← Library

7 Anusayayamaka — 7.2 Mahāvāra — 7.2.5. Pahīnavāra

Early Buddhist texts (SuttaCentral): Abhidhamma · abhidhamma · 463 sections

1. ya7.2.5:195.1

   Yassa vā pana yattha mānānusayo pahīno tassa tattha kāmarāgānusayo ca paṭighānusayo ca pahīnāti?

2. ya7.2.5:196.1

   Arahato rūpadhātuyā arūpadhātuyā tassa tattha mānānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha mānānusayo ca kāmarāgānusayo ca pahīnā; paṭighānusayo na vattabbo “pahīno”ti vā “appahīno”ti vā.

3. ya7.2.5:197.1

   Yassa yattha kāmarāgānusayo ca paṭighānusayo ca pahīnā tassa tattha diṭṭhānusayo …pe… vicikicchānusayo pahīnoti? Natthi.

4. ya7.2.5:198.1

   Yassa vā pana yattha vicikicchānusayo pahīno tassa tattha kāmarāgānusayo ca paṭighānusayo ca pahīnāti?

5. ya7.2.5:199.1

   Dvinnaṁ puggalānaṁ rūpadhātuyā arūpadhātuyā tesaṁ tattha vicikicchānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tesaññeva puggalānaṁ kāmadhātuyā dvīsu vedanāsu tesaṁ tattha vicikicchānusayo pahīno, no ca tesaṁ tattha kāmarāgānusayo pahīno; paṭighānusayo na vattabbo “pahīno”ti vā “appahīno”ti vā. Tesaññeva puggalānaṁ dukkhāya vedanāya tesaṁ tattha vicikicchānusayo pahīno, no ca tesaṁ tattha paṭighānusayo pahīno; kāmarāgānusayo na vattabbo “pahīno”ti vā “appahīno”ti vā. Dvinnaṁ puggalānaṁ rūpadhātuyā arūpadhātuyā tesaṁ tattha vicikicchānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tesaññeva puggalānaṁ kāmadhātuyā dvīsu vedanāsu tesaṁ tattha vicikicchānusayo ca kāmarāgānusayo ca pahīnā; paṭighānusayo na vattabbo “pahīno”ti vā “appahīno”ti vā. Tesaññeva puggalānaṁ dukkhāya vedanāya tesaṁ tattha vicikicchānusayo ca paṭighānusayo ca pahīnā; kāmarāgānusayo na vattabbo “pahīno”ti vā “appahīno”ti vā.

6. ya7.2.5:200.1

   Yassa yattha kāmarāgānusayo ca paṭighānusayo ca pahīnā tassa tattha bhavarāgānusayo pahīnoti? Natthi.

7. ya7.2.5:201.1

   Yassa vā pana yattha bhavarāgānusayo pahīno tassa tattha kāmarāgānusayo ca paṭighānusayo ca pahīnāti?

8. ya7.2.5:202.1

   Na vattabbā “pahīnā”ti vā “appahīnā”ti vā.

9. ya7.2.5:203.1

   Yassa yattha kāmarāgānusayo ca paṭighānusayo ca pahīnā tassa tattha avijjānusayo pahīnoti? Natthi.

10. ya7.2.5:204.1

    Yassa vā pana yattha avijjānusayo pahīno tassa tattha kāmarāgānusayo ca paṭighānusayo ca pahīnāti?

11. ya7.2.5:205.1

    Arahato rūpadhātuyā arūpadhātuyā tassa tattha avijjānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha avijjānusayo ca kāmarāgānusayo ca pahīnā; paṭighānusayo na vattabbo “pahīno”ti vā “appahīno”ti vā. Tasseva puggalassa dukkhāya vedanāya tassa tattha avijjānusayo ca paṭighānusayo ca pahīnā; kāmarāgānusayo na vattabbo “pahīno”ti vā “appahīno”ti vā. (Dukamūlakaṁ.)

12. ya7.2.5:206.1

    Yassa yattha kāmarāgānusayo ca paṭighānusayo ca mānānusayo ca pahīnā tassa tattha diṭṭhānusayo …pe… vicikicchānusayo pahīnoti? Natthi.

13. ya7.2.5:207.1

    Yassa vā pana yattha vicikicchānusayo pahīno tassa tattha kāmarāgānusayo ca paṭighānusayo ca mānānusayo ca pahīnāti?

14. ya7.2.5:208.1

    Dvinnaṁ puggalānaṁ rūpadhātuyā arūpadhātuyā tesaṁ tattha vicikicchānusayo pahīno, no ca tesaṁ tattha mānānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tesaññeva puggalānaṁ kāmadhātuyā dvīsu vedanāsu tesaṁ tattha vicikicchānusayo pahīno, no ca tesaṁ tattha kāmarāgānusayo ca mānānusayo ca pahīnā; paṭighānusayo na vattabbo “pahīno”ti vā “appahīno”ti vā. Tesaññeva puggalānaṁ dukkhāya vedanāya tesaṁ tattha vicikicchānusayo pahīno, no ca tesaṁ tattha paṭighānusayo pahīno; kāmarāgānusayo ca mānānusayo ca na vattabbā “pahīnā”ti vā “appahīnā”ti vā. Anāgāmissa rūpadhātuyā arūpadhātuyā tassa tattha vicikicchānusayo pahīno, no ca tassa tattha mānānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha vicikicchānusayo ca kāmarāgānusayo ca pahīnā, no ca tassa tattha mānānusayo pahīno; paṭighānusayo na vattabbo “pahīno”ti vā “appahīno”ti vā. Tasseva puggalassa dukkhāya vedanāya tassa tattha vicikicchānusayo ca paṭighānusayo ca pahīnā; kāmarāgānusayo ca mānānusayo ca na vattabbā “pahīnā”ti vā “appahīnā”ti vā. Arahato rūpadhātuyā arūpadhātuyā tassa tattha vicikicchānusayo ca mānānusayo ca pahīnā; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha vicikicchānusayo ca kāmarāgānusayo ca mānānusayo ca pahīnā; paṭighānusayo na vattabbo “pahīno”ti vā “appahīno”ti vā. Tasseva puggalassa dukkhāya vedanāya tassa tattha vicikicchānusayo ca paṭighānusayo ca pahīnā; kāmarāgānusayo ca mānānusayo ca na vattabbā “pahīnā”ti vā “appahīnā”ti vā.

15. ya7.2.5:209.1

    Yassa yattha kāmarāgānusayo ca paṭighānusayo ca mānānusayo ca pahīnā tassa tattha bhavarāgānusayo pahīnoti? Natthi.

16. ya7.2.5:210.1

    Yassa vā pana yattha bhavarāgānusayo pahīno tassa tattha kāmarāgānusayo ca paṭighānusayo ca mānānusayo ca pahīnāti?

17. ya7.2.5:211.1

    Mānānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā.

18. ya7.2.5:212.1

    Yassa yattha kāmarāgānusayo ca paṭighānusayo ca mānānusayo ca pahīnā tassa tattha avijjānusayo pahīnoti? Natthi.

19. ya7.2.5:213.1

    Yassa vā pana yattha avijjānusayo pahīno tassa tattha kāmarāgānusayo ca paṭighānusayo ca mānānusayo ca pahīnāti?

20. ya7.2.5:214.1

    Arahato rūpadhātuyā arūpadhātuyā tassa tattha avijjānusayo ca mānānusayo ca pahīnā; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha avijjānusayo ca kāmarāgānusayo ca mānānusayo ca pahīnā; paṭighānusayo na vattabbo “pahīno”ti vā “appahīno”ti vā. Tasseva puggalassa dukkhāya vedanāya tassa tattha avijjānusayo ca paṭighānusayo ca pahīnā; kāmarāgānusayo ca mānānusayo ca na vattabbā “pahīnā”ti vā “appahīnā”ti vā. (Tikamūlakaṁ.)

21. ya7.2.5:215.1

    Yassa yattha kāmarāgānusayo ca paṭighānusayo ca mānānusayo ca diṭṭhānusayo ca pahīnā tassa tattha vicikicchānusayo pahīnoti? Natthi.

22. ya7.2.5:216.1

    Yassa vā pana yattha vicikicchānusayo pahīno tassa tattha kāmarāgānusayo ca paṭighānusayo ca mānānusayo ca diṭṭhānusayo ca pahīnāti?

23. ya7.2.5:217.1

    Dvinnaṁ puggalānaṁ rūpadhātuyā arūpadhātuyā tesaṁ tattha vicikicchānusayo ca diṭṭhānusayo ca pahīnā, no ca tesaṁ tattha mānānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tesaññeva puggalānaṁ kāmadhātuyā dvīsu vedanāsu tesaṁ tattha vicikicchānusayo ca diṭṭhānusayo ca pahīnā, no ca tesaṁ tattha kāmarāgānusayo ca mānānusayo ca pahīnā; paṭighānusayo na vattabbo “pahīno”ti vā “appahīno”ti vā. Tesaññeva puggalānaṁ dukkhāya vedanāya tesaṁ tattha vicikicchānusayo ca diṭṭhānusayo ca pahīnā, no ca tesaṁ tattha paṭighānusayo pahīno; kāmarāgānusayo ca mānānusayo ca na vattabbā “pahīnā”ti vā “appahīnā”ti vā. Anāgāmissa rūpadhātuyā arūpadhātuyā tassa tattha vicikicchānusayo ca diṭṭhānusayo ca pahīnā, no ca tassa tattha mānānusayo pahīno; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha vicikicchānusayo ca kāmarāgānusayo ca diṭṭhānusayo ca pahīnā, no ca tassa tattha mānānusayo pahīno; paṭighānusayo na vattabbo “pahīno”ti vā “appahīno”ti vā. Tasseva puggalassa dukkhāya vedanāya tassa tattha vicikicchānusayo ca paṭighānusayo ca diṭṭhānusayo ca pahīnā; kāmarāgānusayo ca mānānusayo ca na vattabbā “pahīnā”ti vā “appahīnā”ti vā. Arahato rūpadhātuyā arūpadhātuyā tassa tattha vicikicchānusayo ca mānānusayo ca diṭṭhānusayo ca pahīnā; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha vicikicchānusayo ca kāmarāgānusayo ca mānānusayo ca diṭṭhānusayo ca pahīnā; paṭighānusayo na vattabbo “pahīno”ti vā “appahīno”ti vā. Tasseva puggalassa dukkhāya vedanāya tassa tattha vicikicchānusayo ca paṭighānusayo ca diṭṭhānusayo ca pahīnā; kāmarāgānusayo ca mānānusayo ca na vattabbā “pahīnā”ti vā “appahīnā”ti vā …pe…. (Catukkamūlakaṁ.)

24. ya7.2.5:218.1

    Yassa yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca pahīnā tassa tattha bhavarāgānusayo pahīnoti? Natthi.

25. ya7.2.5:219.1

    Yassa vā pana yattha bhavarāgānusayo pahīno tassa tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca pahīnāti?

26. ya7.2.5:220.1

    Arahato rūpadhātuyā arūpadhātuyā tassa tattha bhavarāgānusayo ca mānānusayo ca diṭṭhānusayo ca vicikicchānusayo ca pahīnā; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā.

27. ya7.2.5:221.1

    Yassa yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca pahīnā tassa tattha avijjānusayo pahīnoti? Natthi.

28. ya7.2.5:222.1

    Yassa vā pana yattha avijjānusayo pahīno tassa tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca pahīnāti?

29. ya7.2.5:223.1

    Arahato rūpadhātuyā arūpadhātuyā tassa tattha avijjānusayo ca mānānusayo ca diṭṭhānusayo ca vicikicchānusayo ca pahīnā; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha avijjānusayo ca kāmarāgānusayo ca mānānusayo ca diṭṭhānusayo ca vicikicchānusayo ca pahīnā; paṭighānusayo na vattabbo “pahīno”ti vā “appahīno”ti vā. Tasseva puggalassa dukkhāya vedanāya tassa tattha avijjānusayo ca paṭighānusayo ca diṭṭhānusayo ca vicikicchānusayo ca pahīnā; kāmarāgānusayo ca mānānusayo ca na vattabbā “pahīnā”ti vā “appahīnā”ti vā. (Pañcakamūlakaṁ.)

30. ya7.2.5:224.1

    Yassa yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca pahīnā tassa tattha avijjānusayo pahīnoti? Natthi.

31. ya7.2.5:225.1

    Yassa vā pana yattha avijjānusayo pahīno tassa tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca pahīnāti?

32. ya7.2.5:226.1

    Arahato rūpadhātuyā arūpadhātuyā tassa tattha avijjānusayo ca mānānusayo ca diṭṭhānusayo ca vicikicchānusayo ca bhavarāgānusayo ca pahīnā; kāmarāgānusayo ca paṭighānusayo ca na vattabbā “pahīnā”ti vā “appahīnā”ti vā. Tasseva puggalassa kāmadhātuyā dvīsu vedanāsu tassa tattha avijjānusayo ca kāmarāgānusayo ca mānānusayo ca diṭṭhānusayo ca vicikicchānusayo ca pahīnā; paṭighānusayo ca bhavarāgānusayo ca na vattabbā “pahīnā”ti vā “appahīnā”ti vā. Tasseva puggalassa dukkhāya vedanāya tassa tattha avijjānusayo ca paṭighānusayo ca diṭṭhānusayo ca vicikicchānusayo ca pahīnā; kāmarāgānusayo ca mānānusayo ca bhavarāgānusayo ca na vattabbā “pahīnā”ti vā “appahīnā”ti vā. (Chakkamūlakaṁ.)

33. ya7.2.5:227.1

    Pahīnavāre anulomaṁ.

34. ya7.2.5:228.0

    7.2.5.4. Paṭilomapuggala

35. ya7.2.5:228.1

    Yassa kāmarāgānusayo appahīno tassa paṭighānusayo appahīnoti? Āmantā.

36. ya7.2.5:229.1

    Yassa vā pana paṭighānusayo appahīno tassa kāmarāgānusayo appahīnoti? Āmantā.

37. ya7.2.5:230.1

    Yassa kāmarāgānusayo appahīno tassa mānānusayo appahīnoti? Āmantā.

38. ya7.2.5:231.1

    Yassa vā pana mānānusayo appahīno tassa kāmarāgānusayo appahīnoti?

39. ya7.2.5:232.1

    Anāgāmissa mānānusayo appahīno, no ca tassa kāmarāgānusayo appahīno. Tiṇṇaṁ puggalānaṁ mānānusayo ca appahīno kāmarāgānusayo ca appahīno.

40. ya7.2.5:233.1

    Yassa kāmarāgānusayo appahīno tassa diṭṭhānusayo …pe… vicikicchānusayo appahīnoti?

41. ya7.2.5:234.1

    Dvinnaṁ puggalānaṁ kāmarāgānusayo appahīno, no ca tesaṁ vicikicchānusayo appahīno. Puthujjanassa kāmarāgānusayo ca appahīno vicikicchānusayo ca appahīno.

42. ya7.2.5:235.1

    Yassa vā pana vicikicchānusayo appahīno tassa kāmarāgānusayo appahīnoti? Āmantā.

43. ya7.2.5:236.1

    Yassa kāmarāgānusayo appahīno tassa bhavarāgānusayo …pe… avijjānusayo appahīnoti? Āmantā.

44. ya7.2.5:237.1

    Yassa vā pana avijjānusayo appahīno tassa kāmarāgānusayo appahīnoti?

45. ya7.2.5:238.1

    Anāgāmissa avijjānusayo appahīno, no ca tassa kāmarāgānusayo appahīno. Tiṇṇaṁ puggalānaṁ avijjānusayo ca appahīno kāmarāgānusayo ca appahīno.

46. ya7.2.5:239.1

    Yassa paṭighānusayo appahīno tassa mānānusayo appahīnoti? Āmantā.

47. ya7.2.5:240.1

    Yassa vā pana mānānusayo appahīno tassa paṭighānusayo appahīnoti?

48. ya7.2.5:241.1

    Anāgāmissa mānānusayo appahīno, no ca tassa paṭighānusayo appahīno. Tiṇṇaṁ puggalānaṁ mānānusayo ca appahīno paṭighānusayo ca appahīno.

49. ya7.2.5:242.1

    Yassa paṭighānusayo appahīno tassa diṭṭhānusayo …pe… vicikicchānusayo appahīnoti?

50. ya7.2.5:243.1

    Dvinnaṁ puggalānaṁ paṭighānusayo appahīno, no ca tesaṁ vicikicchānusayo appahīno. Puthujjanassa paṭighānusayo ca appahīno vicikicchānusayo ca appahīno.

51. ya7.2.5:244.1

    Yassa vā pana vicikicchānusayo appahīno tassa paṭighānusayo appahīnoti? Āmantā.

52. ya7.2.5:245.1

    Yassa paṭighānusayo appahīno tassa bhavarāgānusayo …pe… avijjānusayo appahīnoti? Āmantā.

53. ya7.2.5:246.1

    Yassa vā pana avijjānusayo appahīno tassa paṭighānusayo appahīnoti?

54. ya7.2.5:247.1

    Anāgāmissa avijjānusayo appahīno, no ca tassa paṭighānusayo appahīno. Tiṇṇaṁ puggalānaṁ avijjānusayo ca appahīno paṭighānusayo ca appahīno.

55. ya7.2.5:248.1

    Yassa mānānusayo appahīno tassa diṭṭhānusayo …pe… vicikicchānusayo appahīnoti?

56. ya7.2.5:249.1

    Tiṇṇaṁ puggalānaṁ mānānusayo appahīno, no ca tesaṁ vicikicchānusayo appahīno. Puthujjanassa mānānusayo ca appahīno vicikicchānusayo ca appahīno.

57. ya7.2.5:250.1

    Yassa vā pana vicikicchānusayo appahīno tassa mānānusayo appahīnoti? Āmantā.

58. ya7.2.5:251.1

    Yassa mānānusayo appahīno tassa bhavarāgānusayo …pe… avijjānusayo appahīnoti? Āmantā.

59. ya7.2.5:252.1

    Yassa vā pana avijjānusayo appahīno tassa mānānusayo appahīnoti? Āmantā.

60. ya7.2.5:253.1

    Yassa diṭṭhānusayo appahīno tassa vicikicchānusayo appahīnoti? Āmantā.

61. ya7.2.5:254.1

    Yassa vā pana vicikicchānusayo appahīno tassa diṭṭhānusayo appahīnoti? Āmantā …pe….

62. ya7.2.5:255.1

    Yassa vicikicchānusayo appahīno tassa bhavarāgānusayo …pe… avijjānusayo appahīnoti? Āmantā.

63. ya7.2.5:256.1

    Yassa vā pana avijjānusayo appahīno tassa vicikicchānusayo appahīnoti?

64. ya7.2.5:257.1

    Tiṇṇaṁ puggalānaṁ avijjānusayo appahīno, no ca tesaṁ vicikicchānusayo appahīno. Puthujjanassa avijjānusayo ca appahīno vicikicchānusayo ca appahīno.

65. ya7.2.5:258.1

    Yassa bhavarāgānusayo appahīno tassa avijjānusayo appahīnoti? Āmantā.

66. ya7.2.5:259.1

    Yassa vā pana avijjānusayo appahīno tassa bhavarāgānusayo appahīnoti? Āmantā. (Ekamūlakaṁ.)

67. ya7.2.5:260.1

    Yassa kāmarāgānusayo ca paṭighānusayo ca appahīnā tassa mānānusayo appahīnoti? Āmantā.

68. ya7.2.5:261.1

    Yassa vā pana mānānusayo appahīno tassa kāmarāgānusayo ca paṭighānusayo ca appahīnāti?

69. ya7.2.5:262.1

    Anāgāmissa mānānusayo appahīno, no ca tassa kāmarāgānusayo ca paṭighānusayo ca appahīnā. Tiṇṇaṁ puggalānaṁ mānānusayo ca appahīno kāmarāgānusayo ca paṭighānusayo ca appahīnā.

70. ya7.2.5:263.1

    Yassa kāmarāgānusayo ca paṭighānusayo ca appahīnā tassa diṭṭhānusayo …pe… vicikicchānusayo appahīnoti?

71. ya7.2.5:264.1

    Dvinnaṁ puggalānaṁ kāmarāgānusayo ca paṭighānusayo ca appahīnā, no ca tesaṁ vicikicchānusayo appahīno. Puthujjanassa kāmarāgānusayo ca paṭighānusayo ca appahīnā vicikicchānusayo ca appahīno.

72. ya7.2.5:265.1

    Yassa vā pana vicikicchānusayo appahīno tassa kāmarāgānusayo ca paṭighānusayo ca appahīnāti? Āmantā.

73. ya7.2.5:266.1

    Yassa kāmarāgānusayo ca paṭighānusayo ca appahīnā tassa bhavarāgānusayo …pe… avijjānusayo appahīnoti? Āmantā.

74. ya7.2.5:267.1

    Yassa vā pana avijjānusayo appahīno tassa kāmarāgānusayo ca paṭighānusayo ca appahīnāti?

75. ya7.2.5:268.1

    Anāgāmissa avijjānusayo appahīno, no ca tassa kāmarāgānusayo ca paṭighānusayo ca appahīnā. Tiṇṇaṁ puggalānaṁ avijjānusayo ca appahīno kāmarāgānusayo ca paṭighānusayo ca appahīnā. (Dukamūlakaṁ.)

76. ya7.2.5:269.1

    Yassa kāmarāgānusayo ca paṭighānusayo ca mānānusayo ca appahīnā tassa diṭṭhānusayo …pe… vicikicchānusayo appahīnoti?

77. ya7.2.5:270.1

    Dvinnaṁ puggalānaṁ kāmarāgānusayo ca paṭighānusayo ca mānānusayo ca appahīnā, no ca tesaṁ vicikicchānusayo appahīno. Puthujjanassa kāmarāgānusayo ca paṭighānusayo ca mānānusayo ca appahīnā vicikicchānusayo ca appahīno.

78. ya7.2.5:271.1

    Yassa vā pana vicikicchānusayo appahīno tassa kāmarāgānusayo ca paṭighānusayo ca mānānusayo ca appahīnāti? Āmantā.

79. ya7.2.5:272.1

    Yassa kāmarāgānusayo ca paṭighānusayo ca mānānusayo ca appahīnā tassa bhavarāgānusayo …pe… avijjānusayo appahīnoti? Āmantā.

80. ya7.2.5:273.1

    Yassa vā pana avijjānusayo appahīno tassa kāmarāgānusayo ca paṭighānusayo ca mānānusayo ca appahīnāti?

81. ya7.2.5:274.1

    Anāgāmissa avijjānusayo ca mānānusayo ca appahīnā, no ca tassa kāmarāgānusayo ca paṭighānusayo ca appahīnā. Tiṇṇaṁ puggalānaṁ avijjānusayo ca appahīno kāmarāgānusayo ca paṭighānusayo ca mānānusayo ca appahīnā. (Tikamūlakaṁ.)

82. ya7.2.5:275.1

    Yassa kāmarāgānusayo ca paṭighānusayo ca mānānusayo ca diṭṭhānusayo ca appahīnā tassa vicikicchānusayo appahīnoti? Āmantā.

83. ya7.2.5:276.1

    Yassa vā pana vicikicchānusayo appahīno tassa kāmarāgānusayo ca paṭighānusayo ca mānānusayo ca diṭṭhānusayo ca appahīnāti? Āmantā …pe…. (Catukkamūlakaṁ.)

84. ya7.2.5:277.1

    Yassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca appahīnā tassa bhavarāgānusayo …pe… avijjānusayo appahīnoti? Āmantā.

85. ya7.2.5:278.1

    Yassa vā pana avijjānusayo appahīno tassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca appahīnāti?

86. ya7.2.5:279.1

    Anāgāmissa avijjānusayo ca mānānusayo ca appahīnā, no ca tassa kāmarāgānusayo ca paṭighānusayo ca diṭṭhānusayo ca vicikicchānusayo ca appahīnā. Dvinnaṁ puggalānaṁ avijjānusayo ca kāmarāgānusayo ca paṭighānusayo ca mānānusayo ca appahīnā, no ca tesaṁ diṭṭhānusayo ca vicikicchānusayo ca appahīnā. Puthujjanassa avijjānusayo ca appahīno; kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca appahīnā. (Pañcakamūlakaṁ.)

87. ya7.2.5:280.1

    Yassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca appahīnā tassa avijjānusayo appahīnoti? Āmantā.

88. ya7.2.5:281.1

    Yassa vā pana avijjānusayo appahīno tassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca appahīnāti?

89. ya7.2.5:282.1

    Anāgāmissa avijjānusayo ca mānānusayo ca bhavarāgānusayo ca appahīnā, no ca tassa kāmarāgānusayo ca paṭighānusayo ca diṭṭhānusayo ca vicikicchānusayo ca appahīnā. Dvinnaṁ puggalānaṁ avijjānusayo ca kāmarāgānusayo ca paṭighānusayo ca mānānusayo ca bhavarāgānusayo ca appahīnā, no ca tesaṁ diṭṭhānusayo ca vicikicchānusayo ca appahīnā. Puthujjanassa avijjānusayo ca appahīno, kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca appahīnā. (Chakkamūlakaṁ.)

90. ya7.2.5:283.0

    7.2.5.5. Paṭilomaokāsa

91. ya7.2.5:283.1

    Yattha kāmarāgānusayo appahīno tattha paṭighānusayo appahīnoti?

92. ya7.2.5:284.1

    Na vattabbo “pahīno”ti vā “appahīno”ti vā.

93. ya7.2.5:285.1

    Yattha vā pana paṭighānusayo appahīno tattha kāmarāgānusayo appahīnoti?

94. ya7.2.5:286.1

    Na vattabbo “pahīno”ti vā “appahīno”ti vā.

95. ya7.2.5:287.1

    Yattha kāmarāgānusayo appahīno tattha mānānusayo appahīnoti? Āmantā.

96. ya7.2.5:288.1

    Yattha vā pana mānānusayo appahīno tattha kāmarāgānusayo appahīnoti?

97. ya7.2.5:289.1

    Rūpadhātuyā arūpadhātuyā ettha mānānusayo appahīno; kāmarāgānusayo na vattabbo “pahīno”ti vā “appahīno”ti vā. Kāmadhātuyā dvīsu vedanāsu ettha mānānusayo ca appahīno kāmarāgānusayo ca appahīno.

98. ya7.2.5:290.1

    Yattha kāmarāgānusayo appahīno tattha diṭṭhānusayo …pe… vicikicchānusayo appahīnoti? Āmantā.

99. ya7.2.5:291.1

    Yattha vā pana vicikicchānusayo appahīno tattha kāmarāgānusayo appahīnoti?

100. ya7.2.5:292.1

     Dukkhāya vedanāya rūpadhātuyā arūpadhātuyā ettha vicikicchānusayo appahīno; kāmarāgānusayo na vattabbo “pahīno”ti vā “appahīno”ti vā. Kāmadhātuyā dvīsu vedanāsu ettha vicikicchānusayo ca appahīno kāmarāgānusayo ca appahīno.

← Previous · Next → — showing 201–300 of 463

SuttaCentral (suttacentral.net), from the bilara-data and sc-data repositories. Licence: Public Domain. Source.