← Library

Kathāvatthu — Mahāpaṇṇāsaka — Pannarasamavagga

Early Buddhist texts (SuttaCentral): Abhidhamma · abhidhamma · 110 sections

1. kv15.11:0.1

   Kathāvatthu

2. kv15.11:0.2

   Mahāpaṇṇāsaka

3. kv15.11:0.3

   Pannarasamavagga

4. kv15.11:0.4

   Kammūpacayakathā

5. kv15.11:1.1

   Aññaṁ kammaṁ añño kammūpacayoti?

6. kv15.11:1.2

   Āmantā.

7. kv15.11:1.3

   Añño phasso, añño phassūpacayo;

8. kv15.11:1.4

   aññā vedanā, añño vedanūpacayo;

9. kv15.11:1.5

   aññā saññā, añño saññūpacayo;

10. kv15.11:1.6

    aññā cetanā, añño cetanūpacayo;

11. kv15.11:1.7

    aññaṁ cittaṁ, añño cittūpacayo;

12. kv15.11:1.8

    aññā saddhā, añño saddhūpacayo;

13. kv15.11:1.9

    aññaṁ vīriyaṁ, añño vīriyūpacayo;

14. kv15.11:1.10

    aññā sati, añño satūpacayo;

15. kv15.11:1.11

    añño samādhi, añño samādhūpacayo;

16. kv15.11:1.12

    aññā paññā, añño paññūpacayo;

17. kv15.11:1.13

    añño rāgo, añño rāgūpacayo …pe…

18. kv15.11:1.14

    aññaṁ anottappaṁ, añño anottappūpacayoti?

19. kv15.11:1.15

    Na hevaṁ vattabbe …pe….

20. kv15.11:2.1

    Aññaṁ kammaṁ, añño kammūpacayoti?

21. kv15.11:2.2

    Āmantā.

22. kv15.11:2.3

    Kammūpacayo kammena sahajātoti?

23. kv15.11:2.4

    Na hevaṁ vattabbe …pe….

24. kv15.11:3.1

    Kammūpacayo kammena sahajātoti?

25. kv15.11:3.2

    Āmantā.

26. kv15.11:3.3

    Kusalena kammena sahajāto kammūpacayo kusaloti, na hevaṁ vattabbe …pe….

27. kv15.11:4.1

    Kusalena kammena sahajāto kammūpacayo kusaloti?

28. kv15.11:4.2

    Āmantā.

29. kv15.11:4.3

    Sukhāya vedanāya sampayuttena kammena sahajāto kammūpacayo sukhāya vedanāya sampayuttoti?

30. kv15.11:4.4

    Na hevaṁ vattabbe …pe…

31. kv15.11:4.5

    dukkhāya vedanāya …pe…

32. kv15.11:4.6

    adukkhamasukhāya vedanāya sampayuttena kammena sahajāto kammūpacayo adukkhamasukhāya vedanāya sampayuttoti?

33. kv15.11:4.7

    Na hevaṁ vattabbe …pe….

34. kv15.11:5.1

    Kammūpacayo kammena sahajātoti?

35. kv15.11:5.2

    Āmantā.

36. kv15.11:5.3

    Akusalena kammena sahajāto kammūpacayo akusaloti?

37. kv15.11:5.4

    Na hevaṁ vattabbe …pe…

38. kv15.11:6.1

    Akusalena kammena sahajāto kammūpacayo akusaloti?

39. kv15.11:6.2

    Āmantā.

40. kv15.11:6.3

    Sukhāya vedanāya sampayuttena kammena sahajāto kammūpacayo sukhāya vedanāya sampayuttoti?

41. kv15.11:6.4

    Na hevaṁ vattabbe …pe…

42. kv15.11:6.5

    dukkhāya vedanāya …pe…

43. kv15.11:6.6

    adukkhamasukhāya vedanāya sampayuttena kammena sahajāto kammūpacayo adukkhamasukhāya vedanāya sampayuttoti?

44. kv15.11:6.7

    Na hevaṁ vattabbe …pe….

45. kv15.11:7.1

    Kammaṁ cittena sahajātaṁ, kammaṁ sārammaṇanti?

46. kv15.11:7.2

    Āmantā.

47. kv15.11:7.3

    Kammūpacayo cittena sahajāto, kammūpacayo sārammaṇoti?

48. kv15.11:7.4

    Na hevaṁ vattabbe …pe…

49. kv15.11:7.5

    kammūpacayo cittena sahajāto, kammūpacayo anārammaṇoti?

50. kv15.11:7.6

    Āmantā.

51. kv15.11:7.7

    Kammaṁ cittena sahajātaṁ, kammaṁ anārammaṇanti?

52. kv15.11:7.8

    Na hevaṁ vattabbe …pe….

53. kv15.11:8.1

    Kammaṁ cittena sahajātaṁ, cittaṁ bhijjamānaṁ kammaṁ bhijjatīti?

54. kv15.11:8.2

    Āmantā.

55. kv15.11:8.3

    Kammūpacayo cittena sahajāto, cittaṁ bhijjamānaṁ kammūpacayo bhijjatīti?

56. kv15.11:8.4

    Na hevaṁ vattabbe …pe….

57. kv15.11:9.1

    Kammūpacayo cittena sahajāto, cittaṁ bhijjamānaṁ kammūpacayo na bhijjatīti?

58. kv15.11:9.2

    Āmantā.

59. kv15.11:9.3

    Kammaṁ cittena sahajātaṁ, cittaṁ bhijjamānaṁ kammaṁ na bhijjatīti?

60. kv15.11:9.4

    Na hevaṁ vattabbe …pe….

61. kv15.11:10.1

    Kammamhi kammūpacayoti?

62. kv15.11:10.2

    Āmantā.

63. kv15.11:10.3

    Taññeva kammaṁ so kammūpacayoti?

64. kv15.11:10.4

    Na hevaṁ vattabbe …pe….

65. kv15.11:11.1

    Kammamhi kammūpacayo, kammūpacayato vipāko nibbattatīti?

66. kv15.11:11.2

    Āmantā.

67. kv15.11:11.3

    Taññeva kammaṁ, so kammūpacayo, so kammavipākoti?

68. kv15.11:11.4

    Na hevaṁ vattabbe …pe….

69. kv15.11:12.1

    Kammamhi kammūpacayo, kammūpacayato vipāko nibbattati, vipāko sārammaṇoti?

70. kv15.11:12.2

    Āmantā.

71. kv15.11:12.3

    Kammūpacayo sārammaṇoti?

72. kv15.11:12.4

    Na hevaṁ vattabbe …pe…

73. kv15.11:12.5

    kammūpacayo anārammaṇoti?

74. kv15.11:12.6

    Āmantā.

75. kv15.11:12.7

    Vipāko anārammaṇoti?

76. kv15.11:12.8

    Na hevaṁ vattabbe …pe….

77. kv15.11:13.1

    Aññaṁ kammaṁ añño kammūpacayoti?

78. kv15.11:13.2

    Āmantā.

79. kv15.11:13.3

    Nanu vuttaṁ bhagavatā—

80. kv15.11:13.4

    “idha, puṇṇa, ekacco sabyābajjhampi abyābajjhampi kāyasaṅkhāraṁ abhisaṅkharoti, sabyābajjhampi abyābajjhampi vacīsaṅkhāraṁ …pe…

81. kv15.11:13.5

    manosaṅkhāraṁ abhisaṅkharoti, so sabyābajjhampi abyābajjhampi kāyasaṅkhāraṁ abhisaṅkharitvā, sabyābajjhampi abyābajjhampi vacīsaṅkhāraṁ …pe…

82. kv15.11:13.6

    manosaṅkhāraṁ abhisaṅkharitvā sabyābajjhampi abyābajjhampi lokaṁ upapajjati.

83. kv15.11:13.7

    Tamenaṁ sabyābajjhampi abyābajjhampi lokaṁ upapannaṁ samānaṁ sabyābajjhāpi abyābajjhāpi phassā phusanti.

84. kv15.11:13.8

    So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṁ vedeti vokiṇṇasukhadukkhaṁ, seyyathāpi manussā ekacce ca devā ekacce ca vinipātikā.

85. kv15.11:13.9

    Iti kho, puṇṇa, bhūtā bhūtassa upapatti hoti, yaṁ karoti tena upapajjati, upapannametaṁ phassā phusanti.

86. kv15.11:13.10

    Evampāhaṁ, puṇṇa, ‘kammadāyādā sattā’ti vadāmī”ti.

87. kv15.11:13.11

    Attheva suttantoti?

88. kv15.11:13.12

    Āmantā.

89. kv15.11:13.13

    Tena hi na vattabbaṁ—

90. kv15.11:13.14

    “aññaṁ kammaṁ, añño kammūpacayo”ti.

91. kv15.11:13.15

    Kammūpacayakathā niṭṭhitā.

92. kv15.11:13.16

    Pannarasamo vaggo.

93. kv15.11:13.17

    Tassuddānaṁ

94. kv15.11:14.1

    Paccayatā vavatthitā,

95. kv15.11:14.2

    paṭiccasamuppādo,

96. kv15.11:14.3

    addhā,

97. kv15.11:14.4

    khaṇo layo muhuttaṁ,

98. kv15.11:14.5

    cattāro āsavā anāsavā,

99. kv15.11:14.6

    lokuttarānaṁ dhammānaṁ jarāmaraṇaṁ lokuttarā,

100. kv15.11:14.7

     saññāvedayitanirodhasamāpatti lokuttarā,

Next → — showing 1–100 of 110

SuttaCentral (suttacentral.net), from the bilara-data and sc-data repositories. Licence: Public Domain. Source.