← Library

Kathāvatthu — Mahāpaṇṇāsaka — Cuddasamavagga

Early Buddhist texts (SuttaCentral): Abhidhamma · abhidhamma · 98 sections

1. kv14.3:0.1

   Kathāvatthu

2. kv14.3:0.2

   Mahāpaṇṇāsaka

3. kv14.3:0.3

   Cuddasamavagga

4. kv14.3:0.4

   Anantarapaccayakathā

5. kv14.3:1.1

   Cakkhuviññāṇassa anantarā sotaviññāṇaṁ uppajjatīti?

6. kv14.3:1.2

   Āmantā.

7. kv14.3:1.3

   Yā cakkhuviññāṇassa uppādāya āvaṭṭanā …pe… paṇidhi, sāva sotaviññāṇassa uppādāya āvaṭṭanā …pe… paṇidhīti?

8. kv14.3:1.4

   Na hevaṁ vattabbe …pe….

9. kv14.3:2.1

   Cakkhuviññāṇassa anantarā sotaviññāṇaṁ uppajjati, na vattabbaṁ—

10. kv14.3:2.2

    “yā cakkhuviññāṇassa uppādāya āvaṭṭanā …pe… paṇidhi, sāva sotaviññāṇassa uppādāya āvaṭṭanā …pe… paṇidhī”ti?

11. kv14.3:2.3

    Āmantā.

12. kv14.3:2.4

    Sotaviññāṇaṁ anāvaṭṭentassa uppajjati …pe… appaṇidahantassa uppajjatīti?

13. kv14.3:2.5

    Na hevaṁ vattabbe …pe….

14. kv14.3:2.6

    Nanu sotaviññāṇaṁ āvaṭṭentassa uppajjati …pe… paṇidahantassa uppajjatīti?

15. kv14.3:2.7

    Āmantā.

16. kv14.3:2.8

    Hañci sotaviññāṇaṁ āvaṭṭentassa uppajjati …pe… paṇidahantassa uppajjati, no ca vata re vattabbe—

17. kv14.3:2.9

    “cakkhuviññāṇassa anantarā sotaviññāṇaṁ uppajjatī”ti.

18. kv14.3:3.1

    Cakkhuviññāṇassa anantarā sotaviññāṇaṁ uppajjatīti?

19. kv14.3:3.2

    Āmantā.

20. kv14.3:3.3

    Cakkhuviññāṇaṁ rūpanimittaṁ manasikaroto uppajjatīti?

21. kv14.3:3.4

    Āmantā.

22. kv14.3:3.5

    Sotaviññāṇaṁ rūpanimittaṁ manasikaroto uppajjatīti?

23. kv14.3:3.6

    Na hevaṁ vattabbe …pe….

24. kv14.3:4.1

    Cakkhuviññāṇaṁ rūpārammaṇaññeva na aññārammaṇanti?

25. kv14.3:4.2

    Āmantā.

26. kv14.3:4.3

    Sotaviññāṇaṁ rūpārammaṇaññeva na aññārammaṇanti?

27. kv14.3:4.4

    Na hevaṁ vattabbe …pe….

28. kv14.3:5.1

    Cakkhuñca paṭicca rūpe ca uppajjati cakkhuviññāṇanti?

29. kv14.3:5.2

    Āmantā.

30. kv14.3:5.3

    Cakkhuñca paṭicca rūpe ca uppajjati sotaviññāṇanti?

31. kv14.3:5.4

    Na hevaṁ vattabbe …pe….

32. kv14.3:6.1

    Cakkhuñca paṭicca rūpe ca uppajjati sotaviññāṇanti?

33. kv14.3:6.2

    Āmantā.

34. kv14.3:6.3

    “Cakkhuñca paṭicca rūpe ca uppajjati sotaviññāṇan”ti—

35. kv14.3:6.4

    attheva suttantoti?

36. kv14.3:6.5

    Natthi.

37. kv14.3:6.6

    “Cakkhuñca paṭicca rūpe ca uppajjati cakkhuviññāṇan”ti—

38. kv14.3:6.7

    attheva suttantoti?

39. kv14.3:6.8

    Āmantā.

40. kv14.3:6.9

    Hañci “cakkhuñca paṭicca rūpe ca uppajjati cakkhuviññāṇan”ti—

41. kv14.3:6.10

    attheva suttanto, no ca vata re vattabbe—

42. kv14.3:6.11

    “cakkhuñca paṭicca rūpe ca uppajjati sotaviññāṇan”ti.

43. kv14.3:7.1

    Cakkhuviññāṇassa anantarā sotaviññāṇaṁ uppajjatīti?

44. kv14.3:7.2

    Āmantā.

45. kv14.3:7.3

    Taññeva cakkhuviññāṇaṁ taṁ sotaviññāṇanti?

46. kv14.3:7.4

    Na hevaṁ vattabbe …pe….

47. kv14.3:8.1

    Sotaviññāṇassa anantarā ghānaviññāṇaṁ uppajjati …pe…

48. kv14.3:8.2

    ghānaviññāṇassa anantarā jivhāviññāṇaṁ uppajjati …pe…

49. kv14.3:8.3

    jivhāviññāṇassa anantarā kāyaviññāṇaṁ uppajjatīti?

50. kv14.3:8.4

    Āmantā.

51. kv14.3:8.5

    Yā jivhāviññāṇassa uppādāya āvaṭṭanā …pe… paṇidhi, sāva kāyaviññāṇassa uppādāya āvaṭṭanā …pe… paṇidhīti?

52. kv14.3:8.6

    Na hevaṁ vattabbe …pe…

53. kv14.3:8.7

    jivhāviññāṇassa anantarā kāyaviññāṇaṁ uppajjati, na vattabbaṁ—

54. kv14.3:8.8

    “yā jivhāviññāṇassa uppādāya āvaṭṭanā …pe… paṇidhi, sāva kāyaviññāṇassa uppādāya āvaṭṭanā …pe… paṇidhī”ti?

55. kv14.3:8.9

    Āmantā.

56. kv14.3:8.10

    Kāyaviññāṇaṁ anāvaṭṭentassa uppajjati …pe… appaṇidahantassa uppajjatīti?

57. kv14.3:8.11

    Na hevaṁ vattabbe …pe…

58. kv14.3:8.12

    nanu kāyaviññāṇaṁ āvaṭṭentassa uppajjati …pe… paṇidahantassa uppajjatīti?

59. kv14.3:8.13

    Āmantā.

60. kv14.3:8.14

    Hañci kāyaviññāṇaṁ āvaṭṭentassa uppajjati …pe… paṇidahantassa uppajjati, no ca vata re vattabbe—

61. kv14.3:8.15

    “jivhāviññāṇassa anantarā kāyaviññāṇaṁ uppajjatī”ti.

62. kv14.3:9.1

    Jivhāviññāṇassa anantarā kāyaviññāṇaṁ uppajjatīti?

63. kv14.3:9.2

    Āmantā.

64. kv14.3:9.3

    Jivhāviññāṇaṁ rasanimittaṁ manasikaroto uppajjatīti?

65. kv14.3:9.4

    Āmantā.

66. kv14.3:9.5

    Kāyaviññāṇaṁ rasanimittaṁ manasikaroto uppajjatīti?

67. kv14.3:9.6

    Na hevaṁ vattabbe …pe….

68. kv14.3:10.1

    Jivhāviññāṇaṁ rasārammaṇaññeva na aññārammaṇanti?

69. kv14.3:10.2

    Āmantā.

70. kv14.3:10.3

    Kāyaviññāṇaṁ rasārammaṇaññeva na aññārammaṇanti?

71. kv14.3:10.4

    Na hevaṁ vattabbe …pe….

72. kv14.3:11.1

    Jivhañca paṭicca rase ca uppajjati jivhāviññāṇanti?

73. kv14.3:11.2

    Āmantā.

74. kv14.3:11.3

    Jivhañca paṭicca rase ca uppajjati kāyaviññāṇanti?

75. kv14.3:11.4

    Na hevaṁ vattabbe …pe….

76. kv14.3:12.1

    Jivhañca paṭicca rase ca uppajjati kāyaviññāṇanti?

77. kv14.3:12.2

    Āmantā.

78. kv14.3:12.3

    “Jivhañca paṭicca rase ca uppajjati kāyaviññāṇan”ti—

79. kv14.3:12.4

    attheva suttantoti?

80. kv14.3:12.5

    Natthi.

81. kv14.3:12.6

    “Jivhañca paṭicca rase ca uppajjati jivhāviññāṇan”ti—

82. kv14.3:12.7

    attheva suttantoti?

83. kv14.3:12.8

    Āmantā.

84. kv14.3:12.9

    Hañci “jivhañca paṭicca rase ca uppajjati jivhāviññāṇan”ti—

85. kv14.3:12.10

    attheva suttantoti, no ca vata re vattabbe—

86. kv14.3:12.11

    “jivhañca paṭicca rase ca uppajjati kāyaviññāṇan”ti.

87. kv14.3:13.1

    Jivhāviññāṇassa anantarā kāyaviññāṇaṁ uppajjatīti?

88. kv14.3:13.2

    Āmantā.

89. kv14.3:13.3

    Taññeva jivhāviññāṇaṁ taṁ kāyaviññāṇanti?

90. kv14.3:13.4

    Na hevaṁ vattabbe …pe….

91. kv14.3:14.1

    Na vattabbaṁ—

92. kv14.3:14.2

    “pañcaviññāṇā aññamaññassa samanantarā uppajjantī”ti?

93. kv14.3:14.3

    Āmantā.

94. kv14.3:14.4

    Nanu atthi koci naccati gāyati vādeti, rūpañca passati, saddañca suṇāti, gandhañca ghāyati, rasañca sāyati, phoṭṭhabbañca phusatīti?

95. kv14.3:14.5

    Āmantā.

96. kv14.3:14.6

    Hañci atthi koci naccati gāyati vādeti, rūpañca passati, saddañca suṇāti, gandhañca ghāyati, rasañca sāyati, phoṭṭhabbañca phusati, tena vata re vattabbe—

97. kv14.3:14.7

    “pañcaviññāṇā aññamaññassa samanantarā uppajjantī”ti.

98. kv14.3:14.8

    Anantarapaccayakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.