← Library

Kathāvatthu — Mahāpaṇṇāsaka — Aṭṭhamavagga

Early Buddhist texts (SuttaCentral): Abhidhamma · abhidhamma · 122 sections

1. kv8.7:8.5

   atthi tattha manāyatanaṁ atthi dhammāyatanaṁ, na ca tena manena taṁ dhammaṁ vijānātīti?

2. kv8.7:8.6

   Na hevaṁ vattabbe …pe…

3. kv8.7:9.1

   Atthi tattha ghānāyatanaṁ atthi gandhāyatanaṁ, tena ghānena taṁ gandhaṁ ghāyatīti?

4. kv8.7:9.2

   Āmantā.

5. kv8.7:9.3

   Atthi tattha mūlagandho sāragandho tacagandho pattagandho pupphagandho phalagandho āmagandho vissagandho sugandho duggandhoti?

6. kv8.7:9.4

   Na hevaṁ vattabbe …pe….

7. kv8.7:10.1

   Atthi tattha jivhāyatanaṁ atthi rasāyatanaṁ, tāya jivhāya taṁ rasaṁ sāyatīti?

8. kv8.7:10.2

   Āmantā.

9. kv8.7:10.3

   Atthi tattha mūlaraso khandharaso tacaraso pattaraso puppharaso phalaraso ambilaṁ madhuraṁ tittakaṁ kaṭukaṁ loṇiyaṁ khāriyaṁ lambilaṁ kasāvo sādu asādūti?

10. kv8.7:10.4

    Na hevaṁ vattabbe …pe….

11. kv8.7:11.1

    Atthi tattha kāyāyatanaṁ atthi phoṭṭhabbāyatanaṁ, tena kāyena taṁ phoṭṭhabbaṁ phusatīti?

12. kv8.7:11.2

    Āmantā.

13. kv8.7:11.3

    Atthi tattha kakkhaḷaṁ mudukaṁ saṇhaṁ pharusaṁ sukhasamphassaṁ dukkhasamphassaṁ garukaṁ lahukanti?

14. kv8.7:11.4

    Na hevaṁ vattabbe …pe….

15. kv8.7:12.1

    Na vattabbaṁ—

16. kv8.7:12.2

    “saḷāyataniko attabhāvo rūpadhātuyā”ti?

17. kv8.7:12.3

    Āmantā.

18. kv8.7:12.4

    Nanu atthi tattha ghānanimittaṁ jivhānimittaṁ kāyanimittanti?

19. kv8.7:12.5

    Āmantā.

20. kv8.7:12.6

    Hañci atthi tattha ghānanimittaṁ jivhānimittaṁ kāyanimittaṁ, tena vata re vattabbe—

21. kv8.7:12.7

    “saḷāyataniko attabhāvo rūpadhātuyā”ti.

22. kv8.7:12.8

    Rūpadhātuyā āyatanakathā niṭṭhitā.

← Previous — showing 101–122 of 122

SuttaCentral (suttacentral.net), from the bilara-data and sc-data repositories. Licence: Public Domain. Source.