Revelation (Bohairic Coptic)

Coptic New Testament (Bohairic) · 405 sections

18.4
ⲟⲩⲟϩ ⲁⲓⲥⲱⲧⲉⲙ ⲉⲟⲩⲥⲙⲏ ⲉⲃⲟⲗ ϧⲉⲛⲧⲫⲉ ⲉⲥϫⲱ ⲙⲙⲟⲥ ϫⲉⲁⲙⲱⲓⲛⲓ ⲉⲃⲟⲗ ⲛϧⲏⲧⲥ ⲛⲁⲡⲁⲗⲁⲟⲥ ϩⲓⲛⲁ ⲛⲧⲉⲧⲉⲛϣⲧⲉⲙϭⲓ ⲉⲃⲟⲗ ϧⲉⲛⲛⲉⲥⲉⲣϧⲟⲧ
I heard another voice from heaven, saying, 'Come out of her, my people, that you have no participation in her sins, and that you don't receive of her plagues,
18.5
ϫⲉⲁⲩⲧⲟⲙⲟⲩ ⲉⲣⲟⲥ ⲛϫⲉⲛⲉⲥⲛⲟⲃⲓ ϣⲁⲉϩⲣⲏⲓ ⲉⲧⲫⲉ ⲟⲩⲟϩ ⲁⲫⲛⲟⲩϯ ⲉⲣⲫⲙⲉⲩⲓ ⲛⲛⲉⲥϭⲓⲛϫⲟⲛⲥ .
for her sins have reached to the sky, and God has remembered her iniquities.
18.6
ⲙⲟⲓ ⲛⲁⲥ ⲙⲫⲣⲏϯ ⲉⲧⲁⲥϯϣⲉⲃⲓⲱ ⲙⲙⲟϥ ⲟⲩⲟϩ ⲕⲟⲃⲟⲩ ⲛⲁⲥ ⲕⲁⲧⲁⲛⲉⲥϩⲃⲏⲟⲩⲓ ϧⲉⲛⲡⲉⲥⲁⲫⲟⲧ ⲙⲫⲣⲏϯ ⲉⲧⲁⲥⲑⲟⲧϥ ⲕⲟⲃϥ ⲛⲁⲥ
Return to her just as she returned, and repay her double as she did, and according to her works. In the cup which she mixed, mix to her double.
18.7
ⲡⲓⲱⲟⲩ ⲉⲧⲁⲥϣⲱⲡⲓ ⲛϧⲏⲧϥ ⲛⲉⲙⲡⲓϫⲉⲣϫⲉⲣ ⲙⲏⲓϥ ⲛⲁⲥ ⲛⲉⲙⲕⲁϩ ⲛϩⲏⲧ ⲛⲉⲙϩⲏⲃⲓ ϫⲉⲥϫⲱ ⲙⲙⲟⲥ ϧⲉⲛⲡⲉⲥϩⲏⲧ ϫⲉϯⲛⲁϩⲉⲙⲥⲓ ⲉⲓⲟⲓ ⲛⲟⲩⲣⲱ ⲟⲩⲟϩ ⲁⲛⲟⲕ ⲟⲩⲭⲏⲣⲁ ⲁⲛ ⲟⲩⲟϩ ⲛⲛⲁⲛⲁⲩ ⲉϩⲏⲃⲓ .
However much she glorified herself, and grew wanton, so much give her of torment and mourning. For she says in her heart, 'I sit a queen, and am no widow, and will in no way see mourning.'
18.8
ⲉⲑⲃⲉⲫⲁⲓ ϧⲉⲛⲟⲩⲉϩⲟⲟⲩ ⲛⲟⲩⲱⲧ ⲉⲩⲉⲓ ⲛϫⲉⲛⲉⲥⲉⲣϧⲟⲧ ⲟⲩⲙⲟⲩ ⲛⲉⲙⲟⲩϩⲏⲃⲓ ⲛⲉⲙⲟⲩϩⲕⲟ ⲟⲩⲟϩ ⲉⲥⲉⲣⲱⲕϩ ϧⲉⲛⲡⲓⲭⲣⲱⲙ ϫⲉϥϫⲟⲣ ⲛϫⲉⲡϭⲟⲓⲥ ⲫⲛⲟⲩϯ ⲫⲏ ⲉⲧⲁϥϯϩⲁⲡ ⲉⲣⲟⲥ .
Therefore in one day her plagues will come: death, mourning, and famine; and she will be utterly burned with fire; for the Lord God who has judged her is strong.
18.9
ⲟⲩⲟϩ ⲉⲩⲉⲣⲓⲙⲓ ⲉⲩⲉⲛⲉϩⲡⲓ ⲉϩⲣⲏⲓ ⲉϫⲱⲥ ⲛϫⲉⲛⲓⲟⲩⲣⲱⲟⲩ ⲧⲏⲣⲟⲩ ⲛⲧⲉⲡⲕⲁϩⲓ ⲛⲏ ⲉⲧⲁⲩⲉⲣⲡⲟⲣⲛⲉⲩⲓⲛ ⲧⲏⲣⲟⲩ ⲟⲩⲟϩ ⲁⲩϫⲉⲣϫⲉⲣ ⲉϣⲱⲡ ⲇⲉ ⲁⲩϣⲁⲛⲛⲁⲩ ⲉⲡⲓⲭⲣⲉⲙⲧⲥ ⲛⲧⲉⲡⲉⲥⲣⲱⲕϩ
The kings of the earth, who committed sexual immorality and lived wantonly with her, will weep and wail over her, when they look at the smoke of her burning,
18.10
ⲉⲩⲉⲟϩⲓ ⲉⲣⲁⲧⲟⲩϩⲓⲫⲟⲩⲉⲓ ⲉⲑⲃⲉⲧϩⲟϯ ⲛⲧⲉⲡⲉⲥⲧϩⲉⲙⲕⲟ ⲉⲩϫⲱ ⲙⲙⲟⲥ ϫⲉⲟⲩⲟⲓ ⲛⲁⲥ ⲟⲩⲟⲓ ⲛⲁⲥ ϯⲛⲓϣϯ ⲙⲡⲟⲗⲓⲥ ⲃⲁⲃⲩⲗⲱⲛ ϯⲡⲟⲗⲓⲥ ⲉⲧϫⲉⲣϫⲉⲣ ϧⲉⲛⲟⲩⲟⲩⲛⲟⲩ ⲁϥⲓ ⲛϫⲉⲡⲉⲥϩⲁⲡ .
standing far away for the fear of her torment, saying, 'Woe, woe, the great city, Babylon, the strong city! For your judgment has come in one hour.'
18.11
ⲟⲩⲟϩ ⲛⲓϣⲟϯ ⲛⲧⲉⲡⲕⲁϩⲓ ⲉⲩⲉⲣⲓⲙⲓ ⲉⲩⲉⲉⲣϩⲏⲃⲓ ⲉϩⲣⲏⲓ ⲉϫⲱⲥ ϫⲉⲙⲙⲟⲛ ϩⲗⲓ ⲛⲁϣⲉⲡ ⲛⲟⲩⲅⲟⲙⲟⲥ ⲛⲧⲟⲧⲟⲩ
The merchants of the earth weep and mourn over her, for no one buys their merchandise any more;
18.12
ⲡⲟⲩⲅⲟⲙⲟⲥ ⲛⲛⲟⲩⲃ ⲛⲉⲙⲡⲟⲩⲅⲟⲙⲟⲥ ⲛϩⲁⲧ ⲛⲉⲙⲛⲓⲱⲛⲓ ⲉⲧⲧⲁⲓⲏⲟⲩⲧ ⲛⲉⲙⲛⲓⲙⲁⲣⲅⲁⲣⲓⲧⲏ ⲥⲛⲉⲙ ⲛⲓϣⲉⲛⲥ ⲛⲉⲙϭⲏϫⲓ ⲛⲉⲙⲟⲗⲟⲥⲓⲣⲓⲕⲟⲛ ⲛⲉⲙⲕⲟⲕⲕⲓⲛⲟⲛ ⲛⲉⲙⲥⲕⲉⲩⲟⲥ ⲛⲓⲃⲉⲛ ⲛⲉⲗⲉⲫⲁⲛⲧⲓⲛⲟⲛ ⲛⲉⲙⲥⲕⲉⲩⲟⲥ ⲛⲓⲃⲉⲛ ⲉⲃⲟⲗ ϧⲉⲛⲛⲓϣⲉ ⲉⲧⲧⲁⲓⲏⲟⲩⲧ ⲛⲉⲙϣⲉ ⲛⲓⲃⲉⲛ ⲛⲑⲩⲓⲛⲟⲛ ⲛⲉⲙϩⲟⲙⲧ ⲛⲉⲙⲃⲉⲛⲓⲡⲓ ⲛⲉⲙⲙⲁⲣⲙⲁⲣⲟⲛ
merchandise of gold, silver, precious stones, pearls, fine linen, purple, silk, scarlet, all expensive wood, every vessel of ivory, every vessel made of most precious wood, and of brass, and iron, and marble;
18.13
ⲛⲉⲙⲕⲩⲛⲁⲙⲱⲛⲟⲛ ⲛⲉⲙⲥⲑⲟⲓⲛⲟⲩϥⲓ ⲛⲉⲙⲥⲟϫⲉⲛ ⲛⲉⲙⲗⲓⲃⲁⲛⲟⲥ ⲛⲉⲙⲏⲣⲡ ⲛⲉⲙⲛⲉϩ ⲛⲉⲙⲥⲩⲙⲉⲇⲁⲗⲓⲟⲛ ⲛⲥⲟⲩⲟ ⲛⲉⲙⲧⲉⲃⲛⲏ ⲛⲉⲙⲉⲥⲱⲟⲩ ⲛⲉⲙϩⲑⲟ ⲛⲉⲙⲥⲱⲙⲁ ⲛⲉⲙⲯⲩⲭⲏ ⲛⲣⲱⲙⲓ .
and cinnamon, incense, perfume, frankincense, wine, olive oil, fine flour, wheat, sheep, horses, chariots, and people's bodies and souls.
18.14
ⲛⲉⲙⲥⲡⲟⲣⲁ ⲛⲧⲉϯⲉⲡⲓⲑⲩⲙⲓⲁ ⲛⲧⲉϯⲯⲩⲭⲏ ⲁⲩϣⲉ ⲛⲱⲟⲩ ⲉⲃⲟⲗ ϩⲁⲣⲟⲛⲉⲙⲛⲉⲕⲉⲛⲓ ⲧⲏⲣⲟⲩ ⲛⲉⲙⲛⲉⲫⲓⲣⲓ ⲁⲩⲧⲁⲕⲟ ⲉⲃⲟⲗ ϩⲁⲣⲟⲟⲩⲟϩ ⲛⲛⲟⲩϫⲉⲙⲟⲩ ϫⲉⲛϫⲉⲛⲉϣⲟϯ .
The fruits which your soul lusted after have been lost to you, and all things that were dainty and sumptuous have perished from you, and you will find them no more at all.
18.15
ϫⲉⲛⲁⲓ ⲛⲉⲛⲏ ⲉⲧⲁⲩⲉⲣⲣⲁⲙⲁⲟ ⲉⲃⲟⲗ ⲙⲙⲟ ⲉⲩⲟϩⲓ ⲉⲣⲁⲧⲟⲩϩⲓⲫⲟⲩⲉⲓ ⲉⲑⲃⲉⲧϩⲟϯ ⲛⲧⲉⲡⲉⲥⲧϩⲉⲙⲕⲟ ⲉⲩⲉⲣⲓⲙⲓ ⲉⲩⲉⲉⲣϩⲏⲃⲓ
The merchants of these things, who were made rich by her, will stand far away for the fear of her torment, weeping and mourning;
18.16
ⲉⲩϫⲱ ⲙⲙⲟⲥ ϫⲉⲟⲩⲟⲓ ⲛⲁⲥ ⲟⲩⲟⲓ ⲛⲁⲥ ϯⲛⲓϣϯ ⲙⲡⲟⲗⲓⲥ ⲑⲏ ⲉⲧϫⲟⲗϩ ⲙⲡⲓϣⲉⲛⲥ ⲛⲉⲙⲡⲓϭⲏϫⲓ ⲛⲉⲙⲡⲓⲕⲟⲕⲕⲓⲛⲟⲛ ⲉⲧⲟⲓ ⲛⲓⲉⲃ ⲛⲛⲟⲩⲃ ⲛⲉⲙⲡⲓⲱⲛⲓ ⲉⲛⲁϣⲉⲛⲥⲟⲩⲉⲛϥ ⲛⲉⲙⲡⲓⲙⲁⲣⲅⲁⲣⲓⲧⲏⲥ
saying, 'Woe, woe, the great city, she who was dressed in fine linen, purple, and scarlet, and decked with gold and precious stones and pearls!
18.17
ϫⲉⲛϩⲣⲏⲓ ϧⲉⲛⲟⲩⲟⲩⲛⲟⲩ ⲁⲥϣⲱϥ ⲛϫⲉⲧⲁⲓⲛⲓϣϯ ⲙⲙⲉⲧⲣⲁⲙⲁⲟ ⲟⲩⲟϩ ⲣⲉϥⲉⲣϩⲉⲙⲓ ⲛⲓⲃⲉⲛ ⲛⲧⲉⲫⲓⲟⲙ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲉⲣϩⲱⲧ ϧⲉⲛⲡⲓⲟⲙ ⲉⲩⲟϩⲓ ⲉⲣⲁⲧⲟⲩϩⲓⲫⲟⲩⲉⲓ
For in an hour such great riches are made desolate.' Every shipmaster, and everyone who sails anywhere, and mariners, and as many as gain their living by sea, stood far away,
18.18
ⲟⲩⲟϩ ⲉⲩⲱϣ ⲉⲃⲟⲗ ⲉⲩⲛⲁⲩ ⲉⲡⲓⲭⲣⲉⲙⲧⲥ ⲛⲧⲉⲡⲉⲥⲣⲱⲕϩ ⲉⲩϫⲱ ⲙⲙⲟⲥ ϫⲉⲛⲓⲙ ⲉⲧⲟⲛⲓ ⲛⲧⲁⲓⲛⲓϣϯ ⲙⲃⲁⲕⲓ .
and cried out as they looked at the smoke of her burning, saying, 'What is like the great city?'
18.19
ⲟⲩⲟϩ ⲁⲩⲧⲁⲗⲉ ⲕⲁϩⲓ ⲉϫⲉⲛⲧⲟⲩⲁⲫⲉ ⲉⲩⲱϣ ⲉⲃⲟⲗ ⲉⲩⲣⲓⲙⲓ ⲛⲉⲙⲉⲩⲉⲣϩⲏⲃⲓ ⲉⲩϫⲱ ⲙⲙⲟⲥ ϫⲉⲟⲩⲟⲓ ⲛⲁⲥ ϯⲛⲓϣϯ ⲙⲡⲟⲗⲓⲥ ⲑⲏ ⲉⲧⲁⲩⲉⲣⲣⲁⲙⲁⲟ ⲉⲃⲟⲗ ⲛϧⲏⲧⲥ ⲛϫⲉⲛⲏ ⲉⲧⲉⲛⲟⲩⲉϫⲏⲟⲩ ϧⲉⲛⲡⲓⲟⲙ ⲉⲁⲩⲉⲣⲣⲁⲙⲁⲟ ⲉⲃⲟⲗ ϧⲉⲛⲡⲉⲥⲧⲁⲓⲟ ϫⲉⲛϩⲣⲏⲓ ϧⲉⲛⲟⲩⲟⲩⲛⲟⲩ ⲁⲥϣⲱϥ .
They cast dust on their heads, and cried, weeping and mourning, saying, 'Woe, woe, the great city, in which all who had their ships in the sea were made rich by reason of her great wealth!' For in one hour is she made desolate.
18.20
ⲟⲩⲛⲟϥ ⲙⲙⲟ ⲧⲫⲉ ⲉϩⲣⲏⲓ ⲉϫⲱⲥ ⲛⲉⲙⲛⲓϩⲁⲅⲓⲟⲥ ⲧⲏⲣⲟⲩ ⲛⲉⲙⲛⲓⲁⲡⲟⲥⲧⲟⲗⲟⲥ ⲛⲉⲙⲛⲓⲡⲣⲟⲫⲏⲧⲏⲥ ϫⲉⲁⲡϭⲟⲓⲥ ⲫⲛⲟⲩϯ ⲁϥⲓⲣⲓ ⲙⲡⲉⲧⲉⲛϩⲁⲡ ⲉⲃⲟⲗ ⲙⲙⲟⲥ .
'Rejoice over her, O heaven, you saints, apostles, and prophets; for God has judged your judgment on her.'
18.21
ⲟⲩⲟϩ ⲁⲟⲩⲁⲅⲅⲉⲗⲟⲥ ⲉϥϫⲟⲣ ⲁϥⲉϣ ⲟⲩϧⲣⲱⲟⲩ ⲉⲃⲟⲗ ⲟⲩⲟϩ ⲁϥⲉⲗ ⲟⲩⲛⲓϣϯ ⲛⲱⲛⲓ ⲙⲙⲏⲭⲁⲛⲏ ⲁϥⲃⲉⲣⲃⲟⲣϥ ⲉϧⲣⲏⲓ ⲉⲫⲓⲟⲙ ⲉϥϫⲱ ⲙⲙⲟⲥ ϫⲉⲡⲁⲓⲣⲏϯ ϧⲉⲛⲟⲩϩⲉⲓ ⲥⲛⲁϩⲉⲓ ⲛϫⲉⲃⲁⲃⲩⲗⲱⲛ ⲟⲩⲟϩ ⲥⲉⲛⲁϩⲓⲧⲥ ⲉⲡⲉⲥⲏⲧ ⲉϯⲛⲓϣϯ ⲛⲗⲩⲙⲛⲏ ⲟⲩⲟϩ ϯⲛⲓϣϯ ⲙⲃⲁⲕⲓ ⲛⲛⲟⲩϫⲉⲙⲥ ϫⲉ .
A mighty angel took up a stone like a great millstone and cast it into the sea, saying, 'Thus with violence will Babylon, the great city, be thrown down, and will be found no more at all.
18.22
ⲟⲩⲇⲉ ⲧⲥⲙⲏ ⲛⲟⲩⲟⲩⲱⲓⲛⲓ ⲛⲉⲙⲟⲩⲣⲉϥϫⲱ ⲛⲉⲙⲟⲩⲥⲁⲗⲡⲓⲅⲝ ⲛⲛⲟⲩⲥⲱⲧⲉⲙ ⲉⲟⲩⲟⲛ ⲛϧⲏϯ ϫⲉⲛⲉⲙⲧⲉⲭⲛⲓⲧⲏⲥ ⲛⲓⲃⲉⲛ ⲛⲛⲟⲩϫⲉⲙⲟⲩ ⲛϧⲏϯ ϫⲉⲟⲩⲇⲉ ⲧⲥⲙⲏ ⲙⲙⲟⲩⲗⲱⲛ ⲛⲛⲟⲩⲥⲱⲧⲉⲙ ⲉⲣⲟϥ ⲛϧⲏϯ ϫⲉⲟⲩⲇⲉ
The voice of harpists, minstrels, flute players, and trumpeters will be heard no more at all in you. No craftsman, of whatever craft, will be found any more at all in you. The sound of a mill will be heard no more at all in you.
18.23
ⲟⲩⲟⲩⲱⲓⲛⲓ ⲛϧⲏⲃⲥ ⲛⲛⲉϥⲉⲣⲟⲩⲱⲓⲛⲓ ⲛϧⲏϯ ϫⲉⲟⲩⲇⲉ ⲧⲥⲙⲏ ⲛⲧⲉⲟⲩⲡⲁⲧϣⲉⲗⲉⲧ ⲛⲉⲙⲟⲩϣⲉⲗⲉⲧ ⲛⲛⲟⲩⲥⲱⲧⲉⲙ ⲉⲣⲟϥ ⲛϧⲏϯ ϫⲉⲛϫⲉⲛⲉϣⲟϯ ⲛⲉⲙⲛⲓⲟⲩⲣⲱⲟⲩ ⲛⲧⲉⲡⲕⲁϩⲓ ⲛⲉⲙⲛⲓⲙⲉⲧⲛⲓϣϯ ϫⲉⲛϧⲣⲏⲓ ϧⲉⲛⲛⲉⲫⲁϧⲣⲓ ⲁⲩⲥⲱⲣⲉⲙ ⲧⲏⲣⲟⲩ ⲛϫⲉⲛⲓⲉⲑⲛⲟⲥ .
The light of a lamp will shine no more at all in you. The voice of the bridegroom and of the bride will be heard no more at all in you; for your merchants were the princes of the earth; for with your sorcery all the nations were deceived.
18.24
ⲟⲩⲟϩ ⲁⲩϫⲉⲙ ⲡⲥⲛⲟϥ ⲛⲛⲓⲡⲣⲟⲫⲏⲧⲏⲥ ⲛⲉⲙⲛⲓϩⲁⲅⲓⲟⲥ ⲛϧⲏⲧⲥ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲁⲩϧⲉⲗϧⲟⲗⲟⲩ ϩⲓϫⲉⲛⲡⲕⲁϩⲓ .
In her was found the blood of prophets and of saints, and of all who have been slain on the earth.'
19.1
ⲙⲉⲛⲉⲛⲥⲁⲛⲁⲓ ⲁⲓⲥⲱⲧⲉⲙ ⲙⲫⲣⲏϯ ⲛⲟⲩⲛⲓϣϯ ⲛϧⲣⲱⲟⲩ ⲛⲧⲉⲟⲩⲙⲏϣ ⲉϥⲟϣ ϧⲉⲛⲧⲫⲉ ⲉⲩϫⲱ ⲙⲙⲟⲥ ϫⲉⲁⲗⲗⲏⲗⲟⲩⲓⲁ ⲡⲓⲟⲩϫⲁⲓ ⲛⲉⲙⲡⲓⲱⲟⲩ ⲛⲉⲙⲡⲓⲧⲁⲓⲟ ⲛⲉⲙϯϫⲟⲙ ⲛⲁⲡⲉⲛⲛⲟⲩϯ ⲛⲉϫⲉ ⲛⲉϥϩⲁⲡ ϩⲁⲛⲙⲉⲑⲙⲏⲓ ⲛⲉ .
After these things I heard something like a loud voice of a great multitude in heaven, saying, 'Hallelujah! Salvation, power, and glory belong to our God:
19.2
ⲟⲩⲟϩ ϧⲉⲛⲟⲩϩⲁⲡ ⲙⲙⲏⲓ ⲁϥϯϩⲁⲡ ⲉϯⲛⲓϣϯ ⲙⲡⲟⲣⲛⲏ ⲟⲩⲟϩ ⲁϥϭⲓ ⲙⲡⲉⲙⲡϣⲓϣ ⲙⲡⲥⲛⲟϥ ⲛⲧⲉⲛⲉϥⲉⲃⲓⲁⲓⲕ ⲉⲃⲟⲗ ϩⲓⲧⲟⲧⲥ .
for true and righteous are his judgments. For he has judged the great prostitute, who corrupted the earth with her sexual immorality, and he has avenged the blood of his servants at her hand.'
19.3
ⲟⲩⲟϩ ⲫⲙⲁϩ ⲁϥϫⲟⲥ ϫⲉⲁⲗⲗⲏⲗⲟⲩⲓⲁ ⲟⲩⲟϩ ⲡⲉⲥⲭⲣⲉⲙⲧⲥ ⲉϥⲉϣⲉ ⲉⲡϣⲱⲓ ϣⲁⲉⲛⲉϩ ⲛⲧⲉⲡⲓⲉⲛⲉϩ
A second said, 'Hallelujah! Her smoke goes up forever and ever.'
19.4
ⲟⲩⲟϩ ⲁⲩϩⲓⲧⲟⲩ ⲉⲡⲉⲥⲏⲧ ⲛϫⲉⲡⲓⲕⲇ ⲙⲡⲣⲉⲥⲃⲩⲧⲉⲣⲟⲥ ⲛⲉⲙⲡⲓⲇ ⲛⲍⲱⲟⲛ ⲟⲩⲟϩ ⲁⲩⲟⲩⲱϣⲧ ⲙⲫⲛⲟⲩϯ ⲫⲏ ⲉⲧϩⲉⲙⲥⲓ ϩⲓϫⲉⲛⲡⲓⲑⲣⲟⲛⲟⲥ ⲉⲩϫⲱ ⲙⲙⲟⲥ ϫⲉⲁⲙⲏⲛ ⲁⲗⲗⲏ ⲗⲟⲩⲓⲁ .
The twenty-four elders and the four living creatures fell down and worshiped God who sits on the throne, saying, 'Amen! Hallelujah!'
19.5
ⲟⲩⲟϩ ⲟⲩⲥⲙⲏ ⲁⲥⲓ ⲉⲃⲟⲗ ϩⲁⲡⲓⲑⲣⲟⲛⲟⲥ ⲉⲥϫⲱ ⲙⲙⲟⲥ ϫⲉⲥⲙⲟⲩ ⲉⲡⲉⲛⲛⲟⲩϯ ⲛⲉϥⲉⲃⲓⲁⲓⲕ ⲧⲏⲣⲟⲩ ⲛⲉⲙⲛⲏ ⲉⲧⲉⲣϩⲟϯ ϧⲁⲧⲉϥϩⲏ ⲛⲓⲕⲟⲩϫⲓ ⲛⲉⲙⲛⲓⲛⲓϣϯ .
A voice came forth from the throne, saying, 'Give praise to our God, all you his servants, you who fear him, the small and the great!'
19.6
ⲟⲩⲟϩ ⲁⲓⲥⲱⲧⲉⲙ ⲙⲫⲣⲏϯ ⲛⲟⲩⲛⲓϣϯ ⲛⲥⲙⲏ ⲛⲧⲉⲟⲩⲛⲓϣϯ ⲙⲙⲏϣ ⲛⲉⲙⲙⲫⲣⲏϯ ⲛⲧⲥⲙⲏ ⲛⲟⲩⲙⲏϣ ⲙⲙⲱⲟⲩ ⲛⲉⲙⲧⲥⲙⲏ ⲛⲧⲉϩⲁⲛϧⲁⲣⲁⲃⲁⲓ ⲉⲩϫⲟⲣ ⲉⲩϫⲱ ⲙⲙⲟⲥ ϫⲉⲁⲗⲗⲏ ⲗⲟⲩⲓⲁ ⲁϥⲉⲣⲟⲩⲣⲟ ⲛϫⲉⲡϭⲟⲓⲥ ⲫⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ .
I heard something like the voice of a great multitude, and like the voice of many waters, and like the voice of mighty thunders, saying, 'Hallelujah! For the Lord our God, the Almighty, reigns!
19.7
ⲙⲁⲣⲉⲛⲣⲁϣⲓ ⲟⲩⲟϩ ⲛⲧⲉⲛⲑⲉⲗⲏⲗ ⲟⲩⲟϩ ⲛⲧⲉⲛϯⲱⲟⲩ ⲛⲁϥ ϫⲉⲁϥⲓ ⲛϫⲉⲡⲓϩⲟⲡ ⲛⲧⲉⲡⲓϩⲓⲏⲃ ⲛⲉⲙⲧⲉϥϣⲉⲗⲉⲧ ⲉⲧⲁⲩⲥⲉⲃⲧⲱⲧⲥ ⲛⲁϥ
Let us rejoice and be exceedingly glad, and let us give the glory to him. For the marriage of the Lamb has come, and his wife has made herself ready.'
19.8
ⲟⲩⲟϩ ⲁⲩϯ ⲛⲁⲥ ϩⲓⲛⲁ ⲛⲧⲉⲥϯ ϩⲓⲱⲧⲥ ⲛⲟⲩϣⲉⲛⲥ ⲉϥⲫⲟⲣⲉⲓ ⲉϥⲟⲩⲁⲃ ⲡⲓϣⲉⲛⲥ ⲅⲁⲣ ⲛⲓⲙⲉⲑⲙⲏⲓ ⲛⲧⲉⲛⲓϩⲁⲅⲓⲟⲥ .
It was given to her that she would array herself in bright, pure, fine linen: for the fine linen is the righteous acts of the saints.
19.9
ⲟⲩⲟϩ ⲡⲉϫⲁϥ ⲛⲏⲓ ϫⲉⲥϧⲁⲓ ϫⲉⲱⲟⲩⲛⲓⲁⲧⲟⲩ ⲛⲛⲏ ⲉⲧⲁⲩⲑⲁϩⲙⲟⲩ ⲉⲡⲓⲇⲓⲡⲛⲟⲛ ⲛⲧⲉⲡⲓϩⲓⲏⲃ ⲟⲩⲟϩ ⲡⲉϫⲁϥ ⲛⲏⲓ ϫⲉⲛⲁⲓⲥⲁϫⲓ ϩⲁⲛⲙⲉⲑⲙⲏⲓ ⲛⲉⲛⲧⲉⲫⲛⲟⲩϯ .
He said to me, 'Write, 'Blessed are those who are invited to the marriage supper of the Lamb.'' He said to me, 'These are true words of God.'
19.10
ⲟⲩⲟϩ ⲁⲓϩⲉⲓ ⲙⲡⲉⲙⲑⲟ ⲛⲛⲉϥϭⲁⲗⲁⲩϫ ⲁⲓⲟⲩⲱϣⲧ ⲙⲙⲟϥ ⲟⲩⲟϩ ⲡⲉϫⲁϥ ⲛⲏⲓ ϫⲉⲙⲫⲱⲣ ϫⲉⲁⲛⲟⲕ ⲟⲩϣⲫⲏⲣ ⲙⲃⲱⲕ ⲛⲧⲁⲕ ⲛⲉⲙⲛⲉⲕⲥⲛⲏⲟⲩ ⲛⲏ ⲉⲧⲉϯⲙⲉⲧⲙⲉⲑⲣⲉ ⲛⲧⲟⲧⲟⲩ ⲛⲧⲉⲓⲏⲥⲟⲩⲥ ⲟⲩⲱϣⲧ ⲙⲫⲛⲟⲩϯ ϯⲙⲉⲧⲙⲉⲑⲣⲉ ⲅⲁⲣ ⲛⲧⲉⲓⲏⲥⲟⲩⲥ ⲡⲉ ⲡⲓⲡⲛⲉⲩⲙⲁⲛⲧⲉϯⲙⲉⲑⲙⲏⲓ .
I fell down before his feet to worship him. He said to me, 'Look! Don't do it! I am a fellow bondservant with you and with your brothers who hold the testimony of Jesus. Worship God, for the testimony of Jesus is the Spirit of Prophecy.'
19.11
ⲙⲉⲛⲉⲛⲥⲁⲛⲁⲓ ⲁⲓⲛⲁⲩ ⲉⲧⲫⲉ ⲉⲥⲟⲩⲏⲛ ⲟⲩⲟϩ ⲁⲓⲛⲁⲩ ⲉⲟⲩϩⲑⲟ ⲉϥⲟⲩⲱⲃϣ ⲟⲩⲟϩ ⲫⲏ ⲉⲧϩⲉⲙⲥⲓ ϩⲓϫⲱϥ ⲉⲩⲙⲟⲩϯ ⲉⲣⲟϥ ϫⲉⲡⲓⲡⲓⲥⲧⲟⲥ ⲟⲩⲟϩ ⲡⲓⲑⲙⲏⲓ ⲟⲩⲟϩ ⲁϥϯ ⲙⲡⲓϩⲁⲡ ϧⲉⲛⲟⲩⲇⲓⲕⲉⲟⲥⲩⲛⲏ .
I saw the heaven opened, and behold, a white horse, and he who sat on it is called Faithful and True. In righteousness he judges and makes war.
19.12
ⲟⲩⲟϩ ⲛⲁⲣⲉⲛⲉϥⲃⲁⲗ ⲟⲛⲓ ⲡⲉ ⲛⲟⲩϣⲁϩ ⲛⲭⲣⲱⲙ ⲉⲟⲩⲟⲛ ⲟⲩⲙⲏϣ ⲛⲭⲗⲟⲙ ϩⲓϫⲉⲛⲧⲉϥⲁⲫⲉ ⲉⲟⲩⲟⲛ ⲟⲩⲣⲁⲛ ⲥϧⲏⲟⲩⲧ ⲙⲙⲁⲩ ⲙⲙⲟⲛ ϣϫⲟⲙ ⲛⲧⲉϩⲗⲓ ⲉⲙⲓ ⲉⲣⲟϥ ⲉⲃⲏⲗ ⲛⲑⲟϥ ⲙⲙⲁⲩⲁⲧϥ
His eyes are a flame of fire, and on his head are many crowns. He has names written and a name written which no one knows but he himself.
19.13
ⲉⲟⲩⲟⲛ ⲟⲩϩⲃⲱⲥ ϩⲓⲱⲧϥ ⲉϥⲛⲟϫϧ ϧⲉⲛⲡⲥⲛⲟϥ ⲟⲩⲟϩ ⲉⲩⲙⲟⲩϯ ⲉⲣⲟϥ ϫⲉⲡⲥⲁϫⲓ ⲙⲫⲛⲟⲩϯ .
He is clothed in a garment sprinkled with blood. His name is called 'The Word of God.'
19.14
ⲟⲩⲟϩ ⲡⲓⲥⲧⲣⲁⲧⲉⲩⲙⲁ ⲛⲁⲩⲙⲟϣⲓ ⲛⲥⲱϥ ⲡⲉ ϧⲉⲛϩⲁⲛϩⲑⲱⲣ ⲉⲩⲟⲩⲱⲃϣ ⲉⲟⲩⲟⲛ ϩⲁⲛϣⲉⲛⲥ ⲉⲩⲫⲟⲣⲉⲓ ⲧⲟⲓ ϩⲓⲱⲧⲟⲩ .
The armies which are in heaven followed him on white horses, clothed in white, pure, fine linen.
19.15
ⲟⲩⲟϩ ⲥⲛⲏⲟⲩ ⲉⲃⲟⲗ ϧⲉⲛⲣⲱⲟⲩ ⲛϫⲉⲟⲩⲥⲏϥⲓ ⲉⲥϩⲓⲟⲩⲓ ϩⲓⲛⲁ ⲛⲧⲉϥϣⲁⲣⲓ ⲉⲛⲓⲉⲑⲛⲟⲥ ⲛϧⲏⲧⲥ ⲟⲩⲟϩ ⲛⲑⲟϥ ⲉϥⲉⲁⲙⲟⲛⲓ ⲙⲙⲱⲟⲩ ϧⲉⲛⲟⲩϣⲃⲱⲧ ⲙⲃⲉⲛⲓⲡⲓ ⲟⲩⲟϩ ⲛⲑⲟϥ ⲉϥⲉϩⲱⲙⲓ ⲛϯϩⲣⲱⲧ ⲛⲧⲉⲡⲓⲏⲣⲡ ⲙⲡϫⲱⲛⲧ ⲙⲫⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ .
Out of his mouth proceeds a sharp, double-edged sword, that with it he should strike the nations. He will rule them with an iron rod. He treads the winepress of the fierceness of the wrath of God, the Almighty.
19.16
ⲟⲩⲟϩ ⲟⲩⲣⲁⲛ ⲉϥⲥϧⲏⲟⲩⲧ ϩⲓⲡⲉϥϩⲃⲱⲥ ⲛⲉⲙⲡⲉϥⲁⲗⲱϫ ϫⲉⲡⲟⲩⲣⲟ ⲛⲧⲉⲛⲓⲟⲩⲣⲱⲟⲩ ⲟⲩⲟϩ ⲡϭⲟⲓⲥ ⲛⲧⲉⲛⲓϭⲟⲓⲥ .
He has on his garment and on his thigh a name written, 'KING OF KINGS, AND LORD OF LORDS.'
19.17
ⲟⲩⲟϩ ⲁⲓⲛⲁⲩ ⲉⲕⲉⲁⲅⲅⲉⲗⲟⲥ ⲉϥⲟϩⲓ ⲉⲣⲁⲧϥ ϧⲉⲛⲫⲣⲏ ⲉϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛϧⲣⲱⲟⲩ ⲉϥϫⲱ ⲙⲙⲟⲥ ϫⲉⲛⲓϩⲁⲗⲁϯ ⲧⲏⲣⲟⲩ ⲉⲧϩⲏⲗ ϧⲉⲛⲧⲙⲏϯ ⲛⲧⲫⲉ ⲁⲙⲱⲓⲛⲓ ⲑⲱⲟⲩϯ ϧⲉⲛⲡⲓⲛⲓϣϯ ⲛⲇⲓⲡⲛⲟⲛ ⲛⲧⲉⲡϭⲟⲓⲥ ⲫⲛⲟⲩϯ
I saw an angel standing in the sun. He cried with a loud voice, saying to all the birds that fly in the sky, 'Come! Be gathered together to the great supper of God,
19.18
ϩⲓⲛⲁ ⲛⲧⲉⲧⲉⲛⲟⲩⲱⲙ ⲛⲛⲓⲥⲁⲣⲝ ⲛⲧⲉⲛⲓⲟⲩⲣⲱⲟⲩ ⲛⲉⲙⲛⲓⲥⲁⲣⲝ ⲛⲧⲉⲛⲓⲭⲓⲗⲓⲁⲣⲭⲏⲥ ⲛⲉⲙⲛⲓⲥⲁⲣⲝ ⲛⲧⲉⲛⲓϫⲱⲣⲓ ⲛⲉⲙⲛⲓⲥⲁⲣⲝ ⲛⲧⲉⲛⲓϩⲑⲱⲣ ⲛⲉⲙⲛⲏ ⲉⲧϩⲉⲙⲥⲓ ϩⲓϫⲱⲟⲩ ⲛⲉⲙⲛⲓⲥⲁⲣⲝ ⲛⲧⲉⲛⲓⲣⲉⲙϩⲉⲩ ⲛⲉⲙⲛⲓⲃⲱⲕ ⲛⲉⲙⲛⲓⲕⲟⲩϫⲓ ⲛⲉⲙⲛⲓⲛⲓϣϯ .
that you may eat the flesh of kings, the flesh of captains, the flesh of mighty men, and the flesh of horses and of those who sit on them, and the flesh of all men, both free and slave, and small and great.'
19.19
ⲟⲩⲟϩ ⲁⲓⲛⲁⲩ ⲉⲡⲓⲑⲏⲣⲓⲟⲛ ⲛⲉⲙⲛⲓⲟⲩⲣⲱⲟⲩ ⲛⲧⲉⲡⲕⲁϩⲓ ⲛⲉⲙⲛⲟⲩⲥⲧⲣⲁⲧⲉⲩⲙⲁ ⲉⲩⲑⲟⲩⲏⲧ ⲉⲓⲣⲓ ⲛⲟⲩⲡⲟⲗⲉⲙⲟⲥ ⲛⲉⲙⲫⲏ ⲉⲧϩⲉⲙⲥⲓ ϩⲓⲡⲓϩⲑⲟ ⲛⲟⲩⲱⲃϣ ⲛⲉⲙⲡⲉϥⲥⲧⲣⲁⲧⲉⲩⲙⲁ .
I saw the beast, and the kings of the earth, and their armies, gathered together to make war against him who sat on the horse, and against his army.
19.20
ⲟⲩⲟϩ ⲁⲩⲧⲁϩⲉ ⲡⲓⲑⲏⲣⲓⲟⲛ ⲛⲉⲙⲛⲏ ⲉⲑⲛⲉⲙⲁϥ ⲛⲉⲙⲡⲓⲯⲉⲩⲇⲟⲡⲣⲟⲫⲏⲧⲏⲥ ⲫⲏ ⲉⲧⲁϥⲓⲣⲓ ⲛⲛⲓⲙⲏⲓⲛⲓ ⲛϧⲣⲏⲓ ⲛϧⲏⲧⲟⲩ ⲙⲡⲉϥⲙⲑⲟ ⲉⲁⲩⲥⲱⲛϩ ⲛⲛⲏ ⲉⲧⲁⲩϭⲓ ⲛϯⲧⲉⲃⲥ ⲛⲧⲉⲡⲓⲑⲏ ⲣⲓⲟⲛ ⲛⲉⲙⲛⲏ ⲉⲑⲟⲩⲱϣⲧ ⲛⲧⲉϥϩⲩⲕⲱⲛ ⲁⲩϩⲓⲧⲟⲩ ⲉϧⲣⲏⲓ ⲙⲡⲓ ⲉⲩⲟⲛϧ ⲉϯⲗⲩⲙⲛⲏ ⲉⲧⲙⲟϩ ⲛⲭⲣⲱⲙ ⲛⲉⲙⲑⲏⲛ .
The beast was taken, and with him the false prophet who worked the signs in his sight, with which he deceived those who had received the mark of the beast and those who worshiped his image. These two were thrown alive into the lake of fire that burns with sulfur.
19.21
ⲟⲩⲟϩ ⲡⲥⲉⲡⲓ ⲁⲩϧⲟⲑⲃⲟⲩ ϧⲉⲛⲧⲥⲏϥⲓ ⲙⲫⲏ ⲉⲧϩⲉⲙⲥⲓ ϩⲓⲡⲓϩⲑⲟ ⲑⲏ ⲉⲧⲁⲥⲓ ⲉⲃⲟⲗ ϧⲉⲛⲣⲱϥ ⲟⲩⲟϩ ⲛⲓϩⲁⲗⲁϯ ⲧⲏⲣⲟⲩ ⲛⲧⲉⲧⲫⲉ ⲁⲩⲟⲩⲱⲙ ⲉⲃⲟⲗ ϧⲉⲛⲛⲟⲩⲥⲁⲣⲝ .
The rest were killed with the sword of him who sat on the horse, the sword which came forth out of his mouth. All the birds were filled with their flesh.
20.1
ⲟⲩⲟϩ ⲁⲓⲛⲁⲩ ⲉⲟⲩⲁⲅⲅⲉⲗⲟⲥ ⲉⲁϥⲓ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ⲉⲣⲉⲡϣⲟϣⲧ ⲙⲫⲛⲟⲩⲛ ⲛⲧⲟⲧϥ ⲛⲉⲙⲟⲩⲛⲓϣϯ ⲛϩⲁⲗⲏⲥⲓⲥ ϧⲉⲛⲧⲉϥϫⲓϫ .
I saw an angel coming down out of heaven, having the key of the abyss and a great chain in his hand.
20.2
ⲟⲩⲟϩ ⲁϥⲁⲙⲟⲛⲓ ⲙⲡⲓⲇⲣⲁⲕⲱⲛ ⲡⲓϩⲟϥ ⲡⲓⲁⲣⲭⲉⲟⲥ ⲉⲧⲉⲡⲓⲇⲓⲁⲃⲟⲗⲟⲥ ⲡⲉ ⲡⲥⲁⲧⲁⲛⲁⲥ ⲟⲩⲟϩ ⲁϥⲥⲟⲛϩϥ ⲛⲟⲩϣⲟ ⲛⲣⲟⲙⲡⲓ
He seized the dragon, the old serpent, which is the devil and Satan, who deceives the whole inhabited earth, and bound him for a thousand years,
20.3
ⲁϥϩⲓⲧϥ ⲉϧⲣⲏⲓ ⲉⲫⲛⲟⲩⲛ ⲁϥⲙⲁϣⲑⲁⲙ ⲉⲣⲱϥ ⲟⲩⲟϩ ⲁϥⲧⲱⲃ ⲥⲁⲡϣⲱⲓ ⲙⲙⲟϥ ϩⲓⲛⲁ ⲛⲧⲉϥϣⲧⲉⲙⲥⲱⲣⲉⲙ ⲛⲛⲓⲉⲑⲛⲟⲥ ϣⲁⲧⲟⲩϫⲱⲕ ⲉⲃⲟⲗ ⲛϫⲉⲡⲓϣⲟ ⲛⲣⲟⲙⲡⲓ ⲟⲩⲟϩ ⲙⲉⲛⲉⲛⲥⲁⲛⲁⲓ ϩⲱϯ ⲡⲉ ⲛⲧⲟⲩⲃⲟⲗϥ ⲉⲃⲟⲗ ⲛⲕⲉⲕⲟⲩϫⲓ ⲛⲥⲏⲟⲩ .
and cast him into the abyss, and shut it, and sealed it over him, that he should deceive the nations no more, until the thousand years were finished. After this, he must be freed for a short time.
20.4
ⲟⲩⲟϩ ⲁⲓⲛⲁⲩ ⲉϩⲁⲛⲑⲣⲟⲛⲟⲥ ⲉⲁⲩϩⲉⲙⲥⲓ ϩⲓϫⲱⲟⲩ ⲁⲩϯϩⲁⲡ ⲛⲱⲟⲩ ⲉⲑⲃⲉⲛⲓⲯⲩⲭⲏ ⲛⲧⲉⲛⲏ ⲉⲧⲁⲩϧⲟⲑⲃⲟⲩ ⲉⲑⲃⲉϯⲙⲉⲧⲙⲉⲑⲣⲉ ⲛⲧⲉⲓⲏⲥⲟⲩⲥ ⲛⲉⲙⲡⲓⲥⲁϫⲓ ⲛⲧⲉⲫⲛⲟⲩϯ ⲛⲉⲙⲛⲏ ⲉⲧⲉⲙⲡⲟⲩⲟⲩⲱϣⲧ ⲙⲡⲓⲑⲏⲣⲓⲟⲛ ⲟⲩⲇⲉ ⲧⲉϥϩⲩⲕⲱⲛ ⲛⲉⲙⲛⲏ ⲉⲧⲉⲙⲡⲟⲩϭⲓ ⲛⲧⲉϥⲧⲉⲃⲥ ⲉⲧⲟⲩⲧⲉϩⲛⲓ ⲛⲉⲙⲧⲟⲩϫⲓϫ ⲁⲩⲱⲛϧ ⲛⲉⲙⲁϥ ⲟⲩⲟϩ ⲁⲩⲉⲣⲟⲩⲣⲟ ⲛⲉⲙⲡⲭⲣⲓⲥⲧⲟⲥ ⲛⲟⲩϣⲟ ⲛⲣⲟⲙⲡⲓ .
I saw thrones, and they sat on them, and judgment was given to them. I saw the souls of those who had been beheaded for the testimony of Jesus, and for the word of God, and such as didn't worship the beast nor his image, and didn't receive the mark on their forehead and on their hand. They lived, and reigned with Christ for a thousand years.
20.5
ⲟⲩⲟϩ ⲡⲥⲉⲡⲓ ⲛⲛⲓⲣⲉϥⲙⲱⲟⲩⲧ ⲙⲡⲟⲩⲱⲛϧ ϣⲁⲧⲟⲩϫⲱⲕ ⲉⲃⲟⲗ ⲛϫⲉⲡⲓϣⲟ ⲛⲣⲟⲙⲡⲓ ⲑⲁⲓ ⲧⲉ ϯⲁⲛⲁⲥⲧⲁⲥⲓⲥ ⲛϩⲟⲩⲓϯ .
The rest of the dead didn't live until the thousand years were finished. This is the first resurrection.
20.6
ⲟⲱⲩⲛⲓⲁⲧϥ ⲟⲩⲟϩ ⲟⲩϩⲁⲅⲓⲟⲥ ⲛⲧⲉⲫⲛⲟⲩϯ ⲫⲏ ⲉⲧⲉⲟⲩⲟⲛⲧⲉϥ ⲟⲩⲙⲉⲣⲟⲥ ⲙⲙⲁⲩ ϧⲉⲛϯⲁⲛⲁⲥⲧⲁⲥⲓⲥ ⲛϩⲟⲩⲓϯ ⲉϧⲣⲏⲓ ⲉϫⲉⲛⲛⲁⲓ ⲛⲛⲉϥϫⲉⲙ ⲉⲣϣⲓϣⲓ ⲉϩⲣⲏⲓ ⲉϫⲱϥ ⲛϫⲉⲡⲓⲙⲟⲩ ⲙⲙⲁϩⲃ ⲁⲗⲗⲁ ⲉⲩⲉϣⲱⲡⲓ ⲛϩⲁⲛⲟⲩⲏⲃ ⲙⲫⲛⲟⲩϯ ⲛⲉⲙⲡⲭⲣⲓⲥⲧⲟⲥ ⲟⲩⲟϩ ⲉⲩⲉⲉⲣⲟⲩⲣⲟ ⲛⲉⲙⲁϥ ⲙⲡⲓϣⲟ ⲛⲣⲟⲙⲡⲓ .
Blessed and holy is he who has part in the first resurrection. Over these, the second death has no power, but they will be priests of God and of Christ, and will reign with him one thousand years.
20.7
ⲟⲩⲟϩ ⲉϣⲱⲡ ⲁⲩϣⲁⲛϫⲱⲕ ⲉⲃⲟⲗ ⲛϫⲉⲡⲓϣⲟ ⲛⲣⲟⲙⲡⲓ ⲉⲩⲉⲃⲉⲗ ⲡⲥⲁⲧⲁⲛⲁⲥ ⲉⲃⲟⲗ ϧⲉⲛⲡⲓϣⲧⲉⲕⲟ
And after the thousand years, Satan will be released from his prison,
20.8
ⲟⲩⲟϩ ⲉϥⲉⲥⲱⲣⲉⲙ ⲛⲛⲓⲉⲃⲓⲁⲓⲕ ⲛⲉⲙⲛⲓⲉⲑⲛⲟⲥ ϧⲉⲛⲡⲓϥⲧⲟⲩ ⲗⲁⲕϩ ⲛⲧⲉⲡⲕⲁϩⲓ ⲅⲱⲅ ⲛⲉⲙⲁⲅⲱⲅ ⲉⲩⲉⲑⲟⲩⲱⲧⲟⲩ ⲉⲡⲓⲡⲟⲗⲉⲙⲟⲥ ⲛⲁⲓ ⲉⲧⲉⲧⲟⲩⲏⲡⲓ ⲟⲓ ⲙⲫⲣⲏϯ ⲙⲡⲓϣⲟ ⲛⲧⲉⲫⲓⲟⲙ .
and he will come out to deceive the nations which are in the four corners of the earth, Gog and Magog, to gather them together to the war; the number of whom is as the sand of the sea.
20.9
ⲟⲩⲟϩ ⲁⲩⲓ ⲉⲡϣⲱⲓ ⲉϫⲉⲛϯⲟⲩⲏϣⲥⲓ ⲛⲧⲉⲡⲕⲁϩⲓ ⲟⲩⲟϩ ⲁⲩⲕⲱϯ ⲉϯⲡⲁⲣⲉⲙⲃⲟⲗⲏ ⲛⲧⲉⲛⲓϩⲁⲅⲓⲟⲥ ⲛⲉⲙϯⲃⲁⲕⲓ ⲙⲃⲉⲣⲓ ⲟⲩⲟϩ ⲁϥⲓ ⲛϫⲉⲟⲩⲭⲣⲱⲙ ⲉⲃⲟⲗ ϧⲉⲛⲧⲫⲉ ⲛⲧⲉⲛⲫⲛⲟⲩϯ ⲁϥⲟⲩⲟⲙⲟⲩ .
They went up over the breadth of the earth, and surrounded the camp of the saints, and the beloved city. Fire came down out of heaven from God, and devoured them.
20.10
ⲟⲩⲟϩ ⲡⲓⲇⲓⲁⲃⲟⲗⲟⲥ ⲉⲧⲥⲱⲣⲉⲙ ⲙⲙⲱⲟⲩ ⲁⲩϩⲓⲧϥ ⲉϧⲣⲏⲓ ⲉϯⲗⲩⲙⲛⲏ ⲛⲭⲣⲱⲙ ⲉⲧⲙⲟϩ ⲛⲑⲏⲛ ⲡⲓⲙⲁ ⲉⲧⲉⲡⲓⲑⲏⲣⲓⲟⲛ ⲙⲙⲟϥ ⲛⲉⲙⲡⲓⲯⲉⲩⲇⲟⲡⲣⲟⲫⲏⲧⲥ ⲟⲩⲟϩ ⲁⲩⲉⲣⲃⲁⲥⲁⲛⲓⲍⲓⲛ ⲙⲙⲱⲟⲩ ⲛⲛⲓⲉϩⲟⲟⲩ ⲛⲉⲙⲛⲓⲉϫⲱⲣϩ ϣⲁⲉⲛⲉϩ ⲛⲧⲉⲡⲓⲉⲛⲉϩ .
The devil who deceived them was thrown into the lake of fire and sulfur, where the beast and the false prophet are also. They will be tormented day and night forever and ever.
20.11
ⲁⲓⲛⲁⲩ ⲉⲟⲩⲛⲓϣϯ ⲛⲑⲣⲟⲛⲟⲥ ⲉϥⲟⲩⲟⲃϣ ⲛⲉⲙⲫⲏ ⲉⲧϩⲉⲙⲥⲓ ϩⲓϫⲱϥ ⲫⲏ ⲉⲧⲉⲡⲕⲁϩⲓ ⲫⲱⲧ ⲉⲃⲟⲗ ϧⲁⲧϩⲏ ⲙⲡⲉϥϩⲟ ⲛⲉⲙⲧⲫⲉ ⲟⲩⲟϩ ⲙⲡⲟⲩϫⲉⲙ ⲙⲁⲛⲧⲱⲟⲩ
I saw a great white throne, and him who sat on it, from whose face the earth and the heaven fled away. There was found no place for them.
20.12
ⲟⲩⲟϩ ⲁⲓⲛⲁⲩ ⲉⲛⲓⲣⲉϥⲙⲱⲟⲩⲧ ⲧⲏⲣⲟⲩ ⲛⲓⲕⲟⲩϫⲓ ⲛⲉⲙⲛⲓⲛⲓϣϯ ⲉⲩⲟϩⲓ ⲉⲣⲁⲧⲟⲩⲙⲡⲉⲙⲑⲟ ⲙⲡⲓⲑⲣⲟⲛⲟⲥ ⲟⲩⲟϩ ⲁⲩⲟⲩⲱⲛ ⲛϩⲁⲛϫⲱⲙ ⲟⲩⲟϩ ⲁϥⲟⲩⲱⲛ ⲛⲕⲉϫⲱⲙ ⲉⲧⲉⲫⲁ ⲡⲱⲛϧ ⲡⲉ ⲟⲩⲟϩ ⲁⲩϯϩⲁⲡ ⲉⲛⲓⲣⲉϥⲙⲱⲟⲩⲧ ⲉⲃⲟⲗ ϧⲉⲛⲛⲏ ⲉⲧⲥϧⲏⲟⲩⲧ ϩⲓⲡⲓϫⲱⲙ ⲕⲁⲧⲁⲛⲟⲩϩⲃⲏⲟⲩⲓ .
I saw the dead, the great and the small, standing before the throne, and they opened books. Another book was opened, which is the book of life. The dead were judged out of the things which were written in the books, according to their works.
20.13
ⲟⲩⲟϩ ⲁⲫⲓⲟⲙ ϯⲛⲛⲓⲣⲉϥⲙⲱⲟⲩⲧ ⲉⲧⲉⲛϧⲣⲏⲓ ⲛϧⲏⲧϥ ⲟⲩⲟϩ ⲫⲛⲟⲩⲛ ⲛⲉⲙⲁⲙⲉⲛϯ ⲁⲩϯ ⲛⲛⲓⲣⲉϥⲙⲱⲟⲩⲧ ⲉⲧⲉⲛϧⲏⲧⲟⲩ ⲟⲩⲟϩ ⲁⲩϯϩⲁⲡ ⲉⲣⲱⲟⲩ ⲕⲁⲧⲁⲛⲟⲩϩⲃⲏⲟⲩⲓ .
The sea gave up the dead who were in it. Death and Hades gave up the dead who were in them. They were judged, each one according to his works.
20.14
ⲟⲩⲟϩ ⲫⲛⲟⲩⲛ ⲛⲉⲙⲁⲙⲉⲛϯ ⲁⲩϩⲓⲧⲟⲩ ⲉϧⲣⲏⲓ ⲉϯⲗⲩⲙⲛⲏ ⲛⲭⲣⲱⲙ ⲉⲧⲙⲟϩ ϩⲓⲑⲏⲛ .
Death and Hades were thrown into the lake of fire. This is the second death, the lake of fire.
20.15
ⲛⲉⲙⲫⲏ ⲉⲧⲉⲙⲡⲟⲩϫⲉⲙϥ ⲉϥⲥϧⲏ ⲟⲩⲧ ϩⲓⲡϫⲱⲙ ⲛⲧⲉⲡⲱⲛϧ ⲁⲩϩⲓⲧⲟⲩ ⲉϯⲗⲩⲙⲛⲏ ⲛⲭⲣⲱⲙ .
If anyone was not found written in the book of life, he was cast into the lake of fire.
21.1
ⲟⲩⲟϩ ⲁⲓⲛⲁⲩ ⲉⲟⲩⲫⲉ ⲙⲃⲉⲣⲓ ⲛⲉⲙⲟⲩⲕⲁϩⲓ ⲙⲃⲉⲣⲓ ϯⲫⲉ ⲅⲁⲣ ⲛϩⲟⲩⲓϯ ⲛⲉⲙⲡⲓⲕⲁϩⲓ ⲁⲩϣⲉ ⲛⲱⲟⲩ ⲟⲩⲟϩ ⲙⲙⲟⲛ ⲓⲟⲙ ϫⲉ .
I saw a new heaven and a new earth: for the first heaven and the first earth have passed away, and the sea is no more.
21.2
ⲟⲩⲟϩ ⲁⲓⲛⲁⲩ ⲉϯⲃⲁⲕⲓ ⲉⲑⲟⲩⲁⲃ ⲓⲉⲣⲟⲥⲁⲗⲏⲙ ⲙⲃⲉⲣⲓ ⲉⲥⲛⲏⲟⲩ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ϩⲓⲧⲉⲛⲫⲛⲟⲩϯ ⲉⲥⲥⲉⲃⲧⲱⲧ ⲙⲫⲣⲏϯ ⲛⲟⲩϣⲉⲗⲉⲧ ⲉⲥⲥⲉⲗⲥⲱⲗ ⲙⲡⲉⲥϩⲁⲓ .
I saw the holy city, New Jerusalem, coming down out of heaven from God, made ready like a bride adorned for her husband.
21.3
ⲟⲩⲟϩ ⲁⲓⲥⲱⲧⲉⲙ ⲉⲟⲩⲛⲓϣϯ ⲛⲥⲙⲏ ⲉⲃⲟⲗ ϧⲉⲛⲧⲫⲉ ⲉⲥϫⲱ ⲙⲙⲟⲥ ϫⲉⲓⲥ ϯⲥⲕⲩⲛⲏ ⲛⲧⲉⲫⲛⲟⲩϯ ⲉⲥⲭⲏ ⲛⲉⲙⲛⲓⲣⲱⲙⲓ ⲟⲩⲟϩ ⲉϥⲉϣⲱⲡⲓ ⲛⲉⲙⲱⲟⲩ ⲟⲩⲟϩ ⲛⲑⲱⲟⲩ ϩⲱⲟⲩ ⲉⲩⲉϣⲱⲡⲓ ⲛⲁϥ ⲉⲟⲩⲗⲁⲟⲥ ⲟⲩⲟϩ ⲛⲑⲟϥ ⲫⲛⲟⲩϯ ⲉϥⲉϣⲱⲡⲓ ⲛⲉⲙⲱⲟⲩ
I heard a loud voice out of heaven saying, 'Behold, God's dwelling is with people, and he will dwell with them, and they will be his people, and God himself will be with them as their God.
21.4
ⲉϥⲉϥⲉⲧ ⲉⲣⲙⲏ ⲛⲓⲃⲉⲛ ⲉⲃⲟⲗ ϧⲉⲛⲛⲟⲩⲃⲁⲗ ⲟⲩⲟϩ ⲛⲛⲉ ⲙⲟⲩ ϣⲱⲡⲓ ϫⲉⲟⲩⲇⲉ ϩⲏⲃⲓ ⲟⲩⲇⲉ ϧⲣⲱⲟⲩ ⲛⲛⲉ ϧⲓⲥⲓ ϣⲱⲡⲓ ϫⲉⲉⲡⲓⲇⲏ ⲛⲓϩⲟⲩⲁϯ ⲁⲩⲥⲓⲛⲓ ϩⲏⲡⲡⲉ ⲥⲉⲛⲁⲉⲣⲃⲉⲣⲓ ⲧⲏⲣⲟⲩ .
He will wipe away from them every tear from their eyes. Death will be no more; neither will there be mourning, nor crying, nor pain, any more. The first things have passed away.'
21.5
ⲟⲩⲟϩ ⲡⲉϫⲉ ⲫⲏ ⲉⲧϩⲉⲙⲥⲓ ϩⲓⲡⲓⲑⲣⲟⲛⲟⲥ ⲛⲏⲓ ϫⲉϩⲏⲡⲡⲉ ϯⲛⲁⲁⲓⲧⲟⲩ ⲙⲃⲉⲣⲓ ⲧⲏⲣⲟⲩ ⲟⲩⲟϩ ⲡⲉϫⲁϥ ⲛⲏⲓ ϫⲉⲥϧⲁⲓ ⲛⲛⲁⲓⲥⲁϫⲓ ⲥⲉⲛϩⲟⲧ ⲟⲩⲟϩ ϩⲁⲛⲙⲉⲑⲙⲏⲓ ⲛⲉ .
He who sits on the throne said, 'Behold, I am making all things new.' He said, 'Write, for these words of God are faithful and true.'
21.6
ⲟⲩⲟϩ ⲡⲉϫⲁϥ ⲛⲏⲓ ϫⲉⲁⲛⲟⲕ ⲡⲉ ⲡⲓⲁⲗⲁⲫⲁ ⲛⲉⲙⲡⲓⲱ ϯⲁⲣⲭⲏ ⲛⲉⲙⲡⲓϫⲱⲕ ⲉⲃⲟⲗ ⲁⲛⲟⲕ ⲡⲉ ⲫⲏ ⲉⲑⲛⲁϯ ⲙⲫⲏ ⲉⲧⲟⲃⲓ ⲉⲃⲟⲗ ϧⲉⲛϯⲙⲟⲩⲙⲓ ⲙⲙⲱⲟⲩ ⲛⲱⲛϧ ⲛϫⲓⲛϫⲏ .
He said to me, 'It is done! I am the Alpha and the Omega, the Beginning and the End. I will give freely to him who is thirsty from the spring of the water of life.
21.7
ⲫⲏ ⲉⲑⲛⲁϭⲣⲟ ⲉϥⲉⲉⲣⲕⲗⲏⲣⲟⲛⲟⲙⲓⲛ ⲛⲛⲁⲓ ⲟⲩⲟϩ ⲉⲓⲉϣⲱⲡⲓ ⲛⲁϥ ⲛⲛⲟⲩϯ ⲟⲩⲟϩ ⲛⲑⲟϥ ⲉϥⲉϣⲱⲡⲓ ⲛⲏⲓ ⲛϣⲏⲣⲓ .
He who overcomes, I will give him these things. I will be his God, and he will be my son.
21.8
ⲛⲏ ⲇⲉ ⲉⲑⲛⲁⲉⲣϣⲗⲁϩ ⲛϩⲏⲧ ⲛⲉⲙⲛⲓⲁⲧⲛⲁϩϯ ⲛⲉⲙⲛⲓⲥⲁϥϩⲏⲧ ⲛⲉⲙⲛⲓⲣⲉϥϧⲱⲧⲉⲃ ⲛⲉⲙⲛⲓⲡⲟⲣⲛⲟⲥ ⲛⲉⲙⲛⲓϣⲁⲙϣⲉ ⲓϧ ⲛⲉⲙⲛⲓⲥⲁⲙⲉⲑⲛⲟⲩϫ ⲡⲟⲩⲙⲉⲣⲟⲥ ⲉϥⲉϣⲱⲡⲓ ϧⲉⲛϯⲗⲩⲙⲛⲏ ⲛⲧⲉⲡⲓⲭⲣⲱⲙ ⲛⲉⲙⲡⲓⲑⲏⲛ ⲉⲧⲉⲡⲓⲙⲟⲩ ⲙⲙⲁϩⲃ ⲡⲉ .
But for the cowardly, unbelieving, sinners, abominable, murderers, sexually immoral, sorcerers, idolaters, and all liars, their part is in the lake that burns with fire and sulfur, which is the second death.'
21.9
ⲟⲩⲟϩ ⲁϥⲓ ⲛϫⲉⲟⲩⲁⲓ ⲉⲃⲟⲗ ϧⲉⲛⲡⲓⲍ ⲛⲁⲅⲅⲉⲗⲟⲥ ⲛⲏ ⲉⲧⲉϯⲍ ⲙⲫⲩⲁⲗⲏ ⲛⲧⲟⲧⲟⲩ ⲉⲩⲙⲉϩ ⲉⲃⲟⲗ ϧⲉⲛⲡⲓⲍ ⲛⲉⲣϧⲟⲧ ⲛϧⲁⲉ ⲁϥⲥⲁϫⲓ ⲛⲉⲙⲏⲓ ⲉϥϫⲱ ⲙⲙⲟⲥ ϫⲉⲁⲙⲟⲩ ⲛⲧⲁⲧⲁⲙⲟⲕ ⲉϯϣⲉⲗⲉⲧ ⲧⲥϩⲓⲙⲓ ⲛⲧⲉⲡⲓϩⲓⲏⲃ .
One of the seven angels who had the seven bowls, who were loaded with the seven last plagues came, and he spoke with me, saying, 'Come here. I will show you the wife, the Lamb's bride.'
21.10
ⲟⲩⲟϩ ⲁϥⲟⲗⲧ ϧⲉⲛⲡⲓⲡⲛⲉⲩⲙⲁⲉⲡϣⲱⲓ ⲉϫⲉⲛⲟⲩⲛⲓϣϯ ⲛⲧⲱⲟⲩ ⲉϥϭⲟⲥⲓ ⲁϥⲧⲁⲙⲟⲓ ⲉϯⲃⲁⲕⲓ ⲉⲑⲟⲩⲁⲃ ⲓⲉⲣⲟⲥⲁⲗⲏⲙ ⲉⲥⲛⲏⲟⲩ ⲉⲡⲉⲥⲏⲧ ⲉⲃⲟⲗ ϧⲉⲛⲧⲫⲉ ϩⲓⲧⲉⲛⲫⲛⲟⲩϯ
He carried me away in the Spirit to a great and high mountain, and showed me the holy city, Jerusalem, coming down out of heaven from God,
21.11
ⲑⲏ ⲉⲑⲟⲩⲁⲃ ⲉⲑⲙⲉϩ ⲛⲱⲟⲩ ⲡⲉⲥⲟⲩⲱⲓⲛⲓ ⲇⲉ ⲉϥⲟⲓ ⲛⲟⲩⲱⲓⲛⲓ ⲉϥⲧⲁⲓⲏⲟⲩⲧ ⲙⲫⲣⲏϯ ⲛⲟⲩⲟⲩⲱⲓⲛⲓ ⲛⲓⲁⲥⲡⲓⲥ ⲉϥⲧⲁⲓⲏⲟⲩⲧ ⲉϥⲟⲓ ⲛⲭⲣⲓⲥⲧⲁⲗⲟⲥ .
having the glory of God. Her light was like a most precious stone, as if it was a jasper stone, clear as crystal;
21.12
ⲉⲟⲩⲟⲛ ⲛⲧⲁⲥ ⲛⲟⲩⲛⲓϣϯ ⲛⲥⲟⲃⲧ ⲙⲙⲁⲩ ⲉϥϭⲟⲥⲓ ⲛⲉⲙⲡⲓⲓⲃ ⲙⲡⲩⲗⲱⲛ ⲟⲩⲟϩ ⲡⲓⲓⲃ ⲛⲁⲅⲅⲉⲗⲟⲥ ϩⲓⲣⲉⲛⲛⲓⲡⲩⲗⲱⲛ ⲛⲉⲙϩⲁⲛⲣⲁⲛ ⲉⲩⲥϧⲏⲟⲩⲧ ⲉⲫⲣⲁⲛ ⲛϯⲓⲃ ⲙⲫⲩⲗⲏ ⲛⲧⲉⲛⲉⲛϣⲏⲣⲓ ⲙⲡⲓⲥⲗ
having a great and high wall; having twelve gates, and at the gates twelve angels; and names written on them, which are the names of the twelve tribes of the children of Israel.
21.13
ⲥⲁⲡⲉⲓⲉⲃⲧ ⲅⲙⲡⲩⲗⲱⲛ ⲥⲁⲣⲏⲥ ⲙⲙⲟⲥ ⲅⲙⲡⲩⲗⲱⲛ ⲟⲩⲟϩ ⲡⲉⲙⲉⲛⲧ ⲛⲧⲉϯⲡⲟⲗⲓⲥ ⲅⲙⲡⲩⲗⲱⲛ ⲟⲩⲟϩ ⲥⲁⲡⲉⲙϩⲓⲧ ⲅ ⲙⲡⲩⲗⲱⲛ .
On the east were three gates; and on the north three gates; and on the south three gates; and on the west three gates.
21.14
ⲟⲩⲟϩ ⲡⲓⲥⲟⲃⲧ ⲛⲧⲉϯⲡⲟⲗⲓⲥ ⲉⲟⲩⲟⲛ ⲓⲃ ⲛⲥⲉⲛϯ ⲙⲙⲟϥ ⲟⲩⲟϩ ⲉⲩⲥϧⲏⲟⲩⲧ ϩⲓⲱⲧⲟⲩ ⲛϫⲉⲫⲣⲁⲛ ⲙⲡⲓⲓⲃ ⲛⲁⲡⲟⲥⲧⲟⲗⲟⲥ ⲛⲧⲉⲡⲓϩⲓⲏⲃ .
The wall of the city had twelve foundations, and on them twelve names of the twelve Apostles of the Lamb.
21.15
ⲟⲩⲟϩ ⲫⲏ ⲉⲧⲥⲁϫⲓ ⲛⲉⲙⲏⲓ ⲉⲟⲩⲟⲛ ⲟⲩⲕⲁϣ ⲛⲛⲟⲩⲃ ⲛⲧⲟⲧϥ ϩⲓⲛⲁ ⲛⲧⲉϥϣⲓ ⲛϯⲃⲁⲕⲓ ⲛⲉⲙⲛⲉⲥϣⲑⲟⲙ ⲛⲉⲙⲛⲉⲥⲥⲟⲃⲧ .
He who spoke with me had for a measure, a golden reed, to measure the city, its gates, and its walls.
21.16
ⲟⲩⲟϩ ϯⲃⲁⲕⲓ ⲛⲉⲟⲩⲧⲉⲧⲣⲁⲅⲱⲛⲟⲛ ⲧⲉ ⲟⲩⲟϩ ⲙⲫⲣⲏϯ ⲛⲧⲉⲥϣⲓⲏ ⲡⲁⲓⲣⲏϯ ⲟⲛ ⲡⲉ ⲧⲉⲥⲟⲩⲏϣⲥⲓ ⲟⲩⲟϩ ⲁϥϣⲓ ⲛϯⲃⲁⲕⲓ ⲁϥϫⲉⲙⲥ ⲉⲥⲟⲓ ⲙⲓⲃ ⲛϣⲟ ⲛⲥⲧⲁⲇⲓⲟⲛ ⲛϣⲓⲏ ⲛⲉⲙⲧⲉⲥⲟⲩⲏ ϣⲥⲓ ⲛⲉⲙⲡⲉⲥϭⲓⲥⲓ ⲉⲩⲟⲓ ⲛⲟⲩϩⲩⲥⲟⲥ .
The city lies foursquare, and its length is as great as its breadth. He measured the city with the reed, Twelve thousand twelve stadia. Its length, breadth, and height are equal.
21.17
ⲟⲩⲟϩ ⲁⲩϣⲓ ⲙⲡⲉⲥⲥⲟⲃⲧ ⲁⲩϫⲉⲙϥ ⲉϥⲓⲣⲓ ⲛⲣⲙⲇ ⲛϣⲟ ⲡϣⲓ ⲛⲟⲩⲣⲱⲙⲓ ⲉⲧⲉⲫⲁ ⲟⲩⲁⲅⲅⲉⲗⲟⲥ ⲡⲉ .
Its wall is one hundred forty-four cubits, by the measure of a man, that is, of an angel.
21.18
ⲟⲩⲟϩ ⲡⲕⲱϯ ⲙⲡⲓⲥⲟⲃⲧ ϯϩⲓⲟⲩⲓ ⲛⲥⲉⲛϯ ⲛⲁⲥⲟⲓ ⲙⲫⲣⲏϯ ⲛⲟⲩⲓⲁⲥⲡⲓⲥ ⲡⲉ ⲟⲩⲟϩ ϯⲃⲁⲕⲓ ⲛⲁⲥⲟⲓ ⲡⲉ ⲛⲓⲉⲃ ⲛⲛⲟⲩⲃ ⲉϥⲟⲩⲁⲃ ⲙⲫⲣⲏϯ ⲛⲟⲩⲃⲁϫⲏⲓⲛⲓ ⲉϥⲟⲩⲁⲃ .
The construction of its wall was jasper. The city was pure gold, like pure glass.
21.19
ⲟⲩⲟϩ ⲛⲓⲥⲉⲛϯ ⲛⲧⲉⲡⲓⲥⲟⲃⲧ ⲛⲧⲉϯⲃⲁⲕⲓ ⲉⲩⲕⲏⲧ ⲉⲃⲟⲗ ϧⲉⲛⲱⲛⲓ ⲛⲓⲃⲉⲛ ⲉⲧⲧⲁⲓⲏ ⲟⲩⲧ ϯⲥⲉⲛϯ ⲛϩⲟⲩⲓϯ ⲛⲉⲟⲩⲓⲁⲥⲡⲓⲥ ⲧⲉ ϯⲙⲁϩⲃϯ ⲟⲩⲥⲁⲡⲫⲓⲣⲟⲥ ⲧⲉ ϯⲙⲁϩⲅϯ ⲟⲩⲕⲁⲣⲭⲏ ⲇⲱⲛ ⲧⲉ ϯⲙⲁϩⲇ ⲟⲩⲥⲙⲁⲣⲁⲕⲇⲟⲥ
The foundations of the city's wall were adorned with all kinds of precious stones. The first foundation was jasper; the second, sapphire; the third, chalcedony; the fourth, emerald;
21.20
ϯⲙⲁϩⲉ ⲟⲩⲥⲁⲣⲇⲟⲛⲓⲝ ϯⲙⲁϩ ⲟⲩⲥⲁⲣⲇⲓⲛⲟⲛ ϯⲙⲁϩⲍ ⲟⲩⲭⲣⲓⲥⲟⲗⲓⲛⲑⲟⲛⲥ ϯⲙⲁϩⲏ ⲟⲩⲃⲩⲣⲓⲗⲗⲟⲥ ϯⲙⲁϩⲑϯ ⲟⲩⲇⲟⲡⲁⲧⲓⲟⲛ ϯⲙⲁϩⲓϯ ⲟⲩϩⲩⲁⲕⲩⲛⲑⲓⲛⲟⲛ ϯⲙⲁϩⲓⲁ ⲟⲩⲕⲩⲥⲟⲡⲁⲣⲁⲥⲟⲥ ϯⲙⲁϩⲓⲃ ⲟⲩⲁⲙⲉⲑⲓⲧⲟⲥ
the fifth, sardonyx; the sixth, sardius; the seventh, chrysolite; the eighth, beryl; the ninth, topaz; the tenth, chrysoprasus; the eleventh, jacinth; and the twelfth, amethyst.
21.21
ⲟⲩⲟϩ ⲡⲓⲓⲃ ⲙⲡⲩⲗⲱⲛ ⲙⲙⲁⲣⲅⲁⲣⲓⲧⲏ ⲥⲛⲟⲩⲁⲓ ⲛⲟⲩⲁⲓ ⲟⲩⲟϩ ⲡⲓϣⲑⲉϩ ⲛⲧⲉϯⲃⲁⲕⲓ ⲟⲩⲛⲟⲩⲃ ⲉϥⲟⲩⲁⲃ ⲡⲉ ⲙⲫⲣⲏϯ ⲛⲟⲩⲁⲃⲁϫⲏ ⲓⲛⲓ ⲉϥⲉⲣⲟⲩⲱⲓⲛⲓ .
The twelve gates were twelve pearls. Each one of the gates was made of one pearl. The street of the city was pure gold, like transparent glass.
21.22
ⲟⲩⲟϩ ⲙⲡⲓⲛⲁⲩ ⲉⲉⲣⲫⲉⲓ ⲛϧⲏⲧⲥ ⲡϭⲟⲓⲥ ⲅⲁⲣ ⲫⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ ⲡⲉ ⲡⲉⲥⲉⲣⲫⲉⲓ ⲛⲉⲙⲡⲓϩⲓⲏⲃ .
I saw no temple in it, for the Lord God, the Almighty, and the Lamb, are its temple.
21.23
ⲟⲩⲟϩ ϯⲃⲁⲕⲓ ⲛⲁⲥⲉⲣⲛⲭⲣⲓⲁ ⲙⲫⲣⲏ ⲁⲛ ⲡⲉ ⲟⲩⲇⲉ ⲡⲓⲓⲟϩ ϩⲓⲛⲁ ⲛⲧⲟⲩⲉⲣⲟⲩⲱⲓⲛⲓ ⲛϧⲏⲧⲥ ⲡⲱⲟⲩ ⲅⲁⲣ ⲙⲫⲛⲟⲩϯ ⲁϥⲉⲣⲟⲩⲱⲓⲛⲓ ⲉⲣⲟⲥ ⲟⲩⲟϩ ⲡⲉⲥϧⲏⲃⲥ ⲡⲉ ⲡⲓϩⲓⲏⲃ .
The city has no need for the sun, neither of the moon, to shine, for the very glory of God illuminated it, and its lamp is the Lamb.
21.24
ⲟⲩⲟϩ ⲉⲩⲉⲙⲟϣⲓ ⲉⲃⲟⲗ ϧⲉⲛⲡⲉⲥⲟⲩⲱⲓⲛⲓ ⲛϫⲉⲛⲓⲉⲑⲛⲟⲥ ⲛⲉⲙⲛⲓⲟⲩⲣⲱⲟⲩ ⲛⲧⲉⲡⲕⲁϩⲓ ⲉⲩⲉⲓⲛⲓ ⲙⲡⲱⲟⲩ ⲛⲛⲓⲉⲑⲛⲟⲥ ⲛⲉⲙϯⲧⲓⲙⲏ ⲉϧⲟⲩⲛ ⲉⲣⲟⲥ
The nations will walk in its light. The kings of the earth bring the glory and honor of the nations into it.
21.25
ⲟⲩⲟϩ ⲛⲉⲥⲡⲩⲗⲱⲛ ⲛⲛⲟⲩϣⲑⲁⲙ ⲙⲡⲓⲉϩⲟⲟⲩ ⲟⲩⲟϩ ⲛⲛⲉ ⲉϫⲱⲣϩ ϣⲱⲡⲓ ⲙⲙⲁⲩ
Its gates will in no way be shut by day (for there will be no night there),
21.26
ⲉⲩⲉⲓ ⲛϫⲉⲛⲓⲉⲑⲛⲟⲥ ⲛⲉⲙⲡⲟⲩⲱⲟⲩ ⲛⲉⲙⲡⲟⲩⲧⲁⲓⲟ ⲉϧⲟⲩⲛ ⲉⲣⲟⲥ .
and they shall bring the glory and the honor of the nations into it so that they may enter.
21.27
ⲛⲛⲉ ϩⲗⲓ ⲉϥⲥⲱϥ ϣⲉ ⲉϧⲟⲩⲛ ⲉⲣⲟⲥ ⲛⲉⲙⲛⲏ ⲉⲧⲓⲣⲓ ⲛϩⲁⲛⲥⲱϥ ⲛⲛⲉ ⲙⲉⲑⲛⲟⲩϫ ⲓ ⲉϧⲟⲩⲛ ⲉⲣⲟⲥ ⲉⲃⲏⲗ ⲉⲛⲏ ⲉⲧⲥϧⲏⲟⲩⲧ ϩⲓⲡⲓϫⲱⲙ ⲛⲧⲉⲡⲱⲛϧ ⲛⲧⲉⲡⲓϩⲓⲏⲃ .
There will in no way enter into it anything profane, or one who causes an abomination or a lie, but only those who are written in the Lamb's book of life.
22.1
ⲟⲩⲟϩ ⲁⲩⲧⲁⲙⲟⲓ ⲉⲟⲩⲓⲁⲣⲟ ⲙⲙⲱⲟⲩ ⲛⲱⲛϧ ⲉϥⲫⲟⲣⲉⲓ ⲙⲫⲣⲏϯ ⲛⲟⲩⲭⲣⲓⲥⲧⲁⲗⲗⲟⲛ ⲉϥⲛⲏⲟⲩ ⲉⲃⲟⲗ ϩⲁⲡⲓⲑⲣⲟⲛⲟⲥ ⲛⲧⲉⲫⲛⲟⲩϯ ⲛⲉⲙⲡⲓϩⲓⲏⲃ .
He showed me a river of water of life, clear as crystal, proceeding out of the throne of God and of the Lamb,
22.2
ϧⲉⲛⲧⲙⲏϯ ⲙⲡⲉⲥϣⲑⲉϩ ⲟⲩⲟϩ ⲡⲓⲓⲁⲣⲟ ⲥⲁⲙⲛⲁⲓ ⲛⲉⲙⲥⲁⲙⲛⲁⲓ ⲟⲩϣϣⲏⲛ ⲛⲧⲉⲡⲱⲛϧ ⲉϥⲓⲛⲓ ⲙⲡⲓⲓⲃ ⲛⲟⲩⲧⲁϩ ⲉⲃⲟⲗ ⲟⲩⲁⲓ ϧⲁⲣⲁ ⲁⲃⲟⲧ ⲟⲩⲟϩ ⲛⲓϫⲱⲃⲓ ⲛⲧⲉⲡⲓϣϣⲏⲛ ⲉⲩⲉⲣⲫⲁϧⲣⲓ ⲛⲛⲉⲛⲃⲁⲗ ⲛⲛⲓⲉⲑⲛⲟⲥ .
in the middle of its street. On this side of the river and on that was the tree of life, bearing twelve kinds of fruits, yielding its fruit every month. The leaves of the tree were for the healing of the nations.
22.3
ⲟⲩⲟϩ ⲥⲱϥ ⲛⲓⲃⲉⲛ ⲛⲛⲉϥϣⲱⲡⲓ ϫⲉⲟⲩⲟϩ ⲡⲓⲑⲣⲟⲛⲟⲥ ⲛⲧⲉⲫⲛⲟⲩϯ ⲛⲉⲙⲡⲓϩⲓⲏⲃ ⲉⲩⲉϣⲱⲡⲓ ⲛϧⲏⲧⲥ ⲟⲩⲟϩ ⲛⲛⲉϥϣⲱⲡⲓ ⲛϫⲉⲡϫⲱⲛⲧ ⲁⲗⲗⲁ ⲛⲓⲉⲃⲓⲁⲓⲕ ⲛⲧⲉⲫⲛⲟⲩϯ ⲉⲩⲉϣⲉⲙϣⲓ ⲙⲙⲟϥ
There will be no curse any more. The throne of God and of the Lamb will be in it, and his servants serve him.
22.4
ⲟⲩⲟϩ ⲉⲩⲛⲁⲩ ⲉⲡⲉϥϩⲟ ⲟⲩⲟϩ ⲡⲉϥⲣⲁⲛ ϩⲓⲧⲟⲩⲧⲉϩⲛⲓ .
They will see his face, and his name will be on their foreheads.
22.5
ⲛⲛⲉ ⲉϫⲱⲣϩ ϣⲱⲡⲓ ϫⲉⲟⲩⲇⲉ ⲛⲛⲟⲩⲉⲣⲭ ⲣⲓⲁ ⲛⲟⲩⲱⲓⲛⲓ ⲛϧⲏⲧⲥ ⲟⲩⲇⲉ ⲟⲩⲟⲩⲱⲓⲛⲓ ⲛⲧⲉⲫⲣⲏ ϫⲉⲡϭⲟⲓⲥ ⲫⲛⲟⲩϯ ⲉϥⲉⲉⲣⲟⲩⲱⲓⲛⲓ ⲉⲣⲱⲟⲩ ⲟⲩⲟϩ ⲉⲩⲉⲉⲣⲟⲩⲣⲟ ϣⲁⲉⲛⲉϩ ⲛⲧⲉⲡⲓⲉⲛⲉϩ .
There will be no night, and they need no lamp light; for the Lord God will illuminate them. They will reign forever and ever.
22.6
ⲟⲩⲟϩ ⲡⲉϫⲁϥ ⲛⲏⲓ ϫⲉⲛⲁⲓⲥⲁϫⲓ ⲥⲉⲛϩⲟⲧ ⲟⲩⲟϩ ⲥⲉⲟⲩⲁⲃ ϩⲁⲛⲙⲉⲑⲙⲏⲓ ⲛⲉⲟⲩⲟϩ ⲡϭⲟⲓⲥ ⲫⲛⲟⲩϯ ⲛⲧⲉⲛⲓⲡⲛⲉⲩⲙⲁⲛⲧⲉⲛⲓⲡⲣⲟⲫⲏⲧⲏⲥ ⲁϥⲧⲁⲟⲩⲟ ⲙⲡⲉϥⲁⲅⲅⲉⲗⲟⲥ ⲉⲧⲁⲙⲉ ⲛⲉϥⲉⲃⲓⲁⲓⲕ ⲉⲛⲏ ⲉⲧⲥⲉⲙⲡϣⲁ ⲛⲧⲟⲩϣⲱⲡⲓ ⲛⲭⲱⲗⲉⲙ
He said to me, 'These words are faithful and true. The Lord God of the spirits of the prophets sent his angel to show to his bondservants the things which must happen soon.'
22.7
ϩⲏⲡⲡⲉ ϯⲛⲏⲟⲩ ϩⲏⲡⲡⲉ ϯⲛⲏⲟⲩ ⲛⲭⲱⲗⲉⲙ ⲟⲱⲩⲛⲓⲁⲧϥ ⲙⲫⲏ ⲉⲑⲛⲁⲁⲣⲉϩ ⲉⲛⲓⲥⲁϫⲓ ⲛⲧⲉⲧⲁⲓⲡⲣⲟⲫⲏⲧⲓⲁ ⲛⲧⲉⲡⲁⲓϫⲱⲙ .
'Behold, I come quickly. Blessed is he who keeps the words of the prophecy of this book.'
22.8
ⲁⲛⲟⲕ ⲡⲉ ⲓⲱⲁⲛⲛⲏⲥ ⲫⲏ ⲉⲧⲁϥⲛⲁⲩ ⲟⲩⲟϩ ⲫⲏ ⲉⲧⲥⲱⲧⲉⲙ ⲉⲛⲁⲓ ⲧⲟⲧⲉ ⲉⲧⲁⲓⲥⲱⲧⲉⲙ ⲟⲩⲟϩ ⲉⲧⲁⲓⲛⲁⲩ ⲉⲛⲁⲓ ⲁⲓϩⲓⲧⲧ ⲉⲡⲉⲥⲏ ⲧⲙⲡⲉⲙⲑⲟ ⲛⲛⲉⲛϭⲁⲗⲁⲩϫ ⲙⲡⲓⲁⲅⲅⲉⲗⲟⲥ ⲫⲏ ⲉⲧⲧⲁⲙⲟ ⲙⲙⲟⲓ ⲉⲛⲁⲓ .
Now I, John, am the one who heard and saw these things. When I heard and saw, I fell down to worship before the feet of the angel who had shown me these things.
22.9
ⲟⲩⲟϩ ⲡⲉϫⲁϥ ⲛⲏⲓ ϫⲉⲙⲫⲱⲣ ⲁⲛⲟⲕ ⲟⲩϣⲫⲏⲣ ⲙⲃⲱⲕ ⲛⲧⲁⲕ ⲛⲉⲙⲛⲉⲕⲥⲛⲏⲟⲩ ⲛⲓⲡⲣⲟⲫⲏ ⲧⲏⲥ ⲛⲉⲙⲛⲏ ⲉⲑⲛⲁⲁⲣⲉϩ ⲉⲛⲓⲥⲁϫⲓ ⲛⲧⲉⲡⲁⲓϫⲱⲙ ⲟⲩⲱϣⲧ ⲙⲫⲛⲟⲩϯ .
He said to me, 'See you don't do it! I am a fellow bondservant with you and with your brothers, the prophets, and with those who keep the words of this book. Worship God.'
22.10
ⲟⲩⲟϩ ⲡⲉϫⲁϥ ⲛⲏⲓ ϫⲉⲙⲡⲉⲣⲧⲉⲃ ⲛⲓⲥⲁϫⲓ ⲛⲧⲉⲧⲁⲓⲡⲣⲟⲫⲏⲧⲓⲁ ⲛⲧⲉⲡⲁⲓϫⲱⲙ ⲡⲓⲥⲏⲟⲩ ⲅⲁⲣ ⲁϥϧⲱⲛⲧ .
He said to me, 'Don't seal up the words of the prophecy of this book, for the time is at hand.
22.11
ⲫⲏ ⲉⲧϭⲓⲛϫⲟⲛⲥ ⲙⲁⲣⲉϥϭⲓⲛϫⲟⲛⲥ ⲟⲛ ⲫⲏ ⲉⲧⲑⲱⲗⲉⲃ ⲙⲁⲣⲉϥⲑⲱⲗⲉⲃ ⲡⲓⲑⲙⲏⲓ ⲙⲁⲣⲉϥⲑⲙⲁⲓⲟϥ ⲫⲏ ⲉⲑⲟⲩⲁⲃ ⲙⲁⲣⲉϥⲧⲟⲩⲃⲟϥ .
He who acts unjustly, let him act unjustly still. He who is filthy, let him be filthy still. He who is righteous, let him do righteousness still. He who is holy, let him be holy still.'
22.12
ϩⲏⲡⲡⲉ ϯⲛⲏⲟⲩ ⲛⲭⲱⲗⲉⲙ ⲡⲁⲃⲉⲭⲉ ⲛⲉⲙⲏⲓ ϯⲛⲁϯ ⲙⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁⲛⲉϥϩⲃⲏ ⲟⲩⲓ .
'Behold, I come quickly. My reward is with me, to repay to each man according to his work.
22.13
ⲁⲛⲟⲕ ⲡⲉ ⲡⲓⲁⲗⲫⲁ ⲛⲉⲙⲡⲓⲱ ϯⲁⲣⲭⲏ ⲛⲉⲙⲡⲓϫⲱⲕ ⲉⲃⲟⲗ .
I am the Alpha and the Omega, the First and the Last, the Beginning and the End.
22.14
ⲟⲱⲩⲛⲓⲁⲧⲟⲩ ⲛⲟⲩⲟⲛ ⲛⲓⲃⲉⲛ ⲛⲏ ⲉⲑⲛⲁⲓⲣⲓ ⲛⲛⲉϥⲉⲛⲧⲟⲗⲏ ϩⲓⲛⲁ ⲛⲧⲉⲡⲟⲩⲉⲣϣⲓϣⲓ ϣⲱⲡⲓ ϩⲓϫⲉⲛⲡⲓϣϣⲏⲛ ⲛⲧⲉⲡⲱⲛϧ ⲟⲩⲟϩ ⲉⲩⲉϣⲉ ⲉϧⲟⲩⲛ ⲉϯⲃⲁⲕⲓ ⲉⲃⲟⲗ ϧⲉⲛⲡⲓⲡⲩⲗⲱⲛ .
Blessed are those who do his commandments, that they may have the right to the tree of life, and may enter in by the gates into the city.
22.15
ⲛⲓⲟⲩϩⲱⲣ ⲇⲉ ⲥⲁⲃⲟⲗ ⲛⲉⲙⲛⲓⲫⲁⲣⲙⲁⲅⲟⲥ ⲛⲉⲙⲛⲓⲡⲟⲣⲛⲟⲥ ⲛⲉⲙⲛⲓⲣⲉϥϧⲱⲧⲉⲃ ⲛⲉⲙⲛⲓϣⲁⲙϣⲉ ⲓϧ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲓⲣⲓ ⲛϯⲙⲉⲑⲛⲟⲩϫ
Outside are the dogs, the sorcerers, the sexually immoral, the murderers, the idolaters, and everyone who loves and practices falsehood.
22.16
ⲁⲛⲟⲕ ⲡⲉ ⲓⲏⲥⲟⲩⲥ ⲁⲓⲧⲁⲟⲩⲟ ⲙⲡⲁⲁⲅⲅⲉⲗⲟⲥ ⲉⲉⲣⲙⲉⲑⲣⲉ ⲛⲱⲧⲉⲛ ⲛⲛⲁⲓⲥⲁϫⲓ ϧⲉⲛⲛⲓⲉⲕⲕⲗⲏⲥⲓⲁ ⲧⲏⲣⲟⲩ ⲁⲛⲟⲕ ⲡⲉ ϯⲛⲟⲩⲛⲓ ⲛⲉⲙⲡⲓⲅⲉⲛⲟⲥ ⲛⲧⲉⲇⲁⲩⲓⲇ ⲛⲉⲙⲡⲓⲥⲓⲟⲩ ⲉϣⲁϥϣⲁⲓ ⲛⲧⲟⲟⲩⲓ .
I, Jesus, have sent my angel to testify these things to you for the assemblies. I am the root and the offspring of David; the Bright and Morning Star.'

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.