← Library

Kathāvatthu — Mahāpaṇṇāsaka — Chaṭṭhavagga

Early Buddhist texts (SuttaCentral): Abhidhamma · abhidhamma · 49 sections

1. kv6.6:0.1

   Kathāvatthu

2. kv6.6:0.2

   Mahāpaṇṇāsaka

3. kv6.6:0.3

   Chaṭṭhavagga

4. kv6.6:0.4

   Ākāsakathā

5. kv6.6:1.1

   Ākāso asaṅkhatoti?

6. kv6.6:1.2

   Āmantā.

7. kv6.6:1.3

   Nibbānaṁ tāṇaṁ leṇaṁ saraṇaṁ parāyanaṁ accutaṁ amatanti?

8. kv6.6:1.4

   Na hevaṁ vattabbe …pe…

9. kv6.6:1.5

   ākāso asaṅkhato, nibbānaṁ asaṅkhatanti?

10. kv6.6:1.6

    Āmantā.

11. kv6.6:1.7

    Dve asaṅkhatānīti?

12. kv6.6:1.8

    Na hevaṁ vattabbe …pe….

13. kv6.6:1.9

    Dve asaṅkhatānīti?

14. kv6.6:1.10

    Āmantā.

15. kv6.6:1.11

    Dve tāṇāni …pe… antarikā vāti?

16. kv6.6:1.12

    Na hevaṁ vattabbe …pe….

17. kv6.6:2.1

    Ākāso asaṅkhatoti?

18. kv6.6:2.2

    Āmantā.

19. kv6.6:2.3

    Atthi keci anākāsaṁ ākāsaṁ karontīti?

20. kv6.6:2.4

    Āmantā.

21. kv6.6:2.5

    Atthi keci saṅkhataṁ asaṅkhataṁ karontīti?

22. kv6.6:2.6

    Na hevaṁ vattabbe …pe…

23. kv6.6:2.7

    atthi keci ākāsaṁ anākāsaṁ karontīti?

24. kv6.6:2.8

    Āmantā.

25. kv6.6:2.9

    Atthi keci asaṅkhataṁ saṅkhataṁ karontīti?

26. kv6.6:2.10

    Na hevaṁ vattabbe …pe….

27. kv6.6:3.1

    Ākāse pakkhino gacchanti, candimasūriyā gacchanti, tārakarūpāni gacchanti, iddhiṁ vikubbanti, bāhuṁ cālenti, pāṇiṁ cālenti, leḍḍuṁ khipanti, laguḷaṁ khipanti, iddhiṁ khipanti, usuṁ khipantīti?

28. kv6.6:3.2

    Āmantā.

29. kv6.6:3.3

    Asaṅkhate pakkhino gacchanti, candimasūriyā gacchanti, tārakarūpāni gacchanti, iddhiṁ vikubbanti, bāhuṁ cālenti, pāṇiṁ cālenti, leḍḍuṁ khipanti, laguḷaṁ khipanti, iddhiṁ khipanti, usuṁ khipantīti?

30. kv6.6:3.4

    Na hevaṁ vattabbe …pe….

31. kv6.6:4.1

    Ākāsaṁ parivāretvā gharāni karonti koṭṭhāni karontīti?

32. kv6.6:4.2

    Āmantā.

33. kv6.6:4.3

    Asaṅkhataṁ parivāretvā gharāni karonti koṭṭhāni karontīti?

34. kv6.6:4.4

    Na hevaṁ vattabbe …pe….

35. kv6.6:5.1

    Udapāne khaññamāne anākāso ākāso hotīti?

36. kv6.6:5.2

    Āmantā.

37. kv6.6:5.3

    Saṅkhataṁ asaṅkhataṁ hotīti?

38. kv6.6:5.4

    Na hevaṁ vattabbe …pe….

39. kv6.6:6.1

    Tucchaudapāne pūriyamāne, tucchakoṭṭhe pūriyamāne, tucchakumbhiyā pūriyamānāya ākāso antaradhāyatīti?

40. kv6.6:6.2

    Āmantā.

41. kv6.6:6.3

    Asaṅkhataṁ antaradhāyatīti?

42. kv6.6:6.4

    Na hevaṁ vattabbe …pe….

43. kv6.6:7.1

    Na vattabbaṁ—

44. kv6.6:7.2

    “ākāso asaṅkhato”ti?

45. kv6.6:7.3

    Āmantā.

46. kv6.6:7.4

    Ākāso saṅkhatoti?

47. kv6.6:7.5

    Na hevaṁ vattabbe …pe…

48. kv6.6:7.6

    tena hi ākāso asaṅkhatoti.

49. kv6.6:7.7

    Ākāsakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.