← Library

Kathāvatthu — Mahāpaṇṇāsaka — Chaṭṭhavagga

Early Buddhist texts (SuttaCentral): Abhidhamma · abhidhamma · 32 sections

1. kv6.9:0.1

   Kathāvatthu

2. kv6.9:0.2

   Mahāpaṇṇāsaka

3. kv6.9:0.3

   Chaṭṭhavagga

4. kv6.9:0.4

   Cakkhundriyaṁsanidassanantiādikathā

5. kv6.9:1.1

   Cakkhundriyaṁ sanidassananti?

6. kv6.9:1.2

   Āmantā.

7. kv6.9:1.3

   Rūpaṁ rūpāyatanaṁ rūpadhātu …pe…

8. kv6.9:1.4

   cakkhussa āpāthaṁ āgacchatīti?

9. kv6.9:1.5

   Na hevaṁ vattabbe …pe….

10. kv6.9:2.1

    Cakkhundriyaṁ sanidassananti?

11. kv6.9:2.2

    Āmantā.

12. kv6.9:2.3

    Cakkhuñca paṭicca cakkhundriyañca uppajjati cakkhuviññāṇanti?

13. kv6.9:2.4

    Na hevaṁ vattabbe …pe….

14. kv6.9:3.1

    Cakkhuñca paṭicca cakkhundriyañca uppajjati cakkhuviññāṇanti?

15. kv6.9:3.2

    Āmantā.

16. kv6.9:3.3

    “Cakkhuñca paṭicca cakkhundriyañca uppajjati cakkhuviññāṇan”ti—

17. kv6.9:3.4

    attheva suttantoti?

18. kv6.9:3.5

    Natthi.

19. kv6.9:3.6

    “Cakkhuñca paṭicca rūpe ca uppajjati cakkhuviññāṇan”ti—

20. kv6.9:3.7

    attheva suttantoti?

21. kv6.9:3.8

    Āmantā.

22. kv6.9:3.9

    Hañci “cakkhuñca paṭicca rūpe ca uppajjati cakkhuviññāṇan”ti—

23. kv6.9:3.10

    attheva suttanto, no ca vata re vattabbe—

24. kv6.9:3.11

    “cakkhuñca paṭicca cakkhundriyañca uppajjati cakkhuviññāṇan”ti.

25. kv6.9:4.1

    Na vattabbaṁ—

26. kv6.9:4.2

    “pañcindriyāni sanidassanānī”ti?

27. kv6.9:4.3

    Āmantā.

28. kv6.9:4.4

    Nanu passati cakkhuṁ sotaṁ ghānaṁ jivhaṁ kāyanti?

29. kv6.9:4.5

    Āmantā.

30. kv6.9:4.6

    Hañci passati cakkhuṁ sotaṁ ghānaṁ jivhaṁ kāyaṁ, tena vata re vattabbe—

31. kv6.9:4.7

    “pañcindriyāni sanidassanānī”ti …pe….

32. kv6.9:4.8

    Cakkhundriyaṁ sanidassanantiādikathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.