← Library

De Re Coquinaria

Open Greek and Latin: Latin · Open Greek and Latin: Latin · 466 sections

1. 9.1.6.1

   Aliter in lucusta: piper, ligusticum, cuminum, mentam, rutam, nucleos, mel, acetum, liquamen et vinum.

2. 9.2.1.1

   IN TORPEDINE. In torpedine: teritur piper, ruta, copula arida. addes mel, liquamen, passum, vinum modice, olei boni guttas. cum bullire coeperit, amulo obligas.

3. 9.2.2.1

   In torpedine elixa: piper, ligusticum, petroselinum, mentam, origanum, ovi medium, mel, liquamen, passum, vinum, oleum. si voles, addes sinape, acetum. si calidum volueris, uvam passam addes.

4. 9.3.1.1

   IN LOLLIGINE. In lolligine in patina: teres piper, rutam, mel modicum, liquamen, caroenum, olei guttas.

5. 9.3.2.1

   In lolligine farsili: piper, ligusticum, coriandrum, apii semen, ovi vitellum, mel, acetum, liquamen, vinum et oleum.

6. 9.4.1.1

   IN SEPIIS. In sepia farsili: piper, ligusticum, apii semen, careum, mel, liquamen, vinum, condimenta coctiva. calefacies, et sic aperies sepiam et perfundes.

7. 9.4.2.1

   Sic farcies eam sepiam coctam: cerebella elixa enervata teres cum pipere, cui commisces ova cruda quod satis erit, piper integrum, isicia minuta, et sic consues et in bullientem ollam mittes ita ut coire impensa possit.

8. 9.4.3.1

   Sepias elixas ab aheno: in frigidam missas cum pipere, lasere, liquamine, nucleis. ova addes, et condies ut voles.

9. 9.4.4.1

   Aliter sepias: piper, ligusticum, cuminum, coriandrum viride, mentam aridam, ovi vitellum, mel, liquamen, vinum, acetum et oleum modicum. et, ubi bullierit, amulo obligas.

10. 9.5.1.1

    IN POLYPO. In polypo: pipere, liquamine, lasere,

11. 9.6.1.1

    IN OSTREIS. In ostreis: piper, ligusticum, ovi vitellum, acetum, liquamen, oleum et vinum. si volueris, et mel addes.

12. 9.7.1.1

    IN OMNE GENVS CONCHYLIORVM. In omne genus conchyliorum: piper, ligusticum, petroselinum, mentam siccam, cuminum plusculum, mel, liquamen. si voles, folium et malabathrum addes.

13. 9.8.1.1

    IN ECHINO. In echino: accipies pultarium novum, oleum modicum, liquamen, vinum dulce, piper minutum. facies ut ferveat, cum ferbuerit, in singulos echinos mittes, agitabis, ter bulliat. cum coxeris, piper asperges et inferes.

14. 9.8.2.1

    Aliter in echino: piper, costum modice, mentam siccam, mulsum, liquamen, spicam Indicam et folium.

15. 9.8.3.1

    Aliter in echino: lotum mittes in aqua calida, coques, levas, in patella compones, addes folium, piper, mel, liquamen, olei modice, ova, et sic obligas. in thermospodio coques, piper asperges et inferes.

16. 9.8.4.1

    In echino salso: echinum salsum cum liquamine optimo, caroeno, pipere, temperabis et adpones.

17. 9.8.5.1

    Aliter: echinis salsis liquamen optimum admisces, et quasi recentes apparebunt, ita ut a balneo sumi possint.

18. 9.9.1.1

    IN MITVLIS. In mitulis: liquamen, porrum concisum, cuminum, passum, satureiam, vinum. mixtum facies aquatius et ibi mitulos coques.

19. 9.10.1.1

    IN SARDA CORDVLA MVGILE. In Sardis: Sardam farsilem sic facere oportet: Sarda exosSatur, et teritur puleium, cuminum, piperis grana, menta, nuces, mel. impletur et consuitur. involvitur in charta et sic supra vaporem ignis in operculo componitur, conditur ex oleo, caroeno, allece.

20. 9.10.2.1

    Sarda ita fit: coquitur sarda et exossatur. teritur piper cum ligustico, thymo, origano, ruta, caryota, melle, et in vasculo ovis concisis ornatur impensa: vinum modice, acetum, defritum et oleum viride.

21. 9.10.3.1

    Ius in Sarda: piper, origanum, mentam, cepam, aceti modicum et oleum.

22. 9.10.4.1

    Ius in Sarda: piper, ligusticum, mentam aridam, cepam coctam, mel, acetum, oleum. perfundes, asperges ovis duris concisis.

23. 9.10.5.1

    Ius in cordula assa: piper, ligusticum, apii semen, mentam, rutam, caryotam, mel, acetum, vinum et oleum. convenit et in Sarda.

24. 9.10.6.1

    Ius in mugile salso: piper, ligusticum, cuminum, cepam, mentam, rutam, calvam, caryotam, mel, acetum, sinape et oleum.

25. 9.10.7.1

    Aliter ius in mugile salso: piper, origanum, erucam, mentam, rutam, calvam, caryotam, mel, oleum, acetum et sinape.

26. 9.11.1.1

    IVS IN SILVRO, IN PELAMYDE ET IN THYNNO SALSIS: piper, ligusticum, cuminum, cepam, mentam, rutam, calvam, caryotam, mel, acetum, sinape,

27. 9.12.1.1

    IVS IN MVLLO TARICHO: piper, rutam, cepam, dactylum, sinapi, trito commisces echino et oleo, et sic perfundes piscem frictum vel assatum.

28. 9.13.1.1

    SALSVM SINE SALSO: lecur coques, teres, et mittes piper aut liquamen aut salem. addes oleum. iecur leporisaut haedi aut agni aut pulli; et, si volueris, in formella piscem formabis. oleum viride supra adicies.

29. 9.13.2.1

    Aliter vice salsi: cuminum, piper, liquamen teres, et passum modice vel caroenum et nuces tritas plurimas misces et simul conteres et salsari defundes. oleum modice superstillabis et inferes.

30. 9.13.3.1

    Aliter salsum sine salso: cumini tantum quantum quinque digitis tollis, piperis ad dimidium eius et unam spicam alei purgatam teres, liquamen supersfundes, oleum modice superstillabis. hoc aegrum stomachum valde reficit et digestionem facit.

31. 9.14.1.1

    EMBRACTVM BAIANVM. Embractum Baianum: ostreas minutas, sphondylos, urticas in caccabum mittes, nucleos tostos concisos, rutam, apium, piper, coriandrum, cuminum, passum, liquamen, caryotam, oleum.

32. 10.1.1.1

    IN PISCIBVS. Ius diabotanon in pisce frixo: piscem quemlibet curas, salsas, friges. teres piper, cuminum, coriandri semen, laseris radicem, origanum, rutam, fricabis, suffundes acetum, adicies caryotam, mel, defritum, oleum, liquamen, temperabis, refundes in caccabum, facies ut ferveat. cum ferbuerit, piscem frictum perfundes, piper asperges et inferes.

33. 10.1.2.1

    Ius in pisce elixo: piper, ligusticum, cuminum, cepulam, origanum, nucleos, caryotam, mel, acetum, liquamen, sinapi, oleum modice. ius calidum. si velis, uvam passam.

34. 10.1.3.1

    Aliter in pisce elixo: teres piper, ligusticum, coriandrum viride, satureiam, cepam, ovorum vitella cocta, passum, acetum, oleum et liquamen.

35. 10.1.4.1

    Aliter ius in pisce elixo: piscem curabis diligenter, mittes in mortarium salem, coriandri semen, conteres bene, volves eum, adicies in patinam, cooperies, gypsabis, coques in furno. cum coctus fuerit, tolles, aceto acerrimo asperges et inferes.

36. 10.1.5.1

    Aliter ius in pisce elixo: cum curaveris piscem, adicies in sartaginem coriandri semen, aquam, anethum viride et ipsum piscem. cum coctus fuerit, asperges aceto et inferes.

37. 10.1.6.1

    Ius Alexandrinum in pisce asso: piper, cepam siccam, ligusticum, cuminum, origanum, apii semen, pruna Damascena enucleata, mulsum, acetum, liquamen, defritum, oleum, et coques.

38. 10.1.7.1

    Aliter ius Alexandrinum in pisce asso: piper, ligusticum, COriandrum viride, uvam passam enucleatam, vinum, passum, liquamen, oleum, et coques.

39. 10.1.8.1

    Aliter ius Alexandrinum in pisce asso: piper, ligusticum, coriandrum viride, cepam, Damascena enucleata, passum, liquamen, acetum, oleum, et coques.

40. 10.1.9.1

    Ius in gongro asso: piper, ligusticum, cuminum frictum, origanum, cepam siccam, ovorum vitella cocta, vinum, mulsum, acetum, liquamen, defritum, et coques.

41. 10.1.10.1

    Ius in cornutam: piper, ligusticum, origanum, cepam, uvam passam enucleatam, vinum, mel, acetum, liquamen, oleum, et coques.

42. 10.1.11.1

    Ius in mullos assos: piper, ligusticum, rutam, mel, nucleos, acetum, vinum, liquamen, oleum modice. calefacies et perfundes.

43. 10.1.12.1

    Aliter ius in mullos assos: rutam, mentam, coriandrum, feniculum, omnia viridia, piper, ligusticum, mel, liquamen et oleum modice.

44. 10.1.13.1

    Ius in pelamyde assa: piper, ligusticum, origanum, coriandrum viride, cepam, uvam passam enucleatam, passum, acetum, liquamen, defritum, oleum, et coques. hoc ius convenit et in elixa. si vis, et mel addes.

45. 10.1.14.1

    Ius in percam: piper, ligusticum, cuminum frictum, cepam, pruna Damascena enucleata, vinum, mulsum, acetum, oleum, defritum, et coques.

46. 10.1.15.1

    Ius in pisce rubellione: piper, ligusticum, careum, serpyllum, apii semen, cepam siccam, vinum, passum, acetum, liquamen, oleum. amulo obligas.

47. 10.2.1.1

    IN MVRENAM. Ius in murena assa: piper, ligusticum, satureiam, crocomagma, cepam, pruna Damascena enucleata, vinum, mulsum, acetum, liquamen, deiritum, oleum, et coques.

48. 10.2.2.1

    Aliter ius in murena assa: piper, ligusticum, pruna Damascena, vinum, mulsum, acetum, liquamen, defritum, oleum, et coques.

49. 10.2.3.1

    Aliter ius in murena assa: piper, ligusticum, nepetam montanam, coriandri semen, cepam, nucleos pineos, mel, acetum, liquamen, oleum, et coques.

50. 10.2.4.1

    Aliter ius in murena elixa: piper, ligusticum, anethum, apii semen, rhus Syriacum, caryotam, mel, acetum, liquamen, oleum, sinape, defritum.

51. 10.2.5.1

    Aliter ius in murena elixa: piper, ligusticum, careum, apii semen, coriandrum, mentam aridam, nuj cleos pineos, rutam, mel, acetum, vinum, liquamen, oleum modice. calefacies et amulo obligas.

52. 10.2.6.1

    Aliter ius in murena elixa: piper, ligusticum, careum, cuminum, nucleos, caryotam, sinape, mel, acetum, liquamen et oleum et defritüm,

53. 10.3.1.1

    Ius in lacertos elixos: piper, ligusticum; cuminum, rutam viridem, cepam, mel, acetum, liquamen, oleum modice. cum bullierit, amulo obligas.

54. 10.3.2.1

    Ius in pisce elixo: piper, ligusticum, petroselinum, origanum, cepam aridam, mel, acetum, liquamen, vinum, oleum modice. cum bullierit, amulo obligas. et in lance inferes.

55. 10.3.3.1

    Ius in pisce asso: piper, ligusticum, thymum, coriandrum viride, mel, acetum, liquamen, vinum, oleum, defritum. calefacies et agitabis rutae surculo et obligabis amulo.

56. 10.3.4.1

    Ius in thynno: piper, cuminum, thymum, coriandrum, cepam, uvam passum, acetum, mel, vinum, liquamen, oleum. calefacies; amulo obligabis.

57. 10.3.5.1

    Ius in thynno elixo: piper, ligusticum, thymum, condimenta moretaria, cepam, caryotam, mel, acetum, liquamen et oleum et sinape.

58. 10.3.6.1

    Ius in dentice asso: piper, ligusticum, coriandrum, mentam, rutam aridam, malum Cydonium coctum, mel, vinum, liquamen, oleum. calefacies, amulo obligabis.

59. 10.3.7.1

    In dentice elixo: piper, anethum, cuminum, thymum, mentam, rutam viridem, mel, acetum, liquamen, vinum, oleum modice. calefacies et amulo obligabis. Ius in pisce aurata: piper,

60. 10.3.8.1

    ligusticum, careum, origanum, rutae bacam, mentam, myrtae bacam, ovi vitellum, mel, acetum, oleum, vinum, liquamen. calefacies et sic uteris.

61. 10.3.9.1

    Ius in pisce aurata assa: piper, coriandrum, mentam aridam, apii semen, cepam, uvam passam, mel, acetum, vinum, liquamen et oleum.

62. 10.3.10.1

    Ius in scorpione elixo: piper, careum, petroselinum, caryotam, mel, acetum, liquamen, sinape, oleum, defritum.

63. 10.3.11.1

    In pisce oenogarum: teres piper, rutam, mel commíisces, passum, liquamen, caroenum, et igni mollissimo calefacies.

64. 10.3.12.1

    Aliter in pisce oenogarum: ut supra facies. cum bullierit, amulo obligabis.

65. 10.4.1.1

    IN ANGVILLAM. Ius in anguillam: piper, ligusticum, apii semen, anethum, rhus Syriacum, caryotam, mel, acetum, liquamen, oleum, sinape et defritum.

66. 10.4.2.1

    Aliter ius in anguillam: piper, ligusticum, rhus Syriacum, mentam siccam, rutae bacas, ovorum vitella cocta, mulsum, acetum, liquamen, oleum. coques.

← Previous — showing 401–466 of 466

Open Greek and Latin: Latin. CTS URN phi2003.phi001.opp-lat3. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.