← Library

10 Indriyayamaka — 10.2 Pavattivāra — 10.2.1. Uppādavāra

Early Buddhist texts (SuttaCentral): Abhidhamma · abhidhamma · 2,727 sections

1. ya10.2.1:393.1

   Aghānakānaṁ sacakkhukānaṁ upapajjantānaṁ tesaṁ ghānindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ aghānakānaṁ acakkhukānaṁ upapajjantānaṁ tesaṁ ghānindriyañca na uppajjati cakkhundriyañca na uppajjati.

2. ya10.2.1:394.1

   Yassa cakkhundriyaṁ na uppajjati tassa itthindriyaṁ na uppajjatīti?

3. ya10.2.1:395.1

   Acakkhukānaṁ itthīnaṁ upapajjantīnaṁ tāsaṁ cakkhundriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ acakkhukānaṁ na itthīnaṁ upapajjantānaṁ tesaṁ cakkhundriyañca na uppajjati itthindriyañca na uppajjati.

4. ya10.2.1:396.1

   Yassa vā pana itthindriyaṁ na uppajjati tassa cakkhundriyaṁ na uppajjatīti?

5. ya10.2.1:397.1

   Na itthīnaṁ sacakkhukānaṁ upapajjantānaṁ tesaṁ itthindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ na itthīnaṁ acakkhukānaṁ upapajjantānaṁ tesaṁ itthindriyañca na uppajjati cakkhundriyañca na uppajjati.

6. ya10.2.1:398.1

   Yassa cakkhundriyaṁ na uppajjati tassa purisindriyaṁ na uppajjatīti?

7. ya10.2.1:399.1

   Acakkhukānaṁ purisānaṁ upapajjantānaṁ tesaṁ cakkhundriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ acakkhukānaṁ na purisānaṁ upapajjantānaṁ tesaṁ cakkhundriyañca na uppajjati purisindriyañca na uppajjati.

8. ya10.2.1:400.1

   Yassa vā pana purisindriyaṁ na uppajjati tassa cakkhundriyaṁ na uppajjatīti?

9. ya10.2.1:401.1

   Na purisānaṁ sacakkhukānaṁ upapajjantānaṁ tesaṁ purisindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ na purisānaṁ acakkhukānaṁ upapajjantānaṁ tesaṁ purisindriyañca na uppajjati cakkhundriyañca na uppajjati.

10. ya10.2.1:402.1

    Yassa cakkhundriyaṁ na uppajjati tassa jīvitindriyaṁ na uppajjatīti?

11. ya10.2.1:403.1

    Acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ cakkhundriyañca na uppajjati jīvitindriyañca na uppajjati.

12. ya10.2.1:404.1

    Yassa vā pana jīvitindriyaṁ na uppajjati tassa cakkhundriyaṁ na uppajjatīti? Āmantā.

13. ya10.2.1:405.1

    Yassa cakkhundriyaṁ na uppajjati tassa somanassindriyaṁ na uppajjatīti? Āmantā.

14. ya10.2.1:406.1

    Yassa vā pana somanassindriyaṁ na uppajjati tassa cakkhundriyaṁ na uppajjatīti?

15. ya10.2.1:407.1

    Vinā somanassena sacakkhukānaṁ upapajjantānaṁ tesaṁ somanassindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ vinā somanassena acakkhukānaṁ upapajjantānaṁ tesaṁ somanassindriyañca na uppajjati cakkhundriyañca na uppajjati.

16. ya10.2.1:408.1

    Yassa cakkhundriyaṁ na uppajjati tassa upekkhindriyaṁ na uppajjatīti?

17. ya10.2.1:409.1

    Acakkhukānaṁ upekkhāya upapajjantānaṁ tesaṁ cakkhundriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ acakkhukānaṁ vinā upekkhāya upapajjantānaṁ tesaṁ cakkhundriyañca na uppajjati upekkhindriyañca na uppajjati.

18. ya10.2.1:410.1

    Yassa vā pana upekkhindriyaṁ na uppajjati tassa cakkhundriyaṁ na uppajjatīti?

19. ya10.2.1:411.1

    Vinā upekkhāya sacakkhukānaṁ upapajjantānaṁ tesaṁ upekkhindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ vinā upekkhāya acakkhukānaṁ upapajjantānaṁ tesaṁ upekkhindriyañca na uppajjati cakkhundriyañca na uppajjati.

20. ya10.2.1:412.1

    Yassa cakkhundriyaṁ na uppajjati tassa saddhindriyaṁ na uppajjatīti?

21. ya10.2.1:413.1

    Acakkhukānaṁ sahetukānaṁ upapajjantānaṁ tesaṁ cakkhundriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ acakkhukānaṁ ahetukānaṁ upapajjantānaṁ tesaṁ cakkhundriyañca na uppajjati saddhindriyañca na uppajjati.

22. ya10.2.1:414.1

    Yassa vā pana saddhindriyaṁ na uppajjati tassa cakkhundriyaṁ na uppajjatīti?

23. ya10.2.1:415.1

    Ahetukānaṁ sacakkhukānaṁ upapajjantānaṁ tesaṁ saddhindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ ahetukānaṁ acakkhukānaṁ upapajjantānaṁ tesaṁ saddhindriyañca na uppajjati cakkhundriyañca na uppajjati.

24. ya10.2.1:416.1

    Yassa cakkhundriyaṁ na uppajjati tassa paññindriyaṁ na uppajjatīti?

25. ya10.2.1:417.1

    Acakkhukānaṁ ñāṇasampayuttānaṁ upapajjantānaṁ tesaṁ cakkhundriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ acakkhukānaṁ ñāṇavippayuttānaṁ upapajjantānaṁ tesaṁ cakkhundriyañca na uppajjati paññindriyañca na uppajjati.

26. ya10.2.1:418.1

    Yassa vā pana paññindriyaṁ na uppajjati tassa cakkhundriyaṁ na uppajjatīti?

27. ya10.2.1:419.1

    Ñāṇavippayuttānaṁ sacakkhukānaṁ upapajjantānaṁ tesaṁ paññindriyaṁ na uppajjati, no ca tesaṁ cakkhundriyaṁ na uppajjati. Sabbesaṁ cavantānaṁ ñāṇavippayuttānaṁ acakkhukānaṁ upapajjantānaṁ tesaṁ paññindriyañca na uppajjati cakkhundriyañca na uppajjati.

28. ya10.2.1:420.1

    Yassa cakkhundriyaṁ na uppajjati tassa manindriyaṁ na uppajjatīti?

29. ya10.2.1:421.1

    Acakkhukānaṁ sacittakānaṁ upapajjantānaṁ tesaṁ cakkhundriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ cakkhundriyañca na uppajjati manindriyañca na uppajjati.

30. ya10.2.1:422.1

    Yassa vā pana manindriyaṁ na uppajjati tassa cakkhundriyaṁ na uppajjatīti? Āmantā. (Cakkhundriyamūlakaṁ.)

31. ya10.2.1:423.1

    Yassa ghānindriyaṁ na uppajjati tassa itthindriyaṁ na uppajjatīti?

32. ya10.2.1:424.1

    Aghānakānaṁ itthīnaṁ upapajjantīnaṁ tāsaṁ ghānindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ aghānakānaṁ na itthīnaṁ upapajjantānaṁ tesaṁ ghānindriyañca na uppajjati itthindriyañca na uppajjati.

33. ya10.2.1:425.1

    Yassa vā pana itthindriyaṁ na uppajjati tassa ghānindriyaṁ na uppajjatīti?

34. ya10.2.1:426.1

    Na itthīnaṁ saghānakānaṁ upapajjantānaṁ tesaṁ itthindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ na itthīnaṁ aghānakānaṁ upapajjantānaṁ tesaṁ itthindriyañca na uppajjati ghānindriyañca na uppajjati.

35. ya10.2.1:427.1

    Yassa ghānindriyaṁ na uppajjati tassa purisindriyaṁ na uppajjatīti?

36. ya10.2.1:428.1

    Aghānakānaṁ purisānaṁ upapajjantānaṁ tesaṁ ghānindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ aghānakānaṁ na purisānaṁ upapajjantānaṁ tesaṁ ghānindriyañca na uppajjati purisindriyañca na uppajjati.

37. ya10.2.1:429.1

    Yassa vā pana purisindriyaṁ na uppajjati tassa ghānindriyaṁ na uppajjatīti?

38. ya10.2.1:430.1

    Na purisānaṁ saghānakānaṁ upapajjantānaṁ tesaṁ purisindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ na purisānaṁ aghānakānaṁ upapajjantānaṁ tesaṁ purisindriyañca na uppajjati ghānindriyañca na uppajjati.

39. ya10.2.1:431.1

    Yassa ghānindriyaṁ na uppajjati tassa jīvitindriyaṁ na uppajjatīti?

40. ya10.2.1:432.1

    Aghānakānaṁ upapajjantānaṁ tesaṁ ghānindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ ghānindriyañca na uppajjati jīvitindriyañca na uppajjati.

41. ya10.2.1:433.1

    Yassa vā pana jīvitindriyaṁ na uppajjati tassa ghānindriyaṁ na uppajjatīti? Āmantā.

42. ya10.2.1:434.1

    Yassa ghānindriyaṁ na uppajjati tassa somanassindriyaṁ na uppajjatīti?

43. ya10.2.1:435.1

    Aghānakānaṁ somanassena upapajjantānaṁ tesaṁ ghānindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cavantānaṁ aghānakānaṁ vinā somanassena upapajjantānaṁ tesaṁ ghānindriyañca na uppajjati somanassindriyañca na uppajjati.

44. ya10.2.1:436.1

    Yassa vā pana somanassindriyaṁ na uppajjati tassa ghānindriyaṁ na uppajjatīti?

45. ya10.2.1:437.1

    Vinā somanassena saghānakānaṁ upapajjantānaṁ tesaṁ somanassindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ vinā somanassena aghānakānaṁ upapajjantānaṁ tesaṁ somanassindriyañca na uppajjati ghānindriyañca na uppajjati.

46. ya10.2.1:438.1

    Yassa ghānindriyaṁ na uppajjati tassa upekkhindriyaṁ na uppajjatīti?

47. ya10.2.1:439.1

    Aghānakānaṁ upekkhāya upapajjantānaṁ tesaṁ ghānindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ aghānakānaṁ vinā upekkhāya upapajjantānaṁ tesaṁ ghānindriyañca na uppajjati upekkhindriyañca na uppajjati.

48. ya10.2.1:440.1

    Yassa vā pana upekkhindriyaṁ na uppajjati tassa ghānindriyaṁ na uppajjatīti?

49. ya10.2.1:441.1

    Vinā upekkhāya saghānakānaṁ upapajjantānaṁ tesaṁ upekkhindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ vinā upekkhāya aghānakānaṁ upapajjantānaṁ tesaṁ upekkhindriyañca na uppajjati ghānindriyañca na uppajjati.

50. ya10.2.1:442.1

    Yassa ghānindriyaṁ na uppajjati tassa saddhindriyaṁ na uppajjatīti?

51. ya10.2.1:443.1

    Aghānakānaṁ sahetukānaṁ upapajjantānaṁ tesaṁ ghānindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ aghānakānaṁ ahetukānaṁ upapajjantānaṁ tesaṁ ghānindriyañca na uppajjati saddhindriyañca na uppajjati.

52. ya10.2.1:444.1

    Yassa vā pana saddhindriyaṁ na uppajjati tassa ghānindriyaṁ na uppajjatīti?

53. ya10.2.1:445.1

    Ahetukānaṁ saghānakānaṁ upapajjantānaṁ tesaṁ saddhindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ ahetukānaṁ aghānakānaṁ upapajjantānaṁ tesaṁ saddhindriyañca na uppajjati ghānindriyañca na uppajjati.

54. ya10.2.1:446.1

    Yassa ghānindriyaṁ na uppajjati tassa paññindriyaṁ na uppajjatīti?

55. ya10.2.1:447.1

    Aghānakānaṁ ñāṇasampayuttānaṁ upapajjantānaṁ tesaṁ ghānindriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ aghānakānaṁ ñāṇavippayuttānaṁ upapajjantānaṁ tesaṁ ghānindriyañca na uppajjati paññindriyañca na uppajjati.

56. ya10.2.1:448.1

    Yassa vā pana paññindriyaṁ na uppajjati tassa ghānindriyaṁ na uppajjatīti?

57. ya10.2.1:449.1

    Ñāṇavippayuttānaṁ saghānakānaṁ upapajjantānaṁ tesaṁ paññindriyaṁ na uppajjati, no ca tesaṁ ghānindriyaṁ na uppajjati. Sabbesaṁ cavantānaṁ ñāṇavippayuttānaṁ aghānakānaṁ upapajjantānaṁ tesaṁ paññindriyañca na uppajjati ghānindriyañca na uppajjati.

58. ya10.2.1:450.1

    Yassa ghānindriyaṁ na uppajjati tassa manindriyaṁ na uppajjatīti?

59. ya10.2.1:451.1

    Aghānakānaṁ sacittakānaṁ upapajjantānaṁ tesaṁ ghānindriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ ghānindriyañca na uppajjati manindriyañca na uppajjati.

60. ya10.2.1:452.1

    Yassa vā pana manindriyaṁ na uppajjati tassa ghānindriyaṁ na uppajjatīti? Āmantā. (Ghānindriyamūlakaṁ.)

61. ya10.2.1:453.1

    Yassa itthindriyaṁ na uppajjati tassa purisindriyaṁ na uppajjatīti?

62. ya10.2.1:454.1

    Purisānaṁ upapajjantānaṁ tesaṁ itthindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ na itthīnaṁ na purisānaṁ upapajjantānaṁ tesaṁ itthindriyañca na uppajjati purisindriyañca na uppajjati.

63. ya10.2.1:455.1

    Yassa vā pana purisindriyaṁ na uppajjati tassa itthindriyaṁ na uppajjatīti?

64. ya10.2.1:456.1

    Itthīnaṁ upapajjantīnaṁ tāsaṁ purisindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ na purisānaṁ na itthīnaṁ upapajjantānaṁ tesaṁ purisindriyañca na uppajjati itthindriyañca na uppajjati.

65. ya10.2.1:457.1

    Yassa itthindriyaṁ na uppajjati tassa jīvitindriyaṁ na uppajjatīti?

66. ya10.2.1:458.1

    Na itthīnaṁ upapajjantānaṁ tesaṁ itthindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ itthindriyañca na uppajjati jīvitindriyañca na uppajjati.

67. ya10.2.1:459.1

    Yassa vā pana jīvitindriyaṁ na uppajjati tassa itthindriyaṁ na uppajjatīti? Āmantā.

68. ya10.2.1:460.1

    Yassa itthindriyaṁ na uppajjati tassa somanassindriyaṁ na uppajjatīti?

69. ya10.2.1:461.1

    Na itthīnaṁ somanassena upapajjantānaṁ tesaṁ itthindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cavantānaṁ na itthīnaṁ vinā somanassena upapajjantānaṁ tesaṁ itthindriyañca na uppajjati somanassindriyañca na uppajjati.

70. ya10.2.1:462.1

    Yassa vā pana somanassindriyaṁ na uppajjati tassa itthindriyaṁ na uppajjatīti?

71. ya10.2.1:463.1

    Vinā somanassena itthīnaṁ upapajjantīnaṁ tāsaṁ somanassindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ vinā somanassena na itthīnaṁ upapajjantānaṁ tesaṁ somanassindriyañca na uppajjati itthindriyañca na uppajjati.

72. ya10.2.1:464.1

    Yassa itthindriyaṁ na uppajjati tassa upekkhindriyaṁ na uppajjatīti?

73. ya10.2.1:465.1

    Na itthīnaṁ upekkhāya upapajjantānaṁ tesaṁ itthindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ na itthīnaṁ vinā upekkhāya upapajjantānaṁ tesaṁ itthindriyañca na uppajjati upekkhindriyañca na uppajjati.

74. ya10.2.1:466.1

    Yassa vā pana upekkhindriyaṁ na uppajjati tassa itthindriyaṁ na uppajjatīti?

75. ya10.2.1:467.1

    Vinā upekkhāya itthīnaṁ upapajjantīnaṁ tāsaṁ upekkhindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ vinā upekkhāya na itthīnaṁ upapajjantānaṁ tesaṁ upekkhindriyañca na uppajjati itthindriyañca na uppajjati.

76. ya10.2.1:468.1

    Yassa itthindriyaṁ na uppajjati tassa saddhindriyaṁ na uppajjatīti?

77. ya10.2.1:469.1

    Na itthīnaṁ sahetukānaṁ upapajjantānaṁ tesaṁ itthindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ na itthīnaṁ ahetukānaṁ upapajjantānaṁ tesaṁ itthindriyañca na uppajjati saddhindriyañca na uppajjati.

78. ya10.2.1:470.1

    Yassa vā pana saddhindriyaṁ na uppajjati tassa itthindriyaṁ na uppajjatīti?

79. ya10.2.1:471.1

    Ahetukānaṁ itthīnaṁ upapajjantīnaṁ tāsaṁ saddhindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ ahetukānaṁ na itthīnaṁ upapajjantānaṁ tesaṁ saddhindriyañca na uppajjati itthindriyañca na uppajjati.

80. ya10.2.1:472.1

    Yassa itthindriyaṁ na uppajjati tassa paññindriyaṁ na uppajjatīti?

81. ya10.2.1:473.1

    Na itthīnaṁ ñāṇasampayuttānaṁ upapajjantānaṁ tesaṁ itthindriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ na itthīnaṁ ñāṇavippayuttānaṁ upapajjantānaṁ tesaṁ itthindriyañca na uppajjati paññindriyañca na uppajjati.

82. ya10.2.1:474.1

    Yassa vā pana paññindriyaṁ na uppajjati tassa itthindriyaṁ na uppajjatīti?

83. ya10.2.1:475.1

    Ñāṇavippayuttānaṁ itthīnaṁ upapajjantīnaṁ tāsaṁ paññindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ ñāṇavippayuttānaṁ na itthīnaṁ upapajjantānaṁ tesaṁ paññindriyañca na uppajjati itthindriyañca na uppajjati.

84. ya10.2.1:476.1

    Yassa itthindriyaṁ na uppajjati tassa manindriyaṁ na uppajjatīti?

85. ya10.2.1:477.1

    Na itthīnaṁ sacittakānaṁ upapajjantānaṁ tesaṁ itthindriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ itthindriyañca na uppajjati manindriyañca na uppajjati.

86. ya10.2.1:478.1

    Yassa vā pana manindriyaṁ na uppajjati tassa itthindriyaṁ na uppajjatīti? Āmantā. (Itthindriyamūlakaṁ.)

87. ya10.2.1:479.1

    Yassa purisindriyaṁ na uppajjati tassa jīvitindriyaṁ na uppajjatīti?

88. ya10.2.1:480.1

    Na purisānaṁ upapajjantānaṁ tesaṁ purisindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ purisindriyañca na uppajjati jīvitindriyañca na uppajjati.

89. ya10.2.1:481.1

    Yassa vā pana jīvitindriyaṁ na uppajjati tassa purisindriyaṁ na uppajjatīti? Āmantā.

90. ya10.2.1:482.1

    Yassa purisindriyaṁ na uppajjati tassa somanassindriyaṁ na uppajjatīti?

91. ya10.2.1:483.1

    Na purisānaṁ somanassena upapajjantānaṁ tesaṁ purisindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cavantānaṁ na purisānaṁ vinā somanassena upapajjantānaṁ tesaṁ purisindriyañca na uppajjati somanassindriyañca na uppajjati.

92. ya10.2.1:484.1

    Yassa vā pana somanassindriyaṁ na uppajjati tassa purisindriyaṁ na uppajjatīti?

93. ya10.2.1:485.1

    Vinā somanassena purisānaṁ upapajjantānaṁ tesaṁ somanassindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ vinā somanassena na purisānaṁ upapajjantānaṁ tesaṁ somanassindriyañca na uppajjati purisindriyañca na uppajjati.

94. ya10.2.1:486.1

    Yassa purisindriyaṁ na uppajjati tassa upekkhindriyaṁ na uppajjatīti?

95. ya10.2.1:487.1

    Na purisānaṁ upekkhāya upapajjantānaṁ tesaṁ purisindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ na purisānaṁ vinā upekkhāya upapajjantānaṁ tesaṁ purisindriyañca na uppajjati upekkhindriyañca na uppajjati.

96. ya10.2.1:488.1

    Yassa vā pana upekkhindriyaṁ na uppajjati tassa purisindriyaṁ na uppajjatīti?

97. ya10.2.1:489.1

    Vinā upekkhāya purisānaṁ upapajjantānaṁ tesaṁ upekkhindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ vinā upekkhāya na purisānaṁ upapajjantānaṁ tesaṁ upekkhindriyañca na uppajjati purisindriyañca na uppajjati.

98. ya10.2.1:490.1

    Yassa purisindriyaṁ na uppajjati tassa saddhindriyaṁ na uppajjatīti?

99. ya10.2.1:491.1

    Na purisānaṁ sahetukānaṁ upapajjantānaṁ tesaṁ purisindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ na purisānaṁ ahetukānaṁ upapajjantānaṁ tesaṁ purisindriyañca na uppajjati saddhindriyañca na uppajjati.

100. ya10.2.1:492.1

     Yassa vā pana saddhindriyaṁ na uppajjati tassa purisindriyaṁ na uppajjatīti?

← Previous · Next → — showing 401–500 of 2,727

SuttaCentral (suttacentral.net), from the bilara-data and sc-data repositories. Licence: Public Domain. Source.