← Library

Kathāvatthu — Mahāpaṇṇāsaka — Navamavagga

Early Buddhist texts (SuttaCentral): Abhidhamma · abhidhamma · 30 sections

1. kv9.7:0.1

   Kathāvatthu

2. kv9.7:0.2

   Mahāpaṇṇāsaka

3. kv9.7:0.3

   Navamavagga

4. kv9.7:0.4

   Vitakkānupatitakathā

5. kv9.7:1.1

   Sabbaṁ cittaṁ vitakkānupatitanti?

6. kv9.7:1.2

   Āmantā.

7. kv9.7:1.3

   Sabbaṁ cittaṁ vicārānupatitaṁ pītānupatitaṁ sukhānupatitaṁ dukkhānupatitaṁ somanassānupatitaṁ domanassānupatitaṁ upekkhānupatitaṁ saddhānupatitaṁ vīriyānupatitaṁ satānupatitaṁ samādhānupatitaṁ paññānupatitaṁ rāgānupatitaṁ dosānupatitaṁ …pe…

8. kv9.7:1.4

   anottappānupatitanti?

9. kv9.7:1.5

   Na hevaṁ vattabbe …pe….

10. kv9.7:2.1

    Sabbaṁ cittaṁ vitakkānupatitanti?

11. kv9.7:2.2

    Āmantā.

12. kv9.7:2.3

    Nanu atthi avitakko vicāramatto samādhīti?

13. kv9.7:2.4

    Āmantā.

14. kv9.7:2.5

    Hañci atthi avitakko vicāramatto samādhi, no ca vata re vattabbe—

15. kv9.7:2.6

    “sabbaṁ cittaṁ vitakkānupatitan”ti.

16. kv9.7:3.1

    Sabbaṁ cittaṁ vitakkānupatitanti?

17. kv9.7:3.2

    Āmantā.

18. kv9.7:3.3

    Nanu atthi avitakko avicāro samādhīti?

19. kv9.7:3.4

    Āmantā.

20. kv9.7:3.5

    Hañci atthi avitakko avicāro samādhi, no ca vata re vattabbe—

21. kv9.7:3.6

    “sabbaṁ cittaṁ vitakkānupatitan”ti.

22. kv9.7:3.7

    Sabbaṁ cittaṁ vitakkānupatitanti?

23. kv9.7:3.8

    Āmantā.

24. kv9.7:3.9

    Nanu tayo samādhī vuttā bhagavatā—

25. kv9.7:3.10

    “savitakko savicāro samādhi, avitakko vicāramatto samādhi, avitakko avicāro samādhī”ti?

26. kv9.7:3.11

    Āmantā.

27. kv9.7:3.12

    Hañci tayo samādhī vuttā bhagavatā—

28. kv9.7:3.13

    savitakko savicāro samādhi, avitakko vicāramatto samādhi, avitakko avicāro samādhi, no ca vata re vattabbe—

29. kv9.7:3.14

    “sabbaṁ cittaṁ vitakkānupatitan”ti.

30. kv9.7:3.15

    Vitakkānupatitakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.