← Library

Kathāvatthu — Mahāpaṇṇāsaka — Pannarasamavagga

Early Buddhist texts (SuttaCentral): Abhidhamma · abhidhamma · 31 sections

1. kv15.2:0.1

   Kathāvatthu

2. kv15.2:0.2

   Mahāpaṇṇāsaka

3. kv15.2:0.3

   Pannarasamavagga

4. kv15.2:0.4

   Aññamaññapaccayakathā

5. kv15.2:1.1

   Avijjāpaccayāva saṅkhārā, na vattabbaṁ—

6. kv15.2:1.2

   “saṅkhārapaccayāpi avijjā”ti?

7. kv15.2:1.3

   Āmantā.

8. kv15.2:1.4

   Nanu avijjā saṅkhārena sahajātāti?

9. kv15.2:1.5

   Āmantā.

10. kv15.2:1.6

    Hañci avijjā saṅkhārena sahajātā, tena vata re vattabbe—

11. kv15.2:1.7

    “avijjāpaccayāpi saṅkhārā, saṅkhārapaccayāpi avijjā”ti.

12. kv15.2:2.1

    Taṇhāpaccayāva upādānaṁ, na vattabbaṁ—

13. kv15.2:2.2

    “upādānapaccayāpi taṇhā”ti?

14. kv15.2:2.3

    Āmantā.

15. kv15.2:2.4

    Nanu taṇhā upādānena sahajātāti?

16. kv15.2:2.5

    Āmantā.

17. kv15.2:2.6

    Hañci taṇhā upādānena sahajātā, tena vata re vattabbe—

18. kv15.2:2.7

    “taṇhāpaccayāpi upādānaṁ, upādānapaccayāpi taṇhā”ti.

19. kv15.2:3.1

    “Jarāmaraṇapaccayā, bhikkhave, jāti, jātipaccayā bhavo”ti—

20. kv15.2:3.2

    attheva suttantoti?

21. kv15.2:3.3

    Natthi.

22. kv15.2:3.4

    Tena hi avijjāpaccayāva saṅkhārā, na vattabbaṁ—

23. kv15.2:3.5

    “saṅkhārapaccayāpi avijjā”ti.

24. kv15.2:3.6

    Taṇhāpaccayāva upādānaṁ, na vattabbaṁ—

25. kv15.2:3.7

    “upādānapaccayāpi taṇhā”ti.

26. kv15.2:4.1

    “Viññāṇapaccayā, bhikkhave, nāmarūpaṁ, nāmarūpapaccayāpi viññāṇan”ti—

27. kv15.2:4.2

    attheva suttantoti?

28. kv15.2:4.3

    Āmantā.

29. kv15.2:4.4

    Tena hi avijjāpaccayāpi saṅkhārā, saṅkhārapaccayāpi avijjā;

30. kv15.2:4.5

    taṇhāpaccayāpi upādānaṁ, upādānapaccayāpi taṇhāti.

31. kv15.2:4.6

    Aññamaññapaccayakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.