← Library

Kathāvatthu — Mahāpaṇṇāsaka — Catutthavagga

Early Buddhist texts (SuttaCentral): Abhidhamma · abhidhamma · 117 sections

1. kv4.8:0.1

   Kathāvatthu

2. kv4.8:0.2

   Mahāpaṇṇāsaka

3. kv4.8:0.3

   Catutthavagga

4. kv4.8:0.4

   Niyāmokkantikathā

5. kv4.8:1.1

   Bodhisatto kassapassa bhagavato pāvacane okkantaniyāmo caritabrahmacariyoti?

6. kv4.8:1.2

   Āmantā.

7. kv4.8:1.3

   Bodhisatto kassapassa bhagavato sāvakoti?

8. kv4.8:1.4

   Na hevaṁ vattabbe …pe….

9. kv4.8:2.1

   Bodhisatto kassapassa bhagavato sāvakoti?

10. kv4.8:2.2

    Āmantā.

11. kv4.8:2.3

    Sāvako hutvā buddho hotīti?

12. kv4.8:2.4

    Na hevaṁ vattabbe …pe….

13. kv4.8:3.1

    Sāvako hutvā buddho hotīti?

14. kv4.8:3.2

    Āmantā.

15. kv4.8:3.3

    Anussaviyoti?

16. kv4.8:3.4

    Na hevaṁ vattabbe …pe….

17. kv4.8:4.1

    Anussaviyoti?

18. kv4.8:4.2

    Āmantā.

19. kv4.8:4.3

    Nanu bhagavā sayambhūti?

20. kv4.8:4.4

    Āmantā.

21. kv4.8:4.5

    Hañci bhagavā sayambhū, no ca vata re vattabbe—

22. kv4.8:4.6

    “anussaviyo”ti.

23. kv4.8:5.1

    Bodhisatto kassapassa bhagavato pāvacane okkantaniyāmo caritabrahmacariyoti?

24. kv4.8:5.2

    Āmantā.

25. kv4.8:5.3

    Bhagavatā bodhiyā mūle tīṇeva sāmaññaphalāni abhisambuddhānīti?

26. kv4.8:5.4

    Na hevaṁ vattabbe …pe….

27. kv4.8:6.1

    Nanu bhagavatā bodhiyā mūle cattāri sāmaññaphalāni abhisambuddhānīti?

28. kv4.8:6.2

    Āmantā.

29. kv4.8:6.3

    Hañci bhagavatā bodhiyā mūle cattāri sāmaññaphalāni abhisambuddhāni, no ca vata re vattabbe—

30. kv4.8:6.4

    “bodhisatto kassapassa bhagavato pāvacane okkantaniyāmo caritabrahmacariyo”ti.

31. kv4.8:7.1

    Bodhisatto kassapassa bhagavato pāvacane okkantaniyāmo caritabrahmacariyoti?

32. kv4.8:7.2

    Āmantā.

33. kv4.8:7.3

    Bodhisatto dukkarakāriyaṁ akāsīti?

34. kv4.8:7.4

    Āmantā.

35. kv4.8:7.5

    Dassanasampanno puggalo dukkarakāriyaṁ kareyyāti?

36. kv4.8:7.6

    Na hevaṁ vattabbe …pe….

37. kv4.8:8.1

    Bodhisatto aparantapaṁ akāsi, aññaṁ satthāraṁ uddisīti?

38. kv4.8:8.2

    Āmantā.

39. kv4.8:8.3

    Dassanasampanno puggalo aññaṁ satthāraṁ uddiseyyāti?

40. kv4.8:8.4

    Na hevaṁ vattabbe …pe….

41. kv4.8:9.1

    Āyasmā ānando bhagavato pāvacane okkantaniyāmo caritabrahmacariyo, āyasmā ānando bhagavato sāvakoti?

42. kv4.8:9.2

    Āmantā.

43. kv4.8:9.3

    Bodhisatto kassapassa bhagavato pāvacane okkantaniyāmo caritabrahmacariyo, bodhisatto kassapassa bhagavato sāvakoti?

44. kv4.8:9.4

    Na hevaṁ vattabbe …pe….

45. kv4.8:10.1

    Citto gahapati hatthako āḷavako bhagavato pāvacane okkantaniyāmo caritabrahmacariyo, citto gahapati hatthako āḷavako bhagavato sāvakoti?

46. kv4.8:10.2

    Āmantā.

47. kv4.8:10.3

    Bodhisatto kassapassa bhagavato pāvacane okkantaniyāmo caritabrahmacariyo, bodhisatto kassapassa bhagavato sāvakoti?

48. kv4.8:10.4

    Na hevaṁ vattabbe …pe….

49. kv4.8:11.1

    Bodhisatto kassapassa bhagavato pāvacane okkantaniyāmo caritabrahmacariyo, na ca kassapassa bhagavato sāvakoti?

50. kv4.8:11.2

    Āmantā.

51. kv4.8:11.3

    Āyasmā ānando bhagavato pāvacane okkantaniyāmo caritabrahmacariyo, na ca bhagavato sāvakoti?

52. kv4.8:11.4

    Na hevaṁ vattabbe …pe….

53. kv4.8:12.1

    Bodhisatto kassapassa bhagavato pāvacane okkantaniyāmo caritabrahmacariyo, na ca kassapassa bhagavato sāvakoti?

54. kv4.8:12.2

    Āmantā.

55. kv4.8:12.3

    Citto gahapati hatthako āḷavako bhagavato pāvacane okkantaniyāmo caritabrahmacariyo, na ca bhagavato sāvakoti?

56. kv4.8:12.4

    Na hevaṁ vattabbe …pe….

57. kv4.8:13.1

    Bodhisatto kassapassa bhagavato pāvacane okkantaniyāmo caritabrahmacariyo, na ca kassapassa bhagavato sāvakoti?

58. kv4.8:13.2

    Āmantā.

59. kv4.8:13.3

    Sāvako jātiṁ vītivatto asāvako hotīti?

60. kv4.8:13.4

    Na hevaṁ vattabbe …pe….

61. kv4.8:14.1

    Na vattabbaṁ—

62. kv4.8:14.2

    “bodhisatto kassapassa bhagavato pāvacane okkantaniyāmo caritabrahmacariyo”ti?

63. kv4.8:14.3

    Āmantā.

64. kv4.8:14.4

    Nanu vuttaṁ bhagavatā—

65. kv4.8:14.5

    “kassape ahaṁ, ānanda, bhagavati brahmacariyaṁ acariṁ āyatiṁ sambodhāyā”ti.

66. kv4.8:14.6

    Attheva suttantoti?

67. kv4.8:14.7

    Āmantā.

68. kv4.8:14.8

    Tena hi na vattabbaṁ—

69. kv4.8:14.9

    “bodhisatto kassapassa bhagavato pāvacane okkantaniyāmo caritabrahmacariyo”ti.

70. kv4.8:15.1

    Bodhisatto kassapassa bhagavato pāvacane okkantaniyāmo caritabrahmacariyoti?

71. kv4.8:15.2

    Āmantā.

72. kv4.8:15.3

    Nanu vuttaṁ bhagavatā—

73. kv4.8:16.1

    “Sabbābhibhū sabbavidūhamasmi,

74. kv4.8:16.2

    Sabbesu dhammesu anupalitto;

75. kv4.8:16.3

    Sabbañjaho taṇhakkhaye vimutto,

76. kv4.8:16.4

    Sayaṁ abhiññāya kamuddiseyyaṁ.

77. kv4.8:17.1

    Na me ācariyo atthi,

78. kv4.8:17.2

    sadiso me na vijjati;

79. kv4.8:17.3

    Sadevakasmiṁ lokasmiṁ,

80. kv4.8:17.4

    natthi me paṭipuggalo.

81. kv4.8:18.1

    Ahañhi arahā loke,

82. kv4.8:18.2

    ahaṁ satthā anuttaro;

83. kv4.8:18.3

    Ekomhi sammāsambuddho,

84. kv4.8:18.4

    sītibhūtosmi nibbuto.

85. kv4.8:19.1

    Dhammacakkaṁ pavattetuṁ,

86. kv4.8:19.2

    Gacchāmi kāsinaṁ puraṁ;

87. kv4.8:19.3

    Andhībhūtasmiṁ lokasmiṁ,

88. kv4.8:19.4

    Āhañchaṁ amatadundubhin”ti.

89. kv4.8:20.1

    “Yathā kho tvaṁ, āvuso, paṭijānāsi, arahasi anantajino”ti?

90. kv4.8:21.1

    “Mādisā ve jinā honti,

91. kv4.8:21.2

    ye pattā āsavakkhayaṁ;

92. kv4.8:21.3

    Jitā me pāpakā dhammā,

93. kv4.8:21.4

    tasmāhaṁ upaka jino”ti.

94. kv4.8:22.1

    Attheva suttantoti?

95. kv4.8:22.2

    Āmantā.

96. kv4.8:22.3

    Tena hi na vattabbaṁ—

97. kv4.8:22.4

    “bodhisatto kassapassa bhagavato pāvacane okkantaniyāmo caritabrahmacariyo”ti.

98. kv4.8:23.1

    Bodhisatto kassapassa bhagavato pāvacane okkantaniyāmo caritabrahmacariyoti?

99. kv4.8:23.2

    Āmantā.

100. kv4.8:23.3

     Nanu vuttaṁ bhagavatā—

Next → — showing 1–100 of 117

SuttaCentral (suttacentral.net), from the bilara-data and sc-data repositories. Licence: Public Domain. Source.