← Library

Kathāvatthu — Mahāpaṇṇāsaka — Chaṭṭhavagga

Early Buddhist texts (SuttaCentral): Abhidhamma · abhidhamma · 52 sections

1. kv6.8:0.1

   Kathāvatthu

2. kv6.8:0.2

   Mahāpaṇṇāsaka

3. kv6.8:0.3

   Chaṭṭhavagga

4. kv6.8:0.4

   Pathavīdhātusanidassanātiādikathā

5. kv6.8:1.1

   Pathavīdhātu sanidassanāti?

6. kv6.8:1.2

   Āmantā.

7. kv6.8:1.3

   Rūpaṁ rūpāyatanaṁ rūpadhātu nīlaṁ pītakaṁ lohitakaṁ odātaṁ cakkhuviññeyyaṁ cakkhusmiṁ paṭihaññati cakkhussa āpāthaṁ āgacchatīti?

8. kv6.8:1.4

   Na hevaṁ vattabbe …pe….

9. kv6.8:2.1

   Pathavīdhātu sanidassanāti?

10. kv6.8:2.2

    Āmantā.

11. kv6.8:2.3

    Cakkhuñca paṭicca pathavīdhātuñca uppajjati cakkhuviññāṇanti?

12. kv6.8:2.4

    Na hevaṁ vattabbe …pe….

13. kv6.8:3.1

    Cakkhuñca paṭicca pathavīdhātuñca uppajjati cakkhuviññāṇanti?

14. kv6.8:3.2

    Āmantā.

15. kv6.8:3.3

    “Cakkhuñca paṭicca pathavīdhātuñca uppajjati cakkhuviññāṇan”ti—

16. kv6.8:3.4

    attheva suttantoti?

17. kv6.8:3.5

    Natthi.

18. kv6.8:3.6

    “Cakkhuñca paṭicca rūpe ca uppajjati cakkhuviññāṇan”ti—

19. kv6.8:3.7

    attheva suttantoti?

20. kv6.8:3.8

    Āmantā.

21. kv6.8:3.9

    Hañci “cakkhuñca paṭicca rūpe ca uppajjati cakkhuviññāṇan”ti—

22. kv6.8:3.10

    attheva suttanto, no ca vata re vattabbe—

23. kv6.8:3.11

    “cakkhuñca paṭicca pathavīdhātuñca uppajjati cakkhuviññāṇan”ti.

24. kv6.8:4.1

    Na vattabbaṁ—

25. kv6.8:4.2

    “pathavīdhātu sanidassanā”ti?

26. kv6.8:4.3

    Āmantā.

27. kv6.8:4.4

    Nanu passati bhūmiṁ pāsāṇaṁ pabbatanti?

28. kv6.8:4.5

    Āmantā.

29. kv6.8:4.6

    Hañci passati bhūmiṁ pāsāṇaṁ pabbataṁ, tena vata re vattabbe—

30. kv6.8:4.7

    “pathavīdhātu sanidassanā”ti …pe….

31. kv6.8:5.1

    Na vattabbaṁ—

32. kv6.8:5.2

    “āpodhātu sanidassanā”ti?

33. kv6.8:5.3

    Āmantā.

34. kv6.8:5.4

    Nanu passati udakanti?

35. kv6.8:5.5

    Āmantā.

36. kv6.8:5.6

    Hañci passati udakaṁ, tena vata re vattabbe—

37. kv6.8:5.7

    “āpodhātu sanidassanāti …pe….

38. kv6.8:6.1

    Na vattabbaṁ—

39. kv6.8:6.2

    tejodhātu sanidassanāti?

40. kv6.8:6.3

    Āmantā.

41. kv6.8:6.4

    Nanu passati aggiṁ jalantanti?

42. kv6.8:6.5

    Āmantā.

43. kv6.8:6.6

    Hañci passati aggiṁ jalantaṁ, tena vata re vattabbe—

44. kv6.8:6.7

    “tejodhātu sanidassanā”ti …pe….

45. kv6.8:7.1

    Na vattabbaṁ—

46. kv6.8:7.2

    “vāyodhātu sanidassanā”ti?

47. kv6.8:7.3

    Āmantā.

48. kv6.8:7.4

    Nanu passati vātena rukkhe sañcāliyamāneti?

49. kv6.8:7.5

    Āmantā.

50. kv6.8:7.6

    Hañci passati vātena rukkhe sañcāliyamāne, tena vata re vattabbe—

51. kv6.8:7.7

    “vāyodhātu sanidassanā”ti …pe….

52. kv6.8:7.8

    Pathavīdhātu sanidassanātiādikathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.