← Library

Kathāvatthu — Mahāpaṇṇāsaka — Cuddasamavagga

Early Buddhist texts (SuttaCentral): Abhidhamma · abhidhamma · 50 sections

1. kv14.2:0.1

   Kathāvatthu

2. kv14.2:0.2

   Mahāpaṇṇāsaka

3. kv14.2:0.3

   Cuddasamavagga

4. kv14.2:0.4

   Saḷāyatanuppattikathā

5. kv14.2:1.1

   Saḷāyatanaṁ apubbaṁ acarimaṁ mātukucchismiṁ saṇṭhātīti?

6. kv14.2:1.2

   Āmantā.

7. kv14.2:1.3

   Sabbaṅgapaccaṅgī ahīnindriyo mātukucchismiṁ okkamatīti?

8. kv14.2:1.4

   Na hevaṁ vattabbe …pe….

9. kv14.2:2.1

   Upapattesiyena cittena cakkhāyatanaṁ saṇṭhātīti?

10. kv14.2:2.2

    Āmantā.

11. kv14.2:2.3

    Upapattesiyena cittena hatthā saṇṭhanti, pādā saṇṭhanti, sīsaṁ saṇṭhāti, kaṇṇo saṇṭhāti, nāsikā saṇṭhāti, mukhaṁ saṇṭhāti, dantā saṇṭhantīti?

12. kv14.2:2.4

    Na hevaṁ vattabbe …pe….

13. kv14.2:3.1

    Upapattesiyena cittena sotāyatanaṁ …pe…

14. kv14.2:3.2

    ghānāyatanaṁ …pe…

15. kv14.2:3.3

    jivhāyatanaṁ saṇṭhātīti?

16. kv14.2:3.4

    Āmantā.

17. kv14.2:3.5

    Upapattesiyena cittena hatthā saṇṭhanti, pādā saṇṭhanti, sīsaṁ saṇṭhāti, kaṇṇo saṇṭhāti, nāsikā saṇṭhāti, mukhaṁ saṇṭhāti, dantā saṇṭhantīti?

18. kv14.2:3.6

    Na hevaṁ vattabbe …pe….

19. kv14.2:4.1

    Mātukucchigatassa pacchā cakkhāyatanaṁ uppajjatīti?

20. kv14.2:4.2

    Āmantā.

21. kv14.2:4.3

    Mātukucchismiṁ cakkhupaṭilābhāya kammaṁ karotīti?

22. kv14.2:4.4

    Na hevaṁ vattabbe …pe…

23. kv14.2:4.5

    mātukucchigatassa pacchā sotāyatanaṁ …pe…

24. kv14.2:4.6

    ghānāyatanaṁ …pe…

25. kv14.2:4.7

    jivhāyatanaṁ uppajjatīti?

26. kv14.2:4.8

    Āmantā.

27. kv14.2:4.9

    Mātukucchismiṁ jivhāpaṭilābhāya kammaṁ karotīti?

28. kv14.2:4.10

    Na hevaṁ vattabbe …pe….

29. kv14.2:5.1

    Mātukucchigatassa pacchā kesā lomā nakhā dantā aṭṭhī uppajjantīti?

30. kv14.2:5.2

    Āmantā.

31. kv14.2:5.3

    Mātukucchismiṁ aṭṭhipaṭilābhāya kammaṁ karotīti?

32. kv14.2:5.4

    Na hevaṁ vattabbe …pe….

33. kv14.2:6.1

    Na vattabbaṁ—

34. kv14.2:6.2

    “mātukucchigatassa pacchā kesā lomā nakhā dantā aṭṭhī uppajjantī”ti?

35. kv14.2:6.3

    Āmantā.

36. kv14.2:6.4

    Nanu vuttaṁ bhagavatā—

37. kv14.2:7.1

    “Paṭhamaṁ kalalaṁ hoti,

38. kv14.2:7.2

    kalalā hoti abbudaṁ;

39. kv14.2:7.3

    Abbudā jāyate pesi,

40. kv14.2:7.4

    pesi nibbattate ghano;

41. kv14.2:7.5

    Ghanā pasākhā jāyanti,

42. kv14.2:7.6

    kesā lomā nakhāpi ca.

43. kv14.2:8.1

    Yañcassa bhuñjati mātā,

44. kv14.2:8.2

    annaṁ pānañca bhojanaṁ;

45. kv14.2:8.3

    Tena so tattha yāpeti,

46. kv14.2:8.4

    mātukucchigato naro”ti.

47. kv14.2:9.1

    Attheva suttantoti?

48. kv14.2:9.2

    Āmantā.

49. kv14.2:9.3

    Tena hi mātukucchigatassa pacchā kesā lomā nakhā dantā aṭṭhī uppajjantīti.

50. kv14.2:9.4

    Saḷāyatanuppattikathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.