← Library

Kathāvatthu — Mahāpaṇṇāsaka — Dasamavagga

Early Buddhist texts (SuttaCentral): Abhidhamma · abhidhamma · 42 sections

1. kv10.9:0.1

   Kathāvatthu

2. kv10.9:0.2

   Mahāpaṇṇāsaka

3. kv10.9:0.3

   Dasamavagga

4. kv10.9:0.4

   Samādānahetukathā

5. kv10.9:1.1

   Samādānahetukaṁ sīlaṁ vaḍḍhatīti?

6. kv10.9:1.2

   Āmantā.

7. kv10.9:1.3

   Samādānahetuko phasso vaḍḍhati, vedanā vaḍḍhati, saññā vaḍḍhati, cetanā vaḍḍhati, cittaṁ vaḍḍhati, saddhā vaḍḍhati, vīriyaṁ vaḍḍhati, sati vaḍḍhati, samādhi vaḍḍhati, paññā vaḍḍhatīti?

8. kv10.9:1.4

   Na hevaṁ vattabbe …pe….

9. kv10.9:2.1

   Samādānahetukaṁ sīlaṁ vaḍḍhatīti?

10. kv10.9:2.2

    Āmantā.

11. kv10.9:2.3

    Latā viya vaḍḍhati, māluvā viya vaḍḍhati, rukkho viya vaḍḍhati, tiṇaṁ viya vaḍḍhati, muñjapuñjo viya vaḍḍhatīti?

12. kv10.9:2.4

    Na hevaṁ vattabbe …pe….

13. kv10.9:3.1

    Samādānahetukaṁ sīlaṁ vaḍḍhatīti?

14. kv10.9:3.2

    Āmantā.

15. kv10.9:3.3

    Sīlaṁ samādiyitvā kāmavitakkaṁ vitakkentassa byāpādavitakkaṁ vitakkentassa vihiṁsāvitakkaṁ vitakkentassa sīlaṁ vaḍḍhatīti?

16. kv10.9:3.4

    Āmantā.

17. kv10.9:3.5

    Dvinnaṁ phassānaṁ …pe… dvinnaṁ cittānaṁ samodhānaṁ hotīti?

18. kv10.9:3.6

    Na hevaṁ vattabbe …pe… dvinnaṁ phassānaṁ …pe… dvinnaṁ cittānaṁ samodhānaṁ hotīti?

19. kv10.9:3.7

    Āmantā.

20. kv10.9:3.8

    Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?

21. kv10.9:3.9

    Na hevaṁ vattabbe …pe….

22. kv10.9:4.1

    Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?

23. kv10.9:4.2

    Āmantā.

24. kv10.9:4.3

    Nanu vuttaṁ bhagavatā—

25. kv10.9:4.4

    “cattārimāni, bhikkhave, suvidūravidūrāni.

26. kv10.9:4.5

    Katamāni cattāri?

27. kv10.9:4.6

    Nabhañca, bhikkhave, pathavī ca—

28. kv10.9:4.7

    idaṁ paṭhamaṁ suvidūravidūraṁ …pe… tasmā sataṁ dhammo asabbhi ārakā”ti.

29. kv10.9:4.8

    Attheva suttantoti?

30. kv10.9:4.9

    Āmantā.

31. kv10.9:4.10

    Tena hi na vattabbaṁ—

32. kv10.9:4.11

    “kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantī”ti.

33. kv10.9:5.1

    Na vattabbaṁ—

34. kv10.9:5.2

    “samādānahetukaṁ sīlaṁ vaḍḍhatī”ti?

35. kv10.9:5.3

    Āmantā.

36. kv10.9:5.4

    Nanu vuttaṁ bhagavatā—

37. kv10.9:5.5

    “ārāmaropā vanaropā …pe…

38. kv10.9:5.6

    dhammaṭṭhā sīlasampannā te janā saggagāmino”ti.

39. kv10.9:5.7

    Attheva suttantoti?

40. kv10.9:5.8

    Āmantā.

41. kv10.9:5.9

    Tena hi samādānahetukaṁ sīlaṁ vaḍḍhatīti.

42. kv10.9:5.10

    Samādānahetukathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.