱⲛⲓ ⲛⲉⲙⲁϥ ⲁⲗⲗⲁ ⲉⲛⲉⲱⲛϧ ⲛⲉⲙⲁϥ ⲟⲛ ⲉⲃⲟⲗ ϧⲉⲛⲟⲩϫⲟⲙ ⲛⲧⲉⲫⲛⲟⲩϯ ⲉϧⲟⲩⲛ ⲉⲣⲱⲧⲉⲛ .
For he was crucified through weakness, yet he lives through the power of God. For we also are weak in him, but we will live with him through the power of God toward you.
13.5
ⲁⲣⲓⲡⲓⲣⲁⲍⲓⲛ ⲙⲙⲱⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ ϫⲉⲁⲛ ⲧⲉⲧⲉⲛϣⲟⲡ ϧⲉⲛⲡⲓⲛⲁϩϯ ⲁⲣⲓⲇⲟⲕⲓⲙⲁⲍⲓⲛ ⲙⲙⲱⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ ⲓⲉ ⲛⲧⲉⲧⲉⲛⲉⲙⲓ ⲁⲛ ϫⲉⲡⲭⲣⲓⲥⲧⲟⲥ ⲓⲏⲥⲟⲩⲥ ϣⲟⲡ ϧⲉⲛⲑⲏⲛⲟⲩ ⲉⲃⲏⲗ ⲁⲣⲏⲟⲩ ϫⲉⲛⲑⲱⲧⲉⲛ ϩⲁⲛⲁⲇⲟⲕⲓⲙⲟⲥ .
Test your own selves, whether you are in the faith. Test your own selves. Or don't you know as to your own selves, that Jesus Christ is in you?--unless indeed you are disqualified.
13.6
ϯⲉⲣϩⲉⲗⲡⲓⲥ ⲇⲉ ϫⲉⲧⲉⲧⲉⲛⲛⲁⲉⲙⲓ ϫⲉⲁⲛⲟⲛ ϩⲁⲛⲇⲟⲕⲓⲙⲟⲥ ⲁⲛ .
But I hope that you will know that we aren't disqualified.
13.7
ⲧⲉⲛⲧⲱⲃϩ ⲇⲉ ⲙⲫⲛⲟⲩϯ ϩⲓⲛⲁ ⲛⲧⲉⲧⲉⲛϣⲧⲉⲙⲉⲣ ϩⲗⲓ ⲙⲡⲉⲧϩⲱⲟⲩ ⲟⲩⲭⲓ ϩⲓⲛⲁ ⲛⲧⲉⲛⲟⲩⲱⲛϩ ⲉⲃⲟⲗ ⲁⲛⲟⲛ ϩⲱⲥ ϩⲁⲛⲥⲱⲧⲡ ⲁⲗⲗⲁ ϩⲓⲛⲁ ⲛⲑⲱⲧⲉⲛ ⲛⲧⲉⲧⲉⲛⲓⲣⲓ ⲙⲡⲓⲡⲉⲑⲛⲁⲛⲉϥ ⲁⲛⲟⲛ ⲇⲉ ⲛⲧⲉⲛϣⲱⲡⲓ ⲙⲫⲣⲏϯ ⲛϩⲁⲛⲁⲇⲟⲕⲓⲙⲟⲥ .
Now I pray to God that you do no evil; not that we may appear approved, but that you may do that which is honorable, though we are as reprobate.
13.8
ⲛⲧⲉⲛⲛⲁϣϫⲉⲙϫⲟⲙ ⲅⲁⲣ ⲁⲛ ⲉϯ ⲟⲩⲃⲉ ⲧⲙⲏⲓ ⲁⲗⲗⲁ ⲉϩⲣⲏⲓ ⲉϫⲉⲛϯⲙⲉⲑⲙⲏⲓ .
For we can do nothing against the truth, but for the truth.
13.9
ⲧⲉⲛⲣⲁϣⲓ ⲅⲁⲣ ⲁⲛⲟⲛ ⲁⲛϣⲁⲛϣⲱⲛⲓ ⲛⲑⲱⲧⲉⲛ ⲇⲉ ⲛⲧⲉⲧⲉⲛϣⲱⲡⲓ ⲉⲟⲩⲟⲛ ϣϫⲟⲙ ⲙⲙⲱⲧⲉⲛ ⲫⲁⲓ ⲣⲱ ⲟⲛ ⲡⲉⲧⲉⲛⲣⲁ ⲙⲙⲟϥ ⲉⲛⲧⲱⲃϩ ⲉϩⲣⲏⲓ ⲉϫⲉⲛⲛⲉⲧⲉⲛⲥⲟⲃϯ .
For we rejoice when we are weak and you are strong. And this we also pray for, even your perfecting.
13.10
ⲉⲑⲃⲉⲫⲁⲓ ⲛⲁⲓ ϯⲥϧⲁⲓ ⲙⲙⲱⲟⲩ ⲛⲱⲧⲉⲛ ⲛϯ ϩⲁⲣⲱⲧⲉⲛ ⲁⲛ ϩⲓⲛⲁ ⲉⲓⲭⲏ ϧⲁⲧⲉⲛⲑⲏⲛⲟⲩ ⲛⲧⲁϣⲧⲉⲙⲓⲣⲓ ϧⲉⲛⲟⲩϣⲱⲧ ⲉⲃⲟⲗ ⲕⲁⲧⲁⲡⲓⲉⲣϣⲓϣⲓ ⲉⲧⲁ ⲡϭⲟⲓⲥ ⲧⲏⲓϥ ⲛⲏⲓ ⲉⲩⲕⲱⲧ ⲟⲩⲟϩ ⲛⲉⲩϣⲟⲣϣⲉⲣ ⲁⲛ .
For this cause I write these things while absent, that I may not deal sharply when present, according to the authority which the Lord gave me for building up, and not for tearing down.
13.11
ⲗⲟⲓⲡⲟⲛ ⲛⲁⲥⲛⲏⲟⲩ ⲣⲁϣⲓ ⲥⲟⲃϯ ϫⲉⲙⲛⲟⲙϯ ⲁⲣⲓ ⲟⲩⲙⲉⲩⲓ ⲛⲟⲩⲱⲧ ⲁⲣⲓ ϩⲓⲣⲏⲛⲏ ⲫⲛⲟⲩϯ ⲛⲧⲉϯⲁⲅⲁⲡⲏ ⲛⲉⲙϯϩⲓⲣⲏⲛⲏ ⲉϥⲉϣⲱⲡⲓ ⲛⲉⲙⲱⲧⲉⲛ .
Finally, brothers, rejoice. Be perfected, be comforted, be of the same mind, live in peace, and the God of love and peace will be with you.
13.12
ⲁⲣⲓⲁⲥⲡⲁⲍⲉⲥⲑⲉ ⲛⲛⲉⲧⲉⲛⲉⲣⲏⲟⲩ ϧⲉⲛⲟⲩⲫⲓ ⲉⲥⲟⲩⲁⲃ .
Greet one another with a holy kiss.
13.13
ⲥⲉϣⲓⲛⲓ ⲉⲣⲱⲧⲉⲛ ⲛϫⲉⲛⲓϩⲁⲅⲓⲟⲥ ⲧⲏⲣⲟⲩ ⲡϩⲙⲟⲧ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲉⲙϯⲁⲅⲁⲡⲏ ⲛⲧⲉⲫⲛⲟⲩϯ ⲛⲉⲙϯⲙⲉⲧϣⲫⲏⲣ ⲛⲧⲉⲡⲓⲡⲛⲉⲩⲙⲁⲉⲑⲟⲩⲁⲃ ⲛⲉⲙⲱⲧⲉⲛ ⲧⲏⲣⲟⲩ
All the saints greet you.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.