← Library

Kathāvatthu — Mahāpaṇṇāsaka — Pañcamavagga

Early Buddhist texts (SuttaCentral): Abhidhamma · abhidhamma · 36 sections

1. kv5.2:0.1

   Kathāvatthu

2. kv5.2:0.2

   Mahāpaṇṇāsaka

3. kv5.2:0.3

   Pañcamavagga

4. kv5.2:0.4

   Asekhañāṇakathā

5. kv5.2:1.1

   Sekhassa asekhaṁ ñāṇaṁ atthīti?

6. kv5.2:1.2

   Āmantā.

7. kv5.2:1.3

   Sekho asekhaṁ dhammaṁ jānāti passati, diṭṭhaṁ viditaṁ sacchikataṁ upasampajja viharati, kāyena phusitvā viharatīti?

8. kv5.2:1.4

   Na hevaṁ vattabbe …pe…

9. kv5.2:1.5

   nanu sekho asekhaṁ dhammaṁ na jānāti na passati, adiṭṭhaṁ aviditaṁ asacchikataṁ na upasampajja viharati, na kāyena phusitvā viharatīti?

10. kv5.2:1.6

    Āmantā.

11. kv5.2:1.7

    Hañci sekho asekhaṁ dhammaṁ na jānāti na passati, adiṭṭhaṁ aviditaṁ asacchikataṁ na upasampajja viharati, na kāyena phusitvā viharati, no ca vata re vattabbe—

12. kv5.2:1.8

    “sekhassa asekhaṁ ñāṇaṁ atthī”ti.

13. kv5.2:2.1

    Asekhassa asekhaṁ ñāṇaṁ atthi, asekho asekhaṁ dhammaṁ jānāti passati, diṭṭhaṁ viditaṁ sacchikataṁ upasampajja viharati, kāyena phusitvā viharatīti?

14. kv5.2:2.2

    Āmantā.

15. kv5.2:2.3

    Sekhassa asekhaṁ ñāṇaṁ atthi, sekho asekhaṁ dhammaṁ jānāti passati, diṭṭhaṁ viditaṁ sacchikataṁ upasampajja viharati, kāyena phusitvā viharatīti?

16. kv5.2:2.4

    Na hevaṁ vattabbe …pe….

17. kv5.2:3.1

    Sekhassa asekhaṁ ñāṇaṁ atthi, sekho asekhaṁ dhammaṁ na jānāti na passati, adiṭṭhaṁ aviditaṁ asacchikataṁ na upasampajja viharati, na kāyena phusitvā viharatīti?

18. kv5.2:3.2

    Āmantā.

19. kv5.2:3.3

    Asekhassa asekhaṁ ñāṇaṁ atthi, asekho asekhaṁ dhammaṁ na jānāti na passati, adiṭṭhaṁ aviditaṁ asacchikataṁ na upasampajja viharati, na kāyena phusitvā viharatīti?

20. kv5.2:3.4

    Na hevaṁ vattabbe …pe….

21. kv5.2:4.1

    Sekhassa asekhaṁ ñāṇaṁ atthīti?

22. kv5.2:4.2

    Āmantā.

23. kv5.2:4.3

    Gotrabhuno puggalassa sotāpattimagge ñāṇaṁ atthīti?

24. kv5.2:4.4

    Na hevaṁ vattabbe …pe…

25. kv5.2:4.5

    sotāpattiphalasacchikiriyāya paṭipannassa puggalassa sotāpattiphale ñāṇaṁ atthīti?

26. kv5.2:4.6

    Na hevaṁ vattabbe …pe…

27. kv5.2:4.7

    sakadāgāmiphala … anāgāmiphala … arahattasacchikiriyāya paṭipannassa puggalassa arahatte ñāṇaṁ atthīti?

28. kv5.2:4.8

    Na hevaṁ vattabbe …pe….

29. kv5.2:5.1

    Na vattabbaṁ—

30. kv5.2:5.2

    “sekhassa asekhaṁ ñāṇaṁ atthī”ti?

31. kv5.2:5.3

    Āmantā.

32. kv5.2:5.4

    Nanu āyasmā ānando sekho—“bhagavā uḷāro”ti jānāti, “sāriputto thero, mahāmoggallāno thero uḷāro”ti jānātīti?

33. kv5.2:5.5

    Āmantā.

34. kv5.2:5.6

    Hañci āyasmā ānando sekho—“bhagavā uḷāro”ti jānāti, “sāriputto thero, mahāmoggallāno thero uḷāro”ti jānāti, tena vata re vattabbe—

35. kv5.2:5.7

    “sekhassa asekhaṁ ñāṇaṁ atthī”ti.

36. kv5.2:5.8

    Asekhañāṇakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.