Kathāvatthu — Mahāpaṇṇāsaka — Chaṭṭhavagga
- kv6.10:0.1
Kathāvatthu
- kv6.10:0.2
Mahāpaṇṇāsaka
- kv6.10:0.3
Chaṭṭhavagga
- kv6.10:0.4
Kāyakammaṁsanidassanantikathā
- kv6.10:1.1
Kāyakammaṁ sanidassananti?
- kv6.10:1.2
Āmantā.
- kv6.10:1.3
Rūpaṁ rūpāyatanaṁ rūpadhātu nīlaṁ pītakaṁ lohitakaṁ odātaṁ cakkhuviññeyyaṁ cakkhusmiṁ paṭihaññati cakkhussa āpāthaṁ āgacchatīti?
- kv6.10:1.4
Na hevaṁ vattabbe …pe….
- kv6.10:2.1
Kāyakammaṁ sanidassananti?
- kv6.10:2.2
Āmantā.
- kv6.10:2.3
Cakkhuñca paṭicca kāyakammañca uppajjati cakkhuviññāṇanti?
- kv6.10:2.4
Na hevaṁ vattabbe …pe….
- kv6.10:3.1
Cakkhuñca paṭicca kāyakammañca uppajjati cakkhuviññāṇanti?
- kv6.10:3.2
Āmantā.
- kv6.10:3.3
“Cakkhuñca paṭicca kāyakammañca uppajjati cakkhuviññāṇan”ti—
- kv6.10:3.4
attheva suttantoti?
- kv6.10:3.5
Natthi.
- kv6.10:3.6
“Cakkhuñca paṭicca rūpe ca uppajjati cakkhuviññāṇan”ti—
- kv6.10:3.7
attheva suttantoti?
- kv6.10:3.8
Āmantā.
- kv6.10:3.9
Hañci “cakkhuñca paṭicca rūpe ca uppajjati cakkhuviññāṇan”ti—
- kv6.10:3.10
attheva suttanto, no ca vata re vattabbe—
- kv6.10:3.11
“cakkhuñca paṭicca kāyakammañca uppajjati cakkhuviññāṇan”ti.
- kv6.10:4.1
Na vattabbaṁ—
- kv6.10:4.2
“kāyakammaṁ sanidassanan”ti?
- kv6.10:4.3
Āmantā.
- kv6.10:4.4
Nanu passati abhikkamantaṁ paṭikkamantaṁ ālokentaṁ vilokentaṁ samiñjentaṁ pasārentanti?
- kv6.10:4.5
Āmantā.
- kv6.10:4.6
Hañci passati abhikkamantaṁ paṭikkamantaṁ ālokentaṁ vilokentaṁ samiñjentaṁ pasārentaṁ, tena vata re vattabbe—
- kv6.10:4.7
“kāyakammaṁ sanidassanan”ti.
- kv6.10:4.8
Kāyakammaṁ sanidassanantikathā niṭṭhitā.
- kv6.10:4.9
Chaṭṭho vaggo.
- kv6.10:4.10
Tassuddānaṁ
- kv6.10:5.1
Niyamo asaṅkhato, paṭiccasamuppādo asaṅkhato, cattāri saccāni asaṅkhatāni, cattāro āruppā asaṅkhatā, nirodhasamāpatti asaṅkhatā, ākāso asaṅkhato, ākāso sanidassano, cattāro mahābhūtā, pañcindriyāni, tatheva kāyakammanti.
SuttaCentral (suttacentral.net), from the bilara-data and sc-data repositories. Licence: Public Domain. Source.