← Library

Kathāvatthu — Mahāpaṇṇāsaka — Catutthavagga

Early Buddhist texts (SuttaCentral): Abhidhamma · abhidhamma · 174 sections

1. kv4.9:20.3

   Nanu arahattasacchikiriyāya paṭipanno puggalo anāgāmiphalaṁ vītivattoti?

2. kv4.9:20.4

   Āmantā.

3. kv4.9:20.5

   Hañci arahattasacchikiriyāya paṭipanno puggalo anāgāmiphalaṁ vītivatto, no ca vata re vattabbe—

4. kv4.9:20.6

   “arahattasacchikiriyāya paṭipanno puggalo anāgāmiphalena samannāgato”ti.

5. kv4.9:21.1

   Arahattasacchikiriyāya paṭipanno puggalo anāgāmiphalaṁ vītivatto, tena samannāgatoti?

6. kv4.9:21.2

   Āmantā.

7. kv4.9:21.3

   Arahattasacchikiriyāya paṭipanno puggalo anāgāmimaggaṁ vītivatto, aṇusahagataṁ kāmarāgaṁ aṇusahagataṁ byāpādaṁ vītivatto, tena samannāgatoti?

8. kv4.9:21.4

   Na hevaṁ vattabbe …pe….

9. kv4.9:22.1

   Anāgāmiphalasacchikiriyāya paṭipanno puggalo sotāpattiphalena samannāgatoti?

10. kv4.9:22.2

    Āmantā.

11. kv4.9:22.3

    Nanu anāgāmiphalasacchikiriyāya paṭipanno puggalo sotāpattiphalaṁ vītivattoti?

12. kv4.9:22.4

    Āmantā.

13. kv4.9:22.5

    Hañci anāgāmiphalasacchikiriyāya paṭipanno puggalo sotāpattiphalaṁ vītivatto, no ca vata re vattabbe—

14. kv4.9:22.6

    “anāgāmiphalasacchikiriyāya paṭipanno puggalo sotāpattiphalena samannāgato”ti.

15. kv4.9:23.1

    Anāgāmiphalasacchikiriyāya paṭipanno puggalo sotāpattiphalaṁ vītivatto, tena samannāgatoti?

16. kv4.9:23.2

    Āmantā.

17. kv4.9:23.3

    Anāgāmiphalasacchikiriyāya paṭipanno puggalo sotāpattimaggaṁ vītivatto, sakkāyadiṭṭhiṁ …pe…

18. kv4.9:23.4

    apāyagamanīyaṁ mohaṁ vītivatto, tena samannāgatoti?

19. kv4.9:23.5

    Na hevaṁ vattabbe …pe….

20. kv4.9:24.1

    Anāgāmiphalasacchikiriyāya paṭipanno puggalo sakadāgāmiphalena samannāgatoti?

21. kv4.9:24.2

    Āmantā.

22. kv4.9:24.3

    Nanu anāgāmiphalasacchikiriyāya paṭipanno puggalo sakadāgāmiphalaṁ vītivattoti?

23. kv4.9:24.4

    Āmantā.

24. kv4.9:24.5

    Hañci anāgāmiphalasacchikiriyāya paṭipanno puggalo sakadāgāmiphalaṁ vītivatto, no ca vata re vattabbe—

25. kv4.9:24.6

    “anāgāmiphalasacchikiriyāya paṭipanno puggalo sakadāgāmiphalena samannāgato”ti.

26. kv4.9:25.1

    Anāgāmiphalasacchikiriyāya paṭipanno puggalo sakadāgāmiphalaṁ vītivatto, tena samannāgatoti?

27. kv4.9:25.2

    Āmantā.

28. kv4.9:25.3

    Anāgāmiphalasacchikiriyāya paṭipanno puggalo sakadāgāmimaggaṁ vītivatto, oḷārikaṁ kāmarāgaṁ oḷārikaṁ byāpādaṁ vītivatto, tena samannāgatoti?

29. kv4.9:25.4

    Na hevaṁ vattabbe …pe….

30. kv4.9:26.1

    Sakadāgāmiphalasacchikiriyāya paṭipanno puggalo sotāpattiphalena samannāgatoti?

31. kv4.9:26.2

    Āmantā.

32. kv4.9:26.3

    Nanu sakadāgāmiphalasacchikiriyāya paṭipanno puggalo sotāpattiphalaṁ vītivattoti?

33. kv4.9:26.4

    Āmantā.

34. kv4.9:26.5

    Hañci sakadāgāmiphalasacchikiriyāya paṭipanno puggalo sotāpattiphalaṁ vītivatto, no ca vata re vattabbe—

35. kv4.9:26.6

    “sakadāgāmiphalasacchikiriyāya paṭipanno puggalo sotāpattiphalena samannāgato”ti.

36. kv4.9:27.1

    Sakadāgāmiphalasacchikiriyāya paṭipanno puggalo sotāpattiphalaṁ vītivatto, tena samannāgatoti?

37. kv4.9:27.2

    Āmantā.

38. kv4.9:27.3

    Sakadāgāmiphalasacchikiriyāya paṭipanno puggalo sotāpattimaggaṁ vītivatto, sakkāyadiṭṭhiṁ …pe…

39. kv4.9:27.4

    apāyagamanīyaṁ mohaṁ vītivatto, tena samannāgatoti?

40. kv4.9:27.5

    Na hevaṁ vattabbe …pe….

41. kv4.9:28.1

    Na vattabbaṁ—

42. kv4.9:28.2

    “arahattasacchikiriyāya paṭipanno puggalo tīhi phalehi samannāgato”ti?

43. kv4.9:28.3

    Āmantā.

44. kv4.9:28.4

    Nanu arahattasacchikiriyāya paṭipannena puggalena tīṇi phalāni paṭiladdhāni, tehi ca aparihīnoti?

45. kv4.9:28.5

    Āmantā.

46. kv4.9:28.6

    Hañci arahattasacchikiriyāya paṭipannena puggalena tīṇi phalāni paṭiladdhāni tehi ca aparihīno, tena vata re vattabbe—

47. kv4.9:28.7

    “arahattasacchikiriyāya paṭipanno puggalo tīhi phalehi samannāgato”ti.

48. kv4.9:29.1

    Na vattabbaṁ—

49. kv4.9:29.2

    “anāgāmiphalasacchikiriyāya paṭipanno puggalo dvīhi phalehi samannāgato”ti?

50. kv4.9:29.3

    Āmantā.

51. kv4.9:29.4

    Nanu anāgāmiphalasacchikiriyāya paṭipannena puggalena dve phalāni paṭiladdhāni, tehi ca aparihīnoti?

52. kv4.9:29.5

    Āmantā.

53. kv4.9:29.6

    Hañci anāgāmiphalasacchikiriyāya paṭipannena puggalena dve phalāni paṭiladdhāni tehi ca aparihīno, tena vata re vattabbe—

54. kv4.9:29.7

    “anāgāmiphalasacchikiriyāya paṭipanno puggalo dvīhi phalehi samannāgato”ti.

55. kv4.9:30.1

    Na vattabbaṁ—

56. kv4.9:30.2

    “sakadāgāmiphalasacchikiriyāya paṭipanno puggalo sotāpattiphalena samannāgato”ti?

57. kv4.9:30.3

    Āmantā.

58. kv4.9:30.4

    Nanu sakadāgāmiphalasacchikiriyāya paṭipannena puggalena sotāpattiphalaṁ paṭiladdhaṁ, tena ca aparihīnoti?

59. kv4.9:30.5

    Āmantā.

60. kv4.9:30.6

    Hañci sakadāgāmiphalasacchikiriyāya paṭipannena puggalena sotāpattiphalaṁ paṭiladdhaṁ tena ca aparihīno, tena vata re vattabbe—

61. kv4.9:30.7

    “sakadāgāmiphalasacchikiriyāya paṭipanno puggalo sotāpattiphalena samannāgato”ti.

62. kv4.9:31.1

    Arahattasacchikiriyāya paṭipannena puggalena tīṇi phalāni paṭiladdhāni tehi ca aparihīnoti, arahattasacchikiriyāya paṭipanno puggalo tīhi phalehi samannāgatoti?

63. kv4.9:31.2

    Āmantā.

64. kv4.9:31.3

    Arahattasacchikiriyāya paṭipannena puggalena cattāro maggā paṭiladdhā tehi ca aparihīnoti, arahattasacchikiriyāya paṭipanno puggalo catūhi maggehi samannāgatoti?

65. kv4.9:31.4

    Na hevaṁ vattabbe …pe….

66. kv4.9:32.1

    Anāgāmiphalasacchikiriyāya paṭipannena puggalena dve phalāni paṭiladdhāni tehi ca aparihīnoti, anāgāmiphalasacchikiriyāya paṭipanno puggalo dvīhi phalehi samannāgatoti?

67. kv4.9:32.2

    Āmantā.

68. kv4.9:32.3

    Anāgāmiphalasacchikiriyāya paṭipannena puggalena tayo maggā paṭiladdhā tehi ca aparihīnoti, anāgāmiphalasacchikiriyāya paṭipanno puggalo tīhi maggehi samannāgatoti?

69. kv4.9:32.4

    Na hevaṁ vattabbe …pe….

70. kv4.9:33.1

    Sakadāgāmiphalasacchikiriyāya paṭipannena puggalena sotāpattiphalaṁ paṭiladdhaṁ tena ca aparihīnoti, sakadāgāmiphalasacchikiriyāya paṭipanno puggalo sotāpattiphalena samannāgatoti?

71. kv4.9:33.2

    Āmantā.

72. kv4.9:33.3

    Sakadāgāmiphalasacchikiriyāya paṭipannena puggalena dve maggā paṭiladdhā tehi ca aparihīnoti, sakadāgāmiphalasacchikiriyāya paṭipanno puggalo dvīhi maggehi samannāgatoti?

73. kv4.9:33.4

    Na hevaṁ vattabbe …pe….

74. kv4.9:33.5

    Aparāpi samannāgatakathā niṭṭhitā.

← Previous — showing 101–174 of 174

SuttaCentral (suttacentral.net), from the bilara-data and sc-data repositories. Licence: Public Domain. Source.