Evangeliorum libri quattuor

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 3,213 sections

pr.1
PRAEFATIO.
pr.1-2
Inmortale nihil mundi conpage tenetur,
pr.2
Non orbis, non regna hominum, non aurea Roma,
pr.3
Non mare, non tellus, non ignea sidera caeli.
pr.4
Nam statuit genitor rerum inreuocabile tempus,
pr.5
Quo cunctum torrens rapiat flamma ultima mundum.
pr.6
Sed tamen innumeros homines sublimia facta
pr.7
Et uirtutis honos in tempora longa frequentant,
pr.8
Adcumulant quorum famam laudesque poetae.
pr.9
Hos celsi cantus, Smyrnae de fonte fluentes,
pr.10
Illos Minciadae celebrat dulcedo Maronis.
pr.11
Nec minor ipsorum discurrit gloria uatum,
pr.12
Quae manet aeternae similis, dum saecla uolabunt
pr.13
Et uertigo poli terras atque aequora circum
pr.14
Aethera sidereum iusso moderamine uoluet.
pr.15
Quod si tam longam meruerunt carmina famam,
pr.16
Quae ueterum gestis hominum mendacia nectunt,
pr.17
Nobis certa fides aeternae in saecula laudis-
pr.18
Inmortale decus tribuet meritumque rependet.
pr.19
Nam mihi carmen erit Christi uitalia gesta, .\'.I
pr.20
Diuinum populis falsi sine crimine donum.
pr.21
Nec metus, ut mundi rapiant incendia secum
pr.22
Hoc opus; hoc etenim forsan me subtrahet igni
pr.23
Tunc, cum flammiuoma discendet nube coruscans
pr.24
Iudex, altithroni genitoris gloria, Christus.
pr.25
Ergo age! sanctificus adsit mihi carminis auctor
pr.26
Spiritus, et puro mentem riget amne canentis
pr.27
Dulcis Iordanis, ut Christo digna loquamur.
1.1
LIBER PRIMUS.
1.1-3
Rex fuit Herodes Iudaea in gente cruentus,
1.2
Sub quo seruator iusti templique sacerdos
1.3
Zacharias, uicibus cui templum cura tueri
1.4
Digesto instabat lectorum ex ordine uatum.
1.5
Huius inhaerebat thalamis dignissima coniux.
1.6
Cura his ambobus parilis moderaminis aequi,
1.7
Ambos adnexos legis praecepta tenebant.
1.8
Nec fuit his suboles, iam tum uergentibus annis,
1.9
Gratius ut donum iam desperantibus esset.
1.10
Sed cum forte aditis arisque inferret odores
1.11
Zacharias, uisus caelo discendere aperto
1.12
Nuntius et soli iussas perferre loquellas
1.13
(Cetera nam foribus tunc plebs adstrata rogabat):
1.14
\'Quem tibi terribilis concussit corde pauorem
1.15
Visus, cum laeti sermonis gratia pla.cat?
1.16
Nam me dimissum rerum pater unicus alto
1.17
E caeli solio tibi nunc in uerba uenire
1.18
Praecipit et cara tibi mox e coniuge natum
1.19
Promittit, grandis rerum cui gloria restat,
1.20
Plurima qui populis nascendo gaudia quaeret;
1.21
Sobrius aeternum, clausum quem Spiritus ipsis
1.22
Visceribus matris conplebit numine claro.
1.23
Istius hic populi partem pleramque docendo
1.24
Ad uerum conuertet iter, Dominmque Deumque
1.25
Continuo primus noscet plebemque nouabit.
1.26
Nomine Iohannem hunc tu uocitare memento.\'
1.27
Olli confusa respondit mente sacerdos:
1.28
\'Aemula promissis obsistit talibus aetas,
1.29
Nec senibus fetus poterit contingere fessis,
1.30
30 Quem deus auertens primaeuo in flore negauit.\'
1.31
Haec trepidans uates; cui talia nuntius addit:
1.32
\'Si tibi mortalis subolem promitteret ullus,
1.33
Ad desperandum forsan cunctatio mentis
1.34
Debuerat tardis haerens insistere uerbis.
1.35
Nunc ego, quem dominus caeli, terraeque repertor,
1.36
Ante suos uultus uoluit parere ministrum,
1.37
Auribus ingratis hominis uisuque receptus,
1.38
Supremi mandata Dei temnenda peregi.
1.39
Quare promissis manet inreuocabile donum,
1.40
Sed tibi claudetur rapidae uox nuntia mentis,
1.41
Donec cuncta Dei firmentur munera uobis.\'
1.42
Haec ait et sese teneris inmiscuit auris.
1.43
Interea populus miracula longa trahebat,
1.44
Quid tantum templo uellet cessare sacerdos.
1.45
Progressus trepide numen uidisse supernum
1.46
Nutibus edocuit, miserae et dispendia uocis.
1.47
Inde domum remeat conpleto ex ordine uates
1.48
Officio, amissamque leuant promissa loquellam;
1.49
Nec dilata diu uenerunt munera prolis.
1.50
Anxia sed uentris celabat gaudia coniux,
1.51
Donec quinque cauam conplerent lumina lunam.
1.52
Tunc maiora dehinc idem mandata minister
1.53
Detulit ad Mariae dimissus uirginis aures.
1.54
Haec desponsa suo per tempora certa propinquo
1.55
Abdita uirgineis caste pubescere tectis
1.56
Et seruare diem iussis permissa parentum.
1.57
Ad quam tranquillum sermonem nuntius infit:
1.58
\'Salue, progenie terras iutura salubri,
1.59
Desine conspectu mentem turbare uerendo.
1.60
Nam tua concipient caelesti uiscera iussu
1.61
Natum, quem regnare Deus per saecula cuncta
1.62
Et propriam credi subolem gaudetque iubetque.
1.63
Hunc ubi sub lucem dederis, sit nomine Iesus.\'
1.64
Ad quem uirgo dehinc pauido sic inchoat ore:
1.65
\'Nullos conceptus fieri sine coniuge dicunt;
1.66
Vnde igitur subolem mihimet sperabo uenire?\'
1.67
Nuntius haec contra celeri sermone profatur:
1.68
\'Virtus celsa Dei circumuolitabit obumbrans,
1.69
Spiritus et ueniet purus, lectissima uirgo,
1.70
- Ac tibi mox puerum casto sermone iubebit
1.71
Magnificum gigni populis, quem credere sanctum

Corpus Scriptorum Ecclesiasticorum Latinorum. CTS URN stoa0169a.stoa002.opp-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.