← Library

7 Anusayayamaka — 7.2 Mahāvāra — 7.2.3. Pajahanavāra

Early Buddhist texts (SuttaCentral): Abhidhamma · abhidhamma · 463 sections

1. ya7.2.3:195.1

   Yo yato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahati so tato bhavarāgānusayaṁ pajahatīti? Natthi.

2. ya7.2.3:196.1

   Yo vā pana yato bhavarāgānusayaṁ pajahati so tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahatīti?

3. ya7.2.3:197.1

   Mānānusayaṁ pajahati.

4. ya7.2.3:198.1

   Yo yato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahati so tato avijjānusayaṁ pajahatīti? Natthi.

5. ya7.2.3:199.1

   Yo vā pana yato avijjānusayaṁ pajahati so tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahatīti?

6. ya7.2.3:200.1

   Aggamaggasamaṅgī dukkhāya vedanāya so tato avijjānusayaṁ pajahati, no ca so tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahati. Sveva puggalo kāmadhātuyā dvīsu vedanāsu rūpadhātuyā arūpadhātuyā so tato avijjānusayañca mānānusayañca pajahati, no ca so tato kāmarāgānusayañca paṭighānusayañca diṭṭhānusayañca vicikicchānusayañca pajahati. (Pañcakamūlakaṁ.)

7. ya7.2.3:201.1

   Yo yato kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca pajahati so tato avijjānusayaṁ pajahatīti? Natthi.

8. ya7.2.3:202.1

   Yo vā pana yato avijjānusayaṁ pajahati so tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca pajahatīti?

9. ya7.2.3:203.1

   Aggamaggasamaṅgī dukkhāya vedanāya so tato avijjānusayaṁ pajahati, no ca so tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca pajahati. Sveva puggalo kāmadhātuyā dvīsu vedanāsu so tato avijjānusayañca mānānusayañca pajahati, no ca so tato kāmarāgānusayañca paṭighānusayañca diṭṭhānusayañca vicikicchānusayañca bhavarāgānusayañca pajahati. Sveva puggalo rūpadhātuyā arūpadhātuyā so tato avijjānusayañca mānānusayañca bhavarāgānusayañca pajahati, no ca so tato kāmarāgānusayañca paṭighānusayañca diṭṭhānusayañca vicikicchānusayañca pajahati. (Chakkamūlakaṁ.)

10. ya7.2.3:204.1

    Pajahanavāre anulomaṁ.

11. ya7.2.3:205.0

    7.2.3.4. Paṭilomapuggala

12. ya7.2.3:205.1

    Yo kāmarāgānusayaṁ nappajahati so paṭighānusayaṁ nappajahatīti? Āmantā.

13. ya7.2.3:206.1

    Yo vā pana paṭighānusayaṁ nappajahati so kāmarāgānusayaṁ nappajahatīti? Āmantā.

14. ya7.2.3:207.1

    Yo kāmarāgānusayaṁ nappajahati so mānānusayaṁ nappajahatīti?

15. ya7.2.3:208.1

    Aggamaggasamaṅgī kāmarāgānusayaṁ nappajahati, no ca so mānānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā kāmarāgānusayañca nappajahanti mānānusayañca nappajahanti.

16. ya7.2.3:209.1

    Yo vā pana mānānusayaṁ nappajahati so kāmarāgānusayaṁ nappajahatīti?

17. ya7.2.3:210.1

    Anāgāmimaggasamaṅgī mānānusayaṁ nappajahati, no ca so kāmarāgānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā mānānusayañca nappajahanti kāmarāgānusayañca nappajahanti.

18. ya7.2.3:211.1

    Yo kāmarāgānusayaṁ nappajahati so diṭṭhānusayaṁ …pe… vicikicchānusayaṁ nappajahatīti?

19. ya7.2.3:212.1

    Aṭṭhamako kāmarāgānusayaṁ nappajahati, no ca so vicikicchānusayaṁ nappajahati. Anāgāmimaggasamaṅgiñca aṭṭhamakañca ṭhapetvā avasesā puggalā kāmarāgānusayañca nappajahanti vicikicchānusayañca nappajahanti.

20. ya7.2.3:213.1

    Yo vā pana vicikicchānusayaṁ nappajahati so kāmarāgānusayaṁ nappajahatīti?

21. ya7.2.3:214.1

    Anāgāmimaggasamaṅgī vicikicchānusayaṁ nappajahati, no ca so kāmarāgānusayaṁ nappajahati. Anāgāmimaggasamaṅgiñca aṭṭhamakañca ṭhapetvā avasesā puggalā vicikicchānusayañca nappajahanti kāmarāgānusayañca nappajahanti.

22. ya7.2.3:215.1

    Yo kāmarāgānusayaṁ nappajahati so bhavarāgānusayaṁ …pe… avijjānusayaṁ nappajahatīti?

23. ya7.2.3:216.1

    Aggamaggasamaṅgī kāmarāgānusayaṁ nappajahati, no ca so avijjānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā kāmarāgānusayañca nappajahanti avijjānusayañca nappajahanti.

24. ya7.2.3:217.1

    Yo vā pana avijjānusayaṁ nappajahati so kāmarāgānusayaṁ nappajahatīti?

25. ya7.2.3:218.1

    Anāgāmimaggasamaṅgī avijjānusayaṁ nappajahati, no ca so kāmarāgānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā avijjānusayañca nappajahanti kāmarāgānusayañca nappajahanti.

26. ya7.2.3:219.1

    Yo paṭighānusayaṁ nappajahati so mānānusayaṁ nappajahatīti?

27. ya7.2.3:220.1

    Aggamaggasamaṅgī paṭighānusayaṁ nappajahati, no ca so mānānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā paṭighānusayañca nappajahanti mānānusayañca nappajahanti.

28. ya7.2.3:221.1

    Yo vā pana mānānusayaṁ nappajahati so paṭighānusayaṁ nappajahatīti?

29. ya7.2.3:222.1

    Anāgāmimaggasamaṅgī mānānusayaṁ nappajahati, no ca so paṭighānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā mānānusayañca nappajahanti paṭighānusayañca nappajahanti.

30. ya7.2.3:223.1

    Yo paṭighānusayaṁ nappajahati so diṭṭhānusayaṁ …pe… vicikicchānusayaṁ nappajahatīti?

31. ya7.2.3:224.1

    Aṭṭhamako paṭighānusayaṁ nappajahati, no ca so vicikicchānusayaṁ nappajahati. Anāgāmimaggasamaṅgiñca aṭṭhamakañca ṭhapetvā avasesā puggalā paṭighānusayañca nappajahanti vicikicchānusayañca nappajahanti.

32. ya7.2.3:225.1

    Yo vā pana vicikicchānusayaṁ nappajahati so paṭighānusayaṁ nappajahatīti?

33. ya7.2.3:226.1

    Anāgāmimaggasamaṅgī vicikicchānusayaṁ nappajahati, no ca so paṭighānusayaṁ nappajahati. Anāgāmimaggasamaṅgiñca aṭṭhamakañca ṭhapetvā avasesā puggalā vicikicchānusayañca nappajahanti paṭighānusayañca nappajahanti.

34. ya7.2.3:227.1

    Yo paṭighānusayaṁ nappajahati so bhavarāgānusayaṁ …pe… avijjānusayaṁ nappajahatīti?

35. ya7.2.3:228.1

    Aggamaggasamaṅgī paṭighānusayaṁ nappajahati, no ca so avijjānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā paṭighānusayañca nappajahanti avijjānusayañca nappajahanti.

36. ya7.2.3:229.1

    Yo vā pana avijjānusayaṁ nappajahati so paṭighānusayaṁ nappajahatīti?

37. ya7.2.3:230.1

    Anāgāmimaggasamaṅgī avijjānusayaṁ nappajahati, no ca so paṭighānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā avijjānusayañca nappajahanti paṭighānusayañca nappajahanti.

38. ya7.2.3:231.1

    Yo mānānusayaṁ nappajahati so diṭṭhānusayaṁ …pe… vicikicchānusayaṁ nappajahatīti?

39. ya7.2.3:232.1

    Aṭṭhamako mānānusayaṁ nappajahati, no ca so vicikicchānusayaṁ nappajahati. Aggamaggasamaṅgiñca aṭṭhamakañca ṭhapetvā avasesā puggalā mānānusayañca nappajahanti vicikicchānusayañca nappajahanti.

40. ya7.2.3:233.1

    Yo vā pana vicikicchānusayaṁ nappajahati so mānānusayaṁ nappajahatīti?

41. ya7.2.3:234.1

    Aggamaggasamaṅgī vicikicchānusayaṁ nappajahati, no ca so mānānusayaṁ nappajahati. Aggamaggasamaṅgiñca aṭṭhamakañca ṭhapetvā avasesā puggalā vicikicchānusayañca nappajahanti mānānusayañca nappajahanti.

42. ya7.2.3:235.1

    Yo mānānusayaṁ nappajahati so bhavarāgānusayaṁ …pe… avijjānusayaṁ nappajahatīti? Āmantā.

43. ya7.2.3:236.1

    Yo vā pana avijjānusayaṁ nappajahati so mānānusayaṁ nappajahatīti? Āmantā.

44. ya7.2.3:237.1

    Yo diṭṭhānusayaṁ nappajahati so vicikicchānusayaṁ nappajahatīti? Āmantā.

45. ya7.2.3:238.1

    Yo vā pana vicikicchānusayaṁ nappajahati so diṭṭhānusayaṁ nappajahatīti? Āmantā …pe….

46. ya7.2.3:239.1

    Yo vicikicchānusayaṁ nappajahati so bhavarāgānusayaṁ …pe… avijjānusayaṁ nappajahatīti?

47. ya7.2.3:240.1

    Aggamaggasamaṅgī vicikicchānusayaṁ nappajahati, no ca so avijjānusayaṁ nappajahati. Aggamaggasamaṅgiñca aṭṭhamakañca ṭhapetvā avasesā puggalā vicikicchānusayañca nappajahanti avijjānusayañca nappajahanti.

48. ya7.2.3:241.1

    Yo vā pana avijjānusayaṁ nappajahati so vicikicchānusayaṁ nappajahatīti?

49. ya7.2.3:242.1

    Aṭṭhamako avijjānusayaṁ nappajahati, no ca so vicikicchānusayaṁ nappajahati. Aggamaggasamaṅgiñca aṭṭhamakañca ṭhapetvā avasesā puggalā avijjānusayañca nappajahanti vicikicchānusayañca nappajahanti.

50. ya7.2.3:243.1

    Yo bhavarāgānusayaṁ nappajahati so avijjānusayaṁ nappajahatīti? Āmantā.

51. ya7.2.3:244.1

    Yo vā pana avijjānusayaṁ nappajahati so bhavarāgānusayaṁ nappajahatīti? Āmantā. (Ekamūlakaṁ.)

52. ya7.2.3:245.1

    Yo kāmarāgānusayañca paṭighānusayañca nappajahati so mānānusayaṁ nappajahatīti?

53. ya7.2.3:246.1

    Aggamaggasamaṅgī kāmarāgānusayañca paṭighānusayañca nappajahati, no ca so mānānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā kāmarāgānusayañca paṭighānusayañca nappajahanti mānānusayañca nappajahanti.

54. ya7.2.3:247.1

    Yo vā pana mānānusayaṁ nappajahati so kāmarāgānusayañca paṭighānusayañca nappajahatīti?

55. ya7.2.3:248.1

    Anāgāmimaggasamaṅgī mānānusayaṁ nappajahati, no ca so kāmarāgānusayañca paṭighānusayañca nappajahati. Dvinnaṁ maggasamaṅgīnaṁ ṭhapetvā avasesā puggalā mānānusayañca nappajahanti kāmarāgānusayañca paṭighānusayañca nappajahanti.

56. ya7.2.3:249.1

    Yo kāmarāgānusayañca paṭighānusayañca nappajahati so diṭṭhānusayaṁ …pe… vicikicchānusayaṁ nappajahatīti?

57. ya7.2.3:250.1

    Aṭṭhamako kāmarāgānusayañca paṭighānusayañca nappajahati, no ca so vicikicchānusayaṁ nappajahati. Anāgāmimaggasamaṅgiñca aṭṭhamakañca ṭhapetvā avasesā puggalā kāmarāgānusayañca paṭighānusayañca nappajahanti vicikicchānusayañca nappajahanti.

58. ya7.2.3:251.1

    Yo vā pana vicikicchānusayaṁ nappajahati so kāmarāgānusayañca paṭighānusayañca nappajahatīti?

59. ya7.2.3:252.1

    Anāgāmimaggasamaṅgī vicikicchānusayaṁ nappajahati, no ca so kāmarāgānusayañca paṭighānusayañca nappajahati. Anāgāmimaggasamaṅgiñca aṭṭhamakañca ṭhapetvā avasesā puggalā vicikicchānusayañca nappajahanti kāmarāgānusayañca paṭighānusayañca nappajahanti.

60. ya7.2.3:253.1

    Yo kāmarāgānusayañca paṭighānusayañca nappajahati so bhavarāgānusayaṁ …pe… avijjānusayaṁ nappajahatīti?

61. ya7.2.3:254.1

    Aggamaggasamaṅgī kāmarāgānusayañca paṭighānusayañca nappajahati, no ca so avijjānusayaṁ nappajahati. Dvinnaṁ maggasamaṅgīnaṁ ṭhapetvā avasesā puggalā kāmarāgānusayañca paṭighānusayañca nappajahanti avijjānusayañca nappajahanti.

62. ya7.2.3:255.1

    Yo vā pana avijjānusayaṁ nappajahati so kāmarāgānusayañca paṭighānusayañca nappajahatīti?

63. ya7.2.3:256.1

    Anāgāmimaggasamaṅgī avijjānusayaṁ nappajahati, no ca so kāmarāgānusayañca paṭighānusayañca nappajahati. Dvinnaṁ maggasamaṅgīnaṁ ṭhapetvā avasesā puggalā avijjānusayañca nappajahanti kāmarāgānusayañca paṭighānusayañca nappajahanti. (Dukamūlakaṁ.)

64. ya7.2.3:257.1

    Yo kāmarāgānusayañca paṭighānusayañca mānānusayañca nappajahati so diṭṭhānusayaṁ …pe… vicikicchānusayaṁ nappajahatīti?

65. ya7.2.3:258.1

    Aṭṭhamako kāmarāgānusayañca paṭighānusayañca mānānusayañca nappajahati, no ca so vicikicchānusayaṁ nappajahati. Dvinnaṁ maggasamaṅgīnañca aṭṭhamakañca ṭhapetvā avasesā puggalā kāmarāgānusayañca paṭighānusayañca mānānusayañca nappajahanti vicikicchānusayañca nappajahanti.

66. ya7.2.3:259.1

    Yo vā pana vicikicchānusayaṁ nappajahati so kāmarāgānusayañca paṭighānusayañca mānānusayañca nappajahatīti?

67. ya7.2.3:260.1

    Anāgāmimaggasamaṅgī vicikicchānusayañca mānānusayañca nappajahati, no ca so kāmarāgānusayañca paṭighānusayañca nappajahati. Aggamaggasamaṅgī vicikicchānusayañca kāmarāgānusayañca paṭighānusayañca nappajahati, no ca so mānānusayaṁ nappajahati. Dvinnaṁ maggasamaṅgīnañca aṭṭhamakañca ṭhapetvā avasesā puggalā vicikicchānusayañca nappajahanti kāmarāgānusayañca paṭighānusayañca mānānusayañca nappajahanti.

68. ya7.2.3:261.1

    Yo kāmarāgānusayañca paṭighānusayañca mānānusayañca nappajahati so bhavarāgānusayaṁ …pe… avijjānusayaṁ nappajahatīti? Āmantā.

69. ya7.2.3:262.1

    Yo vā pana avijjānusayaṁ nappajahati so kāmarāgānusayañca paṭighānusayañca mānānusayañca nappajahatīti?

70. ya7.2.3:263.1

    Anāgāmimaggasamaṅgī avijjānusayañca mānānusayañca nappajahati, no ca so kāmarāgānusayañca paṭighānusayañca nappajahati. Dvinnaṁ maggasamaṅgīnaṁ ṭhapetvā avasesā puggalā avijjānusayañca nappajahanti kāmarāgānusayañca paṭighānusayañca mānānusayañca nappajahanti. (Tikamūlakaṁ.)

71. ya7.2.3:264.1

    Yo kāmarāgānusayañca paṭighānusayañca mānānusayañca diṭṭhānusayañca nappajahati so vicikicchānusayaṁ nappajahatīti? Āmantā.

72. ya7.2.3:265.1

    Yo vā pana vicikicchānusayaṁ nappajahati so kāmarāgānusayañca paṭighānusayañca mānānusayañca diṭṭhānusayañca nappajahatīti?

73. ya7.2.3:266.1

    Anāgāmimaggasamaṅgī vicikicchānusayañca mānānusayañca diṭṭhānusayañca nappajahati, no ca so kāmarāgānusayañca paṭighānusayañca nappajahati. Aggamaggasamaṅgī vicikicchānusayañca kāmarāgānusayañca paṭighānusayañca diṭṭhānusayañca nappajahati, no ca so mānānusayaṁ nappajahati. Dvinnaṁ maggasamaṅgīnañca aṭṭhamakañca ṭhapetvā avasesā puggalā vicikicchānusayañca nappajahanti kāmarāgānusayañca paṭighānusayañca mānānusayañca diṭṭhānusayañca nappajahanti …pe…. (Catukkamūlakaṁ.)

74. ya7.2.3:267.1

    Yo kāmarāgānusayañca paṭighānusayañca mānānusayañca diṭṭhānusayañca vicikicchānusayañca nappajahati so bhavarāgānusayaṁ …pe… avijjānusayaṁ nappajahatīti? Āmantā.

75. ya7.2.3:268.1

    Yo vā pana avijjānusayaṁ nappajahati so kāmarāgānusayañca paṭighānusayañca mānānusayañca diṭṭhānusayañca vicikicchānusayañca nappajahatīti?

76. ya7.2.3:269.1

    Aṭṭhamako avijjānusayañca kāmarāgānusayañca paṭighānusayañca mānānusayañca nappajahati, no ca so diṭṭhānusayañca vicikicchānusayañca nappajahati. Anāgāmimaggasamaṅgī avijjānusayañca mānānusayañca diṭṭhānusayañca vicikicchānusayañca nappajahati, no ca so kāmarāgānusayañca paṭighānusayañca nappajahati. Dvinnaṁ maggasamaṅgīnañca aṭṭhamakañca ṭhapetvā avasesā puggalā avijjānusayañca nappajahanti kāmarāgānusayañca paṭighānusayañca mānānusayañca diṭṭhānusayañca vicikicchānusayañca nappajahanti. (Pañcakamūlakaṁ.)

77. ya7.2.3:270.1

    Yo kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca nappajahati so avijjānusayaṁ nappajahatīti? Āmantā.

78. ya7.2.3:271.1

    Yo vā pana avijjānusayaṁ nappajahati so kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca nappajahatīti?

79. ya7.2.3:272.1

    Aṭṭhamako avijjānusayañca kāmarāgānusayañca paṭighānusayañca mānānusayañca bhavarāgānusayañca nappajahati, no ca so diṭṭhānusayañca vicikicchānusayañca nappajahati. Anāgāmimaggasamaṅgī avijjānusayañca mānānusayañca diṭṭhānusayañca vicikicchānusayañca bhavarāgānusayañca nappajahati, no ca so kāmarāgānusayañca paṭighānusayañca nappajahati. Dvinnaṁ maggasamaṅgīnañca aṭṭhamakañca ṭhapetvā avasesā puggalā avijjānusayañca nappajahanti kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca nappajahanti. (Chakkamūlakaṁ.)

80. ya7.2.3:273.0

    7.2.3.5. Paṭilomaokāsa

81. ya7.2.3:273.1

    Yato kāmarāgānusayaṁ nappajahati tato paṭighānusayaṁ nappajahatīti?

82. ya7.2.3:274.1

    Dukkhāya vedanāya tato kāmarāgānusayaṁ nappajahati, no ca tato paṭighānusayaṁ nappajahati. Rūpadhātuyā arūpadhātuyā apariyāpanne tato kāmarāgānusayañca nappajahati paṭighānusayañca nappajahati.

83. ya7.2.3:275.1

    Yato vā pana paṭighānusayaṁ nappajahati tato kāmarāgānusayaṁ nappajahatīti?

84. ya7.2.3:276.1

    Kāmadhātuyā dvīsu vedanāsu tato paṭighānusayaṁ nappajahati, no ca tato kāmarāgānusayaṁ nappajahati. Rūpadhātuyā arūpadhātuyā apariyāpanne tato paṭighānusayañca nappajahati kāmarāgānusayañca nappajahati.

85. ya7.2.3:277.1

    Yato kāmarāgānusayaṁ nappajahati tato mānānusayaṁ nappajahatīti?

86. ya7.2.3:278.1

    Rūpadhātuyā arūpadhātuyā tato kāmarāgānusayaṁ nappajahati, no ca tato mānānusayaṁ nappajahati. Dukkhāya vedanāya apariyāpanne tato kāmarāgānusayañca nappajahati mānānusayañca nappajahati.

87. ya7.2.3:279.1

    Yato vā pana mānānusayaṁ nappajahati tato kāmarāgānusayaṁ nappajahatīti? Āmantā.

88. ya7.2.3:280.1

    Yato kāmarāgānusayaṁ nappajahati tato diṭṭhānusayaṁ …pe… vicikicchānusayaṁ nappajahatīti?

89. ya7.2.3:281.1

    Dukkhāya vedanāya rūpadhātuyā arūpadhātuyā tato kāmarāgānusayaṁ nappajahati, no ca tato vicikicchānusayaṁ nappajahati. Apariyāpanne tato kāmarāgānusayañca nappajahati vicikicchānusayañca nappajahati.

90. ya7.2.3:282.1

    Yato vā pana vicikicchānusayaṁ nappajahati tato kāmarāgānusayaṁ nappajahatīti? Āmantā.

91. ya7.2.3:283.1

    Yato kāmarāgānusayaṁ nappajahati tato bhavarāgānusayaṁ nappajahatīti?

92. ya7.2.3:284.1

    Rūpadhātuyā arūpadhātuyā tato kāmarāgānusayaṁ nappajahati, no ca tato bhavarāgānusayaṁ nappajahati. Dukkhāya vedanāya apariyāpanne tato kāmarāgānusayañca nappajahati bhavarāgānusayañca nappajahati.

93. ya7.2.3:285.1

    Yato vā pana bhavarāgānusayaṁ nappajahati tato kāmarāgānusayaṁ nappajahatīti?

94. ya7.2.3:286.1

    Kāmadhātuyā dvīsu vedanāsu tato bhavarāgānusayaṁ nappajahati, no ca tato kāmarāgānusayaṁ nappajahati. Dukkhāya vedanāya apariyāpanne tato bhavarāgānusayañca nappajahati kāmarāgānusayañca nappajahati.

95. ya7.2.3:287.1

    Yato kāmarāgānusayaṁ nappajahati tato avijjānusayaṁ nappajahatīti?

96. ya7.2.3:288.1

    Dukkhāya vedanāya rūpadhātuyā arūpadhātuyā tato kāmarāgānusayaṁ nappajahati, no ca tato avijjānusayaṁ nappajahati. Apariyāpanne tato kāmarāgānusayañca nappajahati avijjānusayañca nappajahati.

97. ya7.2.3:289.1

    Yato vā pana avijjānusayaṁ nappajahati tato kāmarāgānusayaṁ nappajahatīti? Āmantā.

98. ya7.2.3:290.1

    Yato paṭighānusayaṁ nappajahati tato mānānusayaṁ nappajahatīti?

99. ya7.2.3:291.1

    Kāmadhātuyā dvīsu vedanāsu rūpadhātuyā arūpadhātuyā tato paṭighānusayaṁ nappajahati, no ca tato mānānusayaṁ nappajahati. Apariyāpanne tato paṭighānusayañca nappajahati mānānusayañca nappajahati.

100. ya7.2.3:292.1

     Yato vā pana mānānusayaṁ nappajahati tato paṭighānusayaṁ nappajahatīti?

← Previous · Next → — showing 201–300 of 463

SuttaCentral (suttacentral.net), from the bilara-data and sc-data repositories. Licence: Public Domain. Source.