Kathāvatthu — Mahāpaṇṇāsaka — Pañcamavagga
- kv5.10:0.1
Kathāvatthu
- kv5.10:0.2
Mahāpaṇṇāsaka
- kv5.10:0.3
Pañcamavagga
- kv5.10:0.4
Phalañāṇakathā
- kv5.10:1.1
Sāvakassa phale ñāṇaṁ atthīti?
- kv5.10:1.2
Āmantā.
- kv5.10:1.3
Sāvako phalassa kataṁ paññāpetīti?
- kv5.10:1.4
Na hevaṁ vattabbe …pe….
- kv5.10:2.1
Sāvakassa phale ñāṇaṁ atthīti?
- kv5.10:2.2
Āmantā.
- kv5.10:2.3
Atthi sāvakassa phalaparopariyatti indriyaparopariyatti puggalaparopariyattīti?
- kv5.10:2.4
Na hevaṁ vattabbe …pe….
- kv5.10:3.1
Sāvakassa phale ñāṇaṁ atthīti?
- kv5.10:3.2
Āmantā.
- kv5.10:3.3
Atthi sāvakassa khandhapaññatti āyatanapaññatti dhātupaññatti saccapaññatti indriyapaññatti puggalapaññattīti?
- kv5.10:3.4
Na hevaṁ vattabbe …pe….
- kv5.10:4.1
Sāvakassa phale ñāṇaṁ atthīti?
- kv5.10:4.2
Āmantā.
- kv5.10:4.3
Sāvako jino satthā sammāsambuddho sabbaññū sabbadassāvī dhammassāmī dhammappaṭisaraṇoti?
- kv5.10:4.4
Na hevaṁ vattabbe …pe….
- kv5.10:5.1
Sāvakassa phale ñāṇaṁ atthīti?
- kv5.10:5.2
Āmantā.
- kv5.10:5.3
Sāvako anuppannassa maggassa uppādetā asañjātassa maggassa sañjanetā anakkhātassa maggassa akkhātā maggaññū maggavidū maggakovidoti?
- kv5.10:5.4
Na hevaṁ vattabbe …pe….
- kv5.10:6.1
Na vattabbaṁ—
- kv5.10:6.2
“sāvakassa phale ñāṇaṁ atthī”ti?
- kv5.10:6.3
Āmantā.
- kv5.10:6.4
Sāvako aññāṇīti?
- kv5.10:6.5
Na hevaṁ vattabbe …pe…
- kv5.10:6.6
tena hi sāvakassa phale ñāṇaṁ atthīti …pe….
- kv5.10:6.7
Phalañāṇakathā niṭṭhitā.
- kv5.10:6.8
Pañcamo vaggo.
- kv5.10:6.9
Tassuddānaṁ
- kv5.10:7.1
Vimuttiñāṇaṁ vimuttaṁ, sekhassa asekhaṁ ñāṇaṁ, viparīte ñāṇaṁ, aniyatassa niyāmagamanāya atthi ñāṇaṁ, sabbaṁ ñāṇaṁ paṭisambhidāti, sammutiñāṇaṁ, cetopariyāye ñāṇaṁ, anāgate ñāṇaṁ, paṭuppanne ñāṇaṁ, sāvakassa phale ñāṇanti.
- kv5.10:7.2
Mahāpaṇṇāsako.
- kv5.10:7.3
Tassāpi uddānaṁ
- kv5.10:8.1
Sattupaladdhiṁ, upaharato, balaṁ, gihi’ssa arahā ca, vimuttipañcamanti.
SuttaCentral (suttacentral.net), from the bilara-data and sc-data repositories. Licence: Public Domain. Source.