← Library

Kathāvatthu — Mahāpaṇṇāsaka — Catutthavagga

Early Buddhist texts (SuttaCentral): Abhidhamma · abhidhamma · 25 sections

1. kv4.5:0.1

   Kathāvatthu

2. kv4.5:0.2

   Mahāpaṇṇāsaka

3. kv4.5:0.3

   Catutthavagga

4. kv4.5:0.4

   Upekkhāsamannāgatakathā

5. kv4.5:1.1

   Arahā chahi upekkhāhi samannāgatoti?

6. kv4.5:1.2

   Āmantā.

7. kv4.5:1.3

   Arahā chahi phassehi, chahi vedanāhi, chahi saññāhi …pe… chahi paññāhi samannāgatoti?

8. kv4.5:1.4

   Na hevaṁ vattabbe …pe….

9. kv4.5:2.1

   Arahā chahi upekkhāhi samannāgatoti?

10. kv4.5:2.2

    Āmantā.

11. kv4.5:2.3

    Arahā cakkhunā rūpaṁ passanto sotena saddaṁ suṇāti, ghānena gandhaṁ ghāyati, jivhāya rasaṁ sāyati, kāyena phoṭṭhabbaṁ phusati, manasā dhammaṁ vijānāti …pe…

12. kv4.5:2.4

    manasā dhammaṁ vijānanto cakkhunā rūpaṁ passati, sotena saddaṁ suṇāti, ghānena gandhaṁ ghāyati, jivhāya rasaṁ sāyati, kāyena phoṭṭhabbaṁ phusatīti?

13. kv4.5:2.5

    Na hevaṁ vattabbe …pe….

14. kv4.5:3.1

    Arahā chahi upekkhāhi samannāgatoti?

15. kv4.5:3.2

    Āmantā.

16. kv4.5:3.3

    Satataṁ samitaṁ abbokiṇṇaṁ chahi upekkhāhi samannāgato samohito, cha upekkhāyo paccupaṭṭhitāti?

17. kv4.5:3.4

    Na hevaṁ vattabbe …pe….

18. kv4.5:4.1

    Na vattabbaṁ—

19. kv4.5:4.2

    “arahā chahi upekkhāhi samannāgato”ti?

20. kv4.5:4.3

    Āmantā.

21. kv4.5:4.4

    Nanu arahā chaḷaṅgupekkhoti?

22. kv4.5:4.5

    Āmantā.

23. kv4.5:4.6

    Hañci arahā chaḷaṅgupekkho, tena vata re vattabbe—

24. kv4.5:4.7

    “arahā chahi upekkhāhi samannāgato”ti …pe….

25. kv4.5:4.8

    Upekkhāsamannāgatakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.