Burnett
- 1
JOSEPHUS ADDISON: AD INSIGNISSIMUM VIRUM
- 2
JOSEPHUS ADDISON AD INSIGNISSIMUM VIRUM D. THO. BURNETTUM, SACRAE THEORIAE TELLURIS AUTOREM
- 3
Non usitatum carminis alitem, Burnette, poscis, non humiles modos: Vulgare plectrum, languidaeque Respuis officium Camoenae. Tu mixta rerum semina conscius, Molemque cernis dissociabilem, Terramque concretam, et latentem Oceanum gremio capaci: Dum veritatem quaerere pertinax
- 4
Ignota pandis, sollicitus parum 10 Utcunque stet commune vulgi Arbitrium et popularis error. Auditur ingens continuo fragor, Illapsa tellus lubrica deserit Fundamina, et compage fracta Suppositas gravis urget undas. Impulsus erumpit medius liquor Terras aquarum effusa licentia Claudit vicissim; has inter orbis
- 5
Relliquiae fluitant prioris. 20 Nunc et recluso carcere lucidam Balaena spectat solis imaginem, Stellasque miratur natantes, Et tremulae simulacra lunae. Quae pompa vocum non imitabilis! Qualis calescit spiritus ingeni? Ut tollis undas! ut frementem Diluvii reprimis tumultum! Quis tam valenti pectore ferreus
- 6
Ut non tremiscns et timido pede 30 Incedat, orbis dum dolosi Detegis instabiles ruinas? Quin haec cadentum fragmina montium Natura vultum sumere simplicem Coget refingens, in priorem Mox iterum reditura formam. Nimbis rubentem sulphureis Jovem Cernas; ut udis saevit atrox hyems Incendiis, commune mundo
- 7
Et populis meditata bustum! 40 Jamque alta coeli moenia corruunt, Et vestra tandem pagina (proh nefas!) Burnette, vestra augebit ignes, Heu socio peritura mundo. Mox aequa tellus, mox subitus viror Ubique rident: En teretem globum! En laeta vernantis Favonî Flamina, perpetuosque flores! O pectus ingens! o animum gravem,
- 8
Mundi capacem! si bonus auguror, 50 Te, nostra quo tellus superbit, Accipiet renovata civem.
- 9
Addison Neo-Latin The Latin Library The Classics Page
The Latin Library (thelatinlibrary.com), via CLTK's latin_text_latin_library mirror. Public Domain Mark 1.0: no copyright. Licence: Public Domain Mark 1.0. Source.