Matthew (Bohairic Coptic)

Coptic New Testament (Bohairic) · 1,071 sections

10.28
ⲟⲩⲟϩ ⲙⲡⲉⲣⲉⲣϩⲟϯ ϧⲁⲧϩⲏ ⲙⲫⲏ ⲉⲑⲛⲁϧⲱⲧⲉⲃ ⲙⲡⲉⲧⲉⲛⲥⲱⲙⲁ ⲧⲉⲧⲉⲛⲯⲩⲭⲏ ⲇⲉ ⲙⲙⲟⲛ ϣϫⲟⲙ ⲙⲙⲱⲟⲩ ⲉϧⲟⲑⲃⲥ ⲁⲣⲓϩⲟϯ ⲇⲉ ⲛⲑⲟϥ ϧⲁⲧϩⲏ ⲙⲫⲏ ⲉⲧⲉⲟⲩⲟⲛ ϣϫⲟⲙ ⲙⲙⲟϥ ⲉϯⲯⲩⲭⲏ ⲛⲉⲙⲡⲓⲥⲱⲙⲁ ⲉⲧⲁⲕⲱⲟⲩ ϧⲉⲛϯⲅⲉⲉⲛⲛⲁ .
Don't be afraid of those who kill the body, but are not able to kill the soul. Rather, fear him who is able to destroy both soul and body in Gehenna.
10.29
ⲙⲏ ϭⲁϫ ⲃⲁⲛ ⲉⲧⲟⲩϯ ⲙⲙⲱⲟⲩ ⲉⲃⲟⲗ ϧⲁⲟⲩⲧⲉⲃⲓ ⲟⲩⲟϩ ⲟⲩⲁⲓ ⲉⲃⲟⲗ ⲛϧⲏ ⲧⲟⲩ ⲛⲛⲉϥϩⲉⲓ ⲉϫⲉⲛⲡⲓⲕⲁϩⲓ ⲁϭⲛⲉ ⲡⲉⲧⲉϩⲛⲉ ⲡⲉⲧⲉⲛⲓⲱⲧ ⲉⲧϧⲉⲛⲛⲓⲫⲏⲟⲩⲓ .
'Aren't two sparrows sold for an assarion coin? Not one of them falls on the ground apart from your Father's will,
10.30
ⲛⲑⲱⲧⲉⲛ ⲇⲉ ⲛⲓⲕⲉϥⲱⲓ ⲛⲧⲉⲧⲉⲛⲁⲫⲉ ⲥⲉⲏⲡ ⲧⲏⲣⲟⲩ .
but the very hairs of your head are all numbered.
10.31
ⲙⲡⲉⲣⲉⲣϩⲟϯ ⲟⲩⲛ ⲧⲉⲧⲉⲛⲟⲩⲟⲧ ⲅⲁⲣ ⲉⲟⲩⲙⲏϣ ⲛϭⲁϫ .
Therefore don't be afraid. You are of more value than many sparrows.
10.32
ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱⲛϩ ⲉⲃⲟⲗ ⲛϧⲏ ⲧⲙⲡⲉⲙⲑⲟ ⲛⲛⲓⲣⲱⲙⲓ ϯⲛⲁⲟⲩⲱⲛϩ ⲉⲃⲟⲗ ⲛϧⲏⲧϥ ϩⲱ ⲙⲡⲉⲙⲑⲟ ⲙⲡⲁⲓⲱⲧ ⲉⲧϧⲉⲛⲛⲓⲫⲏ ⲟⲩⲓ .
Everyone therefore who confesses me before men, him I will also confess before my Father who is in heaven.
10.33
ⲫⲏ ⲉⲑⲛⲁϫⲟⲗⲧ ⲉⲃⲟⲗ ⲙⲡⲉⲙⲑⲟ ⲛⲛⲓⲣⲱⲙⲓ ϯⲛⲁϫⲟⲗϥ ⲉⲃⲟⲗ ϩⲱ ⲙⲡⲉⲙⲑⲟ ⲙⲡⲁⲓⲱⲧ ⲉⲧϧⲉⲛⲛⲓⲫⲏⲟⲩⲓ .
But whoever denies me before men, him I will also deny before my Father who is in heaven.
10.34
ⲙⲡⲉⲣⲙⲉⲩⲓ ϫⲉⲉⲧⲁⲓⲓ ⲉϩⲓⲟⲩⲓ ⲛⲟⲩϩⲓⲣⲏ ⲛⲏ ϩⲓϫⲉⲛⲡⲓⲕⲁϩⲓ ⲛⲉⲧⲁⲓⲓ ⲉϩⲓⲟⲩⲓ ⲛⲟⲩϩⲓⲣⲏ ⲛⲏ ⲁⲛ ⲁⲗⲗⲁ ⲟⲩⲥⲏϥⲓ .
'Don't think that I came to send peace on the earth. I didn't come to send peace, but a sword.
10.35
ⲁⲓⲓ ⲅⲁⲣ ⲉⲫⲉⲣϫ ⲟⲩⲣⲱⲙⲓ ⲉⲡⲉϥⲓⲱⲧ ⲟⲩⲟϩ ⲟⲩϣⲉⲣⲓ ⲉⲧⲉⲥⲙⲁⲩ ⲟⲩⲟϩ ⲟⲩϣⲉⲗⲉⲧ ⲉⲧⲉⲥϣⲱⲙⲓ .
For I came to set a man at odds against his father, and a daughter against her mother, and a daughter-in-law against her mother-in-law.
10.36
ⲟⲩⲟϩ ⲛⲉⲛϫⲁϫⲓ ⲙⲡⲓⲣⲱⲙⲓ ⲛⲉⲛⲉϥⲣⲉⲙⲛⲏ ⲓ .
A man's foes will be those of his own household.
10.37
ⲫⲏ ⲉⲑⲙⲉⲓ ⲙⲡⲉϥⲓⲱⲧ ⲓⲉ ⲧⲉϥⲙⲁⲩ ⲉϩⲟⲧⲉⲣⲟⲓ ϥⲉⲙⲡϣⲁ ⲙⲙⲟⲓ ⲁⲛ ⲟⲩⲟϩ ⲫⲏ ⲉⲑⲙⲉⲓ ⲙⲡⲉϥϣⲏⲣⲓ ⲓⲉ ⲧⲉϥϣⲉⲣⲓ ⲉϩⲟⲧⲉⲣⲟⲓ ϥⲉⲙⲡϣⲁ ⲙⲙⲟⲓ ⲁⲛ .
He who loves father or mother more than me is not worthy of me; and he who loves son or daughter more than me isn't worthy of me.
10.38
ⲫⲏ ⲉⲧⲉⲛϥⲛⲁⲱⲗⲓ ⲙⲡⲉϥⲥⲧⲁⲩⲣⲟⲥ ⲁⲛ ⲟⲩⲟϩ ⲛⲧⲉϥⲙⲟϣⲓ ⲛⲥⲱⲓ ϥⲉⲙⲡϣⲁ ⲙⲙⲟⲓ ⲁⲛ .
He who doesn't take his cross and follow after me, isn't worthy of me.
10.39
ⲫⲏ ⲉⲧⲁϥϫⲓⲙⲓ ⲛⲧⲉϥⲯⲩⲭⲏ ⲉϥⲉⲧⲁⲕⲟⲥ ⲫⲏ ⲉⲑⲛⲁⲧⲁⲕⲟ ⲛⲧⲉϥⲯⲩⲭⲏ ⲉⲑⲃⲏⲧⲉϥⲉϫⲉⲙⲥ .
He who seeks his life will lose it; and he who loses his life for my sake will find it.
10.40
ⲫⲏ ⲉⲧϣⲱⲡ ⲙⲙⲱⲧⲉⲛ ⲁϥϣⲱⲡ ⲙⲙⲟⲓ ⲟⲩⲟϩ ⲫⲏ ⲉⲧϣⲱⲡ ⲙⲙⲟⲓ ⲁϥϣⲱⲡ ⲙⲫⲏ ⲉⲧⲁϥⲧⲁⲟⲩⲟⲓ .
He who receives you receives me, and he who receives me receives him who sent me.
10.41
ⲫⲏ ⲉⲧϣⲱⲡ ⲛⲟⲩⲡⲣⲟⲫⲏⲧⲏⲥ ⲉⲫⲣⲁⲛ ⲛⲟⲩⲡⲣⲟⲫⲏⲧⲏⲥ ⲉϥⲉϭⲓ ⲙⲫⲃⲉⲭⲉ ⲛⲟⲩⲡⲣⲟⲫⲏ ⲧⲏⲥ ⲫⲏ ⲉⲧϣⲱⲡ ⲛⲟⲩⲑⲙⲏⲓ ⲉⲫⲣⲁⲛ ⲛⲟⲩⲑⲙⲏ ⲓⲉϥⲉϭⲓ ⲙⲫⲃⲉⲭⲉ ⲛⲟⲩⲑⲙⲏⲓ .
He who receives a prophet in the name of a prophet will receive a prophet's reward. He who receives a righteous man in the name of a righteous man will receive a righteous man's reward.
10.42
ⲟⲩⲟϩ ⲫⲏ ⲉⲑⲛⲁⲧⲥⲉ ⲟⲩⲁⲓ ⲛⲛⲁⲓⲕⲟⲩϫⲓ ⲛⲟⲩⲁⲫⲟⲧ ⲙⲙⲱⲟⲩ ⲙⲱⲟⲩ ϩⲱϫ ⲙⲟⲛⲟⲛ ⲉⲫⲣⲁⲛ ⲛⲟⲩⲙⲁⲑⲏⲧⲏⲥ ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲛⲛⲉϥⲧⲁⲕⲟ ⲛϫⲉⲡⲉϥⲃⲉⲭⲉ .
Whoever gives one of these little ones just a cup of cold water to drink in the name of a disciple, most certainly I tell you he will in no way lose his reward.'
11.1
ⲟⲩⲟϩ ⲁⲥϣⲱⲡⲓ ⲉⲧⲁ ⲓⲏⲥⲟⲩⲥ ⲕⲏⲛ ⲉϥⲟⲩⲁϩⲥⲁϩⲛⲓ ⲉⲧⲟⲧϥ ⲙⲡⲉϥⲓⲃ ⲙⲙⲁⲑⲏⲧⲏⲥ ⲁϥⲟⲩⲱⲧⲉⲃ ⲉⲃⲟⲗ ⲙⲙⲁⲩ ⲉⲑⲣⲉϥϯⲥⲃⲱ ⲟⲩⲟϩ ⲛⲧⲉϥϩⲓⲱⲓϣ ⲛϩⲣⲏⲓ ϧⲉⲛⲛⲟⲩⲃⲁⲕⲓ .
It happened that when Jesus had finished directing his twelve disciples, he departed from there to teach and preach in their cities.
11.2
ⲓⲱⲁⲛⲛⲏⲥ ⲇⲉ ⲉⲧⲁϥⲥⲱⲧⲉⲙ ⲉϥⲭⲏ ϧⲉⲛⲡⲓϣⲧⲉⲕⲟ ⲉⲑⲃⲉⲛⲓϩⲃⲏⲟⲩⲓ ⲛⲧⲉⲡⲭⲣⲓⲥⲧⲟⲥ ⲁϥⲟⲩⲱⲣⲡ ⲛⲃ ⲉⲃⲟⲗ ϧⲉⲛⲛⲉϥⲙⲁⲑⲏⲧⲏⲥ .
Now when John heard in the prison the works of Christ, he sent two of his disciples
11.3
ⲡⲉϫⲁϥ ⲛⲁϥ ϫⲉⲛⲑⲟⲕ ⲡⲉ ⲫⲏ ⲉⲑⲛⲏⲟⲩ ϣⲁⲛ ⲛⲧⲉⲛϫⲟⲩϣⲧ ⲉⲃⲟⲗ ϧⲁϫⲱϥ ⲛⲕⲉⲟⲩⲁⲓ .
and said to him, 'Are you he who comes, or should we look for another?'
11.4
ⲟⲩⲟϩ ⲉⲧⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ⲡⲉϫⲁϥ ⲛⲱⲟⲩ ϫⲉⲙⲁϣⲉ ⲛⲱⲧⲉⲛ ⲙⲁⲧⲁⲙⲉ ⲓⲱⲁⲛⲛⲏⲥ ⲉⲛⲏ ⲉⲧⲉⲧⲉⲛⲛⲁⲩ ⲉⲣⲱⲟⲩ ⲛⲉⲙⲛⲏ ⲉⲧⲉⲧⲉⲛⲥⲱⲧⲉⲙ ⲉⲣⲱⲟⲩ .
Jesus answered them, 'Go and tell John the things which you hear and see:
11.5
ϫⲉⲛⲓⲃⲉⲗⲗⲉⲩ ⲥⲉⲛⲁⲩ ⲙⲃⲟⲗ ⲛⲓϭⲁⲗⲉⲩ ⲥⲉⲙⲟϣⲓ ⲛⲓⲕⲁⲕⲥⲉϩⲧ ⲥⲉⲧⲟⲩⲃⲏⲟⲩⲧ ⲛⲓⲕⲟⲩⲣ ⲥⲉⲥⲱⲧⲉⲙ ⲛⲓⲣⲉϥⲙⲱⲟⲩⲧ ⲥⲉⲧⲱⲟⲩⲛⲟⲩ ⲛⲓϩⲏⲕⲓ ⲥⲉϩⲓϣⲉⲛⲛⲟⲩϥⲓ ⲛⲱⲟⲩ
the blind receive their sight, the lame walk, the lepers are cleansed, the deaf hear,
11.6
ⲟⲩⲟϩ ⲟⲱⲩⲛⲓⲁⲧϥ ⲙⲫⲏ ⲉⲧⲉⲛϥⲛⲁⲉⲣⲥⲕⲁⲛⲇⲁⲗⲓⲍⲉⲥⲑⲉ ⲛϧⲏⲧ .
Blessed is he who finds no occasion for stumbling in me.'
11.7
ⲛⲁⲓ ⲇⲉ ⲉⲩⲛⲁϣⲉ ⲛⲱⲟⲩ ⲁϥⲉⲣϩⲏⲧⲥ ⲛϫⲉⲓⲏⲥⲟⲩⲥ ⲛϫⲟⲥ ⲛⲛⲓⲙⲏϣ ⲉⲑⲃⲉⲓⲱⲁⲛⲛⲏⲥ ϫⲉⲉⲧⲁⲣⲉⲧⲉⲛⲓ ⲉⲃⲟⲗ ⲉⲡϣⲁϥⲉ ⲉⲛⲁⲩ ⲉⲟⲩ ⲉⲟⲩⲕⲁϣ ⲉⲣⲉⲡⲓⲑⲏⲟⲩ ⲕⲓⲙ ⲉⲣⲟϥ .
As these went their way, Jesus began to say to the multitudes concerning John, 'What did you go out into the wilderness to see? A reed shaken by the wind?
11.8
ⲁⲗⲗⲁ ⲉⲧⲁⲣⲉⲧⲉⲛⲓ ⲉⲃⲟⲗ ⲉⲛⲁⲩ ⲉⲟⲩ ⲉⲟⲩⲣⲱⲙⲓ ⲉϥⲭⲏ ϧⲉⲛϩⲁⲛϭⲓϩⲃⲟⲥ ⲛϫⲁⲛⲉ ϩⲏⲡⲡⲉ ⲓⲥ ⲛⲁⲛⲓϩⲃⲱⲥ ⲛϫⲁⲛⲉ ⲥⲉⲭⲏ ϧⲉⲛⲛⲓⲏⲟⲩ ⲛⲛⲓⲟⲩⲣⲱⲟⲩ .
But what did you go out to see? A man in soft clothing? Behold, those who wear soft clothing are in king's houses.
11.9
ⲁⲗⲗⲁ ⲉⲧⲁⲣⲉⲧⲉⲛⲓ ⲉⲃⲟⲗ ⲉⲑⲃⲉⲟⲩ ⲉⲛⲁⲩ ⲉⲟⲩⲡⲣⲟⲫⲏⲧⲏⲥ ⲁϩⲁ ϯϫⲱ ⲙⲙⲟⲥ ⲛⲱⲧⲉⲛ ϫⲉϩⲟⲩⲟ ⲉⲟⲩⲡⲣⲟⲫⲏⲧⲏⲥ .
But why did you go out? To see a prophet? Yes, I tell you, and much more than a prophet.
11.10
ⲫⲁⲓ ⲅⲁⲣ ⲫⲏ ⲉⲧⲥϧⲏⲟⲩⲧ ⲉⲑⲃⲏⲧϥ ϫⲉϩⲏⲡⲡⲉ ϯⲛⲁⲟⲩⲱⲣⲡ ⲙⲡⲁⲅⲅⲉⲗⲟⲥ ϧⲁϫⲱⲕ ⲟⲩⲟϩ ⲉϥⲉⲥⲟⲃϯ ⲙⲡⲉⲕⲙⲑⲟ .
For this is he, of whom it is written, 'Behold, I send my messenger before your face, who will prepare your way before you.'
11.11
ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲙⲡⲉ ⲟⲩⲟⲛ ⲧⲱⲛϥ ϧⲉⲛⲛⲓⲙⲓⲥⲓ ⲛⲧⲉⲛⲓϩⲓⲟⲙⲓ ⲉⲛⲁⲁϥ ⲉⲓⲱⲁⲛⲛⲏⲥ ⲡⲓⲣⲉϥϯⲱⲙⲥ ⲡⲓⲕⲟⲩϫⲓ ⲇⲉ ⲉⲣⲟϥ ϧⲉⲛϯⲙⲉⲧⲟⲩⲣⲟ ⲛⲧⲉⲛⲓⲫⲏⲟⲩⲓ ⲟⲩⲛⲓϣϯ ⲉⲣⲟϥ ⲡⲉ .
Most certainly I tell you, among those who are born of women there has not arisen anyone greater than John the Baptizer; yet he who is least in the Kingdom of Heaven is greater than he.
11.12
ⲓⲥϫⲉⲛ ⲛⲓⲉϩⲟⲟⲩ ⲇⲉ ⲛⲧⲉⲓⲱⲁⲛⲛⲏⲥ ⲡⲓⲣⲉϥϯ ⲱⲙⲥ ϣⲁⲉϧⲟⲩⲛ ⲉϯⲛⲟⲩ ϯⲙⲉⲧⲟⲩⲣⲟ ⲛⲧⲉⲛⲓⲫⲏⲟⲩⲓ ⲥⲉϭⲓ ⲙⲙⲟⲥ ⲛϫⲟⲛⲥ ⲟⲩⲟϩ ϩⲁⲛⲣⲉϥϭⲓ ⲛϫⲟⲛⲥ ⲡⲉⲧϩⲱⲗⲉⲙ ⲙⲙⲟⲥ .
From the days of John the Baptizer until now, the Kingdom of Heaven suffers violence, and the violent take it by force.
11.13
ⲛⲓⲡⲣⲟⲫⲏⲧⲏⲥ ⲅⲁⲣ ⲧⲏⲣⲟⲩ ⲛⲉⲙⲡⲓⲛⲟⲙⲟⲥ ⲁⲩⲉⲣⲡⲣⲟⲫⲏⲧⲉⲩⲓⲛ ϣⲁⲓⲱⲁⲛⲛⲏⲥ .
For all the prophets and the law prophesied until John.
11.14
ⲟⲩⲟϩ ⲓⲥϫⲉ ⲧⲉⲧⲉⲛⲟⲩⲱϣ ⲉϣⲟⲡϥ ⲛⲑⲟϥ ⲡⲉ ⲏⲗⲓⲁⲥ ⲉⲑⲛⲏⲟⲩ .
If you are willing to receive it, this is Elijah, who is to come.
11.15
ⲫⲏ ⲉⲧⲉⲟⲩⲟⲛ ⲟⲩⲙⲁϣϫ ⲙⲙⲟϥ ⲉⲥⲱⲧⲉⲙ ⲙⲁⲣⲉϥⲥⲱⲧⲉⲙ .
He who has ears to hear, let him hear.
11.16
ⲁⲓⲛⲁⲧⲉⲛⲑⲱⲛ ⲧⲁⲓⲅⲉⲛⲉⲁ ⲇⲉ ⲉⲛⲓⲙ ⲥⲟⲛⲓ ⲛϩⲁⲛⲁⲗⲱⲟⲩⲓ ⲉⲩϩⲉⲙⲥⲓ ϩⲓⲛⲓⲁⲅⲟⲣⲁ ⲛⲁⲓ ⲉⲑⲙⲟⲩϯ ⲟⲩⲃⲉ ⲛⲟⲩⲉⲣⲏⲟⲩ
'But to what shall I compare this generation? It is like children sitting in the marketplaces, who call to their companions
11.17
ⲉⲩϫⲱ ⲙⲙⲟⲥ ϫⲉⲁⲛϫⲱ ⲉⲣⲱⲧⲉⲙ ⲟⲩⲟϩ ⲙⲡⲉⲧⲉⲛϭⲟⲥϫⲉⲥ ⲁⲛⲣⲓⲙⲓ ⲟⲩⲟϩ ⲙⲡⲉⲧⲉⲛⲛⲉϩⲡⲓ .
and say, 'We played the flute for you, and you didn't dance. We mourned for you, and you didn't lament.'
11.18
ⲁϥⲓ ⲅⲁⲣ ⲛϫⲉⲓⲱⲁⲛⲛⲏⲥ ⲉⲛϥⲟⲩⲱⲙ ⲁⲛ ⲟⲩⲟϩ ⲉⲛϥⲥⲱ ⲁⲛ ⲡⲉϫⲱⲟⲩ ϫⲉⲟⲩⲟⲛ ⲟⲩⲇⲁⲓⲙⲱⲛ ⲛⲉⲙⲁϥ .
For John came neither eating nor drinking, and they say, 'He has a demon.'
11.19
ⲁϥⲓ ⲇⲉ ⲛϫⲉⲡϣⲏⲣⲓ ⲙⲫⲣⲱⲙⲓ ⲉϥⲟⲩⲱⲙ ⲟⲩⲟϩ ⲉϥⲥⲱ ⲡⲉϫⲱⲟⲩ ϫⲉⲓⲥ ⲟⲩⲣⲱⲙⲓ ⲛⲣⲉϥⲟⲩⲱⲙ ⲟⲩⲟϩ ⲛⲥⲁⲩⲏⲣⲡ ⲡϣⲫⲏⲣ ⲡⲉ ⲛⲧⲉⲛⲓⲧⲉⲗⲱⲛⲏⲥ ⲛⲉⲛⲛⲓⲣⲉϥⲉⲣⲛⲟⲃⲓ ⲟⲩⲟϩ ⲁⲥⲑⲙⲁⲓⲟ ⲛϫⲉϯⲥⲟⲫⲓⲁ ⲉⲃⲟⲗ ϧⲉⲛⲛⲉⲥϩⲃⲏⲟⲩⲓ .
The Son of Man came eating and drinking, and they say, 'Behold, a gluttonous man and a drunkard, a friend of tax collectors and sinners!' But wisdom is justified by her children.'
11.20
ⲧⲟⲧⲉ ⲁϥⲉⲣϩⲏⲧⲥ ⲛϩⲓⲭⲟϩ ⲉϧⲟⲩⲛ ⲉⲛⲓⲃⲁⲕⲓ ⲛⲏ ⲉⲧⲁ ⲡϩⲟⲩⲟ ⲛⲛⲉϥϫⲟⲙ ϣⲱⲡⲓ ⲛϧⲏⲧⲟⲩ ⲟⲩⲟϩ ⲙⲡⲟⲩⲉⲣⲙⲉⲧⲁⲛⲟⲓⲛ .
Then he began to denounce the cities in which most of his mighty works had been done, because they didn't repent.
11.21
ⲟⲩⲟⲓ ⲛⲉⲭⲟⲣⲁⲍⲓⲛ ⲟⲩⲟⲓ ⲛⲉⲃⲏⲑⲥⲁⲓⲇⲁ ϫⲉⲉⲛⲉⲁ ⲛⲁⲓϫⲟⲙ ϣⲱⲡⲓ ϧⲉⲛⲧⲩⲣⲟⲥ ⲛⲉⲙⲧⲥⲓⲇⲱⲛ ⲉⲧⲁⲩϣⲱⲡⲓ ϧⲉⲛⲑⲏⲛⲟⲩ ⲛⲉⲓⲥⲑⲛⲉⲓ ⲡⲉ ⲁⲩⲉⲣⲙⲉⲧⲁⲛⲟⲓⲛ ϧⲉⲛⲟⲩⲥⲟⲕ ⲛⲉⲙⲟⲩⲕⲉⲣⲙⲓ .
'Woe to you, Chorazin! Woe to you, Bethsaida! For if the mighty works had been done in Tyre and Sidon which were done in you, they would have repented long ago in sackcloth and ashes.
11.22
ⲡⲗⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲧⲩⲣⲟⲥ ⲛⲉⲙⲧⲥⲓⲇⲱⲛ ⲉⲩⲉϯⲁⲥⲟ ⲉⲣⲱⲟⲩ ϧⲉⲛⲡⲉϩⲟⲟⲩ ⲛⲧⲉϯⲕⲣⲓⲥⲓⲥ ⲉϩⲟⲧⲉⲣⲱⲧⲉⲛ .
But I tell you, it will be more tolerable for Tyre and Sidon on the day of judgment than for you.
11.23
ⲛⲉⲙⲛⲑⲟ ϩⲱⲓ ⲕⲁⲫⲁⲣⲛⲁⲟⲩⲙ ⲙⲏ ⲧⲉⲣⲁϭⲓⲥⲓ ϣⲁⲉϩⲣⲏⲓ ⲉⲧⲫⲉ ⲉⲩⲉⲑⲉⲃⲓⲟ ϣⲁⲉϧⲣⲏⲓ ⲉⲁⲙⲉⲛϯ ϫⲉⲉⲛⲉ ϧⲉⲛⲥⲟⲇⲟⲙⲁ ⲁⲩϣⲱⲡⲓ ⲛϫⲉⲛⲁⲓϫⲟⲙ ⲉⲧⲁⲩϣⲱⲡⲓ ⲛϧⲏϯ ⲛⲉⲓⲥϫⲉⲕ ⲥⲉϣⲟⲡ ϣⲁⲉϧⲟⲩⲛ ⲉⲫⲟⲟⲩ .
You, Capernaum, who are exalted to heaven, you will go down to Hades. For if the mighty works had been done in Sodom which were done in you, it would have remained until this day.
11.24
ⲡⲗⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲡⲕⲁϩⲓ ⲛⲥⲟⲇⲟⲙⲁ ⲉⲩⲉϯⲁⲥⲟ ⲉⲣⲟϥ ϧⲉⲛⲡⲉϩⲟⲟⲩ ⲛⲧⲉϯⲕⲣⲓⲥⲓⲥ ⲉϩⲟⲧⲉⲣⲟ .
But I tell you that it will be more tolerable for the land of Sodom, on the day of judgment, than for you.'
11.25
ⲛϩⲣⲏⲓ ⲇⲉ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ⲟⲩⲟϩ ⲡⲉϫⲁϥ ϫⲉϯⲟⲩⲱⲛϩ ⲛⲁⲕ ⲉⲃⲟⲗ ⲫⲓⲱⲧ ⲡϭⲟⲓⲥ ⲛⲧⲫⲉ ⲛⲉⲙⲡⲓⲕⲁϩⲓ ϫⲉⲁⲕϩⲉⲡ ⲛⲁⲓ ⲉϩⲁⲛⲥⲁⲃⲉⲩ ⲛⲉⲙϩⲁⲛⲕⲁⲧϩⲏⲧ ⲟⲩⲟϩ ⲁⲕϭⲟⲣⲡⲟⲩ ⲉⲃⲟⲗ ⲛϩⲁⲛⲕⲟⲩϫⲓ ⲛⲁⲗⲱⲟⲩⲓ .
At that time, Jesus answered, 'I thank you, Father, Lord of heaven and earth, that you hid these things from the wise and understanding, and revealed them to infants.
11.26
ⲁϩⲁ ⲫⲓⲱⲧ ϫⲉⲫⲁⲓ ⲡⲉ ⲡⲓϯⲙⲁϯ ⲉⲧⲁϥϣⲱⲡⲓ ⲙⲡⲉⲕⲙⲑⲟ .
Yes, Father, for so it was well-pleasing in your sight.
11.27
ϩⲱⲃ ⲛⲓⲃⲉⲛ ⲁⲫⲓⲱⲧ ⲧⲏⲓⲧⲟⲩ ⲉⲧⲟⲧⲟⲩⲟϩ ⲙⲙⲟⲛ ϩⲗⲓ ⲥⲱⲟⲩⲛ ⲙⲡϣⲏⲣⲓ ⲉⲃⲏⲗ ⲉⲫⲓⲱⲧ ⲟⲩⲇⲉ ⲙⲙⲟⲛ ϩⲗⲓ ⲥⲱⲟⲩⲛ ⲙⲫⲓⲱⲧ ⲉⲃⲏⲗ ⲉⲡϣⲏⲣⲓ ⲛⲉⲙⲫⲏ ⲉⲧⲉϩⲛⲉ ⲡϣⲏⲣⲓ ⲉϭⲱⲣⲡ ⲛⲁϥ ⲉⲃⲟⲗ .
All things have been delivered to me by my Father. No one knows the Son, except the Father; neither does anyone know the Father, except the Son, and he to whom the Son desires to reveal him.
11.28
ⲁⲙⲱⲓⲛⲓ ϩⲁⲣⲟⲓ ⲟⲩⲟⲛ ⲛⲓⲃⲉⲛ ⲉⲧϧⲟⲥⲓ ⲟⲩⲟϩ ⲉⲧⲟⲡⲧ ϧⲁⲛⲟⲩⲉⲧⲫⲱⲟⲩⲓ ⲟⲩⲟϩ ⲁⲛⲟⲕ ⲉⲑⲛⲁϯⲙⲧⲟⲛ ⲛⲱⲧⲉⲛ .
'Come to me, all you who labor and are heavily burdened, and I will give you rest.
11.29
ⲁⲗⲓⲟⲩⲓ ⲙⲡⲁⲛⲁϩⲃⲉϥ ⲉϫⲉⲛⲑⲏⲛⲟⲩ ⲟⲩⲟϩ ⲁⲣⲓⲉⲙⲓ ⲉⲃⲟⲗ ⲙⲙⲟⲓ ϫⲉⲁⲛⲟⲕ ⲟⲩⲣⲉⲙⲣⲁⲩϣ ⲟⲩⲟϩ ϯⲑⲉⲃⲓⲏⲟⲩⲧ ϧⲉⲛⲡⲁϩⲏⲧ ⲟⲩⲟϩ ⲉⲣⲉⲧⲉⲛⲉϫⲓⲙⲓ ⲛⲟⲩⲙⲁⲛⲙⲧⲟⲛ ⲛⲛⲉⲧⲉⲛⲯⲩⲭⲏ .
Take my yoke upon you, and learn from me, for I am gentle and lowly in heart; and you will find rest for your souls.
11.30
ⲡⲁⲛⲁϩⲃⲉϥ ⲅⲁⲣ ϩⲟⲗϫ ⲟⲩⲟϩ ⲧⲁⲉⲧⲫⲱ ⲁⲥⲓⲱⲟⲩ .
For my yoke is easy, and my burden is light.'
12.1
ⲛϩⲣⲏⲓ ⲇⲉ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲁϥϣⲉ ⲛⲁϥ ⲛϫⲉⲓⲏⲥⲟⲩⲥ ϧⲉⲛⲡⲥⲁⲃⲃⲁⲧⲟⲛ ⲉⲃⲟⲗ ϩⲓⲧⲟⲧⲟⲩ ⲛⲛⲓⲣⲟϯ ⲛⲉϥⲙⲁⲑⲏⲧⲏⲥ ⲇⲉ ⲛⲉⲁⲩϩⲕⲟ ⲡⲉ ⲟⲩⲟϩ ⲁⲩⲉⲣϩⲏⲧⲥ ⲛⲥⲱⲗⲡ ⲛⲥⲁⲛⲓϧⲉⲙⲥ ⲉⲟⲩⲱⲙ .
At that time, Jesus went on the Sabbath day through the grain fields. His disciples were hungry and began to pluck heads of grain and to eat.
12.2
ⲛⲓⲫⲁⲣⲓⲥⲁⲓⲟⲥ ⲇⲉ ⲉⲧⲁⲩⲛⲁⲩ ⲡⲉϫⲱⲟⲩ ⲛⲁϥ ϫⲉⲓⲥ ⲛⲉⲕⲙⲁⲑⲏⲧⲏⲥ ⲥⲉⲓⲣⲓ ⲙⲡⲉⲧⲥϣⲉ ⲛⲁⲓϥ ⲁⲛ ϧⲉⲛⲡⲥⲁⲃⲃⲁⲧⲟⲛ .
But the Pharisees, when they saw it, said to him, 'Behold, your disciples do what is not lawful to do on the Sabbath.'
12.3
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲙⲡⲉⲧⲉⲛⲱϣ ϫⲉⲟⲩ ⲡⲉ ⲉⲧⲁ ⲇⲁⲩⲓⲇ ⲁⲓϥ ⲉⲧⲁϥϩⲕⲟ ⲛⲉⲙⲛⲏ ⲉⲑⲛⲉⲙⲁϥ .
But he said to them, 'Haven't you read what David did, when he was hungry, and those who were with him;
12.4
ⲡⲱⲥ ⲁϥϣⲉ ⲛⲁϥ ⲉϧⲟⲩⲛ ⲉⲡⲏⲓ ⲙⲫⲛⲟⲩϯ ⲟⲩⲟϩ ⲛⲓⲱⲓⲕ ⲛⲧⲉϯⲡⲣⲟⲑⲉⲥⲓⲥ ⲁϥⲟⲩⲟⲙⲟⲩ ⲛⲏ ⲉⲧⲉⲛⲁⲥⲙⲡϣⲁ ⲛⲁϥ ⲁⲛ ⲡⲉ ⲉⲟⲩⲱⲙ ⲉⲃⲟⲗ ⲛϧⲏⲧⲟⲩ ⲟⲩⲇⲉ ⲛⲏ ⲉⲑⲛⲉⲙⲁϥ ⲉⲃⲏⲗ ⲉⲛⲓⲟⲩⲏⲃ ⲙⲙⲁⲩⲧⲟⲩ .
how he entered into the house of God, and ate the show bread, which was not lawful for him to eat, neither for those who were with him, but only for the priests?
12.5
ⲁⲛ ⲙⲡⲉⲧⲉⲛⲱϣ ϧⲉⲛⲡⲓⲛⲟⲙⲟⲥ ϫⲉⲛϩⲣⲏ ⲓϧⲉⲛ ⲛⲓⲥⲁⲃⲃⲁⲧⲟⲛ ⲛⲓⲟⲩⲏⲃ ϧⲉⲛⲡⲓⲉⲣⲫⲉⲓ ⲥⲉⲥⲱϥ ⲙⲡⲓⲥⲁⲃⲃⲁⲧⲟⲛ ⲟⲩⲟϩ ⲙⲙⲟⲛ ⲛⲟⲃⲓ ϭⲓ ⲉⲣⲱⲟⲩ .
Or have you not read in the law, that on the Sabbath day, the priests in the temple profane the Sabbath, and are guiltless?
12.6
ϯϫⲱ ⲇⲉ ⲙⲙⲟⲥ ⲛⲱⲧⲉⲛ ϫⲉⲓⲥ ϩⲟⲩⲟ ⲉⲡⲓⲉⲣⲫⲉⲓ ⲙⲡⲁⲓⲙⲁ .
But I tell you that one greater than the temple is here.
12.7
ⲉⲛⲁⲣⲉⲧⲉⲛⲉⲙⲓ ϫⲉⲟⲩ ⲡⲉ ⲟⲩⲛⲁⲓ ϯⲟⲩⲁϣϥ ⲟⲩⲟϩ ⲛⲟⲩϣⲟⲩϣⲱⲟⲩϣⲓ ⲁⲛ ⲛⲁⲣⲉⲧⲉⲛⲛⲁϯ ϩⲁⲡ ⲁⲛ ⲡⲉ ⲉⲛⲓⲁⲧⲛⲟⲃⲓ .
But if you had known what this means, 'I desire mercy, and not sacrifice,' you would not have condemned the guiltless.
12.8
ⲡϭⲟⲓⲥ ⲅⲁⲣ ⲙⲡⲥⲁⲃⲃⲁⲧⲟⲛ ⲡⲉ ⲡϣⲏⲣⲓ ⲙⲫⲣⲱⲙⲓ .
For the Son of Man is Lord of the Sabbath.'
12.9
ⲟⲩⲟϩ ⲉⲧⲁϥⲟⲩⲱⲧⲉⲃ ⲉⲃⲟⲗ ⲙⲙⲁⲩ ⲁϥⲓ ⲉϧⲟⲩⲛ ⲉⲧⲟⲩⲥⲩⲛⲁⲅⲱⲅⲏ .
He departed there, and went into their synagogue.
12.10
ⲟⲩⲟϩ ⲓⲥ ⲟⲩⲣⲱⲙⲓ ⲉⲣⲉⲧⲉϥϫⲓϫ ϣⲟⲩⲱⲟⲩ ⲟⲩⲟϩ ⲁⲩϣⲉⲛϥ ⲉⲩϫⲱ ⲙⲙⲟⲥ ϫⲉⲁⲛ ⲥϣⲉ ⲛⲉⲣⲫⲁϧⲣⲓ ϧⲉⲛⲡⲥⲁⲃⲃⲁⲧⲟⲛ ϩⲓⲛⲁ ⲛⲥⲉⲉⲣⲕⲁⲧⲏⲅⲟⲣⲓⲛ ⲉⲣⲟϥ .
And behold there was a man with a withered hand. They asked him, 'Is it lawful to heal on the Sabbath day?' that they might accuse him.
12.11
ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ ϫⲉⲛⲓⲙ ⲛⲣⲱⲙⲓ ⲉⲧϧⲉⲛⲑⲏⲛⲟⲩ ⲉⲧⲉⲟⲩⲟⲛⲧⲉϥ ⲟⲩⲉⲥⲱⲟⲩ ⲙⲙⲁⲩ ⲟⲩⲟϩ ⲛⲧⲉⲫⲁⲓ ϩⲉⲓ ⲉⲟⲩϣⲓⲕ ϧⲉⲛⲡⲥⲁⲃⲃⲁⲧⲟⲛ ⲙⲏ ϥⲛⲁⲁⲙⲟⲛⲓ ⲙⲙⲟϥ ⲁⲛ ⲛⲧⲉϥⲧⲟⲩⲛⲟⲥϥ .
He said to them, 'What man is there among you, who has one sheep, and if this one falls into a pit on the Sabbath day, won't he grab on to it, and lift it out?
12.12
ⲓⲉ ⲟⲩⲟⲛ ⲟⲩⲣⲱⲙⲓ ϫⲉⲟⲩⲟⲧ ⲉⲟⲩⲉⲥⲱⲟⲩ ⲛⲁⲩⲏⲣ ϩⲱⲥⲧⲉ ⲥϣⲉ ⲛⲉⲣⲡⲉⲑⲛⲁⲛⲉϥ ϧⲉⲛⲛⲓⲥⲁⲃⲃⲁⲧⲟⲛ .
Of how much more value then is a man than a sheep! Therefore it is lawful to do good on the Sabbath day.'
12.13
ⲧⲟⲧⲉ ⲡⲉϫⲁϥ ⲙⲡⲓⲣⲱⲙⲓ ϫⲉⲥⲟⲩⲧⲉⲛ ⲧⲉⲕϫⲓϫ ⲉⲃⲟⲗ ⲟⲩⲟϩ ⲁϥⲥⲟⲩⲧⲱⲛⲥ ⲟⲩⲟϩ ⲁⲥⲟⲩϫⲁⲓ ⲙⲫⲣⲏϯ ⲛϯⲭⲉϯ .
Then he told the man, 'Stretch out your hand.' He stretched it out; and it was restored whole, just like the other.
12.14
ⲉⲧⲁⲩⲓ ⲉⲃⲟⲗ ⲛϫⲉⲛⲓⲫⲁⲣⲓⲥⲁⲓⲟⲥ ⲁⲩⲉⲣ ⲟⲩⲥⲟϭⲛⲓ ϧⲁⲣⲟϥ ϩⲓⲛⲁ ⲛⲥⲉⲧⲁⲕⲟϥ .
But the Pharisees went out, and conspired against him, how they might destroy him.
12.15
ⲓⲏⲥⲟⲩⲥ ⲇⲉ ⲉⲧⲁϥⲉⲙⲓ ⲁϥⲟⲩⲱⲧⲉⲃ ⲉⲃⲟⲗ ⲙⲙⲁⲩ ⲟⲩⲟϩ ⲁⲩⲟⲩⲁϩⲟⲩ ⲛⲥⲱϥ ⲛϫⲉϩⲁⲛⲛⲓϣϯ ⲙⲙⲏϣ ⲟⲩⲟϩ ⲁϥⲉⲣⲫⲁϧⲣⲓ ⲉⲣⲱⲟⲩ ⲧⲏⲣⲟⲩ .
Jesus, perceiving that, withdrew from there. Great multitudes followed him; and he healed them all,
12.16
ⲁϥⲉⲣⲉⲡⲓⲧⲓⲙⲁⲛ ⲛⲱⲟⲩ ϩⲓⲛⲁ ⲛⲥⲉϣⲧⲉⲙⲟⲩⲟⲛϩϥ ⲉⲃⲟⲗ .
and commanded them that they should not make him known:
12.17
ϩⲓⲛⲁ ⲛⲧⲉϥϫⲱⲕ ⲉⲃⲟⲗ ⲛϫⲉⲫⲏ ⲉⲧⲁϥϫⲟϥ ⲉⲃⲟⲗ ϩⲓⲧⲟⲧϥ ⲛⲏⲥⲁⲓⲁⲥ ⲡⲓⲡⲣⲟⲫⲏⲧⲏⲥ ⲉϥϫⲱ ⲙⲙⲟⲥ .
that it might be fulfilled which was spoken through Isaiah the prophet, saying,
12.18
ϫⲉϩⲏⲡⲡⲉ ⲓⲥ ⲡⲁⲁⲗⲟⲩ ⲫⲏ ⲉⲧⲁϥⲣⲁⲛⲏ ⲓⲡⲁⲙⲉⲛⲣⲓⲧ ⲫⲏ ⲉⲧⲁ ⲧⲁⲯⲩⲭⲏ ϯⲙⲁϯ ⲛϧⲏⲧϥ ⲉⲓⲉⲭⲱ ⲙⲡⲁⲡⲛⲉⲩⲙⲁϩⲓϫⲱϥ ⲉϥⲉⲧⲁⲙⲉ ⲛⲓⲉⲑⲛⲟⲥ ⲉⲩϩⲁⲡ .
'Behold, my servant whom I have chosen; my beloved in whom my soul is well pleased: I will put my Spirit on him. He will proclaim justice to the nations.
12.19
ⲛⲛⲉϥϣϭⲛⲏⲛ ⲟⲩⲇⲉ ⲛⲛⲉϥⲱϣ ⲉⲃⲟⲗ ⲟⲩⲇⲉ ⲛⲛⲉ ⲟⲩⲁⲓ ⲥⲱⲧⲉⲙ ⲉⲧⲉϥⲥⲙⲏ ϧⲉⲛⲛⲓⲡⲗⲁⲧⲓⲁ .
He will not strive, nor shout; neither will anyone hear his voice in the streets.
12.20
ⲟⲩⲕⲁϣ ⲉϥϧⲉⲙϧⲱⲙ ⲛⲛⲉϥⲕⲁϣϥ ⲟⲩⲥⲟⲗ ⲉϥⲟⲓ ⲛⲭⲣⲉⲙⲧⲥ ⲛⲛⲉϥϭⲉⲛⲟϥ ϣⲁⲧⲉϥϩⲓⲟⲩⲓ ⲙⲡⲓϩⲁⲡ ⲉⲩϭⲣⲟ .
He won't break a bruised reed. He won't quench a smoking flax, until he leads justice to victory.
12.21
ⲟⲩⲟϩ ⲛⲓⲉⲑⲛⲟⲥ ⲉⲩⲉⲉⲣϩⲉⲗⲡⲓⲥ ⲉⲡⲉϥⲣⲁⲛ .
In his name, the nations will hope.'
12.22
ⲧⲟⲧⲉ ⲁⲩⲓⲛⲓ ⲛⲁϥ ⲛⲟⲩⲃⲉⲗⲗⲉ ⲉⲟⲩⲟⲛ ⲟⲩⲇⲁⲓⲙⲱⲛ ⲛⲉⲙⲁϥ ⲟⲩⲟϩ ⲉϥⲟⲓ ⲛⲉⲃⲟ ⲟⲩⲟϩ ⲁϥⲉⲣⲫⲁϧⲣⲓ ⲉⲣⲟϥ ϩⲱⲥⲧⲉ ⲛⲧⲉⲡⲓⲉⲃⲟ ⲥⲁϫⲓ ⲟⲩⲟϩ ⲛⲧⲉϥⲛⲁⲩ ⲙⲃⲟⲗ .
Then one possessed by a demon, blind and mute, was brought to him and he healed him, so that the blind and mute man both spoke and saw.
12.23
ⲛⲁⲩⲧⲟⲙⲧ ⲇⲉ ⲧⲏⲣⲟⲩ ⲛϫⲉⲛⲓⲙⲏϣ ⲛⲁⲩϫⲱ ⲙⲙⲟⲥ ϫⲉⲙⲏ ⲫⲁⲓ ⲡⲉ ⲡϣⲏⲣⲓ ⲛⲇⲁⲩⲓⲇ .
All the multitudes were amazed, and said, 'Can this be the son of David?'
12.24
ⲛⲓⲫⲁⲣⲓⲥⲁⲓⲟⲥ ⲇⲉ ⲉⲧⲁⲩⲥⲱⲧⲉⲙ ⲡⲉϫⲱⲟⲩ ϫⲉⲛⲁⲣⲉⲫⲁⲓ ϩⲓⲟⲩⲓ ⲛⲛⲓⲇⲁⲓⲙⲱⲛ ⲉⲃⲟⲗ ⲁⲛ ϧⲉⲛϩⲗⲓ ⲉⲃⲏⲗ ϧⲉⲛⲃⲉⲗⲍⲉⲃⲟⲩⲗ ⲡⲁⲣⲭⲱⲛ ⲛⲧⲉⲛⲓⲇⲁⲓⲙⲱⲛ .
But when the Pharisees heard it, they said, 'This man does not cast out demons, except by Beelzebul, the prince of the demons.'
12.25
ⲉⲧⲁϥⲛⲁⲩ ⲇⲉ ⲉⲛⲟⲩⲙⲟⲕⲙⲉⲕ ⲡⲉϫⲁϥ ⲛⲱⲟⲩ ϫⲉⲙⲉⲧⲟⲩⲣⲟ ⲛⲓⲃⲉⲛ ⲁⲥϣⲁⲛⲫⲱϣ ⲉϩⲣⲁⲥ ⲙⲙⲁⲩⲁⲧⲥ ϣⲁⲥϣⲱϥ ⲟⲩⲟϩ ⲃⲁⲕⲓ ⲛⲓⲃⲉⲛ ⲓⲉ ⲏⲓ ⲛⲓⲃⲉⲛ ⲁⲩϣⲁⲛⲫⲱϣ ⲉϩⲣⲁⲩ ⲙⲙⲁⲩⲧⲟⲩ ⲙⲡⲁⲩϣⲟϩⲓ ⲉⲣⲁⲧⲟⲩ .
Knowing their thoughts, Jesus said to them, 'Every kingdom divided against itself is brought to desolation, and every city or house divided against itself will not stand.
12.26
ⲟⲩⲟϩ ⲓⲥϫⲉ ⲡⲥⲁⲧⲁⲛⲁⲥ ⲡⲉⲧϩⲓⲟⲩⲓ ⲙⲡⲥⲁⲧⲁⲛⲁⲥ ⲉⲃⲟⲗ ⲓⲉ ⲁϥⲫⲱϣ ⲉϩⲣⲁϥ ⲙⲙⲓⲛⲙⲙⲟϥ ⲡⲱⲥ ⲟⲩⲛ ⲧⲉϥⲙⲉⲧⲟⲩⲣⲟ ⲛⲁϣⲟϩⲓ ⲉⲣⲁⲧⲥ .
If Satan casts out Satan, he is divided against himself. How then will his kingdom stand?
12.27
ⲟⲩⲟϩ ⲓⲥϫⲉ ⲁⲛⲟⲕ ϧⲉⲛⲃⲉⲗⲍⲉⲃⲟⲩⲗ ϯϩⲓⲟⲩⲓ ⲛⲛⲓⲇⲁⲓⲙⲱⲛ ⲉⲃⲟⲗ ⲓⲉ ⲛⲉⲧⲉⲛϣⲏⲣⲓ ⲁⲩϩⲓⲟⲩⲓ ⲉⲃⲟⲗ ϧⲉⲛⲛⲓⲙ ⲉⲑⲃⲉⲫⲁⲓ ⲛⲑⲱⲟⲩ ⲉⲩⲉⲉⲣⲣⲉϥϯϩⲁⲡ ⲉⲣⲱⲧⲉⲛ .
If I by Beelzebul cast out demons, by whom do your children cast them out? Therefore they will be your judges.
12.28
ⲓⲥϫⲉ ⲇⲉ ϧⲉⲛⲟⲩⲡⲛⲉⲩⲙⲁⲛⲧⲉⲫⲛⲟⲩϯ ⲁⲛⲟⲕ ϯϩⲓⲟⲩⲓ ⲛⲛⲓⲇⲁⲓⲙⲱⲛ ⲉⲃⲟⲗ ϩⲁⲣⲁ ⲁⲥⲫⲟϩ ⲉⲣⲱⲧⲉⲛ ⲛϫⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ .
But if I by the Spirit of God cast out demons, then the Kingdom of God has come upon you.
12.29
ⲓⲉ ⲡⲱⲥ ⲟⲩⲟⲛ ϣϫⲟⲙ ⲛⲧⲉⲟⲩⲁⲓ ϣⲉ ⲉϧⲟⲩⲛ ⲉⲡⲏⲓ ⲙⲡⲓϫⲱⲣⲓ ⲛⲧⲉϥϩⲱⲗⲉⲙ ⲛⲛⲉϥⲥⲕⲉⲩⲟⲥ ⲁϥϣⲧⲉⲙⲥⲱⲛϩ ⲙⲡⲓϫⲱⲣⲓ ⲛϣⲟⲣⲡ ⲟⲩⲟϩ ⲧⲟⲧⲉ ⲛⲧⲉϥϩⲱⲗⲉⲙ ⲙⲡⲉϥⲏⲓ .
Or how can one enter into the house of the strong man, and plunder his goods, unless he first bind the strong man? Then he will plunder his house.
12.30
ⲫⲏ ⲉⲧⲉⲛϥⲛⲉⲙⲏⲓ ⲁⲛ ⲁϥϯⲟⲩⲃⲏⲓ ⲟⲩⲟϩ ⲫⲏ ⲉⲧⲉⲛϥⲉⲣⲥⲩⲛⲁⲅⲓⲥⲑⲉ ⲛⲉⲙⲏⲓ ⲁⲛ ϥϫⲱⲣ ⲙⲙⲟⲓ ⲉⲃⲟⲗ .
'He who is not with me is against me, and he who doesn't gather with me, scatters.
12.31
ⲉⲑⲃⲉⲫⲁⲓ ϯϫⲱ ⲙⲙⲟⲥ ⲛⲱⲧⲉⲛ ϫⲉⲛⲟⲃⲓ ⲛⲓⲃⲉⲛ ⲛⲉⲙϫⲉⲟⲩⲁ ⲛⲓⲃⲉⲛ ⲉⲩⲉⲭⲁⲩ ⲉⲃⲟⲗ ⲛⲛⲓⲣⲱⲙⲓ ⲡⲓϫⲉⲟⲩⲁ ⲇⲉ ⲛⲑⲟϥ ⲛⲧⲉⲡⲓⲡⲛⲉⲩⲙⲁⲉⲑⲟⲩⲁⲃ ⲛⲛⲟⲩⲭⲁϥ ⲉⲃⲟⲗ .
Therefore I tell you, every sin and blasphemy will be forgiven men, but the blasphemy against the Spirit will not be forgiven men.
12.32
ⲟⲩⲟϩ ⲫⲏ ⲉⲑⲛⲁϫⲉ ⲟⲩⲥⲁϫⲓ ⲛⲥⲁⲡϣⲏⲣⲓ ⲙⲫⲣⲱⲙⲓ ⲉⲩⲉⲭⲁϥ ⲛⲁϥ ⲉⲃⲟⲗ ⲫⲏ ⲇⲉ ⲉⲑⲛⲁϫⲱ ϧⲁⲡⲓⲡⲛⲉⲩⲙⲁⲉⲑⲟⲩⲁⲃ ⲛⲛⲟⲩⲭⲱ ⲛⲁϥ ⲉⲃⲟⲗ ⲟⲩⲇⲉ ϧⲉⲛⲡⲁⲓⲉⲛⲉϩ ⲟⲩⲇⲉ ϧⲉⲛⲡⲉⲑⲛⲏⲟⲩ .
Whoever speaks a word against the Son of Man, it will be forgiven him; but whoever speaks against the Holy Spirit, it will not be forgiven him, neither in this age, nor in that which is to come.
12.33
ⲓⲉ ⲁⲣⲓ ⲡⲓϣϣⲏⲛ ⲉⲑⲛⲁⲛⲉϥ ⲛⲉⲙⲡⲉϥⲟⲩⲧⲁϩ ⲉⲑⲛⲁⲛⲉϥ ⲓⲉ ⲁⲣⲓ ⲡⲓϣϣⲏⲛ ⲉⲧϩⲱⲟⲩ ⲛⲉⲙⲡⲉϥⲟⲩⲧⲁϩ ⲉⲧϩⲱⲟⲩ ⲉⲃⲟⲗ ⲅⲁⲣ ϧⲉⲛⲡⲓⲟⲩⲧⲁϩ ϣⲁⲩⲥⲟⲩⲉⲛ ⲡⲓϣϣⲏⲛ .
'Either make the tree good, and its fruit good, or make the tree corrupt, and its fruit corrupt; for the tree is known by its fruit.
12.34
ⲛⲓⲙⲓⲥⲓ ⲉⲃⲟⲗ ϧⲉⲛⲛⲓⲁϫⲱ ⲡⲱⲥ ⲟⲩⲟⲛ ϣϫⲟⲙ ⲙⲙⲱⲧⲉⲛ ⲉⲥⲁϫⲓ ⲛϩⲁⲛⲡⲉⲑⲛⲁⲛⲉϥ ⲉⲣⲉⲧⲉⲛϩⲱⲟⲩ ⲉⲃⲟⲗ ⲅⲁⲣ ϧⲉⲛⲡϩⲟⲩⲟ ⲙⲡⲓϩⲏ ⲧϣⲁⲣⲉ ⲡⲓⲣⲱ ⲥⲁϫⲓ .
You offspring of vipers, how can you, being evil, speak good things? For out of the abundance of the heart, the mouth speaks.
12.35
ⲡⲓⲁⲅⲁⲑⲟⲥ ⲛⲣⲱⲙⲓ ⲉⲃⲟⲗ ϧⲉⲛⲡⲉϥⲁϩⲟ ⲛⲁⲅⲁⲑⲟⲛ ϣⲁϥⲧⲁⲟⲩⲟ ⲙⲡⲓⲁⲅⲁⲑⲟⲛ ⲉⲃⲟⲗ ⲟⲩⲟϩ ⲡⲓⲣⲱⲙⲓ ⲉⲧϩⲱⲟⲩ ⲉⲃⲟⲗ ϧⲉⲛⲡⲉϥⲁϩⲟ ⲉⲧϩⲱⲟⲩ ϣⲁϥⲧⲁⲟⲩⲟ ⲛⲛⲓⲡⲉⲧϩⲱⲟⲩ ⲉⲃⲟⲗ .
The good man out of his good treasure brings out good things, and the evil man out of his evil treasure brings out evil things.
12.36
ϯϫⲱ ⲇⲉ ⲙⲙⲟⲥ ⲛⲱⲧⲉⲛ ϫⲉⲥⲁϫⲓ ⲛⲓⲃⲉⲛ ⲉⲧϣⲟⲩⲓⲧ ⲉⲧⲉⲛⲓⲣⲱⲙⲓ ⲛⲁϫⲟⲧⲟⲩ ⲥⲉⲛⲁϯ ⲗⲟⲅⲟⲥ ϧⲁⲣⲱⲟⲩ ϧⲉⲛⲡⲉϩⲟⲟⲩ ⲛⲧⲉϯⲕⲣⲓⲥⲓⲥ .
I tell you that every idle word that men speak, they will give account of it in the day of judgment.
12.37
ⲉⲃⲟⲗ ⲅⲁⲣ ϧⲉⲛⲛⲉⲕⲥⲁϫⲓ ⲉⲕⲉⲙⲁⲓ ⲟⲩⲟϩ ⲉⲃⲟⲗ ϧⲉⲛⲛⲉⲕⲥⲁϫⲓ ⲉⲩⲉϯϩⲁⲡ ⲉⲣⲟⲕ .
For by your words you will be justified, and by your words you will be condemned.'
12.38
ⲧⲟⲧⲉ ⲁⲩⲉⲣⲟⲩⲱ ⲛϫⲉϩⲁⲛⲟⲩⲟⲛ ⲉⲃⲟⲗ ϧⲉⲛⲛⲓⲥⲁϧ ⲛⲉⲛⲛⲓⲫⲁⲣⲓⲥⲉⲟⲥ ⲉⲩϫⲱ ⲙⲙⲟⲥ ϫⲉⲡⲣⲉϥϯⲥⲃⲱ ⲧⲉⲛⲟⲩⲱϣ ⲉⲛⲁⲩ ⲉⲟⲩⲙⲏⲓⲛⲓ ⲛⲧⲟⲧⲕ .
Then certain of the scribes and Pharisees answered, 'Teacher, we want to see a sign from you.'
12.39
ⲛⲑⲟϥ ⲇⲉ ⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉⲡⲓϫⲱⲟⲩ ⲉⲧϩⲱⲟⲩ ⲟⲩⲟϩ ⲛⲛⲱⲓⲕ ϥⲕⲱϯ ⲛⲥⲁⲟⲩⲙⲏⲓⲛⲓ ⲟⲩⲟϩ ⲟⲩⲙⲏⲓⲛⲓ ⲛⲛⲟⲩⲧⲏⲓϥ ⲛⲁϥ ⲉⲃⲏⲗ ⲉⲡⲓⲙⲏⲓⲛⲓ ⲛⲧⲉⲓⲱⲛⲁ ⲡⲓⲡⲣⲟⲫⲏⲧⲏⲥ .
But he answered them, 'An evil and adulterous generation seeks after a sign, but no sign will be given it but the sign of Jonah the prophet.
12.40
ⲙⲫⲣⲏϯ ⲅⲁⲣ ⲛⲓⲱⲛⲁ ⲉⲛⲁϥϧⲉⲛ ⲧⲛⲉϫⲓ ⲙⲡⲓⲕⲏⲧⲟⲥ ⲛⲅ ⲛⲉϩⲟⲟⲩ ⲛⲉⲙⲅⲛⲉϫⲱⲣϩ ⲡⲁⲓⲣⲏϯ ϩⲱϥ ⲡϣⲏⲣⲓ ⲙⲫⲣⲱⲙⲓ ⲉϥⲉⲉⲣ ⲅⲛⲉϩⲟⲟⲩ ⲛⲉⲙⲅⲛⲉϫⲱⲣϩ ϧⲉⲛⲡϩⲏⲧ ⲙⲡⲕⲁϩⲓ .
For as Jonah was three days and three nights in the belly of the whale, so will the Son of Man be three days and three nights in the heart of the earth.
12.41
ⲛⲓⲣⲱⲙⲓ ⲛⲧⲉⲛⲓⲛⲉⲩⲏ ⲉⲩⲉⲧⲱⲟⲩⲛⲟⲩ ϧⲉⲛϯⲕⲣⲓⲥⲓⲥ ⲛⲉⲙⲡⲁⲓϫⲱⲟⲩ ⲟⲩⲟϩ ⲉⲩⲉϯϩⲁⲡ ⲉⲣⲟϥ ϫⲉⲁⲩⲉⲣⲙⲉⲧⲁⲛⲟⲓⲛ ⲉⲡϩⲓⲱⲓϣ ⲛⲧⲉⲓⲱⲛⲁ ⲟⲩⲟϩ ⲓⲥ ϩⲟⲩⲟ ⲉⲓⲱⲛⲁ ⲙⲡⲁⲓⲙⲁ .
The men of Nineveh will stand up in the judgment with this generation, and will condemn it, for they repented at the preaching of Jonah; and behold, someone greater than Jonah is here.
12.42
ϯⲟⲩⲣⲱ ⲛⲧⲉⲥⲁⲣⲏⲥ ⲉⲥⲉⲧⲱⲛⲥ ϧⲉⲛϯⲕⲣⲓⲥⲓⲥ ⲛⲉⲙⲡⲁⲓϫⲱⲟⲩ ⲟⲩⲟϩ ⲉⲥⲉϯϩⲁⲡ ⲉⲣⲟϥ ϫⲉⲁⲥⲓ ⲉⲃⲟⲗ ϧⲉⲛⲛⲉⲁⲧ ⲙⲡⲕⲁϩⲓ ⲉⲥⲱⲧⲉⲙ ⲉϯⲥⲟⲫⲓⲁ ⲛⲧⲉⲥⲟⲗⲟⲙⲱⲛ ⲟⲩⲟϩ ⲓⲥ ϩⲟⲩⲟ ⲉⲥⲟⲗⲟⲙⲱⲛ ⲙⲡⲁⲓⲙⲁ .
The queen of the south will rise up in the judgment with this generation, and will condemn it, for she came from the ends of the earth to hear the wisdom of Solomon; and behold, someone greater than Solomon is here.
12.43
ⲉϣⲱⲡ ⲇⲉ ⲛⲧⲉⲡⲓⲡⲛⲉⲩⲙⲁⲛⲁⲕⲁⲑⲁⲣⲧⲟⲛ ⲓⲉⲃⲟⲗ ϧⲉⲛⲡⲓⲣⲱⲙⲓ ϣⲁϥϣⲉ ⲛⲁϥ ⲉⲃⲟⲗ ⲉϩⲁⲛⲙⲁⲛⲁⲑⲙⲱⲟⲩ ⲉϥⲕⲱϯ ⲛⲥⲁⲙⲁⲛⲙⲧⲟⲛ ⲟⲩⲟϩ ⲙⲡⲁϥϫⲓⲙⲓ .
But the unclean spirit, when he is gone out of the man, passes through waterless places, seeking rest, and doesn't find it.
12.44
ⲧⲟⲧⲉ ϣⲁϥϫⲟⲥ ϫⲉⲉⲓⲉⲧⲁⲥⲑⲟ ⲉϧⲟⲩⲛ ⲉⲡⲁⲏⲓ ⲡⲓⲙⲁ ⲉⲧⲁⲓⲓ ⲉⲃⲟⲗ ⲛϧⲏⲧϥ ⲟⲩⲟϩ ⲁϥϣⲁⲛⲓ ⲛⲧⲉϥϫⲉⲙϥ ⲉϥⲥⲣⲱϥⲧ ⲉϥⲥⲁⲣϩ ⲟⲩⲟϩ ⲉϥⲥⲉⲗⲥⲱⲗ .
Then he says, 'I will return into my house from which I came out,' and when he has come back, he finds it empty, swept, and put in order.
12.45
ⲧⲟⲧⲉ ϣⲁϥϣⲉ ⲛⲁϥ ⲛⲧⲉϥϭⲓ ⲛⲉⲙⲁϥ ⲛⲕⲉⲍ ⲙⲡⲛⲉⲩⲙⲁⲉⲩϩⲱⲟⲩ ⲉϩⲟⲧⲉⲣⲟϥ ⲟⲩⲟϩ ϣⲁϥⲓ ⲛⲧⲉϥϣⲱⲡⲓ ⲙⲙⲁⲩ ⲟⲩⲟϩ ϣⲁⲣⲉ ⲛⲓϧⲁⲉⲩ ⲛⲧⲉⲡⲓⲣⲱⲙⲓ ⲉⲧⲉⲙⲙⲁⲩ ⲉⲧϩⲱⲟⲩ ⲛⲁϥ ⲉⲛⲉϥϩⲟⲩⲁϯ ⲡⲁⲓⲣⲏϯ ⲡⲉⲑⲛⲁϣⲱⲡⲓ ⲙⲡⲁⲓϫⲱⲟⲩ ⲉⲧϩⲱⲟⲩ .
Then he goes, and takes with himself seven other spirits more evil than he is, and they enter in and dwell there. The last state of that man becomes worse than the first. Even so will it be also to this evil generation.'
12.46
ϩⲱⲥ ⲇⲉ ⲉϥⲥⲁϫⲓ ⲛⲉⲙⲛⲓⲙⲏϣ ⲓⲥ ⲧⲉϥⲙⲁⲩ ⲛⲉⲙⲛⲉϥⲥⲛⲏⲟⲩ ⲛⲁⲩⲟϩⲓ ⲉⲣⲁⲧⲟⲩⲥⲁⲃⲟⲗ ⲉⲩⲕⲱϯ ⲛⲥⲁⲥⲁϫⲓ ⲛⲉⲙⲁϥ .
While he was yet speaking to the multitudes, behold, his mother and his brothers stood outside, seeking to speak to him.
12.47
ⲡⲉϫⲉ ⲟⲩⲁⲓ ⲇⲉ ⲛⲛⲓⲙⲁⲑⲏⲧⲏⲥ ⲛⲁϥ ϫⲉϩⲏⲡⲡⲉ ⲓⲥ ⲧⲉⲕⲙⲁⲩ ⲛⲉⲙⲛⲉⲕⲥⲛⲏⲟⲩ ⲥⲁⲃⲟⲗ ⲥⲉⲕⲱϯ ⲛⲥⲱⲕ
One said to him, 'Behold, your mother and your brothers stand outside, seeking to speak to you.'
12.48
ⲛⲑⲟϥ ⲇⲉ ⲁϥⲉⲣⲟⲩⲱ ⲡⲉϫⲁϥ ⲙⲫⲏ ⲉⲧϫⲱ ⲙⲙⲟⲥ ⲛⲁϥ ϫⲉⲛⲓⲙ ⲧⲉ ⲧⲁⲙⲁⲩ ⲓⲉ ⲛⲓⲙ ⲛⲉⲛⲁⲥⲛⲏⲟⲩ .
But he answered him who spoke to him, 'Who is my mother? Who are my brothers?'
12.49
ⲟⲩⲟϩ ⲁϥⲥⲟⲩⲧⲉⲛ ⲧⲉϥϫⲓϫ ⲉⲃⲟⲗ ⲉϫⲉⲛⲛⲉϥⲙⲁⲑⲏⲧⲥ ⲡⲉϫⲁϥ ϫⲉϩⲏⲡⲡⲉ ⲓⲥ ⲧⲁⲙⲁⲩ ⲛⲉⲙⲛⲁⲥⲛⲏⲟⲩ .
He stretched out his hand towards his disciples, and said, 'Behold, my mother and my brothers!
12.50
ⲟⲩⲟⲛ ⲅⲁⲣ ⲛⲓⲃⲉⲛ ⲉⲑⲛⲁⲉⲣⲡⲉⲧⲉϩⲛⲉ ⲡⲁⲓⲱⲧ ⲉⲧϧⲉⲛⲛⲓⲫⲏⲟⲩⲓ ⲛⲑⲟϥ ⲡⲉ ⲡⲁⲥⲟⲛ ⲛⲉⲙⲧⲁⲥⲱⲛⲓ ⲛⲉⲙⲧⲁⲙⲁⲩ .
For whoever does the will of my Father who is in heaven, he is my brother, and sister, and mother.'
13.1
ⲛϩⲣⲏⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉⲧⲁϥⲓ ⲉⲃⲟⲗ ϧⲉⲛⲡⲓⲏⲓ ⲛϫⲉⲓⲏⲥⲟⲩⲥ ⲛⲁϥϩⲉⲙⲥⲓ ⲡⲉ ⲉⲥⲕⲉⲛⲫⲓⲟⲙ .
On that day Jesus went out of the house, and sat by the seaside.
13.2
ⲟⲩⲟϩ ⲁⲩⲑⲱⲟⲩϯ ϩⲁⲣⲟϥ ⲛϫⲉϩⲁⲛⲛⲓϣϯ ⲙⲙⲏϣ ϩⲱⲥⲧⲉ ⲛⲧⲉϥⲁⲗⲏⲓ ⲉⲡϫⲟⲉⲓ ⲛⲧⲉϥϩⲉⲙⲥⲓ ⲡⲓⲙⲏϣ ⲇⲉ ⲧⲏⲣϥ ⲛⲁϥⲟϩⲓ ⲉⲣⲁⲧϥ ϩⲓϫⲉⲛⲫⲓⲟⲙ .
Great multitudes gathered to him, so that he entered into a boat, and sat, and all the multitude stood on the beach.
13.3
ⲟⲩⲟϩ ⲛⲁϥⲥⲁϫⲓ ⲛⲉⲙⲱⲟⲩ ⲛϩⲁⲛⲙⲏϣ ϧⲉⲛϩⲁⲛⲡⲁⲣⲁⲃⲟⲗⲏ ⲉϥϫⲱ ⲙⲙⲟⲥ ϩⲏⲡⲡⲉ ⲁϥⲓ ⲉⲃⲟⲗ ⲛϫⲉⲫⲏ ⲉⲧⲥⲓϯ ⲉⲥⲓϯ .
He spoke to them many things in parables, saying, 'Behold, a farmer went out to sow.
13.4
ⲟⲩⲟϩ ϧⲉⲛⲡϫⲓⲛⲑⲣⲉϥⲥⲓϯ ϩⲁⲛⲟⲩⲟⲛ ⲙⲉⲛ ⲁⲩϩⲉⲓ ⲉⲥⲕⲉⲛⲡⲓⲙⲱⲓⲧ ⲟⲩⲟϩ ⲁⲩⲓ ⲛϫⲉⲛⲓϩⲁⲗⲁϯ ⲟⲩⲟϩ ⲁⲩⲟⲩⲟⲙⲟⲩ .
As he sowed, some seeds fell by the roadside, and the birds came and devoured them.
13.5
ϩⲁⲛⲕⲉⲭⲱⲟⲩⲛⲓ ⲇⲉ ⲁⲩϩⲉⲓ ⲉϫⲉⲛⲡⲓⲙⲁ ⲙⲡⲉⲧⲣⲁ ⲡⲓⲙⲁ ⲉⲧⲉⲙⲙⲟⲛ ϣⲱⲕ ⲛⲕⲁϩⲓ ⲙⲙⲟϥ ⲟⲩⲟϩ ⲁⲩⲣⲱⲧ ⲥⲁⲧⲟⲧⲟⲩ ϫⲉⲙⲙⲟⲛⲧⲟⲩ ϣⲱⲕ ⲛⲕⲁϩⲓ .
Others fell on rocky ground, where they didn't have much soil, and immediately they sprang up, because they had no depth of earth.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.