← Library

Carmina

Perseus Latin · Perseus Latin · 2,286 sections

1. lyrics.1.1

   Cui dono lepidum novum libellum

2. lyrics.1.2

   arido modo pumice expolitum?

3. lyrics.1.3

   Corneli, tibi; namque tu solebas

4. lyrics.1.4

   meas esse aliquid putare nugas,

5. lyrics.1.5

   iam tum cum ausus es unus Italorum

6. lyrics.1.6

   omne aevum tribus explicare chartis,

7. lyrics.1.7

   doctis, Iuppiter, et laboriosis!

8. lyrics.1.8

   quare habe tibi quidquid hoc libelli

9. lyrics.1.9

   qualecumque, quod, o patrona virgo,

10. lyrics.1.10

    plus uno maneat perenne saeclo.

11. lyrics.2.1

    Passer, deliciae meae puellae,

12. lyrics.2.2

    quicum ludere, quem in sinu tenere,

13. lyrics.2.3

    cui primum digitum dare adpetenti

14. lyrics.2.4

    et acris solet incitare morsus,

15. lyrics.2.5

    cum desiderio meo nitenti

16. lyrics.2.6

    carum nescio quid libet iocari

17. lyrics.2.7

    (et solaciolum sui doloris,

18. lyrics.2.8

    credo, ut tum gravis adquiescat ardor),

19. lyrics.2.9

    tecum ludere sicut ipsa possem

20. lyrics.2.10

    et tristis animi levare curas!

21. lyrics.2.11

    Tam gratum est mihi quam ferunt puellae

22. lyrics.2.12

    pernici aureolum fuisse malum,

23. lyrics.2.13

    quod zonam solvit diu ligatam.

24. lyrics.3.1

    Lugete, o Veneres Cupidinesque

25. lyrics.3.2

    et quantum est hominum venustiorum!

26. lyrics.3.3

    passer mortuus est meae puellae,

27. lyrics.3.4

    passer, deliciae meae puellae,

28. lyrics.3.5

    quem plus illa oculis suis amabat;

29. lyrics.3.6

    nam mellitus erat, suamque norat

30. lyrics.3.7

    ipsa tam bene quam puella matrem,

31. lyrics.3.8

    nec sese a gremio illius movebat,

32. lyrics.3.9

    sed circumsiliens modo huc modo illuc

33. lyrics.3.10

    ad solam dominam usque pipiabat.

34. lyrics.3.11

    qui nunc it per iter tenebricosum

35. lyrics.3.12

    illuc unde negant redire quemquam.

36. lyrics.3.13

    at vobis male sit, malae tenebrae

37. lyrics.3.14

    Orci, quae omnia bella devoratis;

38. lyrics.3.15

    tam bellum mihi passerem abstulistis.

39. lyrics.3.16

    o factum male! o miselle passer!

40. lyrics.3.17

    tua nunc opera meae puellae

41. lyrics.3.18

    flendo turgiduli rubent ocelli.

42. lyrics.4.1

    Phasellus ille, quem videtis, hospites,

43. lyrics.4.2

    ait fuisse navium celerrimus,

44. lyrics.4.3

    neque ullius natantis impetum trabis

45. lyrics.4.4

    nequisse praeterire, sive palmulis

46. lyrics.4.5

    opus foret volare sive linteo.

47. lyrics.4.6

    et hoc negat minacis Hadriatici

48. lyrics.4.7

    negare litus insulasve Cycladas

49. lyrics.4.8

    Rhodumque nobilem horridamque Thraciam

50. lyrics.4.9

    Propontida trucemve Ponticum sinum,

51. lyrics.4.10

    ubi iste post phasellus antea fuit

52. lyrics.4.11

    comata silva: nam Cytorio in iugo

53. lyrics.4.12

    loquente saepe sibilum edidit coma.

54. lyrics.4.13

    Amastri Pontica et Cytore buxifer,

55. lyrics.4.14

    tibi haec fuisse et esse cognitissima

56. lyrics.4.15

    ait phasellus; ultima ex origine

57. lyrics.4.16

    tuo stetisse dicit in cacumine,

58. lyrics.4.17

    tuo imbuisse palmulas in aequore,

59. lyrics.4.18

    et inde tot per impotentia freta

60. lyrics.4.19

    erum tulisse, laeva sive dextera

61. lyrics.4.20

    vocaret aura, sive utrumque Iuppiter

62. lyrics.4.21

    simul secundus incidisset in pedem;

63. lyrics.4.22

    neque ulla vota litoralibus diis

64. lyrics.4.23

    sibi esse facta, cum veniret a mari

65. lyrics.4.24

    novissimo hunc ad usque limpidum lacum.

66. lyrics.4.25

    sed haec prius fuere: nunc recondita

67. lyrics.4.26

    senet quiete seque dedicat tibi,

68. lyrics.4.27

    gemelle Castor et gemelle Castoris.

69. lyrics.5.1

    Vivamus, mea Lesbia, atque amemus,

70. lyrics.5.2

    rumoresque senum severiorum

71. lyrics.5.3

    omnes unius aestimemus assis.

72. lyrics.5.4

    soles occidere et redire possunt:

73. lyrics.5.5

    nobis, cum semel occidit brevis lux,

74. lyrics.5.6

    nox est perpetua una dormienda.

75. lyrics.5.7

    da mi basia mille, deinde centum,

76. lyrics.5.8

    dein mille altera, dein secunda centum,

77. lyrics.5.9

    deinde usque altera mille, deinde centum,

78. lyrics.5.10

    dein, cum milia multa fecerimus,

79. lyrics.5.11

    conturbabimus illa, ne sciamus,

80. lyrics.5.12

    aut ne quis malus invidere possit,

81. lyrics.5.13

    cum tantum sciat esse basiorum.

82. lyrics.6.1

    Flavi, delicias tuas Catullo,

83. lyrics.6.2

    ni sint inlepidae atque inelegantes,

84. lyrics.6.3

    velles dicere, nec tacere posses.

85. lyrics.6.4

    verum nescio quid febriculosi

86. lyrics.6.5

    scorti diligis: hoc pudet fateri.

87. lyrics.6.6

    nam te non viduas iacere noctes

88. lyrics.6.7

    nequiquam tacitum cubile clamat

89. lyrics.6.8

    sertis ac Syrio fragrans olivo,

90. lyrics.6.9

    pulvinusque peraeque et hic et ille

91. lyrics.6.10

    attritus, tremulique quassa lecti

92. lyrics.6.11

    argutatio inambulatioque.

93. lyrics.6.12

    nam nil stupra valet, nihil, tacere.

94. lyrics.6.13

    cur? non tam latera ecfututa pandas,

95. lyrics.6.14

    ni tu quid facias ineptiarum.

96. lyrics.6.15

    quare, quidquid habes boni malique,

97. lyrics.6.16

    dic nobis: volo te ac tuos amores

98. lyrics.6.17

    ad caelum lepido vocare versu.

99. lyrics.7.1

    Quaeris quot mihi basiationes

100. lyrics.7.2

     tuae, Lesbia, sint satis superque.

Next → — showing 1–100 of 2,286

Perseus Latin. CTS URN phi0472.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.