← Library

Kathāvatthu — Mahāpaṇṇāsaka — Navamavagga

Early Buddhist texts (SuttaCentral): Abhidhamma · abhidhamma · 17 sections

1. kv9.8:0.1

   Kathāvatthu

2. kv9.8:0.2

   Mahāpaṇṇāsaka

3. kv9.8:0.3

   Navamavagga

4. kv9.8:0.4

   Vitakkavipphārasaddakathā

5. kv9.8:1.1

   Sabbaso vitakkayato vicārayato vitakkavipphāro saddoti?

6. kv9.8:1.2

   Āmantā.

7. kv9.8:1.3

   Sabbaso phusayato phassavipphāro saddo, sabbaso vedayato vedanāvipphāro saddo, sabbaso sañjānato saññāvipphāro saddo, sabbaso cetayato cetanāvipphāro saddo, sabbaso cintayato cittavipphāro saddo, sabbaso sarato sativipphāro saddo, sabbaso pajānato paññāvipphāro saddoti?

8. kv9.8:1.4

   Na hevaṁ vattabbe …pe….

9. kv9.8:2.1

   Sabbaso vitakkayato vicārayato vitakkavipphāro saddoti?

10. kv9.8:2.2

    Āmantā.

11. kv9.8:2.3

    Vitakkavipphāro saddo sotaviññeyyo sotasmiṁ paṭihaññati sotassa āpāthaṁ āgacchatīti?

12. kv9.8:2.4

    Na hevaṁ vattabbe …pe….

13. kv9.8:2.5

    Nanu vitakkavipphāro saddo na sotaviññeyyo na sotasmiṁ paṭihaññati na sotassa āpāthaṁ āgacchatīti?

14. kv9.8:2.6

    Āmantā.

15. kv9.8:2.7

    Hañci vitakkavipphāro saddo na sotaviññeyyo na sotasmiṁ paṭihaññati na sotassa āpāthaṁ āgacchati, no ca vata re vattabbe—

16. kv9.8:2.8

    “sabbaso vitakkayato vicārayato vitakkavipphāro saddo”ti.

17. kv9.8:2.9

    Vitakkavipphārasaddakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.