← Library

Aṅguttara Nikāya 10.48 — 5. Akkosavagga — Pabbajitaabhiṇhasutta

Early Buddhist texts (SuttaCentral): Sutta · Bhikkhu Sujato · sutta · 18 sections

1. an10.48:0.1

   Aṅguttara Nikāya 10.48

   Numbered Discourses 10.48

2. an10.48:0.2

   5. Akkosavagga

   5. Abuse

3. an10.48:0.3

   Pabbajitaabhiṇhasutta

   Ten Regular Reflections for a Renunciate

4. an10.48:1.1

   “Dasayime, bhikkhave, dhammā pabbajitena abhiṇhaṁ paccavekkhitabbā.

   “Mendicants, one who has gone forth should often review these ten things.

5. an10.48:1.2

   Katame dasa?

   What ten?

6. an10.48:2.1

   ‘Vevaṇṇiyamhi ajjhupagato’ti pabbajitena abhiṇhaṁ paccavekkhitabbaṁ.

   One who has gone forth should often review this: ‘I have secured freedom from class.’

7. an10.48:3.1

   ‘Parapaṭibaddhā me jīvikā’ti pabbajitena abhiṇhaṁ paccavekkhitabbaṁ.

   ‘My livelihood is tied up with others.’

8. an10.48:4.1

   ‘Añño me ākappo karaṇīyo’ti pabbajitena abhiṇhaṁ paccavekkhitabbaṁ.

   ‘My behavior should be different.’

9. an10.48:5.1

   ‘Kacci nu kho me attā sīlato na upavadatī’ti pabbajitena abhiṇhaṁ paccavekkhitabbaṁ.

   ‘I hope there’s no reason to blame myself when it comes to ethical conduct?’

10. an10.48:6.1

    ‘Kacci nu kho maṁ anuvicca viññū sabrahmacārī sīlato na upavadantī’ti pabbajitena abhiṇhaṁ paccavekkhitabbaṁ.

    ‘I hope that, after examination, sensible spiritual companions don’t reproach any aspect of my ethics?’

11. an10.48:7.1

    ‘Sabbehi me piyehi manāpehi nānābhāvo vinābhāvo’ti pabbajitena abhiṇhaṁ paccavekkhitabbaṁ.

    ‘I must be parted and separated from all I hold dear and beloved.’

12. an10.48:8.1

    ‘Kammassakomhi kammadāyādo kammayoni kammabandhu kammapaṭisaraṇo,

    ‘I am the owner of my deeds and heir to my deeds. Deeds are my womb, my relative, and my refuge.

13. an10.48:9.1

    yaṁ kammaṁ karissāmi kalyāṇaṁ vā pāpakaṁ vā tassa dāyādo bhavissāmī’ti pabbajitena abhiṇhaṁ paccavekkhitabbaṁ.

    I shall be the heir of whatever deeds I do, whether good or bad.’

14. an10.48:10.1

    ‘Kathaṁbhūtassa me rattindivā vītivattantī’ti pabbajitena abhiṇhaṁ paccavekkhitabbaṁ.

    ‘As the days and nights pass by, what sort of person am I becoming?’

15. an10.48:11.1

    ‘Kacci nu kho ahaṁ suññāgāre abhiramāmī’ti pabbajitena abhiṇhaṁ paccavekkhitabbaṁ.

    ‘Do I love to stay in empty huts?’

16. an10.48:12.1

    ‘Atthi nu kho me uttari manussadhammo alamariyañāṇadassanaviseso adhigato, yenāhaṁ pacchime kāle sabrahmacārīhi puṭṭho na maṅku bhavissāmī’ti pabbajitena abhiṇhaṁ paccavekkhitabbaṁ.

    ‘Do I have any superhuman distinctions in knowledge and vision worthy of the noble ones, so that when my spiritual companions question me on my deathbed I will not be embarrassed?’

17. an10.48:13.1

    Ime kho, bhikkhave, dasa dhammā pabbajitena abhiṇhaṁ paccavekkhitabbā”ti.

    One who has gone forth should often review these ten things.”

18. an10.48:13.2

    Aṭṭhamaṁ.

SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.