Asinaria

Perseus Latin · Perseus Latin · 1,185 sections

prologue.pr.1
Hoc agite sultis, spectatores, nunciam,
prologue.pr.2
quae quidem mihi atque vobis res vertat bene
prologue.pr.3
gregique huíc et dominis atque conductoribus.
prologue.pr.4
face nunciam tu, praeco, omnem auritum poplum.
prologue.pr.5
age nunc reside, cave modo ne gratiis.
prologue.pr.6
nunc quid processerim huc et quid mihi voluerim
prologue.pr.7
dicam: ut sciretis nomen huius fabulae;
prologue.pr.8
nam quod ad argumentum attinet, sane brevest.
prologue.pr.9
nunc quod me dixi velle vobis dicere,
prologue.pr.10
dicam: húic nomen graece Onagost fabulae;
prologue.pr.11
Demophilus scripsit, Maccus vortit barbare;
prologue.pr.12
Asinariam volt esse, si per vos licet.
prologue.pr.13
inest lepos ludusque in hac comoedia,
prologue.pr.14
ridicula res est. date benigne operam mihi,
prologue.pr.15
ut vos, ut alias, pariter nunc Mars adiuvet.
1.1.16
Sicut tuom vis unicum gnatum tuae
1.1.17
superesse vitae sospitem et superstitem,
1.1.18
ita ted obtestor per senectutem tuam
1.1.19
perque illam, quam tu metuis, uxorem tuam,
1.1.20
si quid med erga hodie falsum dixeris,
1.1.21
ut tibi superstes uxor aetatem siet
1.1.22
atque illa viva vivos ut pestem oppetas.
1.1.23
Per Dium Fidium quaeris: iurato mihi
1.1.24
video necesse esse eloqui quidquid roges.
1.1.25
ita me obstinate adgressu'sadgressus es, ut non audeam
1.1.26
profecto, percontanti quin promam omnia.
1.1.27
proinde actutum istuc quid sit quod scire expetis
1.1.28
eloquere: ut ipse scibo, te faciam ut scias.
1.1.29
Dic obsecro hercle serio quod te rogem,
1.1.30
cave míhi mendaci quicquam.
1.1.30b
Quin tu ergo rogas?
1.1.31
Num me illuc ducis, ubi lapis lapidem terit?
1.1.32
Quid istúc est? aut ubi istúc est terrarum loci?
1.1.33
Vbi flent nequam homines, qui polentam pinsitant.
1.1.34
apud fústitudinas, ferricrepinas insulas,
1.1.35
ubi vivos homines mortui incursant boves.
1.1.36
Modo pol percepi, Libane, quid istuc sit loci:
1.1.37
ubi fit polenta, te fortasse dicere.
1.1.37b
Ah,
1.1.38
neque hercle ego istuc dico nec dictum volo,
1.1.39
teque obsecro hercle ut quae locutu'slocutus es despuas.
1.1.40
Fiat, geratur mos tibi.
1.1.40b
Age, age usque excrea.
1.1.41
Etiamne?
1.1.41b
Age quaeso hercle usque ex penitis faucibus.
1.1.42
etiam amplius.
1.1.42b
Nam quo usque?
1.1.42c
Vsque ad mortem volo.
1.1.43
Cave sís malam rem.
1.1.43b
Vxoris dico, non tuam.
1.1.44_45
Dono te ob istuc dictum, ut expers sis metu.
1.1.46
Di tibi dent quaecumque optes.
1.1.46b
Redde operam mihi.
1.1.47
cur hoc ego ex te quaeram? aut cur miniter tibi
1.1.48
propterea quod me non scientem feceris?
1.1.49
aut cur postremo filio suscenseam,
1.1.50
patres ut faciunt ceteri?
1.1.50b
Quid istúc novi est?
1.1.51
demiror quid sit et quo evadat sum in metu.
1.1.52
Equidem scio iam, filius quod amet meus
1.1.53
istanc meretricem e proxumo Philaenium.
1.1.54
estne hoc ut dico, Libane?
1.1.54b
Rectam instas viam.
1.1.55
ea res est. sed eum morbus invasit gravis.
1.1.56
Quid morbi est?
1.1.56b
Quia non suppetunt dictis data.
1.1.57
Tune es adiutor nunc amanti filio?
1.1.58
Sum vero, et alter noster est Leonida.
1.1.59
Bene hercle facitis ét a me initis gratiam.
1.1.60
verum meam uxorem, Libane, nescis qualis sit?
1.1.61
Tu primus sentis, nos tamen in pretio sumus.
1.1.62
Fateór eam esse importunam atque incommodam.
1.1.63
Posterius istuc dicis quam credo tibi.
1.1.64
Omnes parentes, Libane, liberis suis,
1.1.65
qui mi auscultabunt, facient obsequellam†
1.1.66
quippe quí mage amico utantur gnato et benevolo.
1.1.67
atque ego me id facere studeo, volo amari a meis;
1.1.68
volo mé patris mei similem, qui causa mea
1.1.69
nauclerico ipse ornatu per fallaciam
1.1.70
quam amabam abduxit ab lenone mulierem;
1.1.71
neque puduit eum id aetatis sycophantias
1.1.72
struere et beneficiis me emere gnatum suom sibi.
1.1.73
eos mé decretumst persequi mores patris.
1.1.74
nam me hodie oravit Argyrippus filius,
1.1.75
uti sibi amanti facerem argenti copiam;
1.1.76
et íd ego percupio obsequi gnato meo.
1.1.77
volo amori obsecutum illius, volo amet me patrem.
1.1.78
quamquam illum mater arte contenteque habet,
1.1.79
patres ut consueverunt: ego mitto omnia haec.
1.1.80
praesertim quom is me dignum quoi concrederet
1.1.81
habuit, me habere honorem eius ingenio decet;
1.1.82
quom me adiit, ut pudentem gnatum aequomst patrem,
1.1.83
cupio esse amicae quod det argentum suae.
1.1.84
Cupis id quod cupere te nequiquam intellego.
1.1.85
dotalem servom Sauream uxor tua
1.1.86
adduxit, cui plus in manu sit quam tibi.
1.1.87
Argentum accepi, dote imperium vendidi.
1.1.88
nunc verba in pauca conferam quid te velim.
1.1.89
viginti iam usust filio argenti minis:
1.1.90
face id ut paratum iam sit.

Perseus Latin. CTS URN phi0119.phi002.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.