← Library

Balde2

Latin Library (medieval and later) · The Latin Library · 5 sections

1. 1

   Balde: Ad Iulium Orstenam de more unguendorum cadaverum

2. 2

   JACOB BALDE

3. 3

   AD IULIUM ORSTENAM DE MORE UNGUENDORUM CADAVERUM

4. 4

   Refert, scilicet, Orstena, quo manes pretio sub tumulos eant defossi, quibus oblinas succis et religes funera linteis non sensura Canopici heredis vacuam laude superbiam. clementes tenebras petit mors contenta loco quolibet: angulus iam regale palatium est. quae Natura parit, functa recolligit communi gremio, neque distinguit cineres terra novissimos. trunco sex spatium pedum et cippus cum modico cespite sit satis. luxum cetera barbarum spirant et nimiae frusta ferociae, indignantia ferreis fatorum tabulis. quid magis aspides et longam cupidi famem invitet colubri quam capulo tenus uncta et lota cadavera? costumque et casiam et malobathrum Syrus membris imbibat omnibus, pollinctumque super funebris India plenis sumptibus ardeat: si non et pretio fama fragret suo, frustra spargit amaracum. foetebit sub humo taetrius insulis eiectnatibus ostrea et Neptuni vomitum putris ab aequore. nasum cinnama non movent in Sullae cineres iacta, nec efferunt crudeles animas rogo. pauper Fabricius, quem populi favor alto pectore condidit, et Brutus Deciis additus et Cato gypsatusque Britannicus haud nardum redolent, turicremis tamen praestant mille Neronibus. virtus est pheretri nobile balsamum.

5. 5

   Neo-Latin The Latin Library The Classics Page

The Latin Library (thelatinlibrary.com), via CLTK's latin_text_latin_library mirror. Public Domain Mark 1.0: no copyright. Licence: Public Domain Mark 1.0. Source.