← Library

Kathāvatthu — Mahāpaṇṇāsaka — Navamavagga

Early Buddhist texts (SuttaCentral): Abhidhamma · abhidhamma · 79 sections

1. kv9.2:0.1

   Kathāvatthu

2. kv9.2:0.2

   Mahāpaṇṇāsaka

3. kv9.2:0.3

   Navamavagga

4. kv9.2:0.4

   Amatārammaṇakathā

5. kv9.2:1.1

   Amatārammaṇaṁ saṁyojananti?

6. kv9.2:1.2

   Āmantā.

7. kv9.2:1.3

   Amataṁ saṁyojaniyaṁ ganthaniyaṁ oghaniyaṁ yoganiyaṁ nīvaraṇiyaṁ parāmaṭṭhaṁ upādāniyaṁ saṅkilesiyanti?

8. kv9.2:1.4

   Na hevaṁ vattabbe …pe…

9. kv9.2:1.5

   nanu amataṁ asaṁyojaniyaṁ aganthaniyaṁ …pe… asaṅkilesiyanti?

10. kv9.2:1.6

    Āmantā.

11. kv9.2:1.7

    Hañci amataṁ asaṁyojaniyaṁ …pe… asaṅkilesiyaṁ, no ca vata re vattabbe—

12. kv9.2:1.8

    “amatārammaṇaṁ saṁyojanan”ti.

13. kv9.2:2.1

    Amataṁ ārabbha rāgo uppajjatīti?

14. kv9.2:2.2

    Āmantā.

15. kv9.2:2.3

    Amataṁ rāgaṭṭhāniyaṁ rajaniyaṁ kamaniyaṁ madaniyaṁ bandhaniyaṁ mucchaniyanti?

16. kv9.2:2.4

    Na hevaṁ vattabbe …pe…

17. kv9.2:2.5

    nanu amataṁ na rāgaṭṭhāniyaṁ na rajaniyaṁ na kamaniyaṁ na madaniyaṁ na bandhaniyaṁ na mucchaniyanti?

18. kv9.2:2.6

    Āmantā.

19. kv9.2:2.7

    Hañci amataṁ na rāgaṭṭhāniyaṁ na rajaniyaṁ na kamaniyaṁ na madaniyaṁ na bandhaniyaṁ na mucchaniyaṁ, no ca vata re vattabbe—

20. kv9.2:2.8

    “amataṁ ārabbha rāgo uppajjatī”ti.

21. kv9.2:3.1

    Amataṁ ārabbha doso uppajjatīti?

22. kv9.2:3.2

    Āmantā.

23. kv9.2:3.3

    Amataṁ dosaṭṭhāniyaṁ kopaṭṭhāniyaṁ paṭighaṭṭhāniyanti?

24. kv9.2:3.4

    Na hevaṁ vattabbe …pe…

25. kv9.2:3.5

    nanu amataṁ na dosaṭṭhāniyaṁ na kopaṭṭhāniyaṁ na paṭighaṭṭhāniyanti?

26. kv9.2:3.6

    Āmantā.

27. kv9.2:3.7

    Hañci amataṁ na dosaṭṭhāniyaṁ na kopaṭṭhāniyaṁ na paṭighaṭṭhāniyaṁ, no ca vata re vattabbe—

28. kv9.2:3.8

    “amataṁ ārabbha doso uppajjatī”ti.

29. kv9.2:4.1

    Amataṁ ārabbha moho uppajjatīti?

30. kv9.2:4.2

    Āmantā.

31. kv9.2:4.3

    Amataṁ mohaṭṭhāniyaṁ aññāṇakaraṇaṁ acakkhukaraṇaṁ paññānirodhiyaṁ vighātapakkhiyaṁ anibbānasaṁvattaniyanti?

32. kv9.2:4.4

    Na hevaṁ vattabbe …pe…

33. kv9.2:4.5

    nanu amataṁ na mohaṭṭhāniyaṁ na aññāṇakaraṇaṁ na acakkhukaraṇaṁ paññābuddhiyaṁ avighātapakkhiyaṁ nibbānasaṁvattaniyanti?

34. kv9.2:4.6

    Āmantā.

35. kv9.2:4.7

    Hañci amataṁ na mohaṭṭhāniyaṁ na aññāṇakaraṇaṁ …pe…

36. kv9.2:4.8

    nibbānasaṁvattaniyaṁ, no ca vata re vattabbe—

37. kv9.2:4.9

    “amataṁ ārabbha moho uppajjatī”ti.

38. kv9.2:5.1

    Rūpaṁ ārabbha saṁyojanā uppajjanti, rūpaṁ saṁyojaniyaṁ ganthaniyaṁ …pe… saṅkilesiyanti?

39. kv9.2:5.2

    Āmantā.

40. kv9.2:5.3

    Amataṁ ārabbha saṁyojanā uppajjanti, amataṁ saṁyojaniyaṁ …pe… saṅkilesiyanti?

41. kv9.2:5.4

    Na hevaṁ vattabbe …pe….

42. kv9.2:6.1

    Rūpaṁ ārabbha rāgo uppajjati, rūpaṁ rāgaṭṭhāniyaṁ rajaniyaṁ kamaniyaṁ madaniyaṁ bandhaniyaṁ mucchaniyanti?

43. kv9.2:6.2

    Āmantā.

44. kv9.2:6.3

    Amataṁ ārabbha rāgo uppajjati, amataṁ rāgaṭṭhāniyaṁ …pe… mucchaniyanti?

45. kv9.2:6.4

    Na hevaṁ vattabbe …pe….

46. kv9.2:7.1

    Rūpaṁ ārabbha doso uppajjati, rūpaṁ dosaṭṭhāniyaṁ kopaṭṭhāniyaṁ paṭighaṭṭhāniyanti?

47. kv9.2:7.2

    Āmantā.

48. kv9.2:7.3

    Amataṁ ārabbha doso uppajjati, amataṁ dosaṭṭhāniyaṁ kopaṭṭhāniyaṁ paṭighaṭṭhāniyanti?

49. kv9.2:7.4

    Na hevaṁ vattabbe …pe….

50. kv9.2:8.1

    Rūpaṁ ārabbha moho uppajjati, rūpaṁ mohaṭṭhāniyaṁ aññāṇakaraṇaṁ …pe… anibbānasaṁvattaniyanti?

51. kv9.2:8.2

    Āmantā.

52. kv9.2:8.3

    Amataṁ ārabbha moho uppajjati, amataṁ mohaṭṭhāniyaṁ aññāṇakaraṇaṁ …pe… anibbānasaṁvattaniyanti?

53. kv9.2:8.4

    Na hevaṁ vattabbe …pe….

54. kv9.2:9.1

    Amataṁ ārabbha saṁyojanā uppajjanti, amataṁ asaṁyojaniyaṁ aganthaniyaṁ anoghaniyaṁ ayoganiyaṁ anīvaraṇiyaṁ aparāmaṭṭhaṁ anupādāniyaṁ asaṅkilesiyanti?

55. kv9.2:9.2

    Āmantā.

56. kv9.2:9.3

    Rūpaṁ ārabbha saṁyojanā uppajjanti, rūpaṁ asaṁyojaniyaṁ aganthaniyaṁ …pe… asaṅkilesiyanti?

57. kv9.2:9.4

    Na hevaṁ vattabbe …pe….

58. kv9.2:10.1

    Amataṁ ārabbha rāgo uppajjati, amataṁ na rāgaṭṭhāniyaṁ na rajaniyaṁ na kamaniyaṁ na madaniyaṁ na bandhaniyaṁ na mucchaniyanti?

59. kv9.2:10.2

    Āmantā.

60. kv9.2:10.3

    Rūpaṁ ārabbha rāgo uppajjati, rūpaṁ na rāgaṭṭhāniyaṁ …pe…

61. kv9.2:10.4

    na mucchaniyanti?

62. kv9.2:10.5

    Na hevaṁ vattabbe …pe….

63. kv9.2:11.1

    Amataṁ ārabbha doso uppajjati, amataṁ na dosaṭṭhāniyaṁ na kopaṭṭhāniyaṁ na paṭighaṭṭhāniyanti?

64. kv9.2:11.2

    Āmantā.

65. kv9.2:11.3

    Rūpaṁ ārabbha doso uppajjati, rūpaṁ na dosaṭṭhāniyaṁ na kopaṭṭhāniyaṁ na paṭighaṭṭhāniyanti?

66. kv9.2:11.4

    Na hevaṁ vattabbe …pe….

67. kv9.2:12.1

    Amataṁ ārabbha moho uppajjati, amataṁ na mohaṭṭhāniyaṁ na aññāṇakaraṇaṁ …pe… nibbānasaṁvattaniyanti?

68. kv9.2:12.2

    Āmantā.

69. kv9.2:12.3

    Rūpaṁ ārabbha moho uppajjati, rūpaṁ na mohaṭṭhāniyaṁ na aññāṇakaraṇaṁ …pe… nibbānasaṁvattaniyanti?

70. kv9.2:12.4

    Na hevaṁ vattabbe …pe….

71. kv9.2:13.1

    Na vattabbaṁ—

72. kv9.2:13.2

    “amatārammaṇaṁ saṁyojanan”ti?

73. kv9.2:13.3

    Āmantā.

74. kv9.2:13.4

    Nanu vuttaṁ bhagavatā—

75. kv9.2:13.5

    “nibbānaṁ nibbānato sañjānāti, nibbānaṁ nibbānato sañjānitvā nibbānaṁ maññati, nibbānasmiṁ maññati, nibbānato maññati, nibbānaṁ meti maññati, nibbānaṁ abhinandatī”ti.

76. kv9.2:13.6

    Attheva suttantoti?

77. kv9.2:13.7

    Āmantā.

78. kv9.2:13.8

    Tena hi amatārammaṇaṁ saṁyojananti.

79. kv9.2:13.9

    Amatārammaṇakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.