← Library

Kathāvatthu — Mahāpaṇṇāsaka — Dvādasamavagga

Early Buddhist texts (SuttaCentral): Abhidhamma · abhidhamma · 30 sections

1. kv12.3:0.1

   Kathāvatthu

2. kv12.3:0.2

   Mahāpaṇṇāsaka

3. kv12.3:0.3

   Dvādasamavagga

4. kv12.3:0.4

   Saddovipākotikathā

5. kv12.3:1.1

   Saddo vipākoti?

6. kv12.3:1.2

   Āmantā.

7. kv12.3:1.3

   Sukhavedaniyo dukkhavedaniyo adukkhamasukhavedaniyo, sukhāya vedanāya sampayutto, dukkhāya vedanāya sampayutto, adukkhamasukhāya vedanāya sampayutto, phassena sampayutto, vedanāya sampayutto, saññāya sampayutto, cetanāya sampayutto, cittena sampayutto, sārammaṇo;

8. kv12.3:1.4

   atthi tassa āvaṭṭanā ābhogo samannāhāro manasikāro cetanā patthanā paṇidhīti?

9. kv12.3:1.5

   Na hevaṁ vattabbe …pe…

10. kv12.3:1.6

    nanu na sukhavedaniyo na dukkhavedaniyo …pe… anārammaṇo, natthi tassa āvaṭṭanā …pe… paṇidhīti?

11. kv12.3:1.7

    Āmantā.

12. kv12.3:1.8

    Hañci na sukhavedaniyo …pe… anārammaṇo, natthi tassa āvaṭṭanā …pe… paṇidhi, no ca vata re vattabbe—

13. kv12.3:1.9

    “saddo vipāko”ti.

14. kv12.3:2.1

    Phasso vipāko, phasso sukhavedaniyo …pe… sārammaṇo, atthi tassa āvaṭṭanā …pe… paṇidhīti?

15. kv12.3:2.2

    Āmantā.

16. kv12.3:2.3

    Saddo vipāko, saddo sukhavedaniyo …pe… sārammaṇo, atthi tassa āvaṭṭanā …pe… paṇidhīti?

17. kv12.3:2.4

    Na hevaṁ vattabbe …pe….

18. kv12.3:3.1

    Saddo vipāko, saddo na sukhavedaniyo …pe… anārammaṇo, natthi tassa āvaṭṭanā …pe… paṇidhīti?

19. kv12.3:3.2

    Āmantā.

20. kv12.3:3.3

    Phasso vipāko, phasso na sukhavedaniyo, na dukkhavedaniyo …pe… anārammaṇo, natthi tassa āvaṭṭanā …pe… paṇidhīti?

21. kv12.3:3.4

    Na hevaṁ vattabbe …pe….

22. kv12.3:4.1

    Na vattabbaṁ—

23. kv12.3:4.2

    “saddo vipāko”ti?

24. kv12.3:4.3

    Āmantā.

25. kv12.3:4.4

    Nanu vuttaṁ bhagavatā—

26. kv12.3:4.5

    “so tassa kammassa katattā upacitattā ussannattā vipulattā brahmassaro hoti karavikabhāṇī”ti.

27. kv12.3:4.6

    Attheva suttantoti?

28. kv12.3:4.7

    Āmantā.

29. kv12.3:4.8

    Tena hi saddo vipākoti.

30. kv12.3:4.9

    Saddo vipākotikathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.